Close
Faqja 2 prej 2 FillimFillim 12
Duke shfaqur rezultatin 21 deri 34 prej 34
  1. #21
    Updating.... Maska e Wordless
    Anëtarësuar
    19-06-2002
    Vendndodhja
    Undercover
    Postime
    3,154
    Hajde tolerancë fetare hajde!!!
    Si ka nisur kjo punë, "profecitë" e ateisto-komunistëve, siç i quan me përbuzje dikush
    që ka njojtur Zotin tek i cili beson gjithë Bota (!!! !?po budistet i perkasin kesaj Bote?! !!!),
    do permbushen; perçarje, urrejtje, ndarje ...

    Ne Shqiprie ku jeton nje komb me shume fe duhet bere shume kujdes kur flet
    per besimet. E mira e te mirave eshte qe secili ta mbaje besimin çeshtje personale,
    te shmangen simbolet, te shmangen fjalet me nenkuptime ofenduese (si psh
    "ne Ortodoksit qe nuk tradhetum fene e te pareve" e cila nenkupton automatikisht
    qe myslymanet jane "tradhetare te fese te te pareve" sikur feja e te pareve fillon me
    Ortodoksine). Duhet te shmanget nderhyrja
    e te huajve ne organizimin fetar te Shqiperise; as Greke, as Italjane, as Arabe
    ne punet tona, ndryshe do fillojme te haemi per problemet e Botes duke harruar
    ato tonat, nje arsye me shume per perçarje.

    Me kujtohet nje profesor ne Universitetin e Tiranes (vitet e para te demokracise),
    pasi kthehet nga nje specjalizim ne Selanik, ne nje provim te pjesshem fillon e
    lexon listen e emrave dhe ne fund ben bilancin: kaq Myslymane, kaq Ortodoks e
    kaq Katolik! Shikova rreth e rrotull, ishte hera e pare qe degjoja per nje ndarje
    sipas feve, fillova te kerkoj ndryshimin, te kerkoj ate qe se kisha vene re kurre
    me pare!! Psikoza ben punene e saj, me kalimin e kohes vertet qe fillon e
    shikon ndryshimin, me vitet hendeku shtohet dhe dallimi ndoshta do arrije
    nje dite ne ate pike qe enderrojne "fetaret" ekstremiste ... Jo martese
    te "perzeir", jo "zakone" te perziera, vellai ne fe eshte me i rendesishem se
    vellai ne gjak!!!

    Mire po e punoni kete popull o "seminarista", "fundamentalista", "abdibaletista",
    "myftarista" .... Do ja pini lengun nje dite kesaj fare qe po mbillni ... Seç kam
    nje frike qe do jete leng i hidhur si urrejtja qe jashteqitni!

    Toleranca fetare eshte te lesh ate brenda pragut te shtepise, kishes apo xhamise
    kur vjen e flet me vellezerit e gjakut, te gjuhes e te zakonit.

    Ne te kundert s'ka nevoje t'ju jap shembuj se zelli u ka bere qe te mos lini liber
    historie pa lexuar dhe na i citoni me krenari per te vene ne dukje se sa luftra, gjak,
    masakra jane bere ne emer te feve ne te cilat besoni.

    Toleranca nuk eshte mit, ka shume Shqiptare qe besojne ne te!

  2. #22
    i/e regjistruar
    Anëtarësuar
    08-12-2003
    Vendndodhja
    NY
    Postime
    3
    RonSotiri,

    Te faleminderit qe mi kurseve nja 10 minuta shkrim, sepse i the te gjitha qe i kisha ne mendje. Keto gjera do te ishin qesharake sikurse mos te ishin te rrezikshme. Une kam qene nje here ne jeten time ne Shqiperi, edhe ata per 3-4 dite me 1991. Nuk e njoh situaten atje, per tue u bazua ( apo, duke u bazuar ...) ne cka degjoj prej njerezve qe vijne nga atje, ne Shqiperi mbizoteron tolerance e nivelit te larte. Por me bezdisin lajmet si "Bllokohen fondet e terroristeve" apo "Rrezohet kryqi ne XYZ' . Beso une e di mire se si fillon problemi. E kam pare me sy ne Bosnje ku studjoja nga fundi i viteve 80-ta. Gazetat, televizioni, e posacerisht thash-e-themjet e bejne te veten. Kam edhe sot e kesaj dite kontakt me njerez nga Sarajeva, shumica te hapur neper bote, dhe me thone se as ata nuk e dine se c'dreq u ndodhi.

    Me gjithate, ka nje ndryshim mes Shqipetareve dhe Boshnjake, Serbeve dhe Kroateve. Ata nuk e kane konsideruar si pjestare ne nje kombi, por te tri kombeve. Gjithashtu ata u coptuan gjate luftes se dute boterore. Na s'e kemi kete problem por mund te krijohet. Te kujtohen ata "bamiresa" qe u perzune nga FBI nga Tirana. Do te ishte fat qe te tri fete zyrtare te udheheqen nga shqipetar etnik.
    Kjo posacerisht vlen per ate Musliman (ardhja e fundamentalistave nga bota Arabe) dhe Orthodoks (per arsye te pretenzioneve teritoriale te Greqise).

    Tek ne ish-Yugo martesat mes shqiptareve ishin shume te rralla dhe gjithmnone me probleme. Tragjedi, por na e lane kete virus te huajt.

    Per fat te keq duket se kane cuar krye nje grup "bamiresish" nga te gjitha anet.

