Sëmundja e kancerit

[DI_ANA]

Qelizat e padiferencuara luftojne infeksionet.


Qeliza te padiferencuara

Nje kerkim i kryer nga Harvard Medical School, sugjeron se qelizat e padiferencuara (me sakte qelizat e padiferencuara hematopoietike, ato te cilat me pas do te kthehen ne rruaza gjaku) luajne nje rol aktiv ne sistemin tone imunitar. Nje grup kerkuesish te drejtuar nga Ulrich von Andrian, ka zbuluar se keto qeliza duke ‘udhetuar’ nepermjet eneve te gjakut jane ne gjendje te ta kalojne nga palca kockore ne organe te ndryshme per te luftuar mikrogjallesa patogjene, dhe sulmues te jashtem.
Kur takojne nje agjent patogjen keto qeliza sintetizojne substanca mbrojtjeje, dhe fillojne te ndahen, maturohen dhe diferencohen duke formuar qeliza te reja imunitare si limfocitet (rruazat e bardha). “Ky proces ndryshon menyren tone te te parit te qelizave te padiferencuara te gjakut”, thote von Andrian.
Prej me shume se 50 vitesh eshte verejtur se keto qeliza kalojne nga palca kockore ne enet e gjakut, por nuk eshte kuptuar asnjehere arsyeja, dhe as se cfare roli luanin atje pasi kishin arritur. Duke veshtruar rolin e ketyre qelizave ne minj te modifikuar gjenetikisht ne menyre qe qelizat e tyre te padiferencuara te mund te vezhgoheshin ne mikroskop me fluoreshence, kerkuesit kane pare se keto qeliza ishin transportuar ne organe te ndryshme si, zemra dhe mushkrite.
“Pergjigjet normale imunitare varferojne qelizat imunitare lokale”, shpjegon nje prej kerkuesve Steffen Massberg. “Me sa duket qelizat e padiferencuara fillojne nje pergjigje imunitare dhe plotesojne mungesen e qelizave imunitare lokale. Ky zbulim hap rruge te reja per te eksploruar menyren se si trupi yne lufton qelizat patogjene”
Kerkuesit tani do te studiojne menyrat per te shfrytezuar kete zbulim me qellim luften kunder shume semundjeve, madje edhe kancerit!

Sipas: Scienze.it

[DI_ANA]

Nje formule e re matematike qe simulon zhvillimin e kancerit

Nuk eshte hera e pare qe publikojme nje artikull mbi arritjet e shkences ne fushen e mjekesise, megjithate sa here qe lexon te tille artikuj ndjen nje fare kenaqesie per perparimet qe ben cdo dite njerezimi ne luften e tij te perhershme kunder semundjeve. Lajmi i publikuar nga koleget e Blogutmatematik eshte teper shpresedhenes per zhvillimin e metejshem te terapive mjekesore qe do te mund te luftojne dhe shkaterrojne forma te ndryshme te kancerit.
Keshtu kane qene kerkuesit e universitetetit te Harvard-it dhe John Hopkins qe kane arritur te llogaritin zhvillimin e tumoreve tek pacientet, duke treguar qe ai varet nga mutacionet ne shume gjene dhe mund te parashikohet me ane te nje formule te sakte.
Deri tani zhvillimi i tumoreve parashikohej te kryhej sipas modelesh lineare ne shume pak gjene. Niko Beerenwinkel tregoi se si zhvillimi i tumorit cohet perpara ne shume gjene.
Sipas ketij modeli zhvillimi i tumorit i detyrohet mutacioneve ne shume gjene, secili nga te cilet jep nje perparim selektiv te vogel. U gjet qe koha qe i duhet nje tumori per tu shnderruar ne tumor malinj varet nga perparimi selektiv per mutacion dhe nga numri i gjeneve kanceroze.
Ky model i ri ndihmon ne shpjegimin e ndryshimeve te medha qe shfaqen ne tumoret individuale, problem i cili ka qene per nje kohe te gjate nje “rebus” per kerkuesit ne mbare boten. Rritja e jashtezakonshme e te dhenave te disponueshme ka bere te mundur te arrihen rezultate ne kuptimin e biosistemeve komplekse, sic eshte dhe kanceri. Modele te reja matematike si ky japin arme te fuqishme per te luftuar kancerin dhe ne te njejten kohe ju japin pergjigje ceshtjeve biomjekesore.

