Nen nje Batanije leshi..

[Brari]

Koha Jone

--

E Enjte, 06 Janar 2005


QEVERIA REHABILITON ENVER HOXHEN

Nexhmije Hoxha perfiton 42 mije leke shperblim. Komisioni: Gjithcka sipas ligjeve ne fuqi

Edlira Prenga

Diktatori Enver Hoxha qe nga fundi i vitit te kaluar gezon te drejten e statusit te veteranit te Luftes Antifashiste Nacional Clirimtare. Me nje vendim te vecante te Komisionit Qendror te Statusit te Veteranit qe funksionon prane Ministrise se Mbrojtjes te vitit qe sapo lame pas, pritet t'i dorezohet familjes Hoxha statusi i veteranit te LANC-it per ish-diktatorin. Ne kete menyre rehabilitimi i figures qe beri historine e mbrapshte apo jo nuk mund te gjykohet, por pranohet boterisht qe vendi yne ka kaluar nen regjimin e tij nje nga diktaturat me te egra, nuk lartesohet me vetem neper pervjetore clirimesh, ku ne muzete e vendit ka zene tashme vendin e vet, por ligjerisht tashme eshte dhe veteran lufte. Dhe kete te drejte vleresimi ja ka dhene Ministria e Mbrojtjes, por me kerkesen e bere nga institucioni i presidences. Ishte e thene qarte ne protokollin e Ministrise se Mbrojtjes ku thuhej se me date 24.12.2004, Enver Halil Hoxha, merr statusin e Veteranit te Luftes se LANC-it, duke hedhur poshte tashme cdo aludim nese ish-diktatori eshte apo jo pjesemarres i luftes se bere kunder pushtuesit te huaj. Eshte heret per te thene e gjykuar historine e vendit tone, pasi jane historianet qe do ta bejne nje gje te tille. Por dhe ligjerisht nepermjet kerkeses se bere nga presidenca, Hoxha e ka tashme statusin e veteranit. Para do kohesh ishte e veja e Hoxhes qe i beri dy here kerkese me shkrim kreut te shtetit shqiptar, Alfred Moisiu, qe Hoxha te marre statusin e veteranit duke i kujtuar atij se babai i tij ka fjetur nen nje batanije me Enverin ne ditet e luftes. Dhe kujtesa i ka vlejtur kreut te shtetit per te kerkuar nga zv/ministri i Mbrojtjes qe Komisioni Qendror i Statusit te Veteranit te marre ne shqyrtim kerkesen per dhenien e statusit. Dhe kerkesa ka gjetur menjehere diskutim dhe miratim ne mbledhjen e fundit te vitit qe sapo lame pas te ketij komisioni, duke marre tashme fuqine ligjore te saj. Nuk mund te mohohet qe Hoxha ka qene pjese drejtuese e shtabit te pergjithshem te LANC-it, por tashme kjo gje eshte e vertetuar ligjerisht.

Hoxha nuk ka patur status veterani

Prane Ministrise se Mbrojtjes, aty ku paraqiten dhe kerkesat per dhenien e statusit se veteranit, morem dje te gjitha sqarimet ligjore se si dhe kur merret statusi i veteranit. Kujtim Sinani, shef i Sektorit te veteranit ne kete ministri, sqaroi dje per "KJ" te gjitha procdurat ligjore te dhenies se statusit duke kaluar me pas dhe ne rastin konkret te Hoxhes. Sipas asaj qe citoi dje Sinani, duke ju referuar ligjit ne Kuvend qe ekziston per statusin e veteranit dhe qe eshte ndryshuar dhe plotesuar tre here qe nga viti 1994 deri ne vitin 2000, me vendime te ndryshme qeverie, kete status mund ta marrin te gjithe personat qe kane nje libreze veterani, ku cdo muaj eshte shenuar 100 lekeshi qe ata marrin dhe qe eshte i regjistruar ne Institutin e Sigurimeve Shoqerore, certifikaten personale dhe kerkesen e bere per te marre kete status. Sipas Sinanit, nuk eshte i vertete dhe nuk eshte i parashikuar ne ligj qe duhen tre deshmitare per te vertetuar nese dikush ka qene ne lufte apo jo. "Nje gje e tille behet vetem ne rastet kur dikush qe nuk njihet fare ben kerkesen per marrjen e statusit dhe kontributi i tij eshte i panjohur. Ndersa per rastin e Enver Hoxhes, eshte e pamundur dhe absurde te kerkosh gjera te tilla, pasi te gjithe e dine rolin qe ai ka patur", sqaroi per "KJ", shefi i sektorit te veteraneve, duke mohuar ne menyre kategorike qe nga institucionet shteterore eshte kerkuar nje gje e tille, pretendim i ngritur pak kohe me pare nga e veja e ish-diktatorit. Sipas Sinanit dhe dokumentacionit qe ai kishte ne dispozicion Komisioni Qendror i Statusit te Veteranit, nuk ka marre kerkese nga Nexhmije Hoxha, as ne kohen kur ajo vete beri kerkesen per te marre statusin e saj dhe as ne vitet e mepastajme.


-----

[[xeni]]

ej, ç'po ndodh kshu, po tallen me kete popull si tu doje qejfi...

[Manulaki]

ej, ç'po ndodh kshu, po tallen me kete popull si tu doje qejfi...

Titulli "Deshmor i popullit" i mbeti mangut. Dhe e di si mund te arsyetohet ky titull :"Deri ne frymen e fundit luftoi psikopatisht kunder armiqve kapitaliste revizioniste"

[Era1]

Kush ka ngelur pa u rehabilituar?
Ne Kili u denua Pinoçeti dhe pse shume mjeke thane qe nuk ishte normal nga gjendja psikike kurse ketu po rehabilitohen diktatoret.
Ku po shkojme te ma shpjegoj ndonje se une nuk e kuptokam dot .

[Jonian]

TIRANE (6 Janar) -Ministri i Mbrojtjes Pandeli Majko ka vendosur sot t'i heq statusin e veteranit ish diktatorit Enver Hoxha. Sipas News24, Majko e ka shfuqizuar sot vendimin duke e cilesuar ate te gabuar, nga ana e Komisionit te Statusit te Veteraneve te LANC-it. Sipas tij, nuk ka pasur ndonje kerkese nga ana e familjes se ish diktatorit Hoxha, lidhur me statusin e veteranit. Enver Hoxha qendroi ne krye te qeverise dhe popullit shqiptar per rreth 50 vjet. Me vdekjen e tij mori fund sistemi totalitar duke i hapur rruge pluralizmit ne Shqiperi, dhe komunikmit me boten qe per 50 vjet ishte nje enderr e parealizueshme. bm/bm (News24/BalkanWeb)

[Brari]

---
KJ

------

E Premte, 07 Janar 2005


MAJKO: ENVER HOXHA NUK KA LUFTUAR

Pas botimit te lajmit ne "KJ" dhe reagimeve te shumta, ministri Majko vendos te terhiqet

Edlira Prenga

Ministri i Mbrojtjes, Pandeli Majko, shfuqizoi dje vendimin e vartesve te tij per t'i dhene statusin e veteranit ish-diktatorit Enver Hoxha. Menjehere pas publikimit te ketij lajmi nga "Koha Jone" dhe reagimit ne mediat e shkruara dhe vizive, ministri Majko vendosi ta anuloje vendimin qe dikasteri qe drejton kishte marre vetem disa dite me pare. "Shfuqizimi vjen per mosrespektimin e kerkesave proceduriale nga ana e Komisionit Qendror te Statusit te Veteranit te Luftes Antifashiste Nacionalclirimtare. Bazuar ne ligjin aktual, te interesuarit per marrjen e ketij statusi nuk i kane paraqitur komisionit dokumentacionin e nevojshem sipas kerkesave ligjore. Ligji eshte i barabarte per te gjithe", thuhet ne njoftimin per mediat te Ministrise se Mbrojtjes. Diktatori Enver Hoxha qe nga fundi i vitit te kaluar gezonte te drejten e statusit te veteranit, pasi me nje vendim te vecante te Komisionit Qendror te Statusit te Veteranit qe funksionon prane Ministrise se Mbrojtjes, ish-diktatorit iu dha ky status i vecante. Kete kerkese Ministria e Mbrojtjes e pranoi pas kerkeses se bere nga institucioni i Presidences. Ishte shkruar qarte ne protokollin e Ministrise se Mbrojtjes ku thuhej se me date 24.12.2004, Enver Halil Hoxha, merr statusin e Veteranit te Luftes se LANC-it, duke hedhur poshte tashme cdo aludim nese ish-diktatori eshte apo jo pjesemarres i luftes se bere kunder pushtuesit te huaj. Eshte heret per te thene e gjykuar historine e vendit tone, pasi jane historianet qe do ta bejne nje gje te tille. Por dhe ligjerisht nepermjet kerkeses se bere nga presidenca, Hoxha e ka tashme statusin e veteranit. Para do kohesh ishte e veja e Hoxhes qe i beri dy here kerkese me shkrim kreut te shtetit shqiptar, Alfred Moisiu, qe Hoxha te marre statusin e veteranit duke i kujtuar atij se babai i tij ka fjetur nen nje batanije me Enverin ne ditet e luftes. Dhe kujtesa i ka vlejtur kreut te shtetit per te kerkuar nga zv/ministri i Mbrojtjes qe Komisioni Qendror i Statusit te Veteranit te marre ne shqyrtim kerkesen per dhenien e statusit. Dhe kerkesa ka gjetur menjehere diskutim dhe miratim ne mbledhjen e fundit te vitit qe sapo lame pas te ketij komisioni, duke marre tashme fuqine ligjore te saj. Nuk mund te mohohet qe Hoxha ka qene pjese drejtuese e shtabit te pergjithshem te LANC-it, por tashme kjo gje eshte e vertetuar ligjerisht. Dy dite me pare, Kujtim Sinani, shef i Sektorit te veteranit ne kete ministri, sqaroi per "KJ" te gjithe procedurat ligjore te dhenies se statusit duke kaluar me pas dhe ne rastin konkret te Hoxhes. Sipas asaj qe citoi Sinani, duke ju referuar ligjit ne Kuvend qe ekziston per statusin e veteranit dhe qe eshte ndryshuar dhe plotesuar tre here qe nga viti 1994 deri ne vitin 2000, me vendime te ndryshme qeverie, kete status mund ta marrin te gjithe personat qe kane nje libreze veterani, ku cdo muaj eshte shenuar 100 lekeshi qe ata marrin dhe qe eshte i regjistruar ne Institutin e Sigurimeve Shoqerore, certifikaten personale dhe kerkesen e bere per te marre kete status. Sipas Sinanit, nuk eshte i vertete dhe nuk eshte e parashikuar ne ligj qe duhen tre deshmitare per te vertetuar nese dikush ka qene ne lufteapo jo. Nderkohe, ministri Majko e rrezoi dje vendimin e ketij komisioni me argumentin se familjaret e Enverit duhet ta benin kerkesen prane Ministrise se Mbrojtjes dhe jo Presidences.

---


---

[Brari]

korrieri
--


Gracka e Diktatorit

E Premte, 07 Janar 2005

Me fitimin e statusit te Veteranit te Luftes Antifashiste Nacionalclirimtare, tani kur po mbushen 15 vjet nga vdekja e Enverit, Nexhmije Hoxha nuk duket se synon thjeshte te fitoje ca para me teper per pleqerine e saj. Por, me shume se kaq, nje vendim i tille duket se eshte nje kurth, ku duket se po binin shume lehte pasuesit e PPSH ne pushtet. Nje gracke ku mund te kishin rene te gjithe shqiptaret dhe historia jone e 50 viteve te dyta te shekullit qe sapo kemi lene pas. Fitorja e nje statusi te tille, do te ishte certifikata me e mire, per zyrtarizimin e riciklimit te perjetshem, te figures se Diktatorit komunist te Shqiperise.