    Nuk eshte e rastit qe Vijislav koshtunica, presidenti i pare pas Millosheviqit, ne nje interviste tha se " Epiqendra e konfliktit ne Ballkan do te shpengulet ne Shqiperine e Jugut". Cdo here qe degjoj per "rrezimin e kryqit" apo "Ceshtja e Himares" etj. me kujtohet fjala e Koshtunices, qe rezulton se ka forca te cilat me te vertete e duan kete .

    P.S. Une nuk jam edhe aq gjuhtare sa ju tjeret, sepse jam shkolluar ne gjuhe te huaja, prandaj kerkoj falje per gabime 9korigjimet jane te mireseardhura).........

    Edhe nje gja, e kam lexuar librin e Myftarajt. Duket i edukuar , por nuk di se cka dreqin gjuan ai. Sipas tij duhet ndare shqiperine. Une thom harroje. Nuk egziston vend pa ndamje, racore, etnike, jug-veri, lindje-perendim, qytetar-katundar, dialektik etj. etj. Kjo ndarje egziston ne Itali, ne Gjermani por edhe ketu ne Amerike. Prandaj, mendimet i tij per mue ishim me shume informative se sa profetike.

    Kalofsh mire........
    Larg nga atedheu, por me zemer e mend jam atje

  3. #23
    Ikon-thyes Maska e Qafir Arnaut
    Anëtarësuar
    27-07-2002
    Vendndodhja
    Shum po shndrit aj Diell, e pak po nxeh
    Postime
    1,542
    Citim Postuar më parë nga RoniSotiri
    Toleranca nuk eshte mit, ka shume Shqiptare qe besojne ne te!
    Ne fakt toleranca vertet nuk eshte 'mit', pasi 'miti' nuk ka asnje grimce te vertete ne te. Le ta quajme 'legjende' me mire.

    Eshte e vertete qe njerez si Myftaraj i fryjne zjarrit se bashku me 'fetaret' e tjere. Sidoqofte, kjo eshte normale ne Ballkan. Anomalia ketu jemi ne, dmth njerez si une qe jane gjys Geg e gjys Tosk, gjys Sunit e gjys Bektashi, etj etj etj..

    per aq kohe sa ka shume si une, ne do te jemi garanci qe marrina si puna e ketyre ideve te Myftarajt te rrijne vetem ne koken e te 'traumatizuarve' nga hegjemonia 'tosko-centrike' e Tiranes.

  4. #24
    i/e larguar Maska e forum126
    Anëtarësuar
    05-10-2003
    Vendndodhja
    USA
    Postime
    1,198
    Citim Postuar më parë nga Qafir Arnaut
    Edhe une mejtonj qe 'harmonia fetare' eshte nje mit. Vete fakti se c'behet ketu me Ortodokset e Muslimanet tregon se bashkejetesa e ketyre komuniteteve brenda kombit tone eshte nje fuci baruti. Une jam gjys Shkodran dhe e di te verteten e 'harmonise fetare' ne Shkoder.
    .
    Per mendimin tim ne Shqiperi gati i gjithe tregon tolerance. Pra jemi me afer Po-se se Jo-se. Ne rrafshin popullor te perditshem, me komshinj, e me shoke ka tolerance.

    Sa per me lart se populli me sa u permend ne shkrimin ne fillim fare aty duket se Tolerance eshte fjale e huaj.

    Por sa per Shkodren me sa mbaj mend une rremuja filloi kur Prifti Katolik theksoi:" Rinia Katolike eshte e ardhmja e Shkodres".

  5. #25
    i/e larguar Maska e forum126
    Anëtarësuar
    05-10-2003
    Vendndodhja
    USA
    Postime
    1,198
    Citim Postuar më parë nga RoniSotiri
    Hajde tolerancë fetare hajde!!!
    Si ka nisur kjo punë, "profecitë" e ateisto-komunistëve, siç i quan me përbuzje dikush
    që ka njojtur Zotin tek i cili beson gjithë Bota (!!! !?po budistet i perkasin kesaj Bote?! !!!),
    ....................
    Toleranca nuk eshte mit, ka shume Shqiptare qe besojne ne te!
    Me ty jam o trim.

    Populli me te vertete jo vetem qe beson ne tolerance por edhe eshte i tille.

  6. #26
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Ajo qe me habit mua me shume se cdo gje tek debatet mbi fene dhe tolerancen fetare, eshte PADITURIA e shqiptareve si mbi fene edhe mbi tolerancen fetare. Detyrimisht, ju jepni mendim per gjera qe nuk i njihni. Si mund te vleresosh ate qe nuk e njeh e nuk e sheh dot?!


    Ne Shqiprie ku jeton nje komb me shume fe duhet bere shume kujdes kur flet
    per besimet. E mira e te mirave eshte qe secili ta mbaje besimin çeshtje personale,
    te shmangen simbolet, te shmangen fjalet me nenkuptime ofenduese (si psh
    "ne Ortodoksit qe nuk tradhetum fene e te pareve" e cila nenkupton automatikisht
    qe myslymanet jane "tradhetare te fese te te pareve" sikur feja e te pareve fillon me
    Ortodoksine). Duhet te shmanget nderhyrja
    e te huajve ne organizimin fetar te Shqiperise; as Greke, as Italjane, as Arabe
    ne punet tona, ndryshe do fillojme te haemi per problemet e Botes duke harruar
    ato tonat, nje arsye me shume per perçarje.
    Mendimi yt eshte tipik mentaliteti post-ateist shqiptar. Ti thua, une si besimtar orthodhoks, komuniteti im ne te cilin jetoj, nuk duhet te mbajme Kisha, Kryqe, kembana, sepse ti qe nuk je besimtar fyhesh nga keto. Ai muslimani qe shkon ne xhami, ai hoxha qe kendon nga minareja, nuk duhet te kendoje, sepse nuk i pelqen RoniSotirit dhe shqiptareve te tjere si puna tende qe nuk besojne ne Zot apo ne ate fe. Keto mentalitete utopike, jo vetem qe nuk reflektojne tolerance fetare, por jane kryekeput anti-fetare dhe anti-kombetare.