"Blogshkenca"

[DI_ANA]

Shpikja e një inxhinieri mund të zëvendësojë kimioterapinë


Historia e një burri, i cili u diagnostikua me kancer dhe duke provuar forma të ndryshme kurimi, arriti në përfundimin se duhet të kishte një mënyrë më të mirë për të trajtuar sëmundjen, sesa kimioterapia.

Xhon Kansas jeton me gruan e tij në ishullin Sanibel në Florida. Pesë vjet më parë ai u diagnostikua me kancer, por ajo që e tronditi më shumë ishin pamjet e fëmijëve që i nënshtroheshin kimioterapisë. “I shihja fëmijët tek humbisnin buzëqeshjen e tyre, humbnin flokët… kështu që i thashë vetes: kimioterapia e sotme është e tmerrshme dhe duhet të ketë patjetër një mënyrë më të mirë për të trajtuar kancerin”.

Kansas nuk kishte njohuri nga fusha e mjekësisë. Ai ishte inxhinier elektronik dhe mendoi se valët e radios mund të përdoren për të shkatërruar tumoret. Ai përdori pjesë të radios dhe enët e gatimit që përdorte gruaja e tij Marianne për të ndërtuar këtë pajisje. “Më zgjoi nga gjumi në mes të natës nga zhurma që bënte në kuzhinë”. Pajisja përdor valët e radios në vend të radioaktivitetit për të shkatërruar qelizat kanceroze.

Doktor Steven Curley, i specializuar në trajtimin e kancerit përmes frekuencave të radios tani është i përfshirë në eksperimentin e Kansasit. “Është një arritje e paparë. Një qytetari të thjeshtë i erdhi në mend ideja dhe kishte mundësitë dhe aftësitë të krijonte këtë pajisje”. Doktor Curley thotë se trajtimi ka potencialin të shkatërrojë kancerin pa operacion.

Teknika e Kansasit me valët e radios shkatërroi tumoret kanceroze në mëlçinë e lepujve. Arritja e tij do të botohet në numrin e dhjetorit të revistës mjekësore Kanceri. “E kuptova rëndësinë e asaj që kisha krijuar, vetëm pasi lexova tekste e botuara për të”, thotë Kansas.

Ekspertët theksojnë se studimet janë ende në fazat paraprake. Onkologu Robert Young. “Do të parashikoja, bazuar në ato që dimë tani, se ndoshta do të duhen 5 vjet nga prova e parë klinike tek njerëzit. Ndoshta edhe më shpejt”. Kanceri i Kansasit është pakësuar, por për sa kohë do të zgjasë kjo gjendje nuk dihet. “Dëshira ime e vetme është të jetojë aq gjatë sa të shohë provën e parë klinike të eksperimentit tim tek njerëzit”.

Marre nga: VOA

[DI_ANA]

