Policia italiane vret ne qender te Romes "Ujkun"

[StormAngel]

Rrethohet dhe vritet pas 10 ditë kërkimesh, Luciano Liboni, njeriu që vrau një javë më parë një polic dhe terrorizoi kryeqytetin

Policia italiane vret “Ujkun” në qendër të Romës


Shekulli

ROME – Policia italiane ka vrarë dje në qendër të Romës një nga personat e shumëkërkuar gjatë ditëve të fundit i dyshuar për vrasjen e një polici. Policia është detyruar ta qëllojë të dyshuarin në kokë, në kohën kur ai kishte marrë peng si mburojë një familje turistësh francezë. Pas një serie të shtënash mes tij dhe policisë, i dyshuari Luciano Liboni, 47 vjeç i njohur me pseudonimin “Ujku”, ka gjetur vdekjen gjatë një ndërhyrje kirurgjike pak më vonë në spital. Lajmi i vdekjes së tij është konfirmuar nga burimet policore italiane për gjithë agjencitë e lajmeve. Agjencia italiane e lajmeve “Apcom”, citoi prokurorin e Romës Italo Ormanni që tha se i dyshuari kishte vdekur gjatë një operacioni në spitalin “San Giovanni”, ku u dërgua me ambulancë. Ndërkohë që fatmirësisht nga gjithë ajo betejë nuk ka patur të plagosur as mes njerëzve dhe as mes radhëve të policisë.
Liboni është ndjekur nga policia italiane që prej dhjetë ditësh, pas vrasjes së një polici më 22 korrik. Ai terrorizoi Romën një javë më parë kur vrau një polic dhe detyroi një qytetar që kishte në makinë fëmijën e tij, që ta shpëtonin “vrasësin” nga vendi i ngjarjes. Ndërsa dje ai është zbuluar nga policia pikërisht në qendër të Romës, në “Circo Massimo”. “Ai qëlloi katër herë mbi policinë, e cila ndodhej pranë tij”, -tha për “Associated Press”, Umberto Pinotti, karabineri paraushtarak që analizoi veprimet e vrasësit Liboni. “Ndërsa policia po përpiqej që t’i kundërpërgjigjej “ai rrëmbeu një familje, ku bënte pjesë nëna, babai dhe dy fëmijë, dhe i drejtoi armën në kokë zonjës, duke i thënë policisë se nëse ata nuk largoheshin prej andej ai do të niste të qëllonte. “Në një moment të caktuar, Liboni ia mbathi, duke vazhduar t’i qëllonte policisë, që gjithashtu qëlloi kundër të dyshuarit, duke e plagosur në kokë, bëri të ditur gjeneral Pinoti. Familja menjëherë u përpoq që të shpëtonte, ndërkohë, as kalimtarët dhe as policët nuk u plagosën në këtë përleshje, bëri të ditur karabinieri Vincenzo Conte për AP. Ai shtoi se familja ishte franceze dhe se policia po i merrte në pyetje për të marrë një përshkrim më të qartë të ngjarjeve. Televizioni privat TG5 shfaqi një grua me pamje të tronditur që po hipte në një makinë policie. Pak metra më tutje, një pellg gjaku dukej në dysheme.
Media italiane duke cituar policinë njoftoi se një grua romane, që po shëtiste jo larg nga “Circo Massimo”, një fushë me bar ku romanët e hershëm argëtoheshin, ua bëri me shenjë disa policëve të trafikut që po kalonin me motoçikletë dhe u tha se ajo e kishte njohur Libonin, fotoja e të cilit jepej në televizion thuajse përditë që nga 22 korriku, kur ai vrau një polic gjatë një kontrolli rutinë të dokumenteve të identitetit. Sipas medias, policia e trafikut e ndoqi të dyshuarin, derisa njoftoi karabinierët. Zona ku kishte zbritur i dyshuari është shumë e populluar. Stacioni i metrosë ndalon pikërisht jashtë selisë së Organizatës së OKB-së për Ushqimin dhe Bujqësinë, që është më tepër e mbingarkuar gjatë ditëve të punës. Por dje kjo zonë ishte plot me turistë, të cilët bëjnë një shëtitje pesëminutëshe te Koloseu dhe rreth 15 minuta me këmbë nga sheshi “Venezia” në zemër të Romës. Megjithatë për fat përleshja e djeshme mes tij dhe policisë nuk ka shkaktuar viktima rreth e qark, përveç terrorit që ka përjetuar për pak çaste familja e turistëve francezë të marrë peng prej tij.
Policia kishte arritur ta dallonte Libonin afër stacionit kryesor të trenit në qytet që më 24 korrik. I dyshuari pastaj i kishte shpëtuar të shtënave duke rrëmbyer një makinë bashkë me një familje brenda. Pas një udhëtimi të shkurtër, Liboni zbriti nga makina në hyrjen e një metroje dhe u zhduk derisa u shfaq ditën e djeshme. Aftësia e tij për të qëlluar dhe për t’ia mbathur bënë që t’i vihej pseudonimi Ujku. Ai gjithashtu kërkohej nga policia për një sërë vjedhjesh prej mëse dy vitesh.

[Piranha]

si gjithmone gazetat shqiptare do ti stermadhojne ngjarjet....me sakte Ujku kerkohej prej dy vjetesh latitant per tentative per vrasje dhe shume grabitje.....ne 22 korrik ka vrare nje karabinier me gjakftohtesi sepse ai i kerkoi dokumentat e identifikimit...pas kesaj ai shkoi ne rome ne pritje qe te largohej nga italia dhe ne rome beri pak terror ne "metro" duke shtene disa here ne ajer per te humbur gjurmet nga ndjekja.u godit dje nga nje karabinier civil ne qafe dhe vdiq ne spital gjate operacionit......gjithe perleshja e djeshme zgjati rreth 10 min dhe u qellua gjithsej 7 here.....terrorin e pesuan vetem ajo familja franceze per 2 min.....te tjeret nuk paten as kohen te merrnin vesh se cfare ishte se gjithcka mbaroi.....

[DeuS]

Tani bekat qejf delet , dhite ....dhe sidomos sorkadhet !

Rafmet paste UJKU !

...prisni pak kohe dhe shifni kur te dal noi tjeter...

...do kete pjelle ndonje ujk tjeter ulkonja (lol)

[Piranha]

ulkonja eshte gjithmone ne pritje per te pjelle.....lol...... kote nuk eshte dhe shprehja "nje vdes dhe 100 lindin....."

[StormAngel]

Po duke iu ndodhur raste te ketilla,do kene frige edhe ujqit,se askush nuk don te vdes.
Dhe do pakesohen....e pakesohen! E keshtu me rradhe.