    Qe kur ti mohosh nje besimtari shqiptar qe te praktikoje fene e tij qenka kombetare?
    Qe kur ti mohosh nje komuniteti fetar qe te jetoje besimin e tij qenka kombetare?
    Nga ndryshon ky qendrimi yt nga qendrimi i Enver Hoxhes qe i mbylli kisha e xhami dhe i burgosi te gjithe kleriket, shkaterroi gjithe komunitetet dhe traditen fetare?!

    Te gjitha ato qe ke shkruajtur me lart nuk thone asgje per tolerancen fetare, tregojne se sa anti-fetar je ti si person dhe sa pak e njeh traditen fetare shqiptare.


    Toleranca fetare eshte te lesh ate brenda pragut te shtepise, kishes apo xhamise kur vjen e flet me vellezerit e gjakut, te gjuhes e te zakonit.

    Pra feja per mendjen tende eshte si puna e nje kostumi, qe e vesh dhe e heq kur te duash. Nuk eshte bota shpirterore e nje njeriu qe eshte pjese e tij ne cdo fryme qe merr dhe cdo mendim qe i vjen ne koke. Ta thash edhe me lart, fjalet e tua tregojne se sa pak njeh ti fene dhe detyrimisht qe nuk e ke idene fare per "tolerancen fetare".

    Te jesh tolerant do te thote qe te respektosh te drejten e besimtareve te tjere te zgjedhin dhe praktikojne fene e tyre ne cdo kohe e ne cdo vend, ashtu sic do te pelqente qe edhe ata besimtaret e tjere te te respektonin ty te drejten per te zgjedhur dhe praktikuar fene tende.


    Toleranca nuk eshte mit, ka shume Shqiptare qe besojne ne te!

    Qe kur toleranca fetare qenka kthyer ne nje besim/fe? Toleranca fetare kthehet ne nje besim apo fe vetem tek ata njerez qe nuk besojne ne Zot dhe nuk kane nje bote shpirterore. Toleranca fetare nuk eshte as mit dhe as besim, eshte menyre te jetuari.


    Shqiptaret nuk kane tolerance fetare, kane tradite fetare

    Toleranca fetare eshte nje togfjalesh i pakuptimte ne rradhet e shqiptareve, pasi shqiptaret kane dicka me shume se sa "tolerance", kane TRADITEN FETARE. Tradita fetare e cdo komuniteti eshte e ndare nga komunitetet e tjera, asnje komunitet nuk i fut hundet ne punet e komunitetit tjeter, por kur nje komunitet feston nje feste fetare, te gjitha komunitetet festojne se bashku, qofte kjo feste Pashke apo Bajram.

    Prandaj shpenzoni me shume kohe qe te studioni e mesoni traditen shekullore te komuniteteve tuaja, ne qofte se doni te njihni themelet e harmonise fetare ne Shqiperi.

    Albo
    "Babai i shtetit është Ismail "Qemali", e zbuloi Edvin shkencëtari!"

  7. #27
    Άγιος Ειρηναίος της Λυών Maska e Seminarist
    Anëtarësuar
    10-05-2002
    Postime
    4,982
    Une per vete kam Respekt per Kastriot Myftaraj-n, me kaq sa kam pare une, edhe nuk jam DAKORT fare me akt-akuzat tipike komuniste qe i jane bere mendimit te LIRE te ketij individi UNIK ne mjedisin shqiptar. E them kete jo se mendoj se ne mendimet e tij Myftaraj eshte i pagabueshem. Megjithate Rikonkuista e Myftarajt eshte shume me pozitive se sa agresiviteti hileqar i Belat-Ferajve



    Z. Qafir


    uni kam ni propozim per tye, me patun mundsine qe, n'qosh se se poston dot n'forum, me e lexue pak gjane e gjate kaptinen 14 t'shkrimit te Myftarajt mbi Baleten&Co, tek www.uk.geocities.com/liriaemendimit/, e me mujt ssssbashkut me analizue drejt at cashtje...

  8. #28
    i/e regjistruar Maska e Iliriani
    Anëtarësuar
    24-03-2004
    Postime
    986
    Gazeta Shekulli
    HELMI I PËRÇARJES FETARE

