PS dhe PD, kompromis i vonuar për ndarjen elektorale zonale

[Albo]

Socialistët deklaruan dje se nuk kanë ndërmend të bëjnë lëshime për KQZ-në

PS: KQZ nuk mund të balancohet

Sherifi: “KQZ aktual është vlerësuar nga ODIHR si profesional dhe i paanshëm”

Darina Tanushi

TIRANË – Bashkëkryetari i komisionit parlamentar për reformën zgjedhore, socialisti Elmaz Sherifi, ka kundërshtuar dje, balancimin e Komisionit Qendror të Zgjedhjeve. Ai është shprehur skeptik lidhur me propozimin e bërë në variantin që 3 përfaqësues t’i përkasin pozitës dhe 3 opozitës. “Flitet për një variant të balancimit, 3 pozitë, 3 opozitë. Dhe unë shtroj pyetjen se si mund të ndodhë nëse 3 votojnë pro, dhe 3 votojnë kundër?” Sherifi ka shpjeguar se, në një rast të tillë, kur vendimmarrja do të ndahej tre pro dhe tre kundër, nuk mund të kishte vendime të mëtejshme për të zhbllokuar procesin, dhe mund të ndodhte shumë më keq se ç’ndodhi me listat zgjedhore të zgjedhjeve për pushtetin vendor në vitin 2003. Pikërisht kjo është edhe arsyeja se përse socialistët nuk mund të pranojnë një formulim të tillë, i cili edhe sipas Sherifit, bllokon procesin zgjedhor ende pa filluar. Ndërkohë, sipas socialistëve, edhe ekspertët e OSBE-së, por jo misioni i OSBE-së në Tiranë, e kanë parë si të pamundur për ta realizuar. Kështu në pikën 18 të rekomandimeve thuhet se “mesa duket nuk ekziston vullneti politik për të bërë ndryshime në Kushtetutë, prandaj ne po japim rekomandimet për ndryshimin e atyre dispozitave të Kodit Zgjedhor që kanë krijuar probleme”. Prandaj edhe Sherifi thotë se PS-ja është mbështetur te rekomandimet e raportit të OSBE/ODIHR-it për të bërë propozime për përmirësimin e Kodit Zgjedhor. Sherifi tha se “Komisioni Qendror i Zgjedhjeve është institucioni më i vlerësuar nga raporti i OSBE/ODIHR-it, në të cilin thuhet se e ka drejtuar procesin në mënyrë të paanshme, të pavarur dhe profesionale”. Sipas bashkëkryetarit socialist në komisionin parlamentar për reformën zgjedhore, Sherifi, “KQZ ka nevojë për të ndryshuar ato dispozita për emërimin e anëtarëve të tyre, pra të ngelet formulimi në Kushtetutë dhe të bëhen ndryshimet në Kodin Zgjedhor në nenin 22, që do të thotë autoritetin për t’u caktuar në KQZ ta kenë vetëm tre institucione, dy presidenti, dy parlamenti, tre KLD-ja, por me një kusht, të mos jenë partitë ato që t’ia ofrojnë KLD-së kandidaturat. Le të jetë konferenca gjyqësore, ajo që do të përcaktojë me votim të fshehtë se cilët do të jenë përfaqësuesit e tyre në KQZ”, ka propozuar Sherifi. E ndërsa socialisti Elmaz Sherifi shprehet kundër këtij varianti të përbërjes së KQZ-së, demokratët janë shprehur për variantin 3 pozitë dhe 3 opozitë. Madje, ata janë të mendimit se çështja e balancimit të KQZ-së duhet të diskutohet përpara të gjitha çështjeve të tjera siç janë listat e zgjedhjeve, vendimmarrja, apo ndarja e zonave zgjedhore. Edhe partitë e tjera të opozitës janë shprehur për ndryshimin e sistemit zgjedhor dhe në përgjithësi të Kushtetutës. Ndërsa nga ana tjetër, aleatët e socialistëve kundërshtojnë fort Kodin Elektoral, i cili u quajt nga ata si “një shpikje” apo edhe “Kodi më i keq i bërë ndonjëherë në Shqipëri nën bekimin e OSBE-së”. Por, në përgjithësi ata nuk janë për ndryshime kushtetuese dhe rrjedhimisht për këtë formulë të përbërjes së KQZ-së. Pritet që në mbledhjen e parë të komisionit parlamentar të reformës zgjedhore, deputetët të marrin edhe propozimet e grupit të ekspertëve që punojnë pranë OSBE-së.

[Albo]

Gjana: Sherifi, mikrofon i Nanos

A. Rama

TIRANE - PD është e vendosur të mbështesë një nga dy variantet që ka propozuar grupi i ekspertëve dhe OSBE-ja për mënyrën e kompozimit të Komisionit Qendror të Zgjedhjeve. Bashkëkryetari demokrat i komisionit parlamentar për reformën zgjedhore, Jemin Gjana, tha dje se pavarësisht nga qëndrimi i prerë që po shfaqin socialistët lidhur me këtë çështje, përfaqësuesit e PD-së në komision do të këmbëngulin që KQZ të jetë e ndërtuar sipas amendamenteve të reja që do t’i bashkangjiten Kodit Elektoral. Por duke iu referuar deklarimeve që ka bërë dy ditët e fundit homologu i tij në komisionin bipartizan Elmaz Sherifi, Gjana vërejti se socialistët nuk kanë vullnet për të përmbushur deri në fund reformën dhe për të ndërtuar një KQZ ndryshe. Sipas tij Sherifi, po vazhdon të luajë rolin e mikrofonit të kryeministrit. Ai shton se komisioni do të mblidhet pikërisht për të diskutuar propozimet që ka përgatitur grupi i ekspertëve të partive në bashkëpunim me ekspertët e OSBE-së. “S’ka thënë ndonjë gjë të re Elmaz Sherifi, ka bërë rolin e mikrofonit të kryeministrit Nano. Ne përkrahim njërin prej dy varianteve që ka propozuar grupi i ekspertëve. Komisionin do ta mbledhim në shtator për të filluar punën. Por duket që s’kanë për ta miratuar variantin për të balancuar KQZ-në” tha Gjana. Ndërkaq varianti i parë, i propozuar nga ekspertët dhe i mbështetur nga demokratët, kërkon ndryshime në nenin 154 të Kushtetutës, me qëllim ndryshimin e numrit të anëtarëve të KQZ-së nga shtatë anëtarë në gjashtë dhe reduktimin e numrit të organeve emëruese, vetëm nga Kuvendi dhe Presidenti. Ndërsa në variantin e dytë, parashikohet balancim i anëtarësisë së KQZ-së, pa ndryshime në Kushtetutë dhe ruan të njëjtin numër anëtarësh, duke lënë hapësirë që mandatet e anëtarëve aktualë të përfundojnë para zgjedhjeve të vitit 2005. Dy ditë më parë propozimet e grupit të ekspertëve iu dorëzuan bashkëkryetarëve të komisionit për reformën zgjedhore, Gjana dhe Sherifi.

[Albo]

Bashkëkryetari i Komisionit për Reformën Zgjedhore thotë se PD do të heqë dorë nga protestat në këmbim të KQZ-së

