Close
Duke shfaqur rezultatin -19 deri 0 prej 3
  1. #1
    Heartless Maska e White_Angel
    Anëtarësuar
    11-01-2004
    Vendndodhja
    Kristal......
    Postime
    1,293

    Vrau në Irlandë, tenton kthimin në Shqipëri !

    Nga Londra
    Muhamed Veliu

    I dënuari me burgim të përjetshëm: "Më ktheni në Shqipëri të vuaj
    dënimin atje"

    Eduart Kuliçi i dënuar me burgim të përjetshëm për vrasje me dashje,
    ka tentuar të shfrytëzojë legjislacionin irlandez, në favor të
    kërkesës për t'u transferuar në një nga burgjet shqiptare.

    Transferimi

    I cilësuar si një vrasës brutal nga policia irlandeze, shqiptari i
    dënuar me burgim të përjetshëm në Irlandë, ka filluar aplikimet për
    t'u transferuar nga qelitë "komode" të burgjeve irlandeze, në ato të
    tejmbushura dhe me plot probleme në Shqipëri. Nga autoritetet
    irlandeze të drejtësisë, mësohet se Eduart Kuliçi, 27 vjeç, vrasësi
    i kamerieres pukjane, Lindita Kukaj, mund t'i "arratiset" vuajtjes
    së dënimimit në burgjet irlandeze, vetëm disa muaj nga fillimi i
    vuajtjes së dënimit. Kuliçi u ndëshkua me dënimin kapital nëntorin e
    shkuar, për vrasjen me dashje të patriotes së tij 23-vjeçare, në
    dhomën e saj në qytetin Sligo në 2003-shin

    Aplikimi

    Burime pranë policisë irlandeze janë shprehur se, vrasësi shqiptar,
    nëpërmjet avokatëve, ka bërë aplikimin për vuajtjen e dënimit në
    burgjet shqiptare. Nëse aplikimi do të jetë i suksesshëm, ai do të
    lirohet për të mbërritur në Shqipëri. Hetuesit e policisë "Gardai",
    që hetuan vrasjen e Kukajt, thanë se "Kuliçi ka lidhje me grupet
    kriminale mafioze shqiptare. Kjo do të bëjë që ai mos të vuaj
    dënimin e plotë në Shqipëri. Eduart Kuliçi është i pari shqiptar nga
    pesë shqiptarët e dënuar me burgim të përjetshëm në Britaninë e
    Madhe, i cili kërkon transferimin në burgjet e tejmbushura
    shqiptare. Që të kualifikohet për një transferim të tillë, Kuliçit,
    sipas ligjit irlandez, i duhet të provojë se ai ka lidhje të forta
    familjare me vendin e origjinës.

    Shqetësimi

    Një aplikim i tillë nga shqiptari vrasës, ka ngjallur pakënaqësi në
    ambientet policore të Irlandës.

    Një burim është shprehur në lidhje me çështjen se, "sistemi i
    drejtësisë në Shqipëri është i korruptuar, duke shtuar se policia
    shqiptare nuk i ka ndihmuar policët irlandezë (Sligo Gardai) gjatë
    hetimit të vrasjes.

    "Nëse Kuliçi do të qëndrojë në Irlandë, ai ka për të vuajtur dënimin
    deri më një, por në Shqipëri mund të paguaj një bakshish të vogël,
    duke dalë nga burgu. Nuk duhet lejuar që aplikimi i tij të merret në
    considerate, pasi një vendim pro tij do ta kthejë atë në një njeri
    të lirë. Miqtë e shumtë të Linditës do të zhgënjehen shumë, nëse ai
    ia hedh duke vuajtur vetëm disa muaj burg", ka përfunduar burimi.


