Popull mos harro !!!

[Kryeplaku]

E kam theksuar shume here ne Forum se i perkas ideve te majta, dhe jam teper krenar per ato. Biles besoj se idete - te cilat bashke me tingujt krijojne fjalet - jane e vetmja gje qe e ndajne njeriun nga kafsha, prandaj do vazhdoj ti shpreh ashtu sic i ndjej deri sa te vdes akoma edhe nese ato jane ne disfavorin tim. Por sot dy muaj perpara votimeve erdha t'ju flas me fjalet e zemres dhe jo te trurit, eshte e vertete qe nga nje here forca e zemres e kalon forcen e llogjikes.

Neser do vijne disa bicima dhe do ju flasin per ide, ideologji, revolucione, fitore, do ju tregojne trendafilat e kuqe dhe grushtat ne ball qe tregojne fuqine popullore dhe do ju bindin per te drejten e tyre qe te vijne ne fuqi perseri. Do ju thone se jane te barabarte me ju, se kane lindur per t'i sherbyer Shqiperise, se cdo gje e bejne per hir te mireqenjes publike. Jane ata qe perhere i shifnit siper jush (nese i pate ndonjehere), ata qe vetem Shqiperise nuk i sherbyen, ata qe vetem mireqenje nuk sollen. Popull mos harro! Mos harro popull se para disa vjetesh te nxorren nga shtepia, para disa vjetesh te bene te fshihesh nga plumbat, te syrgjinosen deri ne Afrike, Zelande, Australi e Amerike. Mos harro popull se para 7 vjetesh te ndan permes, te thane vrite vellain tend sepse nuk eshte njeri por eshte "malok". Te premtuan popull leket qe vet i hengren, te premtuan shtepi, pune, paqe dhe pastaj te armatosen. Te armatosen dhe te thane vrite vellain tend se nuk eshte Shqiptar. Te premtuan paqe dhe liruan vrasesit. Ishin ata qe te thoshin cohu dhe merre lirine. E mban mend popull kur te thoshin "armatosu dhe shkatro" se keshtu vjen liria. E mban mend kur te thoshin "c'lironi Shqiperine nga maloket". Po, po, ata jane qe sot te flasin per bashkim kombetar, per Kosove dhe per Cameri. E mban mend kur te thoshin se do krijojne "Shqiperine e re, pa Cecenet", e mban mend kur per here te pare ne Historine e Shqiperise Shqiptaret frikesoheshin se do pushtoheshin nga Shqiptaret ("do vijne Vlonjatet" thoshte nena ime dhe nuk me linte te dilja nga shtepia). E mban mend kur atdheu yt ishte kthyer ne ankandin e Europes (Yzberishtin Greqise, Durresin Italise, Shkembin e Kavajes Danezeve etj.). I mban mend barikadat me njerez qe percillnin ndonje te ri per tek varrezat e qytetit. E mban mend kur ti merrnin bijat dhe ti benin prostituta. E mban mend kur me makine zyrtare kalonte zemra e ytbiri per tu transplatuar ne Greqi? E mban mend kur te rrifnin pse shkruaje ndonje artikull antiqeveritar ne gazete? E mban mend kur vrane Azemin ? E mban mend kur vrasesit u bene kryetare policishe dhe shefa brigadash? E mban mend popull, kur te gjeten skllav dhe te skllaveruan dyfish? Mos harro pra popull, mos i ler te gajasen me ty tregoju se ka ardhur koha te lirohesh edhe ti!

[Qerim]

lol,,, je i forte !!

Jam kurioz , me te vertete ju beson atyre qe shkruan ?

[Kryeplaku]

njeriu i mire, i besoj ato qe thashe por kjo nuk do te thote se jam pro Sales. Saliu me enverizmin e tij qe e modifikoi ne qeverisjen e vendit e ka humbur shansin per te qeverisur perseri. Biles vet kokefortesia e Sales i dha shansin ketyre bicimave qe te mashtrojne popullin. Ajo qe besoj me teper eshte se fatkeqesisht populli shqiptar eshte popull qe harron shpejt, dhe nje popull qe harron nuk ben perpera sepse nese nuk e kerkon vet c'lirimin do mbetesh perhere skllav. Ne 97 ndodhen disa gjera qe nuk duhet kurresesi ti harrojme, nuk ka dyshim qe leket e humbura dhe shume gjera te tjera ishin shkak per tu revoltuar por kurresesi nuk ishin shkak per tu armatosur (dhe nuk besoj se armatosja ishte mendim i popullit te thjeshte, sic nuk besoje se jugu humbi me shume leke se pjesa tjeter e Shqiperise vet Tirana ka popullsine sa e gjithe Shqiperia qe mbetet dhe kur vjen puna nuk u bene keto marrezira). Une e mbaj mend shume mire naten qe u armatos populli vlonjat ishte mbas dites qe Servet Pellumbi dhe disa koka te tjera bene fjale per pushtim te Shqiperise nga Geget. Te njejten kohe u armatos gjithe jugu, kurse diten tjeter gjithe Shqiperia tjeter sepse u frikesuan ose disa mezi prisnin pushtimin/c'lirimin jugor (me te vertet turp per historine e nje kombi). Ne 90 ekzistonin me shume shkaqe per tu armatosur publiku dhe kur vjen puna nje gje e tille nuk ndodhi, dhe nuk i tha njeri qytetareve veriore qe te vrasin policet se ishin nga jugu (ne kundershtim me c'ndodhi ne Vlore, Tepelene etj., e mbaj mend vet dhe ne Tr. si i fshinin policet kapelet se kishin frike se mos i vrisnin). Une mesa di nuk ka ekzistuar ndonjehere kaq urrejtje e madhe Veri-Jug midis Shqiptareve, edhe sot ne Tr. ekzistojne shume lagje me njerez te ardhur nga thellesite e Jugut dhe te Veriut dhe jetojne ne harmoni, martohen me njeri tjetrin, bejne shoqeri etj. Biles edhe vet ne Vlore etj. ekzistojne shume te ardhur veriore qe jetojne per bukuri te Zotit me vendasit (sic duket urrejtja e 97 ishte artificiale). Pra ardhja ne pushtet e PS u be me gjak (ende nuk dihet numri i sakte i viktimave te 97 dhe c'pasoi) sepse atyre nuk ju priteshin edhe tre vjet qe duheshin te beheshin votimet (si dhe Sala nuk u bente dot shpirtmire, te bente votime te parakoheshme duke i hapur keshtu rrugen PD per votimet e tjera). Me sa di une nga traditat tona, nga Kur'ani, Bibla, Talmudi etj. gjaku vetem me gjak shlyhet. Pra nese gabimet e tjera te qeveritareve te sotem mundemi t'i falim, gjakderdhjen nuk do mundemi ta falim kurre dhe nese nuk duam te sjellim perseri gjakderdhjen ne vend per shkak te hakmarrjes ndaj fajtoreve ( per hir te imunitetit kombetar dhe demokracise) te pakten mos i falim me voten tone! Nese nuk te vjen keq per veten tende mos prit te bej tjetri dicka te tille per ty!

[[xeni]]

Kryeplaku e ke thure shume bukur. Hallall.

Por nje pyetje do te beja: Cilen alternative preferon ti?

[Kryeplaku]

Por nje pyetje do te beja: Cilen alternative preferon ti?

sh.hasanaj me behet qejfi qe te intereson mendimi im, shkrimi i pare nuk ishte pune bukurie e besimesh ideologjike ishte besim tek syte dhe veshet e mija. Pershkruajta nje ngjarje sic e perjetova ne veten time, larg cdo besimi dhe ideologjije.

Persa i perket pyetjes une nuk besoj se jam specialisti qe te tregoj cfare te votosh, eshte detyra jote e imja dhe e cdo qytetari shqiptar qe beson tek demokracia dhe zhvillimi i atdheut qe te informohet dhe mos te shkoje "si pate qorre" tek kutija e votimit. Vota ime ne vecanti nuk ka rendesi por vota e vecante e te gjitheve ne sebashku ka shume rendesi dhe ndikon ne te ardhmen e vendit dhe ne te ardhmen tone dhe te femijeve tane prandaj duhet ta respektojme kete fuqi demokratike qe me gjak e kane fituar popujt, e drejta e votes. Ne Shqiperi ekzistonje te pakten 30 parti (me e pakta, se me c'kam degjuar une nga burime jo zyrtare partite shqiptare ne te gjithe boten arrijne reth 160) pra nuk eshte e mundur nga gjithe keto parti mos te ket dalur ndonje i zgjuar. Statistikisht nuk mundet te jene pyka te gjithe politikanet e vendit. Une per vete besoj se ekzistojne shume personalitete politikane shqiptare qe karakterizohen nga atdhedashuria, modestia (metriopati), serioziteti dhe zgjuaresia si ne fushen e majte ashtu edhe ne te djathten. Biles besoj se edhe brenda ne PS dhe PD ekzistojne njerez me tru (por duhet t'i vecohemi ketyre partive perderisa deshtuesit vazhdojne ende ti udheheqin). Pra eshte detyra e jone t'i zbulojme keta persona dhe parti dhe t'i fuqizojme me voten tone. Vet do e keshilloja votuesin shqiptar t'i largohet partive qe bazohen neper personalitete (si PD), sepse atehere nuk do kemi larmi mendimesh por do kemi politiken e njerit person. Fatkeqesisht shumices se partive shqiptare i mungon baza ideologjiko-shkencore dhe bazohen ne fuqine terheqese e nje personi ose disave. Gjithashtu jam pro praktikes amerikane, kur nje person humb votimet nuk zbret perseri kantidat sepse mbi te gjitha dobeson vet partine qe perfaqeson. Sali Berisha humbi dy here votimet dhe mesa duket do dali perseri kantidat, kjo nuk tregon gje tjeter vecse se PD nuk beson ne asnje ideologji por vetem tek forca e Berishes. Por Shqiperia u lodh me agallaret (mjaft me!), Shqiperia ka nevoje per ide te reja per njerez qe luftojne per ato qe besojne dhe jo per interesa personale. Politikanet qe me cdo kusht duan te vijne ne pushtet (sic ndodh me kryetaret e PS dhe PD) vecse dem mund t'i shkaktojne popullit shqiptar!

[antares]

Akoma merreni me Sali Berishen, ate kaqol qe akoma nuk ka kuptuar c'ishte, pse ndodhi dhe c'duhet bere qe te mos perserittet 97'?
Sot gamori nxitoi te uroje kandidatin e CIA-s Jushenkon, qe me grusht shteti "demokratik" arriti te marre pushtetin!
Kujton se po tu lepihet Jankive do te bjere ndonje kocke edhe per te. Nuk e ka kuptar akoma se pse i erdhi papritur para ca koheve zevendesi nga Amerika!
Me te tille lapangjoze politikane edhe 100 vjet te tjera rri Nanoja ne pushtet!

[Pink^ Pearl]

Saliu nuk eshte me shume kaqol se sa jan ata qe jan sot ne pushtet antares kshu qe nga dy te keqija do zgjedhesh ate qe eshte me pak e keqe ...

[Era1]

Sot gamori nxitoi te uroje kandidatin e CIA-s Jushenkon, qe me grusht shteti "demokratik" arriti te marre pushtetin!

