Tragjedi!!

[Shpirt Njeriu]

LAÇ


Nuk u ka mbetur dopjo gjashtë në dorë, por hilet në lojë dhe shakatë e tepruara mes një grupi të njohurish kanë shkaktuar një tragjedi në qytetin e Laçit. Një i vdekur dhe shtatë të plagosur është bilanci i sherrit të djeshëm, i cili më pas ka degjenuar në shkëmbim zjarri. Siç është bërë e ditur nga uniformat blu të komisariatit të Laçit, Gjon Menga ka qëlluar me breshëri në drejtim të një lokali, ku një grup shokësh po luanin domino në një tavolinë të tij. Si pasojë, ka mbetur i vdekur në vend Lekë Suti, si dhe janë plagosur Altin Bushi, Bert Lepuri, Mikel Trokthi (pronari i lokalit), Kastriot Trokthi, Zef Trokthi, Sajmir Trokthi dhe Aris Trokthi. Pas ngjarjes, autori është larguar me makinën e tij "Audi 80", ngjyrë e bardhë, ndërsa në kërkim të tij janë vënë dhjetëra forca policie dhe speciale.

Vrasja
Ka qenë ora 15.10, kur në qytetin e Laçit është dëgjuar një breshëri e gjatë kallashnikovi. Plumbat ishin derdhur drejt një lokali që ndodhet përballë spitalit të qytetit, brenda të cilit luanin domino një grup të njerëzish, mes tyre pesë të një fisi (përfshi edhe pronarin). Sipas policisë, ai që ka qëlluar dhe më pas është larguar me makinën e tij (brenda saj ndodhej edhe një tjetër), është Gjon Menga, djali i tezes së Agim Pepës, vrasësit të Gani Malushit. Burime nga uniformat blu kanë treguar për Gazetën se autori i vrasjes një orë përpara se të ndodhte krimi ka qenë në të njëjtin lokal duke luajtur domino me personat e vrarë e të plagosur, ndërkohë që ata kanë nisur një konflikt banal me fjalë, për një hile që i kanë bërë gjatë lojës. Pas sherrit, ai është larguar për në shtëpi. Por më vonë është kthyer vetë i dytë. Ka ndaluar makinën para lokalit dhe ka dalë prej saj me një kallashnikov në dorë. Pa folur asnjë fjalë, Menga ka qëlluar mbi personat që ishin në tavolinë. Për pasojë, ka vdekur në vend shtetasi Lekë Suti nga qyteti i Laçit, si dhe janë plagosur shtatë të tjerë. Tragjedia mund të merrte përmasa më të mëdha, por, siç është bërë e ditur, Mengës i është bllokuar arma gjatë të shtënave dhe e ka përlasur në tokë, duke nxjerrë më pas pistoletën dhe duke qëlluar mbi personat. Më pas është larguar me shpejtësi nga vendi i ngjarjes së bashku me personin që e shoqëronte. Ngjarja ka shkaktuar edhe një të vetëplagosur, Genti Sutin, i biri i të vrarit nga Menga. Ai ka goditur me kokë xhamin e makinës në momentin që e ka parë të atin të vdekur, duke i shkaktuar vetes një plagë të madhe. Sipas dëshmitarëve okularë, të cilët kanë dëshmuar në vendngjarje, shënjestra kryesore e Mengës ka qenë njëri prej familjes Trokthi, të cilëve nuk ua ka dalë dot mbanë me fjalë në momentin që po ziheshin në lokal. Ndërsa nga breshëritë ka vdekur Suti, i cili edhe ai ka qenë duke luajtur domino në momentin e sherrit me fjalë.

Policia
Policia ka mbërritur menjëherë në vendin e ngjarjes, duke marrë edhe informacionet e para. Në moment është identifikuar autori, si dhe të plagosurit janë dërguar në spitalin e qytetit për ndihmë e më pas në Spitalin Ushtarak në Tiranë, pasi gjendja e tyre ka qenë e rëndë. Menjëherë për në Laç janë nisur Drejtori i Drejtorisë Qendrore të Policisë së Rendit dhe Forca të Ndërhyrjes së Shpejtë. Forcat e Drejtorisë së Policisë së Lezhës së bashku me ato të Ndërhyrjes së Shpejtë kanë ngritur postblloqe dhe kanë kryer kontrolle të shumta për të bërë të mundur kapjen e autorit dhe për zbardhjen e plotë të rrethanave të kësaj ngjarjeje. Por, deri në orët e vona të mbrëmjes, ai nuk ishte vënë në pranga.


Mamuras, gjendet i vetëvarur në shkollë, pranë tij një tufë me lule dhe atlete

Një i ri ende i paidentifikuar është gjendur i vetëvarur në katin e tretë të shkollës "Migjeni" në qytetin e Mamurrasit, në rrethana misterioze. Burime të policisë së Kurbinit kanë bërë të ditur se kufoma është gjetur rastësisht nga punonjësit e një firme, e cila kishte marrë përsipër lyerjen e shkollës para fillimit të vitit të ri mësimor. Por, sapo ata janë futur brenda, kanë ndier erën e rëndë. Dhe, kur janë ngjitur në katin e tretë të shkollës, janë tmerruar nga pamja trishtuese që u është shfaqur. Një person ka qenë i varur me litar në një dru që ishte i ngulur në mur. Ndërsa pranë tij është gjetur një tufë me lule dhe një palë atlete. Menjëherë punëtorët kanë lajmëruar policinë, e cila ka shkuar menjëherë në vendngjarje. Uniformat blu kanë konstatuar se trupi i të riut, që mendohet se është rreth 25 vjeç, ishte dekompozuar. Deri dje në mbrëmje ai nuk është identifikuar, pasi nuk kishte as dokument identifikimi me vete. Ndërsa në polici, nga rrethi i Kurbinit, nuk kishte pasur asnjë denoncim për zhdukje personi. Ai është dërguar në morgun e qytetit të Laçit dhe, sipas policisë, ai është rreth 2 metër i gjatë. Spacialistët kanë pohuar se ai mund të jetë varur aty prej afro dy muajsh dhe askush nuk e kishte vënë re, kjo pasi edhe shkolla është pa roje. Gjithsesi, po punohet për të zbardhur nëse është vetëvarje e mirëfilltë apo është një vrasje e qëllimshme e tipit mafioz. Lulet dhe atletet pranë të varurit e kanë shtyrë policinë të dyshojë se mund të mos jetë vetëvarje.


Plagosen dy, në Shkodër e Durrës

Dy persona kanë mbetur të plagosur gjatë ditës së djeshme në Shkodër e Durrës për motive të ndryshme. Kështu në Shkodër 35- vjeçari, Gjergj Degaj sapo ishte kthyer në vendlindje nga Amerika plagoset pas një shkëmbimi zjarri. Sipas burimeve policore, shkëmbimi i zjarrit ka ndodhur mes dy makinash. Në njërën ishin Gjergj Degaj dhe P.Gjoka dhe në tjetrën M.Gjoni e N.Dani. Nga hetimet mësohet se i plagosuri jetonte prej vitesh në Amerikë, ndërkohë që dhe njëri nga autorët e plagosjes kishte jetuar disa vite në Amerika, por atij i ishte hequr e drejta e hyrjes në SHBA. Deri tani mësohet se ngjarja ka ndodhur për motive të dobëta, por gjithsesi po hetohet se mos shkak për shkëmbimin e zjarrit ka qenë ndonjë problem i lindur në Amerikë. Ndërsa në Durrës është arrestuar, Erion Troplini, i cili ka qëlluar në ajër dhe ka plagosur plagosur një kalimtar të rastit, Romeo Bejto nga Tirana i cili sapo kishte zbritur nga automjeti i tij Fiat Lançia.

