Besnik Aliaj përballë Fatos Nano në Sarandë

[Hyllien]

Flet kandidati i PD-së në zonën 99 të Sarandës. “Pse vendosa të kandidoj përballë kryeministrit”

Aliaj: Jam i bindur se do ta mund Nanon

“Me përgjegjësi qytetare vendosa t’i them stop politikëbërjes antikombëtare dhe politikanëve të dështuar të tranzicionit”

Thoma Nika

TIRANË - Kandidati i Partisë Demokratike në zonën 99 në Sarandë, njëkohësisht anëtar i KOP-it, Besnik Aliaj, tha dje pas prezantimit të tij në qytetin bregdetar, se ishte i bindur që do të fitonte në zgjedhjet e verës. Aliaj, duke folur për vendimin për të kandiduar përballë kryeministrit në zgjedhje, tha se “Është përgjegjësia gati e harruar qytetare dhe intelektuale për të guxuar e për t’i thënë stop politikëbërjes antikombëtare dhe politikanëve të dështuar të tranzicionit të egër të Shqipërisë”.
Kush është Besnik Aliaj?
Unë jam një qytetar i thjeshtë, që i përkas asaj jete që bëni edhe ju, dhe jam këtu pjesë e juaja.
E patët të lehtë për të vendosur të kandidoni përballë Nanos?
- Vendimi im, edhe pse mëse i guximshëm dhe me kosto ndoshta personale për mua, është plotësisht i bazuar në mendime të kthjellta, profesionale dhe qytetare, në mendime të pavarura. Është përgjegjësia gati e harruar qytetare dhe intelektuale për të guxuar e për t’i thënë stop politikëbërjes antikombëtare dhe politikanëve të dështuar të tranzicionit të egër të Shqipërisë.
Ju pëlqen sfida?
Veprimi im është sfida që brezi të cilit i takoj edhe unë, i bën pseudoelitës aktuale politike. Është një politikë e asgjëbërjes dhe e përbuzjes morale të qytetarëve të thjeshtë, e përbuzjes materiale ndaj tyre. Më shumë se gjithçka, vendimi im mbetet një thirrje për të mos heshtur dhe për të mos u nënshtruar, thirrrje drejtuar ndërgjegjes qytetare dhe intelektuale, akademikëve të shoqërisë sonë, mediave të pavarura dhe shoqërisë civile në tërësi. Është thirrje për të mos legjitimuar uzurpatorët që e mbajnë këtë vend peng, larg aspiratave për një shoqëri normale, moderne, të lirë dhe të ndershme.
Lidhet kandidimi me ndonjë pasion tuajin për politikën e orientuar djathtas?
Futem në këtë sfidë të vështirë mëse i ndërgjegjshëm për efektet dhe pasojat e mundshme që kam, por aspak për interesa mjerane. Në këtë sfidë jam i pastër, i qetë e i ndershëm dhe nuk udhëhiqem absolutisht nga interesa të ngushta politike apo ndonjë pasion i caktuar politik. Unë nisem mbi gjithçka nga nevoja urgjente që kemi për ndryshim dhe kur them nevoja, kuptoj një rotacion normal pa ngërçe e pasoja për gjithë shoqërinë tonë.
Sa i motivuar dhe sa “i sakrifikuar” ndjehesh, duke kandiduar në Sarandë?
Unë nuk e quaj fare sakrificë, se kështu e konsiderojnë ata që e konsiderojnë këtë një tabu. Unë nuk vuaj nga komplekset dhe tabutë, jam qytetar i lirë i këtij vendi. E quaj detyrim që njohuritë e mia që kam marrë në Perëndim, paratë që kanë paguar taksapaguesit perëndimorë t’i bëj eficente për këtë vend. Ky është detyrimi im dhe do ta bëj.
Cilat janë shanset për të fituar përballë Nanos?
Unë jam i bindur që do të fitoj!



Kryeministri komenton me tone të buta kandidaturën e Besnik Aliajt

Nano: Sfidanti im? Gara e hapur për të gjithë

A. Rama

TIRANË - Kryeministri Fatos Nano, për herë të parë, dje ka komentuar rivalin e tij në zonën elektorale të qytetit të Sarandës, kandidatin e PD-së, Besnik Aliaj. I pyetur nga gazetarët dje në Sarandë, se si e vlerësonte kandidaturën e opozitës të ardhur nga shoqëria civile, kreu i ekzekutivit, është përgjigjur se në demokraci ka vend dhe hapësirë për të gjithë. Ai ka shtuar se kishte informacione se kandiati i PD-së ishte specialist i urbanistikës. “Kjo është bukuria e këtij momenti që ka mbërritur demokracia në Shqipëri, pra, kur ka hapësirë komunitare, ajo mbështetet veçanërisht në funksionimin demokratik të shoqërisë dhe më vjen mirë që, në qoftë se s’janë thashetheme, edhe konkurrenti i Partisë Demokratike përballë meje është specialist i urbanistikës. Për pasojë, ky do të jetë një shesh, ku do të konkurrojnë gjithashtu të gjithë. Ky do të jetë një shesh që po hapet për të mos u mbyllur më nga mitingje fanatikësh dhe ku edhe ata që fitojnë, edhe ata që humbasin, mund të lëvizin si njerëz të nderuar dhe të respektuar”,- tha Nano. Ndërkaq Nano dje zhvilloi një takim me nxënës e studentë të qytetit bregdetar, duke kërkuar mbështetjen e tyre gjatë zgjedhjeve, një pjesë prej të cilëve votojnë për herë të parë. Ai është shprehur se Saranda ka nevojë për një ndryshim, duke u kërkuar atyre që të bëheshin pjesë e këtij ndryshimi pasi ky qytet kishte nevojë për energjitë e tyre. Nano ftoi të rinjtë sarandiotë të merrnin në duar projektet politike të së ardhmes. Ai tha se ishte në Sarandë për të rikuperuar shkatërrimin e qytetit bregdetar dhe për të vendosur rregullin e munguar në zhvillimin urbanistik të tij.
(Shekulli)

Mendoni se ka shanse Aliaj perballe Nanos?
Humbet PS-ja, humbet Nano?
Optimizem i tepruar?

[dodoni]

Mendoj se politika shqiptare ka filluar te ngopet me akuzat dhe sharjet e tejskajshme vecanerisht ne fushatat zgjedhore. Dhe kjo eshte nje gje shume pozitive, urojme qe te vazhdoje keshtu dhe te kemi sa me pak dukuri te tilla negative.

Duke pasur parasysh faktin qe nje specialist i urbanistikes do te mund te perfaqesonte shume mire interesat e sarandasve ne kuvend dhe poashtu faktin tjeter qe eshte nje figure e re nga shoqeria civile, mendoj qe ka shansa te fitoje.

Nano edhe po i humbi zgjedhjet, ai prape mund te futet deputet nepermjet listave. Megjithese, ai ka premtuar se nese PS i humb zgjedhjet, do te largohet nga politika. Poashtu edhe Berisha. Pra, ne keto zgjedhje, njeri nga ta do largohet perfundimisht nga politika, a do jete Nano apo Berisha, mbetet te shihet.

Tung

[DYDRINAS]

Nuk eshte problemi nese do te fitoje apo nuk do te fitoje Besnik Aliaj por lexoni me vemendje se cfare gjuhe perdor ai ne krahasim me Nanon.
Dallimi eshte shume i madh ne te gjitha drejtimet por ajo qe mua me beri pershtypje eshte menyra e te shprehurit e Aliajt ndersa Nano dhe pseudoelita qe drejton sot vendin (ne te dy krahet) cdo gje mund te jete vecse elite kurre.
Nje elite nuk perdor ate gjuhe mulliri qe desheron vetem te bluaje pa pasur drithe brenda por thjesht per hir te faktit se mulliri duhet te punoje me ose pa uje e me ose pa drithe.
Mullixhinjte aktuale te politikes shqiptare mendojne se shqiptaret keshtu do te vazhdojne gjithmone e te mbajne ne krye njerez te deshtuar ne te gjitha drejtimet.
Ka ardhur koha e njerezve te tipit Aliaj e shume e shume te tjere si ai qe jane shkolluar ne perendim (majtas apo djathtas qofshin) e jo te atyre qe kane mbrojtur tema e disertacione ne shkollen e Partise se Punes apo qe kane dhene nje "kontribut" madheshtor ne ndertimin e "socializmit" allashqiptar.
Pare ne perspektive i uroj fitore Aliajt dhe te gjithe atyre qe kandidojne me te njejtat parametra si ai ne te gjithe spektrin politik shqiptar (majtas dhe djathtas) e te kemi ne historine tone per here te pare fytyra te reja e mendime te reja.

