Berisha: Dy qeveri te papergjegjshme

[Rycki2001]

Gjendja katastrofike e emigranteve shqiptar te bllokuar ne dy pikat e kalimit me Greqine kane detyruar shefin e opozites te kritikoj qeverine shqiptare por nuk ka kursyar as ate greke. Ja artikulli i botuar sot tek KJ
Rycki
__________________________________________________ __

Berisha: Dy qeveri te papergjegjshme
"Katastrofale". Keshtu e ka cilesuar dje situaten ne pikat kufitare te Kapshtices dhe Kakavijes kreu i PD, Sali Berisha. Ai ka akuzuar qeverine shqiptare per pergjumje dhe deshtim. "Eshte e qarte se qeveria ka deshtuar ne te gjitha perpjekjet e saj", ka deklaruar Berisha. Ai shprehu habine e tij ndaj pushimeve qe anetaret e qeverise bejne, nderkohe qe refugjatet shqiptare jane te bllokuar ne kufi. Berisha foli per "marredheniet private" qe jane midis qeveritareve shqiptare dhe atyre greke. Ai nuk harroi te fshikulloje te dyja qeverite, duke i quajtur te papergjegjshme si dhe i beri thirrje faktorit nderkombetar qe t'i vene fund situates dramatike dhe te pamerituar. "Une mendoj se ceshtja duhet te kaloje me urgjence ne Gjeneve dhe Bruksel". Ai deklaroi se i ka nisur letra Organizates se Kombeve te Bashkuara, Brukselit dhe organizatave te tjera nderkombetare, per te sensibilizuar opinionin publik lidhur me situaten ne kufi me Greqine. Berisha i beri edhe njehere thirrje qeverise greke, Sekretarit te Kombeve te Bashkuara, Komisioneres per te Drejtat e Njeriut, Komisionerit per Emigrantet dhe Komisionit Europian qe te nderhyjne me urgjence per t'i dhene fund kesaj drame njerezore qe po ushtrohet ndaj qytetareve shqiptare ne pikat e kalimit me Greqine. Ai tha se kjo nuk nderon asnje shtet europian qe respekton te drejtat dhe lirite themelore te njeriut si dhe respektimit te levizjes se lire te njeriut. "Kjo deshmon se shteti fqinj ka shume pune per te bere per t'u cliruar nga praktika cnjerezore te arkivuara ndaj fqinjve te saj", tha Berisha. Kryetari i Partise Demokratike tha se kjo situate eshte krijuar ne menyre te qellimshme, per te penguar bashkepunimin rajonal dhe mirekuptimin midis fqinjve. Berisha u ankua se homologet e Partise Demokratike nuk jane ne pushtet ne Greqi dhe nuk mund te bejne asgje.

N.Todolli

[Vinny_T]

Kjo qe po ndodh ne kufijte me Greqine eshte shkelje e hapur e te drejtave te njeriut. Eshte teme qe u hap dhe para nja dy muajsh ne mos gabohem dhe pati shume reagime ne forum.
Berisha me te drejte kritikon papergjegjshmerine e qeverive Shqiptare dhe Greke ne kete incident.
Po te shohim ne perendim dhe nje e dhjeta e ketij incidenti te kishte ndodhur do te kalonte ne incident dipllomatik.
Nano sapo na hoqi Majkon qe te krijonte nje qeveri akoma me te "forte" sipas thenieve te tija, atehere le te japi prova per ato qe thote e te mos tregoje perralla neper deklarata qe jep se populli ska nevoje per llafe.

[Anton]

Që nga mesnata, radhë për një vulë në Ministrinë e Jashtme

Denisa Xhoga
Radhët e gjata, të zëna që në mesnatë kanë nisur përsëri në Ministrinë e Punëve të Jashtme. Pas godinës së ministrisë, para portës së hekurt të zyrës së legalizimit të dokumentave për jashtë, në të dy anët janë të rreshtuara veç burrat dhe veç gratë. "Kemi ardhur në orën një të natës për të zënë radhë, pasi duhet t'i vulosja sa më shpejt dokumentat, që në mëngjes t'i fusja në ambasadën greke për të marrë vizë, por më duket se m'u dogj dhe data e sotme",-thotë Ahmet Qëndro nga një fshat i Vlorës. Dy sportelet, një për burra dhe një për gra hapen në orën 8 00 të mëngjesit. Ata që e kanë zënë radhën të parët, para orës një të natës kanë mbaruar punë që në mëngjes. Njerëzit që presin tregojnë se në darkë këtu gjenden sekserët e radhëve, mjafton që t'i japësh një pesëmijëlekëshe dhe ata të zënë radhën e disa njerëzve për në mëngjes. Më në fund hapet porta e hekurt nga dalin tre veta, një mesoburrë nga radha do të pyesë për diçka. "Qërohu, që këtej",-i ulëret burri që hap portën duke e sharë dhe gati për ta marrë me shqelma, tjetri largohet pa asnjë hezitim. "Ja ky është ai që të fut brenda",-thotë një burrë nga Kavaja, por ai nuk është i veshur as si polic dhe nuk ka pamjen as të një nëpunësi. Dokumentat i fut dhe i merr brenda ditës. "Halli është sa të hysh brenda se aty nuk vonohesh më tepër se gjysmë ore. Dokumentat i pranojnë deri në orën një e gjysmë deri në dy",-thotë një grua nga Berati që pret në radhë për të vulosur dokumentat e vajzës, e cila do të shkojë me studime në Itali. Njerëzit ngurojnë të flasin, pasi gjatë tre ditëve të fundit kanë bërë sherr për radhën dhe punonjësit e zyrës kanë thirrur forcat e policisë. "Të hënën, një burrë e morën në rajon dhe dje u fut përsëri në radhë për të vulosur dokumentat",-tregon gruaja. Para zyrës konsullore nuk kanë munguar as sirenat e ambulancave, të cilat kanë marrë gratë që u ka rënë të fikët. Përsëri hapet prej nga del duke sharë nëpër dhëmbë gjithë inat një djalë nga Durrësi, i cili vulosi dokumentat e studimit për Itali. "Kur kështu të trajtojnë shqiptarët, ç'mund të presësh nga greku",-thotë maturanti. Në fund të dishezës për në Ministrinë e Jashtme pranë lokaleve qëndrojnë sekserët e vulave. Ato janë rreth katër gra, që sa shohin policët fshihen në lokal. Kë shohin me zarf në duar ato e ndalojnë dhe nisin pazarin. Ato të sigurojnë të fusin dokumentat që me mëngjes dhe presin sa të ikë polici për t'i marrë nga punonjëset brenda. "Dale sa letra ke katër, 40 mijë lekë më jep mua dhe hajde pas një ore t'i marrësh",-thotë një kokëkuqe rreth të 30-tave, e cila të jep dhe numrin e telefonit për ndonjë rast tjetër. Megjithatë po të shkosh nga dreka nuk gjen shumë veta dhe mund t'i fusësh letrat pa pritur shumë, pasi kush është nga rrethet e largëta ka përfunduar punë. Duket se radhët e gjata u interesojnë dhe vetë punonjësve të sportelit të zyrës.
Ndryshimi i procedurës
Deri para dy javësh, dokumentat i dorëzoje nëpërmjet një të çare të derës së hekurt nga ora 8 00 deri në orën 9 00 të mëngjesit dhe i merrje të nesërmen deri në orën 10 00 të mëngjesit. Kush i donte brenda ditës u dilnin garant sekserët. Por ku rregull u ndryshua pikërisht para një jave, kur nisën dhe radhët e emigrantëve në dogana dhe studentët duhet të paraqiten për intervista në ambasada. Tani janë vënë dy sportele, me tre punonjës secili dhe dokumentat dorëzohen dhe merren brenda ditës. Më parë ishte një vulë 2 mijëlekëshe për çdo dokument, ndërsa tani duhen dy vula për secilën letër. Pavarësisht se paguhet më tepër u kthye rregulli i vjetër që dokumentat merren brenda ditës, gjë që shkakton dhe radhë. Ndërkohë dy sportele nuk mjaftojnë për të përballuar fluksin.

Mire greket po keta shqiptaret?