Luan Krasniqi i jep fund karrierës

[zeus]

----------------------------------------------------------------------

Luan Krasniqi duket se është ambicioz ndaj asaj çka kanë arritur vëllezërit Kliçko në botën e boksit profesionist. Boksieri kosovar mundi të siguronte titullin europian kundër ish-shokut të skuadrës së tij, Sinan Samil Sam, ndërsa pret ta mbrojë atë ndaj gjermanit Timo Hofman më 4 dhjetor. "Pas duelit me Hofmanin, gara jonë do të jetë për titullin botëror kundër Lamon Brjusterit. Jeta në boksin profesionist do të vazhdojë edhe më tej, me apo pa vëllezërit Kliçko,"- është shprehur udhëheqësi teknik i Krasniqit, Zhan-Marcel-Nartc. Vladimir Kliçko është një boksier i mirë dhe unë jam ndeshur me të, por në stërvitje. Jemi ushtruar bashkë. Po ashtu, edhe Timo Hofman është një kundërshtar shumë i fortë për mua. Por unë jam i gatshëm të boksoj me këta boksierë dhe jam duke u përgatitur që të ballafaqohem me ta, por kjo do të vijë gradualisht. Në qoftë se më ofrohet rasti, do të jam i gatshëm të fitoj." Krasniqi ka një ëndërr dhe beson tek ajo. "Dua të jem kampioni i parë botëror nga Gjermania që nga koha e Maks Shmelingut. Për mua, kjo është ëndërr, por e ndiej dhe besoj se shumë shpejt do ta bëj realitet këtë ëndërr. Ky është motivi më i madh brenda meje. Unë mendoj se kur dikush vërtet dëshiron diçka, mund ta arrijë atë. Përpara kam sfidën me Hofmanin dhe gradualisht më duhet të shkoj drejt titullit botëror,"- ka thënë Krasniqi.

----------------------------------------------------------------------

[StormAngel]

O Zot paramendojeni Krasniqin kampion bote!

[zeus]

-----------------------------------------------------------------

Luan Krasniqi, do të luftojë për mbrojtjen e titullit sot në mbrëmje, në Estrel Convention Center në Berlin. Kundërshtar i kosovarit që garon për Gjermaninë do të jetë gjermani Timo Hofman. Fituesi i ndeshjes së sotme shpreson të ndeshet për titullin botëror vitin e ardhshëm. Këtë e ka konfrimuar edhe promotori Klaus-Peter Kohl, i cili shprehet se "Nëse Luani fiton, ai do të fitojë vende në ranglistë dhe kjo mund t'i sjellë një ndeshje për titullin botëror në të ardhmen e afërt". Aktualisht, Krasniqi renditet në vendin e 11-të në renditjen e WBC, menjëjherë pas dy pretendentëve të kohëve të funti për titullin botëror, MekKlajn dhe Golota. "Nuk ia kam frikën askujt nga peshat e rënda në botë", pohon Krasniqi. "E ndiej veten të aftë për t'u ndeshur me këdo, nuk ka rëndësi nëse është Ruiz, Bruster, Bërd apo vëllezërit Kliçko". Krasniqi pranon se përballë Hofmanit nuk do të jetë aspak e lehtë, megjithatë shton se nuk e ndien veten nën presion. "Para kësaj ndeshjeje ndihem shumë mirë, nuk kam presionin që kisha kur mbrojta titullin kundër Sinan Sanil Sam. Do të jetë e vështirë, por në majën e boksit nuk arrihet lehtë. Ndoshta mund të shkojë deri në 12 raunde". Kosovari nuk ngurron ta vlerësojë pozitivisht kundërshtarin: "Timo ka mbrojtje të fortë, të cilën është vështirë ta çash. Ka edhe goditje të fortë, por do të thosha se në përgjithësi unë jam më mirë. Mund t'ia dal mbanë". Por ndryshe nga boksieri kosovar, gjermani nuk i jep shumë merita kundërshtarit. "Nuk kam parë ndonjëherë ndonjë gjë të mirë nga Krasniqi", është shprehur në mënyrë provokative Hofman. "Ai lufton si amator. Do ta kem të lehtë ta mund, për mua ai nuk është gjë tjetër veçse një gur vau për të kaluar lumin. Jam aq i mirë sa të bëhem kampion bote". Batuta e Krasniqit për fyerjen nga gjermani nuk është veçse ironike. "Ndonjëherë më vjen të qesh me ato që thotë Timo. Por ato që thotë nuk kanë rëndësi, sepse nuk është në gjendje t'i vërtetojë edhe me vepra. Të gjithë e dimë se si lufton Timo Hofman. Dhe pa dyshim që nuk lufton si Muhamed Ali". Përveç qëndrimit provokativ, në fakt Hofman është bërë qesharak edhe me një deklaratë tjetër për ndeshjen e sotme. "I kërkoj Berlinit të më përkrahë. Unë do të bëj që titulli evropian të kthehet në Gjermani", thotë Hofman. Një deklaratë e tillë shkaktoi të qeshura në konferencën për shtyp, pasi Krasniqi, megjithëse shqiptar dhe mban ngjyrat e kuqezi në veshjen e tij, prej 20 vjetësh jeton në Gjermani, ka nënshtetësinë gjermane dhe ndeshet për Gjermaninë, madje duke fituar edhe medalje olimpike për atdheun e tij të dytë, në Atlanta '96. Kampioni i Evropës reagon me humor: "Duket që Timo nuk e njihka mirë gjeografinë. Megjithatë, në një pikë ka të drejtë, titulli do t'i jepet sërish Gjermanisë, pjesës jugore, sepse unë aty banoj".