    GJERGJ BUXHUKU

    Një grumbull ngjarjesh, që ndodhin ashtu si rastësisht nga veriu në jug po mundohen të shkatërrojnë atë çka është në thelb më e mrekullueshmja e vetë kombit shqiptar: mirëkuptimin ndërfetar. Si rrallë herë në historinë botërore, shqiptarët kanë ditur të ndajnë edhe në shekujt e errësirës mesjetare në mënyrë të shkëlqyer ndjenjën kombëtare nga ndjenja fetare individuale. E para, ka qenë përkatësia kombëtare e shqiptarëve, gjithçka tjetër vinte pas saj. Edhe vetë shteti shqiptar u ndërtua në dy themele bazë, pra në mbizotërimin e ndjenjës kombëtare dhe bashkëjetesën e mrekullueshme të shqiptarëve të feve të ndryshme.
    Pikërisht, atë çka armiqtë shekullorë të shqiptarëve nuk kanë mundur ta bëjnë në shekuj, po përpiqen në mënyrë paradoksale dhe perfide ta bëjnë sot. Ata e dinë se nëse fusin fitilat e ndarjes fetare, rrënojnë njërin nga themelet e shtetit të shqiptarëve, duke krijuar kushtet për ta mbajtur minimalisht në gjendje jo të qëndrueshme dhe për të patur më pas të gjitha kushtet për të ndalur zhvillimin ekonomik dhe social të tij. Ashtu si rastësisht, në mënyrë të përsëritur vidhen kishat ortodokse në jug, në gazeta dhe fjalime të ndryshme politike hidhen dhe bëhen insinuata për emërime institucionale në baza fetare. Akuzohen të gjithë shtetarë dhe politikanë pa marrë parasysh për dëmet e pallogaritshme, që i bëhen kombit. Diku tjetër bëhen protesta deri te papa i Romës për të drejta të shkelura me qëllim ndaj një komuniteti fetar në favor të tjetrit dhe kështu me radhë. Të gjithëve u pëlqen të marrin pozën e të diskriminuarit dhe të marrit nëpër këmbë. Gjithçka ndodh në vendin, që kurrë nuk ka njohur diskriminime mbi baza fetare. As në vitet e para të pavarësisë, as në vitet ‘20 të luftës për konsolidimin e shtetit shqiptar, as në kohën e mbretërisë, për të mos diskutuar në periudhën e ateizmit të sforcuar deri në ekstrem të sistemit komunist.
    Nuk është aspak çudi që dikujt i nevojiten këta elementë të përgatitjes së një lufte, që kurrë nuk ka ndodhur në tokat shqiptare. Dhe nuk ka si të mos na shkojë mendja, që fitilat e ndezjes së luftës fetare ndërmjet shqiptarëve hidhen nga armiqtë historikë tanë në çaste të tilla me rëndësi historike të zgjidhjes së çështjes kombëtare. Të mos harrojmë se lufta e brendshme bazuar në ndarjen ndërfetare edhe pse për ne mund të duket si një përrallë e dëgjuar diku larg në kohë dhe distancë, është një nga elementët më të mirënjohur për kabinetet politike dhe qytetarët e thjeshtë të vendeve të zhvilluara, që janë shumë të rëndësishme për të vendosur për fatet e popujve dhe kombeve. Sepse, të gjithë kanë parasysh luftën në Bosnje të zhvilluar pothuaj krejtësisht mbi baza fetare. Kështu mund të vazhdojmë më tej në Lindjen e Mesme, Pakistan, Indi etj. nëpër botë. Nuk ka argument më të thjeshtë për t’u kuptuar për diplomacinë botërore për paaftësinë ose rrezikshmërinë e shqiptarëve për të ndërtuar shtet sesa t’u tregosh me fakte sado të vogla dhe të sajuara se në Shqipëri ka përveç krimit të organizur, mafias ndërkombëtare, korrupsionit, mungesës së zgjedhjeve të lira, varfërisë edhe probleme ndërfetare. Të gjithë ata shumë lehtë e kanë të bëjnë krahasimin me ç’ka ndodhur në vendet e tjera kaq afër nesh për t’i hequr ose zvogëluar shanset e shkëlqyera, që si rrallë ndonjëherë janë përpara kombit shqiptar si rezultat i ndryshimit të strategjisë ndërkombëtare në favorin tonë. Ata shumë më lehtë e kanë të pranojnë për konfliktet ndërfetare, sesa të kuptojnë realitetin pothuaj unik në botë përfshi edhe ata vetë, të tolerancës së jashtëzakonshme fetare të kombit të shqiptarëve. Kaq e papërsëritshme dhe e paprecedent është anashkalimi i ndjenjave fetare përpara ndjenjës kombëtare nga shqiptarët. Por, derisa ta kuptojnë të huajt këtë të vërtetë mund të jetë vonë nëse ne do t’u japim për mendjelehtësinë tonë shansin armiqve tanë të shpikin probleme fetare në vend.
    Të gjitha klanet dhe grupet që formohen në Shqipëri dhe uzurpojnë poste qeveritare dhe përfitime ekonomike nuk krijohen mbi baza të përkatësisë fetare, por vetëm mbi baza të përfitimeve materiale të ligjshme dhe të paligjshme qofshin ato. Asnjë politikan sado negativ të jetë për shqiptarët, të jemi të sigurtë se në asnjë rast nuk e ka patur në mendje, që grupazhin ta bëjë mbi baza fetare, por vetëm mbi përfitimet financiare përkatëse personale. Ka vetëm një përjashtim me rregullin e mësipërm dhe ky është pikërisht grupimi i politikanëve dhe biznesmenëve grekë së bashku dhe fatkeqësisht me kryepeshkopin e Kishës Ortodokse Shqiptare të importuar nga Greqia. Por kjo ka të bëjë me një faktor jashtëshqiptar, pavarësisht se në këtë grupim bëjnë pjesë edhe shumë shqiptarë të të gjitha përkatësive fetare, që direkt ose indirekt i ndihmojnë në pushtetin e pallogaritshëm, që ata kanë në ekonominë, politikën dhe median e Shqipërisë. Siç duket është pikërisht ky grupim, për hir të së vërtetës mjaft homogjen, që mbase mund të jetë edhe krijuesi dhe përfituesi i drejtpërdrejtë i grumbullit të çuditshëm të ngjarjeve të rënda me karakter fetar që kanë ndodhur kohët e fundit në vend. Ata i kanë të gjitha mjetet financiare, politike dhe institucionale të nevojshme për krijimin e ngjarjeve të tilla. Nuk është çudi që numri i rasteve të stisura të problemeve me karakter fetar në vend kanë ndodhur në kohën para dhe pas ardhjes së presidentit grek në Shqipëri. Shpeshherë duke përdorur në mënyrë të pavetëdijshme edhe vetë politikën shqiptare, që në një masë të madhe të etur për pushtet nuk llogarisin asgjë dhe janë të gatshëm të djegin gjithçka, edhe çatinë e tyre të përbashkët.
    Të mos harrojmë se në lojë tashmë është jo vetëm zhvillimi i Shqipërisë dhe integrimi i saj në BE, por edhe afrimi i çastit të zgjidhjes së problemit të Kosovës. Edhe atje serbët mundohen, që t’i japin përpjekjve të shqiptarëve për pavarësi ngjyra të luftës fetare të myslimanëve kundër ortodoksisë. Një vend si Shqipëria që nga armiqtë tanë vazhdon të quhet si një vend mysliman, do të ishte krejt i padëshirueshëm, nëse shfaqet edhe me probleme fetare të brendshme. Kjo është arsyeja, që jo vetëm institucionet përgjegjëse të shtetit shqiptar të bëjnë detyrën e tyre për të gjetur të gjithë autorët dhe inspiruesit e veprimeve të rënda të ndodhura së fundi në vend, por mbi të gjitha media dhe para së gjithash politika shqiptare e çdo krahu të jetë shumë e kujdesshme në hedhjen e helmit fetar. As edhe hija më e vogël nuk duhet lejuar t’i hidhet diamantit të mrekullueshëm shqiptar në të gjitha trojet kombëtare: bashkëjetesës shekullore ndërfetare. Bashkëjetesë, që është një mrekulli me përmasa dhe vlera botërore.
    14/11/2004
    KATEGORIA: Analiza