Gjana: Balancim të KQZ-së ose ngrin Bipartizani


A.Rama

TIRANË – Qëndrimi i kundërt i palëve e ka futur në një rrugë pa krye reformën zgjedhore të ndërmarrë nga parlamenti për përmirësimin e disa pikave të debatueshme në Kodin Zgjedhor. Demokratët paralajmëruan dje, nëpërmjet bashkryetarit të tyre në Komisionin Parlamentar Bipartizan, Jemin Gjana, se ata nuk do të marrin pjesë në vazhdimin e punës së komisionit, në rast se socialistët nuk do të pranojnë një prej varianteve të hartuar nga grupi i ekspertëve të OSBE-së, për balancimin e Komisionit Qendror të Zgjedhjeve. Gjana, tha se vetëm nëse do të shfaqet në ditët e para të shtatorit një vullnet i kundërt nga ai që është deklaruar publikisht nga përfaqësuesit e PS-së, Selia Blu do të heqë dorë edhe nga protestat e paralajmëruara së fundi nëpërmjet liderit të saj, Sali Berisha. “Në rast se në ditët e para të shtatorit, PS do të heqë dorë nga deklarimi i saj i përsëritur se është kundër balancimit të KQZ-së dhe do të jetë dakord bazuar në këto variante dhe në raportin që grupi i ekspertëve i ka paraqitur komisionit për balancim, atëherë çështja gjen zgjidhje dhe ne mund të ecim më tutje”, - tha Gjana. Ai sqaroi se asnjë nga dy variantet e propozuara nga ekspertët e OSBE-së, nuk të çojnë në bllokim të vendimmarrjes, sepse një gjë e tillë zgjidhet nëpërmjet Kolegjit Zgjedhor. “Nuk çon në bllokimin e vendimmarrjes, sepse vendimmarrja do të jetë katër me dy. Nëse çështja nuk gjen zgjidhje përfundimisht në një vendim të KQZ-së, ne kemi një Kolegj Zgjedhor, pranë Gjykatës së Apelit dhe aty merret vendimi përfundimtar”, - vijoi Gjana. Por, nga ana tjetër, socialistët nuk kanë ndërmend të tërhiqen nga qëndrimi i mbajtur deri tani, pavarësisht nga presioni i hapur i opozitës. Bashkryetari tjetër i Komisionit Dypalësh për Reformën Zgjedhore, Elmaz Sherifi, ripërsëriti dje se nuk do të pranohej asnjë nga variantet e ekspertëve për balancimin e KQZ-së. “Ne do të respektojmë rekomandimet e OSBE-ODHIR-it dhe ekspertëve që kanë përpiluar këto rekomandime dhe jo të faktorëve të tjerë që dëshirojnë t’i interpretojnë në mënyrën e tyre”, - tha Sherifi.

[StormAngel]

Kryeministri letër ambasadorit të ODHIR për të dërguar ekspertë për reformën zgjedhore

Nano: ODHIR-OSBE të japin formulën për KQZ


A.Rama

“Mazhoranca do të pranojë pa asnjë rezervë përfundimet dhe sugjerimet e misionit verifikues” TIRANE- Në një kohë kur debati mes mazhorancës dhe opozitës për reformën zgjedhore është ashpërsuar, kryeministri Fatos Nano kërkon zyrtarisht që një mision i OSBE/ODHIR-it të vijë në Shqipëri për të verifikuar zbatimin e rekomandimeve të hartuara nga këto organizma në raportet e tyre për proceset e fundit zgjedhore. Nëpërmjet një letre dërguar drejtorit të ODHIR-it, Kristian Strohal, kryeministri ka kërkuar që misioni të vijë në Shqipëri për të mbledhur fakte dhe për të parë nga afër se në çfarë faze ndodhet zbatimi i rekomandimeve të përcaktuara prej tyre. Sipas zëdhënësit Aldrin Dalipi, Nano e ka vënë theksin që ky mision i posaçëm duhet të monotorojë në mënyrë të veçantë zbatimin e rekomandimeve që lidhen me problemet e administrimit të zgjedhjeve dhe të listave zgjedhore. Ai ka kërkuar qëndrim të vazhdueshëm me qëllim zhvillimin e zgjedhjeve parlamentare në përputhje me standartet e njohura ndërkombëtare. Nano ka konfirmuar angazhimin e tij si kryetar i mazhorancës dhe qeverisë për përmbushjen e kërkesave kryesore të OSBE/ODHIR-it, duke respektuar autoritetin e tyre si organizma të specializuara për problemet zgjedhore. “Kryeministri i ka kërkuar gjithashtu që ky mision, në përfundim të punës së vet të japë vlerësime dhe sugjerime për të gjithë faktorët shqiptar, duke dhënë konkluzione perkatese, duke percaktuar gjithashtu prioritetet dhe radhën në këto ceshtje prioritare, pra duke kontribuar me zgjidhje dhe afate konkrete. Kreu i qeverisë i ka kërkuar Ambasadorit Strohal angazhimin e ekspertëve të OSBE/ODIHR në mënyrë permanente, për të gjitha cështjet sensitive, në vecanti ato që lidhen me administrimin e zgjedhjeve siç janë Komisioni Qendror i Zgjedhjeve dhe listat zgjedhore” tha dje Dalipi. Nano ka theksuar më tej se si mazhoranca, ashtu edhe qeveria do të pranojnë pa asnjë rezervë përfundimet dhe sugjerimet e misionit verifikues dhe faktmbledhës dhe do të tregojnë vullnet të plotë për të përmbushur rekomandimet dhe sugjerimet për çdo çeshtje, qoftë edhe për ato për të cilat mundet të ketë qëndrim apo vlerësim të ndryshëm. Ai ka pohuar në qëndrimin e tij se për ekzekutivin shqiptar standarti i realizimit të ketyre zgjedhjeve ne perputhje te plotë me ato nderkombetare eshte me i rendesishem per Shqiperine se sa rezultati i tyre. Kërkesa e Nanos, vjen në një kohë kur grupi i ekspertëve të OSBE-së dhe të dy partive kryesore politike kanë përfundimtare hartimin e paketës së propozimeve kryesore për komisionin parlamentar bipartizan. Dy variantet kryesore që lidhen me përbërjen e KQZ-së, propozojnë që ndërtimi i saj të jetë i balancuar, ku njëriprej tyre parashikon ndryshimin e Kushtetutës.

[Albo]

Komisioni Elektoral në PS vendos që të zbatojë vetëm sugjerimet e ODIHR -OSBE.

PS: Formula e KQZ-së nuk ndryshon

Bufi: Nuk jemi për prekjen e Kushtetutës për KQZ-në dhe rritjen e pragut elektoral

A.Rama

TIRANE- Partia Socialiste nuk do të pranojë asnjë amendim për riformulimin e balancimin e Komisionit Qendror të Zgjedhjeve duke prekur Kushtetutën. Komisioni Elektoral, i selisë rozë, vendosi dje gjatë një mbledhjeje që të gjitha ndërhyrjet që do të realizohen në Kodin Elektoral në kuadër të reformës zgjedhore, të jenë në përputhje të plotë me rekomandimet e OSBE-ODIHR-it. Kryetari i këtij komisioni Ylli Bufi, njëkohësisht anëtar i komisionit parlamentar bipartizan, tha se PS është për një zgjidhje të tillë që të respektojë plotësisht Kushtetutën e vendit. Sipas tij, PS është për funksionimin e një KQZ-je të pavarur nga subjektet politike, profesionale që do të respektojë vendimet e institucioneve kushtetuese. Ai pohoi se pavarësisht nga qëndrimi i mbajtur nga Partia Demokratike për këtë çështje, socialistët do të pranojnë ato amendime që do të kenë edhe mbështetjen e ekspertëve të OSBE-së. “Amendimet që do të përputhen me rekomandimet e OSBE-së do të përbëjnë bazën e formulimeve të reja që do t’i bashkangjiten Kodit Elektoral. Ne jemi për ekzistencën e një institucioni zgjedhor profesional dhe të paanshëm”, -tha Bufi. Qëndrimi i prerë i deklaruar dje nga selia rozë ka vënë në pikëpyetje serioze vazhdimin e punës nga komisioni dypalësh për reformën zgjedhore, pasi përfaqësuesit e PD-së kanë konfirmuar disa kohë më parë se nuk do të marrin pjesë në komision në rast se nuk pranohet një prej varianteve të hartuar nga ekspertët e OSBE-së, sipas të cilëve kërkohet që përbërja e KQZ-së të jetë e balancuar. Për këtë ngërç Bufi, tha se tashmë nuk ishte koha e vendosjes së parakushteve, por i zbatimit të rekomandimeve të OSBE-së me qëllim realizimin në kohë të reformës zgjedhore. Sipas tij, duket qartë se PD i bën një interpretim të ndryshëm rekomandimeve të OSBE/ODIHR-it për procesin zgjedhor, nga ai që u bën PS. Ai tha se komisioni vendosi të mbështesë kryeministrin në kërkesën e tij drejtuar ODIHR për sugjerime në lidhje me KQZ-në.

Listat e zgjedhësve

Ndërkaq vendimi tjetër i marrë dje në komisionin elektoral të PS-së, lidhet me çështjen më delikate të procesit zgjedhor, hartimin e listave të sakta të votuesve. Ylli Bufi pohoi dje se PS do të mbështesë amendimet në Kodin Zgjedhor, për t’u dhënë më shumë kompetenca organeve të pushtetit vendor në hartimin e listave të plota. “Rritja e kompetencave të organeve të pushtetit lokal për hartimin e listave, duke u bazuar në regjistrat e gjendjes civile, në të dhënat që disponon KQZ-ja dhe në hartat elektorale”, -tha Bufi. Ai përjashtoi çdo mundësi që komisioni bipartizan të përfshijë në axhendën e punës çështjen e ndryshimit të pragut elektoral. Sipas Bufit, jo se kjo nuk ishte një çështje e diskutueshme, por nuk ishte koha e përshtatshme tani, për të zyrtarizuar rritjen e pragut elektoral.