Nje riciklim qe do ta identifikonte jeten dhe vepren e "Gjeneralit" pas vdekjes, me ate te mijera partizaneve qe vertete ishin "ushtaret" e tij ne ate periudhe te Luftes, por qe nuk kane asgje te perbashket me te. Duhet pranuar qe Enver Hoxha, pavaresisht sistemit qe u vendos me pas ne Shqiperi, ashtu si edhe Stalini ne BRSS, ka qene njeriu qe udhehoqi ate force politike dhe formacionet e saj te armatosura, qe marshuan triumfalisht ne Tirane, si fitimtare. Por, ne asnje rast te historiografise serioze te botes moderne, fitimtaret e nje lufte, qe me pas, e shfrytezuan ate per tu bere diktatoret e popullit te tyre, nuk jane reabilituar. Pasi, demi qe ata i sollen vendit te tyre, ishte shume here me e rende, se fitorja e nje lufte, qofte edhe ajo kunder nazi-fashizmit.

Josif Visarianovic Stalini, njihet jo vetem nga BRSS por edhe nga aleatet perendimore te Luftes se Dyte Boterore,- Presidentet e SHBA dhe Britanise,- qe u ulen perkrah tij ne Jalte, si drejtuesi i nje lufte qe mposhti ushtrine hitleriane. Por, mizorite e tij te mevonshme kunder qytetareve te vet, Enver Hoxha ashtu si edhe Pol Poti, Mao Ce Duni etj, ia kane hequr atyre te drejten per te qene figura te nderuara, me statuse te vecanta, qofte edhe si ajo qe po kerkon sot per te, bashkeshortja e tij 82- vjecare. Pervec ndonje nostalgjiku te harruar, jo vetem qeveria e Moskes, por edhe populli rus apo i ish republikave te tjera ish- sovjetike, nuk e nderojne me figuren e Stalinit, i kryqezuar madje 4 dekada me pare, qe ne Kongresin e XX te PK se BRSS, te drejtuar ne ate kohe nga Nikita Hrushovi.

Me aktin e refuzimit qe i beri dje, kerkeses per dhenien e statusit te veteranit per Enverin, me shume se i hoqi nje njolle te mundshme PS ne kete vit elektoral, ministri Majko, ndoshta pa dashjen e tij, i hoqi mundesine Nexhmije Hoxhes per te futur historiografine shqiptare, ne gracken e reabilitimit zyrtar, te diktatorit dhe diktatures komuniste ne Shqiperi.




--

[green]

Nuk e lexova te tere se me jane merzitur per vdekje keto brockulla dhe skenare. Ah, moj e mjera Shqiperi...

[Brari]

KOHA JONE

---


ALIBIA MAJKO-MOISIU PER ENVERIN

Edlira Prenga

Nderkohe qe diktatori Enver Hoxha ne prill te ketij viti mbush 20 vjet qe ka nderruar jete, institucionet shqiptare perpiqen ta mbrojne ate. Presidenti Moisiu dhe ministri Majko tentuan dje ta shesin si nje keqkuptim vendimin e Komisionit te Veteraneve prane Ministrise se Mbrojtjes, i cili i dha statusin e veteranit ish-diktatorit, ne fund te vitit 2004. Dy institucionet kryesore po perpiqen tashme te mbulojne me se miri njera-tjetren duke mos marre mbi vete pergjegjesine per dhenien e deshmise Enver Hoxhes. Vendimin e Komisionit Qendror te Statusit te Veteranit, Ministri i Mbrojtjes, Pandeli Majko, e ka anuluar dy dite me pare duke e konsideruar ate si nje veprim te nxituar. Per te perforcuar kete ide te tijen, ministri Majko u shpreh dje se eshte bere nje kerkese nga institucioni i presidences, por qe eshte kerkuar me teper nje sqarim per procedurat qe duhet te ndiqen per dhenien e statusit te veteranit. Kjo deklarate e shefit te dikasterit te Mbrojtjes erdhi dje menjehere pas takimit qe ky i fundit kishte ne dje me kreun e shtetit shqiptar, Alfred Moisiu. Sipas Majkos kerkesa e bere nga kreu i shtetit ne forme sqarimi eshte keqkuptuar nga Komisioni i Veteraneve, duke e marre si te mireqene kerkesen dhe duke i dhene statusin e veteranit diktatorit Hoxha. Po nga ana tjeter kabineti i presidences ka dale menjehere dje ne nje konference per shtyp duke pergenjeshtruar faktin qe presidenti ka bere nje kerkese zyrtare per dhenien e statusit te veteranit diktatorit Hoxha. Nga ana tjeter zedhenesja e presidentit nuk mohon faktin qe eshte marre kerkesa nga e veja e Hoxhes, duke ja kaluar me pas per kompetence ministrit perkates. E gjithe kjo "lufte" deklaratash e bere ne nje hark kohor prej dy ditesh nuk eshte thjesht nje keqkuptim mes institucioneve. Pse ju desh Komisionit Qendror te Statusit te Veteranit qe funksionon prane Ministrise se brojtjes te mblidhej per te pare me prioritet kerkesen e bere nga kreu i shtetit per te pare mundesine e dhenies se statusit te veteranit ish-diktatorit? Me pas del nje anulim vendimi nga Majko, duke u cilesuar si nje keqkuptim dhe qe per Hoxhen duhet te ndiqen te gjitha procedurat si per cdo veteran tjeter qe ka marre pjese ne lufte. Sipas deklarates se presidences kabineti ka marre 3 700 letra per probleme te ndryshme dhe me pas si nje agjensi i ka shperndare ato per te marre sqarimet perkatese. Nga ana tjeter Nexhmije Hoxha eshte shprehur dhe nje here dje se i ka shkruar dy here presidentit dhe se nuk ka ndermed qe ajo te mbledhe deshmitare per te vertetuar nese Enveri ka qene ne lufte apo jo, pasi sipas saj kjo do te ishte e turpshme. Por qe gjithsesi nuk mohon faktin qe i ka shkruar dy here Moisiut per te njohur Hoxhen si veteran te luftes.

Presidenca: Nuk ishte propozimi yne

Institucioni i Presidences i cileson spekulime zerat se presidenti ka paraqitur nje kerkese per dhenien e statusit te veteranit, diktatorit Hoxha. Zedhenesja e presidences ka sqaruar dje ne nje konference per shtyp se "Presidenti i Republikes nuk ka dekretuar, nuk ka urdheruar dhe as nuk ka propozuar dhenien e statusit te veteranit Enver Hoxhes". Sipas zedheneses Aferdita Sokoli, per ceshtjen ne fjale eshte ndjekur rruga zyrtare si per cdo leter drejtuar kryetarit te shtetit. "Letra e Znj. Hoxha ishte nje nga 3700 letrat adresuar Presidentit te Republikes vitin e kaluar dhe per te cilen u ndoq praktika normale, duke ia kaluar per kompetence ministrit perkates", vuri ne dukje ajo, duke mos mohuar ne kete menyre faktin se ka patur nje kerkese te tille dhe me pas kjo kerkese ne emer te Presidences i eshte adresuar Komisionit Qendror te Statusit te Veteranit, prane Ministrise se Mbrojtjes. Per kreun e shtetit, me i rendesishem mbetet fakti i pasqyrimit sa me te vertete me ate qe do te ndodhe ne zgjedhjet e ardhshme parlamentare. "Opinioni publik shoqeror ka nevoje te degjoje si po pergatitemi per zgjedhjet, te cilat jane vendimtare per kete vit. Ai do te dije cfare po behet per te ulur papunesine dhe si gjykojne forcat politike per te; do te dije si do te luftohet me mire korrupsioni, varferia, kriminaliteti, dhe si do te plotesojme me shpejt kushtet per levizjen e lire, etj", thuhej ne deklaraten e djeshme, duke dashur qe ne kete menyre kjo ceshtje te mbyllej ketu.
E Shtune, 08 Janar 2005


ENVERI DHE DESHTIMI I DEMOKRACISE

Nga Edi Lesi

Debatet e diteve te fundit per statusin e ish-diktatorit, eshte e sigurte se nuk do te ishin bere nese 15 vjet pas hapjes se Shqiperise dhe instalimit te demokracise, do te kishim me shume fryte te ketij sistemi.

Fryrja e ketyre temave, rreth rolit apo meritave te Enverit, nuk eshte vetem deshmi e ekzistences se nostaligjikeve. Me se shumti, kjo vjen nga zhgenjimi qe shume njerez kane provuar ne demokraci.

Nese sot do te gezonim disa standarte, po te ndjeheshim realisht me afer BE-se, pakkush do te kishte arsye te kthente koken mbrapa.

Duke qene ne nje gjendje ku shumica e qytetareve ne vend nuk merr dot nje vize per te qarkulluar lirisht, kur nuk ke te sigurte voten, kur nuk kryen dot nje pune ne nje sportel te shtetit pa paguar para, pra duke ekzistuar keto rrethana, Nexhmija eshte ne gjendje qe me nje leter te turbulloje shume mendje dhe te kalle debat te zjarrte.

Keshtu, jo vetem nostalgjiket e pakorigjueshem, jo vetem hysnimilloshet, por edhe te tjere gjejne kohe sa te duash per te vrare, me kesi argumentash.

Hicmeshume se disa privilegje dhe te drejta qe kane siguruar shume vende lindore, ish-komuniste si ne, do te duheshin qe te ishte kryer nje here e mire divorci me te kaluaren e erret te 45 viteve.

Vende si Rusia, apo republika qe kane qene nen ndikimin e Moskes, kane provuar edhe ato diktatura te egra, por sot temat qe rrihen atje kane te bejne me perfeksionimin e standarteve dhe pershpejtimin e integrimit real ne BE.

Mungesa e progresit ne kete drejtim tek ne, eshte terreni qe pjell debato-enveret. Sigurisht, propozuesit e statusit te veteranit, hallkat nga ka kaluar kjo histori kane pergjegjesine kryesore te humbjes se kohes me te tilla histori. Por njesoj fajtor per kete gjendje te brishte mentale, ku Enveri rremben mendjet e njerezve, jane aktoret kryesore te politikes se ketyre viteve qe e kane lene Shqiperine vendin me te korruptuar ne Europe, vendin ku ende nuk jane te sigurta disa liri dhe te drejta themelore te njeriut.

[Brari]

mbi nje batanije leshi shtruar mbi kanape shkruan Ardiani..qe i di mire pune..

