A Eshte IPP Dhurate e fundit e Partise?

[alumni]

http://www.shekulli.com.al/politika/.../manjani.shtml
Manjani prezanton Mirakën

Simon Miraka është prezantuar dje si Drejtor i Institutit të të Përndjekurve Politikë. Miraka është prezantuar dje nga sekretari i përgjithshëm i Këshillit të Ministrave, Ylli Manjani. "Ky ndryshim bëhet për rikonfirmimin e Institutit brenda parametrave optimalë, duhet të vazhdojë në këto paramentra, për të qenë një partner real i përpjekjeve të përbashkëta me qeverinë, për integrimin e mëtejshëm të kësaj shtrese të popullsisë në jetën e vendit, si dhe të luajë rolin e tij në procesin legjislativ, për thellimin e mëtejshëm të reformave", -tha dje Manjani.

Ndërsa drejtori i ri, Miraka, siguroi se "objektivi kryesor i punës do të jetë integrimi politik dhe intelektual i shtresës së të përndjekurve politikë". Ai kërkoi ndihmën dhe bashkëpunimin e të gjithë punonjësve të këtij Instituti për përmirësimin dhe mbarëvajtjen e veprimtarisë së tij. Me një vendim të posaçëm kryeministri Fatos Nano shkarkoi drejtorin e Institutit të të Përndjekurve Politik, Besim Ndërgjoni. Ky institucion që varet nga Këshilli i Ministrave ka njohur Simon Mirakën si drejtor.

Një lëvizje e tillë, sipas burimeve të qeverisë, është bërë me synimin për të rritur profesionalizmin në drejtimin e Institutit të Integrimit të të Përndjekurve Politikë, i cili ka pëgjegjësinë për integrimin e kësaj shtrese në jetën shoqërore të vendit. Gjithashtu ky institucion përgjigjet edhe për kërkesat e vazhdueshme dhe gjetjes së konsensusit me shoqatat e ndryshme të ish -të dënuarve dhe të përndjekurve politikë për trajtimin e tyre. Ky Institut u ngrit pas vitit 1997, pas një vendimi të qeverisë së atëhershme. Fillimisht ky institucion u drejtua nga Kurt Kola. Këtë post ai e lëshoi në fund të vitit 2001.
B.Hoti