Papergjegjshmeria e shtypit shqiptar

[marinI]

Mund të kuptoj vështirësitë e gazetarisë shqiptare dhe mundësitë e pakta të saj për të përparuar...por nuk do të pranoj asnjëherë mënyrën se si gazetarët shqiptarë trajtojnë ngjarjet e ndryshme, dhe gabimet kolosale të papërgjegjshmërisë së tyre...

lexoni më poshtë, dhe do kuptoni se dy personat e akuzuar për
përdhunim, në fillim janë nga Lura dhe nga Peshkopia, pastaj nga Rësheni, e më në fund nga Mirdita...:


Përdhunesit e studentes irlandeze: Ajo erdhi me dëshirë
Lajmi i ores 10:45 AM

TIRANË (22 Korrik) - "Ne nuk e përdhunuam studenten irlandeze, ajo erdhi me dëshirë dhe nuk bëri rezistencë gjatë kohës që bëmë dashuri me të". Kështu u shpreh dje para gjykatës njëri nga 22- vjeçarët e arrestuar për marrëdhënie seksuale me dhunë ndaj një shtetaseje të huaj. Erdiland Vladi dhe Elidon Kaçorri, janë njëri nga Lura e Dibrës dhe tjetri nga Peshkopia. Të dy djemtë e rinj momentalisht banojnë në Tiranë. Megjithse janë studentë dhe nuk i kanë provuar ndonjëherë prangat në duar, dy të rinjtë që përdhunuan studenten nga Irlanda, dje pas vendimit të dhënë nga gjyqtarja Mirela Fana, janë drejtuar për në burgun 313-të, në një prej qelive "të freskëta" për këtë verë të nxehtë. Gjykata dje vendosi për dy të rinjtë masën e sigurisë të arrestit me burg pa afat, deri në momentin që do të përfundojë hetimi për veprën penale të kryer prej tyre. dxh/mr (Shekulli/BalkanWeb)



Përgjimi i celularit dhe ekspertiza e studentes, provat e krimit për Kaçorrin dhe Vladin

Operacioni: Si u arrestuan përdhunuesit e irlandezes


--------------------------------------------------------------------------------

Trendafile Visha

TIRANE

Një numër telefoni i mbetur në celularin e studentes irlandeze A.T. ka bërë që policia e kryeqytetit të zbulojë në një kohë relativisht të shkurtër përdhunuesit e saj. Me procedurë të përshpejtuar Gjykata e Shkallës së Parë së Tiranës ka vendosur përgjimin e telefonave të shtetasve Elidon Kaçorri dhe Erdilant Vladi nga Rrësheni.

Ndërkohë copëzat e bisedave të realizuara prej tyre i kanë identifikuar plotësisht ata si autorë të krimit të katër ditëve më parë. Lajmi bëhet i ditur nga burime zyrtare të prokurorisë dhe policisë. Po sipas burimeve të mësipërme, dje viktima në një përballje me të pandehurit, ka vënë gishtin mbi ta, duke rrëfyer edhe një herë ngjarjen e hidhur që i kishte ndodhur pas një endjeje të gjatë e të këndshme në Shqipëri.

Përgjimi
Kishte shumë gjasa që ngjarja e shëmtuar ndaj shtetases irlandeze A.T. të mbetej përfundimisht në kufijtë e një krimi anonim. Para se të rijtë nga Mirdita të vinin dorë mbi studenten e huaj, e cila kishte ardhur në Shqipëri në kuadrin e një programi të binjakëzimit me Universitetin e Tiranës, i ishin prezantuar me emrat e tyre të vërtetë. Por dy emrat, dhënë ekspertëve shqiptarë nga 24-vjeçarja irlandeze, nuk përbënin gjë tjetër veçse një minidetaj të pavlerë. Në këtë rast, përveç të "tretit" që ka prezantuar studenten e huaj me dy "kavalierët" shqiptarë, ka ndihmuar telefoni i viktimës. Në memorien e telefonit të irlandezes ka mbetur "pa dashje" i regjistruar numri i njërit prej përdhunuesve të saj. I cilësuar si element-kyç jo vetëm për identifikimin e autorëve të krimit, të cilët, me të mbaruar aktin shtazarak, ia kishin mbathur në drejtim të paditur, por edhe si provë të pakontenstueshme për më vonë, ekspertë të prokurorisë e të policisë i janë drejtur Gjykatës së Shkallës së Parë të Tiranës. Kjo e fundit ka procedur shpejt, duke u dhënë viston hetuesve për përgjimin e numrit të telefonit të njërit prej të dyshuarve. Kaq ka mjaftuar për të identifikuar e për të vënë nën pranga përdhunuesit e studentes irlandeze, pasi ata kanë dekonspiruar vetveten me copëza bisede që hidhnin dritë mbi krimin që kishin bërë.