  9. #29
    Ikon-thyes Maska e Qafir Arnaut
    Anëtarësuar
    27-07-2002
    Vendndodhja
    Shum po shndrit aj Diell, e pak po nxeh
    Postime
    1,542
    Citim Postuar më parë nga bledi gjokaj
    Gazeta Shekulli
    HELMI I PËRÇARJES FETARE

    GJERGJ BUXHUKU

    Ka vetëm një përjashtim me rregullin e mësipërm dhe ky është pikërisht grupimi i politikanëve dhe biznesmenëve grekë së bashku dhe fatkeqësisht me kryepeshkopin e Kishës Ortodokse Shqiptare të importuar nga Greqia. Por kjo ka të bëjë me një faktor jashtëshqiptar, pavarësisht se në këtë grupim bëjnë pjesë edhe shumë shqiptarë të të gjitha përkatësive fetare, që direkt ose indirekt i ndihmojnë në pushtetin e pallogaritshëm, që ata kanë në ekonominë, politikën dhe median e Shqipërisë. Siç duket është pikërisht ky grupim, për hir të së vërtetës mjaft homogjen, që mbase mund të jetë edhe krijuesi dhe përfituesi i drejtpërdrejtë i grumbullit të çuditshëm të ngjarjeve të rënda me karakter fetar që kanë ndodhur kohët e fundit në vend. Ata i kanë të gjitha mjetet financiare, politike dhe institucionale të nevojshme për krijimin e ngjarjeve të tilla. Nuk është çudi që numri i rasteve të stisura të problemeve me karakter fetar në vend kanë ndodhur në kohën para dhe pas ardhjes së presidentit grek në Shqipëri. Shpeshherë duke përdorur në mënyrë të pavetëdijshme edhe vetë politikën shqiptare, që në një masë të madhe të etur për pushtet nuk llogarisin asgjë dhe janë të gatshëm të djegin gjithçka, edhe çatinë e tyre të përbashkët.
    .
    14/11/2004
    KATEGORIA: Analiza
    A c'ja fut pordhes ky Buxhuku ndonjehere! Po pse ore, u dashkan mjete institucionale, monetare e terrci e verci t'i vesh dinamitin nje kryqi apo te demtosh nje 'kamp rinor' ortodoks? Mjafton 2 djem shqiptare qe s'kane me c'merren....

    "Bizantinet" e Shqiperise s'kane nevoje te merren me keshtu gjerash se per ta eshte bere deti kos!

  10. #30
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Toleranca fetare, mit apo realitet?!

    E Shtune, 10 Qershor 2006

    Shqiptaret si nje prej popujve me te vjeter te Ballkanit, patjeter qe kane shume mite. Gjithashtu kane edhe realitetet e tyre te prekshme, si gjuha, tradita e zakonet. Nje nga keto realitete eshte edhe toleranca nderfetare e demonstruar prej shekujsh. Bashkejetesa ne paqe dhe pa probleme e 4 besimeve fetare, e ben Shqiperine vendin qe duhet te merret ne konsiderate si shembull ne kete game te gjere problemesh fetare qe ndeshen gjithandej, me pak ne Europe dhe me shume ne kontinente te tjera. Toleranca fetare mbetet nje nga vlerat historike, kulturore dhe civilizuese me te cilen Shqiperia krenohet dhe ka ç’t’i ofroje popujve te tjere. Por nese nuk investohet dhe t’i kushtohet rendesi, ky fenomen rrezikon te kthehet ne mit.