[Shpirt Njeriu]

"Më vranë djalin para syve"

Kishte ardhur për t'u çmallur me familjen pas dy vjet emigrimi, por është bërë viktimë e një ngjarjeje krejt banale. Dëshira për të dëgjuar një kasetë me këngë greke në lokalin e fshatit i ka kushtuar jetën 30-vjeçarit Dritan Shurdha nga fashati Perondi i rrethit të Beratit. Familjarët dhe bashkëfshatarët e viktimës ende nuk e besojnë se jeta e të riut është shuar për një motiv të tillë. Autori i vrasjes është Fatos Amati nga i njëjti fshat, i cili ka pasur edhe më parë precedentë penalë. Policia ka shpallur kërkimin për Amatin, i cili është larguar pas ngjarjes tragjike, ndërsa rreth orës 20:00 është vetëdorzuar në Komisariatin e Kuçovës. Babai i Dritanit është personi që e ka përjetuar më rëndë këtë ngjarje, pasi ka qenë dëshmitar në momentin kur djali i tij është qëlluar me tri thika pas shpine. Shkaku i nisjes së konfliktit në lokalin e fshatit dhe ekzekutimi nga pas, tregohen për Gazetën nga Zenel Shurdha, babai i viktimës.

Si nisi konflikti me autorin e vrasjes?
Rreth orës 9 e gjysmë në mbrëmjen e së enjtes shkuam në lokalin e fshatit me djalin dhe kunatin e tij për të pirë një kafe. Dritani i kërkoi pronarit të lokalit që të vendoste një kasetë me këngë greke, ndërsa disa djem të tjerë që ishin ulur karshi nesh kërkuan që të hiqet kaseta me këngë greke dhe të vendosej kasetë me këngë shqiptare dhe ashtu u bë.

Këtu filloi grindja?
Jo, në atë moment pati një grindje të lehtë midis tyre, por pa u acaruar shumë, pasi ndërhymë edhe ne.

Kur ndodhi vrasja?
Pak pasi bëmë atë debatin dolëm të tre për të ikur në shtëpi, ndërsa nga pas, mesa duket, na kanë ndjekur tre djemtë që u grindëm në lokal. Në një moment që erdhi krejt papritur, djemtë që na kishin ndjekur janë afruar nga prapa dhe e kanë qëlluar me thika djalin, duke e shtrirë përtokë. Nuk e mendova se mund të kishte marrë plagë të tilla sa të vdiste, pasi gjithçka ndodhi shumë shpejt, por, kur më thanë në spital se ndërroi jetë, më mirë të më kishin vrarë dhe mua. E kisha djalë të mirë, punëtor dhe kishte ardhur të na takonte, pasi kishte dy vjet që punonte në Greqi.

A e njihni autorin e vrasjes?
E kush nuk e njeh atë në fshat Fatos Amatin! Por fajin e ka shteti, i cili disa herë e ka futur në burg vrasësin dhe përsëri e kanë nxjerrë nga burgu. Njerëz të tillë që nuk kanë frikë nga ligji e shteti arrijnë deri aty sa të marrin jetë njerëzish të pafajshëm dhe neve na ngelet vetëm ngushëllimi.


Gjysëm ore më pas, dy viktima të tjera në fshat për borxhet

Pa u mbushur ende një orë nga vrasja e 30-vjeçarit Dritan Shurdha, fshati Perondi i Kuçovës, tronditet sërish nga ekzekutimi i dy të rinjve dhe plagosja e një tjetri. Janë vrarë Maks Kapedani, 24 vjeç dhe Viktor Baçi, 36 vjeç. Sipas policisë vrasja është bërë në lokalin e bashkëfshatarit të tyre Fitim Toska. Vrasjet nuk kanë pasur lidhje me njëra-tjetrën, ndërsa si ekzekutor për të dytën akuzohet Astrit Qamirani. Një borxh midis tyre ka qenë shkaku që Qamirani të qëllonte me automatik mbi dy bashkëfshatarët e tij, Maks Kapllani 24 vjeç e Viktor Baçi 36 vjeç, si dhe të plagoste 30 vjeçarin Leven Demiri. Plumbat janë derdhur mbi ta ndërsa po pinin birrë rreth orës 22 e 30, së bashku me tre shokë të tyre. Ekzekurori i ka qëlluar viktimat duke bërë qitje një e nga një ndërsa sipas banorëve aty pranë, para se të qëllonte ai ka kërkuar që të largoheshin tre të tjerët që kanë qënë të pranishëm në tavolinën e viktimave. Demiri ka marrë dy plagë në të dy duart. Ai është larguar disa metra nga vendi i ngjarjes dhe ka kërkuar ndihmë. Më pas është dërguar në spitalin e Beratit ku është mjekuar dhe rreth orës 02.00 të natës ka mbërritur në shtëpinë e tij. Si motiv për vrasjen policia dyshon se mund të jetë ndonjë borxh i vjetër i papaguar. Ndërsa familjarët kanë hedhur poshtë këtë version të paktën për viktimën Viktor Baci sepse ai jetonte e punonte në Greqi. Ai kishte ardhur pranë familjes për tu martuar sepse kishte dy vjet i fejuar me një vajzë. Madje do martohej pas dy ditësh. Për këtë arsye, sipas komshijëve të tij dëshironte të blinte një makinë . Me vete ka pasur edhe 5100 Euro të cilat i janë gjetur pas vrasjes. Asnjë nga personat e implikuar në këtë ngjarje si vrasësi ashtu edhe viktimat nuk kanë patur precedentë penalë më parë.


Perondia në frikë pas vrasjeve

Banorët e fshatit Perondi të Kuçovës i ka përfshirë frika pas përjetimit të tre vrasjeve shokuese të ndodhura brenda harkut kohor të gjysmë ore. Të mësuar me një jetë të qetë, ata pohojnë se edhe gjatë vitit të mbrapshtë 1997, në fshatin e tyre nuk kishte ndodhur pothuaj asnjë ngjarje e tillë. Gjatë ditës së djeshme ata kanë përcjellë tre të rinjtë për në banesën e fundit dhe janë mbyllur nëpër shtëpitë e tyre më herët se ditët e tjera. Të dyja lokalet ku ndodhën ngjarjet janë mbyllur për respekt të viktimave. Ndërsa në fshat ka ikur gjallëria e zakonshme. Banorët nuk dinë të shpjegojnë këtë shpërthim dhune në fshatin e tyre. Ndërsa janë shumë të pakënaqur nga autoritetet, sipas tyre të paktën me rastin e vrasësit të akuzuar Fatos Amati, që theri me thikë Dritan Shurdhën. Fshatarët ia kanë hedhur fajin shtetit, i cili disa herë e ka futur në burg këtë vrasës dhe po aq herë e ka nxjerrë, duke i lënë duar të lira të marrë jetë njerëzish te pa hijshem

[Shpirt Njeriu]