Shekulli

--

Teatër me veteran


Ardian Klosi

Para do kohësh pata shkruar një ese për teatrot verore të politikës sonë. Duke vështruar lajmet e djeshme, kuptova se në vendin tonë jo vetëm politika, por edhe mediat kanë nevojë për teatër, dhe nevPoja nuk është vetëm për teatrin veror, por edhe për atë dimëror. Fjala sot është për teatrin: “A ishte Enveri veteran?”
Pësoj gjithmonë një si shkrehje në periudhë pushimesh, një mosdashje për të marrë penën e për t’u hedhur prapë në sheshin e betejave (të qena apo të mosqena) të realitetit shqiptar. Këtë herë, pas takimit të përsëritur me botë më të qeta, dhe shumë shumë më të kultivuara, por sidomos pas katastrofës biblike që ra mbi një pjesë të njerëzimit, e tillë që na bën të mendojmë edhe një herë realitetin e kokrrizave që përfaqësojmë, polemikat shqiptare dalin në një dritë edhe më absurde.
Mirëpo për çudi, është pikërisht ky absurditet që na bën të hidhemi sërish në arenën e betejave të fjalës. A ishte vallë Enveri veteran? Mos jemi dhe ne, konkretisht mos jam edhe unë pjesë e absurditetit mediatik-politik të një realiteti të caktuar shqiptar? Me sa duket po, mirëpo ja që diku është një frikë, se po nuk e ngrite zërin, po nuk e luftove absurditetin, ai do të na përmbysë si një tsunam i paanë mendor, deri në atë pikë sa në një të ardhme të afërt do të mundim veç ta belbëzojmë gjuhën tonë të bukur shqipe.
Konkretisht: po mundohem të zbërthej absurditetin e temës së lajmeve të djeshme, siç i pashë në një stacion televiziv, por që padyshim është marrë e rimarrë edhe nga sivëllezër të tij. Tema është: A duhet njohur Enveri si veteran? Se kush ia nisi kësaj furtune në botën e mediave tona, nuk është aspak e qartë. Njëherë duket sikur ishte Nexhmia (i dërgoi Moisiut një letër, që të njihet Enveri si veteran – punë e madhe, mund të thotë dikush, letrat e një vejushe plakë nuk përbëjnë lajm). Pastaj ngjan sikur, në të vërtetë, lajmin e bëri presidenti Moisiu. Ky, sipas gazetarit apo redaksisë televizive, kërkesën e vejushës e hodhi për shqyrtim: ai ia dërgoi atë Komisionit të veteranëve. Por mund të jetë edhe Komisioni i veteranëve, pra as Nexhmia e as Moisiu, ai që shkaktoi lajmin e bujshëm. Të shohim. Një personazh i katërt që futet në skenën e teatrit dimëror është ministri i Mbrojtjes Pandeli Majko (nuk kuptohet në ç’funksion doli në skenë ai: si lider socialist me mbeturina enveriste, si dhjetorist i çalë apo si shef i një ministrie që paskej edhe një sektor të panjohur: Zyrën e Veteranëve?). Duke ndjekur kronikën televizive është krejt e pamundur të gjesh një logjikë ose shkaktarin e vërtetë të lajmit: Vejusha e intervistuar në plasën e derës (diç më mirë se ta kish dhënë intervistën te syri magjik) edhe e pohon që ka dërguar një letër te Presidenti, por edhe e mohon se ka kërkuar që Enveri të njihet si veteran. “Enverin e njohin të gjithë si komandant të Luftës, unë s’kam pse kërkoj një gjë që dihet”, i thotë ajo gazetares, e cila me sa duket ka vënë një këmbë te plasa e derës në mënyrë që vejusha të mos ia mbyllë atë para hundëve. Mikrofoni pas kësaj skene dramatike që zhvillohet diku në Laprakë, kalon te Afërdita Sokoli, gazetarja e kohëve të luftës, së cilës i shkon bukur mirë qëndrimi për veteraninë ose joveteraninë e dikujt. Mirëpo Afërdita nuk na thotë asgjë të saktë, ajo deklaron se Presidenti ka kaluar një kërkesë për te Komisioni, sikurse bën me mijëra të tjera.
Është krejt e qartë se askush nuk do ta mbajë topin Enver në anën e vet. Secili vërteton se vazhdojmë ta kemi keq punën me të kaluarën tonë, se, sa më shumë botohen, aq më të paditur bëhemi (përfundimi: Më mirë të na e bëjnë historinë të huajt, sikurse deri më sot). Të gjithë janë zënë në një si siklet ofiqial. Vejusha ia doli edhe një herë të shqetësojë një Shqipëri të tërë. Tani që ajo s’ka më levat e pushtetit dmth. të përjashtimit nga Partia, dëbim-internimit, arrestimit ose pushkatimit, e vea, Enveri i gjallë mes nesh, rri e rri dhe hedh nga një gur në publik, qofshin këto memuaret e rrëfyera sipas qejfit, ose një letër dërguar këshilltares Afërditë. E përfytyroj pastaj tek hap televizorin dhe fërkon duart kur sheh veten në krye të lajmeve, ashtu si dikur, kur çelte një Konferencë ose inauguronte një piramidë... “Pesë vjet do të më qani, pesë vjet do të më shani, gjithë jetën do të më kujtoni”. Ja ku doli dhe fjala e popullit...
Dy vetë, përfaqësues të dy kampeve, gëzohen pa masë për këtë që ndodhi, e kam fjalën për hedhjen e pyetjes: A është Enveri veteran? Ata janë Sali Berisha dhe Idajet Beqiri. Të dy kanë nevojë për profilim, për protagonizëm, për vëmendje mediash. I pari (mos o Zot!) sepse është në prag të një fushate të re dhe do të dalë edhe një herë si kampion i së djathtës dhe i dënimit të diktaturës. I dyti ngaqë do të flakë tej namin e keq të terroristit, për t’u bërë edhe një herë përfaqësues i ndjenjave të majta veterane të shqiptarëve “Pse ia rrëzuam ne monumentin më 21 shkurt?” sokëllinte dje udhëheqësi demokrat, duke harruar se ishin të tjerë në atë kohë që e rrëzuan monumentin, kurse ky nuk pranonte as t’ia zinte në gojë emrin Enverit dhe me të tijtë bënte çmos të përmbante turmën. Letra e Nexhmijes i erdhi si me porosi, bombël oksigjeni për tribunat që na presin deri në zgjedhje.
Askush nga ne, e kam fjalën nga njerëzit që nuk pjesëmarrin me dëshirë në polemika të tilla të shpifura – kush për të mbushur orët televizive e kush për të mbledhur kapital politik – nuk ka ndonjë mëdyshje përballë pyetjes: A është Enveri veteran? Një njeriu që vrau dhe syrgjynosi gjithë shokët e vet dhe që udhëhoqi një vend të tërë drejt katastrofës ekonomike dhe morale, nuk i pyetet se ç’punë të mira mund të ketë bërë gjatë dy vjetëve të largëta të jetës së tij (edhe në ato vite nuk rreshti së vrari prapa shpine shokët). Është diçka e ngjashme, sikur kilianët sot të diskutonin për kontributin e Pinoçetit në luftën antikolonialiste, ndërkohë që ai plak i leqendisur, i cili në jetën e tij ka kryer shumë më pak delikte sesa kandidati ynë për veteran, po kalon nga gjyqi në gjyq, pikërisht për t’u përgjigjur për krimet e tij.
Sidoqoftë, ky mund të jetë edhe thjesht opinion personal, pasi nuk kam të drejtë të flas në emër të shumë njerëzve. Në të vërtetë, ajo që mund të bëj është vetëm që të pështetem në kanape dhe të vazhdoj të ndjek teatrin dimëror të mediave dhe të politikës shqiptare.



08/01/2005

....

ja cthote ai qe nuk duron provokacionet..kinse..
Berisha: Enveri veteran, provokacion për të vrarët dhe të internuarit


N. Perndoj

TIRANE- Kryetari i Partisë Demokratike, Sali Berisha, nuk e ka pritur aspak mirë vendimin e Komisionit Qendror të Statusit të Veteranëve për dhënien e statusit të veteranit, ish-diktatorit Enver Hoxha. Në konferencën e djeshme për shtyp, lideri i opozitës, u shpreh se ky është një provokim i hapur nga presidenti Alfred Moisiu dhe kryeministri Fatos Nano. “Enver Hoxha është vënë në historinë e Shqipërisë si krimineli më i egër dhe më çnjerëzor, që shqiptarët kanë patur në të gjithë shekullin. Josif Stalin njeriu që udhëhoqi Bashkimin Sovjetik në Luftën e Dytë Botërore, luftë në të cilën popujt e këtij vendi bënë sakrificat më të mëdha njerëzore, është dhe mbetet në analet e historisë si krimineli numër një i shekullit të 20-të. Hoxha është Stalini i shqiptarëve. Akti i Alfred Moisiut dhe i Fatos Nanos është një provokacion i ulët, nga më të ulëtit, që mund t’u bëhen dhjetëra dhe qindra mijëra shqiptarëve të cilët pas luftës u ekzekutuan dhe u burgosën dhe u internuan për bindjet e tyre. Duhet të kesh ndërgjegjen e klikës në pushtet, që të përpiqesh të shpallësh diktatorin më të egër të Europës veteran”, - tha dje Berisha. Kryetari i opozitës, shtoi se iniciativa të tilla, mund të çojnë edhe në një lëvizje të dytë popullore, si ajo e shkurtit e vitit 1991. “Duhet t’i them kësaj klike se më 20 shkurt ne nuk rrëzuam bustin, por rrëzuam bustet e gjalla dhe t’i siguroj se loja e tyre mund të ketë pasojë, që edhe ata të pësojnë të njëjtin fat të busteve të gjalla të vitit ‘91. Të mos provokojnë shqiptarët dhe ky është një akt i shëmtuar i atyre që nuk kanë ndërgjegje shoqërore. Kjo është një përpjekje monstruoze për të rehabilituar monstrën e historisë së shqiptarëve”, - tha ai.



08/01/2005
---
ja dhe RD-ja
Presidenca fsheh letrën që kreu i shtetit i ka dërguar të vesë së diktatorit

Nexhmija zbulon Moisiun

E veja e diktatorit i është adresuar me të njëjtat kërkesa, tre herë radhazi edhe presidentit të mëparshëm, Rexhep Meidani. Meidiani, ndryshe nga Moisiu, kishte refuzuar që t'u përgjigjej tre letrave të Nexhmije Hoxhës

Presidenca është munduar dje që të kalojë me një sqarim publik skandalin e fundit, sipas të cilit Presidenti ka kërkuar një zgjidhje të shpejtë për dhënien e statusit të veteranit për diktatorin Hoxha. Në një deklaratë për shtyp të Presidencës mundohej të sqarohej se Presidenti ka kërkuar nga autoritetet e Ministrisë së Mbrojtjes vetëm zbatimin e procedurave ligjore për rastin në fjalë. Por ajo që ka fshehur dje Presidenca është letra që kreu i shtetit i ka adresuar të vesë së diktatorit Hoxha. Një fakt i tillë është bërë i ditur dje gjatë një prononcimi që Nexhmije Hoxha dha për televizionin "Klan". Hoxha tha se i ishte adresuar Presidentit që të ndërhynte për të zgjidhur marrjen e Statusit të Veteranit të Luftës për bashkëshortin e saj. Vetë e veja e diktatorit pranoi, se nuk i ishte nënshtruar asnjë prej procedurave ligjore, por i ishte adresuar direkt Presidentit të vendit. Por, Nexhmija ka arritur të sqarojë dhe atë pjesë të letrës që zyra e Moisiut e fshehu dje për publikun. Në përgjigjen drejtuar të vesë së diktatorit, Moisiu, sipas vetë Nexhmijes, kishte kërkuar që të zgjidhej sa më shpejt dhënia e Statusit të Veteranit për diktatorin Hoxha. Në mes të sqarimit të bërë nga Presidenca dje dhe letrës së Moisiut për të venë e diktatorit ka një mosrakordim qëndrimesh. Moisiu mundohet të fshehë të vërtetën, dhe të mohojë se ka kërkuar dhënien e shpejtë të Statusit të Veteranit për diktatorin, ndërkohë që një gjë të tillë e konfirmon Nexhmije Hoxha.

E veja e diktatorit i është adresuar me të njëjtat kërkesa edhe presidentit të mëparshëm, Rexhep Meidani. Mediani ndryshe nga Moisiu, megjithëse një president i zgjedhur me votat e PS kishte refuzuar që t'u përgjigjej të tre letrave të Nexhmije Hoxhës.


--------------------------------------------------------------------------------

Reagojnë shoqatat e ish-të përndjekurve politikë

"Enver Hoxha ishte kriminel"

Ne përfaqësuesit e të përndjekurve Politikë të Shqipërisë, pasi u njohëm nëpërmjet medias se Komisioni pranë Ministrisë së Mbrojtjes të qeverisë shqiptare, i ka dhënë statusin e Veteranit, diktatorit më të egër të Europës, pas Luftës së Dytë Botërore, sadistit kriminel Enver Hoxhës, deklarojmë si më poshtë:

1.Dënojmë veprimin e papërgjegjshëm kriminal të këtij Komisioni dhe kërkojmë nga ministri i Mbrojtjes zoti Pandeli Majko shkrirjen e këtij komisioni të papërgjegjshëm.