Përballja
Dje studentja iralandeze e përdhunuar dhe dy shoqe të saj kanë pritur për orë të tëra në Prokurorinë e rrethit të Tiranës. Pasi është gjetur përkthyesi, shtetësja e huaj është dërguar në ambientet e Drejtorisë së Policisë së Tiranës, ku është përballur me dy shtetasit e arrestuar: Elidon Kaçorri dhe Erdilant Vladi. Viktima nuk ka hezituar, por ka vënë gishtin mbi "miqtë" e saj përballë, duke dëshmuar edhe një herë se ata ishin autorët e përdhunimit të saj, më datë 18.07.2002, në orën 04.00, te vendi i quajtur segmenti i rrugës së vjetër të Laçit. Ndërkohë që studentja irlandeze do të largohet nga Shqipëria me një shije të keqe në shpirt, ndaj dy autorëve të krimit, Kaçorri dhe Vladi, rëndon akuza e "marrëdhënies seksuale me dhunë në dëm të një shtetaseje të huaj".


***e përveç gabimeve kolosale, gazetarët shqiptarë vazhdojnë të japin gjykimet e tyre para se kjo gjë të bëhet nga vetë organet komptente...për gazetarët shqiptare, ashtu, të pakujdesshëm e kokëshkretë, dy personat në fjalë janë "përdhunues", dhe japim e stërjapim emrat e tyre edhe në kryetitull, pa pritur akoma vendimine gjykatës për këtë çështje

po sikur gjykata të vendosë për pafajësinë e tyre ? gjyqi i ngelet atëherë gazetarëve tonë kodoshë, dhe mentalitetit të sëmurë thashethemexhi shqiptar...
institucionet nuk ekzistojnë, sepse gazetarët tanë trima janë të gjithanshëm, e të gjithpushtetshëm për opinionin e mashtruar shqiptar...

turp e faqe e zezë

[Agim Doçi]

Marin i Parë!
Mbiemni VLADI I përket të gjithë Lurakëve!
Mbiemni Kaçorri asht puro mbiemën i mirditasve!
Për çfarë ndryshimi e ke fjalën!
Ky ban pjesë në xhestet më të ulëta dhe më shnjerzoret që ka ngjarë me dy malcorë - hane!
Këta dy plehra do të dëmohen tepër randë nga kodi moral i malscive (nëse atje ka mbetë dikush me ruejtë nderin!)
Tepër kokëulur për çfarë ka ngjarë duhet të jenë edhe familjet e tyre!
Agimi

[marinI]

Përshëndetje Agim

informacioni është tjetër gjë, e mënyra se si jepet ai prapë tjetër

pa u ndalur tek akti i kryer nga dy të rinjtë, pasi i takon ligjit të merret me to e jo kanunit, unë u mërzita nga pa korrektësia e gazetares që në të njëjtin artikull, ndërron 3 herë vendlindjen e të akuzuarve

...

[Agim Doçi]

Krejt]esisht dakord Marin jam.
Mendoj se "Banda e Gazetarëve" në Shqipëri asht ma e rrezikshme se bandat e hajdutëve!
Nuk asht rasti i parë që ia fusin kot me lajme! Bile ka edhe më keq kur lajmi politizohet!
Të përqafoj dhe të përshëndes me respekt
Agimi

[Vinny_T]