Uroj qe te fitoje e djathta me "grusht"shteti te tille si Jushenko.
E rendesishme sot eshte te zhduken klikat, traifiqet, korrupsioni , TE MARRIM FRYME, prandaj jam dakort me Kryeplakun qe dhe pse me ide te majta ,ne shpirt (i cili siç e thote edhe vete del mbi llogjiken) eshte me ate qe duhet me te vertete qe Shqiperia te mund te jete ne Evrope jo vetem fizikisht.

[Brari]

Kryeplaku ka fol shum bukur.. sepse i ka fjale te zemres oe jo direktiva partish..

E keqja e sales eshte se nuk e ka aftesine te fitoj mbi banden Kriminele te Nano pellumbo ruc Bizhgo brace makbulo luiz hoxhave..

jan 5 muaj kohe deri tek votimet..

Kush mund ta organizoje Ortekun Kunder Bandes kriminele..

I vetmi deri tash i konfirmuar si Lider opozite eshte Berisha..tjeter nuk ka..

tash ceshtja eshte.. te shkojme ne kte beteje me Berishen ne krye qe Mafia di ta rrahe e ta munde.. fshatce..apo te gjejme nje tjeter..

Ka koh me pergatit nji tjeter?

Shum e veshtir eshte..

eshte Leka Zogu..por a mundet i ngrati Leke ta bej kte beteje?

edhe kjo eshte e pamundur..
Une kam nji shprese tek ngritja dhe fuqizimi i Kreshnik Spahiut..
Por nuk mjafton shpresa ime..

Ka ardhur koha ti thuhet dikujt.. Na prij or djal..!

PS ka forc te madhe.. cdo familje PS -iste eshte grusht bashkuar..

Ata e duan Nanon ashtu sic eshte maskara imoral bixhozci te pabese dredharak hipokrit e tetjera..Ata nuk lodhen me parimet..ahu thon ata .. Benxi Vila biznesi miljonat Nuk kan nevoj per principe por per nji qen bir qeni te jua mbroje e ai eshte Nano.. I ka te gjitha cilesite qe ja kerkon atyre Interesi..

I zoti te puthet me Sheiket.. i Zoti te shkrd.. het me Erdoganet..Me Berluskonet me shrederat me Bushat me Romano prodat me Asfaline.. me Cian me te gjithe..

Nano ja ka zene tera shtigjet Berishes..

Berisha nuk shkon dot ne kosov..Nano shkon.. berisha nuk vete dot ne washington..Nano shkon.. berisha nuk shkon dot te shreder Berluskonet..Nano ha e pi me ta.. berisha as te erdogani Stambollit nuk pi dot Caj.. kurse Nano bronxon mullaqet e veta e te Xhoit ne plazhet e erdoganit.. e deri te ato te shokve te Bin ladenit ne Emitratet..etj etj..
eshte bir ku.rve pik..

Pra me nji Berish te asfiksuar do shkojm ne Votime apo duhet gjetur nji tjeter..
kjo eshte big prabllemi..


Nuk jan gje variantet gjeorgjiane e ukrahinase..

Vota e rregullt.. numerimi i rregullt .. shpallja e rregullt e shifrave jan zgjidhja..

Rumpalla dhuna..ulerimat thyerjet nuk sjellin demokraci..

I majt eshte kryeplaku..po mire ..cte keqe ka..

Pse te djathte doni juve..?

tallej nje dizaj Bardh Agasi..
cte majt jemi ne tha.. Ne kemi miljardat tha.. e te djathtet kan leshin..
dhe mir e kishte..
Bardhi vet ka 100 metra grataciel personale te gjate e 20 katshe te larte..
kurse i djathti Lek Zog rri me qira te ca katundar petrele..

Natash Paco .. ka 7 hotele ne Plazh.. kurse i djathti.. Berish mezi bleu nje shpi tani..

Duraku e Kok Duka .. ka para sa te mbushe me to nji vaporr..
Nuk eshte ekzagjerim ky jooo..
se ma tha njeri te tajvani qe i dinte fije per pe nen rrogozet..e Tiranes..

I thash si ka mundesi.. po ja fut kot..


shko pyt Cacin tha..se ai i meson qysh e tek..

PD ne votimet e ardhshme nuk siguron dot nji KOMISIONER.. qe te numeroj votat ne nji qender votimi ..sepse i shkon ai socialisti e i thote..
Na mo hekuran.. sa para te jep Saliu ty qe te jesh besnik i tij ne numerim..

Po ja do thot ky.. mi jep ligji si Komisioner nja 20 mi lek.. e ja 10 mi Saliu..

Po ti as gjel deti nuk blen me to o gomar do i thot Sotiri i PS-se..

Po cte benj do thot Hekurani..
eja ktu o gomar.. ja ku i ke 2 milion ketu.. po ama i merr keto mbas votimeve.. e qepe gojen kur ti numerojme votat..

Cdo dit Malaj merr miliona nga Bota.. qesh ai kur i firmos ato Letrat para kamerave..
pse mos qeshi se e di ai dhe Ps-ja se Ato miljona qe i jep Bota.. dihet ku kullufiten.. e ku shkojne..


a eshte i Zoti Berisha ti gjej 500 komisionere qe nuk shiten?

Nuk besoj..

kaq esht sahati shok e shoqka..

[ATMAN]

Mësohet nga burime të pasigurta, se mbrëmë, pas bisedimesh të zhvilluara në mjediset e hotel “Isfahan” në Tiranë, Muzeu Kombëtar dhe Arkivi i Shtetit u shkrinë në një institucion të vetëm, që do të quhet Arkivi Muzeal i Shtetit Kombëtar. Me vendim të përbashkët të pjesëmarrësve, drejtimi i institucionit të ri iu besua Prof. Mojko Sinanit, me zëvendës Prof. Shabë Zeqon. Po punohet me shpejtësi për autostradën që do të lidhë godinat e të dy institucioneve, në një kohë që prof. Mojkos i kanë ardhur telegrame urimi nga personalitete të ndryshme të fushës së kulturës, artit dhe shkencës arkivale kontinentale.



][ ][ ][



Me vendim të Këshillit Shkencor të Akademisë së Shkencave në Tiranë, z. Zengjin Karaulli emërohet kryeinspektor i komisionit për rishikimin e teksteve të historisë për shkollat e mesme në Greqi. I lindur në Piras të Shpiragut, z. Zengjin Karaulli ka mbaruar Institutin e Lartë Pedagogjik të Elbasanit me korrespondencë në degën matematikë-histori, dhe ka punuar me vite si nëndrejtor i vatrës së kulturës të fshatit Dajç të Lezhës, ku edhe ka shkruar studimin ende të pabotuar me titull “Çajhani beratas si fidanishte e bejtit.”, para se të përfshihej në lëvizjen demokratike. Zotëron disa gjuhë të huaja, të cilat i ka thelluar në mënyrë autodidakte, mes të cilave edhe greqishten e re, dogançen dhe pak vllahishte librash.



][ ][ ][



Kryeministri shqiptar Fatush Nano ka shkuar në Dubai me leje krijuese, i tha agjencisë sonë z. Areti Gjymshana, drejtore e drejtorisë së krijimtarisë pranë Këshillit të Ministrave. Gjatë një jave që do të qëndrojë atje, Nano do të rishkruajë tekstet e historisë së Shqipërisë dhe do t’i përkthejë ato në gjuhën greke në dy kopje. Dinjitari i lartë shqiptar, ndërkohë, ka zhvilluar takime me artisten e njohur amerikane Ashley Simpson, këngëtarin Rod Stewart, kryeministrin në mërgim të Zanzibarit z. Çnaçan Koken, boksierin kinez Zhao ZhiZhin, vëllain e drejtorit të Arkivit të Shtetit të Dubait, z. Ulama Bin Sadin, ambasadorin shqiptar pranë UNESCO-s në Kajro të Egjiptit, prof. dr. Pal Paloka, dhe ka qerasur me pije të shtrenjta një numër të madh grekësh të diasporës duke shpenzuar papërgjegjësisht një fond parash mbledhur nga shqiptarët e Zvicrës në ndihmë të të goditurve nga Tsunami në Toptanë të Shkodrës.



][ ][ ][



Kirurgu i njohur kryeqytetas, prof. dr. Shuke Zheni, kreu mbrëmë me sukses të plotë operacionin e parë në botë të rikthimit të veshkës së djathtë në trupin e të sëmurës P.Z. nga Dushku, pasi e njëjta veshkë ishte hequr kriminalisht, para dite, nga një mjek i paidentifikuar i klinikës private “Motrat Iljazi”, në Prezë të Tiranës, dhe ishte fshehur në një kontejner akulli për t’u eksportuar në një vend arab. Ky operacion cilësor, i transmetuar drejtpërdrejt me satelit nga TV “Shkenca”, u ndoq me interes në disa vende të pellgut të Mesdheut dhe të Afrikës Veriore.



][ ][ ][



Shprehja “zëvendëskampione e botës”, edhe pse fitoi vend të parë në konkursin e kalkeve organizuar nga shoqata “Fjaloroje” e arsimtarëve të Toskërisë Qendrore, nuk është përdorur ndonjëherë nga z. Ahmet Shqarri, i pohoi agjencisë OBOBO avokati Mantho Thomo, që mbron interesat e ish-komentatorëve sportivë të RTV shqiptar. Emrin e Ahmet Shqarrit e përsiatën dje dy të përditshme të mëdha në Tiranë, të cilat iu referuan burimeve të sigurta të agjencisë PSE. Deri më sot, çmimi prej 250 dollarësh australianë ka mbetur i pareklamuar, megjithë lajmërimet e përsëritura në media dhe në Gazetën Zyrtare, si dhe interesimin e bamirësit australian me origjinë shqiptare, z. Jafar-Jeffrey Jadjika.



][ ][ ][



Me urdhër të Kryetarit të Bashkisë së Tiranës, z. Edi Ramaj, mbrëmë në mesnatë punonjës të Bashkisë shkulën me fadrom Rrapin e Trishit, në afërsi të Tiranës, për t’i bërë vend një qendre multimediale biznesi. Pasi të pritet në copa të vogla të përshtatshme, Rrapi i Trishit do të varroset te Varri i Bamit, i tha korrespondentit të agjencisë OBOBO prof. Risto Vyshka, drejtor i gjelbërimit urban për Shqipërinë e Mesme.



][ ][ ][



Regjisori i mirënjohur Timon Thimthi, autor në të kaluarën i filmave të tillë kontroversialë si “Joshjet e Shajes”, “Një llakatundas në Las Vegas”, “Vasfiu” dhe “Minutazh”, deklaroi dje në një konferencë për shtyp në Qendrën Kinematografike Ndërkombëtare në Strugë se xhirimet e filmit të shumëpërfolur me temë nga kriza financiare e “Piramidave” në Shqipërinë e vitit 1997 janë ndërprerë për mungesë fondesh.



© OBOBO NEWS

[Brari]

me shkrive arun.. e bukur kjo..

hahahaa

rrofsh..

[Dito]

Larg nga politika kjo K***e e perdale.

Dito.