[Albo]

PS shprehet dakord vetëm me një variant të ndryshimit të KQZ-së i cili bën rikompozimin pas 2005

Bllokohet reforma, PS: S’kemi mandat për të ndryshuar KQZ


Nevila Perndoj

TIRANE- Prishet marrëveshja PS-PD për ndryshimin e Komisionit Qendror të Zgjedhjeve. Maxhoranca kërkon të shkojë në zgjedhjet e ardhshme parlamentare me përbërjen aktuale të KQZ-së, ndërsa demokratët kërkojnë të kundërtën. Dje, pas tre orë debatesh jo të frytshme mes anëtarëve të komisionit për reformën zgjedhore, socialistët e kanë thënë troç qëndrimin e tyre se, ata nuk kanë mandatin për të ndryshuar Komisionin Qendror të Zgjedhjeve për vitin 2005. Pas këmbënguljes së bashkëkryetarit demokrat Jemin Gjana se cili ishte qëndrimi i socialistëve për përbërjen aktuale të KQZ-së, bashkëkryetari socialist, Elmaz Sherifi, pasi i kishte devijuar disa herë përgjigjes, i është drejtuar Gjanës duke thënë se, “hiqeni nga fjalori se do të ndryshojmë KQZ. Ne nuk kemi mandate për të ndryshuar KQZ-në. Ne kemi mandat që të bëjmë një Kod Zgjedhor të standardeve ndërkombëtare”. Kaq ka mjaftuar që mbledhja e djeshme të mbyllet, duke lënë evazive edhe pjesëmarrjen e anëtarëve të opozitës në këtë komision, ditën e nesërme në mesditë.

Propozimi

Ndryshe nga dy ditë më parë, dje anëtarët socialistë në komisionin për reformën zgjedhore u shprehën se janë gati të diskutojnë për një prej varianteve, që ishte paraqitur në dy mbledhjet e para të Prezencës së OSBE-së, por që më pas u hodh poshtë nga teknicienët e OSBE-së, me arsyen se një variant i tillë nuk do të zgjidhte balancimin e KQZ-së para zgjedhjeve të vitit 2005. Varianti në fjalë përfshin ndryshime në nenin 22 të Kodit Zgjedhor pa mbarimin e anëtarësisë aktuale të KQZ-së. Propozimi i socialistëve është kundërshtuar menjëherë nga anëtari demokrat Sokol Olldashi. “Ju doni që të ruani KQZ ashtu siç është për zgjedhjet që vijnë. Unë po ju sqaroj se numri 3 nuk është variant. Është thjesht një propozim i ekspertit socialist, Sokol Hazizi. Në materialin që ne kemi, flitet për variantin 1 dhe variantin 2. Pra mos paraqisni si variant propozimet individuale të njërit prej ekspertëve. Nëse ju doni që ta mbani KQZ me këtë formulë dhe doni që ta rregulloni më pas për vitin 2011, atëherë mblidhemi në vitin 2008 ose në vitin 2009”,- tha dje Olldashi, i cili ishte dakord për variantin e dytë të OSBE-së, që lidhet me mbarimin e parakohshëm të anëtarësisë aktuale të KQZ-së përmes një dispozite kalimtare. Socialistët paraqiten gjithashtu dje edhe formulën që ata kërkojnë për zgjedhjen e anëtarëve të KQZ-së. Sipas bashkëkryetarit socialist në komisionin zgjedhor, Elmaz Sherifi, dy anëtarë të KQZ-së i zgjedh Kuvendi me propozime nga të gjitha forcat politike, dy anëtarë nga presidenti duke mos përjashtuar edhe propozimet, që vijnë nga shoqëria civile, ndërsa Këshilli i Lartë i Drejtësisë duhet të zgjedhë 3 anëtarë, që vijnë si propozime nga Konferenca Gjyqësore. Formula në fjalë është kundërshtuar nga bashkëkryetari demokrat Jemin Gjana, i cili ishte i mendimit se KLD duhet të zgjedhë anëtarët me propozime nga dy grupet kryesore parlamentare. “Ne nuk mund ta pranojmë sepse e vërteta është që konferenca gjyqësore nga viti 2000 dhe sot ka vërtetuar se ka sjellë në Komisionin Qendror të Zgjedhjeve individët më të politizuar. Nëse i ka prishur më së shumti balancat, i ka prishur KLD, përmes konferencës gjyqësore. Ndaj dhe këto lloj propozimesh nuk shkojnë. Nëse ju do t’i riktheheni konferencës gjyqësore, ju e keni kot sepse ju nuk do të keni mbështetjen tonë”,- tha dje Gjana.

Varianti i pranuar nga socialistët:

Ndryshime në nenin 22 ekzistues pa mbarimin e anëtarësisë aktuale të KQZ-së:
Ky variant parashikon zgjidhje të pjesshme të nenit 22 të Kodit Zgjedhor me qëllim ndreqjen e mangësive të nxjerra në pah nga ODIHR-i dhe Komisioni i Venecias, të renditura më poshtë:
Problemet kushtetuese në emërimin e anëtarëve të KQZ-së
Dominimi i theksuar PS-PD në komision
Vendimmarrja me shumicë të cilësuar
Mungesa e dispozitave kalimtare për të rregulluar emërimin e anëtarëve të rinj
Në praktikë, përtëritja e anëtarësisë nuk do të ndikojë në zgjedhjet e vitit 2005

[Albo]

Prezenca e OSBE-së në Tiranë i jep fund lëkundjeve të socialistëve se rekomandimet nuk kërkonin balancim

OSBE: Të balancohet KQZ-ja

“Nxisim partitë politike për balancimin e përbërjes së Komisionit Qendror të Zgjedhjeve”

N.Perndoj

TIRANE- Prezenca e OSBE-së në Tiranë i ka dhënë fund interpretimeve të ndryshme, që janë dhënë nga forcat politike lidhur me termin “balancim” të Komisionit Qendror të Zgjedhjeve. Përmes një njoftimi për shtyp, e cila në thelb përshëndet deklaratën e dy ditëve më parë të Bashkimit Europian, Prezenca e OSBE sqaroi dje nëse rekomandimet e OSBE/ODIHR dhe Komisioni i Venecias i Këshillit të Europës synojnë balancimin e KQZ-së dhe përmirësimin e listave të zgjedhësve. “Përsa i takon reformës zgjedhore, Prezenca nxit të gjitha partitë politike të përdorin këtë mundësi për të shtuar përpjekjet e tyre për arritjen e një zgjidhjeje të përshtatshme e jetëgjatë për çështjet e identifikuara nga OSBE/ODIHR-i dhe nga Komisioni i Venecias i Këshillit të Evropës, veçanërisht për balancimin e përbërjes së Komisionit Qendror të Zgjedhjeve dhe përmirësimin e listave të zgjedhësve”, - thuhet në njoftimin për shtyp të OSBE-së. Deklarata e Prezencës së OSBE-së, në Tiranë, lidhur me KQZ, duket se i është drejtuar posaçërisht anëtarëve socialistë në komisionin për reformën zgjedhore. Dy ditë më parë, në mbledhjen e komisionit parlamentar për reformën zgjedhore, bashkëkryetari socialist Elmaz Sherifi deklaroi se në asnjë prej pikave të rekomandimeve të OSBE/ODIHR dhe Komisionit të Venecias nuk thuhej shprehimisht se kërkohej balancimi i Komisionit Qendror të Zgjedhjeve. Ndërsa anëtari socialist, Ylli Bufi u shpreh se, një prej varianteve të përgatitura nga grupi teknik i ekspertëve të OSBE-së për balancimin e KQZ-së, në thelb synonte barazpeshimin politik të këtij komisioni. Por pavarësisht pretendimeve nga ana e përfaqësuesve të maxhorancës, lidhur me punën e ekspertëve të OSBE-së, në njoftimin e djeshëm për shtyp, Prezenca e OSBE-së sqaron se ajo është e përkushtuar të vazhdojë të ofrojë ndihmën e saj në procesin e reformës zgjedhore, si dhe në aspekte të tjera të reformës në fushën e shtetit ligjor, të drejtave të njeriut dhe ndërtimit të institucioneve, të cilat, sipas OSBE-së, janë të nevojshme për afrimin e Shqipërisë në strukturat euroatlantike. Domosdoshmërinë për afrimin e Shqipërisë në strukturat euroatlantike, përmes zbatimit korrekt të reformës zgjedhore, e përmendi dy ditë më parë edhe Presidenca holandeze në emër të Bashkimit Europian. Prej kohesh komuniteti ndërkombëtar, përmes organizatave, që punojnë në Tiranë, ka kërkuar një reformë zgjedhore të plotë në mënyrë, që zgjedhjet e ardhshme të jenë të lira dhe të rregullta. Pjesë e këtij angazhimi janë edhe rekomandimet, që pak kohë më parë OSBE/ODIHR dhe Komisioni i Venecias i Këshillit të Europës dërguan për forcat politike shqiptare, lidhur me zgjidhjen e mjaft problemeve, që u evidentuan zgjedhjet e kaluara dhe, që kryesisht përfshijnë KQZ, listat e zgjedhësve, pjesëmarrjen e votuesve etj.

[Brari]

Rd shkruan:

----

Celibashi: Idiotizëm varianti i OSBE për KQZ


Ish-zëvendësministri i Brendshëm i Partisë Socialiste merr tre vota për Kryetar të KQZ


Ish-zëvendësministri i Brendshëm socialist, që dje deklaroi se do të jetë sërish Kryetar i KQZ i konsideroi si variante idiotë, variantet e propozuara nga ekspertët e OSBE për balancimin e KQZ "Pasi jam njohur me njërin nga variantet për të ashtuquajturin balancim të KQZ-së, variant që presupozon të ndërpritet mandati i anëtarëve të KQZ-së, kam arritur në përfundimin se ky do të ishte idiotizmi më i madh nëse do të ndodhte", deklaroi Celibashi. Celibashi nuk e ka përjashtuar mundësinë e dorëheqjes së tij nga kreu i KQZ-së, gjë që sipas tij do të ndodhë nëse do të shohë që ky institucion nuk do të jetë në gjendje të garantojë një proces të rregullt zgjedhur.

Dy përfaqësuesit e opozitës në KQZ, Klement Zguri dhe Dodë Prenga, kanë braktisur votimin, pasi propozimi i tyre për zgjedhjen e kreut të këtij institucioni pas përfundimit të reformës zgjedhore u hodh poshtë nga pesëshja socialiste e komisionit.

Zguri dhe Prenga bënë thirrje që të ndërpritej procesi i zgjedhjes së kryetarit të KQZ-së, në një kohë kur Komisioni i posaçëm parlamentar po punon për ndryshimin e formulimit ligjor për përbërjen e Komisionit Qendror të Zgjedhjeve.

Klement Zguri, që e mori i pari fjalën para se të niste procesi fars i votimit për kreun e KQZ-së, argumentoi se nuk duhet të ndërmerrej ky hap, deri në përfundim të procesit të reformës zgjedhore që ka ndërmarrë legjislativi. Sipas tij, mbështetur në nenin 27 të Kodit aktual Zgjedhor, drejtimi i mbledhjeve të KQZ-së deri në përfundim të reformës zgjedhore i takon anëtarit më të vjetër të këtij komisioni.

"Praktika ka treguar se ne nuk mund të zgjedhim realisht një drejtues në këtë situatë", deklaroi anëtari i KQZ-së, Dodë Prenga. Sipas tij, është pikërisht kjo arsyeja pse ky institucion akuzohet për keqmenaxhim të proceseve zgjedhore.

Megjithë argumentet bindëse të përfaqësuesve të opozitës, të cilët më pas u larguan nga mbledhja e djeshme e KQZ-së, pesëshja socialiste, nën drejtimin formal të më të vjetrit, Tomorr Malaj, dhe e dirigjuar nga dikush tjetër, kreu dy votime radhazi, ku në të parin Celibashi mori katër vota, ndërsa në të dytin mezi mori mbështetjen e tre anëtarëve. Gjithsesi, ai është vetëshpallur sërish kryetar i KQZ-së, duke atakuar tentativat e ekspertëve të OSBE për balancimin e institucionit qendror të administrimit të zgjedhjeve.

"Unë nuk shoh ndonjë arsye që të tërhiqem nga ushtrimi i kësaj detyre. Unë do të tërhiqem në rast se do të shikoj se këtu nuk ka vullnet të vërtetë për të bërë zgjedhje. Atëherë unë s'kam pse rri drejtues i një institucioni që ka çelësat e kashtës në duar", deklaroi Celibashi. Riemërimi i tij në krye të KQZ vjen pas kritikave të ndërkombëtarëve për parregullsi të theksuara në zgjedhjet e kaluara. Në një deklaratë të para tre ditëve të Bashkimit Europian theksohet edhe njëherë se zgjedhjet e ardhshme parlamentare janë shansi i fundit për integrimin euroatlantik të Shqipërisë.

H.RAMA


----------







Sipas ketij shkrimi del se KQZ ka nje 5-sshe socialiste e perball saje nje 2-she demokrate..

Pra si do qofshin realitetet kjo 5-she vendos e vulos pa p-jerdhur per cka grin sallat 2-shja demokrate..

Kjo do te thote se me kte tip KQZ ka 8 vjet qe hyn ne votime Populli Shqiptar.

E natyrisht kjo lloj KQZ -je pjell parlament Socialist ku opozita perseri ka celsa kashte ne dore..
Pra me kte KQZ Saliut i mbetet vec te grije sallat e Nano te bej cte doje..

Tek filmi vizatimor humoristik Familja Simpson tregon ne cdo seri gruan e Homerit qe drejton makinen ..e ne krah te saje rri e lidhur bebja e cila dhe ajo ka nje timon loder qe e luan..

Makinen pra e luan gruaja Homerit me timonin e vertete e bebi vec luan ne te thate nje timon plastik..

Keshtu si Beben me timon plastik e ka lene kte Popull ky Sistem zgjedhor me 5 krokodile te llojit Celibash-Subash e flitet pastaj per Shpresa per demokraci..

Pra mbas 50 vjetesh parlament me haxho lesha e Aranita e Rita Marko e xhelate kxhebi-iste ..perseri dhe sot i njejti parlament por me bisha me te egra e me te rrafinuara..

Burreria e do qe Saliu ti thote Popullit..

JEMI KOT.. Jemi te c'armatosur.. Skemi asnje mjet te ndryshojme situaten..
Jam nje cop m-ut vllazen.. Me lejon Nano vec si garniture te dukem si opozite se kurgja skemi ne dore.. Shkurt jemi ne 1945-sen perseri..ose 1955-sen.. kur Enver Hoxha Shehu Kapo vendosnin se ke do vrasin..ke do rrjepin ke do helmojne e sesi do ja shtrengojne rripin pis-miletit..e nuk donin tja dinin per asnji parim njerzor apo penges nga jasht..

E vetmja gje qe Saliu i mbetet te beje eshte ..te pakten te mos ja ligjeroje Nanos Pushtetin..
e kjo do te thote Braktisje e Parlamentit..
Aq do Nano..
Ja o Bote..jemi pluralista..ja kemi parlament..kemi opozite bile u japim dhe shanc te kryesojne komisione kontrolli.. hmm e te me shajne mua sa her duan.. ndonse u kushton sa frengu pulen cdo llaf..etj.
Ja kte rol luan PD..
Dhe Enveri bente kshu filmash..
Gjithmone ne presidium te Parlament-Kuvendit vendoste ca malok me qeleshe..ca mjelse me kostiume kombetare te dropull-myzeqese e ndonji hoxh a prift....ja pra te tera shtresat i kemi te perfaqsuara..
Dhe Nano kte ben..
Ja zogistet..ja demot..ja Ballistet..Te tere ketu jane..
E Te tere ne fakt jan Selim Myrto..me celsa kashte e me celulara ku marrin udhezime nga Shefi i sigurimit..Ruco Malo Nanua..
Cdo dit ne Parlament nga PD-ja eshte Fitore e zgjatje sundimi e Ps-se..

O ka gomarllek ketu o ka nje tradheti te programuar..