[Brari]

Tema

--


Nuk kam përballë Fatos Nanon, por problemet e
qeverisjes

Nga Besnik Aliaj*

Sot jam këtu për të hapur një dialog me banorët e
Sarandës dhe të gjithë Shqipërisë, për të reflektuar
të gjithë së bashku pa dallim bindjeje politike, për
ngërçin 15 vjeçar të një tranzicioni rropatës për të
gjithe ne.
Ju ftoj të komunikojmë së bashku në një moment kthese
historike, që fillon sot, por kurrsesi nuk ka për të
përfunduar ditën e zgjedhjeve.
Miq të medias, ju ftoj të kontriboni me integritetin
tuaj profesional për kauzën e një Shqipërie ndryshe.
Sot kam vendosur të bëj publik vendimin tim, që tashmë
është bindje e patundur, për t’u regjistruar si
kandidat i një fronti opozitar, politik dhe qytetar,
përballë nëpërkëmbjes së turpshme që politika e
korruptuar dhe qeverisja e papërgjegjshme i ka bërë
këtij vendi që Zoti i ka dhënë gjithçka, përveç
vullnetit politik dhe respektit për shtetasin e
thjeshtë.
Dua të siguroj opinionin publik se vendimi im nuk
është ndonjë lajthitje e rastit si pasojë e fantazisë
së sëmurë. Ai nuk është as naivitet nga idealizmi i
ekzagjeruar dhe as protagonizëm i tepruar.
Në të kundërt, unë sot dëshmoj se vendimi im edhe pse
më shumë se i guximshëm dhe me kosto personale, është
thellësisht i bazuar tek mendime të kthjellta dhe të
pavarura, tek përgjegjësia gati e harruar qytetare dhe
intelektuale, tek guximi për t’i thënë stop
politikë-bërjes antikombëtare dhe politikanëve të
dështuar të tranzicionit te egër të Shqipërisë.
Me këtë rast deklaroj se angazhimi im është sfidë e
brezit që i përkas, ndaj “pseudo-elitës” aktuale
politike dhe politikës asgjëbërëse dhe përbuzjes
morale e materiale ndaj qytetarit të thjeshtë.
Më shumë se gjithçka vendimi im është thirrje për
mos-heshtje dhe mos-nënshtrim, thirrje drejtuar
ndërgjegjes qytetare, intelektuale dhe akedemike të
shoqërisë sonë, mediave të pavarura dhe shoqërisë
civile, thirrje për të mos legjitimuar uzurpatorët, të
cilët po e mbajnë këtë vend peng dhe larg aspiratave
për një shoqëri normale, moderne, të lirë e të
ndershme.
Ndaj unë deklaroj sot publikisht se futem në këtë
sfidë të vështirë mëse i ndërgjegjshëm, për efektet
dhe pasojat e mundshme që ka, dhe aspak për interesa
mjerane. Në këtë sfidë jam i pastër, i qetë dhe i
ndershëm sa të mos udhëhiqem nga pasionet politike,
por për të mbështetur nevojën urgjente për ndryshim,
në kuptimin e një rotacioni normal pa ngërçe dhe
pasoja për të gjithë në si shoqëri, një rotacion që do
të krijonte shanset që shoqëria jonë të vazhdojë
reformat e nisura dhe të lëna përgjysmë një rotacion
normal që është e vetmja mënyrë që rihap shanset tona
për të nisur dhe një herë proçesin e integrimit të
pakthyeshëm të Shqipërisë dhe shqiptarëve me botën
moderne.
Unë kam bindjen se brezi i ri i ka të gjitha
kapacitetet për të bërë një hap të madh reformues, për
të evidentuar lidershipin e të ardhmes europiane të
Shqipërisë. Ky vend ka nevojë për vizion, ekspertizë
dhe vullnet të mirë politik.
Hapja e opozitës provoi se suksesi dhe e ardhmja e
këtij vendi kalon përmes një inspirimi të një mendësie
të re, dhe kurajos për të ecur para. Ky inspirim i ri
i iniciuar nga lidershipi i opozitës vjen si pergjigje
ndaj nevojës qytetare dhe anëtarësisë së thjeshtë për
të mundësuar një shoqëri ndryshe.
Në ditët dhe javët që do vijnë sytë dhe zemrat e shumë
qytetarëve shqiptarë do të jenë në Sarandë. Le ta
ndëshkojmë së bashku paaftësinë, kushdo qoftë ajo,
përmes ushtrimit demokratik të votës së lirë.
Ju falenderoj që më dhatë mundësinë që të jem pjesë e
juaja në këtë ndryshim historik dhe i fitores sonë të
përbashkët.
(Fjala e mbajtur gjatë prezantimit si kandidat i
Partisë Demokratike në zonën 99)


KOP së bashku me PD paraqesin kandidaturën e Aliajt.
Nano sulmon KOP-in në një takim me disa të rinj

Besnik Aliaj pritet me entuziazëm në Sarandë

Partia Demokratike dhe Komiteti i Orientimit të
Politikave që funksionon pranë kësaj partie,
prezantuan ditën e djeshme në qytetin e Sarandës,
kandidaturën e kësaj partie për zonën 99, arkitektin e
njohur, njërin nga ekspertët më të mirë në vend në
fushën e administrimit të territorit, Besnik Aliajn.
Prezantimi i kandidaturës së tij u bë nga nënkryetari
i kësaj partie, Bamir Topi. Njëkohësisht me këtë
prezantim, përfaqësuesit e Komitetit të Orientimit të
Politikave kanë prezantuar projektin e tyre për
administrimin e territorit, projekt i hartuar me
përgjegjësinë e Aliajt, i cili ka më shumë se dhjetë
vjet që drejton një nga institucionet më të suksesshme
në këtë drejtim. Anëtarët e Komitetit të Orientimit të
Politikave dhe kandidati demokrat për Sarandën kanë
shëtitur në bulevardin e qytetit, dhe janë takuar me
banorët. Prezantimi i Aliajt është pritur me
entuziazëm nga banorët e qytetit, të cilët kanë
përshëndetur atë dhe i kanë deklaruar se ai do të jetë
fitues. Anëtarët e KOP kanë vizituar dhe Ksamilin.
Edhe aty, kandidati demokrat ka gjetur mbështetjen e
banorëve. Aliaj ka pranuar sfidën e kandidimit dhe
duke folur para të pranishmëve, tha se kjo është një
sfidë mes brezit të intelektualëve dhe
“pseudo-elitës”. Ai i bëri thirrje ndërgjegjes
qytetare që të reagojë ndaj kësaj situate që ka
krijuar qeverisja socialiste. “Sot kam vendosur të bëj
publik vendimin tim, që tashme eshte bindje e
patundur, per t’u regjistruar si kandidat i një fronti
opozitar, politik dhe qytetar, perballe neperkembjes
se turpshme qe politika e korruptuar dhe qeverisja e
papergjegjshme i ka bere ketij vendi qe Zoti i ka
dhene gjithçka, perveç vullnetit politik dhe respektit
per shtetasin e thjeshtë,” tha Aliaj. Nga ana tjetër,
kundërshtari i tij, kryeministri Fatos Nano bashkë me
të shoqen kanë hapur thesin e investimeve për këtë
fushatë elektorale. Kryeministri ka mbledhur një grup
të rinjsh para të cilëve ka gjetur vendin për të
sulmuar indirekt kundërshtarin e tij, i cili, sipas
Nanos po përdoret nga interesat aktuale politike. “Unë
dua që ju të gjeni te ky vullnet politik, i imi dhe i
socialistëve, për ndryshim të madh dhe për partneritet
me ju, hapësirën për të realizuar ambicjet dhe
interesat tuaja. Ju nuk duhet të viktimizoheni nga
askush, që do të synonte për shkaqe elektorale apo të
tjera, të trafikonte me interesin tuaj për të mirën e
vet dhe jo tuajën. Kjo është politika e vjetër, të
cilën unë ju ftoj ta shpartallojmë sëbashku,” tha Nano
para të rinjve.