2.Ky është një provokacion i hapur që i bëhet gjithë popullit shqiptar. Demokracisë, por në veçanti shtresës së të përndjekurve politikë, prej të cilëve sipas vendimeve të këtij diktatori, u vranë, u burgosën, u internuan dhe u dëbuan me qindra dhe mijëra burra dhe gra intelektualë nacionalistë, patriotë, fëmijë në barkun e nënës, rini që humbi shpresën dhe të ardhmen.

3.Enver Hoxha ka qenë dhe do të ngelet një kriminel, i cili mban përgjegjësi për të kaluarën, për të tashmen dhe për të ardhmen e Shqipërisë.

4.I bëjmë thirrje edhe një herë të gjithë shqiptarëve, por në veçanti ish-të përndjekurve politikë të kujtojnë se edhe në Shqipëri është instaluar plotësisht regjimi i Enver Hoxhës prandaj ky është një thirrje e kujtesës për ne që të mos harrojmë asnjëherë plagët e vjetra dhe plagët e reja, të cilat me këto veprime edhe sot nuk janë shëruar. Ne i kishim falur për hir të kombit, por këta qëllimisht me provokimet që bëjnë kërkojnë edhe njëherë kthimin e diktaturës dhe hapjen prap të luftës civile dhe jo pajtim kombëtar.


--------------------------------------------------------------------------------

Nano-Moisiu, trashëgimtarët e Enverit

Mujë BUÇPAPAJ


Vendimi i shtetit shqiptar për të rehabilituar diktatorin Hoxha ka lënë pa frymë shumicën e popullit shqiptar, por edhe Perëndimin. Nuk do pyetje që ky veprim do t'ia mbyllë portat e integrimit Shqipërisë, pasi nga njëra anë, kërkesat formale për integrim euroatlantik dhe nga ana tjetër, rehabilitimi i një figure të urryer diktatoriale si Enver Hoxha, janë dy gjëra që nuk shkojnë.

Sa herë që më është dashur të shkruaj për temën e diktaturës këto vitet e fundit, gjithnjë më ka ardhur në ndihmë një poezi e famshme e njërit prej disidentëve të shquar të Lindjes, me titull "Trashëgimtarët e Stalinit". Disidenti rus Jevtushenko shkruante mes të tjerash se për sa kohë që janë mbi dhe trashëgimtarët e Stalinit, paqe dhe harmoni nuk mund të ketë jo vetëm në atdheun e tij, por askund tjetër në këtë botë. Duket se profecia e poetit të paktën në Shqipëri është provuar deri në tragjizëm, tek merret vesh vendimi i Presidentit të Republikës, Alfred Moisiu, i nxitur nga kryeministri Fatos Nano, për të shpallur kriminelin Enver Hoxha si veteran të luftës.

Veprimi i nxituar i dyshes Nano-Moisiu për të shpallur diktatorin më të madh të Europës së pas Luftës së Dytë veteran., ka lënë pa frymë jo vetëm shumicën e popullit shqiptar, por edhe Perëndimin. Në asnjë vend ish- komunist nuk ka ndodhur që të shpallen veteranë figurat e inkriminuara të regjimit komunist, pavarësisht nga roli i tyre në Luftën e Dytë. Diktatura që udhëhoqën, varret kolektive, të pushkatuarit pa gjyq dhe mjerimi që iu sollën miliona njerëzve gjatë 50 vjetëve të shekullit të kaluar, u ka hequr atyre çdo të drejtë për të qenë simbol i asaj qëndrese kolektive kundër nazifashizmit, siç janë veteranët.

Katërmbëdhjetë vjet më parë, kur populli i kryeqytetit rrëzoi bustin e diktatorit komunist Enver Hoxha, të paktë kanë qenë ata që do të kishin besuar po t'iu thoje në atë moment se portreti i diktatorit do të rikthehej përsëri nëpër institucione dhe vetë ai do të shpallej veteran. Për fat të keq, jo vetëm portreti i diktatorit u rikthye në Muzeun Kombëtar dhe Ministrinë e Jashtme, si një sfidë e paparë askund në Europën ish-komuniste, por edhe vetë enverizmi u rehabilitua me shpejtësi të madhe. Pas rikthimit të komunistëve në pushtet, në mars të vitit 1997, në krye të strukturave të shtetit u ngjitën me poterë dhe kërcënime edhe trashëgimtarët e Enverit.

Askund në Europë nuk pati një nxitim të tillë vrastar se sa nga trashëgimtarët e Enverit për të çmontuar demokracinë shqiptare gjatë këtyre tetë vjetëve të fundit, duke lënë të parealizuara të gjitha shpresat e popullit shqiptar, i cili me mesditën e 20 shkurtit të vitit 1991 mendoi se qe çliruar nga makthi i gjatë i diktatorit dhe se mund të ecte përpara krahas të gjithë popujve të tjerë të kontinentit. Siç thotë edhe shkrimtari i shquar Ismail Kadare, nomenklatura e vjetër komuniste ndërpreu në mes ëndrrën europiane të shqiptarëve, duke ndërtuar edhe njëherë politikën e izolacionit dhe të deformimit të reformave politike dhe ekonomike, duke çuar në krye të institucioneve apo në nivelet e dyta të tyre pasardhësit e ish-byrosë së vjetër komuniste.

Pasardhësit e Enverit në krye të qeverisjes shqiptare ia kanë dalë që brenda një kohe të shkurtër të instalojnë një sistem represioni dhe përjashtimi fatal ndaj opozitës antikomuniste në vend. Shtypja brutale e Lirive dhe të Drejtave themelore të Njeriut, vrasja e rreth 30 drejtuesve të lartë të opozitës, përfshirë edhe liderin e Lëvizjes së Dhjetorit, Azem Hajdari, kanë shënuar hapa pas të demokracisë në Shqipëri. Reagimet negative të Bashkimit Europian lidhur me Marrëveshjen e Asociim-Stabilizimit me Shqipërinë, Këshillit të Europës, Kongresit Amerikan dhe OSBE-së, është një reagim i ashpër i Perëndimit ndaj trashëgimtarëve të Enverit në Tiranë, të cilët akoma mendojnë se mund të ruajnë pushtetin e tyre jo legjitim me metoda jo demokratike, me krime dhe intriga të stilit të Hoxhës, me papunësi, mjerim, errësirë, korrupsion dhe fatalitet shtetëror.

Manipulimi i rëndë i të gjitha zgjedhjeve të pas qershorit të vitit 1997, orientimi politik i drejtësisë, blerja dhe manipulimi i shtypit të pavarur, si dhe përfshirja e drejtuesve të lartë të shtetit në krime dhe korrupsion, kanë bërë që shoqëria shqiptare të jetë përsëri një shoqëri e dënuar, dhe Shqipëria një vend i izoluar po aq sa më 20 shkurt 1991, kur ra diktatori dhe u ngrit vigani.

Vendimi i duetit Moisiu-Nano për rehabilitimin e figurës së diktatorit Enver Hoxha na sjell në mendje 20 shkurtin e vitit 1991, por edhe grevën e urisë të qindra studentëve të Universitetit të Tiranës, na sjell përfytyrimin e mijëra qytetarëve të Tiranës që brenda pak minutave rrëzuan për tokë monumentin e diktatorit komunist dhe bashkë me të, edhe të mitit të tij.

Nuk do pyetje se këtë fat do të kenë edhe trashëgimtarët e Enverit, në qoftë se nuk do të anullojnë vendimin për shpalljen e terroristit Enver Hoxha si veteran lufte dhe nuk do t'iu përgjigjen pozitivisht kërkesave të popullit shqiptar e Perëndimit për kalim të butë të pushtetit tek opozita, përmes zgjedhjesh të lira dhe të ndershme.


--------------------------------------------------------------------------------

PD dënon nderimin që krerët e shtetit i bënë monstrës së historisë

Rehabilitimi i diktatorit është provokacion i rëndë

Berisha: "Shkurti i vitit 1991 mund të mbetet në harresë me fatin që do të pësojnë bustet e gjalla të pushtetit. Nuk ka provokacion më të ulët ndaj shqiptarëve, sesa përpjekja e Nanos dhe Moisiut për të rehabilituar figurën më gjakësore të historisë sonë kombëtare"

"Rehabilitimi i diktatorit Enver Hoxha është një akt i shëmtuar dhe provokativ për miliona shqiptarë që vuajtën deri në mizori regjimin e tij terrorist". Shkak për këtë reagim të kryetarit të Partisë Demokratike, Sali Berisha, shërbeu një vendim i njëanshëm i Presidentit të Republikës, Alfred Moisiu, marrë në fund të dhjetorit të vitit të kaluar dhe bërë publik këto ditë për shpalljen veteran lufte të diktatorit komunist Enver Hoxha.

Kryetari i PD-së tha dje gjatë një konference shtypi se "duhet t'i them kësaj klike se më 20 shkurt, ne nuk rrëzuam vetëm bustin, pasi rrëzuam bustet e gjalla dhe duhet t'i siguroj se loja e tyre mund të ketë pasoja që edhe ata të pësojnë të njëjtin fat si bustet e gjalla të vitit '91". Berisha u bëri thirrje krerëve të shtetit dhe qeverisë të mos provokojnë ndjenjat e kombit shqiptar. Siç tha ai, "të mos provokojnë shqiptarët, se ky është një akt i shëmtuar. Kjo është një përpjekje monstruoze për të rehabilituar monstrën e historisë sonë kombëtare". Duke komentuar figurën e diktatorit, kryetari i PD-së dhe i opozitës shqiptare u shpreh se "Enver Hoxha është në historinë e Shqipërisë krimineli më i egër, më mizor që shqiptarët kanë patur në të gjithë shekujt. Edhe Stalini, njeriu që udhëhoqi Bashkimin Sovjetik në Luftën e Dytë Botërore, luftë në të cilën popujt e këtij vendi bënë sakrificat më të jashtëzakonshme njerëzore, është dhe mbetet në analet e historisë si krimineli numër një i shekullit të XX". Kryetari i PD-së deklaroi se "Hoxha është Stalini i shqiptarëve".

Në vazhdim të komentit të tij, Berisha theksoi se "akti i Moisiut dhe Nanos është një provokacion i ulët, nga më të ulëtit që mund t'iu bëhet dhjetra dhe qindra mijëra shqiptarëve që pas Luftës u ekzekutuan, u burgosën dhe u internuan për bindjet e tyre. Duhet të kesh ndërgjegjen e klikës në pushtet që të përpiqesh të shpallësh diktatorin më të egër të Europës së pas Luftës veteran".

Kryetari i PD-së, i cili në fillim të viteve '90 udhëhoqi protestat popullore që çuan në rrëzimin e diktaturës komuniste, lindjen e pluralizmit politik, rrëzimin e bustit të diktatorit dhe fitoren e demokracisë më 22 mars 1997, paralajmëroi se një vendim i tillë do të ketë pasoja për regjimin. Berisha pohoi se "dua t'i them kësaj klike se më 20 shkurt, ne nuk rrëzuam vetëm bustin, pasi rrëzuam bustet e gjalla dhe duhet t'i siguroj se loja e tyre mund të ketë pasoja që edhe ata të pësojnë të njëjtin fat si bustet e gjalla të vitit '91. Të mos provokojnë shqiptarët, se ky është një akt i shëmtuar. Kjo është një përpjekje monstruoze për të rehabilituar monstrën e historisë sonë kombëtare".

Siç theksoi Berisha, "shkurti i vitit 1991 do të mbetet në harresë me fatin që do të pësojnë bustet e gjalla të pushtetit. Të mos ketë iluzion për këtë, se nuk ka provokacion më të ulët ndaj shqiptarëve, sesa përpjekja e Nanos dhe Moisiut për të rehabilituar figurën më gjakësore të historisë sonë kombëtare".

M.B

---



ja cthot dhe tjetri qe dikur me nje trajs leshi nden gune.. vente ne lidhje te shkrimtareve..

