Arkiv X

[Brari]

Korcarja ...
korca zonje e Korca lule ...thoshte i ngrati Naim beu i frasherit...
Tani Korca e Deputeteve Bollshevik Agolli e Pellumbi eshte bere..mos e pyet..


Shekulli..
-----------

Roland Kosova, Besnik Hoxhallari dhe Eduart Daja kanë bashkëpunuar me njëri tjetrin për të shfrytëzuar si prostituta disa vajza. Sëshpejti pritet dëshmia e një vajze nga fshati Banjë
Korçarja: Ja si më bënë prostitutë

Irena Feçani, nënë e dy fëmijëve dëshmoi dje për tre tutorët e saj

Alma Çuka
TIRANË - "Prostituoja me dëshirë në Greqi dhe në Gjermani. Rolandi nuk më ka keqtrajtuar, por unë e denoncova pasi ai më shiti disa herë nëpër shokët e tij. Unë kam pranuar të prostituoj, por vetëm me njërin dhe jo të shitem sa tek njëri tek tjetri". Kështu e ka filluar dëshminë e saj dje para gjykatës Irena Feçani, nëna e dy fëmijëve nga Luboniku i rrethit të Korçës. Edhe pse kishte punuar si prostitutë një muaj në Greqi dhe disa kohë në Gjermani, Feçani nuk e fajësonte për këtë gjë Kosovën, madje gjatë gjithë dëshmisë së saj vazhdimisht qeshte. Edhe kur doli nga dera e sallës së gjyqit ajo ishte tepër e qeshur dhe e shoqëruar nga dy djem. Për gati dy orë rresht e dëmtuara Irena Feçani, dëshmoi para gjykatës për tre të pandehurit Besnik Hoxhallari, Eduart Daja dhe Roland Kosova. Nga tre të pandehurit vetëm njëri ishte i pranishëm, Roland Kosova. Dy të pandehurit e tjerë nuk dihet se ku kanë shkuar, ndonëse për ta ka filluar procedimi penal. Akuza për të pandehurit është ajo e shfrytëzimit dhe favorizimit të prostitucionit për qëllime përfitimi, falsifikim dokumentesh dhe rrahje me pasojë vdekjen. Akuza e fundit rëndon në kurriz të rë pandehurit Roland Kosova.
Dëshmia
Irena e filloi dëshminë e saj menjëherë pas pyetjeve të bëra nga prokurorët Ened Nakuçi dhe Henrik Ligori. Vajza e dëmtuar foli pa ndrojtje para trupit gjykues të drejtuar nga gjyqtarja Manjola Bejleri dhe anëtarë, Altina Xhorxhaj e Bledar Abdullai. Vajza tha në fillim se në këtë valle pa fund e kishte futur komshiu i saj i quajtur Besnik Hoxhallari. Ngjarja ka filluar në shkurt të këtij viti. Në mesin e shkurtit, Irena Feçani ftohet për drekë nga çifti Hoxhallari, Besniku dhe gruaja e tij Erjola. Gjatë drekës Besniku i thotë Irenës nëse dëshironte të punonte në Itali me qëllim që të ushqente dy fëmijët e mbetur pa baba. Vajza tha dje para gjykatës se burri i saj kishte vite që punonte në Greqi dhe ajo ndihej e vetmuar. Kështu që ditën e dytë të vizitës vendosi të pranojë ofertën e komshiut të saj Besnik Hoxhallari. Pas pranimit, Irena nëpërmjet Besnikut prezantohet me të pandehurin Roland Kosova. Ky i fundit, i premton ta nisë në Itali për të punuar si prostitutë. Besniku e ka shitur vajzën tek Rolandi vetëm 1.5 milionë lekë të vjetra.
Tutorët
I pandehuri Roland Kosova e merr vajzën dhe niset për në Kuçovë. Pasi qëndron tre ditë në një hotel në Kuçovë, i pandehuri e shet vajzën tek i pandehuri tjetër Eduard Daja. Vlera ishte e njëjtë. Ky ritual bëhej shpesh midis të pandehurve. Besniku i siguronte vajzat për të punuar si prostituta në Itali, Greqi dhe Gjermani Rolandit dhe Eduartit. Eduart Daja është i pandehuri i tretë i cili ka përfituat më shumë nga vajzat e shitura. Irena shpjegoi dje se së bashku me Eduart Dajen është nisur në Greqi dhe atje ka punuar si prostitutë për një muaj rresht. Vajza tha se merrte ne ditë 500 deri në 600 euro dhe të gjitha fitimet ia dorëzonte tutorit të saj. Megjithatë ajo shpjegoi se ishte tepër e kënaqur nga tutori pasi ai në asnjë moment nuk e ka keqtrajtuar. Nga Greqia Eduarti së bashku me Irenën nisen në Gjermani. Edhe këtu vajza nga Luboniku i Korçës punon si prostitutë dhe fiton pothuajse njësoj si në Greqi. Ajo shpjegoi dje se të gjitha paratë ia merrte Eduarti. Por në Gjermani vajza nuk pati fatin të punonte gjatë si prostitutë. Ajo është kapur nga policia tre muaj më parë me dokumente falso. Sipas akuzës, Irena Feçani ka bërë në Gjermani edhe tre muaj burg me akuzën e falsifikimit të dokumenteve.
Akuza
Ened Nakuçi i tha dje gjykatës se kundër të pandehurve do të vijë për të dhënë dëshminë e saj edhe një vajzë nga Banja e Elbasanit. Ajo është kapur së bashku me të pandehurin Roland Kosova javën që kaloi në një prej lagjeve të Tiranës. Vajza nga Banja ka punuar për Kosovën tre muaj në Itali dhe i ka dhënë atij fitime të mëdha. Në seancën e djeshme prokuroria nuk arriti të sjellë vajzën e dytë që shitej nga njëri tutor tek tjetri si prostitutë, por siguroi se do ta paraqesë atë në një nga seancat më të afërta. Akuzat më të rënda janë ato që ka mbi kurriz i pandehuri Roland Kosova. Dje para gjykatës i pandehuri nuk foli asnjë fjalë, ai ia la në dorë mbrojtjes të kundërshtonte akuzat. Avokatët e të pandehurit nuk qenë dakord që të bëhej sigurimi i provës. Ata thanë se marrja e provës ishte e paligjshme dhe kështu që iu desh gjykatës të ndërhynte me vendim të ndërmjetëm dhe të pranonte dëshminë e vajzës së dëmtuar si provë. Sipas akuzës, të pandehurit rrezikojnë dënimin minimal me 15 vjet burg dhe atë maksimal deri në 25 vjet burg.
Kosova
Roland Kosova u arrestua gati dhjetë ditë më parë nga policia e Pogradecit dhe e Kuçovës në një lokal pranë liqenit të Ohrit. Ndalimi i tij u bë pas kallëzimit të disa vajzave të cilat pasi punuan nëpër semaforët e Evropës vendosën të ndëshkonin tutorët e tyre. Vajzat kanë shpjeguar se nuk janë keqtrajtuar, por ato janë shitur dorë më dorë tek persona që nuk i kanë njohur. Roland Kosova ka mbi kurriz edhe akuzën e rrahjes me pasojë vdekjen e 22-vjeçarjes Erjola Hoxhallari. Erjola është gruaja e të pandehurit Besnik Hoxhallari. Por ajo ra në duart e Rolandit vetëm pas një loje bixhozi dhe pas një borxhi të pashlyer. Disa javë më parë Rolandi me Erjolën banonin në një apartament në Tiranë. Aty qëndronte edhe vajza nga Banja e Elbasanit që nuk u paraqit dje në gjykatë. Rolandi e rreh keq Erjolën dhe pastaj detyrohet ta shtrojë në spital. Nga plagët e marra, vajza vdiq në spital. Policia tashmë kërkon burrin e Erjolës, Besnik Hoxhallarin dhe Eduart Dajën, i cili ka detyruar Irena Feçanin të punojë si prostitutë.

[Brari]

shekulli
-----------------

Policia; Viktima e njohu përdhunuesin midis disa personave të shoqëruar për këtë ngjarje


Arrestohet i akuzuar si pedofil


Korçë, arrestohet 24- vjeçari. U denoncua si përdhunues i një të mituri

KORÇË - Policia e Korçës ka arrestuar në të gdhirë të ditës së djeshme një 24- vjeçar i denoncuar për përdhunimin e një 13- vjeçari. Burime të policisë së Korçës bënë të ditur për gazetën se një orë pas mesnatës së të martës është arrestuar Mikel Bostanxhi, 24-vjeç , banor i lagjes nr.8. Ai është denoncuar si përdhunues nga vetë viktima, 13-vjeçari E.M, nga lagjia "Radanec" e Korçës. Po sipas burimeve të policisë, të cilat i referohen denoncimit, ngjarja ka ndodhur rreth orës 13:00 të së martës. 24- vjeçari së bashku me disa moshatarë po shëtisnin në periferi të qytetit, por tek ish- uzina e mekanikës bujqësore, ai është shkëputur dhe i është afruar një grupi fëmijësh, mes të cilëve ndodhej dhe 13-vjeçari E.M. 24 vjeçari i është afruar të miturit, edhe pse nuk e njihte, dhe me një sjellje të ëmbël e ka shkëputur, duke e tërhequr në thellësi të një objekti. Biseda me premtime se do ta kënaqte me pije burrash është pasuar me përkëdhelje dhe më pas me kërcënime. Sipas denoncimit 13-vjeçari është rrahur dhe tërhequr me forcë zvarrë deri në fund të ndërtesës dhe aty në mënyrë shatazarake është përdhunuar. Fëmija mendohet se është përmenduar pasi i dyshuari i kësaj ngjarjeje ishte larguar. Ai ka shkuar në shtëpi dhe u ka treguar gjithçka prindërve. Së bashku me prindërit djali ka shkuar në komisariatin e policisë, ku kanë denoncuar ngjarjen dhe kanë kërkuar që të veprohet sipas ligjit. Shefi i krimeve Butrint Roshi, ka bërë të ditur se identifikimi i autorit të përdhunimit ishte i vështirë, për faktin se djali 13-vjeçar nuk e njihte 24-vjeçarin. "U punua me profesionalizëm për gati 10 orë dhe në orën 01.00 pas mesnate djali i vogël mes disa personave që policia kishte ndaluar njohu përdhunuesin e tij"- tha shefi i krimeve. Menjëherë uniformat blu bënë arrestimin, ndërsa kanë filluar hetimet për zbardhjen e plotë të ngjarjes. Fëmija 13-vjeçar është nën kontrollin e mjekut neurolog.
Jorgjeta Gjançi

----------------

i lumte policise por e nxjerr avokati pa lagur kete kriminel.

[Brari]

shekulli
-----------------
Pesë persona të tjerë, mes të cilëve katër fëmijë, janë plagosur rëndë nga shpërthimi i 5 kg tritol
Tritoli masakron 13-vjeçaren nga Lezha

Policia po heton pistat e gjakmarrjes dhe asaj të hakmarrjes, shoqërohen 15 të dyshuar në komisariat