[dodoni]

Unë mendoj se Komisioni Zgjedhor duhet të përbëhet nga intelektual të pavarur të paangazhuar ndonjëherë në politikë, pa interesa në partitë politike dhe që kanë histori të mjaftueshme besimi tek shumica e popullsisë për të kryer detyrën e tyre me sukses dhe paanshmëri.
Ata mund të zgjidhen edhe me konkurs pune të organizuar nga ndonjë shoqatë joqeveritare apo edhe nga vet OSBE.
Nëse kjo është e pamundur (gjë që nuk besoj se është e pamundur), atëherë duhet që opozita ta udhëheq Komisionin Zgjedhor sepse kështu pozita edhe pushtetin e edhe Komisionin Zgjedhor dmth. ka të gjitha mjetet për të vjedhur votat. Edhe pse prapë po them ideja e parë është më e mira dhe është plotësisht e realizueshme.
Është turp për politikanët tanë nëse edhe këtë herë kemi probleme me vjedhjen e votave, prandaj duhet që këtë herë ato të organizohen e mbahen sa më mirë e sa më suksesshëm që është e mundur dhe rezultatet të jenë të pranueshme pastaj e të mos ketë kontestime nga humbësit e ankesa nga të huajt.

Mjaft më probleme me zgjedhjet!! Ku është organizata Mjaft? haha

[Albo]

Ilirjan Celibashi rizgjidhet kryetar deri në fillim të 2006 -ës. Pandeli Varfi votohet nga 2 anëtarë

Celibashi zgjidhet kryetar me 3 vota

Anëtarët e propozuar nga opozita braktisin mbledhjen. Zguri: KQZ i bëri sfidë realitetit

Nevila Perndoj

TIRANE- Ka fituar sërish një mandat deri në fillim të 2006-ës për të drejtuar KQZ, por është kryetari më pak i votuar në gjithë historinë e kryetarëve të institucionit më të lartë zgjedhor. Ilirjan Celibashi është rizgjedhur dje me votim të fshehtë si kryetar i KQZ-së, vetëm me tre vota, nga 7 anëtarë, që ka komisioni. Pas largimit të dy anëtarëve të opozitës, Dodë Prenga dhe Klement Zguri nga procesi i votimit, Celibashi ka mundur të marrë vetëm një votë me tepër ndaj rivalit të tij për kryetar, anëtarit Pandeli Varfi, edhe pse ky i fundit, para votimit të dytë, kërkoi që të mos e votonin. Kryetari i KQZ-së, Ilirjan Celibashi u rizgjodh dje pas votimit të dytë, që u zhvillua mes pesë anëtarëve të komisionit. Kjo sepse gjatë votimit të parë, ai arriti të marrë vetëm katër vota, ndërsa një votë kaloi në favor të anëtarit Pandeli Varfi. Në bazë të nenit 27 të Kodit Zgjedhor, në rast se gjatë votimit të parë, kandidati për kryetar nuk merr pesë vota, atëherë ai i nënshtrohet një votimi të dytë dhe, zgjidhet kryetar jo më me shumicën e cilësuar, por më shumicë të thjeshtë. Para votimit të dytë, anëtari dhe kandidati për postin e kryetarit, Pandeli Varfi deklaroi dorëheqjen nga gara pa dhënë asnjë arsye konkrete, ndërsa Celibashi u votua për herë të dytë. Por votimi i dytë solli surpriza. Ai përfundoi dy vota për Varfin dhe tre vota për Celibashin, duke bërë që ky i fundit të zgjidhej vetëm në sajë të një kriteri të parashikuar në Kodin Zgjedhor, në bazë të së cilit, gjatë votimit të dytë, kryetar zgjidhet ai që ka marrë më shumë vota.
Zguri
Ndërsa dy anëtarët, Dodë Prenga dhe Klement Zguri nuk kanë pranuar të marrin pjesë gjatë procesit të votimit. Para fillimit të votimit, Zguri ka parashtruar edhe arsyet e mospjesëmarrjes në këtë votim. Zguri ka propozuar shtyrjen e procesit të votimit, për tre arsye. “Arseyja e parë është ligjore mbasi ka një konflikt mes kryetarit dhe nënkryetarit të KQZ-së që sipas Kodit Zgjedhor i përkasin përkatësisht spektrave të kundërt të politikës dhe në këtë kuptim është shkelur Kodi Zgjedhor dhe saktësisht neni 22 i tij. Arsyeja e dytë ka të bëjë me një realitet ku zyra e kryetarit dhe anëtarët e komisionit të propozuar nga opozita janë në një pozicion ekstrem për shkak të qëndrimit bllokues që mban drejtuesi i komisionit karshi anëtarëve të propozuar nga opozita dhe ky fakt është i ndihmuar nga anëtarët e tjerë që me veprimet apo mosveprimet e tyre kanë bërë të mundur këtë situatë për diferencimin e anëtarëve”.
“E treta ka të bëjë, vijoi Zguri pak çaste para largimit,- me sugjerimet që vijnë nga faktori i jashtëm dhe i brendshëm. Që nga Bashkimi Evropian, OSBE e SHBA i kanë rekomnduar Parlamentit shqiptar që të mbajë një qëndrim me qëllim arritjen e e standardeve ndërkombëtare të zgjedhjeve, e konkretizuar kjo me komisionin për reformën zgjedhore, pasi ka humbur besimi i zgjedhësve tek vota e lirë. Të gjitha këto më bëjnë që të mendoj se me objektin e mbledhjes, KQZ i bëri një sfidë realitetit. Për ne është shumë e rëndësishme përfundimi i reformës dhe pas saj KQZ e ka rrugën e hapur të përmbushë detyrimet ligjore përfshi zgjedhjen e titullarëve. Deri në këtë moment kompetencat mund t’i merrte mbledhja e KQZ-së dhe drejtimi të bëhej nga anëtari më i vjetër në moshë. Kjo ka ndodhur kur kryetari i KQZ-së ka qenë i impenjuar me vizita jashtë vendit apo me pushime dhe mungesa e tij nuk ka shkaktuar problem madhor në KQZ”. Ndërsa pas votimit ai u shpreh se logjika jonë është më e mirë se dalja e një kryeari me tre vota.

[Albo]

Shefi i deputetëve të PS kërkon ekspertë të huaj për të hartuar variantet për rikompozimin e KQZ

Ruçi: Ekspertët e OSBE-së janë të paaftë

“S’janë të zotë të bëjnë implementimin e rekomandimeve të OSBE-ODIHR-it dhe varianteve që kanë paraqitur”

Darina Tanushi

TIRANË – Puna e komisionit dypalësh për reformën zgjedhore ka ndezur debate të shumta, dje në seancën parlamentare. Kryetari i grupit parlamentar të Partisë Demokratike, Bamir Topi kërkoi nga maxhoranca që të respektojë marrëveshjen PS-PD për reformën zgjedhore. Sipas tij, përfaqësuesit socialistë në këtë komision po bëhen pengesë në ecurinë e punës së tij, që lidhet me përmbushjen e rekomandimeve të OSBE/ODIHR për procesin e ardhshëm zgjedhor. Ndërsa sekretari i përgjithshëm i PS-së Gramoz Ruçi ka kritikuar ekspertët e OSBE-së, për paqartësi në propozimet që kanë paraqitur për reformën zgjedhore. Gjatë diskutimit në Parlament, Ruçi u shpreh se “Partia Socialiste ka vullnet të plotë për realizimin dhe përfundimin e reformës zgjedhore, për të cilën jemi angazhuar dy muaj më parë. Por mesa shoh unë dhe kam ndjekur, problemi qëndron tek grupi i ekspertëve të ngritur pranë OSBE-së. Në propozimet që kanë paraqitur ka paqartësi dhe ata kanë treguar deri më sot se nuk janë të zotë të bëjnë implementimin e tyre, të rekomandimeve të OSBE-ODIHR-it dhe varianteve që kanë paraqitur”. Kështu, shtoi ai, unë e shoh më të arsyeshme që të vijnë ekspertë të huaj dhe të japin alternativat e zgjidhjes, ose më mirë mënyrës së duhur të zbatimit të rekomandimeve të ndërkombëtarëve për zgjedhjet. Ne kemi vullnet të plotë për realizimin e reformës, deklaroi Ruçi. Ndërkohë, në një konferencë për shtyp, në selinë e PS-së, Ruçi u shpreh se nuk e konsideron të bllokuar dhe as të dështuar punën e komisionit bipartizan për reformën zgjedhore. Ai do të vazhdojë me negociata dhe diskutime punën, tha Ruçi, i pyetur nga gazetarët.
Sekretari i përgjithshëm i PS-së, është shprehur se PS-ja do të vazhdojë të japë kontributin e saj në mbarëvajtjen e zbatimit të rekomandimeve të OSBE/ODIHR-it e të Komisionit të Venecias, lidhur me Kodin Zgjedhor dhe administratën zgjedhore, përfshirë listën zgjedhore dhe çdo dimension tjetër të domosdoshëm për të garantuar në vitin 2005 një proces të përmirësuar, të drejtë, të lirë, të ndershëm dhe transparent. Në fakt qysh në fillim të seancës nënkryetari i PD-së, Bamir Topi i kërkoi kryetarit të Kuvendit Servet Pëllumbi të ndërhyjë për ecurinë e punës në komisionin bipartizan. “Kryetar i Kuvendit në këto raste ju duhet të ndërhyni për të zhbllokuar punën në komision. Nuk mund të vazhdohet me këtë mënyrë. Puna e komisionit ka ngecur tek balancimi i KQZ-së. Gjithashtu ftoj dhe Ruçin, që së bashku nënshkruam protokollin e zgjedhjeve të ndërhyjë për të vijuar normalisht puna në këtë komision. Ne firmosëm së bashku, kështu që duhet të gjejmë zgjidhje që puna të mos bllokohet”, -është shprehur Topi.
Pëllumbi
Nga ana e tij, kryetari i Kuvendit Pëllumbi deklaroi se lejimi i debatit për komisionin bipartizan në Kuvend erdhi si domosdoshmëri nga bllokimi i këtij të fundit. Pëllumbi e ka quajtur këtë një problem shqetësues. Më pas e kanë marrë fjalën edhe dy bashkëkryetarët, Jemin Gjana dhe Elmaz Sherifi, të cilët kanë qëndruar në idetë e tyre të një dite më parë. Gjana tha se propozimet e ekspertëve janë mjaft të qarta dhe variantet tre apo katër nuk mund të quhen fare variante, por propozime të pamiratuara as nga vetë ekspertët. Në mbyllje të debatit parlamentar, kryetari i Kuvendit, Servet Pëllumbi i tërhoqi vëmendjen deputetëve që të reflektojnë mbi punën e komisionit dhe të gjejnë mirëkuptim për mbarëvajtjen e tij.

[Albo]

Lipponen: PS e PD ranë dakord për balancimin e KQZ-së

Shekulli

TIRANE- Ambasadori i OSBE-së, Osmo Lipponen, përsëriti dje se, rekomandimet e OSBE/ODIHR konsistojnë pikërisht në balancimin e Komisionit Qendror të Zgjedhjeve. Në deklarimin e tij të shkurtër për median, Lipponen theksoi se çështja e KQZ-së, ka qenë pjesë e marrëveshjes mes PD-së dhe PS-së dhe duhet zbatuar nga palët. “Ka disa konceptime të gabuara të çështjeve që ne ngrejmë. Ka një ligj mbi balancimin e Komisionit Qendror të Zgjedhjeve, që është në fuqi, por që nuk është zbatuar. Prandaj Komisioni Qendror i Zgjedhjeve është çështje kryesore, përveç asaj të listave të votuesve. Në diskutimet paraprake, dy partitë kryesore politike përpara këtij procesi kanë rënë dakord, ndaj është në dorën e tyre nëse do t’i zbatojnë apo do të vazhdojnë me këto ligje që kanë. Ky është një proces shqiptar. Vullneti politik duhet të ndërtojë një atmosferë përpara procesit zgjedhor, në mënyrë që kushdo që të fitojë, të pranohet si fitues”,- tha Lipponen

[dr_arkile]

Krerët socialistë, të vendosur për të mos lejuar zbatimin e rekomandimeve të ndërkombëtarëve për balancimin e KQZ-së


Kriza që ka përfshirë Komisionin e posaçëm parlamentar për Reformën Zgjedhore, për shkak të këmbënguljes së përfaqësuesve të PS-së për të mos pranuar balancimin e KQZ-së, u transferua dje në Kuvend. Nga opozita është shprehur shqetësimi për bllokimin që PS po i bën reformës zgjedhore, duke mos shfaqur vullnet politik për balancimin e KQZ-së. Kryetari i Grupit parlamentar të PD-së, Bamir Topi, paralajmëroi në çelje të seancës së djeshme plenare të Kuvendit rrezikun që i kanoset procesit të ardhshëm zgjedhor, për shkak të qëndrimeve bllokuese të përfaqësuesve socialistë në Komisionin "Bipartizan".

"Ky komision po ndeshet me probleme madhore, çka do të thotë se po i afrohemi me shpejtësi situatës zgjedhore të vitit 2005, duke patur akoma probleme të mëdha si me KQZ-në, me listat dhe ç'është më e keqja, me një mungesë totale të vullnetit politik për të proceduar në mënyrë normale mbi ato çfarë kemi deklaruar me vullnet të plotë në vijim, dhe të vullneteve respektive të subjekteve tona politike", deklaroi Topi. Më pas, nënkryetarja demokrate e Kuvendit, Jozefina Topalli, deklaroi se qëndrime të tilla të socialistëve janë dëshmi e vendosmërisë së tyre për të manipuluar edhe zgjedhjet e ardhshme. Me tone kritike reagoi edhe deputeti demokrat Sokol Olldashi, anëtar i Komisionit të posaçëm parlamentar për Reformën Zgjedhore, i cili kërkoi një pozicionim më të qartë të krerëve socialistë lidhur me reformën zgjedhore. Ndërkohë edhe krerët e grupeve të tjera parlamentare të opozitës kërkuan që PS të ndryshojë qëndrim dhe të pranojë balancimin e përbërjes së KQZ-së, duke marrë shkas edhe nga deklarata e fundit e OSBE-së për këtë çështje.

Megjithëse në Komisionin për Reformën Zgjedhore diskutimet për ndryshimin e KQZ-së po bëhen mbi dy variante konkrete, kreu i Grupit parlamentar të PS-së, Gramoz Ruçi, në seancën e djeshme plenare të Kuvendit bëri një propozim, sipas të cilit të thirren ekspertë të huaj për të interpretuar rekomandimet e OSBE-ODIHR.

"Me sa duket, ekspertët që ndodhen pranë përfaqësisë së OSBE-së në Tiranë nuk janë në gjendje të bëjnë implementimin e këtyre rekomandimeve", u shpreh Gramoz Ruçi. Numri dy i PS, duke sulmuar Prezencën e OSBE-së në Tiranë për paaftësi, kërkoi që specialistë të kualifikuar të ODIHR-it dhe OSBE-së të vijnë në vendin tonë dhe të japin kontributin e tyre, se si ata i kuptojnë dhe i interpretojnë ato rekomandime që kanë dhënë vetë në Raportin e OSBE-ODIHR-it. Si edhe herë të tjera, kreu i parlamentarëve socialistë nuk nguroi të mashtrojë Kuvendin me deklarata demagogjike se, "PS ka gjithë gatishmërinë dhe vullnetin tonë politik që përmirësimet e Kodit Elektoral dhe përgatitja e gjithë infrastrukturës për zgjedhjet e vitit 2005 të kalojë një orë e më shpëjt në Parlamentin shqiptar".

Megjithë debatet e zhvilluara në sallën e Kuvendit, nuk u arrit në asnjë rezultat konkret dhe kryeparlamentari socialist Servet Pëllumbi deklaroi se nuk ka asnjë kompetencë për të zgjidhur situatën e krijuar në Komisionin e posaçëm parlamentar për Reformën Zgjedhore. Krerët socialistë vazhdojnë të mbajnë qëndrim bllokues edhe pas ultimatumit të prerë që vjen nga BE, SHBA dhe OSBE, për ndërprerje të negociatave në procesin e integrimit, nëse Tirana zyrtare nuk përmbush rekomandimet e tyre.

[Big Blue]

O Gramoz o burr kolloz,
t'eshte bere koka si kavanoz,
beji zap nje her PD'se,
pastaj futju OSBE'se.