    Kjo tolerance ne momente te caktuara ka qene dhe e brishte, siç eshte rasti i vendosjes se kryqeve (kristiane) ne vendet me perkatesi fetare islame. Gje qe ka sjell gabimin e pales tjeter qe i ka asgjesuar me forma te ndryshme keto vendosje. Nje acarim dhe problem real mes komuniteteve fetare, duke pasur parasysh ngjarjet e fundit mund te thuhet se ekziston ne Shkoder dhe rrethinat e saj. Sharrimi dhe hedhja ne ere e disa kryqeve, si dhe kundershtimi i hapur nga ana e komunitetit mysliman per vendosjen e bustit te Nene Terezes ne kete qytet, tregon se sa te brishta behen ndonjehere ato marredhenie te shkelqyera shekullore.

    Gjetja e shkaqeve te verteta te tolerances se pergjithshme qe ekziston duhet kerkuar nga lashtesia deri sot dhe ka arsye historike, shoqerore, politike dhe psikologjike.

    1. Shqiptaret jane tolerante per faktin se ne shpirtin e tyre ka nje paganizem. Kjo permendet dhe ne disa shkrime te shkrimtareve te vjeter romak ose dhe bizantine, ku thone se iliret besojne me shume tek perendite e tyre pagane sesa tek feja e krishtere. Sidoqofte kjo nuk perjashton faktin qe shqiptaret fillimisht e perqafuan fort besimin e krishtere. Ne Shqiperi, Krishterimi eshte apostolik, d.m.th ai eshte percjelle tek arbrit direkt nga goja e vete apostujve te Jezu Krishtit dhe filloi te perhapej ne Iliri qe ne shek. I te e.s si fe ilegale. Apostulli Pal rreth vitit 57 shkruan: “Keshtu prej Jerusalemit e perqark e deri ne Iliri kam kryer sherbimin e ngjalljes se Krishtit, duke u perpjekur te ungjillizoj atje ku nuk ishte i njohur emri i Krishtit”. Vlen te permendim se ka argumente dhe kunderargumente, por se çeshtja e perqafimit te fese nga shqiptaret eshte teper komplekse dhe ende e pastudiuar ne menyre shkencerisht te pakundershtueshme. Nderkohe qe edhe ardhja e Islamit nuk solli perçarje mes banoreve vendas. Sipas historianeve te perandorise osmane qellon shume here qe brenda nje familjeje te vetme te kete disa fe. Festimi deri ne ditet e sotme i Dites Se Veres, porse dhe disa festave pagane, jane nje shembull teper domethenes ne paganizmin qe rrjedh ne dejet e shqiptarit.

    2. Feja ka luajtur nje rol te dores se pare ne mbijetesen e kombit shqiptar ne po ate shkalle si per disa popuj te tjere te lashte si armenet dhe hebrejte. Ishte krishterimi ai qe i dha nje identitet me te forte popullit shqiptar ne kohen e dyndjeve barbare dhe osmane duke u kthyer ne nje vend “te shenjte” ne kohen e Skenderbeut, pasi e mbrojti krishterimin europian per 25 vite rresht. Kjo vertetohet katerciperisht, jo vetem nga shkrimet e historianeve te kohes, por edhe statuja e Heroit tone Kombetar e vendosur ne disa kryeqytete dhe qytete europiane. Nje rol te rendesishem feja luajti edhe me pas per fatet e vendit. Ishte feja Islame dhe Bektashizmi qe i diferencoi shqiptaret kur politikat sllavizuese dhe greqizuese te fqinjeve synonin asimilimin dhe perfitimin e territoreve shqiptare. Veton Surroi, nje gazetar analitik ne Konferencen nderkombetare, te mbajtur ne nentor 2003 me teme “Fete dhe Civilizimet ne Mijevjeçarin e Ri” ve theksin ne faktin se kombi shqiptar nuk eshte ndertuar me ndihmen e nje feje, apo rreth nje feje. “Fakti se nacionalizmi shqiptar eshte me i forte se cilado fe me duket se eshte paradigme edhe e shekullit te kaluar, por edhe e shekullit ne te cilin jemi”.

    3. Shqiptaret kane pasur dhe kane gjuhen si tipar krejt te ndryshem nga kombet e tjere. Ç’ka ka ndikuar ne te gjitha elitat e koherave duke e pare gjuhen si element te bashkimit kombetar. Nje element te tille e ve shkelqyeshem ne dukje Arben Xhaferri, nje personalitet i argumentit ne hapesirat shqiptare. “Element kryesor ne ndertimin e identitetit kombetar vazhdimisht, ne te gjitha periudhat historike nuk eshte feja por gjuha, rrjedhimisht tradita dhe kultura ndertohen mbi kete baze”.

    4. Dallimet shoqerore ne vendin me te varfer te Europes mbeten shume me te thella se ato fetare. Shqiptaret ne veprimet dhe mentalitetin e tyre ndryshojne nga njeri - tjetri ne varesi te statusit te tyre gjinor, krahinor, (ku jetojne dhe nga origjina) si dhe te arsimimit qe zoterojne etj. Profesor Zyhdi Dervishi ne librin “Ndermjet fshatit dhe qyteterimit boteror” ben nje krahasim te gjetur per te vertetuar, ndarjet qe egzistojne sot ne shoqerine shqiptare. “I papuni me origjine fetare te krishtere dhe i papuni me origjine fetare myslimane dallojne pra me pak midis tyre se sa dallojne te papunet ne pergjithesi nga ‘boset’ qe kane shtene ne dore pikat kyçe te ekonomise kombetare.”