Trafiku dhe borxhi i vjetër janë pistat e hetimit të hedhura deri tani nga policia e Beratit për vrasjen e dyfishtë në Perondi dy ditë më parë. Ndërsa autori i vrasjes së dy personave, Astrit Qamirani, është ende në kërkim dhe policia ka hedhur edhe pistat e para të hetimit. Sipas policisë, njëri nga viktimat ka qenë emigrant në Angli rreth shtatë vite më parë dhe dyshohet se merrej me trafik njerëzish. Por, sipas tyre, Viktor Bici dhe autori i vrasjes, Qamirani, nuk kanë lidhje të drejtpërdrejta, gjë e cila e bën më të vështirë pranimin e këtij versioni për faktin se vrasësi i tyre nuk ka qenë i skeduar nga policia shqiptare, por vetëm nga policia ishullore. Në fakt pista që po heton më fort policia është ajo e borxhit të vjetër që Baci i ka pasur Qamiranit. Po sipas të njëjtave burime, mësohet se mbetet në fuqi versioni se shkaku për vrasjen e Bacit dhe të Kapedanit nga Qamirani në Perondi, ka qenë problemi i një borxhi të vjetër midis tyre. Sipas fqinjëve të viktimave, Viktor Baci i ka pasur Qamiranit një sasi lekësh dhe ia ka mohuar ato. Edhe pse ka ardhur nga emigracioni për t'u martuar këtë javë, ka dashur të blinte një makinë dhe nuk ka pranuar që t'i jepte borxhin komshiut, i cili për fyerjen që i ka bërë dhe për borxhin e munguar ka vendosur që t'i merrte jetën. Duket se në prani të sherrit të bërë disa ditë më parë midis tyre, pra Bacit dhe Qamiranit, ka qënë i pranishëm edhe Kapedani, i cili ka mbajtur qëndrim pro Bacit dhe në disfavor të Qamiranit, pavarësisht se ky ka qenë i vetmi dëshmitar për borxhin e marrë që para disa viteve nga Baci. Akoma qëndron i ngritur ky version në polici, por edhe midis banorëve të Perondisë. "Tashmë është ngushtuar dhe është identifikuar në zonën ku strehohet, por akoma nuk është përcaktuar vendi i saktë i vendqëndrimit të tij", kanë deklaruar burime nga policia e Beratit për vrasësin e dy personave ditën e enjte në darkë.


"Bashkëfshatarin e vrava se më tha që nuk njihja muzikën"

Më ofendoi se nuk njihja muzikën dhe se nuk e dija se çfarë ishte arti i vërtetë". Kështu ka deklaruar pas vetëdorëzimit në polici 24-vjeçari nga fshati Perondi i Beratit, Fatos Amati, pasi dy ditë më parë ai ka therur Dritan Shurdhën. Amati ka thënë se vrasjen e ka bërë në kushte të tronditjes psiqike, pasi ishte ofenduar nga 30-vjeçari në lokalin ku ishin së bashku me të atin dhe kunatin e tij. "Më quajti njeri që nuk merja vesh nga muzika dhe nga arti i vërtetë dhe nuk kisha para botë me sy, sepse as jashtë shtetit nuk kisha qenë dhe as kisha arsim, sepse kisha qenë disa herë në burgje", është mbrojtur më pas ai. Sipas 24-vjeçarit, ai nuk e ka ditur që viktima e tij kishte vdekur, por është larguar nga vendi i ngjarjes dhe ka shkuar në shtëpi duke dashur që t'i ruhej sherrit me të afërmit e viktimës. Pasi Amati ka marrë vesh se viktima kishte vdekur, ka treguar se nuk kishte mundësi se ku të fshihej. "Kur ka ardhur policia për kontroll në shtëpinë time unë kam hipur mbi çatinë e shtëpisë dhe kam qëndruar i heshtur. Qëndrimin im aty nuk e ka ditur asnjëri nga familja, të cilët e dinin se kisha ikur me qëllim që të mos dorëzohesha më në polici", ka thënë më pas ai. Megjithatë, Amati ka pranuar se ishte i penduar për vrasjen që kishte bërë.


E vërteta e vrasjes, Suti u vra gabimisht

Eshtë përcjellë për në banësën e fundit Lekë Suti 50 vjeç, i cili është vrarë dje në një lokal në qendër të Laçit. Suti është vrarë nga Gjon Menga, i cili vetëm disa orë më parë kishte pasur një konflikt me Aris Trokthin nga Laçi, i cili mbeti i plagosur. Burime të sigurta bëjnë të ditur se Aris Trokthi i ka zënë rrugën atij me makinë në afërsi të Kishës Laç. Pas ofendimeve të ndërsjella ka filluar edhe sherri, ku dy palët janë rrahur me grushta. Pas një ore Gjon Menga ka shkuar në lokalin e Mikel Trokthit për të mësuar se ku ndodhej kushëriri i tij, Arisi. Për të mos rënë në sy, ka bërë një lojë domino me një grup njerëzish dhe më pas ka shkuar në shtëpi. Por, i shoqëruar edhe nga dy persona të tjerë, me makinën e tij ka shkuar te lokali, duke qëlluar me breshëri automatiku. Si pasojë, vdiq aksidentalisht Suti, si dhe u plagosën shtatë të tjerë, mes tyre edhe Arisi.


Vërejtje kryepolicëve në Berat dhe Laç

Drejtori i Përgjithshëm i Policisë së Shtetit, Bajram Ibraj, menjëherë pas ngjarjeve kriminale të ndodhura në qytetet e Kuçovës dhe Laçit, krahas masave të marra për zbardhjen e tyre dhe kapjen e autorëve, ka dhënë edhe disa masa disiplinore për drejtuesit e policisë së këtyre zonave. Kështu, Shkëlqim Kokonozit me detyrë Drejtor i Policisë së Qarkut Berat i është dhënë masa disiplinore "vërejtje me paralajmërim", me motivacionin "Për mungesë korrektësie në kryerjen e detyrave" dhe konkretisht për mosmenaxhim të mirë të shërbimeve të policisë në kapjen e autorit të vrasjes së ndodhur në qytetin e Kuçovës. Gjithashtu, Dedë Gjokës me detyrë Shef i Komisariatit të Policisë Kurbin në Drejtorinë e Policisë së Lezhës, i është dhënë masa disiplinore "vërejtje me paralajmërim", me motivacionin "për mungesë korrektësie në kryerjen e detyrave" dhe konkretisht për mosmenaxhim të mirë të shërbimeve të policisë në kapjen e autorit të vrasjes së ndodhur në qytetin e Laçit.

