Shërbimi i fshehtë gjerman ishte i informuar për trazirat e marsit në Kosovë
Mainc, 19 nëntor - Shërbimi i fshehtë gjerman (BND) ka qenë i informuar për planet kryengritëse para trazirave të marsit në Kosovë, njoftoi kanali i dytë televiziv gjerman ZDF. Shërbimi i fshehtë gjerman ka përgjuar bisedat telefonike në të cilat i njohuri si islamist Samedin Xhezairi alias Hoxha planifikonte sulme të dhunshme ndaj pakicës serbe në Kosovë, njofton ZDF. Xhezairi thuhet të ketë patur lidhje edhe me rrjetin terrorist të El Kaidës dhe njëkohësisht është paguar si informator i shërbimit të fshehtë gjerman. Shërbimi i fshehtë BND deri tani nuk ka komentuar njoftimet e televizionit gjerman.
ZDF gjithahstu pohon se gazetarët e saj kanë biseduar me informatorin shqiptar i cili u ka thënë: "Trazirat e tilla mund të shpërthejnë përsëri në cilindo moment qoftë. Jemi në gjendje që të mbledhim 3O mijë luftëtarë për aksion".
Krijoni Kontakt