    5. Nje sjelljeje pergjithshme e tipit pragmatist personal ka karakterizuar shqiptaret ne rrugetimin e tyre historik. Materializmi shqiptar eshte nje fakt i pakundershtueshem. Shqiptaret gjate pushtimit romak, bizantin, dhe osman, pane fillimisht interesat e tyre dhe me pas besimin fetar. Profesor Artan Fuga ne nje referim te mbajtur ne konferencen me teme “Fete dhe Civilizimet ne Mijevjeçarin e Ri” deklaron se shqiptari me shume vuan nga mungesa e disa vlerave qe feja eshte e specializuar t’i rrenjose ne shoqeri se sa manifeston zell te tepruar fetar. “Sjellja tejet pragmatike e nje pjese te shqiptareve te sotem, e pakufizuar nga kufij morale te qendrueshem, e deshmon kete gje”.

    6. Shqiptaret kurdohere e perqafojne te rene ne te gjitha aspektet. Kjo vertetohet dhe nga ajo ç’ka ne prekim sot ku njerezit pavaresisht se ecin ne rruget me balte dhe gropa parfumosen dhe vishen me “Armani”.

    7. Shqiptaret nuk jane fanatike ne besimet fetare, ata jane gati te shesin çdo gje qe nuk eshte e tyre. Shembull tipik eshte fakti qe shqiptaret me shume besojne dhe respektojne “besen” sesa religjionin.

    8. Nje tjeter fakt qe na nxjerr historia eshte indiferenca e shqiptareve ndaj besimit fetar. Nje shembull “brilant” i kesaj indiference fatkeqesisht eshte viti 1967 ku besimet fetare dhe institucionet e tij u nderprene me dhune ne veprimtarine e tyre. “Shume kisha u kthyen ne salla publike, disa u kthyen ne salla bagetish, disa u rrenuan plotesisht. U prishen 2169 objekte kulti si kisha xhami e teqe. Atehere u burgosen 217 klerike per terror e disa prej tyre vdiqen neper burgje ose u pushkatuan”. Sidoqofte mund te themi se shumicen e ketyre veprimeve e miratoi ne shumice derrmuese popullsia shqiptare dhe ishin pikerisht te rinjte, por ndonjehere edhe te vjetrit qe i prishen objektet e kultit.

    Diskutimi nxit tolerancen dhe zbut konfliktet

    Analizimi i shpeshte dhe ne menyre konstruktive i tolerances nderfetare sherben padyshim nxitjes se metejshme te kesaj bashkejetese dhe evidentimi i nje rreziku te mundshem te radikalizimit religjioz. Shembujt e fresket ne bote, ne rajonin e Ballkanit, por edhe rastet sporadike te grindjeve brenda vendit, kane deshmuar se ekuilibrat fetare jane shume te brishte dhe shpesh here manipulimet me to kane sjelle pasoja te renda. Per t’u marre ne konsiderate eshte rasti i Bosnje-Hercegovines qe ka qene nje shembull i mire i tolerances fetare dhe brenda nje kohe tmerresisht te shkurter ajo qe kishte sherbyer si prelud per bashkimin e atij komuniteti u kthye ne nje motiv ndares mes etnive dhe bashkesive te ndryshme te popujve qe jetonin atje.

    Jetmir Olldashi

    Eseja qe u vleresua me çmimin e trete

    Korrieri

  11. #31
    i/e regjistruar
    Anëtarësuar
    16-11-2005
    Postime
    8,691
    Toleranca ekziston, edhe se ndonjehere te qellon te degjosh fjale perçmuese nga te dyja palet per njera tjetren, zakonisht nga "besimtaret e vertete",
    pjesa tjeter e shqiptareve qe e di se fene e ka nga familja e i thote vetes besimtar se e ka ne gjak as qe e con ne mend dallimin midis nje te krishteri e nje myslimani.

    e rendesishme eshte qe sejcili te besoje ne ate qe beson pa nderhyre ne besimet e tjera, si myslimanet ashtu edhe te krishteret duhet te pranojne se feja eshte nje bindje personale qe çdo njeri e zgjedh vete , nuk eshte ligj.

  12. #32
    musliman krenar Maska e Shiu
    Anëtarësuar
    20-02-2003
    Postime
    1,040
    Citim Postuar më parë nga xfiles
    Toleranca ekziston, edhe se ndonjehere te qellon te degjosh fjale perçmuese nga te dyja palet per njera tjetren, zakonisht nga "besimtaret e vertete",
    pjesa tjeter e shqiptareve qe e di se fene e ka nga familja e i thote vetes besimtar se e ka ne gjak as qe e con ne mend dallimin midis nje te krishteri e nje myslimani.

    e rendesishme eshte qe sejcili te besoje ne ate qe beson pa nderhyre ne besimet e tjera, si myslimanet ashtu edhe te krishteret duhet te pranojne se feja eshte nje bindje personale qe çdo njeri e zgjedh vete , nuk eshte ligj.
    E kam degjuar nje thenie "Mos shiko cka u tha, por kush e tha" dhe deri tash nuk e kuptoja. Por, tash e kam te qarte: ti bre xfiles, ku guxon ti te flasesh per tolerance e per ate se feja qenka bindje personale qe duhet respektuar nga te tjeret, kur ty te shqye goja (gjegjesisht t'i shpartallua tastiera) duke shkruar gjithfare idiotizmash e debilizmash kunder Islamizmit.