Një dietë e shëndetshme që parandalon shfaqjen e kancerit

Shumë studime të kryera në të gjithë botën, kanë provuar se një e treta e tumoreve malinje mund të parandalohen duke përmirësuar mënyrën e të ushqyerit. Rekomandimi kryesor për të realizuar këtë është : “ Të konsumosh ushqime në mënyrë të vazhdueshme ushqime me origjine vegjetale, me një tavolinë sa më të pasur me fruta dhe perime, sallata dhe cereale jo të rafinuara në mënyrë industriale”. Këto mënyra të ushqyeri duhet të përvetësohen si rregulla të nevojshme për të qenë të shëndetshëm. Ushqimet me natyre vegjetale aktivizojnë funksione të ndryshme të qelizave si dhe atyre të sistemit imunitar, dhe ky aktivizim arrin deri në funksionet hormonale dhe metabolike. Më poshtë po radhisim disa rregulla mbi mënyrat sesi mund të shtrojmë një tavolinë të pasur në mënyrë që jo vetëm të shijojmë një menu të shijshme, por edhe të shmangni sëmundjet e ndryshme e veçanërisht kancerin.
Dieta dhe niveli i insulinës
Objektivi dhe synimi kryesor i dietës së propozuar ka të bëjë me reduktimin e nivelit të insulinës në gjak. Insulina ndikon në rritjen e nivelit të hormoneve seksuale dhe faktorit të rritjes të tipit të parë. Po ashtu sjell edhe nivel të lartë të plazmës dhe të gjitha këto parametra të cilat kanë ndryshuar nivelin e tyre në gjak mund të shkaktojnë lloje të ndryshme të kancerit. Niveli i insulinës normalisht rritet pas çdo vakti, aq më tepër kur ushqimi i konsumuar në një vakt është tepër i rënduar në cilësi dhe sasi, me sheqerna të tretshme në mënyrë të përshpejtuar, prandaj pas një dreke të pasur niveli i glicemisë rritet në mënyrë të ndjeshme. Në fakt, funksioni i insulinës është për të nxitur futjen e glukozit në qeliza, dhe pankreasi prodhon insulinë sa herë që niveli i glicemisë rritet. Ky funksion i insulinës është i kushtëzuar nga prania e mbidhjamosjes së membranave të qelizave, që shkaktohet nga konsumimi i shumë produkteve të djathërave dhe mishi jashtë një diete normale. Edhe proteinat, e veçanërisht proteinat me prejardhje shtazore, favorizojnë një prodhim të bollshëm të insulinës dhe hormonit të rritjes. Për të mbajtur nivele të ulëta të insulinës dhe të hormonit të rritjes do të ishte e nevojshme të reduktohej: marrja e kalorive çka do të thotë që duhet të hamë më pak, të ulet konsumimi i ushqimeve që rrisin nivelin e glicemisë, të reduktohet marrja e produkteve dhjamore dhe të yndyrshme, si dhe të shmanget marrja në sasi të lartë e proteinave me origjinë shtazore.
Yndyrnat dhe kaloritë e tepërta
Strategjia e emërtuar “Diana” ka të bëjë me reduktimin e furnizimit me kalori, duke konsumuar ushqime sa me të pasura me vitamina dhe proteina e karbohidrate në sasinë e nevojshme, në mënyrë që të mos provokojë mbingopjen e qelizave me kalori. Prandaj produktet natyrore dhe më pak ato të rafinuara të prodhuara në mënyrë industriale, nga njëra anë furnizojnë me energji dhe lëndë ushqyese dhe nga ana tjetër përmbajnë pak yndyrna që do të thotë pak kalori. Truku konsiston në gjetjen dhe zbatimin e një mënyre të duhur gatimi për cerealet dhe perimet në mënyrë që shija të shoqërohet edhe me përthithjen në gjak të shumë përbërësve të rëndësishëm për organizmin.

Disa këshilla për të mos rrezikuar shëndet të tepërt:

- Mundohuni të lëvizni duke caktuar kohë për aktivitete çdo ditë
- Zgjidhni ushqimin cilësor duke i dhënë organizmit gjithçka për
të cilën ai ka nevojë
- Yndyrat dhe sheqernat kanë shije të mirë dhe ju nevojitet një
masë e caktuar e tyre çdo ditë
- Balanconi dietën tuaj, të gjitha ushqimet mund t’i vendosim në
dietë të shëndetshme
- Planifikoni një menu të shumëllojshme gjatë ditës
- Planifikoni të kaloni 5-10 minuta relaks çdo mëngjes
- Mundohuni të jeni korrektë me ushqimin, hani nga të gjitha
llojet por me kufi

Marrë nga Tg.com

................

Proteinat dhe prodhimi i insulinës në gjak
Proteinat janë një faktor i rëndësishëm që favorizon prodhimin e insulinës dhe të hormonit të rritjes. Hormoni i rritjes favorizohet veçanërisht nga proteinat që përmban qumështi. Vegjetarianët të cilët nuk hanë vezë apo qumësht na fakt zotërojnë një nivel më të ulët të hormonit të rritjes se vegjetarianët që nuk hanë mish. Një pjatë me zarzavate dhe cereale do të mjaftonte për t’i dhënë organizmit aminoacidet e nevojshme pa rritur nivelin e insulinës apo të hormonit të rritjes. Konsumi i sotëm i proteinave nga popullata është rreth dy herë më i lartë se sasia që i nevojitet organizmit. Për të gatuar me produkte sa më të dobishme dhe ushqyese është e këshillueshme të përdoren vajra bimore, veçanërisht vaji i ullirit.

................

Disa ushqime pengojnë evoluimin e kancerit
Shoqëria Amerikanë e Kancerit ka theksuar se domatet kanë shumë antioksidantë të domosdoshëm për organizmin. “Ato nuk mund të ndryshojnë sëmundjen te ata që vuajnë nga kanceri por ato mund të ndikojnë në përmirësimin dhe lehtësimin e gjendjes së tyre shëndetësore. Pacientët që hanë çdo ditë fruta dhe perime gëzojnë një gjendje më të lehtësuar, duke e mbrojtur veten nga evoluimi i përshpejtuar i sëmundjes.” – shprehet Marji Mçullough, drejtor i Epidemiologjisë së Përbërësve Ushqimorë në këtë shoqatë. Domatet dhe produktet e ndërtuara mund të reduktojnë rrezikun e përhapjes së shumë llojeve të kancerit, por rekomandohet si bashkëngjitje e një diete të pasur në varietete të ndryshe perimesh dhe frutash.