Ministri i Rendit ka dërguar në kavalishencën e
Ministrisë së Rendit në Durrës, 200 votuese gra të
zonës së Kombinatit

Toska, gratë e Kombinatit për drekë në kavalishencë

Dreka e servirur nga ministri Toska në Kavalishencën e
Ministrisë në Durrës ka qenë me një kosto shumë të
lartë. Burimet thanë se për çdo pjesëmarrës në drekë
është paguar 90 mijë lekë të vjetra. Ndërkohë që Toska
u ka premtuar pjesëmarrëseve edhe punësim në
Ministrinë e Rendit.

Ministri i Rendit, Igli Toska vazhdon të përdorë
Ministrinë e Rendit për fushatën e tij elektorale,
ndërsa ka dërguar në kavalishencën e institucionit në
Durrës, 200 votuese gra nga zona e Kombinatit. Burimet
i thanë gazetës se 200 gra nga Kombinati kanë drekuar
të premten në Shtëpinë e Pushimit të dikasterit të
Rendit në bregdetin e Durrësit.
Burime të sigurta i thanë gazetës se pesë autobusë me
gra të moshave të ndryshme, por me banim të njëjtë,
kanë kaluar një pjesë të mirë të së premtes nën
shoqërinë e Igli Toskës në Kavalishencën e Ministrisë
në Durrës. Burimet sqaruan gjithashtu se gratë nga
Kombinati janë dërguar në Kavalishencë nga një njeri i
afërt i ministrit Toska, i cili kishte organizuar
gjithçka në ambjentet, të cilat janë tepër sekret dhe
të ndaluara për shumë nga qytetarët.
Bashkorganizator në këtë skandal mësohet se ka qenë
drejtori i Kavalishencës në Durrës, i cili është
dërguar nga Toska si i besuari i tij. Personi në fjalë
është përfolur pasi një pjesë e mirë e Kavalishencës
pritet që të privatizohet së shpejti.
Ministri Toska ka marrë pjesë në ceremoni me vonesë,
pasi ka shkuar menjëherë mbasi është kthyer nga një
vizitë jashtë Shqipërisë. Ai i ka përshëndetur gratë
pjesëmarrëse dhe u ka kërkuar votën duke e kthyer
institucionin shtetëror në një institucion privat.
Dreka e servirur nga ministri Toska ka qenë me një
kosto shumë të lartë. Burimet thanë se për çdo
pjesëmarrës në drekë është paguar 90 mijë lekë të
vjetra.
Pas drekimit, ministri Toska ka falenderuar gratë
pjesëmarrëse dhe u ka thënë atyre se ato mund të
punojnë në Policinë e Shtetit. Toska ka shpjeguar se
atyre nuk iu mungon aftësia për të punuar në polici,
megjithëse më parë kanë punuar në Kombinat.
Organizimi i aktivitetit është bërë nën masa të rrepta
sigurie dhe nuk janë lejuar mediat.
Njerëz të Toskës kanë detyruar edhe rojen e shërbimit
të qëndrojë jashtë ambjentit. Toska ka folur pak për
rolin e grave në institucionin e tij ndërsa i ka ftuar
të drekojnë në fillimin e fushatës pasi të tjera dreka
të tilla do të jenë të pranishme për to.
Ky nuk është precedenti i parë, kur ministri Toska
përdor një institucion shtetëror, për shërbime
personale. Aio ka detyruar mbi 50 drejtues në
Ministrinë e Rendit që të merren me fushatën e tij
elektorale në zonënë e Kombinatit, ku kandidon nën
siglën e Partisë Socialiste.
Artur Llana


Republikanët denoncojnë këtë shkelje të socialistëve.
Sipas tyre në fushatë po derdhen fondet e
taksapaguesve

Opozita: Administrata, e gjitha në fushatën e
socialistëve

Sekretari i Përgjithshëm i Partisë Republikane,
Aleksandër Garuli tha ditën e djeshme se administrata
shtetërore si dhe fondet e taksapaguesve shqiptarë
janë vënë tërësisht në dispozicion të fushatës së
kandidatëve të Partisë Socialiste. Sipas tij, në
mënyrë abuzive, kryeministri Nano, anëtarë të
kabinetit të tij dhe drejtues të administratës, përveç
fondeve kanë vënë në dispozicion çdo gjë tjetër të
nevojshme, në favor të partisë në pushtet.
“Administrata shtetërore akoma pa filluar fushata
elektorale po bëhet palë e partisë në pushtet.
Lëvizjet e kryeministrit dhe të ministrave me fondet e
shtetit, në cilësinë e kandidatëve për deputetë në
zonat ku ata kandidojnë, janë abuzime me paratë e
taksapagusve. Angazhimi i strukturave të shtetit
automjetet, shoqëruesit, sallat e takimeve dhe çdo
shpenzim për fushatën e qeveritarëve bëhet me paratë e
shtetit,” tha Garuli. Sekretari i përgjithshëm i
PR-së, Garuli theksoi gjithashtu se angazhimi i
drejtuesve të administratës në fushatën e kandidatëve
socialiste ka sjellë një mosfunksionim të
administratës. “Angazhimi i drejtuesve të rëndësishëm
të administratës shtetërore në zonat e tyre elektorale
ka sjellë për pasojë mosfunksionimin normal të
qeverisë. Kjo administratë edhe në momentet e
funksionimit të saj normal nuk ka qenë e aftë t’u
përgjigjet problemeve të vendit aq më tepër në këto
momente kur po vihet në shërbim të parafushatës së
qeveritarëve ajo po kthehet në inekzistente,” tha
Garuli. Ai tha se angazhimi i punonjësve të
administratës dëshmon qartë se socialistët synojnë
mbajtjen me çdo kusht të pushtetit. Ky qëndrim i
socialistëve ndaj administratës, sipas tij, dëshmon
edhe një herë se për ata këto nuk këto janë thjesht
zgjedhje politike, por mbrojtje me çdo kusht e
pushtetit të monopoleve ekonomike.


Godo: Kandidimi i të inkriminuarve, kërcënim serioz

Presidenti i Nderit në Asamblenë Republikane, Sabri
Godo tha ditën e djeshme se kandidimi i njerëzve të
inkriminuar dhe biznesmenëve të dyshimtë përbën një
kërcënim serioz për zgjedhjet dhe të ardhmen e vendit
dhe rrugën e tij drejt integrimit. Këto deklarata Godo
i bëri një ditë pas prononcimit të Ambasadorit të
KE-së Lutz Saltzmann. Godo tha se kandidimi nga ana e
Partisë Socialiste i këtyre personave ka për qëllim
mbajtjen në kontroll të legjislativit të ardhshëm, dhe
kontrolli i mëpasëm mbi ekzekutivin. “Ambasadori
Saltzmann ka plotësisht të drejtë pasi një nga
elementët që kërcënojnë dhe komprometojnë këto
zgjedhje është përzgjedhja e deputetëve. Duket se ka
një tendencë nga Partia Socialiste për të kandidauar
me njerëz që kanë abuzuar me pushtetin dhe që në të
ardhmen ta përdorin pushtetin në dobi të fushatës nga
biznesmenë që kanë mbirë befas nga dheu. Me këto
kategori me sa duket kërkon të ketë një ndikim të
fortë mbi legjislativin dhe mbi kuvendin e ardhshëm
dhe nëpërmjet tij pastaj të mbajë nën kontroll edhe
ekzekutivin,” tha Godo. Kjo, sipas tij, është një
taktikë, e cila do të ketë pasoja negative në procesin
e integrimit të vendit. Ndërsa duke u ndalur në
zgjedhjet e ardhshme parlamentare, Godo theksoi se
ashtu siç është theksuar dhe nga përfaqësuesit
ndërkombëtarë janë të një rëndësie të veçantë për të
ardhmen e vendit. “Qeveria e cila cila përgjigjet për
zgjedhjet por dhe opozita që ka rolin e saj nëse nuk
kuptojnë edhe kësaj here se ç‘do të bëhet sot me neve,
atëherë them se do të tregohen tërësisht të
papërgjegjshëm,” u shpreh Godo.

