Kalendari i Formula 1, me 19 gara për sezonin 2005

[VAZELOS]

Eshtë konfirmuar zyrtarisht kalendari i ri për sezonin 2005, pista më e re është Turqia

Të reja dhe konfirmime, pra gjëra që tashmë janë bërë tradicionale për prezantimin e kalendarit të ri. Kështu, dje është zyrtarizuar kalendari i sezonit 2005 për Formulën 1. Në të ka pasur disa gjëra të reja dhe interesante. Këshilli botëror i sporteve motoristike është mbledhur në Montekarlo dhe ka zyrtarizuar këtë kalendar. Në programin e ri janë parashikuar 19 gara, pra një më shumë sesa kalendari i sezonit të shkuar. Pista e re e shtuar është ajo e Turqisë. Gjithsesi, Majkëll Shumaker dhe Ferrari do të përpiqen të mbrojnë titullin që nga data 6 mars, kur do të zhvillohet dhe Çmimi i Madh i Melburnit. Gara e fundit e sezonit do të jetë Çmimi i Madh i Kinës, që do të zhvillohet më 16 tetor. Një gjysmë konfirmimi ka ardhur për 3 pistat historike, të cilat rrezikonin përjashtimin nga kalendari. Bëhet fjalë për garën e San Marinos që zhvillohet në Imola më 24 prill, garën e Francës që zhvillohet në Manji Kur dhe garën e Anglisë që zhvillohet në Silverston. Këto 2 të fundit do të zhvillohen respektivisht më 3 dhe 10 korrik. Më në fund ato kanë shpëtuar, pasi kanë arritur marrëveshjen me Berni Eklestonin. E reja më e madhe që ka dalë pas mbledhjes së këshillit botëror të sporteve motoristike, ka qenë Çmimi i Madh i Turqisë, që do të zhvillohet më 21 gusht në Stamboll. Prapa saj do të zhvillohet Çmimi i Madh i Italisë në Monza, më 4 shtator, dhe pas saj Çmimi i Madh i Belgjikës në Spa, më 11 shtator. Kjo e fundit ka dalë disi nga tradita, pasi gjithmonë është zhvilluar në fund të muajit gusht. Gjithsej do të zhvillohen 19 gara në të gjithë botën. Janë konfirmuar gjithashtu Çmimi i Madh i Malajzisë më 3 prill dhe i Bahrenit më 24 prill. Le të shohim nëse edhe këtë herë dominimi i skuadrës së kuqe do të jetë kaq i madh. Më në fund edhe skuderitë kanë rënë dakord që të zhvillojnë më shumë gara sesa sezonin e shkuar. Gjithsesi duhet të theksojmë këtu se marrëveshja "Konkord" që kanë skuadrat me FIA-n, parashikon 17 gara për sezon.


Kalendari zyrtar i sezonit 2005

06/03/2005 Australi Melbourne

20/03/2005 Malajzi Sepang

03/04/2005 Bahren Sakhir

24/04/2005 San Marino Imola

08/05/2005 Spanjë Barcelonë

22/05/2005 Monaco Monaco

29/05/2005 Europe Nurburgring

12/06/2005 Kanada Montreal

19/06/2005 USA Indianapolis

03/07/2005 Francë Magny-Cours

10/07/2005 Angli Silverstone

24/07/2005 Gjermani Hockenheim

31/07/2005 Hungari Hungaroring

21/08/2005 Turqi Istanbul

04/09/2005 Itali Monza

11/09/2005 Belgjikë Spa-Francorchamps

25/09/2005 Brazil Interlagos

09/10/2005 Japoni Suzuka

16/10/2005 Kinë Shanghai

[StormAngel]

Me siguri qe ky sezon do jete edhe me interesant.
Jam i sigurte per kete.

[KinG_LIOn]

Mire jeni o puppulleeee F1 ??? shume problem per shumakerin

[Albi]

VAZELOS: Disa fotografi te Michael Shumaker mund ti postosh lal ??

ANTENA