-----------------------------------------------------------------

[zeus]

-----------------------------------------------------------

Sapo mbaroi ndeshja!

-----------------------------------------------------------

["Ambrida"]

kush e fitoi perfundimisht

[zeus]

----------------------------------------------------

Te them te drejten nuk e mora vesh!

Nga ndeshja qe pashe mu duk sikur Luani e meritonte fitoren, po me duket se nje nga gjyqtaret i kishte dhene Timo Hoffman 2 pike me shume. Pastaj nuk e mora vesh se si mbaroi muhabeti se e pashe nga ZDF dhe nuk marr vesh gjermanisht...



----------------------------------------------------

[Kleitus]

113 - 115 per Hoffman , 114 - 114 , 114 - 114

Krasniqi mban titulline kampjon Evrope, ne saje te dy barazimeve. Barazimi i pare ne karrierene e tije. Urime Krasniqit. Hoffman qe perbindeshe me thene te drejtene, i gjate e shume i forte.

[dodoni]

Urime Krasniqit dhe herave tjera vetem nokauta te gjitheve.

[Kleitus]

Ne te tilla raste di njeri se cfare ndodhe ? Un nuk pata kohe te shikoja vazhdimete e komenteve. Besoje se Timo ka te drejten e nje sfide te dyte.

[ment]

valla drejten me than une mendoj se LUANI ka qen ma i mir shum se gjermani mirpo siq thot i madhi FATMIR LIMA NE shqiptaret jemi jetim ne gjith boten mirpo ne kësi raste duhet te veprojmë sikur i madhi xhevdet peci ish bokser i prishtines e ti nakautojm te gjith në ring se perndryshe nuk mund te fitojm pra gjithmon jetim.

[Moltisanti]

Luani Ishte Me Pike Perpara Deri Ne Raundin E 12 ,aty Pesoi Dy Goditje Nga Gjermoni Hofman ,,qe I Dha Nje Barazimim Te Pamerituar ,, Te Them Te Drejten Ishte Nje Match Shume I Ekulibruar Nga Te Dy Boksjeret ,disa Raunde I Fitonte Krasniqi Disa Raunde I Fitonte Hofman ,,po Nga Raundet E Fundit Gjermoni Hofman U Duk Shume I Lodhur Dhe Krasniqi Me Me Pak Kujdes Mund Ta Kishte Fituar !!! Gjithsesi Prap Mire Akoma Osht Kampjon Evrope ,gje E Cila Na Ben Te Krenohemi !!!

Hajt Bofshi Qef

[StormAngel]

Une ne taxi morra vesh,po nuk e kisha te qarte.
Me thoshte taxisti qe kane barazuar,po thash:
-Si kane barazuar?
Me vjen habi edhe ne boks te ndegjoj per barazime.Po nejse,urime Luanit.