................

Rreziku i kancerit dhe sëmundjet e zemrës
Përherë ka mbizotëruar mendimi se vitamina E mund të ndihmojë për pakësimin e rrezikut nga kanceri dhe sëmundjet e zemrës. Por një studim i ri tregon se tek njerëzit me probleme nga këto sëmundje, vitamina E aktualisht e shton këtë rrezik. Autorët e studimit theksojnë se pjesëmarrësit në studim u trajtuan me doza të larta vitamine E, rreth 400 miligramë në ditë, dhe se njerëzit duhet të përpiqen të konsumojnë çdo ditë rreth 15 miligramë vitaminë E, e cila mund të gjendet lehtë në një dietë të balancuar ushqimore. Një studim i ri, tregon se vitamina E mund t’u bëjë dëm personave me probleme të kaluara në zemër, apo me diabet. Tek personat me rrezik të lartë sëmundjesh, vitamina E nuk parandalon sëmundjet kardiovaksulare, dhe bllokimin e artereve të gjakut në tru, gjithashtu kjo vitaminë nuk parandalon kancerin.

................

Yndyrnat rrezik për shfaqjen e kancerit të gjirit
Konsumimi i ushqimeve me pak yndryna është mirë për shëndetin. Një studim në shkallë të gjërë mes grave tregon se dieta me pak yndyrna pakëson rrezikun e prekjes nga kanceri i gjirit, kanceri i zorrës së trashë apo sëmundjet e zemrës. 50 për qind e këtyre grave të marra në studim përdornin dietë frutash, perimesh dhe nënprodukte drithërash, ushqime të njohura për nivel të ulët yndyrnash, ndërsa 25 mijë gra të tjera përdornin dietë të zakonshme. Disa gra që para studimit kishin përdorur dietë ushqimore me nivel të lartë yndyrnash dhe gjatë studimit përdorën ditetë me pak yndyrna, vunë re një pakësim 20 për qind të rrezikut të kancerit të gjirit. Dieta me pak yndyrna është e mirë për shëndetin, prandaj ato gra që janë në këtë dietë duhet ta vazhdojnë atë.

Tirana Observer

[DI_ANA]

Kanceri dhe duhani të lidhur gjenetikisht


Për mjekët e gjithë të tjerët, një pyetje vazhdon të mbetet pa përgjigje; përse një person që kurrë nuk ka pirë duhan preket nga kanceri në mushkëri, ndërkohë që një tjetër person që ka pirë duhan për dhjetëra vjet, nuk ka asnjë shenjë kanceri? Përgjigja, thonë shkencëtarët, mund të fshihet thellë në përbërjen gjenetike të secilit prej nesh. Tre grupe të ndryshme kërkimore, duke punuar veçmas, gjetën një lloj gjeni që shton rrezikun e prekjes nga kanceri në mushkëri. Një grup arriti në përfundimin se në qoftë se një person e ka këtë lloj gjeni dhe pi duhan, ai/ajo ka të ngjarë të pijë më shumë cigare në ditë sesa një tjetër që pi duhan por që nuk e ka këtë gjen. Dhe ky është gjeni që e shtyn njeriun të pijë duhan. Mjeku Keri Stefanson thotë se ky gjen duket se nuk e bën njeriun të fillojë cigaren, por nëse personi pi cigare, ky gjen e bën atë të pijë më shumë. Autorët e studimit nuk janë të një mendimi nëse shtimi i rrezikut të kancerit në mushkëri ndodh sepse personat me këtë lloj gjeni pinë më shumë cigare apo nëse vetë ky gjen çon në shkaktimin e kancerit. Shkencëtarët thonë se rëndësia e studimit është se tani ata do të jenë në gjendje të kuptojnë këto dallime gjenetike dhe në të ardhmen mund të bëjnë punë më të mirë për parandalimin e fillimit pirjes së duhanit dhe për të ndihmuar ata që pinë që ta lënë atë. Studime të tjera në të ardhmen rreth këtij lloj gjeni mund të sqarojnë edhe shumë gjëra si për shembull; përse disa njerëz përpiqen ta lënë cigaren, por pa sukses.