    Vrasja makabre në dhomë

    Gjatë procesit gjyqësor zhvilluar nëntorin e shkuar, prokurori i
    çështjes, John O'Kelly, i ka treguar gjykatës detajet e një vrasjeje
    macabre, siç e ka përshkruar ai. "Eduart Kuliçi i ka përdredhur
    qafën Lindita Kukajt, me një forcë të atillë, e cila ka bërë që
    varsja e mbajtur në qafë nga ajo të ngulej në fyt". Duke vazhduar më
    tej, prokurori i tha Gjykatës Qendrore Kriminale irlandeze (Central
    Criminal Court), e cila për herë të parë u mblodh në qytetin Sligo,
    se "pas vrasjes, Kuliçi ia tregoi trupin e pajetë të Kukajt shokut
    të tij, Bashkim Osaj, përpara se të pranonte që ai e kishte vrarë".
    Prokurori O'Kelly tha se, "Kuliçi, i cili mohoi akuzat për vrasje më
    22 shkurt 2003, udhëtoi për në qytetin Sligo së bashku me Bashkim
    Osjen, duke përfunduar në darkë në apartamentin e Linditës, e cila
    punonte si kameriere. Nga atje, ata së bashku shkuan në një pub
    lokal dhe më pas në një klub nate, ku qëndruan deri në orën tre të
    mëngjesit". Policia, mes dëshmive të mbledhura, ka arritur në
    përfundimin se, Lindita dhe Eduarti, që kanë mbërritur në Irlandë në
    vitin 2002, kanë patur zënka dhe mosmarrëveshje, duke mos sqaruar
    nëse mes tyre ekzistonte ndonjë lidhje miqësore apo dashurie. Duke
    shtuar, prokurori i ka shpjeguar gjykatës faktin se, Lindita pas
    kthimit nga klubi i natës i ka kërkuar Eduartit që ata të tre të
    flinin me një dhomë, ose ata të dy në njërën prej dhomave dhe ajo
    vetëm në një tjetër. Ajo nuk ndjehej mirë, kishte pirë shumë dhe
    ndjehej e sëkëlldisur. Prokurori ka vijuar duke thënë se, "Kuliçi e
    çoi atë në dhomën e saj. Ajo donte që ai të largohej dhe ta linte
    vetëm. Lindita i është drejtuar me fjalët: Mos më prek mua".

    Dëshmitari i shokuar kur pa Linditën e vdekur

    Bashkim Osaj, edhe ai i lodhur nga pija pas një nate të gjatë në
    klubin e natës, e kishte zënë gjumi në dhomën tjetër, duke mosditur
    se në dhomën përbri Lindita ishte vrarë nga miku i tij. "Më vonë,
    gjatë natës, Kuliçi e ka zgjuar atë nga gjumi, duke i thënë se duhej
    që të niseshin për në Dublin. Më pas, ai i ka thënë atij se "E vrava
    …". Kështu e ka përshkruar prokurori momentin e vrasjes, sipas
    dëshmisë së dhënë nga Osaj në polici. Ndërsa ka shtuar se Osja ishte
    një gjendje shokuese nga ajo që sapo kishte dëgjuar nga goja e mikut
    të tij. Po sipas prokurorit O'Kelly, Kuliçi, më pas ka hapur derën e
    dhomës ku shtrihej Lindita e vdekur pas përdredhjes së qafës, duke
    ia treguar Osajt. Më pas, ai e ka kërcënuar Bashkimin që mos t'i
    tregonte policisë lokale "Garda" dhe të ngiste makinën për në
    Dublin, nga kishin ardhur.Denoncimi i Osajt gozhdoi Kuliçin
    Bashkim Osja, i cili dridhej nga vdekja e Linditës, ka bërë ashtu
    siç është urdhëruar nga shoku i tij vrasës. Por, i frikësuar
    njëkohësisht i dëshpëruar nga akti kriminal i Eduartit, ka gjetur
    kurajon që ta denoncojë atë. E ndërsa Kuliçi gjendej në fundin e një
    dyqani pranë një karburanti pranë qytetit, duke blerë diçka, Osaj i
    ka thënë shitësit që t'i telefonojë policisë. Liria e vrasësit të
    shqiptares ka marrë fund vetëm disa minuta pasi ata kanë lënë
    karburantin. Disa momente më vonë, policia ka mbërritur pas
    telefonatës së shitësit, duke urdhëruar shoferin që të hapte krahun.
    Vrasësi është treguar me gisht nga Osaj, nga ku më pas është
    prangosur. Dërgimi i menjëhershëm në qelitë e paraburgimit, zhveshja
    e të gjitha rrobave nga trupi i vrasësit, të marra si prova kanë
    qenë rezultative, njëkohësisht parësore për hetimin e suksesshëm të
    vrasjes. Pikërisht pas ekspertizës për shenjat e AND-së, në rrobat e
    tij është konstatuar se në të mbathurat e Eduart Kuliçit janë gjetur
    njolla gjaku, që i përkisnin të vrarës Lindita Kukaj, duke sugjeruar
    për një përdhunim përpara vrasjes. Një provë e pakontestushme si
    kjo, së bashku me dëshminë e Bashkim Osajt, e kanë gozhduar pas
    hekurave Kuliçin me akuzën për vrasje, duke i parapërcaktuar atij
    destinacionin e ardhshëm të sigurtë, burgun edhe për shumë vite të
    tjera.


