Infeksionet

[Brari]

gaz.Shqip.
-----------------
"I infektuari ka dhimbje gjatë seksit, ka djegie të urinës dhe sekrecione të verdha, gati në jeshile dhe nëse nuk kurohet shpejt, kalon deri në infeksione të rënda në organe të tjera"

GJIROKASTER/ Flet Laver Stroka: Eshtë sëmundje seksualisht e transmetueshme. Ja shenjat

Gonorea, 20 veta të infektuar
Alarmi i mjekëve, shumica kurohen privatisht


--------------------------------------------------------------------------------

e.sh

GJIROKASTER

Një sëmundje jo shumë e njohur në vendin tonë, por tashmë prezente. Eshtë pikërisht Gono-rea, e cila para një dekade numërohej me gishta në të gjithë vendin.

Ndërsa vetëm gjatë muajve të këtij viti, në rrethin e Gjirokastrës ka arritur në 20 raste. Alarmin për këtë e ka dhënë përgjegjësi i Edu-kimit të Promocionit Shëndetësor në Gjirokastër, Laver Stroka. Po çfarë është Gonorea? Si përhapet, cilat janë simptomat dhe si kurohet? Stroka ka treguar për Gazetën Shqiptare, edhe shkaqet e shtimit të kësaj sëmundje seksualisht të transmetueshme (SST), "e cila deri në momentin e kurimit duhet të konsiderohet si SIDA".

Alarmi
"Vetëm gjatë muajve të këtij viti janë shfaqur 20 raste. Ndërsa në shkallë viti, duke pasur parasysh shifrat e viteve të kaluara, numri arrin mesatarisht në 30". Kështu është shprehur mjeku Stroka. Sipas tij, këto shifra nuk janë të regjistruara, pasi të infektuarit nga kjo sëmundje nuk kurohen në spital, por marrin ilaçe nëpër farmaci dhe i nënshtrohen regjimit të shtëpisë, pa u konsultuar me mjekët. "Në jopak raste, të sëmurët kthehen në të sëmurë kronikë", ka theksuar Stroka. Shkaqet e shtimit të Gonoresë, bluzat e bardha i shohin te higjena e ulët, mungesa e kulturës shëndetësore dhe asaj seksuale, marrëdhëniet e çrregullta (orale, anale), si dhe mosçuarja deri në fund e cikleve të mjekimit. Por, për Strojkën, një rol të madh, ndoshta edhe parësor, në shtimin e rasteve me këtë virus, ka luajtur emigracioni i madh.

Ç'është Gonorea?

Mjeku Stroka ka treguar se çfarë është kjo sëmundje SST, nga vjen, cilat janë simptomat dhe si mjekohet. "Një i sëmurë e transmeton këtë sëmundje tek i shëndoshi nëpërmjet marrëdhënieve seksuale; vaginale, orale dhe anale. Ndryshe nga SIDA, kjo sëmundje është e shërueshme, diagnostikohet me antibiotikë me kurs të plotë mjekimi, pasi përcaktohet diagnoza në laboratorin bakteriologjik", ka theksuar Stroka, sipas të cilit, "çdo rast me Gonore, duhet të konsiderohet edhe i infektuar me virusin më me influencë njerëzore SIDA, derisa të provohet e kundërta nëpërmjet një laboratori". Lidhur me simptomat, mjeku ka bërë të ditur se, i infektuari ka dhimbje gjatë seksit, ka djegie të urinës dhe sekrecione të verdha, gati në jeshile dhe nëse nuk kurohet shpejt, kalon deri në infeksione të rënda në organe të tjera. Po sipas mjekut, sëmundja prek të dyja sekset, por te femrat mund të mbetet e fshehtë për kohë të gjatë. Ndërsa i vetmi parandalim është higjena dhe përdorimi i prezervativëve.

[Zani]

o braro kjo eshte ajo qe i kena pas thone skollomento ne shqipri mer?po ne ksi rastesh sikur te fusnin nje shufer te nxehte e di une te hajdari e nuk beheshe per burre nja dy vjet.puuuu sa perpara ka ec shkenca mer....car paska bo frengu