[Shpirt Njeriu]

Zbardhet një nga vrasjet më të bujshme në Shkodër, ajo e vëllezërve biznesmenë Artur dhe Osman Alibali. Pas 5 vitesh janë identifikuar dy autorët. Policia e Shkodrës ka bërë gjatë orëve të drekës arrestimin e Frederik Totës, i cilësuar si një nga autorët e vrasjes. Ndërkohë, autori tjetër, sipas të njëjtave burime, Behar Bajri është i arrestuar dhe ndodhet në ambientet e Drejtorisë së Policisë së Shkodrës, për akuzën e armëmbajtjes pa lejë, i dënuar për të katërtën herë me një vit e katër muaj burg. Por, deri tani, nuk ka pasur prova për ta akuzuar për vrasjen e vëllezërve Alibali. Sipas policisë, ngjarja për të cilën akuzohen të dy personat ka ndodhur në janar të vitit 1999. Ndërsa dosja për këtë ngjarje është pezulluar më 30 nëntor 2000. Arsyeja ka qenë për mosidentifikim autorësh. Ndërkohë që më 18 prill 2004 Drejtoria e Policisë së Shkodrës bashkë me Prokurorinë kanë vendosur rihapjen e dosjes dhe vazhdimin e hetimeve. Pas pesë muajsh pune, grupi i hetuesve ka arritur në përfundimin se autorë të vrasjes janë pikërisht Tota 37 vjeç dhe bashkëpunëtor i tij, Bajri 24 vjeç. Pasi Bajri ishte në qeli për dënimin tjetër, për policinë problem ishte arrestimi i Frederik Totës.

Arrestimi

Burime nga Drejtoria e Policisë së Shkodrës kanë bërë të ditur se cilësimi fajtor për Totën ka qenë i përfunduar që para 15 ditësh, por po sigurohej vendndodhja e tij. Kështu, aksioni për kapjen e tij ka zgjatur pikërisht dy javë. 37-vjeçari është mbajtur nën survejim të plotë, duke iu survejuar çdo lëvizje e tij gjatë këtyre 15 ditëve. Sipas uniformave blu, duhej që aksioni për arrestimin e tij të mos merrej vesh nga shumë persona, si dhe të bëhej i mirëorganizuar, me qëllim që Tota të mos kishte mundësi të largohej. Dhe plani duket se ka ecur mirë. Aksioni i djeshëm në drekë ka qenë i menjëhershëm, i bërë pa shumë bujë. Pak policë dhe pa sirena ndezur, derisa ai është vënë në pranga, pa asnjë rezistencë, në shtëpinë e tij në lagjen "Salo Halili".

Policia
Sipas burimeve nga Minsitria e Rendit, janë të sigurta provat e grumbulluara për të përcaktuar fajësinë e Totës dhe Bajrit. Madje, sipas tyre, puna vazhdon për të siguruar edhe të tjera. Ndër to, janë dhe deklarimet e bëra nga disa persona. Burimet nga dikasteri i Rendit kanë pohuar se ndaj Frederik Totës rëndon akuza e vrasjes me dashje e kryer në bashkëpunim, si dhe armëmbajtje pa leje. Vrasja e bërë më 14 janar të vitit 1999 ka qenë nga më të bujshmet në qytet. Ndërsa dy vëllezërit Alibali, Arturi dhe Osmani, kanë qenë duke pirë kafe, fare pranë shtëpisë së tyre në "Rus", një makinë është afruar dhe ka kërkuar të bisedojë me ta. Dy vëllezërit kanë dalë nga kafja dhe i janë afruar makinës. Pak ditë më parë, njëri nga vëllezërit kishte shkëmbyer fjalë me njërin nga autorët e vrasjes. Ata kanë shkuar pranë makinës me idenë se bëhej fjalë për të sqaruar ndodhinë e shkuar. Por prej makinës kanë dalë breshëritë e automatikut që kanë lënë të vdekur në vend dy vëllezërit, Artur Alibali 35 vjeç dhe Osman Alibali 37 vjeç. Në një errësirë të plotë, pasi mungonte energjia elektrike, vrasësit janë larguar pa u identifikuar për disa vite me radhë. Zbardhja e kësaj ngjarjeje të harruar prej vitesh ka ardhur në sajë të punës së përbashkët që janë duke bërë Drejtoria e Policisë së Shkodrës dhe Prokuroria e këtij rrethi për ngjarjet e vjetra, dosjet e të cilave janë konsideruar të mbyllura.

[Shpirt Njeriu]

Plagosja në qendër, sherri për një celular

Shkëmbimi i zjarrit dy ditë më parë në qendër të Durrësit, ku mbeti i plagosur një kalimtar, ka ndodhur për një celular. Sherri mes personave që shkëmbyen zjarrin kishte ndodhur një ditë më parë. Vëllezërit Armand dhe Fatos Abdishaj, banorë të lagjes numër 11 të qytetit të Durrësit, i kishin zënë pusi me armë te rruga "Sefer Efendiu" 27-vjeçarit Erion Troplini, banor në lagjen nr.2 të qytetit. Sipas burimeve policore, mësohet se palët njiheshin që më parë me njëra-tjetrën. Mes tyre kishte ndodhur një grindje e cila si shkak kishte pasur një celular. Troplini nga njëra anë dhe vëllezërit Abdishaj nga ana tjetër pretendonin pronësinë mbi të. Ky sherr u finalizua një ditë më vonë me përdorimin e armëve të zjarrit. Shkëmbimi i zjarrit ndodhi kur Troplini po drejtohej në drejtim të kthesës pas Gjykatës së faktit, vëllezerit kanë qëlluar në drejtim të makinës "Benz" me ngjyrë të zezë, ku ndodhej Troplini. I menjëhershëm ka qenë edhe përgjigjja nga makina. Troplini ka zbrazur pistoletën në drejtim të vëllezërve. Që të dyja palët kanë gabuar shënjestrën dhe ata që janë rrezikuar vërtet, kanë qenë kalimtarët e rastit të cilët janë shtrirë në tokë të tmerruar nga krismat e armëve. Ai që e ka pësuar, ishte një banor i Tiranës, Romeo Bejdo, 38 vjeç, i cili ndodhej në Durrës për punët e tij. Policia e qytetit bregdetar bëri të mundur arrestimin e 27-vjeçarit Troplini, ndërsa për dy vëllezërit Abdishaj është lëshuar një urdhërarresti. 38-vjeçari i plagosur ka marrë ndihmën e parë mjeksore dhe tashmë ndodhet jashtë rrezikut për jetën.

[Shpirt Njeriu]

SHKODER



Një grindje për futbollin ka bërë që fëmija 17 vjeç të bëhet shënjestër e një të rrituri dhe të vritet. Orland Gjoni, nga fshati Melgushë, ka gjetur vdekjen nga plumbat e një pushke, rreth orës 18.00 të së shtunës. Zaim Muriqi 45 vjeç është cilësuar nga policia si autor i vrasjes. Ndërsa ai deri në orët e vona të mbrëmjes së djeshme nuk ishte kapur, policia dhe grupi hetimor kanë zbardhur motivin, i cili është një grindje fëmijësh për lojën. Ngjarja ka ndodhur në Mal të Jushit, pikërisht në stanin ku fëmija ruante bagëtitë, duke ndihmuar familjen e tij. Ngjitur me stanin është gjetur trupi i pajetë i Orland Gjonit. Nga hetimet e deritanishme rezulton se një person po nga fshati Melgushë është autor i ngjarjes. Një ditë më parë Orlandi së bashku me disa shokë të fshatit të tij kanë qenë duke luajtur futboll. Mes lojës ka nisur grindja ndërmjet Orlandit dhe djalit të Zaim Muriqit. Pas fjalëve, Orlandi ka rrahur të birin e vrasësit. Një ditë më pas, Zaim Muriqi është ngjitur në stan për të marrë hakun e të birit, pasi ndihej i fyer nga rrahja që i ishte bërë të birit. Në stan nuk e ka zgjatur shumë, por ka qëlluar me armë. Më pas, ai menjëherë është larguar. Policia e Shkodrës sapo ka marrë informacionin është nisur drejt Malit të Jushit me forca të shumta për të bërë të mundur kapjen e tij. Deri në orët e vona të natës aksioni ka vazhduar pa dhënë ndonjë rezultat. Megjithatë, blutë pohojnë se është bërë rrethimi i plotë i të gjithë zonës dhe se largimi i tij do të jetë i pamundur. Edhe nëse është fshehur në ndonjë zonë të vështirë, ai nuk mund të qëndrojë gjatë, pasi nuk do të ketë mundësi për të marrë ushqim dhe ujë.

