Koha Jone
--
E Diele, 28 Nentor 2004
NANO DEKORATA PER VETERANET E LUFTES
Kryeministri Fatos Nano zhvilloi dje ne kuader te 60-vjetorit te Clirimit te Atdheut, nje takim te zgjeruar me anetare te Komitetit te Veteraneve te Luftes Antifashiste Nacional Clirimtare, veterane te luftes, familjare te deshmoreve te atdheut, etj. Ne kete takim, Kryeministri shperndau per shume veterane, ne shenje respekti dhe nderimi, Medalje dhe Dekorata per merita te larta te tyre ne Luften Antifashiste Nacionalclirimtare. Para veteraneve te luftes shefi i qeverise mbajti dhe nje fjalim per meritat e tyre gjate atyre viteve. "Te gjithe gezojme sot vepren tuaj, prandaj perkulemi me respekt te vertete dhe me krenari perpara saj dhe p-_lle jush, ne dite si e sotmja, kur festat gjallojne midis nesh, edhe kujtesa e te gjitheve rifiton gjallerine me dimensione historike". Me keto fjale ju drejtua dje kryeministri Nano veteraneve te luftes duke i vleresuar ata ne pjesemarrjen e tyre ne lufte. Sipas kryeministrit Nano qeveria po punon per ta dhe brezat e tjere qe vijne me pas.
"Po ju gjej mire dhe po shoh qe kemi ende pune dhe rruge se bashku. Do te vazhdojme, ashtu si ju qe perballoni peshen e viteve, te mobilizojme energjite djaloshare te ketij vendi gjithnje te ri, pavaresisht se me qyteterim te lashte, te cilat jo vetem do te konsolidojne institucionet qe sollet ju me luften per liri, por do te vazhdojne te kurojne edhe plaget e dekadave dhe vecanerisht do te te vazhdojme te kultivojme se bashku solidaritetin dhe drejtesine shoqerore", u shpreh ai para veteraneve. Per kryeministrin veteranet e luftes konsiderohen si ajo pjese qe u rreshtua ne koalicionin e madh antifashist boteror, ne ate koalicion qe eshte perjetuar ne histori si koalicioni i drites dhe i fitores. "Shqiperia mbetet nga te rrallet vende ne Europe qe u clirua nga nazifashizmi pa ndihmen e ushtareve apo te ushtrive te huaja. Merita eshte e juaja dhe e gjithe luftetareve te lirise, qe edhe pse nuk jane me midis jush, jane ne altarin e historise dhe te luftes per liri te te gjithe atdheut", vuri ne dukje ne fjalen e tij duke bere te qarte se eshte ne nderin e tij qe "perfshihem se bashku me ju ne kete vleresim te denje dhe te merituar historik te gjeneratave qe pasuan njera tjetren ne luften per liri dhe ne rindertimin dhe rishfaqjen e atdheut tone te lashte por te qyteteruar ne familjen e kombeve me progresiste te botes".
Ai kerkoi para tyre lejen per t'u perulur me respekt perballe vepres dhe kujtimit te 28 mije deshmoreve te rene per clirimin e atdheut ne Luften e madhe nacional clirimtare. Duke e lidhur me kohen qe jetohet sot, kryesisht ne shqetesimin global ne luften kunder terrorizmit, ai vuri ne dukje se "pervoja dhe heroizmi juaj ne Luften e dyte Boterore jane te gjalla dhe te dobishme edhe sot ne luften globale kunder terrorizmit ne te cilen Shqiperia eshte perfshire dhe jep kontribute te drejperdrejta. Jane djemte tane, djemte tuaj qe mbrojne paqen ne Irak, Bosnje, Afganistan, si nje gjenerate qe percon ne kohera te njejtin mesazh solidariteti me demokracine dhe paqen qe ju gatuat me gjak 60 vjet me pare. Ata jane garancia me e mire e vazhdimesise se vepres suaj qe percjell me sukses stafeten e vlerave dhe te virtyteteve qe ju i farketuat ne luften e madhe per clirim nga nazifashizmi". Duke dhene dekorata dhe medalje per veteranet e luftes kryeministri Nano beri te qarte se "vazhdojme te shlyejme dhe mbushim edhe nje pjese te detyrimeve apo te boshlleqeve te historise. Dhenia e dekoratave ne nje pervjetor te tille jubilar nuk eshte vetem tregues i respektit dhe vleresimit te merituar qe brezat e meparshem kane per vepren dhe sakrificen tuaj. Per shume nga ju historia e pasluftes eshte treguar edhe e ashper edhe e padrejte. Per shume nga ju u krijuan padrejtesi te reja, te cilave u vune kapak disa varrmihes kockash apo fabrikues mashtrimesh qe nisen te trazojne plaget e luftes". Sipas tij, ai eshte i informuar qe midis kesaj shtrese shoqerore ka ende shoke dhe familje qe jetojne me probleme jetike te pazgjidhura, edhe pse tahme eshte ne nje mijevjecar tjeter. "Me lejoni si Kryeminister dhe djale partizanesh, t'ju garantoj se do te vazhdoj, ashtu si deri me tani, te kryej gjithe investimin politik dhe shteterore per t'ju kthyer juve ne vend gjithe dinjitetin shpirteror dhe material qe meritoni", cilesoi Nano duke e pare dhe veten ne kete menyre si bir partizani.
--------
veteranet enveriste.. si dikur grusht bashkuar rreth vrasesit te shokve te tyre .. Enver Hoxhes ashtu dhe sot grusht bashkuar rreth mbretit te Kazinove e qeflliut te Uiskit e Benzave e kollofitjes se miliardave..
RRac e keqe paskishit qene o koklakra e shpirt kazma..
bahh..cfar sahanlepiresash..
Krijoni Kontakt