[XY3005]

Fitorja e Aliajt ne Sarande me duket e veshtire.
Saranda zor se merret nga demokratet - ajo dhe shum zona ne jug jan zonat tradite te Ps.

[Flori]

Aliaj: Jam i bindur se do ta mund Nanon

Ishalla (yn)

[DYDRINAS]

XY3005

Cfare do te thote se kjo zone dhe shume zona ne jug jane tradite e PS?
Cfare eshte PS per jugun nje parti apo nje cete kacakesh qe mban ne dore jugun?
Pak e cuditshme per vellezerit e jugut qe pranokan te rrijne gjithnje me PS edhe kur ajo ben cfare te doje.
Tradita qe permende per mendimin tim eshte vecse nje atavizem feudesh te cileve ju ka ikur koha te pakten ne Evropen e sotme.
Shqiperia nuk ka nevoje te qeveriset me mentalitet feudal por me mentalitet modern ku njerezit dhe bindjet te shikohen te ndara nga lidhjet fisnore e krahinore.
Nuk ka PDV e PSJ por ka PDSH e PSSH.

[dardajan]

Besnikun e njoh dhe me njeh personalisht qe ne vitet e shkolles se larte ne Tirane , eshte nje ekspert ne fushen e tij dhe njeri me intelekt ,pra nga ana profesionale i heq kapelen ndersa nga ajo morale i ve prap kapelen ,sepse ka nje pike te perbashket me Nanon ate te shkaterrimit te familjes se tij per nje dashuri te re me sekretaren e tij meqe eshte 10 vjet me e re se ish gruaja e tij ata te dy jane njohur ne bangat e shkolles dhe dolen te dy arkitekt te talentuar duke bere edhe disa punime sebashku nga dashuria e tyre lindi nje vajze qe sot esht rreth 14-vjec por ne veren e vitit qe shkoj ai la familjen per sdopiamento te personalitetit dhe sot ndodhet ne gjygj per ndarjen e familjes se tij gati 20 vjecare.


do thoni ju qe nuk na interresojne keto jane ceshtje private ,vertet ashtu eshte por kur ti vendos te behesh person publik eshte mire te njihet edhe ana morale .

nuk kam deshire ta zbras akoma thesin por i uroj suksese


cudi keta politikanet shkojne gjithmone me sekretaret e tyre dhe ja varin familjes .

[RRyma]

!........................................!
A KA EDHE ME MANIPULU KETU A
i terhjeki flet qe i thash me heret

[Antimafia]

nuk kam deshire ta zbras akoma thesin por i uroj suksese

Mos doje te thoje:

Nuk kam deshire qe te zbraz qesken dhe jo thesin???

E kam fjalen per qesken e temthit.

Kam pare e skam pare postime neper forume, por nje menyre te tille te vjelluri vrer skam pare.

Edhe Kobra me helnuese ne Afrike, do te te kishte zili.
Rreshqite bukur dhe pa u ndjere ( e njoh me njeh, shok shkolle etc) dhe pastaj fap
nje ngulje e dhembeve te helmit, shkurt ne shenje dhe i ftohte.


---------------

Kujt i intereson se kujt ja ve dhe kujt ja heq Besnik Aliaj.
Ai po kandidon per deputet dhe jo per pap. Papen kane filluar ta zgjedhin sot kardinalet ne Vatikan.

Nanon nuk e shau kush se pse u nda qytetari Fatos Nano nga gruaja dhe mori nje me te re ( kete deshire e ka cdo mashkull, te cilit i punon sistemi hidraulik , mbi 10 vjet qe punon te e njejta nderrmarje dhe qe i jepet rasti)
Kancelari Gjerman Schröder eshte martuar 4 here deri tani.
Ministri Jashtem Gjerman Fischer 5 here.

Kryeministri Nano u martua me nje femer, e cila sipas shefit te sherbimit sekret shqiptar te asaj kohe Fatos Klosi, kishte lidhje me sherbimin sekret grek.

[SKAI]

Fitorja e Aliajt ne Sarande me duket e veshtire.
Saranda zor se merret nga demokratet - ajo dhe shum zona ne jug jan zonat tradite te Ps.

Vertet Saranda eshte nje qytet me prirje te majta por kjo nuk do te thote qe eshte monopol i PS. Kete e treguan edhe zgjedhjet e fundit per kryetar bashkie ku ai qe fitoi ishte kandidati i PD-se perballe atij te PS-se. Ne keto zgjedhje Saranda eshte per tu marre shembull sepse nuk ja dha voten nje kandidati qe ja kishte dhene dy here dhe nuk kishte bere asgje por ja dha voten nje njeriu pontore pamvarsishte nga perkatsia partiake. Dhe ky po jua shperblen besimin me pune duke e shndrruar Saranden pak nga pak ne nje qytet me te vertet turistik. Pra keto zgjedhje treguan se sarandiotet nuk zgjodhen partine por zgjodhen njeriun.

[DYDRINAS]

Keshtu duhet te jete perhere SKAI-jo njeriu qe shet fjale e demagogji por ai qe jep ndihmese reale ne zhvillimin e qytetit te Sarandes dhe te vendit.
Nano s'ka se cfare t'i jape asgje Sarandes por vetem t'i marre e per me teper e kujtojne Saranden dhe jugun apo veriun si nje monopol te tyrin te cilin e "shkelin" sa here qe te duan.
Kete here duhet te behet "fshesa" shqiptare e politikes qe nenkupton zgjidhje dhe jo zgjedhje.
Ne duhet te bejme ndarjen me kete pseudoelite politikanesh-pjelle dhe atavizem i sistemit parti-shtet.
Ata nuk kane se cfare t'i japin Shqiperise sepse nuk munden dhe nuk dijne.
Ata dijne vec te marrin sic i moren tere keto vite brezave te rinj shqiptare duke i lene rrugeve dhe paperspektive.

[RTP]

Sukses Besnikut!

[ErionB]

Thjeshte fakti qe Fatos Nano eshte terhequr nga zona e tije ku ka kandiduar gjithmone drejt Sarandes te jep te mendosh se ai i trembet ketyre zgjedhjeve. Gjithashtu edhe vonesat per ndarjen e zonave tregon se Nano e ka friken konkurimin e ndershem, dhe aq me teper me nje kandidat kaq te forte sa Besnik Aliaj.
Ndoshta jam shume optimist ne keto momente per kandidaturen e Z Aliaj, por mandati eshte i tije per tu humbur...

[Brari]

RD
-----


Shtabi i Idrizit përjashton qindra votues nga votimi

Në zonën elektorale Nr.37 të kryeqytetit ku për PS-në kandidon kreu i doganave, Shpëtim Idrizi, po bëhen të gjitha përpjekjet për shkatërrimin e procesit zgjedhor. Ekstremistët e PS që përbëjnë shtabin elektoral të Idrizit po përdorin të gjitha format e vjetra manipulative, që nga përjashtimi i votuesve nga listat e zgjedhësve e deri tek tentativa për blerjen e votave me paratë e vjedhura në dogana.

Rasti më tipik është Qendra e Votimit Nr.1757, në listat paraprake të së cilës janë lënë pa u përfshirë 178 zgjedhës.

Kryetari socialist i Njësisë Bashkiake, Ilir Kokona, që mbulon këtë zonë zgjedhore i ka lënë ata qëllimisht jashtë listës paraprake, duke i identifikuar shumicën e tyre si votues të Partisë Demokratike.

Nga evidentimi që kanë bërë shtabet e opozitës konstatohet se janë lënë jo një e dy, por familje të tëra të paregjistruara në listat paraprake. Kjo provohet me zgjedhës të shumtë të të njëjtit mbiemër si Hushi, Murja, Çuko, Skëndaj, Faqolli, Metani, Xhani, etj, të njohur si kontigjent që në të gjitha zgjedhjet ka mbështetur Partinë Demokratike.