GSH

--

INTERVISTE / Flet shkrimtari: Nuk mund të mohohet historia

Agolli: Enveri e meriton statusin e veteranit të luftës


--------------------------------------------------------------------------------

Blerina Gjoka


Shkrimtari Dritëro Agolli kërkon që shteti të shohë me ftohtësi dhe realitet çështjen e statusit të veteranit për ish-diktatorin komunist Enver Hoxha. Sipas tij, atë që ia jep historia nuk mund t'ia heqë dot askush. Enveri ka luftuar me pushkë në krahë për të çliruar vendin dhe kjo nuk mund t'i mohohet për shkak të faktit se më pas u bë një diktator. Shkrimtari Dritëro Agolli tenton t'u ofrojë njerëzve një version të qartë dhe të pranueshëm të historisë. Sipas tij, duhet të pranojmë atë që është e dukshme dhe e drejtë, fakti që Enver Hoxha ka luftuar në Luftën Nacionalçlirimtare nuk mund të mohohet në mënyrë arbitrare. Urtësia e shkrimtarit me flokë të bardhë tenton që t'u tregojë, dhe atyre njerëzve që kanë vuajtur nën regjimin diktatorial të Hoxhës, se historia duhet parë në sy dhe jo të mohohet. Dritëro Agolli thekson se statusi i veteranit nuk është një medalje meritash për kohën e regjimit, por është thjesht një akt formal që pranon një aspekt të historisë.

Zoti Agolli, ditët e fundit opinioni është përfshirë në debatin nëse duhet t'i jepet statusi i veteranit Enver Hoxhës. Sa e drejtë është, sipas jush, dhënia e këtij statusi ish-diktatorit?
Të gjithë ata që kanë marrë pjesë në Luftën Nacionalçlirimtare dhe kanë luftuar pushtuesin fashist, nazizmin dhe tradhtarët e vendit, e kanë statusin e veteranit. Pavarësisht çfarë mund të themi sot, se si shihet emri i Enver Hoxhës, është marrëzi që të mos i japësh statusin e veteranit atij që ka luftuar. Kjo çështje duhet parë me ftohtësi dhe në kuadrin historik të luftës.

Por kërkesa e familjes së Hoxhës për dhënien e statusit është hedhur poshtë nga ministri i Mbrojtjes, Pandeli Majko...
Duhet të sqarojmë një gjë. A ka qenë Enver Hoxha me pushkë në krah në luftë? A ka qenë Enver Hoxha komandant i përgjithshëm i Luftës Nacionalçlirimtare? Ai e ka futur Shqipërinë në Lidhjen e Kombeve të Bashkuara dhe ka formëzuar shtetin. Të gjitha këto nuk mund t'ia mohojë njeri.

Dhënia e këtij statusi mund të sjellë reagim tek populli. Si mendoni?
Unë nuk them që sot atij t'i jepet "Shqiponja e Artë", një dekoratë e lartë. Por populli duhet të mësohet me historinë .
Ata që janë fanatikë, apo ata që kanë pësuar ndonjë fatkeqësi, duhet ta shohin historinë siç është. Ne s'mund të themi që ai ka qenë përkrah fashistëve. Historia është ajo që është.


Çako: Status ballistëve nëse i jepet Enverit

Deputeti i Ballit, Alfred Çako, u shpreh se Enver Hoxhës do t'i jepej statusi i veteranit vetëm në rast se ky status do t'u jepej edhe ballistëve të rënë në luftën e zhvilluar në vitin 1943. Një gjë e tillë është paraqitur edhe në projektligjin e hartuar prej tij. "Në projektligjin që ne kemi hartuar është kërkuar që të ndryshojë statusi i veteranit. Ose të shkojë në zero, të mos ketë asnjë status të tillë", tha Çako. Një tjetër variant i tij është edhe njohja si luftë civile ajo e vitit 1943, "dhe të dyja palët të jenë njësoj në status".


Nexhmije Hoxha: Enveri s'është si të tjerët

"Nuk do të ndjek procedurat ligjore për të fituar statusin e veteranit për Enverin, pasi ai njihet botërisht se ishte Komandanti i Ushtrisë Antifashiste NacionalÇlirimtare". Ky është reagimi i bashkëshortes së ish-diktatorit Enver Hoxha, Nexhmije Hoxha, dhënë dje për mediat. Reagimi vjen menjëherë pas sqarimit të dhënë nga Ministria e Mbrojtjes për vendimin e marrë, në të cilin thuhej se dosja që nevojitet për dhënien e këtij statusi Enver Hoxhës është e paplotë dhe se duhen edhe disa dokumente. "Unë për të fituar statusin e veteranit kam ndjekur të gjitha procedurat ligjore, por nuk mund ta bëj një gjë të tillë për atë që njihet se ishte komandant", tha Nexhmije Hoxha. Ajo shpjegoi se arsyeja e vetme e letrës së dërguar prej saj te Presidenti i Republikës ishte vetëm dhënia e statusit të veteranit Enver Hoxhës dhe jo për të përfituar pension nga ky status.

SKËNDER GJINUSHI
Që t'i jepet statusi i veteranit Enver Hoxhës, duhen parë kriteret që duhen plotësuar. Nëse i takon sipas kritereve, le t'i jepet. Por, mesa dimë, veterani duhet të ketë qenë në luftë. Enveri ka qenë komandant dhe komandanti merr pjesë në luftë. Kjo s'ka lidhje me atë çfarë ka bërë më pas ai. Është njësoj si t'i mohosh Salës pjesëmarrjen në lëvizjen e dhjetorit.

NERITAN CEKA
Një veprim i tillë është abusrd dhe me përmbajtje politike. Shpallja e Enver Hoxhës veteran lufte është jashtë çështjeve historike, por një cilësim thjesht politik. Është një përpjekje për të rikthyer figurën e Enver Hoxhës, gjë që është e pamundur. Ky debat është i padobishëm, pasi i duhet lënë historianëve që të bëjnë vlerësimin e tyre.

PASKAL MILO
Enver Hoxhës nuk mund t'ia japësh statusin, kur ai e ka. Është absurde të diskutosh për një gjë të tillë, pavarësisht nga komentet dhe reagimet që ngjall figura e Enver Hoxhës. Është një e vërtetë që s'mund ta fshijë askush, se ai ka qenë komanndant i luftës dhe e ka drejtuar atë. Vetë debati për dhënien e statusit është absurd.


URAN METKO
Historia bëhet nga ata që fitojnë. Ne na është ofruar historia që është bërë nga vetë Enveri. Historianët së fundmi kanë nxjerrë fakte që vërtetojnë që Enveri nuk ka qenë fare partizan, por një emisar i sllavokomunizmit në Shqipëri. Mendoj që, përderisa historia ende nuk është vënë në linjën reale, do të ishte mirë të mos merrej një veprim i tillë për t'i dhënë statusin e veteranit Hoxhës.

DASHAMIR SHEHI
Absolutisht që nuk i takon Enver Hoxhës që të marrë statusin e veteranit, pasi ai ishte diktatori më i egër i vendit tonë dhe i Europës. Fakti që ka bërë luftë nuk do të thotë se atij duhet t'i takojë ky status, pasi edhe Hitleri ka bërë luftë, por kjo nuk do të thotë që t'i varim dekoratat e medaljet për masakrat që ka bërë.

SHPËTIM ROQI
Kryekriminelit nuk mund t'i jepet një vend nderi. Ky është restaurimi i komunizmit dhe i kriminelëve, pas restaurimit ekonomik që ata i kanë bërë vetes. Ata janë në gjendje të prodhojnë ngjarje më të dhunshme se ato të 1990-s. Ky është absurdi i politikanëve shqiptarë, që kanë lënë pa strehë ish-të përndjekurit politikë dhe kërkojnë t'i japin statusin e veteranit kryekriminelit.

-------

Me iku nje deklarat e Kut Koles per kto gjera..dhe ai denonte enverin megjithse te fusha zez te Ali Demi ne 97-ten ngriti grushtin enverist bashk me Dokle arapet..

kush e gjen deklaraten e Kurt rrufjanit ta sjelle..

-

[Toro]

Une them qe kjo zyra e veteranve te Ministrise se Mbrojtjes ti dergoje dhe nje note proteste zyres perkatese te Ministrise se mbrojtjes se Gjermanise e cila akoma nuk e ka shpallur Hitlerin veteran lufte!

Kur diskutohet per te shpallur Enverin 20 vjet pasi ai ka ngordhur nese eshte apo jo veteran, pse jo dhe per ....Hitlerin! Fundi i fundit, mos ishte Hitleri qe shkaktoi luften, Enveri do kishte ngelur nje cope profesori moralit ne Lice te Korces!

Si thua ti Braro?

Si i kane keto goditjet indirekte keta kokekuqte eh? Gjithe bota perendimore perdor anketime e testime te publikut ne prag zgjedhjesh....Keta tanet perdorin "pistoleten me silenciator"....Pa te shohim tani ne prag zgjedhjesh, kush jane me ne, e kush kundra...Po njerezit a jane akoma te merzitur nga diktatura 50 vjecare apo e harruan?

Lodra politike per te matur pulsin!

[kolombi]

GODO: NOSTALGJIKET E HOXHES, RINGJALLIN HISTORINE E VARROSUR

Edlira Prenga

Dhenia apo jo e statusit te veteranit diktatorit Enver Hoxha, vazhdon te ngjalle reagime ne mbare opinionin publik. Pas nje deshire te Presidentit dhe perkrahje te Ministrise se Mbrojtjes per t'i dhene kete status, po nga shefi i dikasterit te Ministrise se Mbrojtjes ka ardhur dhe pezullimi per kete vendim qe sipas tyre eshte marre nxitimthi. Pjesa me e madhe e shqiptareve mendojne se nese do te ishte ndermarre nje veprim i tille do te ishte bere nje gabim historik. Politikane dhe analiste te ndryshem kete inisiative shteterore nuk e cilesojne ndryshe, vecse nje nostalgji te atyre njerezve qe jane ne pushtet. Madje nese do te ndodhte keshtu do te thoshte per ta se rehabilitimi i figures se Hoxhes nuk do te ishte gje tjeter vecse ringjallje e nje historie qe njerezit perpiqen ta varrosin ne mendjet e tyre. Plaku i urte, Sabri Godo ne nje prononcim televiziv u shpreh se kjo eshte nje zhurme e kote ne nje kohe qe nuk duhet dhe se eshte krejt i padobishem. "Bashkohem me mendimin e atyre qe thone se dikush, ndonje mendje e mbetur shume prapa, kerkon te ringjalle disa gjera qe historia e ka varrosur prejs kohesh", u shpreh Sabri Godo dje lidhur me fenomenin e shfaqur kete fillim viti, qe lidhej me dhenien e statusit te veteranit per diktatorin Hoxha. Analisti, Mustafa Nano, kalon me ne ekstrem me deklaraten e tij, duke e cilesuar si nje figure te shemtuar te historis- sone. "Nje mendje djallezore, jo vetem kerkon te terheqe vemendjen e disa njerezve, por dhe te propozoje disa figura te shemtuara te historise sone. Ky eshte nje lloj promovimi moral dhe simbolik qe i behet Enver Hoxhes, pasi ketu nuk behet fjale per ndonje kosto monetare. Ne keto rrethana mendoj qe Enver Hoxha eshte nje diktator i shpifur, per te jane dhene shume percaktime, por mendoj qe ky eshte nje diktator i shpifur i Shqiperise", shprehet Nano, duke mos kursyer ne kete rast irritimin per emrin e Hoxhes. Sipas analistit Nano, e keqja me e madhe qe i ka bere ketij vendi Hoxha, eshte qe ndaloi historine tone per 50 vjet. Po ne kete linje eshte dhe analisti, Blendi Fevziu, i cili e cileson kete vendim nga pikepamja parimore dhe morale si krejt te padrejte. "Parimisht dhe moralisht nuk me duket absulotisht e drejte. Une nuk e di se cilat jane kriteret mbi te cilat jepet statusi i veteranit dhe cili eshte argumentimi qe ka patur komuniteti nderministror. Por ka dy aspekte ne kete rast, problemi i pare eshte ai moral, pasi dihet qe ne asnje nga vendet lindore njerezit te cilet, jo vetem diktatore, por njerezit qe kane marre pjese pas luftes ne krime, kane humbur kete status", shprehet Fevziu e cili e quan kete debat shterpe dhe pa logjike. Duke bere nje krahasim me Stalinin, qe ka patur rolin e tij ne luften e Dyte Boterore, por duke qene se pas saj ai ka bere krime kunder njerezimit, ne te njejten linje mbetet dhe per rastin e Hoxhes.