Nga e dërguara jonë në Tale të Lezhës
Aleksandra Bogdani
TIRANË- Shtëpia përdhese e Bardhok Ndoit, në fshatin Tale të Lezhës, është kthyer në një gërmadhë të vërtetë, pas shpërthimit të 5 kilogramëve tritol në verandën e saj. Ndërsa pak metra më tej, në një ndërtesë të madhe, të afërmit dhe bashkëfshatarët vajtonin mbi arkivolin e vajzës 13-vjeçare, Linda Ndoi, e cila vdiq nën gërmadhat e shtëpisë së saj, në orët e para të mëngjesit të djeshëm. Linda është futur në arkivol pa këmbë e duar. Gjymtyrët e vajzës së mitur janë mbledhur nën gurët e shtëpisë, të lara në gjak. Por morti "therte" deri në kockë, pas lajmëve të këqija që mbërrinin nga spitali, ku vëllai 10-vjeçar i Linda Ndoit po luftonte minutë pas minute me vdekjen. Shpërthimi i eksplozivit ku humbi jetën një 13-vjeçare dhe janë plagosur pesë persona të tjerë ka ngritur në këmbë gjithë policinë e Lezhës, por edhe drejtuesit e Policisë së Shtetit, në Ministrinë e Rendit Publik. Të vetmet shenja jete, në grumbullin e gurëve dhe blloqeve të betonit, janë një divan i shtruar, mbi të cilin vihen re disa rroba të gjakosura fëmijësh si dhe ca orendi të tjera shtëpiake, të kthyera përmbys. Ndërsa fare pranë hyrjes, aty ku vetëm dy ditë më parë ndodhej veranda e shtëpisë, vihej re një gropë e madhe, në të cilën ka qenë vendosur eksplozivi. Shpërthimi i llahtarshëm ka shembur jo vetëm shtëpinë por edhe një kasolle të ndodhur mbi 20 metra larg ndërtesës si dhe ka shkatërruar plotësisht furgonin jeshil të të zotit të shtëpisë, të parkuar disa metra larg oborrit.
Shpërthimi
Të afërmit e fisit Ndoi rrëfejnë për "Shekullin" tmerrin e mëngjesit të datës 1 gusht. Gjithçka ka kaluar qetë, në shtëpinë e Ndoit, deri në këtë orë. Në shtëpi ndodheshin 10 veta, tre prej të cilëve kishin ardhur për miqësi. Nusja e nipit të Bardhok Ndoit, Gjyste Prenga së bashku me dy fëmijët e saj, Maurelin dhe Marselin kishin disa ditë që qëndronin në këtë shtëpi, për të pushuar buzë detit. Rreth orës 3.00, i zoti i shtëpisë ka dëgjuar zhurmë, në oborrin e shtëpisë. Por Bardhok Ndoi ka kujtuar se është zgjuar ndonjëri prej familjarëve të tij, dhe nuk është ngritur nga krevati. Vetëm pak sekonda më vonë, të gjithë personat që ndodheshin në shtëpi janë hedhur në erë nga shpërthimi i fuqishëm i pesë kilogramëve tritol. Bardhok Ndoi mban mend vetëm që ka marrë në krahë të birin 10-vjeçar dhe ka dalë jashtë mureve të shëmbura të shtëpisë. Ndërsa pjesëtarët e tjerë të familjes janë gjendur në pjesën e pasme të shtëpisë, të mbuluar nga gërmadhat e tymi i eksplozivit.
Masakra
Dëshmitarët e parë në vendngjarje dridhen kur kujtojnë skenën e tmerrit, pak minuta pas shpërthimit të tritolit. Gjymtyrët e vajzës 13-vjeçare, e cila ka vdekur në vend, janë shpërndarë mes pluhurit të zi të eksplozivit. Ndërsa djalit 10-vjeçar të Bardhok Ndoit i janë këputur dy këmbët si dhe është dëmtuar rëndë në tru. Janë plagosur rëndë edhe vetë i zoti i shtëpisë, Ndoi si dhe mysafirët e tij, 32- vjeçarja Gjyste Prenga, Maureli 6- vjeçar si dhe Marseli, i cili sapo ka mbushur dy vjeç. Menjëherë të plagosurit janë nisur në drejtim të spitalit të Lezhës, ku kanë marrë ndihmën e parë mjekësore. Ndërsa shtëpia e rrënuar është përfshirë nga frika, ankthi dhe vaji për vdekjen e Linda Ndoit si dhe plagosjen e pjesëtarëve të tjerë të familjes.
Policia
Uniformat blu të Lezhës kanë mbërritur në fshatin Tale, i cili ndodhet rreth 20 minuta larg qytetit, në orët e para të ditës së djeshme. Fillimisht ata kanë ndihmuar familjarët e dëmtuar dhe menjëherë pas kësaj kanë filluar veprimet proceduriale në vendngjarje. Burime pranë Drejtorisë së Policisë së Lezhës bëjnë të ditur se në shtëpinë e Bardhok Ndoit nuk është gjetur asnjë gjurmë e tritolit të shpërthyer në verandën e shtëpisë. Por sipas matjeve të bëra nga ekspertët e Ministrisë së Rendit Publik, të cilët kanë mbërritur në vendngjarje të kryesuar nga Drejtori i Përgjithshëm i Policisë së Shtetit, Bilbil Mema si dhe nga drejtori i Policisë Kriminale, Sokol Bizhga, tritoli i shpërthyer kap peshën e 5 kilogramëve. Megjithatë, provat materiale të sekuestruara në vendngjarje janë dërguar në Laboratorin Qëndror të Ekspertizës, ku edhe janë kryer të gjitha ekzaminimet e nevojshme.Ngjarja e rëndë, e ndodhur në orët e para të mëngjesit të djeshëm është klasifikuar si akt i pastër terrorist, nga zyrtarët e Ministrisë së Rendit Publik, dhe i ka kaluar për hetime të mëtejshme zyrës së Antiterrorit, në Drejtorinë e Policisë së Lezhës.
Hetimet
Sipas të afërmëve të viktimës së aktit më të fundit terrorist Bardhok Ndoit , familja e tyre nuk ka pasur ndonjë kërcënim apo hak për të larë. Por burimet në policinë lokale bëjnë të ditur se vendosja e eksplozivit ka si motiv kryesor hakmarrjen. Të njëjtat burime bëjnë të ditur se familja Ndoi është në gjak prej disa vitesh me një tjetër familje në një fshat të Lezhës. Por uniformat blu të policisë po hetojnë të gjitha pistat e mundshme, për këtë ngjarje. Një tjetër pistë në hetim është hakmarrja për ndonjë konflikt të ndodhur mes fisit Ndoi dhe "armiqve" të tyre, të cilët nuk janë identifikuar ende nga policia. Megjithatë, deri në orët e vona të mbrëmjes së djeshme, policia e Lezhës nuk ka përcaktuar ende një pistë të saktë si dhe nuk ka identifikuar autorët e kësaj vepre terroriste, që nuk kurseu as jetën e një fëmije 13-vjeç si dhe plagosi tre fëmijë të tjerë. Por, sipas një burimi policor jozyrtar mësohet se deri në orët e vona të ditës së djeshme janë shoqëruar në Drejtorinë e Policisë së Tiranës rreth 15 persona të dyshuar. Policia shpreson të gjejë autorët e kësaj vepre të rëndë mes disave prej tyre, mbi të cilët kanë rënë edhe dyshimet e para. Janë marrë në pyetje personat që ndodheshin në shtëpi, gjatë çastit të shpërthimit, të cilët kanë hedhur dritë mbi pistat e ngritura të policisë. Policia ka pyetur të gjithë personat e dyshuar, mbi të cilët ende nuk është prerë asnjë urdhër-ndalimi deri në orët e vona të mbrëmjes së djeshme.

[Brari]

Ja c'thote gazeta Shqiptare..
----------
I biri 28-vjeçar i viktimës, që është edhe autori i vrasjes me sopatë, ende nuk është arrestuar, me gjithë kontrollet dhe postoblloqet e policisë në fshatra e pika të ndryshme

FIER/ Ramiz Muka u godit nga i biri me sëpatë në kokë. Pak njerëz në varrim

Vrasja e babait, motra e gruaja tërheqin trupin nga morgu


--------------------------------------------------------------------------------

Aurora Damini

Një arkivol dhe pak njerëz kanë qarë për të fundit herë dhe kanë përcjellë për në banesën e fundit 53-vjeçarin Ramiz Muka, i vrarë me sëpatë nga i biri. Ndërsa ky i fundit vazhdon të jetë i fshehur, larg zbulimit nga policia.

Kjo e fundit gjatë gjithë ditës së djeshme ka ushtruar kontroll në banesën e tij në Fermë-Çlirim, si dhe në fshatrat përreth, por deri në orët e vona të mbrëmjes, nuk është bërë i mundur arrestimi i tij. Policia ka shpërndarë gjithandej foton dhe të dhënat për autorin e masakrës, Gëzim Muka, 28 vjeç, por ende nuk ka ndonjë lajm për prangosjen.

Viktima
Askush nuk e ka besuar se 53-vjeçari me kokën e ndarë në dysh nga sëpata e të birit do të varrosej nga të afërmit. Deri në orët e pasdites së djeshme, trupi i tij ka qëndruar në morgun e spitalit të qytetit. Ndërsa pritej që ta merrte Komunalja për ta varrosur, në dyert e morgut janë paraqitur tre veta, dy gra dhe një burrë. Burime nga spitali i Fierit kanë bërë të ditur se, trupin e 53-vjeçarit e ka marrë gruaja e tij e dytë, Drita, motra e viktimës dhe kunati i tij. Të njëjtat burime nga spitali kanë pohuar se, trupi është marrë rreth orës 16.00, ndërsa varrimi është kryer në orën 18.00. Pak njerëz e kanë përcjellë atë për në banesën e fundit. Lotë pafund nga gruaja e tij, motra dhe të afërm të tyre. Ndërsa fjalë pak. Me gojën mbyllur, ata i kanë hedhur nga një grusht me dhé, duke u ndarë përfundimisht nga ai. Gruaja e tij ka shkuar te të afërmit, ndërsa i biri nuk dihet se ku ndodhet.

Policia
Që nga mbrëmja e së mërkurës, kur Ramiz Muka është ekzekutuar nga i biri, Gëzimi, ky i fundit është vënë nën ndjekjen e policisë. Por, deri dje në mbrëmje aksionet për arrestimin e tij kanë qenë të kota. Me dhjetëra herë, deri në orët e vona të mbrëmjes është kontrolluar banesa e boshatisur e Mukajve në Fermë-Çlirim. Madje, është kontrolluar thuajse i gjithë fshati dhe të tjerët përreth, pasi mendohej se aty ishte strehuar 28-vjeçari. Për atë, policia ka shpërndarë edhe fotografitë në disa prej komisariateve fqinje dhe në pikat e kalimit kufitar. Sidoqoftë, uniformat blu janë shprehur optimiste për arrestimin e tij, pasi "rrethi ka filluar të ngushtohet".

Tragjedia në familjen fierake ka ndodhur ditën e mërkurë rreth orës 19.00. Sipas policisë, sherri ka nisur mes Gëzimit dhe njerkës së tij, pasi i riu, i kthyer një javë më parë nga Anglia, nuk kishte qenë dakort me martesën e dytë të të atit. Të mërkurën në mbrëmje, ai e ka rindezur sherrin me Dritën (njerkën). Për ta shuar konfliktin ka hyrë në mes Ramizi. Në këtë moment, i biri ka rrëmbyer sëpatën duke e goditur atë në kokë. Me gjithë ndërhyrjen e Dritës, goditja për të ka qenë fatale, pasi kafka i është ndarë në dy pjesë.

----------------

Ferma "Clirimi" e Fierit ka cliruar shume ..po po..

[Brari]

Shekulli
-----------------

Disa prej vajzave ishin futur në rrjet pas mashtrimeve se kapot e grupit do të martoheshin me to në Angli
Bordello shqiptare në qendër të Londrës

Zbulohet grupi që kishte ngritur një "qendër masazhesh" me 20 prostituta shqiptare

Ened Janina
TIRANË- Zbulohen edhe dy bashkëpunëtorët e tjerë të Petrit Colit, njeriut të akuzuar se ka krijuar një rrjet të tërë prostitucioni në Londër të Anglisë. Ata janë Arben Pali dhe Marian Lukaj, të cilët së bashku me Colin akuzohen nga drejtësia për shfrytëzim prostitucioni. Të tre shtetasit shqiptarë kishin ngritur një pallat të tërë me prostituta në qendër të Londrës. Lajmi është pohuar paraditen e djeshme nga burime të organit qendror të akuzës.
Të tre këta shtetas kishin në vartësinë e tyre rreth 20 prostituta të gjitha shqiptare. Pasi i kishin mashtruar duke i thënë se do të martoheshin bashkë, ata i kishin marrë vajzat dhe i kishin çuar në Londër. Me anë të forcës, ata i kishin detyruar vajzat që të ushtronin zanatin më të vjetër në botë, atë të prostitutave. Për të mos rënë në sy të policisë vendase kishin përdorur një qendër masazhesh, në lagjen "Luton" të Londrës. Klientët e kësaj qendre përveç masazheve qetësuese merrnin edhe trajnime të tjera. Mjafton që të paguanin një shumë më të madhe parash dhe merrnin çfarë të donin nga vajzat shqiptare. Klientët e kësaj shtëpie publike ishin të gjithë shtetas anglezë.
Policia vendase kishte pikasur këtë qendër "masazhesh" dhe kishte vënë disa agjentë që ta ruanin. Më pas për të pasur prova sa më të sigurta kishin vënë edhe disa telekamera që kontrollonin të gjitha lëvizjet në pallat. Nuk zgjati shumë kohë dhe policia arriti që të grumbullonte prova të mjaftueshme për fajësinë e tre shqiptarëve. Hetimet e anglezëve treguan se bashkëpunëtorë të tre shqiptarëve ishin disa shtetas kosovarë me banim në Angli. Ata, duke qenë se kishin kohë që banonin atje, kishin mundur që të krijonin të gjitha lidhjet me vendasit. Tashmë kjo qendër "masazhesh" nuk ekziston më pasi "Metropolitan Police" e Londrës e ka bllokuar atë. Të gjitha femrat që shfrytëzoheshin atje janë të lira, ndërsa hetimet po vazhdojnë për persona të tjerë të implikuar në këtë rrjet. Kur ka bllokuar godinën, policia angleze ka grumbulluar edhe një sërë provash të tjera shkresore. Sipas burimeve, shqiptarët kanë qenë shumë të rregullt në mbajtjen e të gjitha procesverbaleve të secilës nga vajzat e shfrytëzuara. Në këto procesverbale shënoheshin të gjitha veprimet e tyre dhe lekët që kishin fituar. Mesatarisht, secila nga vajzat arrinte që të fitonte rreth 300 paund anglezë në ditë.
Të gjitha këto prova janë përdorur nga prokuroria shqiptare në ngarkim të Petrit Colit, gjyqi i të cilit po zhvillohet në gjykatën e rrethit Shkodër. Përveç prostitucionit, ai akuzohet edhe për vrasjen e shtetasit Përparim Geci, rreth një vit më parë në Londër. Hetimet treguan se motivi i kësaj vrasjeje është konkurrenca e dy bandave rivale në trafikun e mishit të bardhë. Pak ditë më parë në gjykatën e Magjistralit të Lutonit, në Londër, u zhvilluan tre seanca për sigurim prove kundër Colit. I tërë trupi gjykues u transferua atje dhe seancat u zhvilluan me dy gjyqtarë. Gjatë këtyre seancave u morën në pyetje 12 dëshmitarë dhe ekspertë, por edhe u administruan provat shkresore. Kostoja e këtij gjyqi, i pari i këtij lloji në Shqipëri, ka qenë më e madhe se 60 mijë dollarë amerikanë. Pjesa më e madhe e këtyre lekëve është paguar nga pala angleze.

[Brari]

GAZ shqiptare
----------------------

Policia: Dy burrat bënë presion ndaj gruas 23-vjeçare. "Nëse s'ke lidhje me të vrite, përndryshe do të vrasim bashkë me fëmijët"

Zbardhet vrasja e rrallë e Shkodrës. Shpallet në kërkim Violeta Molla

Vrau "të dashurin" me urdhër të burrit e babait


--------------------------------------------------------------------------------

Unë e vras për të mbushur mendjen ty se nuk kam pasur të bëj me atë burrë". Me këto fjalë i është drejtuar Violeta Molla bashkëshortit dhe babait të saj dhe më pas një breshëri automatiku është derdhur mbi kokën e njeriut, për të cilin përflitej se kishte marrëdhënie intime.

Një ngjarje e kobshme është shënuar në skedarët e policisë së Shkodrës, e cila shumë shpejt ka arritur të zbardhë atë. Një njeri është vrarë për t'i dhënë fund një tufë thashemesh fshatrash dhe për të vënë në vend nderin e një gruaje të marrë nëpër gojët nga bashkëfshatarët e saj.