Gjithashtu, nga burime të sigurta që vijnë nga banorë të kësaj zone bëhet e ditur se kreu i doganave, Idrizi, që kandidon për Partinë Socialiste në këtë zonë, vjedh në mënyrë të hapur energjinë elektrike nga lidhje të paligjshme për ndriçimin e zyrës së shtabit të tij elektoral.

H.R

-----------

hm...

Kur ne Tirane nen hunde te Saliut bejne palle Socialistet.. mendo ne Sarande e Tepelene cdo behet..

[Brari]

RD

--

Kush e betonoi Sarandën?

Kryeministri Nano, në fushatën e tij të premtimeve boshe, deklaroi dje gjatë një takimi për turizmin të zhvilluar në Durrës se do të luftonte për zhbetonimin e bregdetit shqiptar dhe kryesisht atij të Sarandës. Por përse Nano nuk e luftoi këtë zhbetonim gjatë këtyre viteve si kryeministër i vendit? Madje vetë procesi i betonimit ka nisur në ditët kur kryeministri ka marrë këtë post plot tetë vjet më parë. Nëse ka një shpërfytyrim të Sarandës, kjo ka ndodhur gjatë kohës që këtë perlë të bregdetit shqiptar e kanë drejtuar qeveritarët socialistë. Është i njohur kryebashkiaku me emrin Ardian Shehu, i cili nga të gjithë sarandiotët thërritej me emrin "peshkaqeni". Kandidati i PD për deputet në Sarandë, Aliaj, kujtoi dje se deklarata e Nanos për të luftuar zhbetonimin e bregdetit shqiptar është e vonuar, pasi atij nuk i kanë mbetur më shumë se dy muaj në krye të qeverisë. "Kush e betonoi Sarandën? E gjithë Saranda e di se janë "peshkaqenët" socialistë ata që e kanë shpërfytyruar bukurinë e këtij qyteti gjatë këtyre tetë viteve në qeverisjen e PS", tha Aliaj.

--

[DYDRINAS]

Habitem Brari sa frike kane shqiptaret nga nderrimet.
Sarandiotet e dijne shume mire se cfare ndodhi me qytetin e tyre gjate gjithe ketyre viteve.
Betonimi ka filluar qe nga koha e komunizmit me ato banesat tip qe i ndesh si ne Sarande ashtu dhe ne Kukes e qe pengojne cdo plan zhvillimi te ketij qyteti shume te bukur.
Betonimi vazhdoi dhe pas 1992 e sidomos pas 1997 kur u bunkerizua Saranda ne emer te "bumit" turistik.
Dhe kur thone se aty do te behet nje turizem "elitar" eshte per te vene kujen a thua se aty eshte San-Remo apo San-Tropez.
Cfare turizmi elitar me pelena e rroba neper ballkone e pa asnje lloj aktiviteti elitar.Ndoshta atje kuptohet elitar se shkon pushon "elita" e PS me Benza e me bark perjashta si lopet dhe "elita" e kontrabandisteve shqiptar me xhepat plot para droge e prostitucioni.
Qe te behet turizem "elitar" aty duhet nje rruspe gjigante qe t'i fshije nga faqja e dheut ato qe jane ndertuar ne vite shkel e shko.
Perballe eshte Korfuzi i cili nuk pretendon te jete elitar me gjithe dekadat qe ka si vend turistik.
Une e mbeshtes kandidaturen e Aliajt sepse ai ka se cfare te jape jo vetem per Saranden ndersa Nano ben mire te beje sehir e t'i leje vendin njerezve te kohes e jo te mbllacitet para sarandioteve me demagogjine e Robert Camcakizit.
Saranda do kete turizem normal dhe do te kete te ardhura nga turizmi por ajo ka nevoje per me shume vizion te ri.
Njerezit e rinj sjellin vizione te reja e kurresesi "elita" e barkaleceve diabetike.

[Syri_Vrases]

Nuk eshte problemi nese do te fitoje apo nuk do te fitoje Besnik Aliaj por lexoni me vemendje se cfare gjuhe perdor ai ne krahasim me Nanon.
Dallimi eshte shume i madh ne te gjitha drejtimet por ajo qe mua me beri pershtypje eshte menyra e te shprehurit e Aliajt ndersa Nano dhe pseudoelita qe drejton sot vendin (ne te dy krahet) cdo gje mund te jete vecse elite kurre.
Nje elite nuk perdor ate gjuhe mulliri qe desheron vetem te bluaje pa pasur drithe brenda por thjesht per hir te faktit se mulliri duhet te punoje me ose pa uje e me ose pa drithe.
Mullixhinjte aktuale te politikes shqiptare mendojne se shqiptaret keshtu do te vazhdojne gjithmone e te mbajne ne krye njerez te deshtuar ne te gjitha drejtimet.
Ka ardhur koha e njerezve te tipit Aliaj e shume e shume te tjere si ai qe jane shkolluar ne perendim (majtas apo djathtas qofshin) e jo te atyre qe kane mbrojtur tema e disertacione ne shkollen e Partise se Punes apo qe kane dhene nje "kontribut" madheshtor ne ndertimin e "socializmit" allashqiptar.
Pare ne perspektive i uroj fitore Aliajt dhe te gjithe atyre qe kandidojne me te njejtat parametra si ai ne te gjithe spektrin politik shqiptar (majtas dhe djathtas) e te kemi ne historine tone per here te pare fytyra te reja e mendime te reja.

Plotesisht dakort.

Sic e the edhe ti dallimi duket qysh ne menyren e te folurit, krejtesisht ndryshe nga Tosi. Po te jene zgjedhjet te lira, besoj se ka per te fituar.

[Pride]

Boset perball xhep grisurve.
Te shohim populli yne liri dashes nga do shkoje.

Tema shkruan:
EDITORIALI

Kongres në ditën e dëshmorëve

Nga Mero Baze

Socialistët çelin sot kongresin e tyre elektoral në
përpjekje për të mobilizuar energjitë e mbetura nga
fragmentimi i partisë dhe distanca e listës së
propozuar nga strukturat e partisë. Kryetari i Partisë
Socialiste, Fatos Nano, i cili gjendet përballë
vendimeve të vështira, nëse del i humbur nga këto
zgjedhje, po përpiqet të përgatisë terrenin për
ndarjen e përgjegjësisë në rast të një rezultati
negativ. Ky duket se është në të vërtetë jo vetëm
motivi që e ka shtyrë atë drejt përdorimit të faktorit
“Rama”, por dhe në idenë e rikonsultimit të
kandidatëve, të cilët natyrisht që nuk do të lëvizin.
I fokusuar së tepërmi si një kryetar partie që diktoi
gjithçka, që nga lidershipi i partisë, deri tek lista
e kandidatëve dhe sidomos i tronditur nga
paralajmërimet e ashpra ndërkombëtare dhe klima kundër
tij në prag të zgjedhjeve, Nano ka vendosur të përdorë
kongresin elektoral për të krijuar një fasadë të re të
përgjegjësive për rezultatin e këtyre zgjedhjeve.
Kështu në kongresin e sotëm do të miratohet ‘platforma
Rama’, e cila as e shton dhe as e ul fuqinë elektorale
të PS-së para zgjedhjeve, por thjesht konsideron si
bashkëhumbës me Fatos Nanon në këto zgjedhje, edhe
kryetarin e Bashkisë së Tiranës Edi Rama. Po ashtu
shumë nga kandidatët e përfolur në listën e atyre që
kanë filluar fushatën elektorale, janë kontestuar nga
baza dhe, përmes këtij kongresi dhe paravotimit në
bazë, Nano thjesht don të ndajë përgjegjësinë me
strukturat e partisë për rezultatin që do të dalë.
Duke qenë i vendosur të ruajë prioritetet e tij
politike në parti, që janë forcimi i pasanikëve që ka
prodhuar familja e tij, dhe kalimi i pushtetit nga
partia tek njerëzit e tij besnikë, Nano po arrin t’i
noterizojë gjithë këto procese regresive brenda PS-së,
përmes kongresit dhe përdorimit të kritikëve të tij si
aleatë në ditë të vështira. Në këtë pikëpamje kongresi
elektoral është një shërbim personal për Fatos Nanon
dhe aspak një impuls për fushatën elektorale të PS-së.
Pas përfundimit të kongresit, nuk do të ketë lëvizje
kandidatësh megjithëse do merret mendimi i bazës dhe
nuk do të ketë ndonjë përfaqësim real të grupit ‘Rama’
në PS, edhe pse ky i fundit, është gati të varë zilet
në hundë dhe të shëtisë si ari cirku për të kënaqur
elektoratin e mërzitur socialist. Kongresi që mbahet
në Ditën e Dëshmorëve, në të vërtetë viktimizon gjithë
PS-në dhe kritikët e Fatos Nanos, të cilët do të
ndajnë tani e tutje vetëm përgjegjësinë, por jo
pushtetin, për bilancin e Fatos Nanos. Ky kongres
është për të ndalur shpalljen e Fatos Nanos si humbës
i vetëm në PS. Dhe shpresojmë të ketë sukses.