Dy institucionet kryesore, ai i presidences dhe Ministria e Mbrojtjes, per pak mund te kishin bere nje gabim historik, duke i dhene statusin e veteranit Hoxhes dhe duke ringjallur dhe nje here per shume njerez, kujtimet e hidhura te nje sistemi totalitar. Por vendimin e Komisionit Qendror te Statusit te Veteranit, Ministri i Mbrojtjes, Pandeli Majko e anulloi para tre ditesh duke e konsideruar ate si nje veprim te nxituar. Per te perforcuar kete ide te tijen, ministri Majko u shpreh vete se eshte bere nje kerkese nga institucioni i presidences, por qe eshte kerkuar me teper nje sqarim per procedurat qe duhet te ndiqen per dhenien e statusit te veteranit. Megjithate rehabilitimi i Hoxhes me dhenien e statusit te veteranit nje here per nje here eshte ndalur dhe shpresohet qe te mos rikthehet me, vetem atehere kur historia ta vere ne vendin e vet, si diktator, apo si pjesemarres ne lufte.





KOHA JONE

[Brari]

toro..

une kam postuar shkrime nga shtypi por nuk kam dhen mendimin tim..

Tash po e them si e mendoj une..

statusin e veteranit e kane shume njerez..
Eshte fjala per statusin qe i jepet dikujt si pjesmarres ne LNCL.
Akoma nuk eshte percaktuar ne se ky status do i jepet dhe atyre qe nuk kan qene ne formacionet partizane te komanduara nga PK pra Enver Hoxha.. por qe mund te ken qene pjesmarres ne formacionet Balliste ose Legaliste..
Kjo krijon lemsh para portes..dhe duhet pra si ne raste te tilla Arbitrua.. pra nje Ligj qe ti ndreqe keto gjera..

Statusin e veteranit e merr dikush i cili gjen dy ose tre miq qe deklarojne se x ka qene partizan..ne y vit e zet cet a brigade..
Pra nuk ka me sa kam degjuar une ndonji kusht se kur ke qen partizan ke qen i mir a i eger me popullaten civile a me shoket.. dhe se mbas lufte ke qen human a xhahil.. ke qen me frym demokratike a staliniste..
Pra shteti me sa di ska hyre thelle ktyre gjerave qe ti shkoqise mire..
Pra i jepet atyre qe kan qen partizan..kaq..
Te tille status kane plot njerez qe me te drejt a me hile e kan marre kte status..
Ka pleq (te gjall a te vdekur ska rendesi) qe kan kapur pushken qe me 7 prill 1939 dhe skan marre kure ndonji 1000 leksh te vjeter lufte as ne koh te Dulles as tani.. e ka nga ata qe mbasi Jermani kish kaluar matan Jugosllavise jan futur ne repartet e ushtrise Partizane si te rekrutuar direk nga coban mali a kalamaj lagjesh e kan mbledh flori tregtaresh e as kan pa me sy ushtar italan a gjerman kur kan ven kapen me ill te kuq ne kaptin..

Kur keta e marrin statusin dhe e gezojne athere patjeter patjeter duhet dhe Enver Hoxha ta ket kte Status..
E ka kte status adnan qatipi e eshte kryetar i veteranve te krahut nano edvinist e nuk i takoka Enverit per te cilin adnani e shoket e tije betohen cdo mengjez ..
Pra ka nje paradoks ketu..

Se kush ish enveri eshte gje tjeter e se a ish a jo partizan ai eshte gje tjeter..
perderisa statusi te jepet ne se ke qen partizan.. dhe Enverit duhet ti jepet.. dhe zvarritja me kte eshte shenj burracakerie e zoterinjve hajdute ne pushtet..
Sala indinjohet pse luan Pandi me Fredin per statusin..
Jo.. ai ska pse indinjohet sepse qe Enveri ishte partizan kjo eshte e vertete..
a partizan trim a frikacak.. kte nuk e permban ligji per statusin.. a vrau ballist a shoke...as kete nuk e thot ligji per statusin..
Pra duhet ti jepet ky status Enverit ..pik.
Sala duhej te ish indinjuar kur falangat enveriste u cfaqen per her te pare mbas votimeve te 1992-shit..
Ne polican cfaqet enveristi Ilir Meta..e ben kinse greva..
Ne tiran cfaqet Idajet Beqiri e formon parti me Enverista qe sulmon ligjet e shtetit..
Ne tiran ne zyr te Sales hyjn e dalin ibrahim Kelmendat e Xhavit Halitat..enveriste te rrezikshem.. te diaspores kosovare nanoiste..
Ne shkurret e Radhimes bejne mbledhje ilegale enveristet e Hysni Milloshit..
Ne Vefa ve bombe altin Pobrat iljaz Ceco arapo shytet..
Ne laberi ben pesh pesh Neritan Cek Demet Dokle gjinush Zabiti..per te hedhur ne ere shtetin..
Keto e shum te tilla si keto ishin shenjat qe Po pergatitet nje kryengritje e armatosur sipas teorive Enveriste kunder shtetit ligjor..
Keto duhej ta indinjonin salen e ti vinte Gjoksin Shtetit qe te mos i rrezohej si kashtore tajlande e indonezie nga dallga e detit por ti qendronte sic qendruan ndertesat me Beton e themele te forta..
Historia thot cte doje por Shteti ecen me ligje..
Nuk mund ti mohoet Enverit Statusi i Veteranit se Historia thot ashtu keshtu.. por i behet Gjyqi dhe ky gjyq zbulon..verteton.. konfirmon se Enveri ka bere x krim e y poshtersi dhe merret vendim Ligjor se ky person edhe se ka qene Partiza..bile komandant meqense ka bere krime ne x rast e y periudh.. nuk e perfiton kte status..
Keshtu po.. behen punet..
Sala sa ish ne pushtet nuk e beri kete athere tani qe Enveristet kan pushtetin ai shqetsohet per statusin.. Kjo eshte komedi e hipokrizi..
I lire ne miell e i shtrenjte ne krunde..thote Populli..ne kete rast..
edvini fiton kryebashkine e Shqiperise pikerisht nga Veteranet enveriste me status.. qe lehin lagje me lagje me ne krye Pirro Dodbiben e Adnan qatipin.. e nuk indinjohet Saliu..
Bizhga nje kelysh enverist ja rreh fshatce ne Plazh komisioneret aty ku kandidon Mero Baze e Mero deklaron daljen nga zgjedhjet kurse Sala i vazhdon dhe humb dhe akoma ska bere analiz te ksaj pune e tash grin per statusin.. qe kerkon Nexhmija kur dihet se ne Votime nuk leh Nexhmija por Edvini.. nuk del Nexhi me shku ne Terbac e Tepelen por Demeti i PD-se e Neritani po i PD-s te rrezojne Demokracine..
Nuk doli Sokoli i enverit te fusha ali demit te beje kryengritje kunder Demokracise..por doli Kurt Kola me Doklen e Kurt Koles Sala ja la te kryesoje organizaten e te persekutuarve Politike nga Hoxha..
Pra ti jepet Enverit Statusi..por ti oj Opozit duhet te fitosh VOTat .. jo te cirret per nje cop leter vetrani.. kur i ka ne Kryeministri Enveret e gjalle hajduto miljardere..qe puthen me Bush e Shreder.. e Berluskon..
Fito Votat e pastroje Shtetin nga enveristet me grataciela e Benxa.. e pastaj hiqja me ligj.. Enverit Adnanit e sorrollopit statusin e Veteranit..e po me ligj qe del nga nje shoshotje ligjore juridike e se kaluares.. dil aty me vendimin.. Ska Status per asnjerin sepse keta nuk i prune LIRINE POPULLIT..por 50 vjet Okupim Stalinisto Polpotist..pik..

Keshtu behen punet..
oj luft me gjethet e bith prapsje me krokodilet..

Akoma Saliu ska bere analizen.. me Temen..
Mir ne Vlore na munden rrugaco jevgjitet e Skeles..Po ne Tirane pse..na iku Shteti si kashta ne flake brend ores..???

Kjo eshte pune.. se po vjen votimi i ri.. dhe ska kohe me per pa aftesi..e teater ..me i hedh hi syve popullit..

[Brari]

ja si tallet gjinushi..

KJ

--
E Diele, 09 Janar 2005


GJINUSHI: HOXHA SI BERISHA

Kreu socialdemokrat, Skender Gjinushi, e cileson si te drejte dhenien e statusit te veteranit, ish-diktatorit Enver Hoxha. Madje sipas tij, kjo situate kunderveniesh, te cilat kane lindur ditet e fundit lidhur me kete ceshtje, eshte nje shenje kompleksiteti e politikes shqiptare. "Qe Stalini dhe Enveri kane marre pjese ne Luften e Dyte Boterore eshte e vertete. Mendoj se duhet te clirohemi nga komplekset, qofte edhe te se majtes. Eshte tjeter gje se cfare ka bere nje njeri ne nje periudhe te caktuar dhe tjeter gje se cfare ka bere me mbrapa", theksoi Gjinushi. Duke e bere sa me bindese idene e tij, Gjinushi beri nje paralelizem midis ish-diktatorit Hoxha dhe kreut demokrat Berisha. "Edhe Saliu perfundoi diktator, por nuk mund ta mohosh qe ka mare pjese ne dhjetor te vitit 1990 per te sjelle demokracine. Keshtu qe, se cfare gabimesh ben mbrapa njeriu nuk mund te fshehin kontributin qe ka dhene ne momente te caktuara, vecanerisht pjesemarrja ne nje aktivitet, lufte apo proces te caktuar. Keshtu qe ky eshte vetem nje shenje kompleksiteti i politikes shqiptare", cilesoi Gjinushi. Megjithate dhenia e statusit te veteranit te luftes, ish-diktatorit Hoxha, mbetet ende pa zgjidhje te pakten per sa kohe te mos kete nje procedure te rregullt ne dhenien e tij.

---



mirpo e verteta eshte ndryshe..

Se Pd e "diktatorit" berisha beri feste qe ja shtroj rrugen PSD-s se gjinushit te hynte ne Internacionale socialiste.. se Pd beri namin qe terbacioti bolshevik Gjinush spiuni sigurimit te bllokut qe 13 vjec.. te behej me perdhune me sugjerim te Berishes direkt Deputet i Peqinit megjithse Peqinasit simpatike nuk donin tja shihnin surratin vetulltrashit era perc cjapi gjinush kapterr Ethemit..
e verteta eshte se Berisha shkoj e foli si Njeri me studento Zabitasit e Vlores se Gjinush Luiz kanibales.. e sikur te ishte treguar diktator do i kish kapur neper ferrat e radhimes falangat enveriste te Hysni Milloshave qe sterviteshin per Kryengritje.. e do ja kish futur k.oqet ne bige me kohe..pa i lene te mbushnin radshet ..
Pikerisht se nuk eshte diktator e rrezuan magarin Berish qe desh te beje kuvend me krokodilat e Hysni Kapo Gjinushave e Zabit kucedrave..

mir te te behet o rryp..qe ma mbajte Gjinushin ne sqetull..