Gjeni i jetëgjatësisë përgjegjës për trupin e shkurtër
Shkencëtarët mendojnë se jeta e gjatë dhe trupi i shkurtër janë të lidhur. Sipas tyre, një gjen që afekton hormonin e rritjes apo zgjatjes së trupit duket se ndihmon për të pasur një jetë më të gjatë. Ata thonë se ky gjen ndeshet shpesh tek gratë me shtat jo më të lartë se 1 metër e 50 centimetra dhe që jetojnë mbi 100 vjeç. 101-vjeçarja, Adele Lerner po i bën sfidë moshës. Ajo bisedon dhe kalon kohën me vajzën e saj, Terri, ndërkohë viziton vajzën tjetër, Karen, në një shtet tjetër, duke përdorur kamerën në internet apo ËEB CAM. Ajo shpreh dëshirën për të njohur çdo gjë. Gjithmonë në kërkim të diçkaje, pa u ndalur kurrë.
Dhe pikërisht sepse 100-vjeçarë si Adele duken të palodhura, e shtyu shkencëtarin Nir Barzilai që të merrej me studimin e gjeneve të personave të tillë. Ai dhe grupi i punës kërkimore që ai kryeson kanë gjetur një ndryshim në një gjen që lidh jetëgjatësinë me trupin e shkurtër tek disa persona që kanë jetuar mbi 100 vjeç, përfshi Adele Lerner, me një gjatësi trupore jo më shumë se një metër e gjysmë. Këto ndryshime gjenetike afektojnë përgjigjen e organizmit ndaj hormonit të rritjes, thotë doktor Barzilai pranë kolegjit mjekësor Albert Anshtajn. Sipas tij, në sajë të gjenit të ndryshuar, tek hormoni i rritjes krijohet një pandjeshmëri. Kjo bën që hormoni të mos kryejë mjaftueshëm funksionin e vete dhe kështu trupi të mos zgjatet më. Studimet e mëparshme tek kafshët në laborator e kanë lidhur këtë ndryshim gjenetik me jetëgjatësinë. Por në studimin e tij, doktor Barzilai thotë se ndryshimet gjenetike u gjetën vetëm tek gratë 100 vjeçare dhe shton se ky ishte vetëm një prej gjeneve që lidhet me jetëgjatësinë. Sipas tij, kjo nuk do të thotë se të gjithë njerëzit që jetojnë mbi 100 vjeç duhet të kenë në përbërje këtë gjen të ndryshuar. Ndërkohë, Adele Lerner, e cila në moshën 83 vjeç mori një diplomë universitare për artet e bukura, duket se nuk shqetësohet nga vitet mbi supe. Mosha, thotë ajo, nuk është gjë, përderisa ndjehesh e re në mendime.

Përgatiti: Jonida Tashi

"Gazeta Albania"

[AnGeL_DeViL]

Eshte semundja me e urryer nga te gjithe.Shpresoj te gjendet nje kure per ta shmang kete semundje.Edhe se duhanin se le dot

[DI_ANA]

OBSH: "Epidemia e duhanit" do të vrasë një miliardë njerëz

Duhani ka vrarë 100 milionë persona në mbarë botën gjatë shekullit të 20-të dhe mund të vrasë edhe një miliardë gjatë shekullit 21. E gjithë kjo mund të ndodh nëse qeveria dhe shoqëria civile nuk ndërmarrin masa urgjente për kufizimin e përdorimit të tij, thekson Organizata Botërore e Shëndetësisë (OBSH) në "Raportin për epideminë botërore të duhanit - 2008".
Raporti, që bazohet në hulumtime të realizuara në 179 vende në botë, u prezantua mbrëmë në Nju-Jork nga ana e drejtoreshës së përgjithshme të OBSH-së Margaret Çan dhe nga prefekti i Nju-Jorkut Majkëll Blumberg.
Në raport theksohet se qeveritë në botë marrin 200 miliardë dollarë nga akciza për prodhimin e duhanit, por shpenzojnë më pak se një të pestën e këtyre mjeteve financiare për kontrollin e përdorimit të prodhimeve të duhanit.
OBSH-ja në raport u propozon autoriteteve që të ndërmarrin gjashtë masa për kontrollë - rritje të çmimeve dhe të shkallëve tatimore të prodhimeve të duhanit, ndalim për reklamimin e tyre, mbrojtje të joduhanpirësve nga pirja pasive, masa për ndihmë të pirësve të duhanit, studim të tendencave në përdorimin e prodhimeve të duhanit me qëllim që të realizohet pas luftës efikase kundër "epidemisë së duhanit".
Sipas OBSH-së "epidemia e duhanit" në vit vret rreth 5,4 milionë njerëz nga kanceri në mushkëri, nga sëmundjet kardiovaskulare dhe sëmundje të tjera, me ç'rast paralajmërohet se nëse nuk ndërmerren masa urgjente ky numër do të rritet në tetë milionë njerëz në vit.

