1,146 ton drogë u bllokuan sot në pikën doganore të Kakavijës
Autori i Lajmit:
24 ore
17/03/2005
1, 146 ton është sasia e drogës e llojit canabis sattiva, e bllokuar mëngjesin e sotëm (e Enjte), në pikën doganore të Kakavijës.
Këtë e konfirmuan pak minuta më parë, burime zyrtare të policisë lokale, sipas të cilave droga e gjetur në 15 thasë (rreth 300 kg) ishte e presuar, ndërsa pjesa tjetër ishte e papresuar.
Sasia e mësipërme e drogës u bllokua rreth orës 07.00 në një maune me targa TR 3054 F dhe TR 9195 F. Policia ka arrestuar në flagrancë drejtuesin e automjetit, 40-vjeçarin Et'hem Danaj nga Vlora. Ndërkohë që nga hetimet paraprake rezulton se droga kishte destinacion Greqinë.
Kjo është sasia më e madhe me canabis sattiva e kapur gjatë viteve të fundit në pikën doganore të Kakavijës.
Krijoni Kontakt