Njëtrajtshmëri

[SkenderRusi]

** NJËTRAJTSHMËRI
*
*
I njëjtë qielli i dalë boje,
Që më përgjon
****** ngado që vete!
Të njëjtë yjet lart,
****************** që derdhin,
Mbi mua* shi të verdhë brenge!
*
*
Të njëjtë njerëzit
****************** që nxjerrin
Veç gaz të qelbur
****************** karbonik!
I njëjtë ajri
********* *** që ka mbetur,
Ku ne pështyjmë
****************** Dit’ për dit’!
*
Të njëjtë shpendët
********* **** që bëjnë vjeshtën,
E njëjtë era
********* *** që vdes gjethe,
I njëjti unë që jam dënuar
Ngado që shkoj të flas me vete!
*
*
********* **************** 7 tetor 2004

[MI CORAZON]

Ja që ndodh edhe kështu...

E bukur poezia, Skënder .

[[xeni]]

Poezi e bukur Skender...(na fal qe s'po shkruj fjale ma t'bukra)

Ky stili keshtu me pelqen dhe me vjen keq qe ne forum detyrohesh te perdoresh "****"...

[Agim Doçi]

Skënder, fantastike si gjithmonë dhe tejet të ndjera vargjet e tua! Unë po të vij nga pas me ca vargje të mija shkatarraqe...


BEKIMI...

Bekomë o Zot vehten time
se djajt mishin ma kafshuan.
Bekoji Zot dhe shokët e mij
Se më harruan....

Më harruan të gjithë
e ma kthyen shpinën
Por unë do prish Legjendat!
Do kthej mbrapsht Doruntinën!....
Ajo më mirë 7 detra kaptuar
se në Shqipëri besëprerë dhe e tradhëtuar.!

Bekomë pra o Zot përsëgjalli
me “formulë të re”...
Nuk ka më Besë dhe Fjalë të Dhënë.
Pastaj Doruntina
ka filluar punë të re
në Via Venetto...Romë, ...Paris...Pigal...
Ndaj bekomë Zot tani që jam gjall...

Bekomë pra Zot i madh
Se kur më pagëzove
më the: - Mos i beso asnjë Hyu tjetër!
Ja vetëm ty të besova!
Megjithse më ke lënë rrethuar
Nga shtaqind dreqër!

E po nuk më bekove përsëgjalli
Punë e madhe!
Kur të vdes le të më marrë djalli!

[SkenderRusi]

MISTER ETRUSK

I veshi vajzat vjeshta e vonë,
Dorë që ua mbuloi
mizorisht kërthizat!
Në ç’lëndina do të prehen tani
kopetë e syve,
Kur dihet që pas vjeshtës
vijnë dimrat!?


Me urdhër të kujt
ajo solli dëborën,
Për t’ua vdekur vajzave
të gjitha trillet!?
Qënka mediokre
kjo vjeshtë e vonë,
Që e quan mëkat
të zbulosh hiret(!)


Mister etrusk kjo kapriçioja e saj,
Që i vesh vajzat dhe i xhvesh
pemët!
Nëse ka një stinë që unë s’dua
t’i ngjaj,
Ajo mban pikërisht emrin
e vjeshtës!

13 tetor,2004


NUK I NJOH EKUINOKSET
-për tim atë-

Sa herë që shkoj e shoh
nis përlotet,
Mbi supet e mi i harron krahët,
Nëpër klithmat e ngrira
të syve,
Veç fëmijë të verbër
tani luajnë!


Ndoshta kot që vështroj
brenda tyre,
Drita ime atje më, nuk arrin!!
Është një portë që
veç njëherë mbyllet,
Siç hapet veç një herë në fillim!


Dhe s’ka ndodhur asnjë lloj
ekuinoksi,
Unë s’i besoj kësaj here
as shkencës(!)
Janë sytë e tim eti
që po ikin,
Ndaj kanë nisur
të zgjaten edhe netët!

11 nëntor,2004

[Ard]

Bukur,shume bukur,urime Skender!
Mel.

