Emigrantet, rrezik per sigurine kombetare
E Enjte, 04 Nentor 2004
Strategjia Kombetare e Sigurise, e miratuar nga qeveria, percakton se largimi i paligjshem i shqiptareve nga vendi i tyre cenon sigurine kombetare. Pasojat negative te emigracionit klandestin: Humbje jetesh, rrjedhja e pakontrolluar e inteligjences shqiptare, plakja artificiale e popullsise, mungesa e deshires per te punuar, si dhe forcimin i ndjenjes se largimit nga vendlindja. Kuvendi do te vendose brenda nentorit
Renato KALEMI
Fenomeni i emigracionit te shqiptareve drejt vendeve te tjera te botes, me te cilin po perballet gjithnje e me shume shoqeria e sotme, eshte klasifikuar si nje rrezik per kombin shqiptar, zhvillimin ekonomiko-social te Shqiperise, si dhe per sigurine e saj ne te ardhmen. Por, mbi te gjitha, emigrimit klandestin drejt vendeve perendimore dhe sidomos per ne vendet fqinje, si Italia apo Greqia, cilesohen se paraqesin nje rrezik real per te sotmen dhe te ardhmen e Shqiperise. Ky rrezik eshte parashikuar ne Strategjine Kombetare te Sigurise, e cila eshte hartuar nga qeveria shqiptare dhe qe pasqyron zhvillimet e politikave shteterore per sigurimin e qytetareve, te shoqerise dhe te shtetit demokratik shqiptar ndaj kercenimeve e rreziqeve te brendshme dhe te jashtme.
Strategjia Kombetare e Sigurise, nje kopje te se ciles e disponon "Korrieri", ka si objektiv perballimin e sfidave te mundshme te sigurise ne te tashmen dhe te ardhmen, duke marre parasysh burimet e kapacitetet reale ne dispozicion te vendit dhe pritet qe te diskutohet brenda nentorit edhe ne Kuvendin e Shqiperise. Sipas kesaj strategjie kombetare, efektet e fenomenit te emigracionit shprehen ne humbje jetesh, rrjedhjen e pakontrolluar te inteligjences shqiptare (ikja e studenteve me te pergatitur jashte shtetit), plakjen artificiale e popullsise, mungesen e deshires per te punuar, si dhe forcimin e ndjenjes se largimit nga vendlindja. Aktualisht, vleresohen ne rreth 1 milione shqiptaret qe kane lene vendin ne menyre te paligjshme prej vitit 1990, duke perfituar me pas nga fushatat e legalizimeve ne vendet perkatese.
Nderkaq, ne kete projekt-strategji, rreziqet qe mund t'i kanosen Shqiperise, jane te klasifikuara ne kercenime me natyre te brendshme, nderkombetare dhe globale. Nder te paret eshte renditur krimi i organizuar ne vend, pasi jane vene re shperpjestime ndermjet mjeteve te pamjaftueshme per ta zbuluar, luftuar dhe ndeshkuar ate dhe tendences qe ka zhvillimi i ketij krimi. Gjithashtu, nje tjeter kercenim eshte cilesuar edhe destabiliteti politik, si dhe zhvillimi i pamjaftueshem ekonomik i vendit tone, ku i pari mund te shkaktohet nga mosarritja e konsensusit politik per ceshtje te rendesishme, ndersa i dyti, nga mosplotesimi i nevojave elementare jetike dhe fenomenet negative, si korrupsioni e kontrabanda.
Per sa i perket rreziqeve me karakter nderkombetar, jane renditur perdorimi forces ushtarake qe ve ne rrezik sovranitetin, konfliktet etnike, terrorizmi si nje mjet ekstrem i dhunes, krimi i organizuar dhe trafiqet e paligjshme. Kurse, ne rreziqet me karakter global renditen perhapja e armeve te shkaterrimit ne mase dhe e lendeve radioaktive, ndotja e mjedisit dhe semundjet me karakter masiv qe kane tendence gjithnje rritese, si dhe reduktimi i burimeve hidrike. Nderkohe, ne projektin per Strategjine e Sigurise Kombetare parashikohet se ndertimi dhe funksionimi normal i institucioneve demokratike shteterore dhe shtetit ligjor jane rruget me efektive per arritjen e stabilitetit e te sigurise se brendshme.
(Korrieri 04/11/2004)
Krijoni Kontakt