Ndryshohen çmimet e sigurimeve

[Sherri]

Ministria e Financave miraton tarifat për të gjitha llojet e automjeteve

Ndryshohen çmimet e sigurimeve
Liberalizohet tregu, jo më tarifa fikse për automjetet

Nuk do të ketë më siguracione fikse për makinat, pasi që nga 1 prilli, kompanitë e sigurimit në Shqipëri do të kenë të drejtën për të vendosur për çmimet e sigurimeve me të cilat do të operojnë në treg. Ky hap është hedhur dje nga shteti shqiptar për të liberalizuar treguan e siguracioneve në vend, në një kohë kur kanë hyrë shumë shoqëri sigurimesh private.

LAJMI

Shteti shqiptar ka hequr kështu përfundimisht çmimin fiks të siguracioneve, i detyrueshëm për t'u aplikuar nga çdo shoqëri private sigurimi. Gjithsesi, liberalizimi është bërë me kufinj kuotash. Është përcaktuar kuota minimale dhe maksimale, midis të cilave do të mund të operojnë firmat me tarifat e tyre. Kryetarja e Autoritetit të Mbikëqyrjes së Sigurimeve, Merita Xhafa, ka publikuar dje tarifat e reja që do të përdoren nga kompanitë e sigurimit, të cilat kanë marrë përkrahjen e ministrisë së Financave. Çmimi minimal i siguracionit që do të paguajë një drejtues i një autoveture do të jetë rreth 6600 lekë, duke përfshirë edhe tatimin mbi vlerën e shtuar (TVSH). Tarifa maksimale e vendosur do të jetë afro 18 mijë lekë, bashkë me TVSH-në. Tarifat e zbatuara deri më sot sihin fikse. Një siguracion i një autoveture vlente 11 700 lekë, tarifë kjo e njëjtë nga të gjitha shoqëritë.

Konkurenca

Sipas ekspertëve pritet që kjo reformë e nisur nga ministria e Financave për liberalizimin e çmimeve të sigurimeve do të shtojë konkurrencën e kompanive në treg. Autoriteti i Mbikëqyrjes së Sigurimeve ka vendosur që të detyrojë kompanitë që të derdhin në një llogari bankare primin e rrezikut për çdo klient, çka e siguron drejtuesin e mjetit për shpagim, edhe nëse shoqëria është në prag falimentimi apo refuzon ta çdëmtojë totalisht atë. Në Shqipëri do të përdoreht për herë të parë skema e primit të rrezikut, megjithëse në të gjitha vendete e botës është e aplikueshme. Me hapjen e një llogarie të veçantë për primet e rrezikut, konsumatori është i sigurt për çdëmtimin e tij në çdo lloj rrethane. Sipas kryetares së Autoritetit të Mbikëqyrjes së Sigurimeve, Merita Xhafa, hartimi i tarifave të reja është bazuar në një strategji të re, në funksion të përllogaritjeve të aktuarëve (ekspertëve të sektorit) mbi bazën e frekuencës së dëmeve dhe dëmit mesatar të ndodhur, duke marrë për bazë këta tregues për një periudhë relativisht të gjatë, që përfshin vitet 1999-2004. Ajo u shpreh se "në ndryshim nga vitet e kaluara, skema e tarifave të reja të sigurimit të detyrueshëm synon mbrojtjen në radhë të parë të të siguruarve, duke i detyruar shoqëritë e sigurimit të bllokojnë në një llogari të veçantë bankare primin e rrezikut". Synimi i kësaj strategjie është thithja e TVSH-së nga organet tatimore në mënyrë reale dhe të drejtë. Gjithashtu, në ketë skemë do të mbahen të kontrolluara dhe të monitoruara shoqëritë në të gjithë elementët financiarë, për këtë lloj sigurimi, në mënyrë periodike dhe mujore.

Skema e re

Aplikimi i skemës së re në sigurimin e dety-rueshëm ka ardhur pas nxjerrjes së akteve nënligjore nga qeveria në funskion të reformave të shumta që po aplikon në këtë fushë. Kompanitë private të sigurimit kanë akuzuar më parë shtetin për mbajtjen në mënyrë të qëllimshme të një tregu të çekuilibruar të sigurimeve. Xhafa pranoi se hyrja në fuqi e metodës së re të llogaritjes së çmimeve ka krijuar një tolerancë ndërmjet nivelit minimum dhe maksimum të tarifës së primit.


ÇMIMET VARIOJNE

- Motoçikletë 2600-7000
- Autoveturë 5500-15000

Mjete Transporti
- Pasagjerësh 5-15 vende 10.500-28600
- Autobusa mbi 16 vende 17300-46200
- Mjete transporti mallrash deri në 20 ton 12000-31600
- Rimorkio 3000-9200
- Mjete bujqësore 2000-7100
- Zjarrfikëse 6000-16400
Këto tarifa janë pa 20% të TVSH

(Marre nga GSH)