[Brari]

RD


-------


Me mijëra të vrarë nga urdhërat e Enver Hoxhës, si gjatë luftës, ashtu edhe pas saj


Diktatori, si tradhëtoi Luftën Nacionalçlirimtare

Uran BUTKA


Sipas një relacioni të Ministrisë së Punëve të Brendshme, qeveria shqiptare autorizoi në fillim të vitit 1945 oficerët e UDB-së që të pushkatonin ilegalisht dhe pa gjyq në tokën shqiptare më tepër se 1000 kosovarë të pafajshëm (AQSH, Arkivi i Ministrisë së Jashtme. Dokumenti B-7-2, viti 1950).


Enver Hoxha është përgjegjës direkt për 10000 të pushkatuar pa gjyqe apo të vdekur në hetuesitë e Sigurimit të Shtetit, nëpër burgje e kampe internimi, nëpër kampet e punës apo spitale psikiatrike; për 30000 të dënuar politikë, 33000 të internuar pa vendime e pa dokumente dhe 10000 të tjerë të internuar e të dëbuar nga komisionet e paligjshme, të cilat binin ndesh me Kushtetutën.


Tentativa për dhënien e statusit të veteranëve të Luftës Nacionalçlirimtare, Enver Hoxhës, është një akt tjetër i turpshëm i shtetit të sotëm shqiptar, por aspak i veçuar e i papritur, pas rikthimit me armë të komunistëve në pushtet në vitin 1997, pas restaurimit gradual të enverizmit si mendësi e praktikë, pas vendosjes së portretit të Enver Hoxhës në Ministrinë e Jashtme, pas paradave enveriste dhe publikimeve të tij në mediat televizive, shtyp, tekstet shkollore, filmat me Enverin e të tjera.

Të gjitha këto dhe sidomos akti i fundit, s'janë tjetër veçse përpjekje zyrtare për të rehabilituar plotësisht Enver Hoxhën, xhelatin më të tmerrshëm të kombit shqiptar, atë që vrau, përdhosi dhe izoloi një popull të tërë për gjysmë shekulli.

Me këtë akt, shteti shqiptar e në mënyrë të veçantë Presidenti i Republikës, Alfred Moisiu, dhe qeveria shqiptare e në mënyrë të veçantë Pandeli Majko, një enverist i përbetuar, herë i hapur e herë i kamufluar, i cili fillimisht e përkrahu këtë proces, por në çastin e dhënies së statusit u detyrua të fshihej prapa një refuzimi, treguan se ç'mall janë dhe kujt i shërbejnë, vetëm Shqipërisë jo.

Me këtë akt, ata dëshmuan se Enver Hoxha dhe Lufta Nacionalçlirimtare janë një, se Enver Hoxha, si udhëheqës i Luftës NÇL, e tjetërsoi luftën për çlirim në luftë civile, që e shkatërroi Shqipërinë dhe tradhtoi idealet, luftën dhe gjakun e partizanëve dhe të nacionalistëve që luftuan realisht kundër pushtuesve, ndërkohë që ai, stalinisti më i tërbuar në perandorinë e së keqes, vegla e bindur e PK Jugosllave, antikombëtari më i madh në tërë historinë e popullit tonë, shqiptaro-vrasësi monstër hëngri, përveç kokave të mijëra e mijëra shqiptarëve, edhe kokat e njerëzve të vet.

Enver Hoxha është përgjegjës direkt për 10000 të pushkatuar pa gjyqe apo të vdekur në hetuesitë e Sigurimit të Shtetit, nëpër burgje e kampe internimi, nëpër kampet e punës apo spitale psikiatrike; për 30000 të dënuar politikë, 33000 të internuar pa vendime e pa dokumente dhe 10000 të tjerë të internuar e të dëbuar nga komisionet e paligjshme, të cilat binin ndesh me Kushtetutën. Janë mijëra kosovarë të vrarë matanë kufirit në bashkëpunim me komunistët jugosllavë. Sipas një relacioni të Ministrisë së Punëve të Brendshme, qeveria shqiptare autorizoi në fillim të vitit 1945 oficerët e UDB-së që të pushkatonin ilegalisht dhe pa gjyq në tokën shqiptare më tepër se 1000 kosovarë të pafajshëm (AQSH, Arkivi i Ministrisë së Jashtme. Dokumenti B-7-2, viti 1950).

Po le t'ia lëmë fjalën vetë Enver Hoxhës, ç'thotë ai për veten, për të tjerët, për Luftën Nacionalçlirimtare, për Kosovën:


"Të asgjësohen pa mëshirë nacionalistët dhe reaksionarët shqiptarë brenda dhe jashtë kufijve, pa treguar as më të voglën tolerancë"


"Direktivat e kominternit dhe udhëzimet e vërejtjet e shokut Tito ishin për ne fanarët që duhet të na ndritnin gjendjen e krijuar, dhe të na hapnin fushë veprimi për në të ardhmen…".

"Që të gjithë e dimë se sukseset dhe gabimët e KQ janë të lidhura me të dy shokët jugosllavë, Miladin dhe Dushan. Këta dy shokë kanë ndihmuar shumë për formimin e Partisë sonë dhe për mëkëmbjen e saj… Vetëvetiu, se ne në punën tonë me kaq përgjegjësi që kishim, do të mbështeteshim pa rreshtur tek Miladini dhe Dushani. Puna jonë ishte si puna e atij nxënësit që në çdo rast pyet ose shikon mësuesin nëse ka punuar mirë, ose si duhet të punojë… Për çdo gjë bënim, merrnim aprovimin e Miladinit. Kjo mënyrë pune vazhdoi gati tërë kohën edhe bile deri vonë. Komiteti Qendror ishte i identifikuar me Miladinë dhe praktikisht Komitet Qendror nuk kish… Në kontakt të ngushtë me këta dy shokë, vetëvetiu adoptuam prej tyre jo vetëm mënyrën e punës, por edhe mënyrën e mendimit. Influenca e tij mbi ne ishte shumë e madhe"

(Nga rrëfimi i Enver Hoxhës, i gjunjëzuar përpara V.Stoiniç, AQSH, F.14 D.2, viti 1944)


"Unë mendoj se vendimin që dhanë shokët Dushani e Miladini (për vrasjen e Y.Dishnicës dhe të M.Gjinishit) duhet ta realizojmë, por në momentin dhe kohën e duhur, se me sa di unë, Babë Myslimi e ka dhëndër Gjinishin (ndërhyn Nako Spiru). - Jo, shoku Nako, ata duhen pushkatuar, e theksoj, duhen pushkatuar!" .

(Bashkimi i Kombit, 31.8.1944)


"Interesimi i madh që keni treguar gjithmonë ndaj partisë sonë të re, këshillat tuaja të çmueshme dhe ndihma e pamasë dhe e pandërprerë, të cilën na e keni dhënë, kanë qenë për ne fanarët ndriçues dhe faktorët kryesorë të formimit, të rritjes dhe të përforcimit të partisë sonë", i shkruan Enver Hoxha marshallit Tito.

(AQSH, F.14 D.2)


"Për shembull, në Gjirokastër, ballistët hynë të parët në qytet me 600 bashibozukë. Shokët tanë hynë më vonë në qytet me 1500 vetë dhe në vend që t'i pastrojnë ato plehra që andej, kënaqen me një luftë politike… Ne duhet të ndërhyjmë që t'i godasim pa mëshirë… Në Berat ngjet gjithashtu po ky avaz. Në një anë pushteti i Ballit dhe në anën tjetër pushteti ynë, dhe ndërmjet tyre xhandarmëria e vjetër që mban qetësinë…Në qytetin tuaj ekzistojnë dy pushtete, gjë që s'duhet të ndodhë. Nuk mund të tolerojmë që Balli të ngrejë pushtetin e vet krahas me tonin, nuk duhet të lejoni dualitet në këtë gjë. Prandaj duhet ta luftoni këtë pushtet dhe të njihet vetëm pushteti ynë" .

( Letër qarkore e Enver.Hoxhës, 26.9.1943)


"Vija jonë politike jo vetëm që nuk ishte e qartë, por as edhe e fortë, dhe në princip ne nuk donim të punonim me nacionalistët…

Megjithëse në Konferencën e Pezës morën pjesë disa krerë nacionalistë, ne nuk ditëm të punonim me ta, të mbanim kontakte të ngushta dhe t'i drejtonim, përkundrazi ne i lamë në fatin e tyre dhe këta, kush e kush më parë e kish në dorë, u hodhën në kampin e Ballit e të armikut.

Në Pezë nuk flitej veç për komunizëm dhe këshillat nacionalçlirimtare ishin formale ose këto konsideroheshin si organe të Partisë.

Kjo gjë ngjau në Vlorë, që konsiderohej si djepi i nacionalizmit dhe tamam atje ku urrejtja kundër italianëve ishte e madhe, dhe tradita luftarake gjithashtu. Ishte në Vlorë e në Gjirokastër që këshillat tona u quajtën soviete nga ana jonë në fillim, më vonë u ndërrua ky destinacion, po mënyra e punës dhe konsiderimi që i jepej këshillit, ishte po ai i pari. Këshillat ishin bërë organe të drejtpërdrejta të Partisë, aty flitej në emër të Partisë. Propaganda për Partinë, për komunizmin bëhej haptas dhe nga një punë e tillë dilte vetvetiu që krahina e Vlorës u nda në dy kampe distrikte, ajo komuniste dhe ajo e nacionalistëve dhe çdo ditë ashpërsohej puna…"

(AQSH, F.14 D.2, viti 1944 )


"Ne duhet të punojmë në drejtimin që vijon, - shkruan Enver Hoxha, - me anë të një demaskimi të squet dhe një pune të palodhshme për ta diskredituar Ballin në popull, për t'ia shkëputur popullin dhe për ta lidhur me neve, me shkaktue divergjenca në radhët e Ballit, me krijue situata të papërshtatshme për të shkaktuar me shpejtësi diferencime dhe me i ra kresë, me e paraqit në popull Ballin si përçarës dhe shkaktar vëllavrasjeje, dhe kështu përgjegjësitë historike të mosbashkimit e të përpjekjes sonë me armë të bien mbi Ballin Kombëtar… Të përgatitemi, të përgatisim popullin në përpjekje me Ballin" .

(Qarkore e Enver Hoxhës, dt. 9.9.1943)


"Komiteti Qendror e kuptoi që Mukja ishte një gabim, por nuk e gjykoi me gjakftohtësi këtë gabim dhe në vend të analizimit serioz, ne na zuri paniku dhe s'dinim sesi të dilnim nga ky gabim. Kishte dy udhë:

Ose me vazhdue pjekjen me Ballin dhe në një bisedim tjetër me luftue në platformën tonë dhe t'i bënim popullit të qartë se si e kuptonim ne bashkimin, dhe se ne vetëm kërkonim një bashkim të shëndoshë. Në këtë rast, edhe sikur të mos binim dakort me Ballin, përpara popullit ne dilnim të larë.

Ose ishte rruga tjetër, me i pre krejt bisedimet. Ne zgjodhëm rrugën më të gabuar. Nga oportunizmi i parë u hodhëm në një sektarizmë të ekzagjeruar, nga një qëndrim indeciz u hodhëm në një qëndrim të ashpër, ne u hodhëm në luftë me Ballin… Në vend që të venim në mbledhjen që kishim caktuar dhe atje t'i binim kresë Ballit, dhe të rrëzonim gabimin që kishim bërë, ne bëmë mbledhjen e Labinotit. Labinoti ishte mbledhja karakteristike që tregonte panikun tonë përpara situatës së krijuar dhe njëkohësisht mospërfilljen as ndaj Ballit, as ndaj popullit, i cili ishte vënë në korrent të vendimeve që ishin marrë në Mukje dhe priste me padurim rezultatet. Labinoti nuk ishte mbledhja që duhej… As Mukja, as Labinoti nuk u bënë mësime për ne dhe, në vend që të mësonim nga ato gabime, ne vazhduam ato gjurmë…" .