[Shpirt Njeriu]

PER CA GJERA TE VOGLA….

Një i afërmi im, emigrant klandestin në Londër, si shumë të tjerë, më tregoi se kishte tre vjet që drejtonte një veturë pa patur patentë. Dhe kjo ndodhte në një vend ku toleranca e policisë është zero. Por atij asnjëherë nuk ia kishin kontrolluar dokumentet. Pasi asnjëhererë nuk i kishte shkelur rregullat e qarkullimit rrugor, ndoshta nxitur edhe nga fakti i parregullsisë së dokumenteve. "Nëse nuk bën ndonjë shkelje, policia nuk të ndalon këtu" - e mbylli rrëfimin e çuditshëm ai. E kujtova mikun tim, ndërsa një ditë të zakonshme udhëtoja pranë kryqëzimit tek vendi i quajtur Libri Universitar në kryeqytet. Ishte ora 16.30 dhe trafiku ishte në pikun e tij për shkak se është ora kur njerëzit lënë punën. Sapo kalova semaforin, një polic i qarkullimit rrugor, i gjatë e me syze dielli deri tek veshi, më kerkoi të hapja krahun. Në fakt në atë rrugë nuk ke ku të hapësh krahun për shkak të parkimit në të dy anët dhe mua nuk më mbeti veçse të ndaloja, të bllokoja tërësisht trafikun dhe të prisja policin e gjatë. Më kërkoi dokumentet një e nga një. E pyeta se çfrarë shkeljeje kisha bërë dhe më tha se të bëja atë që më kërkonte. Pastaj më kërkoi të hapja bagazhin e makinës. Ndërkohë nga pas, një kor borishë kërkonin që të hapej rruga, por polici nuk e kthente kokën as majtas e as djathtas. Hapa bagazhin dhe aty pa një biçikletë të vogël. U bë kurioz për të dhe i shpjegova tërë sinqeritet se e kisha vënë aty, pasi im bir në shtëpi nuk më kishte lënë gjë pa thyer me të. Kjo punë zgjati nja 10 minuta dhe për kaq kohë nga pas karvani i makinave ishte bërë si në Kakavijë. Më la të ikja pa më thënë se përse më kontrolloi dhe çfarë donte një polic trafiku me kontrollin fizik të makinës. Pa më thënë as më fal dhe as faleminderit, më pa tërë inat dhe iku tek një makinë tjetër. Ky njeri që përgjigjet për të stabilizuar trafikun, solli aq ngatërresë në atë kryqëzim sa mund të sjellin dy eskorta kryeministrore bashkë. Dhe nuk është i vetmi rast. Të udhëtosh nga njëri qytet një tjetrin do të hasësh në dhjetra postoblloqe.Të gjithë bëjnë të njëjtën gjë, të kontrollojë, të vonojnë nga 10 minuta dhe kaq. Të mësuar me servilizmin e shoferëve të furgonëve taksi, të cilët për një pasagjer më shumë u drejtohen tërë mirësjelljeje shefave të rremë, ata mbijnë në çdo kaçube rruge, duke përgjuar që dikush të jetë pak më shumë se shpejtësia e duhur. Ata nuk janë aty për të vënë rregull, por për të kontrolluar e kontrolluar, me shpresën se dikush nuk do të jetë në rregull. Prezantohen tërë kapadaillëk dhe nuk e kanë për gjë të të thonë se "edhe unë do të ha". Duke mos fyer ata punonjës policie të ndershëm e të përkushtuar, duhet të kujtojmë se të tillë nëpunës janë ata që bëjnë prezanitimin më të shëmtuar të shtetit me shtetasin. Atij shteti, i cili para se të fillojë tek krimi i organizuar, trafiku i klandestinëve, duhet të fillojë pikërisht këtu. Tek këto gjërat e vogla, në dukje.
….dhe më erdhi ti shtrëngoj dorën vërtet një polici në Maqedoni, i cili teksa udhëtonim drejt Shkupit na ndaloi dhe e vetmja pyetje që na bëri ishte: E dini rrugën?


Te Gjitha te Permendurat me Siper kane ndodhur per nje dite!!

Shpirt Njeriu

[Brari]

Shpi e kallash eshte shqiperia..

perjashto ca familje fisnike qe per arme kane librat e luget e tenxheret qe gatuajne kusuri i kane bere depo armesh furriqet e tyre.

Mjafton nje grindje e lehte,nje xhelozi,nje shaka pa kripe dhe cfaqet kallashi.

Sikur Pd-ja te ishte ne pushtet kurre nuk do te mund te c'armatoste popullin ..e kjo per arsye se shumica e popullit jane shoke proletare e kooperativisto-enveriste e kapterro-spiune ..e ata nuk do i dorzonin kallashet me urdher te Sali berish kok lo-qes.. Nje se e urrejneSaliun qe i beri me lop,kostum e kerr e vila e toka..e dyta se urdheri i brendeshem i partise tyre PS eshte ..ti mbajme armet se keshtu marrim pushtetin e ashtu e mbajme pushtetin..me griken e pushkes..

Mirpo Ps qe eshte e zonja ta carmatose Popullin ka 8 vjet ne pushtet dhe nuk po imbledh armet..

Aftesia ePS-se per ti mbledh armet eshte e padiskutueshme..

Ne se do Nano Ruco Bizhgo-Bracja.. per 2 dite i mbledh armet..

PS ka nje rrjet spiuno-militanto-veterano Shefqeto PEcIST- enveristo-haxhillesho-ist-hysni Kapoist e Ceko Ruco-Zabito ist-caushist.. qe ka per borxh te zhbiriloje jo kallashet e mitralozet ku jane e ku sjane nga Konispoli sigurimso-kufitarist e deri ne Vermoshin E Shistavecin Dokle isto Operativist pior dhe fishekun e fundit ne paje qe mund te ket ruajtur ndonje cop katunari..

Kurse ne Qytete... Ps ka nje armate militanto veshllapusho hund qeno-me-ere qe gjen brenda nates jo kallashe e bombat por dhe sa luge ka x e y familje.. nga Saranda ne tirane ..nga Bilishti ne Shkoder e nga Durresi ne Kucove..
Jo shume por nji jave po te doje Nano i duhet ta beje Shqiperine pa kallasha,pa granata bile pa cakmake me ndez cigaren..

por ata nuk duan..

Le te kene mileti kallash thon ata..le te vrasin njeri jatrin.. na boset socialiste jemi te siguruar..
benxa anti-plumb.. vila me roje nga terbaco-kopliko-skrapari..besnik si qen lume.. gango e gangsteresha body garde qe te marin gjak ne vetull ne rojllek.. spiune vullnetare qe na ruajne nat e dite e thase me euro e pasosha per ti kaluar ditet jashte shteti.. e ne shqiperi brenda te garantuar ne zyrat mbush me fuksa e goca cuna nomenklatyre..besnik te partise.. neper hotele e bordello te sigurte ku pronare e kamariere jane po ashtu militante socialiste.. etj..