Të dhënat e para që vijnë nga Drejtoria e Policisë së Shkodrës bëjnë të ditur se tre është numri i personave të implikuar në vrasjen e Can Dushajt. Violeta Molla, 23 vjeçe, bashkëshorti i saj, Kol Molla banues në Shkodër, që të dy komshinj me viktimën, banorë të lagjes "Guerrile" dhe babai i saj Mark Zefi, tashmë janë personazhet e ngjarjes tragjike të shënuar në Malësinë e Cukalit. Ftohtësia me të cilën është kryer vrasja, nuk ka lidhje me asgjë tjetër veçse me ashpërsinë dhe forcën që ushtron kulti i nderit në zonat e thella malore të Malësisë së Madhe. Një grua nuk ka hezituar të tërheqë këmbëzën e armës ndaj komshiut të saj, vetëm e vetëm për të mbyllur gojët e liga, si dhe për të shpëtuar jetën e saj e të fëmijëve pas kërcënimeve të të shoqit. "Në se është e vërtetë se ti nuk ke shkuar me atë njeri, vrite. Ose, do të vras unë ty bashkë me fëmijët". Sipas policisë, ky ka qenë presioni që Kolë Molla, bashkëshorti i gruas vrasëse, ka ushtruar në sy të babait të 23-vjeçares, ide të cilën e ka mbështetur dhe ai, për të mos u përbaltur akoma më shumë nga fjalët e njerëzve. Të dielën gjatë gjithë ditës është bërë rrethimi i banesave. Si rezultat në shtëpinë e Mark Zefit të arrestuar tashmë, në Cukal, rreth orës 02.00 të mëngjesit të së hënës, është gjetur dhe arma e krimit, një automatik tip 56. Ai tashmë akuzohet për vrasje në bashkëpunim dhe armëmbajtje pa leje. Ndërsa të dhënat për çiftin janë shpërndarë në të gjithë Shqipërinë dhe sidomos në pikat kufitare të kalimit. Zbulimi i autorëve ka bërë që policia të ndërtojë të plotë dhe skenën e vrasjes dhe motivet. Sipas saj ekzekutorja direkte e viktimës 45-vjeçare është Violeta Molla, e cila në kryerjen e këtij krimi ka qenë e nxitur nga babai i saj dhe bashkëshorti. Si motiv cilësohet ai i dobëti. Tre personat i kanë zënë pritë Can Dushaj lindur në Tropojë dhe banues në lagjen "Guerrile", gjatë rrugës në vendin e quajtur Cukal. Ai e bënte çdo ditë atë rrugë me mjetin e tij tip "IFA" me targë SH 5878 C, ku transportonte lëndë drusore. Rreth orës 19.30 të së shtunës në një kodër 5 km larg rrugës, ku do të kalonte viktima me makinën e tij është ngritur dhe pusia. Pasi është qëlluar me automatik, 45-vjeçari është rrokullisur me makinë dhe ka rënë disa metra poshtë rrugës. Fillimisht policia është lajmëruar për aksident automobilistik, por më pas rezultoi se kemi të bëjmë me vrasje. Hetimet kanë nisur që në vendngjarje, por vetëm puna operative dhe dëshimtë e njerëzve për pozicionin dhe lidhjet që kishin vrasësit me viktimën, kanë çuar në zbardhjen e krimit.

--------------------------
Policia: Nuk është vërtetuar lidhja intime

Pushimet e thyera në mes nga thashethemet e fshatit


--------------------------------------------------------------------------------

SHKODER

Kishte menduar të kalonte pushime të qeta pranë familjes së saj në Malësinë e Cukalit, por siç thotë dhe fjala popullore "nuk të lenë shtrigat të bësh dasëm". Sapo Violeta Molla, banore në lagjen Guerrile të Shkodrës, ka mbërritur në shtëpinë e babait të saj, Mark Zefi, në Malësinë e Cukalit, është përballur me një mori thashethemesh, ku ajo përflitej se kishte lidhje intime me një shofer, komshi në lagjen "Guerrile". Bëhet fjalë për Can Dushaj, i cili punonte me kamion, duke transportuar lëndë drusore nga Malësia e Cukalit për në Shkodër. Gojët e liga kanë nisur të mbushin fshatin për lidhjet e saj me shoferin e druve, duke e bërë të padurueshme gjendjen. Fjalët kanë mbërritur dhe në veshin e bashkëshortit të saj, i cili bashkë me vjehrrin, Mark Zefin, kanë rënë dakort për mënyrën me të cilën Violeta do të vërtetonte pastërtinë e saj moral. "Asgjë nuk është e vërtetuar deri tani", janë shprehur burimet e policisë, në lidhje me marrëdhëniet mes dy komshinjve të lagjes "Guerrile". "Lidhja intime mes Violetës dhe Canit, ngel gjithmonë në kuadrin e thashethemeve dhe fjalëve të banorëve të malësisë. Megjithatë, forca e tyre ka çuar në vrasjen e 23-vjeçares", kanë deklaruar drejtuesit e Policisë Kriminale. "Ne jemi shumë të kënaqur me rezultatet e punës tonë. Kemi arritur të zbardhim ngjarjen, mjaft të komplikuar fillimisht. Dhe kjo pikërisht falë ambientit ku qarkullonin dhe fjalët për lidhjen mes viktimës dhe vrasëses".

---------------------------
Lajmi i fundit

Tiranë, vret të ëmën e riatdhesuar


--------------------------------------------------------------------------------

Nga Lushnja në Tiranë për të vrarë nënën. Shefije Dibra dje në vend të përqafimit nga djali I saj ka marrë një breshëri plumbash kallashnikovi duke I siguruar asaj vdekjen. Ngjarja ka ndodhur mbrëmjen e djeshme në Fushë-Prezë në periferi të Tiranës. Djali një 18-vjeçar jetonte tek gjyshi I tij, në Lushnje, pasi e ëma kishte emigruar në Itali. Vejushë prej kohësh ajo pas rikthimit në atdhe është vendosur tek motra e saj në Fushë-Prezë. Por sapo e ka marrë vesh lajmin për rikthimin e nënës, djali është armatosur dhe e ka qëlluar për vdekje nënën, duke u shpallur në kërkim nga policia.

--------------------
Arrestohet Hysen Hoxha. Rrëfimi i fëmijëve

Sherret pa fund: Rreh gruan keq dhe e lë të vdesë në dysheme


--------------------------------------------------------------------------------

au.da

LUSHNJE

Ka ekzekutuar gruan para një muaji, se nuk i kishte bërë drekën, arrestohet në shtëpinë e tij. Hysen Hoxha, 54 vjeç, është kapur dje në mëngjes në banesën e tij, në Allprenaj të Lushnjës. Burime nga Drejtoria e Policisë së Fierit, kanë bërë të ditur se, arrestimi i tij është bërë, pasi prej një muaji ka qenë person në kërkim, për vrasjen me mjete të forta të bashkëshortes së tij, Hatixhe Hoxha. Kjo e fundit ka vdekur dhe Hyseni është larguar, fëmijët janë marrë nga prindërit e viktimës, ndërsa autori kishte "marrë malin", deri dje në mëngjes, kur ishte futur fshehurazi në shtëpi.

Ka qenë mesdita e para një muaji, kur Hyseni është kthyer në shtëpinë e tij në fshatin Allprenaj. Sipas policisë, ai ka filluar të zihet me gruan e tij dhe menjëherë e ka goditur atë me grushta e mjete të forta, në të gjithë trupin. Pasi e ka gjakosur atë dhe e ka shtrirë përtokë, në vend që t'i japë ndihmën e parë, është larguar. Dy fëmijët e tyre, e kanë nisur të ëmën për në spital dhe me gjithë ndërhyrjen e mjekëve, ajo ka vdekur pas disa ditësh. Kjo, si pasojë e plagëve që kishte marrë në trup e kokë.

Pas ngjarjes, policia i ka pyetur dy fëmijët e çiftit, të cilët kanë treguar edhe ngjarjen. "Babi erdhi nga puna dhe nuk e gjeti drekën gati. Mami nuk pati mundësi t'ia bante se ishte e sëmurë. Ai nuk e la të fliste, por e qëlloi menjëherë me një dru, e çfarë gjeti përpara. U largua dhe nëna mbeti e shtrirë. Kujtuam se vdiq, por e vumë re se merrte frymë dhe e çuam në spital", kanë thënë fëmijët.

Pasi është shpallur person në kërkim, policia ka filluar edhe ndjekjet për të. Për disa ditë atë nuk e ka gjetur, megjithëse siç është mësuar dje, ai kishte qenë i strehuar te disa të afërm, në të njëjtin fshat. Dhe, të dielën në mbrëmje, ai është kthyer në shtëpi. Megjithëse nuk i ka ndezur dritat, është diktuar nga agjentët e Antikrimit, të cilët kanë lajmëruar Komisariatin e Lushnjës. Dhe, në mëngjesin e djeshëm është bërë i mundur arrestimi i tij. Siç është mësuar nga policët e këtij komisariati, ai ka thënë dje se "e kishte rrahur, mbytur, pasi prej kohësh ajo ishte bashkuar me fëmijët dhe silleshin mjaft keq me të". "Më trajtonin si një të huaj. Vija nga puna dhe nuk gjeja gjë për të ngrënë. Jo një ditë, por shumë herë. Nuk më fliste njeri dhe askush nuk e çante kokën për mua", ka thënë dje në polici Hasan Hoxha. Tashmë shtëpia e tij është e mbyllur, pasi vetë ndodhet në qeli, gruaja, Hatixhja në varr, ndërsa dy fëmijët te dajet e tyre.

-------------------
KORÇE/ Grindeshin për të prishur martesën

Qëllon burrin me levë në kokë


--------------------------------------------------------------------------------

KORÇE

Ka përfunduar në prangat e policisë, një 27-vjeçare nga qyteti i Korçës, e cila ka goditur me një levë në kokë bashkëshortin e saj. Tashmë mbi Viletra Cenollin, do të rëndojë akuza e "vrasjes së ngelur në tentativë". Sipas burimeve nga policia, incidenti familjar ka ndodhur në banesën e çiftit Cenolli, pas një grindjeje të zakonshme që kishin ato mes tyre. Gjatë zënkës, Violeta, ka goditur me një tub metalik në kokë, bashkëshortin e saj, Arbenin, i cili ka përfunduar në gjendje të rëndë në spitalin e qytetit. Duke u nisur dhe nga plaga e rëndë e tij, organi i hetimit, ka formuluar dhe akuzën ndaj Violetës. Sipas hetimeve të para, rezulton se grindjet e çiftit kishin si motiv vazhdimin apo jo të martesës së tyre. Vajza 27-vjeçare, është ndaluar pa rezistencë nga ana e policisë.

---------------------
Ekzekutim në qendër të Kuçovës. Kunati i divorcoi motrën. Dyshimi: Kishte lidhje me vëllane e viktimës

Thashethemet vrasin 20-vjeçarin
Mersim Kallmi arrestohet nga policia: Ja pse qëllova


--------------------------------------------------------------------------------

Zylyftar Plaku

Vendimin për të vrarë "dhunuesin" e nderit të familjes e ka marrë që në Greqi. Më pas, Mersin Kallmi, 30-vjeçari që kërkonte të bëhej i famshëm (të paktën brenda fshatit Tapi ku ai jeton), ka udhëtuar mijëra e mijëra kilometra për të ekzekutuar bashkëfshatarin, (pinjoll i familjes Pirja), i cili sipas thashethemeve të fshatit kishte marrëdhënie me motrën e tij.

Dhe kur nuk e ka gjetur atë Kallmi (ai nuk do të lejonte të dështonte në vendimin e tij), ka qëlluar mbi vëllain e tij. Një histori dashurie e ngritur mbi thashetheme, por që dje i ka prerë jetën një 20-vjeçari, vetëm e vetëm pse ai ishte vëllai i një djali që dashuronte.

Motivet
Mersin Kallmi, 30 vjeç, është nga fshati Tapi i Kuçovës. Kishte vite që punonte në Greqi. Para një jave është kthyer në fshat, vetëm për të bërë gjak. Arsyeja sipas tij, është ndarja e motrës P.K. nga burri. Shkaku i ndarjes së tyre kanë qenë thashethemet se ajo kishte marrëdhënie intime me një nga djemtë e Isa Pires. Kaq është dashur që Mersini të marrë vendimin për t'u hakmarrë ndaj shkaktarit të divorcit të motrës.

Madje, 30-vjeçari, Kallmi, kishte vendosur që tragjedinë ta bënte ditën kur familja e Isa Pires martonte vajzën. Të dielën, por nuk ka mundur, pasi "preha" e tij, djali i Isa Pires nuk kishte mundur të vinte nga Italia në dasmën e së motrës. Dje, të hënën, Kallmi, ka dalë herët nga shtëpia me të njëjtin qëllim për të vrarë të parin e Pirajve që do të takonte. Dhe të parin ka takuar xhaxhain e viktimës M. Pire. Këtë të fundit e ka provokuar për sherr, por nuk ka arritur ta qëllojë me pistoletë, sepse Pire ka ikur me vrap duke shpëtuar nga vdekja e sigurt. Nuk ka zgjatur shumë dhe në qendër të fshatit ka mbërritur i nipi, Taulant Pire. Ky i fundit ka qenë viktima e pafajshme e një krimi të paramenduar.

Ngjarja
Edhe Taulant Pire ishte kthyer vetëm para 3 ditësh nga Greqia për të marrë pjesë në dasmën e motrës dhe dje punonte me furgonin e tij në linjën Kuçovë - Tapi. Ka qenë ora tetë e mëngjesit të djeshëm kur Taulanti ka mbërritur në qendër të fshatit. Vrasësi Kallmi ka pritur sa kanë zbritur të gjithë pasagjerët nga furgoni, është afruar dhe ka qëlluar me pistoletën TT dy herë. Më pas e ka tërhequr duke e nxjerrë nga furgoni dhe e qëllon edhe tre herë të tjera. Tantativave për ndihmë ndaj viktimës nga ana e bashkëfshatarëve që ndodheshin aty, Kallmi, u është përgjigjur me kërcënim për vrasje. Ndihma 20-vjeçarit i është dhënë vetëm pasi është larguar vrasësi, por përpjekjet për ta ndihmuar kanë qenë pa rezultat. Menjëherë në vendngjarje ka shkuar grupi i ekspertëve të Policisë Kriminale dhe të Prokurorisë, ndërsa policia është vënë në ndjekje të vrasësit.