[ATMAN]

Biznesi vendas përballë vërshimit të mallrave nga tregjet e fuqishme të BE
8 Janar 2005


-Defiçiti i bilancit tregtar i Shqipërisë gjatë vitit 2004 arriti në 1.4 miliard dollarë

Gjatë këtij viti pritet të avancohen negociatat për nënshkrimin e marrëveshjes së Tregtisë së Lirë të Shqipërisë me Bashkimin Europian, ku shkëmbimet tregtare me shtetet e kësaj zone kapin vlerën e mbi 1.2 miliard dollarëve. Pesha e shkëmbimeve tregtare të vendit tonë me shtetet e BE-së, qëndron në nivelet më të larta në raport me gjithë vendet e tjera, duke zënë mbi 85 për qind të totalit të këtyre
shkëmbimeve, ku veçohen dy partnerë kryesorë tregtarë Italia dhe Greqia. Por ndërsa importet nga këto shtete janë mjaft të larta, eksportet e biznesit vendas drejt tyre janë minimale dhe nënshkrimi i marrëveshjes së tregtisë së lirë, mund të sjellë një thellim të defiçitit tregtar të vendit, ku vetëm gjatë vitit
2004, arriti në total në 1.4 miliard dollarë. BE i ka akorduar Shqipërisë statusin e partnerit
tregtar sipas Sistemit të Përgjithshëm të referencave [GSP], duke lehtësuar aksesin në tregjet europiane për produktet shqiptar e, përfshirë edhe produktet e industrisë tekstile, sipas një marrëveshjeje të posaçme për këtë sektor. Por ky sistem që vazhdon akoma, më tepër iu ka dhënë avantazh vetë firmave të huaja të shteteve të BE, që kanë hapur ndërmarrje prodhimi tekstilesh, duke eksportuar më pas produktet e tyre në tregje të huaja, sepse industria vendase e konfeksioneve pësoi një kolaps
të plotë gjatë viteve të tranzicionit. Ndërkohë BE, me qëllim inkurajimin e shkëmbimeve tregtare të vendeve anëtare të BE me vendet e Ballkanit, përfshi edhe Shqipërinë, që nga viti 2000, aplikon regjimin e masave autonome. Sipas këtij regjimi të ri tregtar parashikohet liberalizimi gati tërësisht për eksportet e mallrave industriale dhe heqjen e tarifave tavan të mbetura përdisa produkte industriale. Sipas kësaj marrëveshjeje tekstilet hyjnë në tregun e BE-së me tarifë doganore zero për kuotat vjetore të përcaktuara në rregullore. Ndërkohë përmirësohet shkalla e hyrjes së produkteve bujqësore në BE, përfshirë dh e ato të përpunuara dhe peshkut të freskët me tarifë doganore 0 për kuotën vjetore 1100 ton për 3 vende [Shqipëri, Bosnjë-Hercegovinë dhe Kroaci], acuget me 12,5 për qind për sasinë prej 1,000 ton; për verën propozohet hyrje në tregun e BE-së me tarifë 0 për qind për kuotën 545,000 hl etj.
Por megjithë këto preferenca tregtare që ofrohen nga Bashkimi Europian për hyrjen e mallrave nga Shqipëria, niveli i shfrytëzimit të këtyre nga biznesi vendas mbetet ende i ulët. Objektivat e Marrëveshjes së Stabilizim - Asocimit të Shqipërisë me BE përfshijnë edhe nxitjen e zhvillimit harmonik të marrëdhënieve ekonomike dhe tregtare midis palëve, nëpërmjet zgjerimit të tregtisë, duke çuar në përmirësimin e nivelit të jetesës, uljen e papunësisë, rritjen e produktivitetit dhe përmirësimin e situatës makroekonomike. Në bisedimet teknike mes palëve gjatë 8 raundeve të para theksi është vënë në krijimin e kushteve për një konkurrencë të ndershme në fushën e tregtisë midis palëve, zhvillimin e
aktivitetit tregtar në përputhje me rregullat ndërkombëtare, nëpërmjet heqjes graduale të barrierave teknike të tregtisë. Këto raunde të hapura që pritet të avancohen edhe gjatë vitit 2005, synojnë të realizojnë, liberalizim të menjëhershëm të regjimit tregtar të vendit për një kategori produktesh [kryesisht
industriale dhe josensitive] si dhe liberalizim gradual për kategori të produkteve industriale të onsideruara sensitive për ekonominë shqiptare. Këto industri të mbrojtura përkohësisht do të liberalizohen gradualisht, duke realizuar një reduktim të tarifave doganore të përshkallëzuar dhe të shtrirë brenda afateve kohore të negociuara.
Praktikisht, periudha tranzitore që do të kërkohet nga Shqipëria për këto produkte është vetëm pesë vjet. Kështu, në fillim të vitit 2010 pritet që Shqipëria t'i bashkohet listës së vendeve anëtare të zonës së lirë tregtare me Bashkimin Europian, sigurisht duke ruajtur sipas marrëveshjeve përkatëse me çdo shtet
nivele të caktu ara tarifash doganore dhe taksash për mallra të veçantë, për të mos dëmtuar produktet e vendit. Por kjo mbetet edhe pika më e vështirë, sepse akoma prodhimi i vendit, veçanërisht ai bujqësor, megjithëse cilësor, vuan akoma nga munngesa e marketingut, paraqitja estetike dhe elemente të tjera
të tregtisë bashkohore. Ministri i Ekonomisë, Anastas Angjeli, në analizën vjetore të këtij dikasteri shprehu shqetësimin për thellimin e defiçitit tregtar, që arrin në shumën 1.4 miliard USD për periudhën 2004 dhe gjithashtu, si dhe në raportin e ulët të mbulimit të importit me eksportet, që në tërësi, arrin rreth
1:5, pa përmendur këtu prodhimet bujqësore u ky raport është rreth 1:10. "Në këtë kuadër,-tha Angjeli- reformat që kemi ndërmarrë për liberalizim të tregtisë me vendet e Rajonit, si dhe ato me vendet e Bashkimit Europian dhe të pjesës tjetër të botës, përfaqësojne në vetvete faza të një cikli të gjatë dhe të
vështire sfidash". Pra hapat për nënshkrimin e marrëveshjes së tr egtisë sëlirë me BE, janë në vazhdën e marrëveshjeve të Tregtisë së Lirë në zbatim me vendet e Rajonit, që synojnë komplet integrimin në
tregjet Europiane dhe Globale. Por megjithë politikat dhe reformat që ekonomia shqiptare po zbaton, në kuader të këtyre MTL-ve për të shtuar në maksimum mundesitë e eksportuesve shqiptarë për akses në tregjet e Rajonit, duke investuar ne cilesi dhe standarte më të larta, në çmime më atraktive, përsëri
të dhënat e fundit të vitit 2004, trego në se këto avantazhe janë shfrytëzuar më mirë nga shtetet fqinjë.
Gjatë vitit 2004, "Eksportet me vendet e Tregtisë së Lirë të Europes Jug-Lindore u trefishuan dhe pjesa e tregut të eksporteve brenda ketyre vendeve u rrit nga 2.6 për qind në 8.3 për qind të totalit të eksporteve, ku Kosova dhe Maqedonia përbejnë tregun më të madh të eksporteve të produkteve shqiptare, ndërkohe që eksportet me Kroacine janë 6-fishuar, vetëm si pasojë e MTL-se me këtë vend," theksuan dje burime të ministrisë së Ekonomisë . Megjithatë vihet re se pesha e eksporteve tona në vendet e rajonit nuk zë më shumë se 8 përqind të totalit të eksporteve, kurse me vendet e BE-së zë masën mbi 90 përqind dhe
së dyti, me gjithë rritjen e eksporteve bilanci tregtar me Kroacinë dhe me Bullgarinë nuk mbyllet akoma në saldo aktive. Veprimi i kombinuar i Marrëveshjes së Tregtisë së Lirë me Bashkimin Europian dhe Marreveshjeve të Tregtisë së Lirë me Rajonin, sjellin një efekt pozitiv në treguesin e mirëqënies në Shqipëri, me një ndikim rreth 3% të GDP-së, natyrisht, jo për sot e për mot, por për një afat kohor disa vjeçar, shprehen ekspertë të ministrisë së Ekonomisë. Megjithatë ashtu si Shqipëria edhe Bosnjë-Hercegovina, Kroacia, Maqedonia dhe Serbia e Mali i Zi që janë përfshirë prej kohësh në programet specifike ekonomike të BE-së, ndërsa kanë nënshkruar një sërë marrëveshjesh tregtare për të lehtësuar
tregtinë mes tyre, sipas informacioneve të zyrës së shtypit të BE-së në Bruksel, iu duhet akoma shumë pun ë për të bërë për të përmirësuar bilancet tregtare

[ATMAN]

10 janar 2005-Tirana

Ne nje operacion spektakular eshte operuar dje ne Qendren Spitalore
"Nene Tereza" ministri shqiptar i arsimit z. Luan Memushi. Burime nga
ministria e arsimit thane se z. Memushi u ankua per dhimbje te forta ne
anen e djathte te poshtebarkut gjate nje banketi te shtruar nga
ministria per fituesit e tenderit te librit te aritmetikes per klasat e
dyta fillore. Z. Memushi u transportua urgjentisht ne spital me makinen
e tij, i shoqeruar nga shoferi dhe sekretarja e tij personale. Ekipi
mjekesor ka shpallur menjehere gjendje te gatishmerise se larte dhe ka
thirrur ne loje kirurgun e mirenjohur Nesti Nestori, i cili sapo kishte
mberritur ne Shqiperi nga nje kongres nderkombetar kirurgjie ne Paris,
me nje avion te Alitalia-s. Z. Nestori aplikoi dje per here te pare ne
historine e kirurgjise shqiptare nje metode ultramoderne te operimit,
ate me robot. Robotizimi i kirurgjise mbahet sot si e ardhmja e
kirurgjise dhe aplikohet tani per tani veten ne pak vende te botes. Ky
robot eshte sjelle ne Shqiperi nga organizata joqeveritare kanadeze
"prorobotus" qe prej vitit te kaluar, por eshte perdorur per here te
pare vetem dje. Roboti, i madh sa nje dore, funksionon me telekomande
dhe ben nje operacion te shpejte e te paster brenda nje intervali kohor
prej vetem 10 minutash, duke perfshire ketu hapjen e barkut, heqjen e
copez se zorres qorre, dhe qepjen e plages. Perparesia e kesaj metode
te re qendron tek fakti se te operuarit nuk kane nevoje te kalojne
periudhe kovaleshence ne spital. Operacioni ehste kaq subtil saqe i
operuari mund te eci me kembet e tij per ne shtepi. Z. Memushi u largua
per ne shtepine e tij dje rreth ores 22.00 i shoqeruar nga familja e
tij. Sot ai eshte paraqitur ne ministri per te respektuar gazetaret e
shumte te mbledhur per konferencen e radhes te shtypit. (SR)

[ATMAN]

15 janar 2005- Tirana

Komenti i deputetit K.K. dhene dje Selfmade Radio (shih lajmin "Kush e
hengri mjaltin", 14 janar 2005) ka ngjallur reagime te ndryshme.
Profesori shqiptar me fame ballkanike R.M. ka sygjeruar teper i
nevrikosur dje gjate nje konference shtypi qe te kontrollohen dhembet e
te gjithe politikaneve e te largohen te gjithe ata qe i kane dhembet e
prishura. "Pune qe s'behet,-ishte reagimi i Komisionit shteteror per
figuren morale te politikaneve, - "Fakt eshte qe 100% e politikaneve
tane i kane dhembet e prishura kurse kusuri nuk e hap gojen. Por po i
hoqem nga puna kush do bej ketu politike?" I pyetur nese eshte e
vertete qe z. Nano nuk i ka dhembet e prishura, kryetari i komisionit
zoti Fadil L. tha se, "askush nuk ja di dhembet z.Nano. Ai e ben
kontrollin vetem ne Athine".