Sonte ne Top Channel do kete nje reportazh per Kreshnik Qaton.

[StormAngel]

Dueli mes shqiptarit dhe gjermanit Timo Hofman është mbyllur pa asnjë fitues në fund të 12 raundeve

Luan Karsniqi barazon e qëndron Kampion Europe


Shekulli

Luan Krasniqi qëndron Kampion Europe në Boks për peshat e rënda. Ky është verdikti final i ndeshjes së djeshme mes tij dhe sfidantit gjerman, Timo Hofman. E trumpetuar prej shumë ditësh, sfida më interesante për boksin e kontinentit të vjetër është mbyllur pa asnjë fitues, e thënë më saktë barazim. 33-vjeçari nga Roitveili, në përballjen e tij më sfidantin gjerman në Berlin ka mundur të mbrojë kështu për herë të dytë titullin e kampionit të Europës, përmes një paraqitjeje të mirë. Një gjë e tillë e bën Krasniqin të ëndërrojë ngjitjen e tij në një pozicion më të lartë në renditjen botërore, e cila do t’i mundësonte atij të ndeshet për titullin e Kampionit të Botës. Por sipas gjyqtarëve që kanë vendosur se kjo ndeshje duhej të mbyllej në barazim, edhe kundërshtari i tij ka bërë një paraqitje të mirë, edhe pse verdikti i fundit nuk i mundëson atij asnjë favor. Para 4000 spektatorëve në sallën e boksit në Berlin, të dy bosierët kanë dhuruar shumë emocione, por pa mundur të arrijnë në triumfin e madh, fitoren e këtij dueli. Për Hoffman kjo ishte tentativa e dytë për të marrë titullin kampion, pas aventurës së tij të dështuar në nëntor të vitit 2000 kundër Vitali Klitschko. Ndërkohë që edhe për Krasniqin kjo ishte hera e dytë që ai mbronte me sukses titullin. Ai e kishte mbrojtur për herë të parë titullin në shkurt përballë turkut Sinan Samil Sam. Humbja e vetme e tij daton në qershor të 2002-shit, kur ai do t’i dorëzonte kurorën e Kampionit të Europës, polakut Przemyslav. Para ndeshjes së djeshme, dueli mes tyre kishte vazhduar gjatë me polemika në shtyp. Gongu i startit të takimit ka përcjellë një paraqitje jo të mirë të boksierit shqiptar në dy raundet e para, ku ai ka marrë shumë goditje nga kundërshtari. Por kthesa e madhe do të vinte në raundin e tretë, ku sipas specialistëve të televizionit shtetëror gjerman “ZDF”, ai do të fitonte me një diferencë të vogël pikësh. Kjo diferencë do të thellohej në në 6 raundet pasardhëse, ku Krasniqi tregonte se ai dominonte ringun falë tenkinës së lartë dhe goditjeve të sakta. Ishin pikërisht raundet fundit ata që do të jepnin dhe lëkundjet e vendimit përfundimtar: Krasniqi humbet raundin e nëntë. Në tre raundet e tjera gjithçka u duk e barazpeshuar, por vendimi i gjyqtarëve ishte për një barazim edhe pse rezultatet e dhëna ishin 114-114, 114-114, 113-115.

[Nice_Boy]

Me sa kam pa Box qe edhe vet kam ushtru 1 vjet e dicka dhe kuptoj , Luani ka qen shum ma i mire por ja , piket i ndihmuan atij Gjermanit tjeter dhe beri qe te mbet baraz

Nejse , te vazhdoje Boksi , Kosovari Vetem perpara.... :P

Gjith te mirat.

[StormAngel]

Boksieri shqiptar nuk e pranon Timo Hofmanin si kundërshtarin e tij: “Dua të ndeshem për titullin kampion bote”

Luan Krasniqi, sfida e radhës më 18 prill


Shekulli

Kampioni zyrtar i Evropës, Luan Krasniqi, në peshën e rëndë, do të mbrojë më 18 prill titullin. Pas mbrojtjes së rekomanduar nga Federata e boksit, ky dyluftim është i treti për nga radha. Data e boksit u koordinua shumë shpejt midis Universum Box Promotion dhe kanalit televiziv shtetëror gjerman ZDF, kanal ky që transmeton live duelet e boksit. E paqartë ka mbetur vetëm se kush do të dalë përballë në ring kundër Luan Krasniqit, pasi nuk është e lehtë të gjesh në Evropë një kundërshtar të denjë. Për këtë problem Krasniqi mendon se: "Sigurisht që do të ketë shumë boksierë që kërkojnë të hyjnë në rrugën e Kampionit të Evropës. Kjo është më se e qartë pasi ka shumë boksierë që kërkojnë t’u jepet shansi për të fituar titullin". Një vështrim për kundërshtarin e radhës po hidhet drejt pellgut të Amerikës. Aty tani janë mbledhur shume kampionë botërorë dhe sigurisht që Krasniqi ka dëshirë të madhe të hyjë në rangun e këtyre boksierëve. "Unë nuk mund të boksoj me çdo lloj boksieri. Por në fund të fundit mendoj se manaxheri im do të gjejë një kundërshtar, i cili do jetë i denjë për mua." Përsa i përket Timo Hoffmanit, boksieri shqiptar e mohon në mënyrë kategorike që ai të jetë kundërshtari i tij në duelin e 18 prillit. Edhe pse Federata e boksit kërkoi që dyluftimi të përsëritej, në një intervistë për mediat gjermane Kampioni i Evropës për peshën e rëndë ka treguar se përse nuk dëshiron të ridyluftoje me Timo Hoffman. "Unë e kam thënë edhe njëherë tjetër megjithatë po e them përsëri: Unë nuk i fshihem asnjeriu. Por ai nuk e meriton këtë titull. Pse duhet atëherë që ai ta ketë këtë shans. Timo e kishte një herë shansin për ta fituar titullin e kampionit të Europës por nuk e shfrytëzoi këtë rast. Pra ai duhet të pozicionohet prapa. Pse duhet të presë ai shansin e tretë për titull? Se kuptoj. Timo pati një shans, e katranosi dhe tani pret një shans tjetër. Të tjerët duhet të gëzohen kur kanë vetëm dhe një shans të vetëm.
Kjo nuk është e drejtë. Unë dëshiroj një ndeshje që të më çojë përpara. Unë jam në vendin e pestë në WBO, Hoffman renditet ne vendin e dhjetë. Unë jam në vendin e 15-të në WBA, ndërsa Timon në WBA nuk e njohin fare. Në WBC unë jam në vendin e njëmbëdhjetë ndërsa Hoffman në vendin e pesëmbëdhjetë. Unë dua të boksoj me dikë që është para meje, unë dua të ndeshem për një titull Kampion Bote. Dyluftimi ndaj Timos mua nuk më sjell asgjë, nuk më çon asgjëkundi", - ka përfunduar boksieri shqiptar.

[[xeni]]

Kampioni Evropian i peshave te renda.

[[xeni]]

Luan Krasniqi ka lindur më 10 Maj 1971 në fshatin Junik të Kosovës. Ai rrjedh nga një familje e thjeshtë kosovare dhe është fëmija më i vogël prej 8-të fëmijëve të familjes Krasniqi. Ai ka kaluar një fëmijëri të bukur në Junik, deri në vitin 1987, ku ai përfundoi shkollën fillore dhe 8-të vjeçare. "Kur unë dëgjova që ne do t´a shihnim përsëri babanë, i cili kishte emigruar në Gjermani që në viti 1970-të, u gëzova pa masë. Unë kisha ëndërruar të jetoja në një qytet të madh dhe kjo ëndërr mu realizua." Luan Krasniqi u stacionua në qytetin e Gjermanisë Rottweil, ku ai aty hodhi hapat e para në ringun e boksit duke përfunduar njëkohësisht abiturën dhe shkollën e tregëtisë. Ai merr pjesë në shoqatën e boksit BSV Rottweil duke u stërvitur nga një trajner i lartë boksi si Theo Korekesch.