(AQSH, F.14 Dosja 2)


Në Konsultën e Parë të PKSH u përjashtuan nga partia për fraksionizëm Anastas Lula e Sadik Premte, "të cilët kanë kërkue të mos varen nga PK Jugosllave" . Më pas, Enver Hoxha udhëzon Komitetin Qarkor të PK të Vlorës: "Partia duhet t'u futë tmerrin armiqve. Për këtë duhet kësisoj: Xhepi (Sadik Premte) dhe Pali Terrova duhet të pushkatohen përnjëherësh si tradhtarë e fraksionistë të betuar të Partisë e të popullit. Njëkohësisht të arrestohen Vangjua (Neki Ymeraj, komandant i çetës partizane "Plakë" të Vlorës, shën. im UB) dhe Difi (Xhemil Çakërri) dhe në qoftë se nuk mbajnë qëndrim të mirë, të pushkatohen" .

(AQSH, F. 14, D. 2)


Mehmet Shehu u ngarkua nga Enver Hoxha të vriste Anastas Lulan, por ai e zvarriti disi, ndoshta meqë e kishte pasur shok në shkollën amerikane të Fultzit. Atëherë u ngarkua një tjetër për ta ekzekutuar prapa shpine. Hysni Kapo ankohet pse ia ngarkuan Mehmet Shehut dhe jo atij në Konferencën e Labinotit vrasjen e Sadik Premtes: "Për vrasjen e Xhepit i kishin thënë përgjysmë Mehmetit dhe unë i pyeta në Labinot e s'më thanë gjë, kurse edhe pas Konferencës, Mehmetit ia thanë e mua jo.. Sikur të më kishin thënë, unë keshë mundësi të bëja më shumë se Mehmeti… Fryma terroriste ishte si në organizatat, ashtu edhe në ushtri. Mendonim se kështu neve do të zhduknim ata që ishin jashtë Frontit. Provë e terrorizmit është përveç të tjerave, ajo e shokut Xhindi. Po ta shikonim mirë çështjen, ishte vrarë për hiç gjë. Këtë shpirt e ka futur Dushani, që na fliste me simpathi për një frymë të tillë…" .

(9. AQSH, F.14 d.2, Dëshmi e Hysni Kapos)


"Vija terroriste është e fortë te Dushani. Ke Aliu (M.Popoviçi) me hënë. Dushani ishte gjoja kundër terrorit, ishte kundër asaj që bëri Mehmeti në Dumre. Por kjo s'e pengonte gjëkafshë të vriste pa gjë të keq më shumë se Mehmeti. Unë në këtë pikë isha pasqyrë e Aliut, domethënë, kur vinte ndonjë raport e thoshte se ky po bën kështu, atëherë vendosnim ta vrisnim. Sa për Mustafa Gjinishin, ajo ka qenë ndryshe. Ne mendojmë se ajo duhesh bërë…"

( AQSH, F.14 d.2, viti 1944)


"Asgjë s'e peshonim. Parrulla "Ja me ne, ja kundër nesh" ishte në rend të ditës. As Mukja, as Labinoti nuk u bënë mësime dhe në vend që të mësonim nga ato gabime, ne i vazhduam…

Në Veri, parrulla "O me ne, o kundër nesh" ishte gjithë politika e shokëve, por edhe kur shihej se kishte mundësi të punohej me njerëz që kishin qëndruar jashtë Frontit, përgatitnim terrenin jo për marrëveshje, por për t'i zhdukur këta njerëz nga prapa. Në Lumë po vihen në plumb kot së koti dhe në mënyrë histerike katundarë, të cilët dorëzohen dhe shokët tanë i pushkatojnë. Po vriten në Tiranë me dyzina njerëz dhe oficerë të dorës së dytë, të cilët duke pasur besimin e plotë në drejtësinë dhe në shpalljen tonë, dorëzohen. Një punë e tillë nuk është okazionale, por është i tërë toni që i është dhënë punës organizative të Partisë edhe ushtrisë… Shokët tanë mendojnë vetëm të zhdukin çdo njeri që s'është me ne, që s'mendon si ne, të zhdukin bile edhe njerëz të thjeshtë të popullit, të zhdukin edhe anëtarët e Partisë, kokat e të cilëve bien pa i peshuar mirë".

(AQSH, F. 14, D.2)


"Kosova duhet t'i mbetet Jugosllavisë. Kush është kundër kësaj politike, duhet luftuar!" - urdhëron Enver Hoxha.

(Enver Hoxha, Plenumi i PKSH dhjetor 1946)


"Ky bashkim (me Jugosllavinë) duhej të bëhej në kushte paqeje dhe të mbante vulën e shtetit të ligjshëm shqiptar"- pohon Enver Hoxha. ("Titistët" f.221), ndërkohë që Tito justifikohej se "ne e pranuam bashkimin, sepse kjo qe dëshirë e vetë shqiptarëve". (Po aty), ndërsa Stalini i thoshte Gjillasit: "Shqipëria duhet gëlltitur".

(E.Hoxha: "Titistët", f.221)




"S'duhet humbur kohë, por zjarr për zjarr, t'i vëmë zjarrin Ballit dhe zogistëve".

( E.Hoxha, vepra1, f.420-421)


Hoxha i dërgon Korparmatës së Parë radiogramin e mëposhtëm: "Mos kërkoni më nga Gani Kryeziu të dorëzohet, por me çdo kusht dhe me ashpërsi të sulmohet dhe të vritet. Duhet të veproni sa më parë, se mund t'i vijnë në ndihmë kosovarët".

(AQSH, F44 D.158)


"Të asgjësohen pa mëshirë nacionalistët dhe reaksionarët shqiptarë brenda dhe jashtë kufijve, pa treguar as më të voglën tolerancë".

(AQU, d.45, janar 1945)


"Në Shkodër, Koplik, Dukagjin, Vermosh, Mirditë, Kukës, Burrel, Dibër, pushteti ynë është i pabazë dhe nuk simpathizohet nga populli i këtyre anëve. Mendoj: Me forcat e Korparmatës 3 të shkelim çdo pëllëmbë të këtyre rretheve që përmenden më sipër, ku duhet të zhdukim e ta asgjesojmë çdo forcë reaksionare të organizuar ose jo, t'i çarmatosim krejtësisht të gjithë pa përjashtim, të mobilizojmë e të organizojmë këdo që ka moshën 18-35 vjeçare. Përsa më lart, urdhëroj: Të goditen në mënyrë të menjëhershme dhe të asgjesohen tërësisht forcat e Preng Calit. Çdo rezistencë e popullit të Vermoshit dhe e zonave përreth tij i duhet përgjigjur me gjithë forcën…Fillimisht të bëhet thirrje e nëse ka ndonjë rezistencë, të ushtrohet forcë e dhunë deri në pushkatimet pa gjygj…Të organizojmë e të ngrejmë kudo pushtetin tonë, duke vënë njerëzit tanë dhe duke shkarkuar ata që janë…"

(AQU, D.91/1nr.13
---

RD

[kolombi]

Berisha: Klika Nano-Moisiu po rehabiliton Enver Hoxhën


Ll. Kallço

Lëvizja e selisë blu “Ditët e Shpresës”, është ndalur dje në Durrës, ku mbështetësit dhe anëtarësia e PD-së lokale, janë mbledhur për të festuar 14-vjetorin e themelimit të degës. Kreu demokrat Sali Berisha, është ndalur sërish dje në debatin e ditëve të fundit lidhur me çështjen e dhënies së statusit të veteranit ish -diktatorit Enver Hoxha, duke akuzuar klikën në pushtet se po përpiqet ta rehabilitojë atë. “Plot 14 vjet më parë iu kthyem shpresat me ardhjen e demokracisë, pasi shqiptarët jetonin si skllevër të nomeklaturës së kuqe. Klika Nano -Moisiu po kërkon që të rehabilitojë Enver Hoxhën”, -tha Berisha. Duke bërë një krahasim mes arritjeve në vitet e demokracisë dhe rrënimit që qeveritë Nano po i bëjnë vendit, ai tha se “në 4 vjet në vitet e demokracisë shndërruam në pronar toke 460 mijë familje fshatare. 220 mijë familje në qytet i bëmë pronarë shtëpish. Liberalizuam çmimet, kursin e këmbimit, katërfishuam të ardhurat për frymë, 75% të prodhimit u nxitën nga sektori privat pa trafiqe të pista dhe garantuam një rritje mesatare prej 9%”. Më tej ai shtoi se pas ardhjes me dhunë në pushtet të ish -komunistëve shqiptarë, Nano zëvendësoi sistemin e demokracisë me sistemin e kleptokracisë. Berisha e ka konsideruar Nanon si kryeministrin e vetëm në Europë që “publikisht pranon ryshfete në mijëra euro, makina dhe pallate”. Sipas Berishës kreu i qeverisë, është kumarxhiu më i madh në Europë, që menaxhon kompanitë e transportit ajror dhe tokësor të drogës dhe është njeriu që feston mbi zinë e kombit të tij dhe shpenzon çdo ditë miliona. Ndërkaq duke ju referuar bashkëpunimit të Nanos me kryetarin e Bashkisë së Durrësit Lefter Koka, Berisha tha se klani i Zemunit bën kontrabantë në çdo moment. “Kryetari i Bashkisë së Durrësit mban peng kryeministrin e vendit, ai e ka mbyllur kryeministrin në garazh dhe e mban aty prej disa vitesh. Në garazhet e Terit flenë krimet e kryeministrit, por i them se do ta nxjerrim nga garazhi”, -tha Berisha . Sipas tij demokratët që përmbysëm diktaturën më të egër, do të ndryshojnë Shqipërinë duke e çliruar nga klanet e drogës.

Shekulli

[kolombi]

VETERANET: ENVERI, UDHEHEQESI KRYESOR I LUFTES

Kryesia e Komitetit Kombetar te Veteraneve reagoi dje ne mbrojtje te rolit te ish-diktatorit Enver Hoxha gjate Luftes Nacionalclirimtare. Ne nje njoftim qe ka mberritur ne gjithe redaksite nga gazeta "Zeri i Popullit", artikulohet reagimi i veteraneve ne mbrojtje te vendimit te Komisionit te Veteraneve ne Ministrine e Mbrojtjes per ta shpallur Enverin "veteran". "Ditet e fundit disa gazeta dhe televizione kane komentuar vendimin e Komisionit Qendror prane Ministrise se Mbrojtjes lidhur me dhenien e statusit te veteranit te Luftes Antifashiste Nacionalclirimtare Enver Hoxhes. Sic jeni ne dijeni, Komisioni ka vendosur ne parim per dhenien e ketij statusi, ndersa ka kerkuar plotesimin e dosjes perkatese me dokumentet e domosdoshme ligjore", thuhet ne njoftimin e Komitetit te Veteraneve. "Eshte fakt i njohur boterisht dhe i gjithepranuar, se Enver Hoxha ka qene udheheqesi kryesor i Ushtrise Nacional Clirimtare dhe i luftes se popullit shqiptar per clirim kombetar e shoqeror, nga fillimi i Luftes Antifashiste Nacional Clirimtare deri ne fund te saj. Kjo lufte e renditi popullin e vendin tone ne krah te forcave te aleances antifashiste boterore. Keto vertetohen nga dokumente te pakundershtueshme te arkivave shteterore, nga studime e punime te ndryshme te historianeve vendas e te huaj dhe, cka eshte me e rendesishme, nga veteranet, deshmitaret e gjalle te kesaj lufte te lavdishme nacionalclirimtare", shpjegojne veteranet nepermjet deklarates per mediat. Sipas ketij njoftimi, kryesia e Komitetit Kombetar te veteraneve te LANCL e konsideron te padrejte e keqdashes cfaredo polemizimi ekstrem rreth pohimit apo mohimit te pjesemarrjes aktive te Enver Hoxhes ne Luften Nacionalclirimtare.


PS Braro,si duken bathet......batanijet e leshit qenkan me me vlere se kalemi qe firmos letrat Pandi i Majkos.........
Medet.