Prandaj do vriten cdo dite ne shqiperi mileti se Shteti eshte ai i 97-tes e i dizet e dishit e 50 tes .. pra shtet i terroristeve e mafiozeve.. qe din te vrasin e din te ruhen..

qashtu..

[Shpirt Njeriu]

Ther me thike vellain, kapet 39-vjecari
LEZHE - Vellai, qe plagosi rende vellain, u kap nga forcat e policise se Qarkut Lezhe dje ne oret e para te dites, nje muaj pasi ia nguli thiken vellait per ceshtje pronesie. Ngjarja ndodhi ne fund te muajit korrik te ketij viti, ne qytetin e Lezhes. Zef Ndreaj, 39 vjec, banues ne lagjen "Skenderbej" te qytetit, ndodhej per nje vizite tek i vellai, Ndreu. Ne diskutim e siper, dy djemve te familjes Ndreaj u ishin ndezur gjakrat me njeri-tjetrin rreth nje ceshtjeje te vjeter pronesie te familjes se tyre. Duke mos e lene ate pune me aq, 39-vjecari Zef Ndreaj e goditi disa here vellain, Ndreun, me nje thike qe iu gjend prane ne ato caste. Me pas, ai u largua me shpejtesi nga shtepia e vellait dhe u zhduk per gati nje muaj, ndersa familjaret e tjere e shoqeruan te plagosurin ne gjendje te rende drejt spitalit te qytetit. Tashme ai ndodhet jashte rrezikut per jeten, ndersa vellai i tij ndodhet ne mjediset e komisariatit te policise se Lezhes, ne pritje te vendimit te gjykates per akuzen e "plagosjes se rende". Konfliktet mes personave me te njejtit gjak jane te shpeshta. Kryesisht krimi brenda familjes ndodh per motive te dobeta, ne pamje te pare. Edhe pronesia mbi nje rrjedhe uji ndodhi te jete shkak i grindjes deri ne krim brenda familjes para disa kohesh

[Shpirt Njeriu]

Lidhin kunatin, i marrin gruan e femijet

Tre vellezerit nga Durresi, Hajdar, Defrim e Besim Alla, dhunuan rende burrin e motres se tyre ne Belesh prane Elbasanit. Deshmia e 33-vjecarit Ndricim Saufi: "Me mbyllen gojen me shami dhe pasi me rrahen qe te tre, me lidhen pas krevatit, duke u zhdukur me time shoqe dhe 2 femijet". Te dyshuarit ne kerkim: "Nuk sillej more me motren"


ELBASAN - Lidhin dhe rrahin dhendrin, pastaj i marrin motren me dy niperit dhe largohen ne drejtim te Durresit. Ngjarja ndodhi dje ne mesdite, prane Beleshit. Vellezerit Hajdar Alla 27 vjec, Defrim Alla 32 vjec dhe Besim Alla 35 vjec lindur ne Librazhd e banues ne Spitalle te Durresit, sipas te dhenave paraprake te policise rajonale, jane autore te masakrimit permes ushtrimit te dhunes fizike te 33 vjecarit Ndricim Saufi, burrit te motres se tyre, baba i dy femijeve te mitur. Te akuzuarit te cilet jane ne kerkim nga policia e Durresit si dhe ajo e Elbasanit, mesohet se pasi kane ushtruar dhune te eger fizike ndaj kunatit te tyre ne bashkepunim me njeri-tjetrin. Pas masakrimit te 33 vjecarit, tre te dyshuarit e kane lidhur dhe me tej jane zhdukur ne drejtim te panjohur, duke mos harruar te marrin me vete edhe motren e tyre e cila ishet martuar prej disa vitesh me viktimen e vellezerve te saj. Burimet e policise te cilat kryen hetime ne vendngjarje i thane "Korrieri"-t se tre vellezerit nga Spitalla e Durresit, e akuzonin kunatin e tyre 33 vjecar Ndricim Saufi se ai nuk sillej mire me motren e tyre duke e keqtrajtuar ate. Policia e cila po kryen hetime nuk percaktoi nese tre vellezerit e akuzonin kunatin e tyre per nje ushtrim te mundshem te dhunez fizike nga viktima e tyre e djeshme. Policia sqaroi se eshte vene ne kerkim te tre te akuzuarve si autore te dhunimit te dhenderit 33 vjecar.

Gjithcka ka ndodhur mesditen e djeshme ne afersi te qytetit te Beleshit, ne rrethin e Elbasanit. Vellezerit Hajdar Alla 27 vjec, Defrim Alla 32 vjec dhe Besim Alla 35 vjec lindur ne Librazhd e banues ne Spitalle te Durresit kane udhetuar dje paradite ne drejtim te Beleshit, me mendimin per t'i dhene nje mesim te mire dhendrit te tyre "rebel" Ndricim Saufi 33 vjec i cili prej kohesh nuk sillej mire me motren e tyre nene e dy femijeve. Tre vellezerit jane futur ne shtepine e motres si miq dhe me pas i kane kerkuar dhenderit qe te jape disa spjegime se perse ai sillej keq me motren e tyre ndonese i kishte dhuruar dy femije.

Ndri]imi eshte justifikuar te argumentoje qendrimin e tij si burre zakoni, por ka hasur ne "emancipimin" e tre vellezerve me banim ne Spitalle. Pasi nuk kane mundur t'i sqarojne gjerat si duhet, tre vellezerit i kane thene Ndricimit se do ta marrin motren pasi nuk mund ta linin me ne duart e tij. Por 33 vjecari ka kundershtuar duke qene ne shtepine e tij. Epersia numerike i ka ndihmuar tre vellezerit qe te paralizojne veprimet e belshakut. Ne fillim ata i kane shtene nje shami ne goje ne menyre qe te mos alarmohen te afermit dhe fqinjet. Me pas e kane vendosur pas hekurave te krevatit dhe i kane lidhur kembe e duar. Pasi nuk i kane lene asnje mundesi veprimi dhenderit, tre vellezerit kane marre motren dhe dy niperit dhe jane nisur drejt fshatit Spitalle. Ndricim Saufi eshte gjetur i lidhur kembe e duar vetem pas disa oresh ne shtepine e tij. Familjaret e kane zgjidhur dhenderin dhe me pas e kane ndihmuar qe ai te vije ne vete. Ndricimi u ka treguar gjithe historine te afermeve dhe me pas eshte drejtuar per ne polici per te denoncuar kuneterit e tij. Policia eshte ne veprim per te zbardhur te plote shkaqet e kesaj ngjarjeje.

[Shpirt Njeriu]

LIBRAZHD - Ka vdekur tragjikisht nje 15 vjecare me banim ne Polis te rrethit Librazhd. Brisilda Muzhaqi nderroi jete dje, pasi nuk ka mundur t'i rezistoje dhimbjeve te plageve te shkaktuara nga flaket e zjarrit te marra dy dite me pare ndersa sakrifikoi per te shpetuar prinderit e saj. Fatkeqesia ze fill tre dite me pare, nga nje kazan rakie. Familja Muzhaqi ka qene duke zier rakine fare prane shtepise. Nje pakujdesi e vogel ka bere qe te derdhet kazani dhe shtepia te mbulohet nga flaket. Brenda ishin prinderit qe ate cast u vune ne rrezik. Brisida u hodh mes flakeve per t'i shpetuar. Por e ka pesuar rende per vete. Prinderit kane mundur te dalin nga flaket me plage te lehta ne trup, ndersa Brisida ka pesuar djegie te rende, kurse shtepia u be shkrumb e hi. Brisida u dergua ne spital dhe per me shume se 48 ore ka qene nen kujdesin e mjekeve. Por me gjithe perpjekjet e bera nuk ka qene e mundur qe ajo te rikthehet ne jete.

[Shpirt Njeriu]

Tirane-Shkoder, kapen 6 grabites me arme

TIRANE/SHKODER - Gjashte persona jane arrestuar gjate dites se djeshme ne Tirane dhe ne Shkoder, te akuzuar per grabitje te dhunshme me arme zjarri. Forcat e komisariatit nr 1 ne kryeqytet kane arrestuar Gazmir Porja, Kreshnik Kurtcani dhe Ermal Goci jane tre personat te cilet u shoqeruan nga uniformat blu te komisariatit ner nje kryeqytet me dyshimin se jane autoret e grabitjes me arme te automjetit, prone e nje shtetasi po nga qyteti i Burrelit. Nderkohe, tre grabites nga rrethi i Pukes, te cilet njiheshin nga banoret si tmerri i akseve Iballe Puke dhe Puke Fierze, qe dje ndodhen ne dhomat e paraburgimit te Komisariatit te Pukes. Sipas burimeve policore tre personat e ndaluar, dy vellezerit Dede Lleshi 24 vjec dhe Angjelin Lleshi 20 vjec nga Komuna Qelez e rrethit Puke dhe shoku i tyre Gezim Ndou, 29 vjec, banues ne Sapac te Komunes Iballe jane arrestuar ne banesat e tyre dje, pasi mbi ta rendojne akuzat e vjedhjes me arme, armembajtje pa leje dhe kultivim te bimeve narkotike, ne bashkepunim. Gjate kontrollit te ushtruar ne banesat e tyre, u gjeten tre automatike, nje pistolete si dhe 1 050 rrenje canabis sativa.

[StormAngel]

Me te vertete per te ardhur keq.
Dhe cka eshte me e keqja,asgje nuk ndermiret per tu parandaluar te tilla raste.

[Shpirt Njeriu]

Të afërmit e 3 të rinjëve denoncojnë dhunën e bluve

KRUJE

Kundërshtimi ndaj një pronari për t'i liruar lokalin, pasi do ta mbyllte, u ka kushtuar shtrenjtë tre të rinjve nga qyteti i Krujës, të cilët ishin duke pirë. Familjarët e tyre pretendojnë se, ata janë masakruar nga grupi i gatshëm dhe deri dje në drekë kanë qëndruar në spital dhe më pas janë dërguar në qelitë e komisariatit. Familjarët e tre të rinjve, Shkëlzen Cengjilli 29 vjeç, Arjan Stafa 29 vjeç dhe Dritan Tafaruçi 27 vjeç kanë reaguar ashpër ndaj ndërhyrjes së uniformave blu, duke kërkuar që menjëherë të zbardhet e vërteta.

Sherri me policinë
Ka qenë ora 22.30 minuta e ditës së diel, kur Luan Ndreu, pronari i një lokali pranë stadiumit të Krujës, u ka kërkuar tre të rinjve të dehur, që ishin duke pirë në lokalin e tij, që të mbaronin pijet që kishin në gota dhe më pas të ngriheshin, pasi lokalin do ta mbyllte. Siç është bërë e ditur, ata nuk kanë pranuar, madje kanë kërkuar që pija t'u përsëritet. Në këtë moment, Ndreu ka lajmëruar policinë. Pas pak minutash, në lokal kanë hyrë uniformat blu, të cilat u kanë përsëritur të rinjve kërkesën e pronarit. Sipas policisë, Cengjilli, Stafa dhe Tafaruçi i kanë kundërshtuar me forcë uniformat blu. Madje, kanë goditur me grushta policin Ilir Lipo, ndërsa kanë dashur t'u bien me mjete të forta kolegëve të tij. Në këto kushte, sipas bluve, policët e komisariatit janë bërë të dhunshëm, duke përdorur forcën ndaj tre të rinjve. Ndërsa prindërit e tyre thonë se, fillimisht i kanë goditur në lokal, por "formaliteti" ka vazhduar më keq kur i kanë futur në furgon. "Në momentin që i kanë dërguar në komisariat, oficeri roje nuk i ka marrë në dorëzim, pasi gjendja e tyre ka qenë e rëndë. Të njëjtin veprim kanë bërë edhe bluzat e bardha të spitalit të Krujës. Kur e kanë parë veten ngushtë, uniformat blu i kanë sjellë tre të keqtrajtuarit në Spitalin Ushtarak të Tiranës, ku ata kanë marrë ndihmën e parë. Po natën, i kanë dërguar në Krujë, duke i futur në spital", ka thënë njëri nga të afërmit e të rrahurve, sipas të vilit, "pasi janë mjekuar deri në mesditën e djeshme, blutë i kanë marrë sërish të keqtrajtuarit, të cilët kishin fraktura në kokë, trup dhe këmbë, dhe i kanë dërguar në qelitë e komisariatit". Ata janë mbajtur gjatë gjithë kohës të ruajtur dhe larg çdo kontakti me gazetarë apo kamera. Madje, edhe mjekët nuk kanë pranuar të flasin. Në orët e mbrëmjes, kur situata ka qenë më e qetë, një mjek ka pohuar se ata kishin pësuar fraktura.

Reagimi
I menjëhershëm ka qenë edhe reagimi i familjarëve të tyre. Prindër, motra, vëllezër të të rrahurve kanë shkuar në spitalin e Krujës, por uniformat blu nuk i kanë lënë të takohen me ta. "Djali ka qenë duke pirë kafe me shokët e vet. Policia e ka torturuar dhe masakruar", ka thënë nëna e njërit prej viktimave të uniformave blu. Sipas pretendimit të saj, shteti duhet të marrë masa e t'i ndëshkojë policët, pasi ata edhe sot (dje) ishin në detyrë, ndërsa djali në spital. Një i afërm tjetër, i një tjetri prej të keqtrajtuarve, ka pohuar se policia i ka rrahur pa asnjë të drejtë ata, pasi po pinin në qejfin e tyre dhe nuk po bënin zhurmë dhe as që po i binin kujt në qafë. Të afërmit e të keqtrajtuarve kanë protestuar dje para spitalit të Krujës, ku ndodheshin dhjetëra forca policie, kundër dhunës së ushtruar mbi tre të rinjtë. Madje, familjarët as që janë lejuar të takohen me të rrahurit brenda ambienteve të spitalit. Kështu, qejfi i tre të rinjve për të pirë dhe mosbindja ndaj kërkesës së të zotit të lokalit për t'u ngritur u ka kushtuar atyre shtrenjtë. Jo vetëm janë masakruar, por edhe do të qëndrojnë në qelitë e vogla të komisariatit të Krujës, derisa gjykata të vendosë për fatin e tyre.