Puno e palodhur dhe bashkëpunimi i mirë me trajnerin, bëri që ai t`i futej i sigurt karrierës së boksit, si një boksier i peshës së rëndë. Puna e fortë e tij dhe bashkëpunimi i ngushtë me trajnerin nuk ka rreshtur edhe në ditët e sotme. Ai së bashku me familjen e tij gëzoi të drejtën e shtetësisë gjermane. Për hërë të parë ai përfaqëson Gjermaninë në boks në turneun ndërkombëtar në Liverpool ku ai aty arriti të fitojë medaljen e artë. Në të njëjtin vit, ai vazhdon rrugën e fitoreve duke fituar përsëri një tjetër medalje të artë në Kampionatin e Boksit gjerman në Berlin. Po në qytetin e Berlinit ai në Kampionatin Botëror, mbajtur në vitin 1995, arriti të vitonte kuner wladmir Kliçko dhe morri medaljen e argjëndit. Më pas ai humbi me pikë me boksierin e famshën kubanez Felix Savon por po atë vit ai e mbylli me marrjen e medaljes së artë në Kupën ndërkombëtare Chemi në Halle.

Pas tre fitoreve të shkëlqyeshme ai i drejtohet Lojrave Olimpike ne Atlanta në vitin 1996. Ai me shpejtësi kaloi deri në gjysëmfinale kur aty pasi ishte lënduar poshtë syrit të djathtë, i këshilluar edhe nga mjeku, u detyrua të mos diltë në ring, gjë që ndikoi në mos realizimin e ëndrrës të tij për të luftuar për medaljen e artë. Ai kthehet në Gjermani duke i dhuruar asaj për herë të parë, që prej vitit 1976, një medalje bronxi për peshën e rëndë në Boks. Atlanta per Luanin ka edhe nje mbrese tjeter. Ai aty takohet me idhullin e tij, boksierin më të madh të të gjitha kohrave. "Muhamed Ali ishte dhe mbetet idoli im. Askush nuk ka arritur atë që ka arritur ai. Një fenomen i tillë nuk vjen më në jetë".

"Takimi me Muhamed Ali ishte per mua një nder i madh, gjë që unë nuk do ta harroj kurrë." Pasi hodhi hapat e parat plot sukses ai kalon tek ekipi i boksit Panix Promotion ku në këtë ekip ishte edhe Lennox Lewis. Më 2 shtator te vitit 1997 ai fiton për këtë ekip kundrejt boksierit Harry Senior vetëm me anën e një gjysëm pike. Kjo ishte koha kur ai konsolidohet si boksier dhe cilësitë e tij ngriheshin dita - ditës duke ecur gjithmonë drejt rrugës së profesionalistit dhe progresit. Muskujt e tij vinin duke u zmadhuar pa humbur atë shkathtësinë dhe refleksivitetin e tij. Më pas ai ftohet në Angli nga Big Bear Lake duke ushtruar mo boksierin e famshëm botëror Lennox Lewis, i cili përgatitej njëkohësisht për dyluftimin ndaj boksierit Golota. Aty Luani tregoi se mund t`i përshtatej atij niveli dhe kjo ishte edhe arsyeja që ai ka qënë edhe tre herë atje.

Ndërkohë që Lewis përgatitej për dyluftimet me Briggs, Mavroviç und Holyfield, ai ishte njëkohësisht sparring-partner më i mirë për Luanin. Kështu kapërceu Luani pengesat e para për të hyrë si "fillestar" në gjirin e boxierëve profesionalistë. Ai zhvilloi 15 dyluftime për Panix Promotion dhe në vitin 2000, kur Lennox Lewis u largua nga ky ekip, Luanit i duhej të shikonte tjetër alternativë. Në muajin Shkurt 2000 kaloi në Hamburg pranë Universum Box-Promotion, ku ai aty fitoi disa dyluftime. Ne Janar 2001 ai nënshkruan një kontratë 3-vjeçare me Universum Box-Promotion. Pika kulminante e karrierës së tij ishte data 5 Janar 2002 ku ai në Magdeburg te Gjermanisë fitoi titullin Kampion i Evropes kunder Rene Monse. Ai ishtë kampioni i parë i Evropës për Gjermaninë, që prej 29 vitesh.