Marre nga "Shqip1"

[viktoria123]

kush mund te me ndihmoj cdo te thot : " infeksion mononuklear "

[xlindax]

Jam shume e shqetesuar keto muajt e fundit. Cdo dite dhe ne cdo kohe po degjoj se semundja e kancerit e shume e perhapur ne Shqiperi sidomos tek femrat. Deri tani kam marre vesh me shume se 5 raste ( njerez te cilet i njoh , dhe me keq burre e grua nga nje familje duke lene tre femije jetime), qe kane vdekur nga kanceri. Fillon gjithcka me ftohje dhe kur shkon ne sanotorium te vizitohen rezultojne me Kancer. Eshte per te vene duart ne koke , e per te uluritur. Kam pyetur shume persona askush nuk di te me kthej nje pergjigje. Perse ky fluks i madh i kesaj semundje ne Shqiperi? Kush eshte shkaku? Si mund te evitoet? Askush nuk e di. Dikush thote kur plasi cernobili dhe u infektua ajri, askush nuk i hodhi ushqimet e importuara qe vinin nga jashte. Por ath ne qe kemi qene ne ate kohe ne Shqiperi dhe kemi ngrene nga keto ushqime dmth i bie qe edhe ne drejt asaj rruge jemi: "TE VDESIM NGA KANCERI?"



White_Angel

Nuk e di se cili eshte shkaku i kesaj semundje.
Di vetem efektet qe shkakton duke par 2 nga njerzit qe adhuroja te iknin x shkak te saj..
X mendimin tim eshte AJRI arsyeja kryesore, pastaj dhe ushqimi...

[shigjeta]

Një ilaç i ri premtues për pacientët me kancer

Rezultatet e një prove të pjesshme klinike të një ilaçi të ri për të luftuar kancerin japin shenja premtuese për pacientët që vuajnë nga disa lloje kanceri. Ilaçi i ri, quhet Olaparib dhe sipas shkencëtarëve arrin të bllokojë rritjen e qelizave kanceroze që shkaktohen nga një ndryshim i pazakontë gjenetik.

Irina Slutsky është trajtuar disa herë nga kanceri i vezoreve, pa sukses.

Por shpresa i është kthyer pas marrjes së ilaçit Olaparib.

“Më parë nuk bëjë dot asgjë për veten, mezi ngrihesha nga krevati, tani kam filluar punën normalisht dhe merrem me gjithë detyrat e tjera si nën”.

U deshën disa muaj që tumori të zvogëlohej dhe dhimbja t’i ikte.

Irina nuk është vetmja që ka shspresë.

Njerëzit që kanë ndryshimin gjenetik të njohur si BRCA, që mund të jenë 1 në 1 mijë, kanë rrezik më të madh të preken nga kanceri i gjirit, i vezoreve, pankreasit dhe prostatës.

60 burra e gra iu npënshtruan provës së parë me ilaçin e ri olaparib.

Vetëm 22 prej tyre kishin ndryshimin gjenetik BRCA.

Të gjithë pacientët morën fillimisht një dozë të vogël tyë ilaçit djhe pas tre javësh ajo u shtua në 600 miligramë.

Mjekët thonë se tumori u zvogëlua në 40 përqind të rasteve të pacientëve me genin BRCA që kishin edhe formën më agresive të kancerit të gjirit, vezoreve dhe prostatit.

Ilaçi Olaparib vepron ndryshe nga ilaçet e deritanishëm. Ndërsa qelizat rriten e shumohen,

shpesh ato dëmtohen. Një enzimë e quajtur PARP, vepron për riparimin e tyre.

Ilaçi Olaparib godet pikërisht enzimën PARP në qlizat kanceroze që shkaktohen nga geni BRCA.

Mjeku Erik Winer, i Institutit të Kancerit Dana Farber, thotë se ilaçi i ri përbën lajm të mirë veçanërisht për gratë.

“Rezultatet pozitive u panë tek gratë që kishin formpën më të rëndë të kancerit.”

Mjekët thonë se është ende tepër herët të thuhet në se Olaparibi do të jetë një ilaç magjik. Do të duhen prova rtë tjera para se të konfirmohet efektshmëria e ilaçit.