POLITIKA

Rasti më flagrant është ai i kryeministrit Fatos Nano,
i cili ka orientuar 50 përqind të prokurimeve publike
për fushatë në Sarandë

Paratë publike në fushatën e kandidatëve të PS-së

Mentor Beqa

Raportet ndërkombëtare kanë përmendur shpesh herë që
për të pasur zgjedhje që plotësojnë standardet
demokratike, ato duhet të plotësojnë tri kritere: të
jenë të lira, të jenë të ndershme, dhe të jenë të
barabarta. Shumë prej kandidatëve që garojnë këtë
fushatë elektorale nën siglën e Partisë Demokratike,
thonë se kandidatët e Partisë Socialiste, që mbajnë
poste të rëndësishme shtetërore, kanë shkatërruar një
ndër këto komponentë, barazinë e zgjedhjeve. Sipas
tyre, këta kandidatë që janë shumë në numër, kanë
aktivizuar të gjitha resurset e administratës
shtetërore, në funksion të një gare personale.
Kandidati që has më shumë këto probleme që prishin
barazinë në garë, është Besnik Aliaj, i cili konkurron
përballë kryeministrit Fatos Nano në Sarandë. Ai thotë
se kryeministri Nano ka dërguar vetëm për këto dy muaj
në qytetin e Sarandës, 50 përqind të prokurimeve
publike, në një kohë kur më parë nuk është bërë asnjë
investim. “Gjysma e prokurimeve publike janë bërë për
fushatë. Kryeministri Nano po sjell për dy muajt e
fundit gjithë milionat e qeverisë. Si është e mundur
që gjysma e prokurimeve publike për të gjithë vendin
të vijnë në Sarandë vetëm në dy muajt e fundit,
ndërkohë që para se të kandidonte nuk ishte kujtuar
fare për këtë zonë,” thotë Aliaj. Nuk është vetëm
sfidanti i kryeministrit që përballet me një problem
të tillë. Një tjetër rast flagrant është edhe ai i
Ministres së Integrimit Ermelinda Meksi, e cila ka
angazhuar të gjithë ministrinë për fushatën e saj
personale. “Zonja Meksi, përuroi një ujësjellës, 2
muaj para se të fillojnë zgjedhjet, ndau 500 telefona
2 muaj para zgjedhjeve, shpëtoi nga prishja, për shkak
të rrugës që kalonte përbri, - disa shtëpi, - një muaj
para zgjedhjeve (duke u thënë specialistëve se këto do
të prishen pas zgjedhjeve), dhe ka vënë në dispozicion
të fushatës së saj, një ministri të tërë, me mjete,
automjete dhe njerëz. Megjithkëtë ajo nuk do të
fitoj,” thotë kandidati i Partisë Demokratike, Apollon
Baçe. Edhe kandidati Edi Paloka, thotë se po përballet
me një tentativë për blerjen e votave nga ana e
kandidatit socialist, i cili është Drejtor i
Përgjithshëm i Doganave, Shpëtim Idrizi. “Unë mjafton
të flas për zonën time, ku paratë hidhen lumë.
Sigurisht nuk janë para që Shpëtim Idrizit ia ka lënë
trashgimi familja e tij, janë para që u janë vjedhur
po këtyre shqiptarëve. Para që janë vjedhur dhe i kanë
kthyer shqiptarët në qytetarët më të varfër të
Europës,” thotë Edi Paloka.


Nano, 50 përqind të prokurimeve në Sarandë për fushatë

Besnik Aliaj përballë kryeministrit Fatos Nano: “Rasti
im tregon me të vërtetë disa gjëra që janë flagrante.
Rasti i parë ka të bëjë me përdorimin e fondeve
publike. Gjysma e prokurimeve publike janë bërë për
fushatë. Kryeministri Nano po sjell për dy muajt e
fundit gjithë milionat e qeverisë. Si është e mundur
që gjysma e prokurimeve publike për të gjithë vendin
të vijnë në Sarandë vetëm në dy muajt e fundit,
ndërkohë që para se të kandidonte nuk ishte kujtuar
fare për këtë zonë. Së dyti ka një dyndje të
investimeve që bëhen nga biznesmen privatë vetëm
përgjatë kësaj kohe kur kryeministri ka shpallur
kandidaturën për deputet në këtë zonë. Unë nuk e di se
kush janë këta biznesmenë, por duhet verifikuar nëse
ato po përdoren për fushatë elektorale nga
kryeministri Fatos Nano, në këmbim të lehtësirave në
evazion fiskal. Unë nuk mund të shprehem i sigurt për
këtë, por është një fakt i cili duhet të verifikohet
nga institucionet përkatëse. Së treti, të gjitha
projektet që bëhen në Sarandë shoqërohen me një
tabelë, e cila më shumë se shenjë transparence, është
një pankartë elektorale. Në këto pankarta shkruhet se
projektet janë nën kujdesin e kryeministrit Fatos
Nano. Atëherë, përse në këto tabela shkruhet se janë
nën kujdesin e Fatos Nanos vetëm në Sarandë, ndërkohë
që nuk ndodh diçka e tillë në qytetet e tjera. Së
katërti, këtu po bëhet një përdorim i turpshëm i
administratës publike. Në Sarandë këto ditët e fundit
shoh se janë dyndur këshilltarë të kryeministrit Nano,
anëtarë të kabinetit qeveritar, drejtorë drejtorish,
dhe shumë të tjerë. Kemi informacione se këta njerëz
po bëjnë presione pranë drejtorive rajonale, që janë
nën varësinë e pushtetit qëndror. Janë këta njerëz të
administratës publike që përdorin makinat e qeverisë,
makinat shtetërore, në funksion të një gare elektorale
që është e një personi. Së pesti, ka edhe një problem
në përdorimin e medias nga ana e kryeministrit.
Televizioni publik pasqyron të gjitha aktivitetet e
kryeministrit, ndërkohë që nuk jep asnjë mundësi
shprehjeje për rivalin e tij. Drejtuesit e
televizionit fshihen pas ligjit, por e vërteta është
se ligji ka edhe një frymë, edhe një moral. Nuk mund
të ndodhë që rivali i tij, i jep dorën kryeministrit
në kishë, akt i cili pasqyrohet edhe nga mediat greke,
ndërkohë që mediat shqiptare, dhe televizioni publik
nuk thotë asnjë fjalë.” Edhe koordinatori i Komitetit
të Orientimit të Politikave, Lulzim Basha, që garon në
Tiranë përballë zv.ministrit të energjitikës, Arben
Ahmetaj thotë se kapitalet financiare të vëna
nëpërmjet korrupsionit, tashmë po përdoren për të
blerë forcën elektorale. “Ky fenomen shfaqet edhe në
zonën time, veçanërisht me kandidatin e Partisë
Socialiste, i cili përfaqëson zhvillimet e këtyre tetë
viteve të fundit në Partinë Socialiste, të fuqizimit
të kapitalit nëpërmjet korrupsionit dhe kapjes së
shtetit, të përdorimit të kapitalit për të blerë
mandate,” thotë Lulzim Basha.


Meksi, e gjithë ministria në funksion të fushatës
personale

Apollon Baçe përballë Ministres së Integrimit,
Ermelinda Meksi: “Në zgjedhjet e 2005, në ndryshim nga
zgjedhjet e tjera, zëvendësimi i kandidatëve për
deputetë nga PS dhe PD është më i madh se radhët e
tjera. Ndryshimi është që: në listat e PD hyjnë
njerëzit e rinj, që i përkasin kryesisht botës
intelektuale, çka do sjellë, një përmirësim cilësor,
të parlamentit të ardhshëm. Në listat e PS-së,
kandidatët, vijnë nga bota e parave me ose pa shkollë,
me ose pa precedente penale, por gjithnjë në
kundravajtje morale. Rezultati i kësaj të fundit do të
jetë një parlament me një gjendje të varfër cilësore
të përfaqësimit të PS-së. Në këtë garë kundërvihet,
dëshira për ta parë vendin më mirë dhe lufta për ta
vënë në jetë këtë dëshirë, me fluksin e parave dhe
mobilizimin e tërë resurseve të administratës
shtetërore. Sipas kësaj përvoje, Shqipërisë i takon të
bëjë kozmetikë, të përurojë për shumë herë të njejtën
rrugë apo ujësjellës, ose të pajiset me telefona,
vetëm në momentet kur për PS-në fillon fushata
zgjedhore. Edhe në zonën ku kandidoj, zonja Meksi,
përuroi një ujësjellës, 2 muaj para se të fillojnë
zgjedhjet, ndau 500 telefona 2 muaj para zgjedhjeve,
shpëtoi nga prishja, për shkak të rrugës që kalonte
përbri, - disa shtëpi, - një muaj para zgjedhjeve
(duke u thënë specialistëve se këto do të prishen pas
zgjedhjeve), dhe ka vënë në dispozicion të fushatës së
saj, një ministri të tërë, me mjete, automjete dhe
njerëz. Megjithkëtë ajo nuk do të fitojë.”


Idrizi, blen vota me paratë e vjedhura

Edi Paloka përballë Drejtorit të Doganave, Shpëtim
Idrizi: “Bëhet fjalë për shkelje flagrante të ligjit,
pasi shumica e kandidatëve të Partisë Socialiste, janë
njerëz që mbajnë jo thjesht poste zyrtare, por poste
të tilla që kontrollojnë një pjesë të mirë të të
ardhurave të shqiptarëve. Janë kandidatë që gjenden
sot në krye të listave të korrupsionit, të denoncuara
jo vetëm nga Partia Demokratike, por edhe nga të
gjitha institucionet ndërkombëtare. Si njerëzit që
këto vite kanë grabitur më shumë se kushdo paratë e
shqiptarëve. Shpëtim Idrizi, drejtori i Përgjithshëm i
Doganave, është njëri prej tyre. Njëri nga ata zyrtarë
që është kthyer në portofol i Nanos, sepse këta
vjedhin jo vetëm për hesap të tyre, por edhe për hesap
të kryeministrit shqiptar. Janë njerëz që nuk është
puna se po përdorin makina, apo njerëzit që drejtojnë
institucionet e tyre, por janë njerëz që me paratë e
vjedhura po kërkojnë të blejnë votën dhe dinjitetin e
shqiptarëve. Unë mjafton të flas për zonën time, ku
paratë hidhen lumë. Sigurisht nuk janë para që Shpëtim
Idrizit ia ka lënë trashgimi familja e tij, janë para
që u janë vjedhur po këtyre shqiptarëve. Para që janë
vjedhur dhe i kanë kthyer shqiptarët në qytetarët më
të varfër të Europës. Pikërisht këta që i kanë kthyer
në qytetarët më të varfër, sot kërkojnë t’i blejnë
lirë. Abuzimi kryesor është ky, që me paratë që u janë
vjedhur po këtyre qytetarëve, sot kërkohet t’u blihet
edhe dinjiteti, edhe vota për të siguruar mandate.”


Ahmetaj, paratë publike për të blerë dinjitetin e
qytetarëve

Lulzim Basha përballë zv.ministrit të Energjitikës
Arben Ahmetaj: “Ky fenomen shfaqet edhe në zonën time,
veçanërisht me kandidatin e Partisë Socialiste, i cili
përfaqëson zhvillimet e këtyre tetë viteve të fundit
në Partinë Socialiste, të fuqizimit të kapitalit
nëpërmjet korrupsionit dhe kapjes së shtetit, të
përdorimit të kapitalit për të blerë mandate.
Megjithatë, kjo është ajo që na ndan, në përgjithësi
ne të rinjve që sapo jemi futur në politikë, dhe
këtyre, që pavarësisht nga mosha, janë vjetëruar nga
konsumi ideologjik dhe mos-suksesi në qeverisje, si
dhe të konsumimit të moralit politik, pasi ne besojmë
në disa vlera të shenjta, siç janë dinjiteti njerëzor,
nderi, e drejta për punë, e drejta për një jetë më të
mirë, e drejta për të votuar i lirë, dhe besojmë se
këto janë të drejta të patjetërsueshme. Këto të drejta
janë themeli i së ardhmes së Shqiprëisë, dhe janë të
drejta që as nuk mund të blihen, e as nuk mund të
shiten. Nga ana tjetër këto kandidatë mendojnë se
gjithçka mund të shitet dhe mund të blihet, përfshi
këtu dhe dinjitetin njerëzor dhe të drejtën e votës
dhe mendoj që në përplasje mes këtyre vlerave, duhet
dhe do të fitojë ajo që është parimore, që shqiptarët
e shohin si një garanci afatgjatë për të ardhmen e
tyre. Kandidatë që kanë zhvatur shqiptarët për katër
vjet me radhë tani kujtohen që t’iu paguajnë listën e
bukës, në mënyrë poshtëruese, që t’iu marrin votën dhe
më pas të vazhdojnë avazin e tyre të vjetër. Nga kjo
pikëpamje nuk ndihem aspak i kërcënuar, përkundrazi më
jep forcë dhe kurajo, në përkushtimin tim për t’i
kthyer elektoratit shqiptar dinjitetin elektoral dhe
shpresën për një qeversisje të nesërme më të mirë.”


Agron Duka, presione në Sarandë për të votuar Nanon

Ministri i Bujqësisë Agron Duka ka nisur një tur
presionesh mbi partitë e vogla në qytetin e Sarandës,
që ato të mbështesin kandidaturën e kryeministrit
Fatos Nano

Ministri i Bujqësisë Agron Duka ka ndërmarrë një tur
në qytetin e Sarandës, ku garon kryeministri Fatos
Nano, duke bërë presione të ndryshme, që votat të
jepen për Nanon. Burime nga qyteti i Sarandës i thanë
gazetës se Agron Duka ka bërë presione financiare edhe
mbi drejtoritë rajonale që janë në varësi të pushtetit
qëndror, që të bëjnë fushatë për kryeministrin. Sipas
informacioneve, Duka ka kërcënuar nëpunës të
administratës me pushim nga puna, nëse nuk bëhet
fushatë për Fatos Nanon. Burimet thanë se Duka
gjithashtu ka bërë presione mbi partitë e vogla në
qytetin e Sarandës, që të takohen me kryeministrin
Nano për të nënshkruar paktin e mbështetjes së tyre
ndaj kandidaturës së kryeministrit. Situata në qytetin
e Sarandës paraqitet e tensionuar, pasi të gjitha
resurset qeveritare janë angazhuar në formë presioni
për të mbështetur kandidaturën e Nanos në zonën 99.
Kryeministri ka angazhuar të gjithë administratën e
tij dhe të gjitha fondet publike i ka orientuar në
drejtim të fushatës elektorale, pasi ndihet i
rrezikuar në zgjedhjet e tre korrikut.


