E Diele, 06 Mars 2005 Korrieri
Presidenti amerikan, Xhorxh E.Bush ka emeruar diplomatin Kristofer Hill, si asistent i Sekretarit te Shtetit per Ceshtjet e Paqesorit dhe Azise Lindore. Vendimi i Bushit, qe duhet te kaloje ne konfirmimin e Senatit te SHBA-se, do te zhvendose Kris Hillin, nje diplomat i njohur ne Tirane, nga detyra aktuale e ambasadorit ne Republiken e Korese. Ai do te perfshihet ne kete menyre ne grupin e afert te bashkepunetoreve te Sekretares se Shtetit, Kondoleza Rajs.
Me pare, Hill ka qene ambasador ne Poloni. Perpara sherbimit ne Varshave, Kris Hill ka punuar si asistent special i Presidentit dhe Drejtor per Ceshtjet e Europes Juglindore ne Keshillin e Sigurimit Kombetar ne Shtepine e Bardhe. Nje njohes i mire ceshtjeve ballkanike dhe atyre shqiptare, Hill ka patur detyra ne Tirane, Shkup dhe Prishtine. Ai ka qene sekretar i ambasades amerikane ne Shqiperi ne fillim te viteve '90-te, per te sherbyer me pas si ambasador ne Republiken e Maqedonise dhe si i derguar special per Kosoven. Ai ka qene pjese e grupit negiociator te udhehequr nga Ricard Hollbruk. Perpara se t'i bashkohej ne sherbimit te jashtem, Hill ka qene vullnetar me Trupat e Paqes ne Kamerun.
Nderkohe, gjate kohes se sherbimit si diplomat ne Tirane, Kris Hill, vleresohet te kete patur nje rol te rendesishem ne zhvillimet politike ne vend. Sipas shtypit te kohes, ai vleresohet te kete mbeshtetur edhe zhvillimet politiko-gjyqesore, qe cuan ne prangosjen e Fatos Nanos, atehere lider i opozites. Kris Hill flet polonisht, serbo-kroatisht dhe pak maqedonisht dhe shqip.
Krijoni Kontakt