E ndersa politikanet jepnin e merrnin me dhembet, tregu i fshatareve ka
qene dje si kurre ndonjehere i mbushur plot e perplot, aq sa per te
hyre e per te dale duheshin te pakten dy ore. Shkaku i ketij trafiku
ishte kerkesa e papritur per qypa. "Ju boft dita i mij atyne cunave
t'Mjoftit,- tha me dore ne zemer nje plake tiranase, - "me qypat qi
kena shit sot kena fitu per ton mujin".

© Selfmade Radio

http://selfmaderadio.blogspot.com/

[Pink^ Pearl]

15 janar 2005- Tirana

Komenti i deputetit K.K. dhene dje Selfmade Radio (shih lajmin "Kush e
hengri mjaltin", 14 janar 2005) ka ngjallur reagime te ndryshme.
Profesori shqiptar me fame ballkanike R.M. ka sygjeruar teper i
nevrikosur dje gjate nje konference shtypi qe te kontrollohen dhembet e
te gjithe politikaneve e te largohen te gjithe ata qe i kane dhembet e
prishura. "Pune qe s'behet,-ishte reagimi i Komisionit shteteror per
figuren morale te politikaneve, - "Fakt eshte qe 100% e politikaneve
tane i kane dhembet e prishura kurse kusuri nuk e hap gojen. Por po i
hoqem nga puna kush do bej ketu politike?" I pyetur nese eshte e
vertete qe z. Nano nuk i ka dhembet e prishura, kryetari i komisionit
zoti Fadil L. tha se, "askush nuk ja di dhembet z.Nano. Ai e ben
kontrollin vetem ne Athine".

E ndersa politikanet jepnin e merrnin me dhembet, tregu i fshatareve ka
qene dje si kurre ndonjehere i mbushur plot e perplot, aq sa per te
hyre e per te dale duheshin te pakten dy ore. Shkaku i ketij trafiku
ishte kerkesa e papritur per qypa. "Ju boft dita i mij atyne cunave
t'Mjoftit,- tha me dore ne zemer nje plake tiranase, - "me qypat qi
kena shit sot kena fitu per ton mujin".

© Selfmade Radio

http://selfmaderadio.blogspot.com/

Komisioni shteteror: 100% e politikaneve i kane dhembet e prishura
I jane prishur nga embelsirat qe hane me siguri

[ATMAN]

17 janar - Tirana

Peshkaqeni, peshkaqeni kane therritur kalamajte, u prish dynjaja kane
thene plakat. Peshkaqen si ky i fundit nuk ishte pare ndonjehere ne
trojet shqiptare. Me nje peshe sa ajo e te gjithe deputeteve te
parlamentit te marre se bashku, me nje goje te madhe sa te gjithe gojet
e politikaneve shqiptare te marre se bashku, peshkaqeni ka zhvendosur
jo pak uje ne brigjet shqiptare, duke ju kujtuar banoreve te bregdetit
shqiptar se Tsunami te vjen andej nga nuk e pret. Marina shqiptare, ne
bashkepunim me simotren e saj italiane nuk e ka pasur aspak te lehte te
kapi perbindeshin e rralle dhe ka perjetuar skena te ngjashme me ato te
filmit te mirenjohur Mobi Dick. Por fitorja mbi peshkaqenin ka qene
edhe prova e radhes se Marina shqiptare eshte reformuar dhe mund te
krahasohet edhe me marina te tjera me reputacion nderkombetar. Sasia e
madhe e peshkut te gjendur ne barkun e peshkaqenit ka qene edhe
shpjegimi per inflacionin e koheve te fundit te peshkut shqiptar.
Tonelata te tera peshqish te medhenj e te vegjel, te te gjitha formave
dhe ngjyrave, te afta per te ushqyer per nje muaj nje qytet te tere, u
zbarkuan dje me sukses ne frigoriferin e qytetit te Durresit. Shume
emocionues ishte momenti kur nje femije i vogel midis spektatoreve te
shumte kapi nje cironke qe akoma perpelitej dhe e hodhi ne uje duke i
risjelle jeten. I pyetur nga Selfmade Radio se perse e beri nje gje te
tille, vogelushi u pergjigj: "Keshtu me tha mami".
Nderkohe qytetaret shqiptare kane perhapur lajmin se peshku i
konservuar ne frigorifer do ju shitet atyre ne ditet e ardhme. Frika
nga infeksionet apo nga perhapja e semundjeve te frikshme te
peshkaqenit kane pushtuar te madh e te vogel. Kryetari i bashkise se
Durresit ka dhene sot nje konference shtypi ku ju terheq vemendjen
bashkeqytetareve te tij qe te mos perhapin panik. "Nuk kemi asnje
interes ta shesim peshkun te ju se nuk fitojme kushedi se cfare"- tha
ai- "Per kete pune kemi fqinjet tane qe e kane kuleten me te trashe se
kjo e jona e te cileve ua shesim peshkun me shtrenje". I pyetur se
cfare do behet me te ardhurat e shitjes se peshkut z. Kryetar u
pergjigj: "Do shohim e do bejme. Nje gje eshte e sigurt, ndarja e
fitimit midis paleve do te jete fair."

© Selfmade Radio

[ATMAN]

24.5.2004. – Tiranë



Sipas raportit vjetor të Shoqatës Evropiane të Urbanistikës Funksionale, me seli në Bruksel, Tirana është kryeqyteti me më pak banjo publike në Evropë. “Në kryeqytete të tjera shërbimin e banjove publike e ofrojnë baret dhe lokalet e tjera të këtij lloji, kurse në Tiranë kjo praktikë ende nuk është konsoliduar… Ky problem ka pasoja të drejtpërdrejta në higjenën e qytetit dhe në nivelin e jetesës” – shkruan raporti. alam95Pohimi shoqërohet edhe nga të dhënat e një ankete zhvilluar me qytetarët e Tiranës në janar të këtij viti. (P.Zh.)



23.5.2004. – Lezhë

Me nismën e një grupi qytetarësh të Lezhës, sot u bë publike përmbajtja e peticionit të lëvizjes “Quid Pro Quo”, në mbështetje të krijimit të Kishës Katolike Autoqefale Shqiptare, i tha korrespondentit të agjencisë OBOBO prof. dr. Pal Paloka, ish konsull i Shqipërisë pranë UNESCO-s në Kajro të Egjiptit dhe tani sekretar nderi i komitetit katolik eksplorativ të Shqipërisë veriperëndimore. Megjithë opozicionin që kemi ndeshur nga qeveria e Tiranës, theksoi Paloka, mbështetja e qytetarëve për këtë lëvizje ka qenë e mrekullueshme, sidomos në trevat jokatolike. Po dje, komiteti në fjalë i ka dërguar një letër përshëndetëse kineastit me famë botërore Mel Gibson, firmosur nga besimtarë disidentë të zonës Durrës-Shkozet. (Xh.Xh.)




22.5.2004. – Tiranë


Shqipëria nuk do të përfaqësohet në Olimpiadën Evropiane të Brixhit, u deklaroi gazetarëve nënkryetari i Federatës Shqiptare të Lojrave me Letra dhe Bilardos, magister Rrok Mlyshi, në një konferencë shtypi të organizuar në një nga mjediset e hotel “Internacional”, në Tiranë. Mlyshi shpjegoi se mospjesëmarrja lidhet me tërheqjen e paparashikuar të njërit prej sponsorëve të ekipit (dhe pikërisht konsorciumit grek të letrës higjienike “Fingerprints”), jo me mosmarrëveshjet në lidhje me sistemin e deklarimit, siç është insinuar më kot nga disa organe të shtypit të verdhë. Magister Rrok Mlyshi, që është edhe nënpresident i Federatës Ballkanike të Yçit, i garantoi të pranishmit se kjo mospjesëmarrëse e ekipit shqiptar në olimpiadë nuk do të sjellë asnjë konsekuencë në marrëdhëniet e Shqipërisë me Komunitetin Evropian. (Xh.Xh.)




21.5.2004. – Itakë


Eksarku i Prevezës, fortmirësia e tij Fotiadh Karkallos, priti sot në selinë e vet verore në ishullin piktoresk të Itakës një delegacion të vullnetit të mirë të ish-futbollistëve të ekipit tiranas “17 Nëntori” të besimit ortodoks, të kryesuar nga ish-mbrojtësi i lirë, legjendari Perikli Dhales. Në delegacion bënin pjesë edhe Millan Baçi e Fori Llambi. Perikli Dhales i dorëzoi Karkallos një pllakë përkujtimore me portretin në barelief të futbollistit të shquar Panajot Pano, vepër e skulptorit të kombit Guri Petri, ndërsa nga ana e vet eksarku u dhuroi miqve nga Shqipëria një bilbil arbitri autentik të përdorur në ndeshjet e futbollit intramanastirore në malin Athos. Të dy palët u shprehën për një zgjidhje të shpejtë dhe paqësore të problemit të Qipros. (Xh.Xh.)




20.5.2004. – Shmitër


Zbulohet një varrezë e përbashkët shkurtash, bajzash dhe thëllëzash, në trojet e ish-rezervatit të gjahut të Shëmitrit, i deklaroi agjencisë OBOBO drejtoresha e drejtorisë së zhvarrimeve pranë Institutit të Verifikimeve, prof. Sabahet Trashani. Mendohet se kjo masakër shpendësh e pashembullt është konsumuar në vjeshtë të vitit 1963, gjatë një ekspedite gjahu me pjesëmarrjen e përbashkët të qeverisë shqiptare dhe të byrosë politike, ku edhe u plagos rëndë në zverk langoi i shokut Gogo. Specialistë të komisionit evropian për mbrojtjen e mjedisit në Evropën Juglindore do të studiojnë vendin e ngjarjes, për të parë nëse ka ndonjë lidhje statistikisht domethënëse midis këtij incidenti dhe tkurrjes demografike të shpendve karakteristikë të gjahut në krahun perëndimor të Ballkanit. (Xh.Xh.)




19.5.2004. – Baghdad


Pas triumfit në Festivalin e Këngës Evropiane, Anjeza Shahini do të vizitojë së shpejti trupat paqeruajtës shqiptarë të dislokuar në Irak, i tha agjencisë OBOBO zv/ministri iraken i Kulturave, dr. Nukdin Aqsadin, në një intervistë telefonike satelitore nga Bagdadi. Turneu i Anjeza Shahinit bëhet e mundur nga një grant i Gjysmëhënës së Kuqe të Mbretërisë së Marokut, në bashkëpunim edhe me shtëpinë diskografike azerbaxhanase “MELEZET” dhe me televizionin privat shqiptaro-maqedonas TV-Shkopin. Në këtë vizitë Shahini, e cila përgatitet ta këndojë këngën e vet tashmë në arabishte, do të shoqërohet nga nëndrejtori i departamentit politik të ministrisë së Jashtme Kurt Shkurtaj, dhe nga ndihmësshefi special i protokollit i ministrisë së Mbrojtjes, major kolonel Tahsin Çinia. (Xh.Xh.)