Studimi u krye nga mjekët në Britani dhe u mbështet me financime nga firma farmaceutike AstraZeneca. //rd//

marr nga VOA

[Safka]

Tema mbi kancerin është një temë e dhimbshme... Gati nuk ka familje që nuk ka të prekur dikë nga kanceri.Gjyshja ime ka vdekur nga kanceri i gjirit, poashtu edhe motra e saj kur ka qenë shumë e re.
Këto netë kam parë se si përpëlitet gjyshi im nga dhimbja e kancerit të collonit,
është shumë vështirë kur sheh dikë të afërm në atë gjendje dhe s'ke mundësi t'i ndihmosh. As analgetikët më të fortë nuk ndihmojnë më.
Nuk i lexova të gjitha postimet, besoj se është thënë shumë,
unë do të shtoja edhe atë se tumoret dhe kanceret ndryshe quhen neoplazma, që don të thotë qeliza të reja, ind i ri, i tepërt.
Të gjithë pyeten përse ndodh kjo, përze ndonjë qelizë, në një moment të caktuar nis e ndahet pa kontroll, shtohen dhe krijojnë një masë tjetër të panevojshme dhe shumë të dëmshme për organizmin. Ë shtë vërtetuar se shkaktarë janë gjenet që i posedon çdo qelizë,gjenet tumor supresore (nga ndonjë shkak ato mutojnë dhe nuk funkcionojnë) dhe gjenet tumor aktivatore (nga ndonjë shkak aktivizohen).
Nëse qelizat vetëm shtohen njëra mbi tjetrën dhe krijojnë një masë me kapsullë,e cila mund të hiqet me operacion, atëherë flasim për tumor beninj apo kurabil,por nëse qelizat jo vetëm që shtohen por e ndryshojnë edhe formën e tyre, marrin një formë bizare (shumë të çuditshme dhe krejt tjetër nga organi nga i cili rrjedhin) po edhe funkcioni i tyre rritet apo ndryshon (prodhojnë hormone të ndryshme apo supstanca tjera), atëherë flasim për tumor malinj apo kancer. Ky tumor është gati i pashërueshëm, masa që rritet nuk është shumë e madhe, nuk ka kapsullë, me anë të gjakut apo të limfës udhëton nëpër organizëm dhe mund të ndalet nëpër organe të tjera, këto janë metastaza. Në bazë të agresivitetit të tij ndahet në shkallë të ndryshme.
Çdo organ mund të bëjë tumor,
mushkëritë, gjinjtë,vezoret,gryka e mitrës,zorra e trashë,lukthi,koskat,mëlçia,tumoret e qelizave të bardha (leukemitë), prostata dhe truri janë organe që i përmendim më së shumti (gati gjithë i përmenda).
Deri më tash është vërtetuar se duhani është shkaktar kryesor i kancerit të mushkërive, pastaj rrezatimet e ndryshme, virusët, i tillë është HPV i cili është shkaktar i kancerit të qafës së mitrës, pastaj ndonjë lëndim i vazhdueshëm mekanik. Nuk është e vërtetuar se streset psiqike janë shkaktar të kancerit, po asgjë nuk mundet as të refuzohet me siguri.
Çdo alterim malinj i qelizave ndahen në shumë lloje. Po kjo s'ka edhe aq rëndësi kur terapia gati është e njejtë.
Shpresoj se një ditë do t'i gjindet ilaçi edhe kësaj sëmundjeje,
shpresoj kjo të ndodhë sa më shpejt për të gjithë njerëzit e sëmurë që i kemi.
Duhet ta dimë se kanceri është shumë më mirë të prevenohet se sa të kurohet,
një jetë e shëndetshme, me më shumë ushqim natyral dhe të shëndetshëm, mbase do të kishte ndihmuar sadopak, po ku ta dish...

[shigjeta]

Aspirina ndihmon pacientët me kancer në zorrën e trashë


Që prej kohëve të lashta, njerëzit kanë përdorur barna kundër dhimbjeve dhe temperaturës. Por shkencëtarët e kohës sonë kanë gjetur arsye të tjera për përdorimin e aspirinës. Ky ilaç ndihmon rrjedhën e gjakut nëpër artere. Si rezultat, pacientët me rrezik për blokim arteresh, shpesh rekomandohen nga mjeku të marrin cdo ditë një aspirinë me dozë të ulët. Dhe ndërsa studimet në fushën e aspirinës vazhdojnë, një studim i ri tregon se aspirina mund të ndihmojë edhe pacientët me kancer në zorrën e trashë.

