Vepra te Munch-it vidhen ne Norvegji.

[kolombi]

Vepra të Munch-it vidhen në Norvegji




Tri vepra të artistit norvegjez Edvard Munch që vlerësohet se kushtojnë $320,000 janë vjedhur nga një hotel në jug të Norvegjisë.
Ato u vodhën nga restoranti i hotelit Refsnes Gods, në afërsi të qytetit Moss.

Pronari i hotelit Vidar Salbuvik tha se ditën e dielë ishin marrë dy vepra të realizuara me teknikën e litografisë dhe një akuarel nga koleksioni i hotelit që numëronte shtatë vepra të Munch-it.

Kjo ndodhi pasi plaçkitës të armatosur morën veprat e Munch-it Klithma dhe Madona nga muzeu i Munch-it në Osllo në gushtin e kaluar.

Hoteli Refnes ekspozon qindra vepra të artistëve norvegjez por asnjë prej tyre nuk janë të mbrojtura me alarm.

Drejtuesit e hotelit thanë se nuk kishin patur arsye të bënin atë sepse hoteli kishte personel 24 orë në ditë.

Një punonjës thuhet se i kishte befasuar dy hajdutë meshkuj të dielën në mbrëmje por ata ikën me tri piktura. Askush nuk ishte lënduar gjatë vjedhjes.

Zoti Salbuvik tha se punimet me litografi ishin portrete, një prej tyre portret i vetë artistit, dhe e treta kishte qenë një akuarel nga viti 1915 me titullin Fustani i Kaltër.

Munch zhvilloi një stil plot emocione që ushtroi ndikim mbi lëvizjen ekspresioniste të shekullit XX.

Ai vdiq më 1944 në moshën 80 vjeçare.

[zeus]

---------------------------------------------------

Veprat u gjeten brenda 24 oreve. Policia nuk dha shume hollesira por u bene disa arrestime.

---------------------------------------------------

[[Perla]]

"Ulërima" shitet për 120 milionë $, shifra më e lartë e ofruar për një pikturë

Piktura e quajtur “Ulërima”, e piktorit Edvard Munch ka arritur një shifër rekord me të cilën është shitur ndonjëherë një pikturë. Ajo është ofruar për një çmim stratosferik prej rreth 120 milionë dollarësh, në një ankand në Nju Jork, duke marrë statusin e pikturës më të shtrenjtë në botë.

Ky punim arti i përket vitit 1895 dhe është i vetmi që ka mbetur në duart e pronarëve privatë.
Piktura në fjalë është një nga katër versionet e piktorit norvegjez ekspresionist, e cila tregon imazhin e një njeriu që mban kokën e tij duke klithur nën një qiell të mbuluar me vija të kuqe të cilat krijojnë ndjesinë e gjakut dhe të dhimbjes.
Kjo shitje e pazakontë ka thyer në këtë mënyrë rekordin e mëparshëm për pikturën e shitur më shtrenjtë, që ka qenë ajo e Pikasos e quajtur “Lakuriq, gjethe të gjelbra dhe bust", e cila është shitur për 106.5 milionë dollarë në një ankand dy vjet të shkuara.

3 maj 2012 (gazeta-Shqip)

[MarsW]

shume e famshme eshte kjo po ama aq lek sdi cte them...