18.5.2004. – Oldenburg

Seanca e dytë e Konferencës Mbarëshqiptare për Rregullimin e Komunikimit në Internet që po zhvillohet në Oldenburg (Gjermani) kaloi në një atmosferë diskutimi konstruktiv. Një nga pjesëmarrësit, anëtar i diasporës shqiptare në Hollandë dhe mediolog i njohur në vendin ku banon, z. Ilir Kumti, tha në fjalën e tij se “komunikimi ndër shqiptarë në internet duhet të jetë gjithmonë i lirë dhe pa asnjë kufizim”. Sipas z. Kumti do të jenë proçeset selektive të lexuesve ato që do të shoshisin mesazhet e pavlera në internet. “Unë jam i bindur – u shpreh ai – se komunikimi në internet, gjeometrikisht, duhet t’i përngjasë një piramide të përmbysur”.

Ky pohim shkaktoi një sërë polemikash në sallën k u zhvillohet konferenca. Një nga debatuesit, psikologu Pol Hemiku tha se “shqiptarët janë psikologjikisht kundër formave piramidale, si në shoqëri, ashtu edhe në ekonomi apo në komunikim”.(P.Zh.)


17.5.2004. – Oldenburg

Sot pasdite, në qytetin gjerman Oldenburg, përfundoi punimet e veta seanca e parë e Konferencës Mbarëshqiptare për Rregullimin e Komunikimit në Internet. Merrnin pjesë anëtarë, pronarë, administrues, aktivistë, lexues, etj. të një sërë listash diskutimi, sitesh e forumesh interneti në gjuhën shqipe. Pjesa më e madhe e pjesëmarrësve në këtë konferencë ishin nga diaspora shqiptare, kryesisht nga vendet e mëposhtme: SHBA, Gjermani, Angli, Itali, Kanada, Zvicër dhe Greqi.

“Pjesëmarrja e gjërë – u shpreh Prof. Dr. Zenun Delia – tregoi se kemi të bëjmë me një argument shumë të rëndësishëm. Komunikimi i gjithë shqiptarëve në internet është shtuar jashtëzakonisht shumë. Nga një anë kjo është shenjë lirie, por nga ana tjetër mund të ndodhin edhe abuzime me këtë hapësirë lirie”.

Z. Eltan Sinani, bashkëpronar i një nga forumeve më të njohur në internet, tha se konferenca kishte si synim analizën e komunikimit të shqiptarëve në internet dhe rregullimin e tij. “Nuk bëhet fjalë për çensurë – tha Sinani –, sepse shqiptarët kanë vuajtur boll nga çensura gjatë viteve të komunizmit, por disa komunikime të tepërta duhen evituar, sepse krijojnë entropi komunikative”. Kjo ide u mbrojt kryesisht nga disa administrues komunikimi në SHBA. Përfaqësuesi i tyre, z. Arben Koleci, theksoi: “Dyndja e mesazheve boshe, e protestave të kota, e sharjeve të rënda, e fyerjeve me farefis, e fjalive pa kuptim, e poezive bajate, e provave prej axhamish, etj. etj., përveç kostos ekonomike kanë edhe një kosto njerëzore. Cila është etika e komunikimit mbarëshqiptar në internet?”

Diskutime të zjarrta pati edhe për gjuhën që shqiptarët duhet të përdorin për komunikim mes tyre, sepse shumë prej tyre përdorin gjuhët e vendeve ku jetojnë dhe shpeshherë me gabime.

Pati edhe nga ata që e kundërshtuan thelbin e kësaj nisme duke e quajtur si “orvatje prej Vëllai të Madh” për të kontrolluar zhvillimet e reja kulturore shqiptare. “Përse vallë u dashkan kritikuar ata që dërgojnë të njëjtin mesazh (artikull, poezi apo përshëndetje) në dhjetëra forume diskutimi? Përse duhet patur frikë nga liria e fjalës dhe nga qarkullimi i lirë i ideve?”, tha gjatë fjalës së vet z. Gani Koka, intelektual i shquar shqiptar dhe pedagog në Stanford University.

“Autoritetet shqiptare, tha z. Eqrem Kryebardhi, një nga organizatorët e konferencës, megjithëse u ftuan nga promovuesit e nismës, nuk denjuan të merrnin pjesë në këtë takim me rëndësi. Kurse nga Kosova erdhi znj. Fitore Gjakova, e dërguara e posaçme e komisionit parlamentar për mediat”.

Punimet e konferencës do të përfundojnë pasnesër, me zgjedhjen e Komitetit për rregullimin e komunikimit mbarëshqiptar në internet dhe të Presidentit të tij.


30.4.2004. – Kairo

Keshilltari kulturor i misionit shqiptar prane UNESCO-s ne Egjipt, prof. dr. Pal Paloka, i ka dorezuar nje note proteste konsullit grek ne Kajro, z. Xiropis Limonidis, ne lidhje me pohimin se "Shqiperia nuk eshte vend malor". Shkrimi, ne te cilin behet ky pohim eshte publikuar ne botimin e fundit ne gjuhen angleze te Enciklopedise Helenike, ("Hellenic Encyclopaedia", Ioannina University Press, Igoumenitsa, 2004). "Kemi te bejme me nje mistifikim te qellimshem e flagrant, qe nuk u sherben interesave te te dy vendeve, as miqesise midis dy popujve tane miq," theksoi prof. dr. Pal Paloka, gjate nje konference shtypi te improvizuar me kete rast. I cili me tej ka cituar edhe nje pasazh nga botimi me i fundit i Enciklopedise Italike ("Enciclopedia Italica", Edizioni Garibaldine, Lecce, 2004), ku thuhet shprehimisht se "Shqiperia eshte vend malor". Perfundimi i dhene nga greket eshte shume kontradiktor, pasi nga studime te ndryshme, te perpiluara jo vetem nga studiues shqiptare, por dhe te huaj eshte percaktuar relievi malor i Shqiperise. Percaktime te tilla, jo vetem qe shtremberojne te verteten, por dhe hedhin baza te rreme per poziten aktuale gjoegrafike shqiptare. Konferenca eshte zhvilluar pa pranine e gazetareve. Nga pala greke nuk ka patur ende nje reagim, per pohimin ne fjale (Xh.Xh.)



23.4.2004. – Tiranë

Të dhënat e Prokurorisë së Tiranës për 630 procedimet penale për vjedhje makinash gjatë tre muajve të parë të 2004-s janë komentuar kështu nga Drejtori pranë Institutit Krahinor të Statistikës (Departamenti Antirrumbullakim), z. Alban Rrethi: "Nëpër media thuhet se në kryeqytet çdo ditë vidhen mesatarisht 7 automjete. Kjo nuk është e saktë, sepse përllogaritja është bërë duke marrë si bazë vetëm denoncimet e viktimave në polici. Po sa të tjerë ka që nuk i drejtohen policisë kur u vidhet makina? Unë them se janë shumë më tepër se sa shifra që na serviret".

Sipas z. Rrethi, rrumbullakimet janë gjithmonë të rrezikshme sepse shtrembërojnë situatën reale. Ka shumë njerëz që preferojnë të mos shkojnë në polici pasi u vjedhin makinën. Kjo ndodh për shumë arsye, midis të cilave spikat ajo se shumë nga makinat e vjedhura janë vetë të vjedhura, kryesisht jashtë shtetit.

"Rëndësia e këtyre të dhënave nuk qëndron tek skandali i vjedhjes, siç pretendojnë mediat, u shpreh Drejtori i Institutit, por në vëzhgimin social se Tirana tashmë duhet konsideruar si një metropol i vertetë perëndimor, njëlloj si Parisi, Nju Jorku, Roma, Madridi, Athina, etj., ku vidhen çdo ditë me mijëra makina".(P.Zh.)



23.3.2004. – Internet

Deklaratë e "SHTYPIT"

"Unë nuk kam asnjë problem. Gëzoj shëndet të plotë. E keni kot që llapni", tha SHTYPI shqiptar gjatë një konference për shtyp zhvilluar sot në internet.(P.Zh.)
20.3.2004. – Tiranë

Statuja e “Skënderbeut”, që prej dekadash ka zbukuruar sheshin kryesor të kryeqytetit shqiptar, Tiranës, iu shit mbrëmë për një shumë të padivulguar një konsorciumi austriako-turko-kilian, i deklaroi korrespondentes sonë Blerina Sumlla ministri shqiptar i Shitblerjes së Territorit, z. Pandispan Koftopita. Konsorciumi, i krijuar rishtas nga përfaqësues të posaçëm të firmës austriake Pferdeier, kartelit turk Attashak dhe ambasadorit të jashtëzakonshëm dhe fuqiplotë të Kilit në Tiranë Jorge Caballero de los Huevos, deklaroi – nëpërmjet zëdhënësit të vet Alex Iskander Sandros, të intervistuar përsëri nga Blerina Sum lla – se ka ndërmend ta shfrytëzojë statujën për të përmirësuar imazhin këtij vendi të vogël ballkanik në Evropë e më tej. Zëdhënësi megjithatë refuzoi t’i përgjigjet pyetjes nëse konsorciumi në fjalë ka ndërmend ta lëvizë statujën nga piedestali, për ta shëtitur nëpër botë – duke u nisur edhe nga dëshira diplomatike për të respektuar tenderin e shitjes së piedestalit së po kësaj statuje, që zhvillohet sonte pranë Qendrës Ndërkombëtare të Gurit të Latuar, në mjediset e ish-gurores së Dajtit, përfundon korrespondencën e vet Sumlla. (Xh.Xh)



18.4.2004. – Tiranë

Sipas Institutit të Statistikave të Vërteta, eksportet shqiptare kanë një rënie prej 78,3%. Gjithsesi, vendin kryesor në shportën e mallrave të eksportuara e zë "demokracia", me shifrën prej 91%. Zyra e doganës do njoftojë së shpejti për tarifat doganore për artikuj të tillë të panjohur në Shqipëri deri pak kohë më parë. (P.Zh.)

17.4.2004. – Tiranë

Ja si e komentoi analisti i agjencisë sonë për çështjet ndërkombëtare, Prof. Dr. Gabriel Patosi, deklaratën e djeshme të Majkos, Ministrit të Mbrojtjes së Shqipërisë, sipas të cilit vendi ynë i ka dërguar ushtarët në Irak në shenjë mirënjohjeje ndaj Amerikës dhe sepse ne shqiptarët e njohim se ç’do të thotë diktaturë (TV Klan, 25.4.2004)."Deklarata e Majkos nënkupton konceptin e eksportimit të demokracisë. Pra një vend mund të sulmohet për mirënjohje të një vendi tjetër ose për të rrëzuar diktaturën që e mundon. Në mënyrë indirekte kjo dëshmon pjekjen e demokracisë shqiptare, e cila, në më pak se 15 vjet, jo vetëm ka arritur përsosmërinë, por edhe synon të eksportohet në vende ku ka pushtete diktatoriale".(P.Zh.)



31.3.2004. – Tiranë

Dje Ministri i Jashtëm i Shqipërisë, z. Kastriot Islami, u shpreh për mediat lidhur me rezolutën e Parlamentit shqiptar për çështjen çame. Sipas tij, ky problem u përket teknikëve dhe jo politikës. Z. Islami minimizoi rëndësinë e kësaj rezolute dhe nuk u shpreh se çfarë vote do jepte në Parlament.

Agjencia jonë bëri disa intervista ndër qytetarë të thjeshtë. Njëri prej tyre tha: "Edhe bufi e di (shprehje gjuh. që nuk ka të bëjë me Ministrin Bufi – shën. red.) që çështja çame është POLITIKE. Teknika nuk hyn fare, madje mund të them se teknika nuk ekziston në këto probleme".

Një qytetar tjetër tha: "Qeveria quhet ekzekutiv, sepse duhet të zbatojë drejtimet politike që i jep parlamenti, i cili mund të ketë maxhoranca të ndryshme. Ministrat duhet t’i përmbahen drejtimeve të dhëna nga Parlamenti, ku ulen përfaqësuesit e popullit shqiptar. Këtë e dinë edhe kalamajtë (është shprehje gjuh. nuk i referohet asnjë ministri në veçanti - shen. red.)".

Qytetari i tretë u përgjigj: "Nuk e di se për çka po flisni. Di që këta po na e …. sa krahu". (P.Zh.)

23.3.2004. – Shkopet

Në një intervistë dhënë të përdyvjetshmes "Flakë për Flakë", që botohet sporadikisht në Shkopet, prof. dr. Kudret Hyzoti, që është edhe drejtor ad interim i Institutit për Rishkrimin Urgjent të Historisë pranë Akademisë së Veteranëve, thuhet të ketë deklaruar se Enver Hoxha e provokoi prishjen me sovjetikët që Mehmeti të mos e vinte re që Partia po ia çirrte maskën prej poliagjenti. Prof. dr. Kudret Hyzoti, i cili gabimisht e quajti ish-kryeministrin shqiptar "poliglot", në atë kohë ka punuar si ndihmës kuzhinier në ambasadën "tonë" në Moskë, përgjegjës për byrekun me hithra dhe të tjera gatesa për të lëpirë gishtat, që i kishte miratuar edhe Byroja Politike për përdorim nga shokët kryesorë. (Xh.Xh)

23.3.2004. – Shkodër

Revista "Përgjigjja", që botohet në Shkodër që nga viti 1996, filloi me numrin e fundit një cikël kujtimesh për periudhën komuniste marrë nga njerëz të thjeshtë.

Sipas kryeredaktorit të revistës, z. Kujtim Modesti, ideja lindi si reagim ndaj botimeve të kujtimeve të personazheve të njohur të asaj periudhe historike, që kohët e fundit janë shtuar ndjeshëm. "Aktualisht nuk ka gazetë që të mos japë ndonjë ‘skup’ për atë kohë. Faqet e tyre janë zaptuar nga kujtimet e ish-anëtarëve të Byrosë, të grave të tyre, të motrave, të nuseve, të dhëndurëve, të shoferëve, të kamariereve, të berberëve, të mjekëve, të rrobaqepësve, etj. etj." – tha z. Modesti. E keqja është se në ato kujtime nuk ka asnjë lajm të ri. Ose konfirmohen të vjetrat, ose jepen inatet midis nuseve dhe vjehrrave".

Revista "Përgjigjja" synon të bëjë të kundërtën, të botojë kujtimet e njerëzve të thjeshtë të asaj kohe, edhe të atyre që humbnin provimin e kategorisë, sepse nuk dinin emrat e anëtarëve të byrosë. Sipas kryeredaktorit të "Përgjigjjes", vetëm në këtë mënyrë do mësojmë të vërtetën, realen, atë që ndodhte tek shqiptarët e thjeshtë, tek shumica, përtej mureve imagjinare dhe reale të Bllokut. (P.Zh.)



20.3.2004. – Tiranë - Prishtinë


Në e-mailin e agjensisë sonë kanë ardhur një sërë interpretimesh për krizën në Kosovë që i shohin trazirat si pasojë e një veprimtarie komplotiste. Po i rendisim më poshtë siç na kanë ardhur, pa asnjë përparësi nga ana jonë:

1. Trazirat në Kosovë janë organizuar nga shërbimet sekrete serbe, të cilat duan të tregojnë se Kosova nuk është ende e pjekur për një status të veçantë. Agjentët e serbëve kanë djegur deri edhe kisha ortodokse për ta frikësuar Perëndimin dhe opinionin ndërkombëtar, duke përdorur simbole me ngarkesa shumë të forta emocionale sidomos pas atentateve të Madridit.

2. Trazirat në Kosovë janë organizuar nga serbët e Kosovës, për të diskretituar përparimet e ndjeshme që janë bërë këto vitet e fundit edhe në drejtim të bashkëjetesës ndëretnike.

3. Trazirat në Kosovë janë organizuar nga forcat politike ekstremiste kosovare, të cilat duan më tepër pushtet, veçanërisht pas ndërthurjeve të ketyre fundit me mafian ballkanike, që merret me trafiqe të ndryshme. Duke nxitur trazira publike, këto forca duan të delegjitimojnë pjesën e moderuar, që sot ka shumicën e votave në Kosovë.

4. Trazirat në Kosovë janë organizuar nga qeveria shqiptare, e cila po kalon momente shumë të vështira, për shkak të protestave gjithnjë e më të fuqishme të opozitës. Tensioni në Kosovë do e detyronte opozitën, për interesat mbarëkombëtare, të ulte kërkesat e saj për rrëzimin e qeverisë.

5. Trazirat në Kosovë janë organizuar nga politika serbe, e cila dergjet në krizë të plotë. Kriza kosovare do shërbente si katalizator i vëmendjes së opinionit publik vendas dhe atij ndërkombëtar. Ky i fundi u bë kohë që nuk sheh përparime në politikën serbe.

6. Trazirat në Kosovë janë organizuar nga krahu ekstremist islamik, për të diskretituar ndërhyrjet e NATO-s në përgjithësi dhe për të bërë një paralelizëm me gjendjen në Irak.

7. Trazirat në Kosovë janë organizuar nga forcat politike të moderuara kosovare. Në këtë mënyrë të gjitha dyshimet do binin mbi forcat ekstremiste dhe si rrjedhim ato do të dilnin të humbura në sytë e opinionit.

8. Trazirat në Kosovë janë organizuar nga opozita shqiptare, e cila nuk po e çan dot murin e Kryeministrisë. Në këtë rast kriza në Kosovë do të ishte një alibi e shkëlqyer për t’i thënë mbështetësve se nuk po e rrëzojnë qeverinë thjesht për "hir të Kosovës" dhe interesat mbarëkombëtare.

9. Trazirat në Kosovë janë organizuar nga disa qarqe ekstremiste ruse, që duan ta heqin vëmendjen nga Cecenia. Një Evropë me probleme te dera, nuk do e kishte mendjen te lufta çeçene.

10. Trazirat në Kosovë janë organizuar nga disa qarqe perëndimore që duan t’ia japin përfundimisht pavarësinë Kosovës. Modeli është ai i llojit të UCK, që gjatë konfliktit në Kosovë u nxit dhe më pas u përdor për objektiva të tjera.

11. Trazirat në Kosovë janë organizuar nga mungesa e valvulave. Në një mjedis me gaz, mjafton një shkëndijë për të hedhur në erë çdo gjë, të mirë e të keqe bashkë. (P.Zh.)



Raporti posacëm mbi Konferencën Shkencore me Interpretuesit e Mbishkrimit të Pilurit




15.3.2004 – Në mikrofonin e OBOBO News

"Edhe një akademik si prof. Germa ka deklaruar në publik se "nji ballokume në ditë nuk përban asnji rrezik për shndetin e grues."

-- Vali Bukvali, kryetare nderi e shoqatës "Elbasan Food".

"Vetëm nji pseudo-specjalist inkompetent e hajvan mundet me thanë se nji ballokume në ditë nuk përban asnji rrezik për shndetin e grues."

-- Dr. Hamid Pashabej, i fondacionit "Përkora", cituar jashtë kontekstit nga Hollak Kalla, i lëvizjes "Boll Gur"

"Nuk asht e vërtetë se vetëm nji pseudo-specjalist inkompetent e hajvan mundet me thanë se nji ballokume në ditë nuk përban asnji rrezik për shndetin e grues."

-- Dr. Hamid Pashabej, i fondacionit "Përkora", cituar për korrigjim, por dykuptimshëm, nga Kallzor Bukvali, nënkryetar nderi i shoqatës "Elbasan Food", në home page-in e revistës "GJAKEDHJAM".

"Nuk asht e vërtetë se kam thanë qi nuk asht e vërtetë se vetëm nji pseudo-specjalist inkompetent e hajvan mundet me thanë se nji ballokume në ditë nuk përban asnji rrezik për shndetin e grues."

--- Dr. Hamid Pashabej, i fondacionit "Përkora", cituar nga TV "Trupi", në një intervistë të shpejtë mëngjesore "porta a porta".

"Kam thanë se nji ballokume në ditë nuk përban asnji rrezik për shndetin e grues teme, qi asht hollake e kahektike si purteka."

-- Prof. Gërma, në përgjigje të polemikave plot helm, cituar nga revista grarishte "In Corpore Sano".

14.3.2004 – Smokthinë

07:07. Nga zyra e Prof. Dr. Aristidh Gërmës*, Shef i Katedres se Semiotikes, Universiteti i Smokthines.

E falenderojme agjencine OBOBO NEWS, e cila tashme e ka bere tradite te sajen raportimin e ngjarjeve te tilla te rendesishme per gjuhen dhe kulturen mbareshqiptare, sic eshte ajo e “Konferences se Drejtshkrimit 2004”. Mirepo ndersa z. Shaqo Fajkoi ka arritur te citoje sakte disa prej ideve e tezave te Prof. Dr. Germes, mjerisht i perdor ato ne menyre te gabuar e te papranueshme. Detyrohemi te terheqim vemendjen se citimi fjale per fjale, ndersa eshte
gjest i lavderueshem krahasuar me citimet e shtremberuara e te paplota, mund te jete megjithate i
demshem kur behet vend e pa vend. Eshte absurde nga ana shkencore te perdoret nje teze per te vertetuar pikerisht te kunderten e asaj qe ajo realisht kerkon te vertetoje. Valle me c’guxim mund te perdoret teza “Gjuha nuk mund te shihet jashte mendimit, sepse ajo i jep forme dhe e materializon ate, ashtu si edhe kultura nuk mund te shihet jashte gjuhes” per te vertetuar se “shqiptaret nuk qenkan te lidhur me traditen aq sa duhet” ne rastet kur kemi te bejme me
kolorit emertimor te objekteve? Perkundrazi. Keshtu, per shembull, variacionet BA(BO)LLA(O)KUME qe shenjojne embelsiren e fameshme, profesionalisht e njohur si embelsira “miser-telyn-veze”, nuk tregojne tjeter vecse larmine, dinamiken, koloritin dhe elasticitetin e shqipes, ne po te njejten menyre sic e deshmon per shembull ekzistenca e lulezimi i dialekteve e nendialekteve pavaresisht nga shtrirja modeste hapesinore. Mos duhet t’i kujtojme z. Fajkoi, historian e njohes i talentuar i gjuhesise, se zona e Elbasanit - origjina e embelsires historike - ndodhet bash ne piketakimin gjeografik gege-toske dhe si e tille eshte pikerisht epiqendra e perplasjeve, por mrekullisht edhe e perqafimit harmonik te kulturave veri-jug - qe ketej edhe dukuria frekuente e fluktuacioneve te fjaleve? Nuk besojme. Ceshtja duhet te jete me e thelle. Nje lexues i vemendshem e kupton
se ky s’eshte vecse nje manipulim i ulet per te denigruar Prof. Dr. Germen e sidomos nje perpjekje e bashkerenduar armiqesore per te perbaltur shqiptarizmin e sherbyer lobit anti-shqiptar.

Gjithashtu do vene ne dukje se nuk eshte e rastesishme qe z. Fajkoi ka deklaruar ne menyre te pahijshme se me mire preferon te haje buke misri me kos se sa specialitete kulinarike te holla sikurse BA(BO)LLA(O)KUME, apo bakllava! Mos valle do te na hedhe hi syve, se gjoja nga frika e kolesterolit dhe mbipeshes perpiqet te jete i perkore e zgjedh te eliminoje yndyrnat e sidomos karbohidratet nga menyja? A thua ta gjeje ndonje e keqe nga shijimi i nje gjysem BA(BO)LLA(O)KUME-je nje here ne 365 dite? Sigurisht qe jo. Per hir te se vertetes duhet thene se me ndihmen edhe te studenteve elbasanas, nje tepsi plot BA(BO)LLA(O)KUME zbukuronte tundueshem tryezen e pijeve freskuese dhe te emblave per nder te konferenciereve. Z. Fajkoi eshte pikasur nga disa studentesha (jane shejtanka ato – e kishin marre edhe ne fotografi) te kollufise tinaz dy BA(BO)LLA(O)KUME te stermedhaja njera pas tjetres, pikerisht kur vemendja e te pranishmeve ishte teresisht e perthithur nga fjalimi lapidar i Prof. Dr. Germes.

*Prof. Dr. Germa eshte autor i librave “Pasione Pellazge”dhe “Virtyte Etruske”, 657 artikujve
shkencore, kolumnist i shume gazetave te mirenjohura, si “Ballo-Kumtet Mediatike”, dhe foles i rregullt ne konferenca kombetare e boterore te Semiotikes, Studimit te Mediave e Kultures. Prof. Dr. Germa e kalon pjesen me te madhe te jetes ne udhetime ajrore, te cilat i shfrytezon edhe per te shkruar e lexuar. (J.J.)



11.3.2004 – Tiranë

“Mitoza është një sëmundje relativisht e re, që prek kryesisht shoqëritë postdiktatoriale”. Kështu u shpreh Prof. Mit’hat Mitani, psikiatër dhe psikanalist, duke komentuar acarimet e opinionit publik shqiptar në lidhje me mitet. Sipas Prof. Mitani, kemi të bëjmë “me një psikozë sociale dhe individuale që shfaqet kur vemendja përqëndrohet tek mitet kombëtare, ose ato që kondiderohen si të tilla”.

Kjo psikozë shndërrohet jo rrallë në obsesion, i cili bën që individi ose shoqëria “të shohë mite, mitizime dhe çmitizime” edhe atje ku nuk ka.

Rast i fundit ishte debati për llokumet, që lindi nga një batutë fare e lehtë (që thoshte se shqiptarët kanë mitizuar llokumet), por që, siç dihet, përfundoi në gjyqin e Elbasanit. “Të akuzosh dikë për tradhëti të lartë, dhe për veprimtari çmitizuese antikombëtare, sepse ka thënë në publik që llokumet janë ëmbëlsirë me origjinë turke apo arabe, dëshmon se mitoza është në fazën e vet akute”, nënvizoi prof. Mitani.

Nga ana tjetër, sipas specialistëve, fjalët “mit” dhe “çmitizim” ka një farë magjepsjeje, një lloj magnetizimi, që i tërheq të gjithë ata që duan të diskutojnë, të kacafyten verbalisht, edhe pa ditur kuptimin e fjalëve. Një tregues tjetër se mitoza vepron pothuajse në nivel instiktiv, përndryshe nuk ka si shpjegohet që i akuzuari i dytë është gati linçuar publikisht për faktin se shpjegoi prejardhjen e fjalës “ballokume” nga “llokume”, pra duke hedhur hije mbi zanafillën e pastër shqiptare të kësaj tradite të vjetër pagane të elbasanasve. (P.Zh.)





11.3.2004, 12.12 – Tiranë

Edhe seanca e sotme e Konferencës për Drejtshkrimin e Shqipes nuk dha ndonjë rezultat të dukshëm. Punimet ngecën për shkak se gjuhëtarët dhe letrarët pjesëmarrës nuk ranë dakort për drejtshkrimin e disa fjalëve shqipe me rëndësi themeltare.

Gjuhëtari i njohur Prof. Dr. Aristidh Gërma, u shpreh për agjecinë tonë, se “nuk është e rastit që Konferenca bllokohet pikërisht në trajtimin e fjalës BALLAKUME”. Sipas tij, fakti që fjala BALLAKUME, BALLOKUME, BOLLOKUME, etj., që shenjon ëmbëlsirën e famshme elbasanase, nuk shkruhet njëlloj nga të gjithë shqiptarët, tregon se shqiptarët nuk janë të lidhur me traditën aq sa duhet. “Gjuha nuk mund të shihet jashtë mendimit, sepse ajo i jep formë dhe e materializon atë, ashtu si edhe kultura nuk mund të shihet jashtë gjuhës”, u shpreh poststrukturalisti i njohur Gërma. (P.Zh.)



10.3.2004, 11.46 – Tiranë

Fenomenet paranormale kanë prekur edhe internetin? Kjo është pyetja së cilës mundohet t’i përgjigjet prof. Fatmir Gjeti, në librin e tij “Kur arsyeja dështon”, botuar nga shtëpia botuese Ditunia (Tiranë 2004, 800 lek) dhe prezantuar sot pranë selisë së Shoqatës UFO-ALBANIA.

Sipas prof. Gjetit të gjitha fenomenet paranormale të verifikuara deri më sot në botën reale, janë transferuar edhe në botën e internetit. “Telepatia, sensitivizmi, spiritizmi, etj. mund të vihen re edhe në rrjetin e internetit”, u shpreh autori i librit, i cili, midis të tjerash, e përballoi mjaft mirë sfidën për t’i dhënë sallës ndonjë shembull konkret dhe të kohëve të fundit. “Merrni shembullin e AlbClub-it, tha buzagaz prof. Gjeti. Anëtarët e këtij forumi debatuan gjerë e gjatë për BALLOKUMET dhe festën e Ditës së Verës, traditën e vjetër të Elbasanit. Ky debat kishte më shumë karakter akademik dhe nuk zgjati shumë. Mirëpo nuk kaluan më shumë se dy ditë dhe debati u rishfaq në Shqipëri, por pa ndonjë lidhje shkak/efekt me të atë të internetit. Kësaj here polemikat kishin karakter politik, por nuk u ndikuan nga diskutimet e AlbClubit”.

“Nuk them se AlbClubi ka veti paranormale, por ndonjë anëtar i tij edhe mundet”, nënvizoi z. Fatmir Gjeti, “përndryshe si shpjegohet kjo pararendje kaq tempestive e debatit mbi ballokumet?”.(P.Zh.)



10.3.2004 – Tiranë

Lëvizjet “Nano, IK” dhe “Nano, OK” të paligjshme


Sipas liderit të Partisë së Lëvizjes Shqiptare, z. Dal Kadale, dy lëvizjet e politikës shqiptare, ajo e promovuar nga opozita me në krye Partinë Demokratike të Sali Berishës, pra “Nano, ik” dhe ajo e promovuar nga Partia Socialiste e Fatos Nanos, pra “Nano, Ok”, janë të paligjshme.

Z. Dal Kadale deklaroi se “ligji për të drejtën e autorit vlen edhe për siglat partiake”, si rrjedhim lëvizjet e lartpërmendura e kanë marrë idenë fillestare nga Partia e Lëvizjes, duke përvetësuar jo vetëm fjalën por edhe idenë. Partia e Lëvizjes, u shpreh Kadale, “e ka lëvizjen në ADN-në dhe në statutin e saj”. Kjo lëvizje herë mund të shprehet kundër Nanos, pra me “Nano, ik” dhe herë kundër Berishës, pra me “Nano, Ok”.

“Ata nuk dinë as të kopjojnë – ironizoi lideri Kadale. Një lëvizje e kundërt e asaj me emër “Nano, ik”, nuk është “Nano, Ok”, sepse e kundërta e fjalës “IK” është fjala “KI”; pra duhet të thonë “Nano, KI”, edhe pse ideja është po ajo, e zhvatjes, si puna e emrit”.(P.Zh.)


09.3.2004, 08.41 – Tiranë

Brohoritjet, duartrokitjet, tingujt muzikore, parrullat mbështetëse, lulet shumëngjyrëshe, tullumbacet e kuqe dhe ballonat ylberore që u ngritën para Kryeministrisë sot në mëngjes i argëtuan pa masë qytetarët e Tiranës. Manifestimi tejet origjinal është promovuar nga Lëvizja “VAZHDONI”, e cila u prezantua para opinionit publik shqiptar si antagonistja e Lëvizjes “MJAFT”.

Në fjalët e Kryetarit të Lëvizjes, z. Përparim Vijoni, shpjegimet e rastit: “Ndryshe nga Lëvizja “MJAFT”, që dallohet për mungesën e propozimit, sepse mjaftohet me kërkesën për të ndaluar dukuritë negative në shoqërinë shqiptare, Lëvizja jonë, që ne e quajtëm plot kuptim “VAZHDONI”, është largpamëse. Ajo synon të mbështesë mënyrën e qeverisjes së deritanishme, sepse duke vazhduar në këtë rrugë qeveria aktuale shqiptare do bindë përfundimisht opinionin publik vendas dhe atë ndërkombëtar se e vetmja zgjidhje është ndërrimi i saj”.

Pra sipas Lëvizjes “VAZHDONI”, shqiptarët ende nuk janë bindur për paaftësinë e qeverisë së tyre, si rrjedhim qeveria duhet të vijojë aktivitetin e saj negativ, duke e rënduar edhe më tepër krizën ekonomike, korrupsionin, izolimin, ndotjen, etj. “Është e vetmja mënyrë për të ndërgjegjësuar shqiptarët – u shpreh për agjensinë z. Vijoni – se ka ardhur koha që gjërat të ndryshojnë plotësisht”.

Kryetari i “VAZHDONI”-t, nuk pranon që aktiviteti i Lëvizjes së tij të krahasohet me atë të “MJAFT”-it, e cila, midis të tjerash, “financohet nga të huajt”, dhe as të paraqitet si levë opozitare, sepse “opozita kërkon ikjen e menjëhershme të Nanos”, kurse ne kërkojmë që ai të qëndrojë dhe të imunizojë trupin e shoqërisë shqiptare “si vaksina që fut pak virus për të mos ta kthyer kurrë sëmundjen”. (P.Zh.)



08.3.2004, 18.41 – Tiranë

Tension i lartë në kryeqytetin shqiptar. Sot pasdite, pranë selive të institucioneve shqiptare janë dëgjuar krisma armësh. Dëshmitarë të shumtë deklarojnë se kanë parë lëvizje të dyshimta mjetesh ushtarake rreth Kryeministrisë, Radio Televizionit Publik, selisë së Partisë Socialiste, Partisë Demokratike, etj.

Vetëm para gjysmë ore televizioni privat “TapTop-TV” njoftoi se ka zëra se në Tiranë po organizohet një puç. Sipas këtij stacioni televiziv një i ashtuquajtur komitet për Sigurimin dhe Shpëtimin e Shqipërisë, që firmoset me siglën “S.SH.SH”, me anë të një deklarate është shprehur se “institucionet kryesore shqiptare janë nën kontrollin tonë”. Sipas deklaratës “kemi të bëjmë me një puç pozitiv, progresist dhe iluminist, që synon të eliminojë nga skena politike shqiptare kapot e piramidës rozë dhe blu”.

Zërat për një arrestim të mundshëm të dy liderave partiakë, pra të Nanos dhe Berishës, u përhapën vetvetiu sot paradite, kur i pari nuk u pa në asnjë nga pijetoret e kryeqytetit, kurse i dyti nuk u ngjir në asnjë nga tubimet e paralajmëruara. Deklarata linte të nënkuptonte se puçi është bashkëorganizuar në mënyrë tejet sekrete me elemente brenda dy partive madhore shqiptare. “Ne i përmbahemi idesë makiaveliane – thuhej në komunikatë – se qëllimi justifikon mjetin. Po e bëjmë këtë veprim në të mirë të Shqipërisë, duke qenë të bindur se shqiptarët, brenda dhe jashtë atdheut, do të na kuptojnë deri në fund”.

Ndërkohë në kryeqytet vazhdon një konfuzion i madh, që shtohet edhe për shkak të një black-out-i të pazakontë të sistemit telefonik.(P.Zh.)



Obobo News Me Sy Nga Siglat

Rezultati i studimit ne fjale ka krijuar nje fare habie/ngazellimi tek organizatat nderkombetare. Sipas OSBE-se, kjo duhet patur parasysh, sidomos pas paralajmerimeve te ODHIR-it, e cila ne takimet e meparshme me perfaqesuesit e partive PD, PS, AD, PSD, PBRSH, PBKD, PRSH, PLKSH, PBK dhe PBDNJ (te grupuara ne koalicionet BF e KSH) e kishte vene theksin ne kete ceshtje. OKB-ja, me ane te PZhKB, dhe ne bashkepunim me FAO-n synojne ta studjojne problemin, ndersa, nga pikepamja ekonomike do te interesohet FMN-ja, BNRZh, BERZH, USAID, dhe OECD. BB eshte shprehur vetem ne parim. Me te kenaqur BE, SHBA e KE, te cilat, se bashku me NATO-n, e shohin si deshire te RSH per integrimin e saj ne strukturat euro-atlantike dhe ne OBT. Me pak te interesuara IOM, OVI, OshAJ, OIF, UNICEF, UNHCHR dhe GjPN. Nga ana PBU, UEFA, INTERPOL dhe OBSh, nuk ka asnje deklarate : ashtu si edhe nga KLR, UNESCO dhe UNMIK-u. E vetmja qe u shpreh negativisht per besimin e verber qe kane shqiptaret ka qene SHCS (Shoqata per Cmitizimin e Siglave). (P.Zh.)



Obobo-News-

[HaKeLBeRiFiNi]

1]Nuk e kuptoj nga qeke kaq i mir informuar sa e dike qe e djathta ne ish-pushtet paska armatos popullin dhe e ka shtyre te vritet ne ato kohera??
Kur akoma se di asnjeri te sakte dhe me fakte.
2]Kryeplak besoj se e di ca do te thote MONOPOL??
Kur ti qe jeton ne shqiperi nukke mundesite minimale te luftosh per ekzistencen tate.Dhe PSE?
Sepse nuk te lejon njeri te punosh kryeplak.Sepse grykesia dhe pangopesia e majtisteve eshte aq e forte sa ndonjehere me duket sikur ky popull do kaloje prap ne sistemin e tollonave.
Me afrimin e zgjedhjeve dhe me fillimin e ketij viti ka dale dhe lidhi i ri mbi taksat e biznesit te vogel Kryeplak,dhe besoj se ti e di qe me at biznes jetojne nje pjese e mire e familjeve shqiptare.
E di ti ca do te thote miratimi i atij ligji??
Thjesht Falimentimin e biznesit te vogel ne shqiperi duke vjelur taksa shume shume te larta nga ky biznes me shpresen o ZOT te shtyjme e nje vit sa te ikin zgjedhjet dhe te kemi para per fushate dhe per buxhetin e shtetit tashme te thare.
Pra pak rendesi ka ca ndodh ne kte vit me shqiptaret.Rendesi ka te arrijme der ne zgjedhje dhe ti fitojme ,pastajca ndodh me mbrapa Zoti na ruajte.

Po mbase ky debat ska vend per ty sepse shof se ti je aq i forte majtist sa me dukesh si nje shembull qe nuk donte as buke.as uje.as drita vec baballaret e PS te mos grindeshin.

[land]

a vella, ti mire e ke qe shkruan hulumtime te asaj natyre. madje i ke shkruar bukur. jam gjithmone dakord me ate qe the. vetem, me lejo t'i shtoj diçka, se m'u duk pak si e paplote.
populli, nuk duhet te harroje shume gjera, dhe mendoj se nuk eshte pa palce ose shtylle kurrizore qe te harroje çfare i ka hequr vete ne kurriz te vet gjate gjithe diteve te tij te vdekjes se gjalle.
fakt eshte qe te gjitha qeverite qe kane ardhur ne pushtet e kane prere popullin ne bese; populli perseri vazhdon te votoje per te njejtat maska, per te njejtet arlekine.
me kujtohet nje skeç shkodran, ku nje gjytrym ne kinema duke pare nje film, vinte gjithnje bast per kalin e bardhe. pasi humbi çfare pati me vete, bertet i pezmatuar: "asht hera e shtate si ve bast per kalin e bardhe, dhe asnjehere s'ka fitu!" - çfare fati i keq,,, eee? te shohesh shtate here te njejtin film, e te vesh bast per te njejtin kale?
tani, ti e shtrove bukur problemin, qe te mos harroje(populli), do te shtoja, qe ato gjera qe ti ke renditur qe te mos i harroje, por te mos harroje gjithashtu edhe ngjarjet te cilat prodhuan ose u dhane shkas te tilla zhvillimeve.
sot per sot ne shqiperi nuk ka alternative politike.
nuk mund te votohet Sala, nuk mund te votohet Nano, nuk mund te votohet as Leka, dhe aq me pak mund te votohen koalicionet e tyre.
ti po thua qe ne PD, ose PS duhet te kete njerez te afte, me dell drejtues, me dell qeverises. ti po thua qe ne shqiperi mund te jene rreth 30 parti politike.
e pra, ne fillim ishin vetem dy, dhe per 15 vjet kemi prodhuar aq parti sa te ngopim edhe kerkesat e tregut evropian.
fakt eshte, qe shumica e partive kane lindur si fraksione te ketyre dy partive me te medha. detyrimisht, qe alternativat perseri mbeten vetem DY.
e kam fjalen, qe ata njerez te afte qe ti mundohesh te identifikosh ne gji te PD-se, ose PS-se, kane krijuar parti te reja, dhe nese ka mbetur ndonje tjeter akoma ne gji te "memave"(partive) te tyre, edhe ata per vete te tyre kane te gjitha premisat per te krijuar fraksione te reja; te cilat ne vetvete, gjate fushatave elektorale, perseri do te grumbullohen ne dy koalicionet e famshme, perndryshe nuk do te kene ze te mjaftueshem per t'u çjerre ne llogari te popullit. opcioni i pare, ai i bashkimit ne koalicione, sjell te njejtin rezultat, asfiksimin e zerit te ketyre fraksioneve-parti, dhe topi do t'i kaloje gjithsesi, kokave ogurzeza per te cilat folem me lart. dhe do te jene perseri keta lojtare qe do ta gjuajne penalltine ne porten e shqiperise.
cila eshte zgjidhja, pra? kush jane ata qe mund te votohen dhe te mos bien peng te urrejtjes nderklanore, te mos bien peng te demagogjise dhe dogmave asfiksuese politike te "ajkes" se politikes se sotme?
eshte kjo klike qe sot e njohim si "politike" qe thirri me te madhe ne 97 e me pas fjalet e pergjakshme dhe tragjike, te padegjuara ndonjehere ne historine e popullit shqiptar: "pajtim kombetar"; " te ndalim luften veri jug"; " te ruajme unitetin kombetar"... te tilla thirrje do te ishin shume me te qarta sikur te shpreheshin ne kete forme(perkatesisht): "pajtim politik"; "te ndalim luften PS-PD", "te ruajme unitetin e klases grabitqare(politikanet; PD,PS, e pafundesisht)"; por, te tilla produkte te spazmave te mentalitetit diktatorial ne shqiperi; nuk kursyen futjen ne valle te nje populli te tere, duke rrezikuar keshtu gjithe identitetin kombetar, dhe duke na vene nje emer te ri ne syte e botes; "shqiptaret anarshiste"...
dy jane diagnozat e sakta, dhe dy edhe barnat qe i duhen dhene popullit per te genjyer vdekjen.

1: mosparaqitje ne votime... injorim total te politikes shqiptare ne diten e votimit.
kjo eshte nje mase teper ekstreme, por, nuk ka alternativa me te kenaqshme.
te pakten, klasa politike shqiptare, pa dallim nuance dhe perkatesie partiake, do te merrte nje mesazh te fuqishem prej popullit; injorim total.(qe dmth humbje kategorike e besimit)
kjo do te linte padyshim nje shije te keqe ne qarqet evropjane; por politika dhe populli duket se qenkan dy pole te kunderta.
une nuk jam per kete mundesi, nuk do e keshilloja, por, eshte e denje per t'u analizuar(duke pare klasen politike te vendit...).

2: paraqitje masive ne votime, dhe te gjithe te votojne vetem per nje parti.
keshtu, parlamenti do te jete plot me njerez njengjyresh, te cilet nuk do te gezojne fatin e mire per te kerkuar alibi dhe per t'u fshehur pas "grindjeve te opozites", "dhe veprimtarine kaq te demshme te nje opozite te mundshme".
pergjegjesia do te bjere automatikisht mbi ligjvenesit, dhe politikanet e votuar.
po ashtu, do te jene keta politikane qe do te marrin meritat e duhura, nese zbatojne formulen e enverit: 8 ore pune, dhe jo 8 ore ne "pune".

une jam me shume per kete te dyten, pa i dhene vlere ose ze te veçante asnje lloj rryme politike ne shqiperi. une jam gjithashtu qe te zbatohet edhe formula e te madhit Ali Pashe Tepelena,( por te mos u pritet koka...te futen ne burg per sa te doje populli):
A) te peshohen politikanet para se te hipin ne pushtet, para se te marrin ne dore postet perkatese ne pushtet; B) te peshohen politikanet çdo 6 muaj pune brenda mandatit te tyre; C) te behet zbritja midis peshes(mases) para ngjitjes ne pushtet, me ate pas 6 muaj pushteti. dihet si perfundon historia ketu... boll te shohesh politikanet e sotem, pa perjashtim...(vetem majkua i shkrete qe hipen 60 kile, e pas nje muaji i peshon vetem xhaketen)

duken si gjera qesharake, por me shqiptaret kane pasur sukses te bujshem dhe te qendrueshem.

me falni per mendimet paksa te tharta... shpresoj te mos jete ofenduar kush.

[ps: hakelberifini, nuk e ke kuptuar drejt kryeplakun; i shkreti gati s'e permendi fare te djathten per çfare po thua ti]

se fundmi.

...demokracia eshte nje menyre e tmerrshme qeverisjeje, por eshte me e mira qe njihet...

....Zoti flet edhe shqip....