[Albo]

Topi: Ka progres por asgjë nuk është përfundimtare. Lipponen: Qartësuam keqinterpretimet

KQZ, hapet spiralja e kompromisit

Lipponen, Ruçi e Topi vendosin që ekspertët dhe komisioni të rifillojnë punën për KQZ

Shekulli

TIRANE-Vetëm 10 para largimit nga Shqipëria ambasadori i OSBE-së në rolin e negociatorit u ul dje për dy orë mes Ruçit e Topit në një kolltuk jo shumë komod për tre persona në një nga ambientet e Parlamentit. I thirrur në skenë pas bllokimit të komisionit parlamentar për reformën zgjedhore, që PD e braktisi pas refuzimit të socialistëve të varianteve të rikompozimit të KQZ-së, të përgatitur nga ekspertët, Lipponen i quajti progres të mirë negociatat e mbrëmshme, por pa thënë fjalën e fundit se palët kanë rënë dakord dhe formula magjike e KQZ-së është shpikur. Për të arritur këtë u vendos që grupi i ekspertëve të përbashkët, i cili deri tani ka qenë i përçarë, të rimblidhet për të diskutuar sërish mbi KQZ e re. Për shkak se bisedimet u lanë të vazhdojnë edhe sot paradite, shumë i kujdesshëm ka qenë kreu i deputetëve demokratë, Bamir Topi. Ndërsa pranoi se u shpreh vullnet i përbashkët që komisioni për reformën zgjedhore të rifillojë punën, ai shtoi se asgjë nuk mund të konsiderohet përfundimtare për sa kohë ka elementë teknikë, që dje nuk mund të bëheshin publikë për mediat. “Do të ketë një takim përfundimtar nesër (sot)”,-tha Topi, i cili nuk harroi të vinte në dukje se “ka një progres që shpresojmë të finalizohet, por asgjë nuk është përfundimtare”. Rinisjen e diskutimeve në komisionin për reformën zgjedhore e deklaroi edhe Ruçi, i cili tha se progresi i arritur në takimin e djeshëm konsiston në rikonfirmimin e vullnetit për përmirësimin e Kodit Elektoral dhe për të rritur efektivitetin e komisionit parlamentar dhe ekspertëve për çështjen e KQZ-së dhe listave të votuesve. “Pra progresi, tha ai,- është që ekspertët e komisionit do të vazhdojnë punën në këto shina pas 24 orë bllokim dhe kjo nuk është pak, le të presim orët në vazhdim që të shohim punën e tyre”. Ndërkaq në përgjigje të insistimit të gazetarëve, Topi tha se me çka biseduam, ka optimizëm dhe me progresin e bërë ka zgjidhje të kënaqshme”. Burime nga takimi thanë se pas insistimit të Lipponen, Ruçi ka pranuar që nenet për formimin e KQZ-së të ndryshojnë por të tre të pranishmit dje refuzuan të japin detaje teknike për këtë çështje. Ambasadori i OSBE-së për të ruajtur konfidencialitetin e bisedimeve tha se ne nuk lëshuam asnjë ultimatum. Kreu i grupit parlamentar i socialistëve po për pikën që ka bllokuar komisionin për reformën zgjedhore shtoi se “Qëllimi i takimit nuk ishte për çështje konkrete”.

Lipponen
“Diskutuam gjatë dhe në mënyrë shumë të detajuar e konstruktive. Qartësuam disa pika, ku ka pasur keqinterpretime dhe informacion jo të plotë. Bëmë progres mjaft të mirë. Do të ketë qartësime të mëtejshme teknike dhe besoj se procesi i reformës zgjedhore do të vazhdojë me vullnetin politik të palëve”,-tha dje Lipponen pas mbylljes së raundit të parë të bisedimeve. Sipas tij, Topi e Ruçi kishin ide të mira për grupin e ekspertëve dhe u arrit një ndërveprim mes grupit të ekspertëve dhe komisionit për reformën zgjedhore. Edhe ai si dy bashkëbiseduesit u shfaq optimist për përfundimin me sukses të bisedimeve. E gjithë biseda e djeshme sipas Topit, është përqëndruar tek Protokolli i 1 korrikut i firmosur në prani të Lipponen nga Topi e Ruçi dhe që parasheh ndryshimin e neneve të Kodit Elektoral për KQZ-në.



21/09/2004

[Albo]

Kreu i PD tha se edhe PD po pret që ekspertët të gjejnë një zgjidhje të re për KQZ. “Nuk njohim propozime të ODIHR në rrugë institucionale, jo përmes Nanos”

Berisha: Pa u zgjidhur KQZ nuk marrim pjesë në komision


N.Perndoj

TIRANE- Lideri i opozitës Sali Berisha është dakord që formula e Komisionit Qendror të Zgjedhjeve të rishqyrtohet nga ekspertët e OSBE-së dhe ekspertë të tjerë, por ka deklaruar gjithashtu se PD nuk do të marrë pjesë në komisionin bipartizan derisa kjo çështje të zgjidhet. “Në takimin e zhvilluar (mes Ruçit, Topit dhe Lipponenit) u la që çështja t’i kalojë grupit të ekspertëve. Ekspertët e OSBE-së dhe ekspertët e tjerë duhet të rishqyrtojnë edhe njëherë çështjen e KQZ-së. Mund t’u them se ne e pranuam këtë variant ndonëse ekspertët kanë punuar dy javë në përputhje me protokollin me variantin e paraqitur. Të mendosh se socialistët do të pranojnë balancën është njëlloj si të mendosh, që ata do të pranojnë humbjen e pushtetit”,- tha Berisha. Kryetari i demokratëve theksoi gjithashtu se kërkesa për balancim është në përputhje edhe me rekomandimet e ODIHR. Berisha deklaroi se do të njohë çdo propozim që vjen nga ekspertët e ODIHR në rrugë institucionale dhe, jo përmes kryeministrit Fatos Nano. “Qëndrimi ynë është se ekspertët e ODIHR janë të mirëseardhur përmes OSBE-së dhe jo Fatos Nanos. Besoj se është e qartë. Ka një besim të plotë tonin tek institucioni dhe, natyrisht ka një mosbesim total tek letra dhe ftesa e Fatos Nanos”,- tha ai. Kryetari i Partisë Demokratike theksoi se Partia Demokratike është e vendosur të marrë pjesë në komision në momentin më të parë, që socialistët sipas tij, do të heqin dorë nga pronësia mbi KQZ. Berisha bëri publike gjithashtu edhe një dokument, ku përfshihej varianti i parë i ekspertëve. Varianti në fjalë flet për ndryshimin e Kushtetutës, me qëllim balancimin e KQZ-së. Ky variant është mbështetur fillimisht edhe nga eksperti i PS-së në këtë komision, Sokol Hazizi. “Unë ju sjell një dokument të grupit të ekspertëve i firmosur edhe nga eksperti Sokol Hazizi përfaqësues i PS-së ku bie dakord plotësisht për balancën e KQZ-së, por kur vjen problemi tek dispozita tranzitore, që ky balancim të bëhet para vitit 2005 Hazizi nuk firmos. Pra problemi është i thjeshtë. Na lejoni KQZ edhe për vitin 2005, që të vjedhim zgjedhjet se pastaj po e ndryshojmë. Hazizi nuk është preokupuar për Kushtetutën. Ka firmosur balancimin, por nuk ka firmosur dispozitat tranzitore që kërkojnë balancimin për këto zgjedhje. Asgjë nuk mund të zgjidhet pa vullnetin politik, dhe është shumë e qartë se ata nuk kanë vullnetin politik”,- tha Berisha, i cili shtoi se prapa kësaj qëndron vetëm manipulimi i zgjedhjeve.