    Me mire e ke ta mbyllesh ate goje te qelbur se s'te ka hije te na ligjerosh pikerisht ti per tolerancen.
    The greatest obstacle to discovery is not ignorance - it is the illusion of knowledge.

  13. #33
    viva voce
    Anëtarësuar
    05-09-2005
    Vendndodhja
    NY
    Postime
    758
    Eshte nje teme shume interesante dhe e vlefshme, mendoj une.
    Te gjithe kemi c'te mesojme ketu.
    Kjo teme eshte aq e gjere dhe e larmishme, sa nuk e di a do te marr dot guximin te shpreh edhe une mendimet e mija. E ve re edhe tek te tjeret qe kane shkruar...ne fillim nje seriozite te kendshem, pastaj nje pasiguri te ethshme qe perfundon ne nervozizem.

    Megjithate, une mendoj qe po te shohim situaten me pozitivish ndoshta do te kemi mundesi me te medha per te komunikuar me njeri tjetrin.
    Pa personalizime, do te ishte me mire.
    Sigurisht qe ne teme do te marrim pjese edhe te shkolluar edhe te pashkolluar, edhe ata qe kane intelekt dhe tolerance te larte, edhe ata qe jane te indoktrinuar nga nje ideologji e caktuar.
    Si do te shkoje Shqiperia ne te ardhmen?
    Valle kjo eshte gjendja e vertete e fanatizmit(lexo tolerances) shqiptare?
    Pse ne jeten reale jemi me tolerante, apo kamuflojme ato qe ruajme ne subkoshience?
    Ve re edhe te tjeret si nisin nje analize te kesaj situate...kur kujtojne qe gjithshka eshte thene , atehere kuptojn eqe ka edhe mjaft fakte te tjera.
    Lexoj shkrime si ai i Myftarajt dhe them: C'e shtyn nje njeri, nje shqiptar te fuse nje te tille percarje nder shqiptare.
    Pse perdoren fjale qe per nje grup te caktuar jane te shenjta, ne nuancen e tyre me te keqe, Si islamik, ortodoks, oriental, budist, kinez...pse?
    Respekt
    DP
    Faleminderit qe me dhate kenaqesi te lexoj shkrimet tuaja. Me se shumti vihet re nje serioziret i madh. Bravo Qafir....Bravo Roni...po te tjeret pse nuk perzihen?
    A do te kemi tolerance pra apo po pregatisim nje intolerance ?
    Ndryshuar për herë të fundit nga dp17ego : 04-08-2006 më 09:46
    sereno

  14. #34
    i/e regjistruar
    Anëtarësuar
    16-11-2005
    Postime
    8,691
    Citim Postuar më parë nga Shiu
    E kam degjuar nje thenie "Mos shiko cka u tha, por kush e tha" dhe deri tash nuk e kuptoja. Por, tash e kam te qarte: ti bre xfiles, ku guxon ti te flasesh per tolerance e per ate se feja qenka bindje personale qe duhet respektuar nga te tjeret, kur ty te shqye goja (gjegjesisht t'i shpartallua tastiera) duke shkruar gjithfare idiotizmash e debilizmash kunder Islamizmit.

    Me mire e ke ta mbyllesh ate goje te qelbur se s'te ka hije te na ligjerosh pikerisht ti per tolerancen.
    Gojen time te qelbur nuk ta kam lene ty ta kontrollosh e as ta gjykosh.

    ate qe thashe e mendoja dhe e thashe,

    nese kam shkruajtur kunder islamit(por edhe kunder krishterimit) dhe do shkruaj akoma sa te kem force te shkruaj eshte sepse vete islamizmi e konsideron fene si gjene me te rendesishme dhe nuk le vend as per tolerance e as vullnet te lire.
    Per mua feja juaj eshte nje bindje personale,
    per ju eshte e "verteta" e madhe qe doni tia impononi edhe te tjereve, fatkesisht per ju dhe fatmiresisht per ne nuk keni mundesine per ta bere kete dhe per momentin mbaheni tek "feja e paqes".
    Nje fe qe meson besimtaret e saj te shohinme perçmim çdo njeri qe nuk e mendon si ju, duke i quajtur te padenje ,injorante(xhahila),qafira ku e ka tolerancen?

    Toleranca fetare ne shqiperi nuk buron nga vete feja apo mesimet e saj, por nga njerezit te cilet mbi fene vendosin njeriun, perndryshe nuk do ishte me mire se nena parti qe mbi njeriun vendoste partine.
    Se te ishte per besimtare te devotshem te krishtere e myslimane nuk do ishte ndryshe nga iraku ku hedhin ne ere xhamiat e njeri tjetrit.

Faqja 2 prej 2 FillimFillim 12

Tema të Ngjashme

  1. A ka konspiracion kundër Shqipërisë?
    Nga BARAT në forumin Çështja kombëtare
    Përgjigje: 42
    Postimi i Fundit: 10-05-2011, 09:36
  2. Kundër tolerancës, pro bashkëjetesës fetare
    Nga Orientalist në forumin Toleranca fetare
    Përgjigje: 0
    Postimi i Fundit: 06-05-2009, 17:51
  3. "Dr. dituria"
    Nga Sabriu në forumin Komuniteti musliman
    Përgjigje: 20
    Postimi i Fundit: 18-12-2008, 06:32
  4. Përgjigje: 15
    Postimi i Fundit: 06-12-2008, 14:08
  5. KADAREJA mbi Fene ne Shqiperi !!
    Nga NoName në forumin Toleranca fetare
    Përgjigje: 126
    Postimi i Fundit: 01-07-2006, 00:09

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •