A ka Spiune ne opozite??
Her mbas here ata cfaqen..
Ja c'thote GSH
---------------------
Kreu i grupit parlamentar të PDr, Nard Ndoka: "Unë nuk mund të them se deputetët tanë kanë votuar pro apo kundër, por e rëndësishme është që ata e kanë pranuar vendimin politik të partisë"
Llogaritjet, "Aleanca për Shtetin" arrin deri në 79 deputetë. Misteri pas votbesimit të Qeverisë
Dy vota të opozitës pro Nanos
PD dyshon për reformatorët Tepshi e Ndoka
--------------------------------------------------------------------------------
Ndonëse të gjitha forcat politike të spektrit të djathtë u deklaruan në mënyrë të prerë e të qartë, se do të votonin kundër qeverisë "Nano", gjatë procesit të votëbesimit në Kuvend tabela elektronike në sallë tregoi të kundërtën.
Reformatorët pro
Ndërmjet votave të socialistëve dhe aleatëve të tyre ishin edhe dy vota pro qeverisë, që nuk i përkisnin këtij koalicioni, por Partisë Demokrate. Ndonëse diskutimet e shumta dhe të tejzgjatura për programin e qeverisë së re bënë që shumë pjesëmarrës në sallë të mos shikonin se kush votoi pro apo kundër, disa deputetë të Partisë Demokratike, të interesuar që qeveria të mos merrte votëbesimin, kanë vënë re se dy deputetë reformatorë kanë votuar pro qeverisë. Madje drejtues të selisë blu bënë të ditur dje, se dy votat e mësipërme ishin të deputetëve: Jak Ndoka e Qazim Tepshi. Kryetari i grupit parlamentar të PD(r)-së, Nard Ndoka, tha se vendimi politik i grupit parlamentar ishte për të votuar kundër. "Unë nuk mund të them se deputetët tanë kanë votuar pro apo kundër, por e rëndësishme është që ata e kanë pranuar vendimin politik të partisë". Ndërkohë dy deputetët e mësipërm kanë fajësuar kompjuterin.
Përllogaritja
Gjatë jetës parlamentare nuk është hera e parë që kompjuteri mund të jetë fajësuar nga deputetët, se nuk ka funsionuar si duhet, duke shtrembëruar edhe votimin në sallën e Kuvendit. Por, po të kemi parasysh numrin e votave pro qeverisë dhe të atyre kundër, në rastin konkret mund të mendohet se nuk ka ndodhur një gabim i tillë. Qeveria "Nano" arriti të marrë 81 vota pro, 48 kundër dhe dy abstenime. Partia Socialiste siguroi 71 votat e deputetëve të saj. Krahas këtyre votave, ajo siguroi edhe tri votat e Partisë Agrare, një të Aleancës Demokratike, pasi dy deputetë të tjerë të saj deklaruan votën kundër; një të socialdemokratëve, kundrejt tri votave abstenuese po të kësaj partie, si dhe tri vota pro të Partisë Bashkimi për të Drejtat e Njeriut. Po të mbledhim 71 votat e deputetëve socialistë me 8 votat e aleatëve, dalin 79 vota të koalicionit "Aleanca për Shtetin", ndërkohë që tabela elektronike ka shënuar 81 vota në mbështetje të kabinetit "Nano". Çdokush e ka të vështirë të fajësojë sistemin kompjuterik, ndërkohë që votat pro dhe kundër brenda koalicionit kanë qenë të deklaruara.
QAZIM TEPSHI
"Nuk është e vërtetë se kam votuar pro gjatë votëbesimit të kabinetit të ri qeveritar. Megjithatë nuk përjashtoj ndonjë defekt në sistemin kompjuterik gjatë përllogaritjes së votave". Ky ka qenë deklarimi i deputetit të dytë të Partisë Demokrate, i cili fajësohet për votën e tij pro qeverisë "Nano". Kompjuteri mund të gabojë, si edhe më parë, për deputetët e Partisë Demokratike.
JAK NDOKA
Deputeti i Partisë Demokrate, Jak Ndoka, mohoi të ketë votuar pro qeverisë, duke thënë se kjo mund të jetë vetëm një defekt në sistemin kompjuterik. "Unë di që vota ime ka qenë kundër qeverisë së re të kryesuar nga Nano, por nuk është faji im nëse nga kompjuteri mund të jetë bërë ndonjë gabim. Ne kishim marrë një vendim politik më parë dhe nuk kishim arsye për ta shkelur atë".
-------------------
"Gabimet e kompjuterit", edhe në votimin për kreun e SHIK
--------------------------------------------------------------------------------
Eshtë hera e dytë që brenda një harku hohor prej dy muajsh deputetët fajësojnë sistemin kompjuterik gjatë procesit të votimit. Ndërsa Parlamenti ka votuar 83 projektligje brenda këtij viti dhe 37 vendime, kompjuteri është fajësuar kur kanë ndodhur votime tepër të debatueshme, siç ishte rasti i votëbesimit të qeverisë apo ai i votimit për shkarkimin e kryetarit të SHISH-it, Fatos Klosi. Edhe në rastin e këtij të fundit, ndonëse votimi ishte i fshehtë, tabela elektronike nxori katër vota pro, përveç atyre të deputetëve të Partisë Socialiste dhe aleatëve të saj. Në këtë rast nënkryetarja e Partisë Demokratike, Jozefina Topalli, tha se "i gjithë faji për numrin jo të saktë të votave që ishin kundër shkarkimit të Klosit, përfshirë edhe 4 vota të opozitës, ishte i kompjuterit të Kuvendit".
------------
Po po kompjuteri ka faj.
Ka fut Klosi agjenta brenda ne Cipat Digital mikroskopik qe projektohen ne TT te Amerikes e prodhohen me teknologjin e NANOTEKNIKES ne Taivan ose Malajzi.
Aha ..po Nanoteknika ka lidhje me Tos Nanon...lol.
Krijoni Kontakt