Vetëdija
Pasi ka bërë vrasjen, Mersin Kallmi, është larguar me qëllim arratisjen, duke dashur të përdorte dokumentat e rregullta që kishte për në Greqi. Nuk ka mundur të kalojë pikën e takimit mes lumenjve të Osumit e Devollit. Eshtë zbuluar nga policia. Sepse ai para se të largohej është kthyer në shtëpi për të takuar nënën dhe babanë. E bëra atë që desha dhe tani e di çfarë dënimi më pret, mësohet t'u ketë thënë Kallmi prindërve, të cilët nuk e kanë ditur më parë vendimin që kishte marrë i biri. Rreth orës 11.30 policia e ka ndaluar Mersin Kallmin pa rezistencë në shtëpinë e tij. Sipas një punonjësi të policisë, i cili ka qenë në momentin e arrestimit, Kallmi, është shprehur: "E bëra atë që desha dhe u takova me shtëpinë, tani më bëni ç'të doni".

-----------------

[Brari]

GAZ shqip
------------------
Në qelitë e mbipopulluara të paraburgimit, mungojnë femrat

Në qeli përditë me të njëjtën supë
Policia: Kishim fonde vetëm për t'i dezinfektuar


--------------------------------------------------------------------------------

SHKODER

Një numër i pafund dyersh të hekurta, drynë të rëndë që hapen një pas një, më pas një korridor i ngushtë dhe i gjatë, era e mykut, një dritë e zbehtë që hyn nga dritaret e vogla.

Kjo është panorama e parë me të cilën duhet të përballesh në dhomat e paraburgimit në Drejtorinë e Policisë së Shkodrës. Ato ndodhen në katin e parë të godinës së Drejtorisë së Policisë, në krahun e majtë të saj. Gjëja e parë që do ta mësosh nga të gjithë është mbipopullimi i këtyre qelive. E megjithatë në korridore nuk dëgjohej as zhurma më e vogël. Qetësia absolute të shoqëron ngado. Afërsisht aty qëndrojnë të burgosur në numër sa dyfishi i kapacitetit normal. Mbipopullimi, sëmundja e njohur e burgjeve shqiptare, ka bërë që në qelitë e paraburgimit të mos ketë asnjë femër. Arsyeja është shumë e thjeshtë. Dy gratë e vetme që janë në paraburgim duhej të qëndronin në qeli më vetë, kusht që nuk mund të plotësohej në qelitë e Shkodrës. Kështu motrat që vranë për të marrë gjak tashmë ndodhen në Tiranë.

Në listat e qelive të paraburgimit nuk mungojnë dhe minorenët si dhe ata që vuajnë tashmë dënimin e formës së prerë. Sipas statistikave këto kategori zënë 10 për qind të numrit të përgjithshëm të të burgosurve në këto dhoma. Brenda mundësive të burgosurit adoleshentë janë vendosur bashkë me qëllim që të qëndrojnë larg ndikimit që mund të kenë nga më të mëdhenjtë. Sigurisht që personazhi më i njohur dhe i mistershëm nëpër qeli vazhdon të ngelet Sadik Kuniqi, autori i katër vrasjeve makabër në qytetin e Shkodrës këtë vit. I parë si monstër në fillim nga të dënuarit e tjerë tani duket se gjërat kanë nisur të funksionojnë normalisht.

Problemi i sigurisë në Drejtorinë e Policisë së Shkodrës është zgjidhur me një efektiv të specializuar, i cili kontrollonte me imtësi çdo gjë. Në pikën më të lartë të mureve rreth tre metra të larta vinin dritaret e ngushta nga ku hynte drita. "Banorët" e këtyre qelive janë mësuar tashmë me oraret e vendbanimit të tyre të ri. Pa pasur nevojë për orën ata e dinin shumë mirë se kur ishte koha për të ngrënë apo për të dalë në dhomat e ajrimit. Po kështu e dinin përmendësh dhe menynë, e cila është e njëjtë thuajse çdo ditë dhe sigurisht që i linte të pakënaqur gjithnjë.

Kushtet aktuale në qelitë e paraburgimit kanë bërë që Drejtoria e Policisë të kërkojë një fond shtesë për riparime. Është rreth 2 milionë lekë fondi i kërkuar, i cili mendohet të shpenzohet për dyshemenë, krijimin e dhomës së mjekut, riparime të dhomave. Ndërkohë me fondet e saj Drejtoria e Policisë kishte bërë dizinfektimin e qelive dhe lyrjet e tyre.

-----------------
SADIKU shkodres.

---------
EKSKLUZIVE/ Flet 53 vjeçari Sadik Kuniqi. Më kanë shkatërruar kujtesën, janë përpjekur të më vrasin

Monstra Kuniqi: Viktimat e mia janë fajtore para meje


--------------------------------------------------------------------------------

SHKODER

I cilësuar si monstra vrasëse Sadik Kuniqi, 53 vjeç, i kalon i qetë ditët e tij të paraburgimit në qelitë e Drejtorisë së Policisë së Shkodrës.

Ai është në të njëjtën qeli dhe me pesë persona të tjerë. Fillimisht ai ka qenë tmerri i të burgosurve. Shokët e qelisë deri vonë flinin më rrallë. Gjithmonë njëri prej tyre rrinte zgjuar për të ruajtur se mos Sadiku do të vriste ndonjërin prej tyre. Sidoqoftë tani situata duket se është më e qetë. Me një ton të qetë dhe me fjalë të matura, Sadik Kuniqi, tregon për jetën në qeli dhe gjithçka tjetër, madje dhe për familjen, e cila nuk ka ardhur asnjëherë që ta takojë dhe nuk ka pranuar që t'i sjellë as orën e dorës.

A je penduar për atë çfarë ke bërë?
"Po. Jam penduar".

Si e ndjeni veten pas kaq kohësh në qeli?
"Në përgjithësi mirë".

Ju kanë ngacmuar të burgosurit e tjerë?
"Në fillim shumë. Më torturonin. Ishin tre persona, të burgosur dhe ata që më rrihnin. Tani jo, nuk më ngacmon kush".

A ke ndonjë shok këtu?
"Rrimë bashke me 5 vetë të tjerë në dhomë. Shok nuk kam asnjë".

A kanë ardhur njerëzit e familjes për të të takuar?
"Jo nuk ka ardhur asnjeri që të më takojë. Për fëmijët më ka marrë malli më shumë".

Do të kishe dëshirë t'u thoje ndonjë gjë katër fëmijëve tuaj?
"Jo nuk dua t'i them asgjë. Unë kam jetuar i ndarë prej tyre".

A mendon për dënimin tënd, shpreson se do të dalësh një ditë?
"Unë nuk kam avokat dhe as nuk dua të kem. Nuk rri të mendoj për dënimin që kanë për të më dhënë. Unë shpresoj të dal, pasi e ndiej veten të pafajshëm përballë viktimave të mia. Ata janë fajtorë para meje. Kam besim tek drejtësia. Nuk duhet të gjykohet pasoja, por shkaku që më ka çuar mua në këtë veprim. Jam plotësisht i pafajshmë. Deri në momentin që kam shkaktuar viktimat nuk i kam ba asgjë të keqe askujt dhe as që kam pasë në mend të bëj një gjë të tillë. Armiqtë e mi ma kanë shkatërruar jetën duke bërë veprime në kundërshtim me veten time".

Po tani a të ngacmon kush?
"Deri tani jo. Për vonë nuk di gjë".

A ke pasë frikë nga shteti, policia?
"Mua ma kanë shkatërru kujtesën. Nuk e di, por vetëm pas 2 minutash mbasi bëja vrasjet, kthehesha në vete dhe mund të rikujtoja ato çfarë kisha bërë".

Çfarë të kanë bërë viktimat tuaja. A ka momente që i kujton ato?
"Janë munduar të më vrisnin. Po i kujtoj. Por vetëm në momentet kur ata kanë dashur të më vrisnin mua. Nuk kujtoj momentin e ekzekutimit".
------------------------

hmmm... Vrasesit jane jo vetem psikopate por dhe aktor te mrekullueshem. Vrasesi i foshnjeve pretendon pafajsi..kulmi.

[Brari]

Haliti: Policia s'më ndihmoi

Dëshmon kosovari "Si më morën peng në Durrës"


--------------------------------------------------------------------------------

DURRES

Ishte nisur për punët e tij në Durrës, por ka përfunduar peng në një rulet, kushedi se ku. Kështu i ka ndodhur Rifat Halitit, nga Prishtina, i cili, siç pretendon vetë, është rrëmbyer në qendër të Durrësit nga një furgon i zi, në të cilin ndodheshin tre meshkuj dhe një femër. "Qëndrova disa orë në lokalin "Skënderbej", pranë stacionit të trenit. Dhe rreth orës 20.30, dola nga aty për të blerë cigare në një dyqan përballë. Sapo dola, një furgon i zi, m'u afrua dhe nga aty dolën tre djem e një vajzë, më futën menjëherë brenda. Më lidhën sytë e më çuan në një vend të panjohur. Pasi më morën pasaportën, dokumentin e lëshuar nga UNMIK-u, 220 euro dhe 30 mijë lekë, më mbajtën peng. Më thonin që të lidhesha me familjen dhe ata të paguanin 5 mijë euro për mua. Formoja numra telefoni të paqenë. Ndërsa të shtunën më çuan pranë Portit dhe më kërcënuan nëse do tregoja", ka thënë për Gazetën Shqiptare, Haliti. Siç ka treguar ai, ka bërë denoncim në policinë e Durrësit, por njerëz të kësaj të fundit, pas tri ditësh, i kanë thënë se "duhej t'i gjente vetë njerëzit që e kanë rrëmbyer".

-----------
Dje në Gjykatë, Mark Zefi merr burg pa afat për vrasje me paramendim

Vrasësen e "të dashurit" e torturuan për dy javë


--------------------------------------------------------------------------------

SHKODER

Violeta Molla, gruaja e cila akuzohet si vrasësja e Can Dushajt në Cukal për të mbrojtur dinjitetin e saj, është rrahur sistematikisht dhe është torturuar për dy javë në malësi". Kjo është e reja e fundit, që ka dalë nga hetimet e prokurorisë.

Megjithëse është troturuar, ajo nuk ka pranuar se ka pasur marrëdhënie intime me viktimën. Për të vrarë këtë të fundit, ajo është detyruar nga bashkëshorti i vet dhe mendohet se edhe babai i saj e ka nxitur. Ndërkohë ende nuk është provuar nëse mes viktimës dhe vrasëses ka pasur ndonjë marrëdhënie intime.

Dje në Gjykatën e Faktit të Shkodrës është vlerësuar dhe masa e sigurisë për Mark Zefin, të ndaluarin e vetëm nga tre të akuzuarit. "Isha në lokal, kur kam dëgjuar krismat. Të gjithë menduam se mos ka ra ujku në bagëti". Kjo ka qenë shprehja me të cilën Mark Zefi, 66 vjeç, nga Cukali, një ndër të akzuarit për vrasjen e Can Dushajt, 45 vjeç, e ka përdorur si alibi gjatë seancës gjyqësore, për vlerësimin e masës së arrestit. Megjithëse policia e ka cilësuar si pjesëmarrës në vrasje, vetë Mark Zefi nuk pranon që të ketë gisht në këtë ngjarje. Megjithatë gjatë seancës gjyqësore trupi gjykues, i kryesuar nga Izabela Radovani, ka lënë në fuqi kërkesën e prokurorisë me burg pa afat për akuzën e vrasjes me paramendimim dhe armëmbajtje pa leje. Nga ana e saj, avokatja mbrojtëse, Neta Kola, ka sqaruar: "Eshtë pranuar pjesërisht akuza. Vetëm armbëmbajtja pa leje, ndërsa vrasja absolutisht nuk pranohet. Në dosje nuk ka prova që të vërtetohet një akuzë e tillë". Ndërsa për armën e gjetur në banesën e tij, Mark Zefi ka pohuar se e kishte për vetëmbrojtje. "Jemi ngjitur lart me bagëti për të veruar. Armën e kam marrë për t'u mbrojtur prej kafshëve të egra. Ato shpesh na dëmtojnë bagëtitë".

----------
Pavarësisht nga pretendimet e të pandehurit nga Mirdita, pas ballafaqimit të palëve (akuzës dhe mbrojtjes), togat e zeza kanë vendosur masën e sigurisë "burg pa afat"

Donte ta trafikonte. Gjykata e lë në burg pa afat. Ardian Uka: Unë nuk e njoh atë vajzë

Përdhunoi adoleshenten, kapet pas tetë muajsh 21-vjeçari


--------------------------------------------------------------------------------

TIRANE

U ndalua dy ditë më parë me akuzën e përdhunimit të një të miture. Dyshohet se më pas e ka trafikuar jashtë shtetit për qëllime prostitucioni. Ardian Uka, ka dalë dje para togave të zeza të Gjykatës së Shkallës së Parë të kryeqytetit për të marrë masën e sigurisë.

Dje pas dhënies së masës së sigurisë "burg pa afat" ai ka patur edhe natën e parë të "buajtjes" në burg.

Ndalimi
21-vjeçari Uka, është ndaluar dy ditë më parë nga forcat e policisë së Komisariatit nr. 2 të Tiranës, pasi Prokuroria e rrethit kohë më parë kishte lëshuar një urdhër ndalimi ndaj tij. Sipas burimeve nga organi hetimor, Ardian Uka, akuzohet se në bashkëpunim dhe me persona të tjerë në muajin dhjetor të vitit të kaluar, ka përdhunuar 17 vjeçaren O.K. nga Tirana. Pasi është përdhunuar 17-vjeçarja ka shkuar vetë në polici dhe më pas në prokurori, ku ka rrëfyer me detaje të gjithë ngjarjen. Atje ajo ka nxjerrë emrin e autorit të krimit (Ukës). Pas denoncimit të saj Prokuroria e rrethit të Tiranës ka lëshuar një urdhër ndalimi, i cili u ekzekutua rreth 8 muaj pas ngjarjes. Ndërkohë ndalimi i të riut, Ardian Uka, është nxitur më shumë dhe nga fakti se 17-vjeçarja O.K. nga Tirana nuk është paraqitur në organin e akuzës për sigurimin e provës.

Vajza
Mungesa e dëshmisë së saj përfundimtare, shoqëruar dhe me mungesën e saj të gjatë në shtëpi, ka bërë që mbi 21-vjeçarin Uka të bie dyshimi dhe më pas akuza e trafikimit të saj për qëllime prostituimi. Ardian Uka, dje në seancën e drejtuar nga gjyqtarja Kaçe Agolli, nuk ka pranuar asnjë nga akuzat e atashuara nga prokurori i Tiranës, Kudusi Shahu. Ai është mbrojtur duke thënë se ai ishte i fejuar dhe se nuk e njeh dhe nuk ka asnjë lidhje me vajzën, e cila e akuzon për përdhunim. Pavarësisht nga pretendimet e të pandehurit nga Mirdita, pas ballafaqimit të palëve (akuzës dhe mbrojtjes), togat e zeza kanë vendosur masën e sigurisë "burg pa afat".

[Brari]

Mezan Malaj: Zbrita me shpejtësi nga pallati, mora Gentin dhe e çova në spital së bashku me persona të tjerë. Por gjithçka kishte mbaruar

VLORE/ Policia: Asgjë nga hetimet. Vrasje e tipit mafioz, u qëllua nga pas

Deputeti Malaj: Minutat e fundit me nipin e vrarë


--------------------------------------------------------------------------------

VLORE

Dy ditë pas ngjarjes së rëndë, ku humbi jetën 24-vjeçari, Gentian Troqa, nipi i deputetit socialist, Mezan Malaj, policia ka arritur të shprehet vetëm për mënyrën e vrasjes. "Eshtë një ekzekutim i tipit mafioz. Mënyra se si është kryer vrasja, duke e qëlluar nga pas, me plumb në kokë dhe duke u zhdukur me shpejtësi, pa u vënë re nga askush, na e ka vështirësuar së tepërmi punën.

Ndërkohë në shtëpinë e viktimës, vazhdojnë të hyjnë e dalin njerëz, që ngushëllojnë për gjëmën që i ka ndodhur kësaj familje. Në njërën prej dhomave është dhe deputeti socialist Malaj, i cili tregon minutat e fundit të tij me nipin, ndonëse i vdekur. "Në momentin që persona të panjohur qëlluan Gentin me breshëri automatiku, unë isha në shtëpinë time përballë pallatit të Gentit. Pasi dëgjova armët dola në ballkon dhe në atë moment shoh një makinë që iku me shpejtësi. Në këtë kohë del dhe motra ime, nëna e Gentit dhe më thërret : "Zani më vranë Gentin". Zbres me shpejtësi nga pallati, marr Gentin dhe e çoj në spital së bashku me persona të tjerë. Por gjithçka kishte mbaruar. Genti u qëllua pabesisht nga mbrapa, ku një plumb e kishte zënë në kokë dhe të tjerët në kurriz. Nuk dimë që Genti të ketë patur ndonjë problem. Gjithë njerëzit na flisnin për sjellje të mirë të tij, si në shkollë, shoqëri ashtu dhe me gjitonët. Do na lehtësohej dhimbja nëse do mësonim arsyen e vrasjes dhe nëse policia do kapte autorët e krimit". Pas deputetit Malaj, gjenë forcë dhe shprehet për GAZETEN dhe babai i viktimës, Myfit Troqa. "Djalin e kam patur shëmbullor në të gjitha drejtimet, si në shtëpi, shoqëri, shkollë dhe në lagje. Dilte nga shtëpia shumë pak, lexonte shumë libra të ndryshëm, në shkollë doli shumë mirë. Dinte të fliste dhe të shkruante italisht, greqisht dhe anglisht, kishte qejf sportin si dhe kompiuterin. Djalin ma vranë pabesisht, duke e qëlluar nga mbrapa. Nuk e di përse ma vranë djalin, por nuk di t'i kishte bërë keq ndonjë personi, apo të kishte borxhe a ndonjë sherr me dikë. Nëse do të dija arsyen përse m'u vra djali, do të isha më i qetë. Në se policia nuk do të kapë vrasësit e djalit tim, do të më ngelë brengë gjithë jetën". Në shtëpinë e mbushur me njerëz, dje ishte për ngushëllimi dhe kryetari i Partisë Socialdemokrate, Skënder Gjinushi, si dhe disa deputetë të tjerë të Kuvendit.
---------------------

Mjer nena e vet..ngushellime familjes se gentianit.

Gentiani eshte nji nga viktimat e fundit por jo i fundit i Rebelizmit te Vlores.
Armet ne dore te popullit jane fenomeni me i tmershem qe mund te ndodhe ne nji shtet.
Gjinushi eshte strategu i revolucionit te 96-97-es.
Ai derdh lot krokodili. Ska turp.
---------

Gjendet i vrarë roja e karburantit


--------------------------------------------------------------------------------

HIMARE

Një 50-vjeçar është gjetur i vrarë me armë zjarri në Himarë. Jaze Lila, banor i Himarës, është gjetur i vdekur në pikën e karburantit, ku dhe punonte. Zbulimi i kufomës, është bërë nga një drejtues automjeti, i cili rreth orës 07.00 të mëngjesit të djeshëm, kishte shkuar për t'u furnizuar me karburant. Në vendngjarje ka shkuar dhe policia, e cila nuk ka gjetur në vendngjarje, as gëzhojat e armës me të cilën është kryer krimi. Megjithatë ende nuk është përcaktuar ndonjë pistë përfundimtare hetimesh, pasi ka mundësi që Lila të jetë vetvrarë.

-------------
i "vet vrari" zhduk dhe armen dhe gezhojen sipas policve te himares...hajde polici hajde. lum partia qe ju ka.

[Brari]

"Ishte janar 1997 kur më erdhi 3 ditë rresht Petro Koçi. Atëherë ishte shef komisariati, Mevlan Xhindole. Ditën e tretë dëgjova që i kishte ardhur nga Prokuroria urdhri i lirimit, por në vend që ta nxirrnin, më thirrën mua për t'i qethur kokën"

PORTRET/ Koli Kordhishti, 72-vjeçari fierak që e kalon ditën në polici, azilin e pleqve e funerale

Koli, plaku që qeth të burgosurit
Nga Vilson Ahmeti, Petro Koçi e Zani Çaushi


--------------------------------------------------------------------------------

Aurora Damini

FIER

Nga Lipe Nashi, deri tek Zani Çaushi. Çdo 15 ditë, "vë në rresht" mbi 120 të paraburgosur dhe i qeth e i rruan brenda ditës. Nuk lodhet, ka një forcë të admirueshme.

Dhe këtë punë e ka bërë që në vitin 1985 e deri më sot, pikërisht atëherë kur puna e shtetit mori fund. Berberi "kumbarë" i Petro Koçit rrëfen jetën e gjatë mes të burgosurve. Koli Kordhishti, 72-vjeçar, por me një konstrukt të admirueshëm, shtatlartë dhe me aureolën fisnike të thinjave, ai përshkon çdo mëngjes rrugën mespërmes lagjes së tij "Kastriot" për të mbërritur pothuajse çdo ditë në Komisariatin e policisë së Fierit. Është berberi i të burgosurve, ai që mban në supe 17 vjetët e punës së tij brenda në dhomat e paraburgimit, njeriu që qethi e rroi që nga Lipe Nashi, Petro Koçin, Vilson Ahmetin e deri tek Zani Çaushi. Xha Kolin, kështu e thërrasin të gjithë me respekt, gëzon simpatinë e të gjithëve. "Edhe pse i shëmtoj duke i qethur 'karre', thotë duke qeshur Koli, edhe më rebelët nga të burgosurit, më urojnë 'Pleqëri të bardhë!'" Nga Lipe Nashi, deri tek Zani Çaushi. Çdo 15 ditë, xha Koli "vë në rresht" mbi 120 të paraburgosur dhe i qeth e i rruan brenda ditës. Nuk lodhet, ka një forcë të admirueshme. Dhe, këtë punë e ka bërë që në vitin 1985 e deri më sot, pikërisht atëherë kur puna e shtetit mori fund. "Kjo është puna ime, thotë me të qeshur, të qeth e të rruaj, pasi këta (tregon nga dhomat e paraburgimit), nuk shihen me sy parruar, të kallin datën. Po kush janë "viktimat" e xha Kolit? Pothuajse më shumë se gjysma e burrave të qytetit e kanë provuar dorën e xha Kolit. Jo se ata kanë hyrë në burg, por dhe kur punonte më parë si berber në shtet, në vdekjen e ndonjë të afërmi etj. "Unë kam qethur Lipe Nashin dhe grupin e naftës në 1974. Të them të drejtën, ndjeja një trysin. Më dukeshin burra fisnikë, të mënçur e me shkollë. Më dridheshin duart kur qethja. Edhe kur më sollën Petro Koçin e kam ndjerë këtë. U bëra 'kumbarë' i tij, thotë me të qeshur, dhe duket se e kisha dorën e mbarë, se më pas i eci në politikë. Ishte janari i vitit 1997 ku erdhi 3 ditë rresht Petroja. Atëherë ishte shef Komisariati, Mevlan Xhindole. Paraditen e ditës së tretë dëgjova që i kishte ardhur nga Prokuroria urdhri i lirimit, por në vend që ta nxirrnin, më thirrën mua për t'i qethur kokën. E ndjeva që ishte punë kunje, se pas asaj e liruan. 'Pleqëri të mbarë!' më uroi Petroja. Kështu më tha edhe Zani Çaushi, kështu më thonë të gjithë. Por, edhe qeshin me njëri-tjetrin të shkretët, kur shohin se u ka dalë koka si ftua, pasi janë qethur. Më ndodh ndonjë që pas burgut më jep kafe, por gjithnjë me respekt. Kjo është puna ime".

-------
"Kur nuk ka punë merret me lulet"


--------------------------------------------------------------------------------

Edhe pse detyra e tij brenda rrethit të komisariatit është vetëm të qethë të burgosurit, ai bën edhe punë të tjera. Jo se ia ngarkon njeri, por do që ambienti ku ai punon të duket sa më bukur. "Nuk i rrinë duart rehat, thotë duke qeshur shefi i dhomave të paraburgimit, Guma. Edhe kur ka ditë që nuk ka punë për të, ai do të vijë çdo mëngjes, njëlloj si ne dhe do të bëjë ndonjë punë që atij i duket e dobishme. Do mbjellë e do ujisë lulet para Komisariatit, do të lyejë me gëlqere bordurat anës lulishtes, dhe gjithçka tjetër që atij i bie në sy. Punon vetë, pa i thënë kush dhe pa asnjë lloj interesi. Është vërtet interesant dhe e duan të gjithë se është gojëmjaltë".
----------
Paga e palikuiduar e xha Kolit për 8 muaj


--------------------------------------------------------------------------------

"Ka 8 muaj, që nga janari i këtij viti, që nuk e merr pagën dhe jo pak, por duhet të ketë tani mbi 1 milionë e ca lekë (të vjetra). Nuk ka fonde Komisariati". Kështu thotë për të, shefi i dhomës së paraburgimit Demir Guma. Por xha Koli duket sikur e anashkalon këtë dhe kjo duket në faktin se ai vazhdon sërish të punojë pa shpërblim, por me shpresën se dikur do të kujtohen dhe për berberin plak të burgut, që nuk bën vetëm punën e tij. "Marr 200 lek (të vjetra) për çdo kokë që qeth, thotë Koli, ndërkohë që të tjerët nuk do të punonin as për 1000 lekë. S'ka fond ministria për mua, më thonë, por sidoqoftë unë e kam marrë një shpërblim: dashurinë e njerëzve".
----------------------
I dënuari proteston

Qethet Gaxhai: Ju po më zhburrëroni


--------------------------------------------------------------------------------

TIRANE

"Kjo është e padurueshme. Po më zhburrëroni". Pavarësisht rezistencës këmbëngulëse të të fortit të Burgut 302, makina qethëse e berberit të këtij burgu, ka "udhëtuar" e qetë edhe mbi kokën e Gaxhait. Dje në orët e para të mëngjesit, krerët e rinj të këtij burgu, kanë vendosur të "respektojnë pikë për pikë" rregulloren për kushtet e një të dënuari në izolim. "Përpara se të futesh në izolim duhet të qethesh. Dje kjo nuk u bë, por sot do qethesh", i kanë thënë oficerët, Gazmend Brakës. Por ai nuk ka pranuar. Për të mos e nisur nga ai, berberi ka "futur ndër këmbë" fillimisht katër të dënuarit e tjerë (edhe ata të izoluar si bashkëpunëtorë në tentativën e arratisjes). Kur ka parë "seriozitetin" e oficerëve të burgut, Gaxhai, nuk e ka zgjatur shumë, por është ulur vullnetarisht në karrigen e posaçme, duke e quajtur këtë veprim si zhburrërim. Komisioni disiplinor i Burgut 302, ka vendosur që, Gaxhai, të qëndrojë 3 muaj në izolim, si ndëshkim për tentativën e arratisjes. Si i dënuar me burgim të përjetshëm ai nuk mund të pësojë dënim penal. Gjatë kësaj kohe, Gaxhai nuk pranohet të takohet as me familjarët e tij. Sipas ligjit një i dënuar përfiton katër takime në muaj. Ndërkohë nuk përfiton as "ushqimet" nga jashtë, duke u detyruar që të hajë ushqimin e burgut. "Këtë ushqim nuk e hanë as qentë", ka thënë Braka gjatë një interviste pak kohë më parë për "Gazetën". Ndërkohë masa të rrepta sigurie dhe kontrolli janë duke u ushtruar në mjediset e Burgut të Sigurisë së Lartë 302. Pak ditë më parë Gazmend Braka (Gaxhai) së bashku me dy anëtarët e bandës së tij, Balliu e Ymeri dhe me katër të dënuar të tjerë mundën të hapnin dy vrima me përmasa 30 me 30 centimetra dhe tentuan të arratiseshin. Plani i tyre dështoi vetëm nga që u zbulua nga një polic shërbimi i objekteve. Pas këtij akti, drejtori i përgjithshëm i Burgjeve, shkarkoi të gjithë drejtuesit e këtij burgu, ndërsa u arrestuan dy oficerë dhe dy policë të atij turni. Për këtë të fundit sot do të vendosë gjykata për masën e sigurisë.

[Brari]

Shikasi bashkëpunëtor në vrasjen e Kuçovës


--------------------------------------------------------------------------------

KUÇOVE

Në vrasjen e djalit tonë kanë dorë punonjësit e SHIK-ut", ka pohuar rreth një javë pas vrasjes së Taulant Pires, babai i tij, Isa Pire.

Ngjarja e rëndë ka ndodhur në fshatin Tapi të Kuçovës, është pasuar nga akuza e rëndë, drejtuar punonjësve të Shërbimit Sekret, të cilët, sipas familjarëve të viktimës, kanë nxitur dhe kanë marrë pjesë në vrasjen e Taulant Pires. Këto deponime të familjarëve janë kallëzuar dhe në Prokurorinë e Rrethit, e cila tashmë ka nisur hetimet. Sipas babait të viktimës, gjithçka ka qenë e përgatitur me një skemë të qartë. "Plani ka qenë për të vrarë një nga djemtë e mi ditën e dasmës ose një ditë para saj, që të kthehej dasma në mort. Të hënën, para se të vinte furgoni me të cilin udhëtonte djali, Mersinin e ka marrë në telefon Tomor Kallmi dhe i ka thënë: "Po vjen dhe është vetëm fare!" Tomor Kallmi është kushëri i vrasësit të djalit tim, por ai është edhe kunati i vëllait tim, Bujarit", thotë Isa Pire për të sqaruar lidhjet miqësore ndërmjet fiseve Pire dhe Kallmi. Pasi e ka vrarë djalin tim, Mersini ka marrë në telefon dhe ka thënë: "Njërin e vrava, po të dytin jo!" E ka pasur fjalën për Silin, vëllan tim që iku me vrap kur e kërcënoi me pistoletë. Ai e qëlloi disa herë, por nuk e goditi dot. Më tej Isa Pire tregon për GAZETEN, se nxitës në këtë krim ka qenë dhe Ilir Oboni, punonjë i SHIK-ut në këtë zonë. Bashkë me Tomor Kallmin ata e kanë nxitur Mersinin që të kryejë vrasjen. Gjatë kohës që është kthyer nga Greqia, Mersini ka qarkulluar me makinën e Ilirit dhe me Tomorin. Ata, përveçese kanë lidhje me ne, kanë një lidhje më të afërt midis tyre. Mersini kishte motrën te kunati i Ilir Obonit, tek Putua", tregon Isai për vajzën që u përfol për marrëdhënie me djalin e tij, Vladimirin. Pistoletën Mersinit ia kanë dhënë ata të dy. Po ata kanë marrë fëmijët e Mersinit dhe i kanë larguar nga shtëpia, pasi ka ndodhur krimi. Në telefon Mersini u ka thënë që të ndihmojnë për t'u larguar edhe Gramozin nipin e tij, se mos mernim ne hak", përfundon Isa Pire.
----------
Çfarë ndodhi një vit më pare


--------------------------------------------------------------------------------

Baba i viktimës, Isa Pire, tregon dhe për një sherr të madh që ka ndodhur në fshatin e tyre, rreth një vit më parë, i cili e ka shtyrë Ilir Obonin që të nxisë Mersinin në vrasjen e djalit të tij. "Një vit më parë ka ndodhur një zënkë e madhe këtu në fshat. Kunati i Ilir Obonit me çifte ka ndjekur dhe ka qëlluar djalin tim, Vladimirin, te fusha e sportit për ta vrarë. Nuk e vrau dot. Ciften e kishte pa leje. Theu xhamin e makinës me çifte kur qëlloi. Erdhe policia dhe e mori. Sekuestroi edhe çiften pa leje, por e lëshuan. Ka ndihmuar Ramiz Oboni, që është kryetar komune dhe Iliri që është i SHIK-ut. Më bënë presion edhe mua me djalin për ta falur. I mbyllën gjërat dhe na u premtua se nuk kishte gjë, pasi u sqaruan. Ne s'kishim pse ruheshim. Por ja çfarë na ndodhi".

-----------
SHKURT


--------------------------------------------------------------------------------

Falsifikatori ishte vrasës

Falsifikatori i pasaportave kërkohej edhe për vrasje. Ardian Ilia Gjeçka, i kapur nga sektori i Antikrimit Ekonomiko-Financiar në Drejtorinë e Tiranës me dhjetë pasaporta ndërkombëtare të falsfikuara, kishte mashtruar në identitetet e tij. Pas verifikimit të bërë, ka rezultuar se ai ishte Genti Muharrem Aliaj, i vitlindjes 1969. Lindur në Oçisht të Korçës dhe banues në Devoll. Ai ishte i dënuar me 12 vjet për akuzën e vrasjes dhe ishte arratisur nga Burgu i Burrelit në mars të vitit 1997.


I rrëshket këmba, mbytet në pus

SHKODER - Një tjetër aksident shënohet në qytetin e Shkodrës. Ngjarja ka ndodhur tek stacioni hekurudhor i mallrave në lagjen "Skënderbeg". Bëhet fjalë për shtetasin Vuksan Hila, lindur në Dukagjin dhe banues në Shkodër. 53-vjeçari ka qenë duke pastruar pusin në oborrin e shtëpisë, kur i ka rrëshqitur këmba e ka rënë brenda duke gjetur vdekjen. Sipas policisë aksidenti është favorizuar dhe nga shiu i madh që kishte rënë.


Vdes nga energjia elektrike

SHKODER - Pasditen e dy ditëve më parë shtetasi Ndrec Ndreca ka gjetur vdekjen nga energjia elektrike. Aksidenti ka ndodhur në shtëpinë e viktimës. Duke dashur të rregullonte furnizimin me energji elektrike, 38-vjeçari, me një shkop ka tentuar të ndajë dy tela përcjellës, por ka gjetur vdekjen, pasi telat i kanë rënë përsipër trupit.


LIBRAZHD/ Vdes aksidentalisht 7-vjeçari

Një 7-vjeçar ka humbur jetën dje në mëngjes, ndërsa ende të paqarta janë shkaqet. Sipas policisë, Oltion Rizvani është gjetur i vdekur nga punonjësit e Komunales në vendin ku shkarkohen plehrat. Po sipas bluve, mendohet se ai ka rënë nga një lartësi prej disa metrash e përplasur në një gur. Ndërsa burime të tjera jozyrtare, kanë pohuar, se ai është gjetur në një kosh plehrash. Oltioni ishte fëmijë i vetëm, babain e kishte në Greqi, ndërsa nënën të papunë në shtëpi.


GAZETA SHQIPTARE

[Brari]

Jepi Korca!


shekulli
------------
Kishte një muaj që abuzonte me të miturën, përkundrejt një pagese prej 300 lekësh


Akuza, pranga 67- vjeçarit pedofil


Policia: i akuzuari, së bashku me vajzën 11- vjeçare u gjetën nudo në dyqan

KORÇË - Një 67- vjeçar u arrestua dje pasdite pasi akuzohet si pedofil. Burime të policisë së Korçës thanë për gazetën se 67- vjeçari, Sotiraq K., banor në lagjen nr.7 të qytetit u arrestua në kushtet e flagrancës. Po sipas këtij burimi, ai ishte duke abuzuar me një vajzë 11 vjeçe, në dyqanin pronë e tij, kur uniformat blu kanë shpërthyer derën e dyqanit dhe e kanë kapur në flagrancë. Shefi i krimeve pranë komisariatit të policisë në Korçë, Butrint Roshi, tha për gazetën "Shekulli", se 67- vjeçari është nën mbikëqyrjen e organeve kompetente, nën akuzën abuzime me të miturit.

Ngjarja
Sipas policisë, 67- vjeçari ishte pronar i një dyqani, në lagjen nr.,7 në afërsi të ish-hotel turizmit. Dje pasdite ai ka futur në dyqanin e tij një vajzë 11- vjeçare, identiteti i së cilës nuk bëhet i ditur dhe pasi ka mbyllur grilat dhe derën ka filluar të kryejë me të vepra të turpshme. Sipas burimeve të policisë ai bashkë me vogëlushen janë gjetur nudo. Vajza është trembur nga ndërhyrja e befasishme e policisë, ndërsa i moshuari nuk është përpjekur të justifikojë veprimet flagrante, sqaruan për gazetën burimet e policisë. Në moment uniformat blu kanë prangosur 67- vjeçarin Sotiraq K. dhe e kanë shoqëruar atë në dhomat e paraburgimit. Policia tha se ai kishte kohë që abuzonte me vajza të mitura dhe ishte nën mbikëqyrjen e organeve të rendit. "Edhe me vajzën 11- vjeçare ai kishte një muaj që kryente vepra të turpshme, kundrejt një pagese prej 300 lekë (të reja)",- thanë për gazetën burimet. Po dje në mbrëmje e mitura në prani të nënës së saj ka denoncuar 67 -vjeçarin si pedofil dhe ka ndihmuar grupin e hetimit për të akuzuarin. I pranishëm në këtë fazë hetimi ka qenë edhe prokurori i gatshëm. Fill pas denoncimit është vendosur arrestimi në flagrancë i 67- vjeçarit. Gjatë tre muajve të fundit në rrethin e Korçës janë arrestuar për vepra të turpshme me minorenë 5 persona, prej të cilëve dy në qytetin e Maliqit dhe tre të tjerë në Korçë. Rasti i fundit ishte ndalimi i një 22- vjeçari, i akuzuar për përdhunimin e një djali 6- vjeçar, ngjarje kjo e ndodhur në mjediset e braktisura të ish- uzinës mekanike bujqësore.
Jorgjeta Gjançi

[Brari]

Nji histori e dhimbshme.

ja cthote gazeta Shqiptare
--------------------------------------
REPORTAZH/ Si reaguan familjarët dhe banorët e fshatit. Dëshmitë e njerëzve që jetuan me të

"E kishim xhaxha, i flisnim hallë"
Flet nipi: Vetëm në spital e besova që ishte burrë


--------------------------------------------------------------------------------

Nga e derguara jone ne Skrofine

Ajo është kujdesur shumë për këtë shtëpi, ne do t'ia kemi borxh gjithë jetën", shprehet djali i vëllait të Vangjelit-(së), Arbeni. Edhe pse ka mbi një vit e gjysëm që nipi i Vangjelit-(së) e ka mësuar të vërtetën e kulluar, jo më nëpërmjet thashethemeve apo gojëdhënave, ai vazhdon ta thërrasë xhaxhain e tij të vdekur tre ditë më parë njësoj si e ka thirrur gjithë jetën, hallë.

Familjarët
Familjarët e kanë ruajtur mrekullisht sekretin e burrit që për 50 vjet është veshur si grua, ka jetuar si grua, ka dashuruar si grua... Madje shumë prej tyre nuk e kanë ditur kurrë të vërtetën e saktë. Thashethemet e fshatit Skrofotinë me kalimin e dekadave janë zbehur, transformuar dhe aktualisht shumica e banorëve kanë ditur një variant tjetër. Vangjeli(a) ka pasur dy lloj organesh gjenitale. "Jo kjo s'është e vërtetë, ishte vetëm mashkull", shprehet Arbeni. Ai nuk e harron dot përvojën e tij të parë me këtë lloj të vërtetë. Ka qenë viti 2000, kur problemet e shëndetit të Vangjelit(së) u shtuan. Në atë kohë nipi, Arbeni, e ka dërguar për herë të parë në spital. Gjatë zhveshjes dhe serumeve ai ka parë se gruaja 65-vjeçare, nuk ishte e tillë. Si të gjithë nipërit dhe mbesat e Vangjelit(së) edhe ai është befasuar nga e vërteta. Pavarësisht nga kjo nuk e ka dhënë veten në sytë e hallës (xhaxhait) deri ditën që ajo (ai) vdiq. Askush prej pjesëtarëve të familjes nuk e ka marrë guximin ta pyes, ndërsa gruaja-burrë ka qenë në paqe gjithmonë me ta, si e vetmja formë falenderimi. "Po, ka shumë që në fshat e dinë të vërtetën, kur ka qenë fëmijë edhe ajo ka luajtur cingli apo lojëra të tjera me ta", thotë Arbeni. Dhe në fakt kjo është e dukshme. Që në hyrje të fshatit të tregojnë ku ndodhet shtëpia e të vdekurit(ës). "Ku është shtëpia e atij burrit Vangjelisë", pyetëm kur hymë në rrugën e fshatit. Megjithëse e drejtuar gabim, adresa na u dha e saktë dhe pa asnjë lloj habie nga banorët.

Banorët
Vangjelia nuk e ka dashur kurrë fshatin ku vdiq. Ajo (ai) ka ardhur aty fëmijë, aty ka jetuar deri në moshën 18 vjeç, kur një ditë u shfaq para banorëve dhe bashkëmoshatarëve të tyre e veshur me fustan. Pas kësaj u largua për disa kohë në fermë. Kryesisht ashtu i ka shkuar jeta. Endej sa nga një fshat në tjetrin në këmbim të qetësisë shpirtërore dhe sekretit të madh të jetës së saj. Por megjithëse banorët e vjetër të fshatit e kujtojnë mjaft mirë historinë, askush nuk i ka rënë në sy. Ata që e ngacmonin më shumë ishin të ardhurit nga vende të tjera. Gjatë jetës së saj (tij) ka shërbyer si vajtocë nëpër vdekjet e banorëve të fshatit. Sipas bashkëfshatarëve ka qenë e dukshme ndjenja e tij (saj) kundrejt burrave të bukur. "Mjafton të shikonte një burrë të bukur dhe dallohej qartë ndriçimi i syve tek ai (ajo), shprehet njëri prej banorëve më të vjetër.

------------
Punonte çorape për familjarët


--------------------------------------------------------------------------------

Në shtëpi ka ende punë dore të Vangjeli-(së). Bluza leshi, çorape leshi dhe mjaft gjëra të tjera. Familjarët tregojnë se asnjëherë nuk i hoqi punët e dorës nga vetja. Shkonte me lopë dhe në duar mbante shtizat. Ja aty në sirtarin e divanit ka çorape të bëra nga ajo, tregon Lida. Janë çorpae të gjata që ajo i ekspozon, duke shtuar se kishte edhe një karakteristikë të saj në këto punë. Çorapet nuk i punonte si të gjitha gratë duke nisur nga gishtat për të përfunduar në pjesën e pulpës, përkundrazi i niste nga fundi. Ndërkohë që një pjesë e mirë e gjërave që ajo ka përdorur do të hidhen, pasi për familjarët janë të përdorura, çorapet do të vishen nga familjarët edhe këtë dimër...

-----------
Gjithë jetën punoi si rritëse lopësh

Familjarët shprehen se profesioni i Vangjelit-(së) ishte të merrej me rritjen e lopëve. Në shtëpinë e tij (saj) vazhdon të ketë një lopë dhe një viç. Gruaja-burrë e mbante këtë të fundit që ta therte në dasmën e nipit të vogël. Ajo vdiq para se të plotësonte amanetin e të vëllait për të martuar të nipin. Familjarët shprehen se bagëtitë i ruante vetë dhe qumështin e shpërndante nëpër familjet e nipërve që ndodhen në fshat. Në kuzhinën ku gatuante ndodhen ende tenxheret e qumështit. Mbi oxhakun e vjetër gjendet një shishe vaji e përgjysmuar. Gjithçka ka pamje të pastër dhe të kujdesshme, shenjë e një dore që kurrë se ka braktisur punën.


Humbi medalionin që do ta bënte burrë

Vangjeli-(a) ka patur një xhaxha që njerëzit e thërrisnin Dhaskal. Ai sipas familjarëve ka qenë njeri me shkollë dhe e ka shëruar njëherë burrin nga mania e të qënit grua. "Pasi foli me të ai i bëri një medalion prej floriri dhe ia dha ta mbante me vete në qafë. Kur mori medalionin ajo u kthye përsëri në burrë dhe u vesh si burrë, por medalionin ia vodhën", tregon Arbeni. Familjarët janë bestyt kundrejt këtij fakti dhe besojnë se nëse medalioni nuk do kishte humbur Vangjeli-(a) nuk do të "detyrohej" të jetonte 50 vjet si grua.


Pyetja e vetme për sekretin

Vetëm një herë një grua mori guximin për ta pyetur Vangjelin-(ë) për të fshehtën e madhe. Ishte një bisedë mes grash kur Vangjeli-(a) hidhet e thotë po lëri këto muhabete. Milica, infermierja e fshatit i drejtohet duke i thënë, "po ti çfarë je në të vërtetë pse nuk na e thua?". "E pamë që u trondit shumë nga kjo pyetje. U zverdh filluan t'i dridheshin gishtat dhe nuk foli fare", tregon e zonja e shtëpisë Lida. Pas kësaj pyetjeje mëse të guximshme, askush nuk tentoi më të zbulonte të vërtetën e vjetër. Vazhduan të përflisnin se ishte një burrë, ndonëse në grykë nuk i dukej ajo që të gjithë e njohin si molla e Adamit.
--------------
Gjithçka dyshohet të ketë nisur pas dështimit të një historie dashurie. Nipi:"Nuk donte të shkonte ushtar, askush nuk e di pse. Babai thoshte se ashtu iu fiksua"
Vangjel(ia) ishte një mashkull shumë i bukur me fytyrë të bardhë, sy të kaltër, dhe kaçurrela të gjata e të zeza

E fshehta e zbuluar në morgun e spitalit të Vlorës trondit fshatin. Si u shndërrua në femër 50 vjet më parë

Sekretet e burrit që jetoi si grua
Historia e rrallë e 65-vjeçares Vangjel(i) Llambro


--------------------------------------------------------------------------------

Nga e derguara jone ne Skrofine
Irena Shabani

Tre ditë më parë, rreth mesditës një makinë "fluturonte" drejt Vlorës. Nipi i Vangjeli Llambros, e dërgonte hallën e sëmurë në spital. Megjithë përpjekjet gruaja vdiq. Nipi i çakorduar nga vdekja e saj, e la për disa orë në morgun e spitalit dhe shkoi të lajmëronte të afërmit e tjerë.

Ky ishte gabimi i Arben Llambros. Dikush zbuloi se gruaja e vdekur në të vërtetë ishte një burrë. Kishte organe gjenitale mashkullore, ishte e mbuluar me qime në kraharor. Vetëm fytyra ishte e pastruar mirë prej tyre dhe pjesa e poshtme e këmbëve, e cila dukej prej fustanit. Dhe lajmi mori dhenë. Për familjarët tashmë kjo nuk ishte më një gjë e re. Ata e dinin sekretin e hallës (xhaxhait) të tyre, ndonëse askush prej tyre nuk di të thotë me saktësi shkakun e këtij çakordimi.

50 vjet më parë
"Nuk donte të shkonte ushtar, askush nuk e di pse. Babai thoshte se ashtu iu fiksua. Pasi u kontrollua nga mjeku, ata e lejuan të mos shkonte në ushtri", tregon Arbeni. Nga të vjetrit e shtëpisë vëllezër dhe motra të Vangjelit-(së) janë edhe dy gjallë. Por në varrimin e saj motra e madhe ju ka thënë nipërve se nuk e ka ditur kurrë që ajo ishte burrë. Po kështu edhe xhaxhai. Megjithëse familjarët e kujtojnë mirë atë histori, pasi Vangjeli-(a) ishte më e vogla, ata kanë vendosur të marrin me vete në varr të vërtetën. Ishte xhelozia ajo që e sëmuri, sipas familjarëve. "Nuk duronte dot kur flitej mirë për një femër të bukur, bëhej xheloze dhe ndihej keq", kështu tregojnë të afërmit. Sipas historive të familjarëve më të vjetër thuhet se Vangjeli-(a) ishte një mashkull shumë i bukur me fytyrë të bardhë, sy të kaltër, dhe kaçurrela të gjata e të zeza. Vishej me kominoshe të modës për atë kohë, pastaj pas "rebelimit" anti-ushtri dhe vizitës tek mjeku u vesh me fustan. Edhe vetë vëllezërit dhe motrat u mësuan me "ngulimin" e tij për të qenë një grua, ndërkohë që të gjithë vetë i drejtoheshin në formën mashkullore. Pas kthimit të "identitetit" ajo nuk rrinte dot më në fshatin ku ishte e zbuluar kundrejt thashethemeve. Iku. Në Mifol ka kaluar pjesën më të madhe të jetës së "Tij" prej gruaje. "Punonte në fermë, pasi ishte shumë më e fuqishme se një femër, merrte edhe më shumë para", tregon Arbeni. Kur ferma u shkatërrua ajo u rikthye përsëri në fshatin Skrofotinë. Familjarët u kujdesën që t'i krijonin një ndarje dhome të veçantë që të ishte sa më qetë.

Kurioziteti
Vjehrri im thoshte gjithmonë se po na linte mbrapa një barrë të rëndë. Në fillim më thoshte që të mos e mbaja shumë afër, pasi ajo ishte e sëmurë dhe kur të lindja fëmijë mund t'u bënte një gjë të keqe, po asgjë e tillë nuk ndodhi", tregon Lida. Kurioziteti për të vërtetën e "gruas" që dinte të gatuante, të bënte punët e shtëpisë më mirë se kushdo tjetër dhe maniakëria e saj për të pastruar me imtësi gjithçka e ka shoqëruar gjithmonë edhe nuse e shtëpisë. Mëdyshja mes thashethemeve të ndryshme ka marrë fund një vit e gjysëm më parë kur ajo u sëmur. I nipi Arbeni u kujdes për të dhe pas një kurimi në spital, Vangjeli-(a) u rikthye në shtëpi. E vërteta ishte zbuluar. Jo vetëm për mjekët dhe infermierët, por edhe për njerëzit e shtëpisë. Vangjeli-(a) u kthye në shtëpi me mjekër, me qime të gjata në këmbë. "U mbyll në dhomë dhe filloi nga pastrimi i fytyrës dhe i trupit. Desh zoti vdiq lehtësisht dhe nuk u përpëlit nga sëmundjet se të gjithë do ta kishin parë mjekrën prej burri", thotë Lida. Tendencat e tij (saj) homoseksuale për familjarët kanë qenë të dallueshme. Edhe në telenovelat ai (ajo) ishte e dashuruar pas meshkujve. Megjithatë askush prej tyre nuk di të thotë nëse ai (ajo) ka pasur ndonjë raport dashurie me meshkuj të fshatit apo të tjerë. Një gjë e dinë të sigurt, ishte xhelozia për një dashuri të pamundur ajo që çrregulloi hormonet mashkullore tek Vangjeli-(a).

--------
Askush s'e di të vërtetën e bisedës me mjekun

E vizituan te një mjek rus dhe të nesërmen u "bë" grua


--------------------------------------------------------------------------------

"Unë nuk shkoj në ushtri dhe pikë!" Kjo fjali e thënë me vendosmëri nga Vangjeli 18-vjeçar i detyroi familjarët ta vizitonin tek një mjek specialist. Vëllai më i madh e mori me vete dhe shkoi në Vlorë. Një mjek rus, ishte njeriu që vulosi përfundimisht që Vangjeli të mos shkonte në ushtri. Nuk është i aftë. Eshtë i sëmurë. Lëreni ta zgjedhë vetë jetën e tij, por kujdesuni. Ka nevojë për ngrohtësi, qetësi dhe ambient të veçantë", kështu iu drejtua mjeku të vëllait të Vangjelisë, babait të Arbenit. Dhe porositë e mjekut rus u plotësuan të gjitha. Askush nuk e di çfarë ndodhi në të vërtetë në dhomën e vogël të vizitave, çfarë i tha Vangjeli mjekut dhe e kundërta. Një gjë dihet me saktësi, një ditë pas kësaj vizite Vangjeli-(a) u gdhi me fustan, me shami në kokë dhe gjithçka femërore. Familjarët i krijuan fillimisht një dhomë të vogël më vete gjithë familjes. Por gruaja (burrë) nuk pati kurrsesi sjellje agresive dhe familjarët e pranuan lehtësisht brenda dhomave të shtëpisë. Kurioziteti për ta parë si ishte në të vërtetë mbaroi tre ditë më parë. Një baluke që ajo e nxirrte prej shamisë për të krijuar idenë e flokëve ishte e vetmja cullufe që i kishte mbetur në kokë. Flokët i kishin rënë të gjithë për shkak të shamisë. Kur gratë e lanë për ta futur në arkivol u kujtuan se disa vjet më parë kishin larë edhe një njeri tjetër që i ngjante tmerrësisht në trup dhe pamje, të vëllain e tij (saj), babain e Arbenit.

[Brari]

GAZ-SHQIP
-------------------
Punonte në zonën e Kombinatit në Tiranë. U nis me klientë për në Kavajë. Kishte ardhur në kryeqytet pas emigrimit në Greqi

Memisha Saka, quhej 40 vjeçari që u gjet i vrarë në një kanal. Mister autorët e krimit të dy ditëve më parë

Masakrohet taksisti për një benz
Punonte natën që të nxirrte më shumë para për familjen


--------------------------------------------------------------------------------

Irena Shabani

Mbërriti në kryeqytet një vit më parë me shpresën për të rifilluar një jetë më të mirë, por u largua i vdekur. Memisha Saka 40 vjeçari i gjendur i shpërfytyruar në një kanal pranë fshatit Gosë të Kavajës është përcjellë në orët e para të mëngjesit të djeshëm drejt Tepelenës. Pas disa vjet emigrimi në Greqi Memisha Saka ka marrë një shtëpi mre qera në zonën e Kombinatit.

Arsyeja e këtij vendimi kanë qënë tre fëmijët, edukimi dhe shkollim i tyre.

Tirana
Me ca para të vëna mënjanë në rrugët e Greqisë, ka blerë rreth një vit më parë një benz që e ka përdorur si taksi. Nuk ka pasur kurrë një liçensë taksie, kjo për faktin se gjendja ekonomike nuk i ka lejuar një "luks" të tillë. Sipas komshinjve punonte si taksixhi ditën, duke dalë në vendqëndrimin e taksive, por rrallë i binte të nxirte para. Kishte raste që vetëm me një shërbim e mbyllte ditën. Ishte kjo arsyeja që e detyroi dy javë më parë të ndryshonte orarin e shërbimit. Filloi të punonte natën si taksi. Udhëtimet e natës ishin më të shumta dhe fitimi më i mirë. Bënte edhe rrugë të largëta si në Kosovë apo shërbime jashtë rretheve. Në fundjavë punonte si taksi pranë "Sillo club". Nevoja ekonomike e kishte detyruar të merrte rrezikun në sy, por fatkeqsia ndodhi.

Ngjarja
Të hënën mbasdite rreth orës 18 ka dalë prej shtëpisë për t'u akredituar në vendqëndrimin e taksive. Atë natë nuk është kthyer në shtëpi as në orët e para të mëngjesit si ndodhte zakonisht. Familjarët janë shqetësuar më shumë kur kanë parë që nuk ka ardhur në shtëpi as paradite dhe as më vonë. Kanë komunikuar me njërit-tjetrin dhe me komshinjtë për të pyetur se mos rastësisht kishte telefonuar, por përgjigjja ka qënë negative. Një shpresë e vetme ka qënë fakti se mos është larguar me shërbim për Kosovë, por kur kanë parë se pasaporta ndodhej në shtëpi janë shqetësuar. Lajmërimi i bërë policisë nuk ka nxjerrë gjë në dritë. Trupi i taksistit është gjetur rreth orës 8 të mëngjesit të së martës dhe është mbajtur për 24 orë në morgun e qytetit të Kavajës. Kur kufoma ka mbërritur në morgun e Tiranës gruaja ka shkuar për identifikim. E ka njohur menjëherë të shoqin edhe pse kufoma ka qënë e shpërfytyruar. Ka pasur goditje me mjete të forta në fytyrë dhe në pjesën e mbrapme të kokës. Shumë njerëz e kanë mësuar historinë nëpërmjet të qarave të të shoqes. Shkak i masakrimit ka qënë vjedhja e taksisë me targë TR 44-59 E. Memisha Saka ishte nga fshati Qesarat i Tepeleneës. Ka qenë dëshira e familjarëve ta varrosnin në vendin e lindjes. Vargu i gjatë i makinave ka lëvizur drejt jugut në orët e para të mëngjesit të ditës së enjte, ndërsa arkivoli me kufomën e 40 vjeçarit është nxjerrë direkt nga morgu i qytetit të Tiranës. Memisha Saka kishte vetëm tre ditë që kishte hyrë në shtëpinë e re me qera. Ai dhe familja e tij ishin detyruar të gjenin një shtëpi më të vogël me qera, kjo për të ulur sa më shumë shpenzimet. Natën që 40 vjeçari ka dalë për në punë, askush nuk di të thotë se kur i kanë ardhur klientët vrasës. Një gjë dihet me siguri, ai ka dalë nga shtëpia pa ngrënë darkë me shpresë se do të kthehej para mesnatës aty.
------------------------------

rrac e poshter..
E hoqen denimin me vdekje.
bejn qejf banditet.