[shpirti_i_bukur]

Me pelqeu poezia . Ka kohe qe nuk kam lexuar nga ti . Mire bere qe erdhe me njepoezi te bukur .

[whisper]

PER DIJENI FORUMISTEVE: Skender Rusi eshte POET dhe jo poet!

[whisper]

Bravo Poet!!!

[black-cat]

Të njëjtë shpendët
********* **** që bëjnë vjeshtën,
E njëjtë era
********* *** që vdes gjethe,
I njëjti unë që jam dënuar
Ngado që shkoj të flas me vete!

Me shume se e bukur, e mrekullueshme
Te falem nderit .

[SkenderRusi]

DITA,NATA,NJERËZIT DHE UNË

Jam shndrruar
në lakuriq nate,
Ditën nuk shoh,
Si të jem i verbër!
Ngado që shkoj
me siguri do përplasem,
Me ca sende kot,
që quhen njerëz!

Dita më ik,
sikur mos jetë imja,
Shmanget prej meje,
sikur të jem një lebroz!
I bie ajrit me grusht,
ai ulërin nga dhimbja,
Unë bëhem pastaj
vërtet skandaloz!


Kam filluar të bredh
veç me natën,
Që vjen pas meje,
si një prostitutë e vogël,
Me të nuk jam më
një lakuriq i varfër,
Po një shpend i madh
që ka pushtuar botën…


27 nëntor 2004

[whisper]

Shkelqyeshem dhe teper sintetike!

[Ildushka]

Mua akoma s'me hiqet nga mendja menyra si iu kundervute Skender Rusit pak me shume se nje vit me pare, dhe sot pashe qe ia paskeni grumbulluar poezite ketu.

Qe ai ka talent, diheshe. Por u dashka nje grup tifozesh qe te vertetohet nje talent, me sa shoh.

[Agim Doçi]

SKËNDER RUSI VËRTETË është POET. Ka të drejtë crazy old baby! Jemi miq por me një ndryshim; AI është POET I SHQUAR, ndërsa unë jam "poet i shqyer"!
Ja pak vargje "alla Agim":

VARGJET DHE NJERËZIT!….


Po, po!
Vargjet janë njëlloj si njerzit dhe nuk është aspak çudi!
Ka vargje të shkurtër,
vargje të gjatë
vargje të revoltuara !
vargje plot me dashuri.
Ka vargje rrebele,
vargje të sakatuara
vargje të pisëta
Vargje të ëmbëla si …karamele
Ka vargje pa kuptim
Vargje që të mashtrojnë
Ka vargje që u vjen era që përtej…
Vargje përçmim
Vargje që të gabojnë !
vargje që kurvërojnë…

pa dilni në bulevardet e mbretërisë së poezisë
të takoni Naimin, At Fishtën a Chajupin
merrni dy vargje prej
autostradës Migjeni
se shëtitorja Jeronimit dhe Gavrilit
thellësive të legjendave
vargjet nuk di ku i humbi !
Kërkoni në shkëmbenjt
e Xhevahirit
të gjeni mademet e vargut të protestës
zbrisni në fushat e Myzeqesë
të merrni pak humus prej vargut të Visar Zhitit
Ndaluni tek balta e Devollit
Dhe merrini falas vargje prej Driteroit.
Se matanë Bjeshkëve të Namuna
Azemi Shkreli nuk b’zan…
U çliruen bjeshkët…

Vargjet janë si njerzit!
Ka njerëz të shkurtë dhe të gjatë,
Barkalecë, mistrecë,
Njerëz të llangosur
Njerëz gjenial
Ka edhe njerëz vrasës, njerëz viktima
Njerëz të pangopur
Njerëz që u kruhet…vrima.
Njerëz pa vlerë, të ftohur
Njerëz të lirë !!….
Ah ? çfarë the ?… vargje të lirë ???
Ah po më fal !
Harrova t’a marrë dreqi!
Vargu është si njeriu.
Shpesh herë banal...