    Shqiptarët e dënuar me burgim përjetë në Britaninë e Madhe


    Vaso Aliu nga Vlora

    Dënuar nga Gjykata e Krimeve të Rënda "Old Baily" në Londër, më 17
    shtator 2002 për vrasjen e ish të dashurës holandeze, Margatite Van
    Campenhout, më 11 janar 2002. Vrasja për motive xhelozie.

    Isuf Kryeziu nga Laçi

    Dënuar nga Gjykata e Krimeve në Belfast, më 13 janar 2002, për
    vrasjen e irlandezit Thomas McAuley në Waterford Irlandë, më 13
    gusht 2001. Vrasja për motive rivaliteti me viktimën, pasi kishte
    për të dashur gruan e tij.

    Afrim Krasniqi nga Kukësi

    Dënuar nga Gjykata e Krimeve të Rënda "Old Baily" në Londër, më 20
    dhjetor 2003, për vrasjen e menaxherit të hotelit ku
    banonte "Quadeer Abbas" më 13 shtator 2001. Vrasja për motive zënke
    midis tyre.

    Eduart Kuliçi nga Shkodra

    Dënuar nga Gjykata Qendrore e Krimeve në Irlandë, më 4 nëntor 2004,
    për vrasjen e Lindita Kukajt në qytetin Sligo, më 22 shkurt 2003.
    Vrasja për motive xhelozie, pasi ajo përqafoi në një klub nate një
    djalë tjetër.


    White_Angel
    O Zot per vete sdua gjë jo...por për prindërit nje dhëndër të bukur!

  2. #2
    i/e regjistruar Maska e friendlyboy1
    Anëtarësuar
    25-06-2002
    Postime
    769
    kriminelat jan te till kudo dhe cfardo kombsie qofshin. I uroj te denuarit burgim te mbar do ket shum kohe per tu menduar mir per gabimin qe ka ber dhe mbase i vin ment.

  3. #3
    i/e regjistruar
    Anëtarësuar
    05-03-2003
    Vendndodhja
    Oakland, CA
    Postime
    738
    Po kta nuk ethone pse e vrau ate gocen. Ajo mund te ket qen ndonji e perdal ose nji karak*rve qe e ka meritu plumbin ne lule te *****t.

Tema të Ngjashme

  1. Përgjigje: 33
    Postimi i Fundit: 17-01-2013, 12:29
  2. 200 të shumëkërkuarit shqiptarë në të gjithë Botën
    Nga Albo në forumin Në kërkim të personave të humbur
    Përgjigje: 8
    Postimi i Fundit: 04-02-2011, 10:52
  3. Kryepeshkopi Anastas ende pret nënshtetësinë shqiptare
    Nga Arrnubi në forumin Toleranca fetare
    Përgjigje: 130
    Postimi i Fundit: 19-08-2009, 07:39
  4. Ervin Hatibi
    Nga erzeni në forumin Komuniteti musliman
    Përgjigje: 9
    Postimi i Fundit: 18-11-2006, 00:39
  5. Miti i 'tolerances fetare' në Shqipëri
    Nga Qafir Arnaut në forumin Toleranca fetare
    Përgjigje: 33
    Postimi i Fundit: 05-08-2006, 05:26

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •