Bilal Xhaferri

[Xhuxhumaku]

Botohet e plotë vepra e Bilal Xhaferit

» Dërguar më: 27/11/2010 - 09:46



U mbajt dje në ambientet e MTKRS një sesion shkencor mbi veprën letrare të Bilal Xhaferit, e cila botohet e plotë me financimin e MTKRS. Të pranishëm ishin studiues, shkrimtarë, miq dhe dashamirës të shkrimtarit të mirënjohur të letrave shqipe.
Zv/ ministrja e TKRS-së, Suzana Turku në fjalën e saj tha se: "Përkujdesja ndaj vlerave më përfaqësuese të kulturës së shkruar shqipe, ka si qëllim të japë mbështetjen e duhur dhe të promovojnë ato vepra letrare". Vepra e plotë e Bilal Xhaferit përmban pesë vëllime. Vëllimi i parë përmban një studim hyrës si edhe poezinë e plotë. Vëllimi i dytë përshin studimin hyrës dhe krejt prozën e shkurtër, tregimet e përmbledhura në botimin "Njerëz të rinj, tokë e lashtë" si edhe tregime të botuara nëpër periodikë të ndryshëm kulturorë në Shqipëri dhe Shtetet e Bashkuara të Amerikës, si edhe krijime në dorëshkrim. Në vëllimin e tretë zënë vend përveç studimit hyrës edhe të dyja variantet e të vetmit roman që ka shkruar Bilal Xhaferi: Krastakraus - Ra Berati. Vëllimi i katërt i kushtohet kryesisht dramaturgjisë dhe në të janë përfshirë skenarë filmi, skeçe, publicistika etj. Ndërsa në vëllimin e pestë përmblidhen kujtimet dhe studimet e kryera nga Bilal Xhaferi përgjatë gjithë jetës së tij.

gsh.