DHUNE

4 Janar 2003
Gjatë një tentative për ta arrestuar, policët e komisariatit të Korçës ka goditur për vdekje Gazmend Tahirllarin. Ai iu ka vdekur në duar, ndërsa edhe ekspertiza mjeko-ligjore e vërtetoi këtë. Për këtë vepër, policët e grupit të gatshëm u dënuan nga Gjykata.


23 Korrik 2003
Fatmir Avdolli nga Korça vdiq si pasojë e goditjeve pas koke nga uniformat blu. Këto të fundit në fillim deklaruan se ai vdiq pas një aksidenti me makinë. Por pas denoncimit të familjes u zbulua se ai është qëlluar në kokë nga një polic, fakt që u vërtetua.


2 Gusht 2004
Rrihet nga policët e grupit të gatshëm të Komisariatit të Policisë së Vlorës tregtari i karburanteve Gramoz Halla, 33 vjeç. Halla, është nën masën burg pa afat për kanosje të policëve. Kurse ai vetë ka denocuar blutë për ushtrim dhune e rrahje.



Kryepolici: Uniformat bënë detyrën Denoncim dhe ne Prokurori

Policia është gjendur përballë dhunës së tre të rinjve që ishin të dehur". Kështu ka pohuar dje për Gazetën Shqiptare shefi i komisariatit të Krujës, Sali Skura. Sipas tij, uniformave blu u ka kërkuar ndihmë pronari i një lokali pranë stadiumit të qytetit. "Sapo ato kanë shkuar aty, tre të rinjtë që po pinin janë ngritur për t'i rrahur. Madje, kanë qëlluar në drejtim të tyre me mjete të forta, si dhe njëri ka nxjerrë edhe thikën", ka thënë Skura. Ai ka bërë të ditur se uniformat që ai drejton kanë vepruar konform ligjeve dhe nuk e shkanë shkelur atë aspak. Më tej, kryepolici i Krujës, duke mos e mohuar dhunën e ushtruar nga vartësit e tij ndaj tre qytetarëve, ka thënë se pas mjekimit të marrë në spital, ata janë dërguar në komisariat, ku dhe u është komunikuar arrestimi. Nga ana tjetër, policët e grupit të gatshëm, të cilët kanë rrahur tre të rinjtë, janë treguar më të shkathët se familjarët e të dhunuarve (këta të fundit nuk kanë pasur mundësi të denoncojnë, pasi kanë qenë të izoluar). Ndërsa familjarët vetëm kanë protestuar, uniformat blu kanë bërë denoncim në prokurorinë e rrethit, për tre të rinj, duke pretenduar se "ata i kanë goditur, teksa po kryenin detyrën, duke i ardhur në ndihmë një qytetari që i kishte telefonuar".

[Shpirt Njeriu]

Disa kalimtare gjeten dje ne nje fshat te Vlores, trupin e pajete te nje 46-vjecari qe u identifikua te ishte Sulo Kapaj nga nje vendbanim tjeter i rrethit bregdetar. Policia" Punetori 46-vjecar i sektorit te Naftes, ishte qelluar me bresheri automatiku". Dyshimet e para, flasin per nje hakmarrje ndersa autoret mbeten ende te paidentifikuar

VLORE - Nje 46 vjecar nga nje fshat i Vlores eshte gjetur i vrare ne nje tjeter fshat te rrethit jugor bregdetar. Viktima eshte Sulo Kapaj, 46 vjec, lindur dhe banues ne Dushkarak te rrethit te Vlores. Trupi i te ndjerit u gjet pas 12 oresh, dje ne mengjes, ne fshatin Lezhan, rastesisht nga disa kalimtare. "Viktima i cili ishte i pamartuar, eshte gjetur i vdekur pasi kishte marre nje plumb vdekjeprures, ne pjesen e qafes", sqaroi per "Korrieri"-n, nje burim policor ne vendngjarje. Por ne vendin ku u gjet trupi i pajete, policia mblodhi gezhojat e te pakten shtate plumbave qe mendohet se jane shtier nga nje autimatik kallashnikov. Drejtori i Policise se Vlores Josif Shtembari i tha dje "Korrieri"-t, se vrasja mbetet ende misterioze, por po punohet per te zbardhur motivet e saj dhe identifikimin e autoreve". Kurse burime te cituara nga atsh, thane se paraprakisht mendohet qe vrasja e 46-vjecarit lidhet me motivet e hakmarrjes. Per policine mbetet i dyshimte fakti i vrasjes se tij larg fshatit te lindjes.

Si ndodhi vrasja

Sulo Kapaj, 46 vjecari i pamartuar nga Dushkaraku i Vlores, eshte nisur si zakonisht mengjesin e djeshem, per te kullotur bagetine, ne stanin qe kishte bashke me vellezerit. Ai ishte bari prej vitesh dhe si zakonisht edhe diten e marte ka kryer te njejtin ritual, duke u nisur heret ne mengjes per te kullotur bagetite. Por nderkohe qe ne mbremje bagetite jane kthyer vete ne stan pa te zotin e tyre. Mungesa e asnje koke bagetie dhe mberritja e tyre vete ne stan, i ka cuditur pa mase vellezerit e tjere te Sulos, te cilet qendronin ne te njetin stan. Ata te alarmuar jane nisur menjehere ne kerkim te tij edhe pse ishte teper erresire, por trupi i vellait te tyre eshte gjetur pas disa ore kerkimesh, ne afersi te fshatit Lezhan, tek "Perroi i Kembes se Thate" sic e quajne vete banoret.

Hetimi

Viktima Sulo Kapaj, i pamartuar, u zbulua dje ne mengjes, pas shume oresh kerkimesh nga vellezerit e tij dhe nga mjaft banore. Ai u gjet i vdekur me nje plumb ne pjesen e qafes . Burimet zyrtare te policise bejne te ditur se ne vendin ku eshte gjendur trupi i tij jane gjetur dhe shtate gezhoja arme.Burimet zyrtare te polcise shprehen per kete ngjarje se viktima eshte qelluar me arme zjarri tip automatik dhe se njeri nga plumbat, qe eshte gjetur ne pjesen e qafes i ka shkaktuar vdekje te menjehershme. Grupi hetimor eshte nisur menjehere ne vendngjarje duke kqyrur gjithcka, nderkohe qe per momentin po hetohet per shkaqet e vdekjes se 46-vjecarit. Sipas drejtorit te Policise se Vlores, Josif Shtembari vrasja mbetet ende misterioze. "Nje prej pistave te dyshimit, eshte grabitja qe mund te kete ndodhur per bagetite. Por perderisa bagetita eshte kthyer e gjitha ne stan, kjo te le te dyshosh. Gjithashtu kjo vrasje mbetet enigme duke pasur parasysh edhe faktin e treguar nga banoret, se ai nuk ka patur asnjehere probleme me ndonje person". Grupi hetimor, mesohet se ka mberritur vone ne vendngjarje per shkak te largesise se madhe dhe terrenit te keq. Ata konstatuan se vrasja eshte kryer ne distance te afert. Marieta Merkuri

[Nukas]

Me kallash i bëri biri i bushtrës Sali Berisha,mor këlysh kurve.

[smokkie]

Pas shume shekujsh, kur rraca shqiptare te kaloje papritur ne homo sapiens, nuk do kemi me raste te tilla.
Durim.