[Albo]

Presidenti ka sugjeruar gjetjen sa më parë të një konsensusi me palëve për KQZ dhe listat e votuesve

Listat dhe KQZ, Moisiu thërret Ruçin


N.Perndoj

TIRANE- Presidenti Alfred Moisiu ka patur dje pasdite një takim me sekretarin e përgjithshëm të PS-së, Gramoz Ruçi, ku sipas burimeve zyrtare ka theksuar nevojën për përmirësimin e listave të zgjedhësve. Kreu i shtetit duke iu referuar bllokimit të punës së komisionit të reformës zgjedhore dhe deklaratave të ardhura nga BE për këtë çështje, ka përsëritur qëndrimin e tij se nuk mund të ketë më justifikime për abuzime dhe parregullsi në listat e votuesve. Sipas tij për këtë çështje duhet të gjendet sa më parë konsensusi mes palëve. Po kështu jashtë bisedës nuk ka ngelur edhe bllokimi i KQZ-së. Në njoftimin për shtyp të Presidencës thuhet se gjatë takimit u diskutua mbi situatën politike në vend, ndërkohë që burimet sqaruan se takimi është kërkuar nga vetë kreu i shtetit për t’u njohur institucionalisht mbi qëndrimet zyrtare të PS-së lidhur me të ardhmen e KQZ-së. Sekretari i përgjithshëm i PS-së, Ruçi i ka paraqitur presidentit Moisiu të gjitha qëndrimet e deritanishme lidhur me KQZ. Ruçi është shprehur se socialistët janë në pritje të një grupi tjetër ekspertësh për të zgjidhur ngërçin. Prej kohësh socialistët kanë deklaruar se dy variantet e ekspertëve të OSBE-së janë në kundërshtim me Kushtetutën. Anëtarët e PS-së në komisionin për reformën zgjedhore janë shprehur gjithashtu se çështja e KQZ-së do të jetë objekt i zgjidhjes vetëm pas mbërritjes në Tiranë të një grupi tjetër ekspertësh, kryesisht nga ODIHR në mënyrë që të jenë në përputhje me rekomandimet e OSBE/ODIHR. Nga ana e tij, presidenti Moisiu nuk ka bërë ndonjë koment, përveçse ka kërkuar zgjidhje imediate të çështjes. Dje në një deklarim për mediat, sekretari i përgjithshëm i PS-së, Gramoz Ruçi, u shpreh se negociatat janë në mes, ndërsa anëtari në komisionin për reformën zgjedhore, Fatos Beja, deklaroi se këto bisedime janë të bllokuara.

[Brari]

ja dhe Nard Ndoka..

--

korrieri

--

PDR: Na takon nje anetar i KQZ

E Diele, 26 Shtator 2004

Drejtuesit e larte te grupit parlamentar reformator metojne se i takon kesaj force politike, e drejta per te pasur nje komisioner ne KQZ. Sipas tyre, anetari i KQZ, Dode Prenga, i cili deklaron vazhdimisht se perfaqeson PD-ne ne KQZ, eshte zgjedhur ne Kuvend ne menyre teresisht te paligjshme, pasi e drejta per propozim per anetar te Komisionit i takonte PDR. Ne keto rrethana, deklaron Kryetari i grupit parlamentar te reformatoreve, Nard Ndoka, i takon PDR te kete perfaqesuesin e saj ne KQZ, ne menyre qe jo vetem te shkohet drejt skemes se barazpeshimit te KQZ, por edhe te vendosjes ne vend te se drejtes se mohuar, ne rastin e zgjedhjes se Prenges si anetare i KQZ. "Jemi perpjekur te arrijme nje marreveshje me PD rreth kesaj ceshtje, nepermjet nismimit te nje tryeze te partive parlamentare te opozites. Heshtja e PD eshte teresisht e pamotivuar. Por, kjo s'do te thote se ne kemi humbur durimin. Shpresojme qe PD te tregohet realiste per kerkesen tone te ligjshme", nenvizon Ndoka.

A.M

---------




cfar mjeshtri ky Nard Ndoka..


Sa mjeshtra Mafia socialiste..

Dihet se ne KQZ jane 5 krokodila socialiste e vec 2 demo-pula lepuj..

Nard ndoka nuk shqetsohet pse jan ata 5 krokodilat aty por rrufene e hedh tek ata 2 pulo demokratet .
Pra dhe ata te 2 e shqetsojne demokratin e rinovuar..dhe o burra qe dhe ata ti paksojme ..pra te kemi jo kQZ me 5 kroko staliniste mafioze e 2 demokrat por don kqz me 5 krokodile e 1 dreras te llojit Nard..pra spiun te Nanos e vec 1 demokrat..

Pra Nard Ndoka lufton qe ne zgjedhjet e ardhshme te kete nje KQZ akoma me te betonuar me Mafie.. pra nje KQZ me 6 vegla te enver Ramiz Nano Rucave e 1 demokrat..

qelbanik doli ky Nard Pollua..

[StormAngel]

Ambasadori Osmo Liponen, Kryetar i Pranise se OSBE ne Tirane jep vleresime kritike per ecurine e reformes zgjedhore, duke akuzuar politikanet shqiptare per mungese te vullnetit politik. PS dhe PD, debate per ndryshimet ne Komisionin Qendror te Zgjedhjeve

Ambasadori Osmo Liponen, Kryetar i Pranise se OSBE ne Tirane, kritikoi politikanet shqiptare per mungesen e vullnetit per te realizuar reformen zgjedhore. Ne nje konference shtypi te marten, diten e tij te fundit ne Shqiperi, pas dy vjet kryesimit te Prezences se OSBE-se, ai shprehu shqetesimet e Zyres qe drejton per nje game te gjere ceshtjesh qe lidhen me zhvillimin demokratik dhe institucional te Shqiperise. Per kete qellim, Liponen do te raportoje te enjten edhe perpara Keshillit te Ambasadoreve ne Vjene. "Pavaresisht nga disa permiresime, Shqiperia ende nuk ka mundur qe te kaperceje momentin kur zgjedhjet perbejne fokusin kryesor te vemendjes dhe burim per tensione politike, vecanerisht, kur ka pasur nje perparim te dukshem ne zhvillimin institucional ne fusha te tjera ne vend", u shpreh diplomati finlandez. Sipas tij, me afrimin e shpejte te zgjedhjeve parlamentare, kembana paralajmeruese ka rene tashme, pikerisht, nga Bashkimi Evropian ne deklaraten e tij te koheve te fundit, te cilen edhe Prezenca e ka mbeshtetur fuqimisht.

Kreu i OSBE ne Tirane vleresoi se "megjithese reforma zgjedhore eshte tani ne proces, ajo, ne fillim, ka vuajtur nga disa vonesa". "Shohim se puna e komisionit te posacem (parlamentar) eshte bllokuar aktualisht, pa patur ndonje arritje pertej propozimeve te marra nga Grupi i Eksperteve Teknike", nenvizoi Liponen. Por, sipas tij, ceshtja e reformes zgjedhore nuk qendron ne te vertet tek propozimet ligjore apo teknike qe behen. "Ne te vertet, kjo eshte nje ceshtje e vullnetit politik - vullnetit politik te politikaneve te Shqiperise per te zhvilluar zgjedhje demokratike sipas standarteve nderkombetare", u shpreh drejtuesi i OSBE-se per Shqiperine. Reforma zgjedhore eshte kthyer ne ceshtjen kryesore te debatit politik ne Shqiperi, ndersa zgjedhjet e ardhshme parlamentare pritet te zhvillohen ne qershor 2005. Partia Demokratike e ish-Presidentit Berisha kembengul per te realizuar balancimin politik te Komisionit Qendror te Zgjedhjeve, ndersa Partia Socialiste e Kryeministrit Nano shprehet per shqyrtimin e problemeve te dala me listat e zgjedhesve. OSBE u angazhua ne nje proces te veshtire negociatash mes dy partive me te medha dhe per kete qellim u arrit ngritja e nje Komisioni te posacem parlamentar. Megjithate, puna e ketij komisioni eshte bllokuar pikerisht per shkak te mosmarreveshjeve mes PS dhe PD. Edhe Presidenti i Republikes eshte perfshire ne nje seri takimesh me faktoret politike, duke nenvizuar se rendesine qe ka realizimi i reformes zgjedhore. Kreu i Shtetit ka kerkuar qe komuniteti nderkombetar te percaktoje rregulla e standarte te qarta, ne menyre qe kjo reforme te perfundoje pa vonese. Ne kete kontekst, Presidenti ka theksuar bindjen e tij, se thelbesore eshte krijimi i kushteve per vendosjen e besimit ne institucionet zgjedhore, sidomos nga ana e opozites.

Nga:
Elton METAJ

[gabriel]

Ka shume Liponen qe rraportojne ne menyre te zhdrejte realitetin shqiptar dhe kjo qe atyre ti zgjatet mandati i qendimit ne Shqiperi se ketu marrin rroga marramendese...

Kjo ka kohe qe ndodh por vetem tani kur po bie ne kundershtim me interesat e politikaneve ato u kujtuan ta denonconin publikisht kete fakt...

Ka shume te huaj qe cuditerisht nuk u intereson nje progres i mundeshem i Shqiperise. Une nuk e di arsyen e vertete por mendoj se kane influenca ato shtete qe hapur duket qe nuk duan qe shqiptaret te integrohen ne Europe.