[Brari]

KJ
-------
"Nusja nga Dukati vdiq nga dhuna"
Zenepe Luka Vlore - Alketa Jazaj nuk ka pire helm. Vdekja e saj ka ardhur si pasoje e dhunes se ushtruar. Kjo ka qene deklarata bombe e bere dje nga kreu i Mjekesise Ligjore, Sokrat Meksi, mbeshtetur ne rezultatin e analizave lidhur me vdekjen misterioze te nuses nga Dukati qe vdiq pak jave ne pare. Menjehere pas ketij rezultati, prokuroria e Vlores ka urdheruar arrestimin e bashkeshortit te saj Arben Jazaj, te cilin gjykata e kishte siguruar me arrest shtepie. Nderkohe hetimet kane nisur edhe ndaj grupit te mjekeve ligjore te Vlores.

Pergjigjja qe vertetoi dyshimin e prinderve dhe vellezerve te Alketes

"Vajza dhe motra jone eshte vrare nga te tjere. Nuk eshte e vertete qe eshte vetehelmuar, kerkojme te behen hetime dhe te gjenden autoret!" Kjo ka qene kerkesa e vazhdueshme e te afermve te vajzes nga fshati Aliban, te bindur se Alketa kurre nuk mund te vetehelmohej, pasi e kishte foshnjen ne gji. Ky dyshim beri qe familjaret te marrin kufomen dhe ta varrosin ne fshatin e lindjes Aliban. Prokuroria e Vlores hapi dosjen penale ne ngarkim te bashkeshortit te saj Arben Jazaj, madje e arrestoi ate, por gjyqtarja Klodiana Gjyzarii hoqi prangat ne salle, duke e lene ne arrest shtepie. Vellezerit e Alketes trokiten deri ne zyren e kryeprokurorit te Republikes Theodhori Sollaku, i cili u kerkoi vartesve te tij qe te hetohej ceshtja e te zbatohej ligji. Ai i kishte qetesuar familjaret se vetem pergjigjja e analizave do te vertetonte ose jo dyshimet qe ata kishin. Qysh nga 15 korriku, naten kur Alketa u gjet e vdekur ne shtepine e saj ne Dukat, vellezerit dhe te afermit e saj kane qene ne pritje te analizave. Dhe pikerisht te merkuren, ne oren 10.00, Sokrat Meksi, ka dhene pergjigjen: Familjaret kane te drejte, Alketa nuk ka pire helm.

Pranga Arbenit, nuk ishte ne arrest shtepie



Kryeprokurori Petrit Cano, ne emer te ligjes, ka kontrolluar mbremjen e te martes ne fshatin Dukat, nese Arbeni qendronte arrest shtepie, sipas vendimit te gjykates, sidoqe organi i akuzes kishte kerkuar arrest ne burg. Ai eshte gjendur jashte fshatit, duke drejtuar mjetin e tij, kesisoj prokurori ka kerkuar riarrestimin e tij. Duket se perfundimi i analizave, perjashtimi i vetehelmimit te saj, eshte bere shkak per te ndryshuar akuzen, duke e ngarkuar si autor te vdekjes se bashkeshortes. Nderkohe behet e ditur se mengjesin e te merkures, ne organin e Prokurorise kane reaguar familjaret e Arbenit, madje kane lene ne nje nga zyrat e ketij organi edhe vajzen 1-vjecare Sara.

Ceshtje penale edhe per mjeko-ligjorin

Burime nga prokuroria kane thene per "KJ" se ardhja e pergjigjes se analizave nga Laboratori Qendror Mjeko-Ligjor, do te coje ne procedimin penal edhe ndaj mjeko-ligjorit te Vlores Gezim Numani. Ai ka shperdoruar detyren, pasi ka nxjerre perfundimet dhe shkaqet e vdekjes se Alketes qe jane vendosur edhe ne kartele, pa i bere autopsine kufomes, pa bere analizen e gjakut. Ne kartele eshte shkruar se shkaku i vdekjes se Alketa Jazaj, eshte pirja e helmit qe dezinfekton portokallet. Ka qene nje urdher i Prokurorise qe ka pezulluar varrimin e kufomes dhe pas 38 oresh, eshte bere autopsia e marrja e analizave. Deri ne momentin qe nuk kishin ardhur pergjigjet, kjo u konsiderua nje pakujdesi e mjeko-ligjoreve, ndersa pas dites se merkure, ka ndryshuar pista e hetimeve, duke synuar ne identifikimin e autorit. Ne keto rrethana te reja, rendohet edhe pozita e mjeko-ligjorit. Per momentin mendohet te merret per shperdorim detyre, por hetimet do te tregojne nese ka dicka te qellimshme, te paragjykuar nga mjeko-ligjoret, ka thene burimi. Per te sqaruar me tej rreth ketij bumi qe sollen pergjigjet e analizave te viktimes, nuses se Dukatit, Alketa Jazaj, kontaktuam edhe me shefin e Mjekesise Ligjore Prof. Dr. Sokrat Meksi. Ai deklaroi per "KJ" se ne perfundim te analizave ne laboratorin qendror te Alketa Jazaj, rezulton se nuk ka asnje perqindje helmi ne gjak dhe se pasojat e vdekjes se saj duhet te shihen diku tjeter. Kjo pergjigje i eshte derguar zyrtarisht organit te Prokurorise, qe po heton ceshtjen.

[Letersia 76]

Te vertetat sheshit .............

[Brari]

Nji POLIC idiot.

-----------

shekulli
-------------
Drita Isai, 34 vjeçe, u vra me një plumb pistolete në gjoks nga bashkëshorti 42-vjeçar Jonuz Isai
Polici vret gruan në sytë e djalit 8-vjeçar

SHKODËR- Krimi brenda familjes ka goditur përsëri në Shkodër. Jonuz Haziz Isai 42 vjeç, banues në Dobrat pranë qytetit të Shkodrës, ka vrarë bashkëshorten e tij Drita Isai, 34 vjeç. Ngjarja ka ndodhur rreth orës 16.30 në banesën e tyre, brenda në kuzhinë. Çifti Isai kishte 3 fëmijë, dy djem dhe një vajzë, respektivisht në moshën 8 vjeç e 6 vjeç si dhe vajzën 4 vjeçe. Jonuz Isai ishte efektiv i policisë në postën kufirit në fshatin Zogaj. Ai është grindur me bashkëshorten për motive ende të pazbardhura. Në grindje e sipër ai ka nxjerrë pistoletën e punës dhe pasi e ka mbushur ia ka mbështetur në gjoks bashkëshortes për t'i bërë asaj presion. Ajo ka pasur në dorë një thikë me të cilën po qëronte patate. Pas veprimit të bashkëshortit të saj, ajo ka reaguar menjëherë dhe gjatë përleshjes pistoleta është shkrehur. Një plumb e ka goditur 34- vjeçaren në gjoks, në anën e majtë pranë zemrës duke i shkaktuar asaj vdekjen e menjëhershme. Bashkëshorti vrasës nuk është larguar por ka qëndruar pranë viktimës për t'u kapur pak minuta më pas nga policia. Si provë materiale është sekuestruar arma, pistoletë tip TT me leje e policit Isai, gëzhoja dhe thika që ka patur në dorë viktima. Polici Isai ka pranuar gjithçka duke thënë se nuk ka dashur ta vriste, por vetëm ta kërcënonte të shoqen dhe arma i është shkrehur pa dashje. Sipas policisë ai është tepër i dëshpëruar dhe më pas është shoqëruar në komisariat ku do të pyetet nga organet përkatëse. Çifti Isai jetonte në një shtëpi me 2 dhoma dhe kishin pak vite që ishin vendosur aty. Sipas disa fqinjëve, ata kishin probleme ekonomike dhe për këtë ziheshin shpesh mes tyre. Burime policore bëjnë të ditur se i pranishëm në kuzhinën ku ndodhi tragjedia ishte dhe djali i madh i çiftit Isai. Sipas këtij burimi thuhet se grindja ka filluar pasi Jonuzi ka goditur me pëllëmbë të birin dhe e shoqja ka ndërhyrë duke u fjalosur me bashkëshortin, madje e ka gjuajtur atë me një objekt që e ka patur në dorë. Më pas polici ka marrë pistoletën dhe i është drejtuar gruas duke i thënë "unë të vras". Pas këtij momenti ai i ka mbështetur në gjoks pistoletën që sapo e kishte mbushur me fishekë. Djali 8- vjeçar, sipas policisë ka ndërhyrë për t'ia larguar armën nga dora babait dhe në atë moment ajo është shkrehur duke vrarë gruan me një plumb në zemër. Fqinjët kanë vrapuar drejt banesës së çiftit Isai, sapo kanë dëgjuar të shtënën. Ata pohuan se pas vrasjes polici bërtiste duke thënë "nuk doja ta vrisja". Sipas fqinjëve çifti Isai ka patur grindje të vazhdueshme. Burime të policisë pohuan se pas ngjarjes Jonuz Isai tentoi madje dhe të vriste veten. Për policinë çelësi i zbardhjes së kësaj ngjarjeje mbetet djali i madh i çiftit Isai, i vetmi dëshmitar okular në krim që ka parë gjithçka me sytë e tij. Ky është krimi i dytë i rëndë brenda familjes që ndodhi këtë vit në Shkodër. Më 4 korrik ishte Kujtim Ymeraj që vrau bashkëshorten e tij Frida Topalli dhe më pas vrau veten.
Anila Dushi
--------------------

Cjan keta bandita te veshur Polica..le po bejne dhe femije keta krokodila.

[Brari]

nga GAZeta shqiptare
------------------------------

Shpëtim Brahilika marshon nga Kamza në Tiranë dhe takon Mbretin

Një njeri mbi kalë çuditi dje kryeqytetin


--------------------------------------------------------------------------------

Ka udhëtuar në majë të kalit të tij nga Kamza deri në vilën numër katër i veshur me kostum kombëtar, ndërsa kalin e kishte mbuluar me një atllas bezhë, pasi donte të takonte mbretin.

Shpëtim Brahilika, quhet 60-vjeçari që çuditi dje gjithë kalimtarët që u ndeshën në rrugë rastësisht me të, po aq u çuditën edhe shoferët e automjeteve që udhëtonin përkrah një kalorësi të dyshimtë në kohët moderne. 60-vjeçari, ka shpjeguar për gazetarët se ai është një stërnip i heroit tonë kombëtar Gjegj Kastriotit. Po kështu ka ngulmuar se arsyeja e takimit të tij me Leka Zogun është më e thellë sesa një bindje politike. Sipas tij (historianët deri më sot nuk e kanë thënë) ekziston një lidhje e vjetër gjaku mes Kastriotëve dhe familjes së Ahmet Zogut. Familja e Shpëtim Brahilikës ka 150 persona, prej të cilëve 60 janë burra. Sipas Brahilikës ata janë të dhënë me mish dhe me shpirt pas familjes mbretërore. Kjo ka qenë edhe arsyeja pse Shpëtim Brahilika ka udhëtuar prej Kamzës deri në vilën ku është vendosur familja mbretërore. Kur ka mësuar se në atë orë rreth 11.00 të paradites, ai ka shkuar me kalin e tij drejt pallatit pranë TVSH-së, në katin e dytë të së cilës ndodhen zyrat e oborrit mbretëror. Në takim Brahilika ka hyrë së bashku me disa persona të tjerë. Kjo për arsyen se të premten në orën 11 e 30, mbreti ka takim me popullin. Ai i ka shpjeguar mbretit se veshja e tij tradicionale është një nderim si për mbretin, por edhe familjen e Kastriotëve, prej së cilës rridhte fisi i tij i madh. Brahilika ka shpjeguar për gazetarët se uniforma e tij popullore shoqëruar me xhamadanin tradicional të krahinës matjane, ka qëndruar për një kohë të gjatë në sëndukun e vjetër të shtëpisë. Po kështu, Brahilika, ka blerë dy ditë më parë një shtizë ku ka vendosur flamurin e kuq, të cilin e mbante në dorë. Atllasi bezhë me të cilin kishte mbuluar kalin e mbulonte të gjithin. Brahilika është shprehur se në zonën e Kamzës po qe se mbreti do të vërë kandidaturën, patjetër që do të fitojë.

[Prototype]

Brari na hape barkun yack sa peshtire ...... kto jane pasoja vetem te injorances .................

[Brari]

Kush ta hapi barkun?

Ata qindra fakte qe kam sjelle ketu per ata meshkujt shqiptar 20-30 vjecar ne kulmin e burrerrise e forces fizike qe ne vend se te punojne si muratore ose blegtore ose tornitore diku ne Tirane, Milano ose Larisa per te fituar me djerse LEKET qe duhen per buke e veshmbathje shkojne e rrembejne vajza te vogla ose nena me femije e i perdhunojne e i shesin e i therrin e i hedhin ne kazane plehrash ??

Apo e ke me kte fshatarin Shqiptar qe adhuron flamurin, Atdheun, Skenderbeun, Kombin e i hypen Kalit e shkon te ai qe adhuron, te Leka Zogu?

Nuk te kuptova o TIP I THJESHTE.