Lajme ekonomike

[Gerrard]

Sipas këtij vendimi, tatimi për këto rroga do të fillojë në mbi 100 mijë lekë (të vjetra), pra, 100 mijë lekët e para të rrogës nuk tatohen

Në mbledhjen e sotme të Këshillit të Ministrave, Kryeministri Berisha tha se po përgatitet një vendim që ka për qëllim të ndihmojë biznesin dhe të krijojë një mbështetje të veçantë për punonjësit me rroga të ulëta. Sipas këtij vendimi, tatimi për këto rroga do të fillojë në mbi 100 mijë lekë (të vjetra), pra, 100 mijë lekët e para të rrogës nuk tatohen.

“Në këtë mënyrë përgjysmohet barra fiskale mbi ta dhe kjo do të jetë e vlefshme për të gjitha rrogat deri në 300 mijë lekë (të vjetra)”, tha Kryeministri. Kryeministri vlerësoi gjithashtu se vendosja e taksës së sheshtë me 10 për qind për të ardhurat personale përbën lehtësimin më të madh të barrës fiskale që mund të vendoset mbi këto të ardhura. Në këtë mënyrë, biznesi shqiptar do të jetë biznesi me barrën më të ulët fiskale në Europë dhe më gjerë. “Rezultatet e këtij revolucioni fiskal dhe të përpjekjes sonë për të lehtësuar dhe thjeshtuar barrën burokratike mbi biznesin kanë sjellë frytet e para shumë pozitive”, u shpreh Kryeministri.

Ai përmendi në këtë aspekt rritjen jashtë çdo parashikimi të eksporteve, ku në 4 mujorin e parë vitit 2007 eksportet, si vlerë, janë 28 për qind më të mëdha se ato të katër mujorit të vitit 2006, ndërsa si vëllim janë pothuajse dyfish për të njëjtën periudhë kohore. Po ashtu, Kryeministri përmendi rritjen me ritme të larta të kreditit bankar, rritjen e madhe të investimeve të huaja, të cilat për vitin 2006 kanë qenë në total rreth 370 milionë dollarë, rreth 125 dollarë për frymë, kundrejt vetëm 28 dollarë që ato kanë qenë në vitin 2004. Këto investime, tha Kryeministri, janë konkretizuar në projekte të mëdha që kapin disa miliardë euro, si projekti i Semanit, projekti i Devollit, projekti i TEC-it të Fierit, projekte në fushën e çimentos, etj.

“Sipas ekspertëve më të mirë të Fondit Monetar Ndërkombëtar dhe institucioneve të tjera, Shqipëria është realisht në prag shkëputjeje të madhe. Shkëputja e Shqipërisë është një dukuri që po rezonon pozitivisht kudo. Kjo ka bërë që kompani të mëdha, ndër më seriozet në botë, të përparojnë në projektet e tyre dhe të fillojnë së shpejti, brenda disa muajve, investime të cilat në totalin e tyre kapin vlera disa miliardë euro”, theksoi Kryeministri.

[Gerrard]

Kryetarja e ASD-së, Silvana Sejko, deklaroi se për momentin, kufiri i shumës së sigurimit për kursimet e individëve nuk mund të rritet

Shteti shqiptar nuk do të garantojë asnjë depozitë bankare të individëve që është më e madhe se 700 mijë lekë. Kjo do të thotë se në rast të falimentimit të një banke, qeveria do të kompensojë vetëm ata persona që kanë depozita deri në 700 mijë lekë në këtë bankë. Për shumat më të mëdha se kjo, janë vetë personat ata që do të mbajnë përsipër riskun. Gjatë prezantimit të raportit vjetor të agjencisë së sigurimit të depozitave, në Komisionin Kuvendor të Ekonomisë, kryetarja e saj, Silvana Sejko, e ka cilësuar nivelin prej 700 mijë lekësh si optimal pavarësisht se vendet e Bashkimit Evropian dhe disa shtete të rajonit tonë e kanë këtë nivel rreth 20 mijë euro. Shqetësimit të ish-ministrit të Financave, Arben Malaj, se nëse duhet të rishikohet kjo shumë në kuadër të integrimit të Shqipërisë në BE, Sejko iu përgjigj: "Për vendosjen e këtij niveli ne u jemi referuar disa treguesve, ku më i rëndësishmi është ai i të ardhurave për frymë në vend. Aktualisht, niveli prej 700 mijë lekësh është dy herë më i madh se të ardhurat për frymë në Shqipëri dhe baza e të siguruarve është shumë e gjerë, pasi në të përfshihen rreth 87 për qind e individëve që kanë para të depozituara në banka". Por Maqedonia, ku të ardhurat për frymë janë më të vogla se ato në vendin tonë, rreth 2800 dollarë, ka një nivel sigurimi për depozitat që është i barabartë me atë të vendeve të BE-së. Fqinji ynë merr përsipër të kompensojë depozitat e individëve deri në 20 mijë euro dhe kjo është bërë me qëllim për reduktimin e ekonomisë informale në vend. Duke garantuar kursimet e individëve, shteti nxit këta të fundit që të kanalizojnë paratë e tyre në banka.

[Gerrard]

Ministri i Financave tregon vendimin e fundit

Ministri e Financave, Ridvan Bode, deklaroi se qeveria nuk do të njohë si shpenzime të zbritshme nga tatimi pagat e punonjësve për ato biznese që nuk i kalojnë ato nëpërmjet bankave. Deklarata e Bodes është bërë dje, gjatë një takimi me biznesmenë dhe bankierë, të organizuar nga Bashkimi i Dhomave të Tregtisë dhe Industrisë. Duke zbardhur një pjesë të projektligjit të qeverisë që e detyron biznesin të kryejë pagesat dhe transaksionet e tjera financiare nëpërmjet bankave, kreu i Financave i ka ftuar këto të fundit që të ulin shpenzimet e komisioneve për të lehtësuar këtë proces. "Në rast se një biznes nuk do të paguajë pagat nëpërmjet bankave, atëherë ai do të paguajë tatim-fitim edhe për pagat që u shpërndan punonjësve. Për këtë, u bëj thirrje bankave që të lehtësojnë procedurat dhe të ulin komisionet me qëllim që ky vendim të mos penalizojë askënd", tha Bode. Ky projektligj vendos kusht që vetëm 10 për qind e të gjithë aktivitetit financiar të biznesit, të kryhet me para në dorë jashtë bankave. Në të kundërtën, në projektvendimin e propozuar nga Ministria e Financave parashikohet që edhe këto transaksione nuk do të njihen nga tatimet si shpenzime. Projektligji i hartuar nga Ministria e Financave pritet që së shpejti të miratohet nga qeveria dhe më pas të kalojë për diskutim në Komisionin Kuvendor të Ekonomisë. Në takim kanë marrë pjesë fare pak përfaqësues të biznesit dhe vetëm një numër shumë i madh bankierësh. Përfaqësues të biznesit kanë mbështetur parimisht vendimin, megjithëse disa prej tyre janë ankuar për procedurat burokratike dhe kostot që mund të ketë kalimi i të gjithë aktivitetit financiar në banka.

[Gerrard]

I gjithë biznesi në vend nuk do të lejohet më të qarkullojë para cash më shumë se dhjetë për qind të shpenzimeve të tij. Ministri shqiptar i Financave, Ridvan Bode, tha dje se të gjitha shpenzimet që do të kryejë biznesi do të duhet të bëhen nëpërmejt bankave dhe në rast se kjo gjë nuk do të respektohet, atëherë të gjitha shpenzimet e zbritshme që do të bëhen me para cash nuk do t’i llogariten si të tilla. Sipas projektligjit që po përgatitet për të kufizuar paratë cash, të gjitha pagat do të duhet të jepen nëpër banka dhe në rast se ato do të vijojnë të jepen në dorë nga biznesi, atëherë ky i fundit nuk do të ketë më mundësi t’i paraqesë pagat si një shpenzim i zbritshëm, domethënë si një shpenzim mbi të cilin biznesi nuk paguan taksa. Siç dihet, në bilancet e çdo biznesi, shpenzimet për paga futen në zërin e shpenizmeve të zbritshme dhe nuk llogariten si një zë për të cilin paguhet tatim fitimi nga biznesi. Ministri i Financave saktësoi se, “nisma për kufizimin e qarkullimit të parave cash, - tha ministri Bode, - është një nismë që kërkon mirëkuptimin dhe mbështetjen e të gjithë biznesit, të sistemit bankar, të kompanive, të dhomave të tregtisë, sepse ne jemi të bindur që kjo është në interes të të gjithëve". "Qeveria është duke ndërmarrë hapa të rëndësishëm, është duke vepruar me shpejtësi, pasi realisht ajo ka kuptuar misionin e saj të domosdoshëm në kapërcimin e njërit prej problemeve më të mëdha që ka shoqëria shqiptare, që ka vendi ynë në progresin e tij drejt plotësimit të standardeve për t’u integruar dhe për t’u bërë pjesë e familjes së madhe perëndimore", - tha Bode.

Ministri Bode theksoi se, qeveria ka ndërmarrë reformën e uljes së taksave, e cila me paketën që do të propozohet së shpejti në korrik, mundëson që brenda dy viteve të gjitha llojet e taksave që kanë të bëjnë me biznesin, pra taksat e drejtpërdrejta, të jenë mbi dy herë më të ulëta nga dhjetori i vitit 2005. "Por, nuk mundet që kjo reformë të jetë e plotë, në qoftë se reformat në fushën fiskale dhe ekonomike nuk ndiqen dhe nuk gërshetohen me reforma në sferën monetare", - tha ministri Bode.

"Informalitetit në këtë fushë është po ashtu një problem dhe ju të gjithë e dini që Shqipëria ka nivelin më të lartë të qarkullimit të parasë cash në rajon; mbi dy herë më të lartë se Maqedonia, dy herë e gjysmë më të lartë se Bullgaria dhe po kështu nga Serbia. Kjo masë e madhe e qarkullimit të parasë cash për frymë, dëshmon nivelin e ulët të shërbimeve bankare për shtresat më të gjera të popullatës", - deklaroi ministri Bode.

"Masat që ne propozojmë synojnë që gjithë sistemi i pagesave për pagat dhe sigurimet shoqërore, për shpërblimet dhe gjithçka tjetër që bëhet nga kompanitë, të bëhet nëpërmjet kanaleve bankare. Kjo do të thotë se ne nuk do të njohim si shpenzime të zbritshme, shpenzimet për pagat që nuk bëhen përmes bankave", - tha ministri Bode.

Kjo, sipas ministrit Bode, nënkupton një angazhim dhe një kontribut që do të japë komuniteti i biznesit për të formalizuar të gjitha pagesat. "Nga ana tjetër, ne do të propozojmë dhe do të kërkojmë që po ashtu, shpenzimet për zërat e tjerë që kanë kompanitë, duhet të bëhen përmes kanaleve bankare. Limiti i vendosur deri më sot për blerje deri në 300 mijë lekë ka nevojë që të kufizohet dhe me një tavan të përgjithshëm, si pjesë, si përqindje e shpenzimeve që mund të bëhen me lekë në dorë, në krahasim me shpenzimet gjithsej që duhet të kenë kompanitë”, - bëri me dije ministri.

[Gerrard]

Nje gje nuk arrije te kuptoje, nje vend kaq i vogel, te kaloje ne informalitet dhe te veproje si ne Swicer, USA, Gjermani. Qe c'do gje te behet me ane te bankes? Ne akoma nje vend ne tranzicion ekonomike fusin dhe disa ligje qe i intereson Politikaneve tane. Nuk e di se si do hecet me keto ligje dhe me keto vendime qe cojne vendin drejte mjerimit dhe skamjes ekonomike.

[Gerrard]

Në marrëveshjen e vendit tonë me misionin e Fondit Monetar Ndërkombëtar është parashikuar që ndryshimet në procedurat tatimore të bëhen në fillim të çdo viti, ndërsa ndryshimet në shkallën e taksave të bëhen në mesin e çdo viti. Zyrtarë të ministrisë saktësuan dje se, ligji i ri i procedurave të tatimeve është në kuadër të marrëveshjes që qeveria shqiptare ka me Fondin Monetar Ndërkombëtar, për të bërë ndryshime në përmirësimin e procedurave të mbledhjes së të ardhurave dhe se, në të vërtetë, puna për përpilimin e këtij projektligji ka nisur që nga muaji nëntor i vitit të shkuar dhe po të mos ishin zgjedhjet lokale, të cilat ngadalësuan punën e parlamentit, ky ligj do të ishte miratuar që para dy muajsh. “Në marrëveshjet që kemi me Fondin Monetar Ndërkombëtar, - thanë burimet, - është parashikuar që të mos bëhen ndëryshime të legjislacionit fiskal për shkallën e tatimit në fillim të vitit, por ato të bëhen në mesin e tij dhe po në këto marrëveshje thuhet se ndryshimet në procedurat tatimore duhet të bëhen në fillim të vitit.” Ligji i ri i gjobave siç quhet, ku një biznes që ka marrë një gjobë duhet ta paguajë atë së bashku me vlerën e detyrimeve para se të ketë një vendim të gjykatave, është pjesë e marrëveshjes për të përmirësuar mënyrën e mbledhjes së të ardhurave dhe për të mundësuar më së shumti edhe formalizimin e ekonomisë. Në ligjin e ri të procedurave fiskale ka disa probleme, të cilat, në fakt, janë më së shumti probleme që ngërthejnë dobësinë e sistemit të drejtësisë, i cili nuk mund t’iu përgjigjet kërkesës që kanë bizneset dhe tatimet në lidhje me vendimet e inspektorëve të tatimeve. Burimet saktësuan se, fokusi kryesor i projektligjit të procedurave të reja në tatime ka qenë mpakja e peshës që mund të ketë një inspektor në kontrollet ndaj një biznesi. Duke mundësuar me ligj pagimin e vlerës së detyrimit të tatimeve dhe të njëzet e pesë për qind të gjobës, duket sikur inspektorët janë më të fuqishëm dhe mund të bëhen arbitrarë, por, në fakt, me këtë ligj, atyre nuk iu mbetet në dorë asnjë mundësi korruptimi, pasi biznesi nuk ka më aq shumë arsye të paguajë një inspektor dhe anasjelltas, por është i detyruar të shkojë në gjykatë. Ligji, tashmë është shumë më i qartë dhe lë pak vend për kompromis mes një inspektori të korruptuar dhe një biznesi. Megjithatë, ende në administratën e tatimeve po vijion një refromë mjaft e thellë për ta bërë atë mjaft transparente dhe mjaft pë paatakueshme, kur çdo biznes do të ketë të drejtën të ankohet dhe për këtë do të ketë një përgjigje.

[Gerrard]

Do doja tu thoja dy fjale te gjithe pjesemaresve te ketije nen forumi, qe mund te sillni ndonje artikull nga gazetat dhe ti hidhni ketu qe mund te kemi dhe mundesi te diskutojme te japim nje mendim. Po ju lutem mos hapni tema per c'do artikull qe merni, pasi nuk eshte e drejte qe te hapet me c'do artikull gazete nje teme e re. Te gjitha artikujt qe jan hapur si tema i kam bashkangjitur ne kete Teme, ku mund te bisedojme te gjithe mbi Ekonomi Shqiptare dhe me te rejat qe ndodhin.

Ju uroj te kaloni sa me mire dhe ju faleminderit per leximin.

Kalofshi Mire

T-B

[Imperator]

Nje gje nuk arrije te kuptoje, nje vend kaq i vogel, te kaloje ne informalitet dhe te veproje si ne Swicer, USA, Gjermani. Qe c'do gje te behet me ane te bankes? Ne akoma nje vend ne tranzicion ekonomike fusin dhe disa ligje qe i intereson Politikaneve tane. Nuk e di se si do hecet me keto ligje dhe me keto vendime qe cojne vendin drejte mjerimit dhe skamjes ekonomike.

Trendafili, nuk e kuptoj se ku eshte e keqja e shperndarjes se pagave nepermjet Bankes.
U bene gjithe keto vite qe shumica e Shqiptareve punojne ne te zeze, qe do te thote se nuk paguajne as sigurime shoqerore e asgje, pra kur te plaken ato do vdesin urie. Boll me, tani do mbaje banka parate qe duhen derdhur per sigurimet shoqerore e keshtu qe ne pleqeri do kene me pak vuajtje pastaj.

Mos harro se neper biznese behet nje pastrim i stermadh i parave qe fitohen duke shitur trupin e vajzave Shqiptare neper bote, duke mare jete njerezish nepermjet shitjes se droges, para qe fitohen nga politikane qe i kane vene vetes nofken 10%-shi dhe qe jane te lidhur me krimin. Mjaft me nga keto, tani ka ardhur koha qe te shtohet sa me shume kontrolli mbi gjithçka e jo te lozet me popullin si te duan ata te lartet.

Pra, me miratimin e ketij ligji Ekonomia informale do vije ne reduktim dhe gjerat do jene me te kontrolluara dhe do dije dhe shteti Shqiptar se nga cilet sektore duhet te orientohet me shume per te mare te ardhura me te mira.

Imperator

[Gerrard]

Trendafili, nuk e kuptoj se ku eshte e keqja e shperndarjes se pagave nepermjet Bankes.
U bene gjithe keto vite qe shumica e Shqiptareve punojne ne te zeze, qe do te thote se nuk paguajne as sigurime shoqerore e asgje, pra kur te plaken ato do vdesin urie. Boll me, tani do mbaje banka parate qe duhen derdhur per sigurimet shoqerore e keshtu qe ne pleqeri do kene me pak vuajtje pastaj.

Mos harro se neper biznese behet nje pastrim i stermadh i parave qe fitohen duke shitur trupin e vajzave Shqiptare neper bote, duke mare jete njerezish nepermjet shitjes se droges, para qe fitohen nga politikane qe i kane vene vetes nofken 10%-shi dhe qe jane te lidhur me krimin. Mjaft me nga keto, tani ka ardhur koha qe te shtohet sa me shume kontrolli mbi gjithçka e jo te lozet me popullin si te duan ata te lartet.

Pra, me miratimin e ketij ligji Ekonomia informale do vije ne reduktim dhe gjerat do jene me te kontrolluara dhe do dije dhe shteti Shqiptar se nga cilet sektore duhet te orientohet me shume per te mare te ardhura me te mira.

Imperator

Imperator: Deri diku jam dakord me ty, po mos harro se si do veproj biznesi i vogel, do i meret fryma qe te kryej gjith keto levizje. Prsh kam nje service Pc, i bie qe te blej mallin, ose te shes mallin ta bej c'do levizje me Banken po kjo me duket absurde, kesaj i thon informalitet qe vetem keto vende perdorin Banken dhe nuk e perdorin menyren CASH. Per kete gje e kisha me shum, sepse te ha shum kohe dhe asnje gje nuk fiton.

Kalofsh mire

T-B

[LAINA]

Trendafili, nuk e kuptoj se ku eshte e keqja e shperndarjes se pagave nepermjet Bankes.
U bene gjithe keto vite qe shumica e Shqiptareve punojne ne te zeze, qe do te thote se nuk paguajne as sigurime shoqerore e asgje, pra kur te plaken ato do vdesin urie. Boll me, tani do mbaje banka parate qe duhen derdhur per sigurimet shoqerore e keshtu qe ne pleqeri do kene me pak vuajtje pastaj.

Mos harro se neper biznese behet nje pastrim i stermadh i parave qe fitohen duke shitur trupin e vajzave Shqiptare neper bote, duke mare jete njerezish nepermjet shitjes se droges, para qe fitohen nga politikane qe i kane vene vetes nofken 10%-shi dhe qe jane te lidhur me krimin. Mjaft me nga keto, tani ka ardhur koha qe te shtohet sa me shume kontrolli mbi gjithçka e jo te lozet me popullin si te duan ata te lartet.

Pra, me miratimin e ketij ligji Ekonomia informale do vije ne reduktim dhe gjerat do jene me te kontrolluara dhe do dije dhe shteti Shqiptar se nga cilet sektore duhet te orientohet me shume per te marre te ardhura me te mira.

Imperator

Nuk te shpeton nga abuzimet pagesa e rrogave me banke. Ta them kete nga eksperienca personale.

Sa per pjesen tjeter, per kontrollin, sigurisht qe eshte nje gje e mire qe te gjitha transaksionet te behen ne banke, por prape nuk do ta luftoje informalitetin. Banka nuk kontrollondot parate e pastruara.

[Zemrushja]

Imperator: Deri diku jam dakord me ty, po mos harro se si do veproj biznesi i vogel, do i meret fryma qe te kryej gjith keto levizje. (??)Prsh kam nje service Pc, i bie qe te blej mallin, ose te shes mallin ta bej c'do levizje me Banken po kjo me duket absurde, kesaj i thon informalitet qe vetem keto vende perdorin Banken dhe nuk e perdorin menyren CASH. Per kete gje e kisha me shum, sepse te ha shum kohe dhe asnje gje nuk fiton.

Kalofsh mire

T-B

Perkundrazi..

Nuk eshte fare Informalitet.. Po eshte Formalitet..

Nese cdo veprim behet ne sistem bankar, eshte me e lehte per shtetin te kontrolloje cdo veprim ne bisnes

Laina, e vertet ajo qe thua ti por, nuk mund te pretendojme qe ne fillimet e krijimit te formalitetit te kemi rezultate Absolute.. Ato do te stabilizohen me kalimin e kohes..

Zemrushja

[Gerrard]

zv drejtori i pergjithshem i FMN Murilo Portugal tha se eshtë e domosdoshme që, për reforma thelbësore ekonomike palët të japin konsensusin

Para Shqiperise mbeten ende sfida te medha perpara, si ruajtja e ritmeve ekonomike dhe ulja e nivelit te varferise. Keshtu ka ke theksuar zv drejtori i pergjithshem i FMN Murilo Portugal pas nje takimi me guvernatorin e pergjithshem te BSH,Ardian Fullani. Ne kuader te integrimit ne BE, FMN do te forcoje sisitemin e mbikqyrjes ndaj sistemit tone bankar. “Në zhvillimin pozitiv ekonomik, parlamenti luan një rol shumë të rëndësishëm. Me sa kam konstatuar, në Parlament ka një mirëkuptim për reformat makroekonomike dhe ky është hap shumë pozitiv dhe inkurajues. Lufta ndaj informalitetit, tha ai është shumë e rëndësihme dhe fakti që keni ecur shumë kohët e fundit na jep besim se jeni në rrugë të mbarë. Është e rëndësishme që të gjithë të paguajnë taksat për të ecur kështu në një konkurencë të ndershme. Është gjithashtu e domosdoshme që, për reforma thelbësore ekonomike të Qeverisë palët të japin konsensusin.”, tha z. Portugal. Nga ana e saj kryetarja e Kuvendit u shpreh se Qeveria dhe Parlamenti kanë ndërmarrë një sërë nismash për krijimin e kushteve lehtësuese për investitorët si dhe për të luftuar informalitetin, duke e konsideruar këtë të fundit si një nga çështjet më të domosdoshme për zhvillimin e vendit.

[Gerrard]

Konfindustria: Kostot e shërbimeve bankare janë shumë të larta dhe të papërballueshme

Pas projektit të dështuar "Emigrantët 3-5 vjet pa taksa" dhe idesë së parealizueshme "Shqipëria, një euro", qeveria ka ndërmarrë një tjetër mision të pamundur. Sipas vendimit më të fundit të ekzekutivit, që shënjestron biznesin, nuk do të njihen si shpenzime të zbritshme, pra të patatueshme, të gjitha transaksionet financiare, nëse ato nuk kalojnë përmes sistemit bankar vlerën taksative 90% të vëllimit të tyre. Ndërkaq, sipas deklaratës së djeshme të një prej drejtuesve të Konfindustrisë, Gjergj Buxhuku, kjo masë është shumë shqetësuese, sepse në këtë mënyrë rriten kostot e biznesit, për shkak të komisioneve të larta që zbatojnë bankat, si dhe mungesës së përpjekjeve nga ana e qeverisë, të cilat për momentin janë zero, për t‘i ulur këto tarifa. Gjithashtu, sipas grupimit të industrialistëve, ky vendim hedh hije dyshimi mbi qëllimet e nismës së qeverisë, sipas së cilës përfituesit më të mëdhenj të kësaj skeme janë pikërisht bankat. Por, një tjetër problem, përveç kostove shtesë me të cilat do të përballet biznesi, është aftësia e aktorëve për ta realizuar këtë vendim. Vetë biznesi nuk mund t‘i transferojë të gjitha flukset e parave në sistemin bankar brenda një kohe të shkurtër, për të arritur masën 90% të caktuar nga qeveria. Nga ana tjetër, nuk dihet nëse vetë bankat, të cilat kurrë më parë nuk janë përballur me një fluks të tillë, do të jenë në gjendje ta përballojnë atë. Kështu, rezulton se përveç rritjes së paarsyetuar të kostove ndaj sipërmarrësve, ekziston edhe rreziku i vonesave apo bllokimeve të transaksioneve të mëdha financiare nga sistemi bankar. Ky i fundit, përveçse ka një shtrirje të kufizuar në zona të ndryshme të vendit, ka probleme me kapacitetet fizike e njerëzore, të cilat nuk janë parashikuar për një ngarkesë të tillë pune, përjashtuar ndoshta Tiranën. Por, edhe vetë aftësitë e sistemit bankar në kryeqytet mbeten të dyshimta në rastin eventual të një fluksi të tillë transaksionesh. Duke vënë theksin që të shihet një ndryshim i skemës së paraqitur nga qeveria, mbi kostot shtesë të biznesit, Konfindustria kërkon edhe një zbatim më gradual të vendimit, që synon formalizimin e ekonomisë. "Konfindustria, bazuar në dukurinë shqetësuese të mësipërme, mendon se duhet riparë edhe njëherë me themel koha e hyrjes në fuqi e vendimit të ekzekutivit, përtej datës 01.07.2007, sikurse edhe masa në përqindje e transaksioneve, për të qenë graduale dhe jo e menjëhershme në shifrën 90%, sikurse është shpallur nga ekzekutivi, duke e arsyetuar me mospërgatitjen e sistemit bankar për të përballur vendimin me kosto të arsyeshme", thuhet në deklaratën e grupimit të biznesit. Sipas industrialistëve, të gjithë faktorët e mësipërm, nëse nuk kihen parasysh, do të sjellin në mënyrë të padiskutueshme rritje të kostos së biznesit, në një kohë që pasojat negative, sidomos në sektorin industrial dhe të shërbimeve të vendit, gjatë zbatimit të MSA-së kërkojnë detyrimisht të kundërtën. Nëse gjithë këto ndërlikime nuk do të merren parasysh, si dhe në mungesë të një studimi paraprak të efekteve dhe mundësive, pasojat mund të jenë të rënda. Në këto kushte, edhe kjo nismë do të rezultonte e dështuar, ashtu si shumë projekte të tjera të mëparshme të qeverisë, të cilat në të shumtën e rasteve nisin si deklarata politike e publike nga foltorja e Kryeministrit e, që më pas, vënë në vështirësi të gjitha hallkat shtetërore, të cilat duhet të mbështesin në akte ligjore premtimet dhe kërkesat e nxituara të Berishës.

[Gerrard]

Zbatimi i pakontrolluar i vendimit të ekzekutivit, që parashikon qarkullimin e transaksioneve financiare të biznesit përmes sistemit bankar në masën 90%, pa marrë masat e nevojshme të propozuara, pritet të sjellë edhe probleme sociale, sepse, sidomos, për rrogat e ulëta, kostot e mësipërme bankare janë tepër të mëdha e të ndjeshme. Në fakt, për sa u përket rrogave, kjo do të ishte goditja e tretë radhazi e qeverisë për të punësuarit që përfitojnë pagesa veçanërisht të ulëta. Për shkak të komisioneve të larta që mbajnë bankat për të ofruar shërbimin e dhënies së parave përmes sporteleve, çka ul në një masë të ndjeshme shumën neto që individët përfitojnë. Nisma tjetër, pararendëse e taksës së sheshtë, gjithashtu rrit tatimin mbi të ardhurat personale, pikërisht mbi këtë kategori. Qeveria ka premtuar një skemë mbrojtëse, por deri më sot nuk është paraqitur asgjë. Një tjetër masë që godet rrogëtarët e nivelit të mesëm është ajo e përcaktimit të niveleve të ndryshme të pagave minimale, çka rezulton me uljen e pagës reale që përfitojnë individët, duke qenë se punëdhënësve do t‘u duhet të paguajnë më shumë ndaj shtetit.

[Gerrard]

Shqipëria ka bërë hapa para në rritjen e ekonomike dhe uljen e inflacionit. Ky ka qenë vlerësimi i bër dje nga zyrtari i lartë i Fondit Monetar Ndërkombëta, zv.drerjtori Murilo Poretugal, pas takimit që zhvilloi me Kryeministrin Berisha në ambientet e Kryeministrisë, ku u diskutua mbi faktorët ekonomik që kanë ndikim për vendin tonë, si dhe ecurinë e tyre. Gjatë fjalës së tij, përfaqësuesi i FMN-së vlerësoi ndër të tjera si të rëndësishme edhe politikat e ndërmarra nga qeveria shqiptare gjatë kësaj kohe në forcimin e ekonomisë në vend, duke theksuar gjithashtu që është vënë re edhe rritje e rezervave valutore.

“Gjatë kësaj kohe ka pasur një rritje të lartë ekonomike, krediti ndaj ekonomisë është rritur, rezervat valutare janë rritur, dhe të gjithë këta tregues dëshmojnë që vendi është duke u bërë gjithmonë e më tepër tërheqës për investimit e huaja”, u shpreh Puretugal. Gjithashtu, ai kujtoi se Qeveria shqiptare duhet të punojë akoma për të ndjekur një luftë serioze kundër informalitetit në vend, me qëllim minimizimin e deri në zhdukjen e tij. Nga ana e tij, Kryeministri Sali Berisha tha se qëllimi i vizitës me përfaqësuesin e lartë të FMN-së kishte ishte vënia në dijeni të institucionit që ai përfaqëson me arritjet e qeverisë në fushën e ekonomisë në uljen e informalitett, si dhe në rritjen e përgjithshme ekonomike dhe formalizimin e ekonomisë në Shqipëri. Gjithashtu, kreu i qeverisë theksoi ndër të tjera, se qeveria shqiptare është duke përjetuar kohën kur ajo po përballet me arritjet e mëdha të reformave të ndërmarra prej saj me qëllim përmirësimin e situatës ekonomike, duke luftuar në të njëjtën kohë edhe formaz e korrupsionit për këtë fushë.

[Gerrard]

Ministria e Financave propozon masa për mbrojtjen e konsumatorit

Ministria e Financave ka hartuat një projektligj që ka si objekt të drejtat dhe detyrimet e prodhuesve dhe të shpërndarësve, në mënyrë që produktet për konsumatorët që vendosen në tregun shqiptar të jenë të sigurta. Sipas projektit, prodhuesit i lind detyrimi t’u sigurojë konsumatorëve të dhënat përkatëse, për t’u mundësuar vlerësimin e rrezikut të qenësishëm në një produkt për konsumatorët. Prodhuesit duhet të marrin masa që u përgjigjen karakteristikave të produkteve për konsumatorët që ata furnizojnë. Ata duhet të jenë në dijeni për rreziqet që mund të mbartin produktet e tyre dhe të ndërmarrin veprimet e duhura për të shmangur këto rreziqe, si pezullimin nga tregu paralajmërimin në mënyrë të përshtatshme dhe efektive të konsumatorëve apo tërheqjen e produkteve nga konsumatorët. Gjithashtu edhe shpërndarësit, po sipas këtij projekti, duhet të veprojnë për të ndihmuar sigurimin e produkteve për konsumatorët. Ata brenda kufijve të veprimtarisë duhet të marrin pjesë në monitorimin e sigurisë së produkteve për konsumatorët, të vendosura në treg. Produkti i cili rezulton në përputhje me kërkesat thelbësore të rregullave teknike, i vihet marka e konformitetit, forma kuptimi dhe simboli i së cilës do përcaktohet nga Këshilli I ministrave. Deri në krijimin e strukturës së mbikëqyrjes së tregut, përgjegjësitë dhe funksionet e saj do kryhen nga Inspektorati Qendror Teknik. Struktura e mbikëqyrjes së tregu është e autorizuar që për çdo produkt të vendosur në treg si i sigurt të organizojë verifikime për karakteristikat e sigurisë; për çdo produkt që në disa rrethana mund të paraqesë rreziqe të kërkojë të shënohen paralajmërime; për çdo produkt që rezulton i pasigurt të ndalojë tregtimin e tij.

Gjobat

Shkeljet e dispozitave të këtij ligji, kur nuk përbëjnë vepër penale, përbëjnë kundërvajtje administrative dhe dënohet me gjobë nga 10 000 deri në 10 000 000 lekë.

Shlyerja

Subjekti duhet ta shlyejë gjobën 10 ditë nga marrjes së njoftimit. Gjoba është titull ekzekutiv dhe ekzekutohet nga zyra e përmbarimit, nëse nuk shlyhet nga subjekti.

Ankimimi

Në rastin kur subjekti i kontrolluar nuk është dakord me masën e vendosur nga një strukturë e mbikëqyrjes së tregut, ai mund ta kundërshtojë brenda 30 ditëve pune nga njohja me masën.

[Gerrard]

Punonjësit me paga të ulëta do të paguajnë vetëm gjysmën e taksës së sheshtë, ndërkohë që nuk do iu njihet taksa për 10 mijë lekët e para të rrogës. Kryeministri, Sali Berisha, deklaroi dje gjatë mbledhjes së qeverisë se një grup ekspertësh dhe drejtuesish në Ministrinë e Financave, po punojnë për përgatitjen e një vendimi, i cili ka si qëllim pikërisht vendosjen e tatimit sipas rrogës së buxhetorëve, të cilët marrin nën 30 mijë lekë në muaj. "Një grup ekspertësh dhe drejtuesish të Ministrisë së Financave po përgatisin vendimin, në mënyrë që efektet e vendosjes së taksës së sheshtë të mos ndihen te punonjësit me rroga të ulëta". Në këtë drejtim, kryeministri u shpreh se, "ky vendim synon të ndihmojë biznesin, si dhe të krijojë një mbështetje të veçantë për punonjësit me rroga të ulëta, të cilëve nuk do t'iu tatohen 10 mijë lekët e para të rrogës. Në këtë mënyrë përgjysmohet barra fiskale mbi ta dhe kjo do të jetë e vlefshme për të gjitha rrogat deri në 30 mijë lekë. Taksa e sheshtë me 10 për qind për të ardhurat personale përbën lehtësimin më të madh të barrës fiskale që mund të vendoset mbi këto të ardhura", - tha Berisha. Duke folur mbi tatimin mbi pagën, kryeministri u shpreh se në asnjë vend të botës, nuk mund të pretendohet se me 15 mijë lekë në muaj mund të mbash makinë luksoze. "Asnjë vend nuk vendoset në familjen evropiane me klasën e saj borgjeze, ku një pjesë e saj sillet si proletare. Nuk mund të zhytesh në “Porche” dhe të pretendosh se merr 150 mijë lekë të vjetra. Këto janë jo masive, por janë të papranueshme, ndaj dhe hapat e ndërmarrë kanë patur një impakt jashtëzakonisht pozitiv në biznesin ndërkombëtar", - theksoi Berisha.

Ritmet

Kryeministri vlerësoi se Shqipëria ka një ndër ritmet më të larta në botë të rritjes së kreditit bankar dhe ana më pozitive është se 70 për qind e këtij krediti i shkon biznesit.

"Investimet e huaja në vitin 2006-të kanë qenë rreth 370 milionë dollarë në total, rreth 125 dollarë për frymë, kundrejt 8 dollarë që ato kanë qenë në vitin 2004-tër, pra, sipas ekspertëve më të mirë të FMN-së dhe institucioneve të tjera, Shqipëria është realisht në prag shkëputjeje të madhe". Në këtë drejtim, kryeministri Berisha theksoi se, "shkëputja e Shqipërisë është një dukuri që po rezonon pozitivisht kudo dhe kjo ka bërë që kompanitë e mëdha, ndër më seriozet në botë, të kenë përparuar në projektin e tyre". Kreu i qeverisë vuri në dukje se, "brenda disa muajve fillojnë investime, të cilat në totalin e tyre kapin vlera disa miliardë euro. Vetëm një nga këto projekte, ai i Semanit, është 2.3 miliardë euro dhe është në prag fillimi për zbatim, pasi janë përfunduar të gjitha studimet për termocentralin 1200 megavat, linjë e transmetimit për Italinë, projekti i Devollit është mbi 700 milionë euro, projekt i bazuar në rreth 50 km tunele, ndërkohë që projekti i Fierit shkon disa qindra milionë"

[Gerrard]

Nese do fitimin me te larte nga interesi i kursimeve te tua, atehere bli obligacione me maturim 5-vjecar. Interesi i obligacioneve (letrave me vlere te qeverise), sipas te dhenave me te fundit te Bankes se Shqiperise, arriti ne 10.14 per qind. Vlera eshte te pakten 3 per qind me e larte se interesi i bonove te thesarit me maturim njevjecar. Ne muajin mars, interesi i obligacioneve me afat maturimi 3-vjecar, shenoi 8.90 per qind, ndersa ai obligacioneve 5-vjecare, shenoi 10.14 per qind, duke u rritur perkatesisht me 0.10 pike perqindjeje dhe me 0.46 pike perqindjeje. Burimet ne Ministrine e Financave, thane se norma e interesit e obligacioneve 5-vjecare, llogaritet mbi bazen e interesave mesatare te ponderuara te 3 ankandeve te fundit te emetuara perpara zhvillimit te ankandit te obligacioneve. Nderkohe qe, shtesa mbi interesin, do te percaktohet nga rezultati i ankandit. Bankat do te marrin pjese ne ankand me opsionet e ndryshme te marzhit per shuma te ndryshme te ofruara. Keshtu, vlera me e larte e ketij marzhi, e pranuar nga Ministria e Financave plus interesin e ndryshueshem, perben kuponin, i cili do te zbatohet ne menyre uniforme per te gjitha kerkesat fituese. Nderkohe qe, rregullorja percakton, qe kuponi do te ripercaktohet cdo vit mbi bazen e interesit te ndryshueshem dhe marzhit te vendosur nga ankandi fillestar. Kuponi do te paguhet cdo 6 muaj. Rregullorja kerkon qe kerkesat e bankave, duhet te dorezohen te mbyllura ne zarf dhe te mbajne adresen "Banka e Shqiperise, Departamenti i Operacioneve Monetare, Ankandi i obligacioneve 5-vjecare".

Emetimi i obligacioneve me afat maturimi 5-vjecar nga ana tjeter, eshte nje sinjal se, ekonomia vendase e ka kaluar fazen e veshtire te tranzicionit. Edhe bankat e nivelit te dyte, kane filluar te ofrojne sherbimet e kursimeve me afat maturimi 5-vjecar dhe te kredive me afat kthimi 15 deri ne 20 vjet.

Kjo shperndarje e borxhit, ne vite pritet te ule efektet shok ne interesat e bonove te thesarit ne periudha te caktuara dhe sidomos ne fund te vitit, eshte shprehur ministri i Financave, Bode. Emetimi i borxhit te brendshem ne periudhe pesevjecare, eshte cilesuar si arritja me e madhe ne fushen e financave gjate vitit 2006. Gjithashtu, Banka e Shqiperise eshte duke shikuar mundesine per shitjen e bonove te thesarit ne euro ne tregun nderkombetar.

Obligacionet, ja interesat

Interesi i obligacioneve 2-vjecare 7.65%

Interesi i obligacioneve 3-vjecare 8.90%

Interesi i obligacioneve 5-vjecare 10.14%

[Gerrard]

Mbikeqyrja e zhvillimeve makroekonomike nga Fondi Monetar Nderkombetar ne vitet ne vazhdim, do te jete me e zbehte per shkak te integrimit te vendit tone drejt anetaresimit ne Bashkimin Evropian. Lajmi eshte konfirmuar dje gjate nje takimi qe zhvilloi guvernatori i Bankes se Shqiperise, Ardian Fullani me zv/drejtorin e FMN, Murilo Portugal, i cili ka vizituar Shqiperine keto dite. Ne fund te ketij viti, Shqiperia mbyll marreveshjen miske PRGF/ EFF (kryesisht program per zbutjen e varferise), per te hyre ne nje faze te re marredheniesh me FMN. Autoritetet vendase te financave, kane pohuar se marreveshja e ardhshme parashikon nje supervizim me te lehte te treguesve ekonomike, nderkohe qe Shqiperia do te monitorohet edhe nga institucionet e Bashkimit Evropian. Por gjithsesi, zyrtari i larte i FMN, eshte shprehur se "kontrata" me Fondin do te jete e vlefshme deri ne anetaresimin e plote te vendit ne Bashkimin Evropian.

Nga ana tjeter, Banka e Shqiperise, po ben te gjitha perpjekjet per te rritur bashkepunimin me Bashkimin Evropian, me Komisionin Evropian, Banken e Rregullimeve Nderkombetare, me te gjithe institucionet e tjera te rendesishme nderkombetare, dhe kryesisht me Banken Qendrore Evropiane dhe ato te rajonit, tha Fullani. "I gjithe ky bashkepunim, do te lejoje qe sistemi bankar financiar i Shqiperise, te arrije standardet nderkombetare te bankave qendrore", shtoi Guvernatori. Por nderkohe, vizita e zv/drejtorit te FMN, Portugal ne Shqiperi, eshte e lidhur me faktin per te pare nga afer zhvillimin e reformave ekonomike dhe perspektiven per zhvillim te qendrueshem. Marredhenia me FMN, tha Guvernatori Fullani, ka qene e suksesshme dhe premton per nje zhvillim akoma me te madh ne te ardhmen. Zyrtari i larte i Fondit, ne takimet qe ka pasur me ministrin e Financave, Ridvan Bode dhe Guvernatorin Fullani, ka theksuar se duhen bere permiresime te ndjeshme ne sektoret e energjetikes, ristrukturimit total te infrastruktures kombetare, ne permiresimin e borxhit te brendshem dhe klimes se biznesit.

Stabiliteti makroekonomik i vendit dhe te ardhurat per fryme, jane rritur per nje periudhe kohe te shkurter dhe nje pjese e madhe e merites i takon BSH, e cila ka ruajtur stabilitetin e cmimeve dhe per te gjitha keto, kjo banke ka merituar vleresimin e partneritetit nderkombetar, cka tregohet dhe nga interesimi gjithnje e ne rritje i investitoreve te huaj, per te marre pjese ne sistemin financiar bankar ", tha Portugal.

Deri me tani, marreveshja e FMN me qeverine shqiptare, eshte e fokusuar ne auditim te rrepte te treguesve themelore buxhetore dhe makroekonomike, te tille si inflacioni dhe rritja e qendrueshme ekonomike. Ndersa FMN, vitet e fundit eshte perqendruar ne rehabilitimin e disa treguesve dytesore makroekonomike, si deficiti tregtar dhe reformat strukturore.

[Imperator]

Ka vetem nje problem ne vendin tone persa i perket transaksioneve me ane te bankave. Kostot e bankave jane shume te larta pasi ka nje numer te vogel transaksionesh dhe detyrimisht kostoja eshte e larte. Por nese do te miratohet ligji per kryerjen e pagesave me ane te transaksioneve bankare, atehere entet rregullatore duhet te rishikojne dhe njehere çmimet per sherbimet bankare ne menyre qe te gjitha palet te jene te kenaqura.

Imperator