Kryetari i PD-së Sali Berisha prezantoi kandidatët
Omer Stringa, Muharrem Kajolli, Aurel Bylykbashi dhe
Mehmet Ibaj

Berisha shpall kandidatët e Elbasanit: Stringa,
Kajolli, Bylykbashi dhe Ibaj

Kryetari i Partisë Demokratike Sali Berisha prezantoi
dje në mbrëmje tre kandidatët e Partisë Demokratike
për qytetin e Elbasanit. Mes shumë të pranishmëve
kryetari i PD-së i shoqëruar edhe nga nënkryetarja
Jozefina Topalli prezantoi kandidatët Muharrem
Kajolli, Omer Stringa dhe Aurel Bylykbashi.
Kryetari i Partisë Demokratike prezantoi po dje edhe
kandidatin e PD-së për qytetin e Cërrikut, Mehmet
Ibajn. Qindra qytetarë cërrikas ishin mbledhur për të
pritur shpalosjen e platformës së opozitës dhe të
kandidatit për deputet. “Qytetarët shqiptarë kanë
vendosur ta ndryshojnë Shqipërinë. Ndryshimin e kërkon
çdo shqiptar që ndodhet i papunë. Papunësia ka rrënuar
familje të tëra shqiptare, të ardhmen. Prandaj dhe
ndryshim do të thotë punësim, do të thotë vende pune,”
tha kryetari i PD-së, Berisha gjatë prezantimeve.
Kryetari i opozitës, Berisha theksoi gjatë takimit
problemet e mëdha sociale që po kalon vendi dhe
veçanërisht emigrimin e rinisë shqiptare për në
perëndim. “Asnjë komb në botë nuk eksporton të
ardhmen, siç është rinia, si eksportohen nga Shqipëria
100 mijë qytetarë në vit. Ne si komb kemi vuajtur në
shekuj, por kemi mbrojtur identitetin tonë kombëtar të
tipit perëndimor më shumë se çdo komb tjetër.
Meritojmë të ngjitemi aty ku e kemi vendin, në BE dhe
NATO, që të kemi një pasaportë për të lëvizur lirisht.
Ndaj demokratët dhe gjithë shqiptarët e kanë
përgatitur fitoren me platformën e ndryshimit,” tha
Berisha.
Kryetari i Partisë Demokratike tha se platforma e
opozitës do ta nxjerrë vendin nga niveli i lartë i
papunësisë që i detyron shqiptarët të largohen.
“Projekti ynë ka si shtyllë kryesore punësimin e
shqiptarëve. Zotohemi që mendimin dhe iniciativën e
lirë do ta vëmë në punë. Do të përgjysmojmë taksat e
biznesit të vogël. Përgjysmim i taksave do të thotë 2
herë më shumë para në xhepat e biznesit të vogël, 2
herë më shumë mundësi investimi dhe 2 herë më shumë
mundësi punësimi,” deklaroi Berisha.
Berisha u tha qyteraëve të Elbasanit dhe Cërrikut se
klima e bashkëpunimit që do të krijojë PD me biznesin,
do të favorizojë rritjen e nivelit të punësimit. “PD
do të ketë marrëdhënie të caktuara me biznesin privat,
duke e favorizuar këtë biznes, hequr sigurimet
shoqërore për çdo të punësuar rishtas dhe lehtësira
shtesë. Punësimin do ta bazojmë tek kreditimi. Në
kushtet e ekonomisë së tregut është e vështirë të
nisësh një biznes të ri pa kredi. Do të pesëfishojmë
dhënien e kredive, veçanërisht për ata që duan të
nisin biznes të ri,” deklaroi Berisha.
Kreu demokrat tha se lufta ndaj korrupsionit do të
nxisë nivelin e zhvillimit të vendit, duke bërë që 1.4
miliard dollarë që vidhen çdo vit, të shkojnë për
investime. “Do të përballemi me atë armik që na i merr
paratë dhe ai është korrupsioni, për të cilin flasin
vetë specialistët e Bankës Botërore. Në vitet ‘95-’96,
taksat ishin dy herë më të ulëta se sa janë sot. Po ku
shkojnë? Pjesa më e mirë e taksave përfundon në xhepat
e qeveritarëve, në rryshfete që kapin 1.4 miliard
dollarë, që do të thotë se 1.4 miliard dollarë do t’i
mbeteshin biznesit dhe do të investoheshin në punësim.
Paratë e ndryshimeve që ne kërkojmë janë, po të kesh
vullnet t’i gjesh me duar të pastra,” tha Berisha.
Gjatë prezantimit mori fjalën edhe nënkryetarja e
Partisë Demokratike Jozefina Topalli. “Çdo njeri ka
momente në jetë kur duhet të vendosë për të mirën e
vetes dhe të vendit, për ta nxjerrë veten dhe vendin
nga mizerja ku e katandisën dhe e izoluan 8 vjet me
radhë socialistët, përmes papunësisë, varfërisë,
mjerimit. Në asnjë vend të botës nuk ka mundësi që një
mësues të ketë pagën sa 1/20 e pagës së kryeministrit,
kur 40 përqind e popullsisë është nën nivelin e
varfërisë,” tha Topalli.

..

[DYDRINAS]

Qeverisja e sotme eshte nje junte shokesh e miqsh te cilet i lidh vetem nje interes i perbashket-paraja.
Sonte duke ndjekur punimet e Kongresit elektoral dhe per me teper fjalorin nderplanetar te Rame Edit eshte shume lehte te kuptosh se ata jane thjesht nje junte abuzuesish me karriken.
Permenden pa pike turpi kilometrat e rrugeve,metrat e lulishteve,katet e pallateve e perrallen e njemije e nje neteve te "integrimit" aq te perfolur qe disa vite e qe ende nuk ka asnje shenje.Ata e quajne integrim faktin se vete udhetojne me pasaporta diplomatike apo se vishen bukur kur kalojne neper shkallet e institucioneve evropiane!?
Kilometra shtrohen,lulishte behen,kate ndertohen sepse i tille eshte sistemi e ne fund te fundit kjo eshte nje detyre pushtetare.
Mirepo prapa atyre kilometrave,lulishteve e kateve qendron varferia shqiptare (jo varferia e politikaneve),qendron krimi i bitumuar ne pushtet,qendron rinia e intelektualet qe ikin cdo dite nga vendi,qendrojne qindra mijera te papune,qendrojne te korruptuarit barkalece e mburravece me vetura moderne e me apartamente lluksoze pa levizur kemben nga Shqiperia ne nje kohe qe mijera shqiptare punojne e djersiten me vite te tera pa arritur dot te sigurojne nje jete normale etj.
Ai qe ka dy mend ne koke e di se rruge,lulishte apo pallate ka dhe ne Kine,ka dhe ne Kolumbi,ka dhe ne Somali e Tanzani.Por keto nuk jane tregues zhvillimi apo ndryshimi kur perballe shqiptarit eshte nje pushtet i kalbur,nje administrate e zhubravitur,nje politike junte.
Rame Edi pa pike turpi merr neper goje moshataret e tij te shkolluar neper universitete boterore kur ai zhgarravitej berlloqeve te Parisit me thonj te paprere.
Ai nuk ka guxim te ndalet e te flase per ish-kryetaret e kooperativave,ish-drejtoret e fermave,ish-sigurimsat e ish ishet e PS.
Ai nuk flet dot per Gramozin,per Luan Ramen qe godet gazetarin me grusht,per Nanon qe ecen me makine luksoze "dhurate",per Dokle bolshevikun qe i quante politikanet e Kosoves si persona qe dine vetem te merren me tregeti,per ministrin e jashtem qe nuk di se cfare nenshkruan,per Blushin Kico e te birin qe nuk lane gje pa thene ne shkrimet e tyre kunder Kosoves,per celularet qe drejtojne kontrabanden e duhanit,naftes apo droges,per qytete e fshatra pa uje e pa drite,per spitale e zyra ku qytetari ka frike te shkoje se mos goditen si ajo gruaja fatkeqe ne Librazhd,per nje biznes te neperkembur nga monopolet pushtetare,per nje fshatar qe ende nuk i di kufinjte e arave etj.
"Mbro te ardhmen"!?
Cila e ardhme te mbrohet?E ardhmja e "ndritur" me junte shokesh e miqsh qe kane nje interes-parane e karriken.