Pas një gjysëm viti Luani ja dorëzoi titullin polakut Przemyslaw Saleta. Për Krasniqin ishte planifikuar një dyluftim pre 8-të raundesh, por Pas lëndimit të Vitali Kliçkos, Luani u spostua në dyluftimin kryesor të mbrëmjes. Pas raundit të 8-të, Luani kryesonte me pikë, por më pas ai nuk ndihej mirë nga ana fizike dhe largohet nga ringu. I duheshin vetëm katër javë që Luani të përgatitej duke e vënë në prove titullin e tij pra duke rrezikuar. Dhe çdo gjë erdhi ashtu siç duhej të vinte. Edhe pse Krasniqi kryesonte me pikë, në raundin e nënte nuk kishte më forcë të vazhdonte dyluftimin deri në fund dhe u dorëzoi atë. Pas humbjes së hidhur ai filloi të fitonte disa dyluftime duke u ngjitur përsëri në ranglistën e boksierëve të Botës. Më 14 shkurt 2004 ai fitoi bindshëm në Stuttgart kundër kollegut të tij Sinan Samil Sam dhe e kthen përsëri në shtëpi, rripin e "tij" me Titullin Kampion i Evropës.

[[xeni]]

Pesha: Pesha e rëndë

Madhësia:1,92 m

Datëlindja:10.05.1971

Vendlindja: Junik (Kosovë)

Vendbanimi: Hamburg/Rottweil

Shtetësia: gjermane

Idol Boksi: Muhammad Ali, Lennox Lewis

Trajner: Torsten Schmitz

Zanati: Abitur dhe Shkollën e lartë ekonomik

Hobby: Ski, Futboll

Sukseset si Amator: Kampion i Gjermanisë, Kampion i Evropes 1996,
Nënkampion i botës 1995, Medaljen e bronxit në
Lojrat Olimpike të Atlantës 1996

Sukseset si Profesionalist: Kampion i Gjermanisë në peshën e rëndë 2001-2002 Kampion i Evropes në peshën e rëndë 2002, 2004

[[xeni]]

Informacioni i mesiperm eshte marre nga faqja e Luan Krasniqit:

www.luankrasniqi.com

Per me teper mund te vizitoni kete faqe.

[zeus]

---------------------------------------------------------

Në arenën sportive "Hans Martin Schleyer" të Shtutgartit, boksieri shqiptar Luan Krasniqi, me 27 fitore, 1 humbje dhe 1 barazim, si dhe amerikani Lance Whitaker, me 29 fitore 2 humbje dhe 1 barazim, më 28 maj, në orën 23.00, do të boksojnë ndoshta për duelin më të rëndësishëm në karrierën e tyre. Dueli mes tyre zhvillohet për të synuar titullin e botës në versionin WBO (World Boxing Organisation). Fituesi i duelit në vjeshtë do të ketë rastin që të boksojë për titull bote, brezin e të cilit e mban Lamon Brewster.
Dueli është parashikuar të zhvillohet në 12 raunde dhe për të përballuar këtë boksieri shqiptar Luan Krasniqi ka zhvilluar një stërvitje intensive. Ai është besnik i thënies së idhullit të tij boksierit legjendar Muhamed Ali: "Ju nuk mund te godisni çfarë nuk mund të shihni." Kjo praktikisht nënkupton një boks të shpejtë për t'u ndjekur me sy. Kjo do të jetë dhe strategjia e Krasniqit në duelin ndaj amerikanit Lance Whitaker sot në mbrëmje. Luani është i shpejtë për Lance-in, kanë deklaruar trajnerët e tij. Nga ana tjetër, trajneri i Whitaker-it, McKinsey, ka deklaruar se Luani nuk do të rezistojë më shumë se deri në raundin e pestë. Për sa i përket grushtimit të mirë të amerikanit Whitaker, Krasniqi mospërfillës thotë: "Po, unë e di që Whitaker ka një grushtim të mirë, por kjo nuk do të thotë që do të lejoj që ky grushtim të më kapë. Si do të më godasë ai mua, kur nuk arrin të më kapë?"- ka thënë Krasniqi para duelit të sotëm.

---------------------------------------------------------