Studimi i kryer mes 1 mijë e 300 pacientëve me këtë lloj kanceri tregoi se pacientët që morrën aspirinë 325 miligramëshe të paktën 2 herë në javë ishin 30 përqind më pak në rrezik të vdisnin nga kanceri në zorën e rtrashë, në krahasim me pacientët që nuk morrën aspirinë. Ky studim u krye në spitalin e përgjithshëm në Masaçusest mes pacientëve që kishin mesatarisht 11 vjet që ishin diagnostikuar me kancër në zorrën e trashë.

Por shkencëtarë të tjerë paralajmërojnë se përdorimi i asapirinës në doza të larta mund të shkaktojë dëme si në stomak, zorrë e tru, prandaj gjithmonë pacienti duhet të këshillohet me mjekun para marrjes së aspirinës.

Astrit Lulushi - VOA

[tvsh]

Qelizat jetojne pastaj vdesin. Ne disa prej tyre mitosis ndodh edhe kjo e acaron, proliferate qelizat kancerogjene. Nje nga arsyet pse kanceri merr vrull te shpejte. Mitosis eshte shume e mire por jo kur ndodh tek qelizat kancerogjene.

Por pse ndodh kanceri pikesepari? Shume teori jane por nje qe do them me poshte eshte e konfirmuar,

Kanceri behet kur c'rregullohet sistemi i grumbullimit normal i qelizave te vdekura.

Teoria te tjera jane??? cilat?

Derri eshte kafsha me e paprekur nga ambicjet monetare sepse nuk do shume shpenzime. Mishi i derrit eshte me i sigurti sot per tu konsumuar.

[LuLiKraS]

Dua te bej nje pytje të Drejt për Drejt.

Sigurishtë është pytje por përgjigja është e vështirë po sigurisht ndokush nga ju do më përgjigjet?:

Njof një Shqiptarë Kosovarë - Ishte 26 Vjeqarë kishte pirë Duhanin rreth 10 Vitësh por kishe ndaluar atë para 22 Muajve.

Nuk ka përdor Alkol e as nuk ka përdorur ndonjë her gjëra narkotike.

Pasi që i bëri një Visitë Kosovës për 2 jav në vizitë u kthye ne Shtetin te cilen Jetone...
Pas disa ditëve Ishte i Smurë dhe Vizitoj Mjekun dhe Mejku i bëri Analizat dhe Fotografim dhe rrezulltati ishte me Kancer Femror.

Qfarë mendoni Sa jan shancet e shpëtimit?

[mia@]

Dua te bej nje pytje të Drejt për Drejt.

Sigurishtë është pytje por përgjigja është e vështirë po sigurisht ndokush nga ju do më përgjigjet?:

Njof një Shqiptarë Kosovarë - Ishte 26 Vjeqarë kishte pirë Duhanin rreth 10 Vitësh por kishe ndaluar atë para 22 Muajve.

Nuk ka përdor Alkol e as nuk ka përdorur ndonjë her gjëra narkotike.

Pasi që i bëri një Visitë Kosovës për 2 jav në vizitë u kthye ne Shtetin te cilen Jetone...
Pas disa ditëve Ishte i Smurë dhe Vizitoj Mjekun dhe Mejku i bëri Analizat dhe Fotografim dhe rrezulltati ishte me Kancer Femror.

Qfarë mendoni Sa jan shancet e shpëtimit?

Varet ne cfare faze eshte kanceri. Nese ka arritur te metastaza, pra eshte perhapur shancet jane te pakta qe ai mund te jetoje per nje kohe te gjate.

[LuLiKraS]

dea_07 te faliminderit per pergjigje.

Veret smundem ta pyes sepse me vjen turp ta pyes kur bisedoj me ate ne telefon.

Shpresoj se do te tejkaloj...

[uvejsa]

Eshte nje mjek ne Mal te Zi qe m'duket se i ka gjetur ilacin kancerit.

Nje i aferm i imi ka filluar para dy dite t'i perdore ato ilace dhe me kane thene se shume veta jane sheruar me ate ilac.

Une nuk e di sa qendron kjo ne realitet, por ata qe me kane thene ka qene dikush i tyre qe eshte sheruar ne kete menyre.

[LuLiKraS]

Si mund te gjej Kontakt me mjekun ne Mal te Zi?

[uvejsa]

Si mund te gjej Kontakt me mjekun ne Mal te Zi?

E kam numrin e tij, nese do t'a shkruaj ne privat, ama me te mund te flasesh vetem nese e din gjuhen serbo-malazeze.