Denimi me i mire qe mund tu behet gazetareve eshte vigjilenca e popullit ndaj informacionit qe jepet ne media, mosbleraj e gazetes eshte nje ndeshkim teper i rende per nje gazete. Problemi eshte se sot ne Shqiperi pa dashur te bej publicitet per ndonje gazete, e vetmja media qe kam gjetur te pavarur dhe qe nuk thote shume llafe te kota eshte Albania Dailynews (eshte thjesht informative). Si lexues qellimi kryesor kur ble nje gazete dhe e lexoj eshte te informohem mbi te rejat dhe jo te me jepet opinioni i nje gazetari 20 vjeçar qe nuk eshte akoma ne gjendje te njohi te drejtat e profesionit te vet e jo me te shoqerise ku jeton. Do te doja tu thoja MJAFT me llafe boshe me gazeta ku vetem 1 faqe ka me informacion dhe jemi te detyruar te lexojme 20 faqe me budallalliqe, mjaft e trajtuat kete popull per injorant se eshte popull me kulture e tradita, Mjaft me faqet e para "sensacionale" ku pas nje aksidenti ordiner, jepet ne faqe te pare marka e vetures se aksidentuar, ngjyra, targa e vetures, ishte me nafte apo me benzine, emri mbiemri i shoferit, pasagjereve si dhe emrat e deshmitareve!!!! kjo ska te beje me me informacjonin eshte nje turp i madh per te gjithe ata qe kane bere shkollen per gazetari qe lejojne te botohen keto gjera.
Me respekt dhe shpresoj qe te ashtuquajturit gazetare te perfundojne rrugeve te papune dhe ne rolin e atyre qe ata vetem me nje fjale goje trajtojne ne te ashtuquajtura shhkrimet e tyre.
Pershendetje

[Agim Doçi]

Winny T,
Krejtësisht dakord me ty or mik! Po ajo që fatkeqsisht ngjet në Shqipëri, më kujton Faik Konitzën e madh që gazetarëve u jepte porosi: "para se të uleni për të shkruar, duhet të dini se për çfarë qëllimi do shkruani!.."
Pra nga kjo rezulton që "gazetarët" tanë nuk kanë as ndjenjën minimale të vetkontrollit e lëre më, ndjenjën e përgjegjsisë!
me respekt Agim

[macia_blu]

...
sikur te kapeshin e te arrestoheshin edhe perdhunues te tjere nga disa qytete te tjera te shqiperise qe jane profesionist, qe perdhunojne cdo dite shqiptare.(mbase edhe te huaja), por ama jane profesionist, e gjykata nuk merret dot me to, nuk i pergjon dot, nuk i burgos dot, madje i ruajne te perdhunuarat qe te mos ua nxjerrin emrat.
Sa per rastin konkret, jam shume e fyer dhe e indinjuar.

[macia_blu]

ndersa gazetarve tane trima as nuk ua mban tua permendin emirn, dhe as te lajmerojne nje lajm te tille. Se jane trima gazetaret tane.jane ,,,,etj etj etj

[Vinny_T]

Hap here pas here midis te tjerave dhe faqet e gazetave partiake ZP-it dhe RD-ike dhe thjesht mundohem te kuptoj se si trajtohen problemet ne keto gazeta. Ne çdo vend te botes perendimore ka gaezta qe njohen per pozicionin e tyre te opinionit ( te majta, qendres apo te djathta) dhe ne to mund te informohesh pa problem dhe pse mund te kete nuannca te te djathtes apo te majtes ne to por nuk i largohen informacionit.
Po te lexojme gazetat tona te famshme Zp-it dhe Rd-ike ( po permend vetem keto te dyja qe jane flagrante) lexojme 80% politike, 15% reklama dhe pjesa tjeter lajme nga bota koha....
Menyra se si trajtohet informacioni eshte skandaloze, pasi keto gazeta merren me propagande dhe aspak me informacion, te RD-ja mund te lexojme vetem kritika per Nanon dhe te ZP-ja vetem per Berishen ( ZP-ja flet dhe here pas here per ekonomine, nqs ate mund ta qsuajme ekonomi) Deri kur do vazhdojne te kejojne nje skandal te tille Berisha dhe Nano, si ka mundesi qe asnje nga deputetet nuk ben pyetje te tilla ne parlament, si ka mundesi qe nje skandal i tille eshte skene e perditeshme ne Shqiperi dhe kjo prej vitesh?!!
Ju ftoj te jepni mendimet tuaja per kete teme
Pershendetje

[Eni]

nga qe te dyja keto gazeta Vinny_T,

jane gazeta partiake, e partiaket me sulem ndaj kundershtareve do merren, plus shtoi faktin se ato jane hazeta partiake made in shqiptare...