Close

Rezultati i Sondazhit: Sondazh i mbyllur!

Votues
0. Nuk mund të votoni në këtë sondazh
  • .

    0 0%
  • .

    0 0%
Faqja 37 prej 54 FillimFillim ... 27353637383947 ... FunditFundit
Duke shfaqur rezultatin 721 deri 740 prej 1076
  1. #721
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704
    A ka diksuh informata per kete Tv qe duhet te hapet shpejte
    edhe kur bie cohem...kurre nuk dorezohem

  2. #722
    Rising Star and Legend Maska e Davius
    Anëtarësuar
    20-04-2003
    Vendndodhja
    Underground
    Postime
    11,956
    Babadimer, futet nje here ne muaj ne forum dhe hap tema vend e pa vend.

    Ke nje teme te pergjithshme per NDODHITE NE MAQEDONI, dhe shqetesimet tua mund t'i shprehesh ne ate teme. Sepse nuk hapet teme per cdo pyetje ne forum. Forumi trajton problematika per te gjera se nje pyetje e thjeshte qe mund te te kishte lindur ne mend ti.
    My silence doesn't mean I am gone!

  3. #723
    i/e regjistruar Maska e valius
    Anëtarësuar
    21-05-2007
    Postime
    277
    Flitet se milioneri shqiptar lazim destani do te hap nje Tv te fuqishme satelitore a ka diksuh me shume ifnromata per kete ceshtje
    edhe do i jep filmat e Blerimit aty heheheh (tallem) do ishte shum mire poqese do bente nje veprim te tille ndoshta edhe ne ne maqedoni do te benim nje televizion shqiptar si puna e Top Chanel ne Shqiperi .........

  4. #724
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704
    te shrespojme se do te behet nje tv si Top chanell.Po njehere ta shohim sa eshte e vertete se do hap tv
    edhe kur bie cohem...kurre nuk dorezohem

  5. #725
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704
    Xhilijan Millovanoviq: Përparim në zbatimin e Marrëveshjes së Ohrit


    "Në Republikën e Maqedonisë ka stabilitet politik”. Maqedonia ka arritur përparim të madh nga viti 2001, nga miratimi, por edhe në zbatimin rrjedhës të Marrëveshjes së Ohrit. Kështu ka vlerësuar në deklaratën e saj me rastin e gjashtë vjetorit të nënshkrimit të Marrëveshjes Kornizë, ambasadorja e SHBA-ve në Maqedoni, Xhilijan Millovanoviq.

    Ambasadorja e SHBA-ve në Maqedoni, Xhilijan Millovanoviq ka theksuar se Maqedonia ka arritur përparim të jashtëzakonshëm në realizimin e Marrëveshjes së Ohrit, ndërkohë që zbatimi i saj po rrjedh sipas asaj që është parashikuar.
    edhe kur bie cohem...kurre nuk dorezohem

  6. #726
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704

    akuza PDSH akuzon BDI

    Besim Dogani akuzon BDI-ne ne pervjetorin e jashte

    PDSH: pa asnje manifestim ne 6 vjetorin e MO

    Nënkryetari i Parlamentit, Besim Dogani ka akuzuar BDI-në se po mundohet të përvetësojë këtë manifestim, ndërsa ka thënë se e njëjta po i manipulon shqiptarët sa i përket implementimit të saj
    edhe kur bie cohem...kurre nuk dorezohem

  7. #727
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704
    Botuar: 13 Aug 2007
    Gjashtë vite nga Marrëveshja kornizë

    Sot mbushen gjashtë vite nga Marrëveshja e Ohrit, e cila shënoi fundin e konfliktit ushtarak dhe u bë një ndër dokumentet kyçe nga realizimi i të cilit varet edhe ardhmëria euroatlantike e Maqedonisë.

    vazhdon


    Me Marrëveshjen kornizë të nënshkruar më 13 gusht të vitit 2001 në Ohër, pushteti i atëhershëm i koalicionit të gjerë u pajtua të bëjë ndryshime të shumta kushtetuese dhe ligjore, me të cilat do të garantohen të drejta më të mëdha dhe përfaqësim më i mirë bashkësisë shqiptare në Maqedoni.

    Nënshkruer të Marrëveshjes së Ohrit janë liderët e partive politike, të cilat atëherë e përbënin koalicionin e gjerë qeveritar - Lubço Georgievski, Branko Cërvenkovski, Imer Imeri, Arbën Xhaferi dhe kryetari i ndjerë Boris Trajkovski.

    Si garantues të obligimeve të marra u nënshkruan edhe përfaqësuesit e SHBA-ve dhe Bashkimit Evropian (BE).

    Konflikti ushtarak në Maqedoni filloi më 17 shkurt të vitit 2001, në fshatin kufitar Tanushë, në Karadak të Shkupit, ndërsa brenda disa javësh luftimet u zgjeruan në rajonin e Likovës-Kumanovës dhe atë të Tetovës.

    Luftime më të ashpra, me përdorim të teknikës së rëndë ushtarake dhe aviacionit, zhvilloheshin në rajonin e Radushës dhe fshatit Haraçinë të Shkupit, në dy muajt e fundit të konfliktit, i cili zgjati tetë muaj të paplotë.

    Luftimet zhvilloheshin mes Forcave policore dhe ushtarake maqedonase dhe ish-Ushtrisë Çlirimtare Kombëtare (UÇK).

    Pas konfliktit udhëheqësia e UÇK-së formoi parti politike, Bashkimin Demokratik për Integrim (BDI), e cila parti pas zgjedhjeve të shtatorit të vitit 2002, u bë pjesë e pushtetit bashkë me Partinë Socialdemokrate të Maqedonisë (LSDM) dhe Partisë Liberale Demokratike (PLD).

    Në konfliktin tetëmujor humbën jetën rreth 120 ushtarë, policë dhe pjesëtarë të përbërjes rezerve ushtarake. Numri i viktimave në radhët e UÇK-së, edhe sot e kësaj dite nuk është i njohur.
    /V.H./Liria (marre nga liria kombetare)
    edhe kur bie cohem...kurre nuk dorezohem

  8. #728
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704
    Fillon bashkimi i Maqedonise me Bullgarine; ish-kryeministri i Maqedonise Georgievski merr pjese ne zgjedhjet lokale ne Bullgari

    Po hidhen hapat e para te bashkimit politik midis Maqedonise dhe Bullgarise. Ideatori i saj eshte ish-kryetari i VMRO-DPMNE dhe ish-kryeminister i Maqedonise Lupco Georgievski. Georgievski vazhdon karrierën e tij politike në Bullgari.



    Së bashku me Kiril Pendevin, ish drejtor i Bankës Ballkanike në Shkup, Georgievski do të marre pjesë në zgjedhjet e ardhshme lokale që do të mbahen së shpejti në Bullgari. Georgievski është anëtar i Komitetit iniciativë për kandidaturën e Pendevit për prefekt të Bllagoevgradit, ndërkohë përveç mbështetjes së ish-kryeministrit të Maqedonisë, mbështeje kandidaturës së tij i ka dhënë edhe ish-prefekti i Strumicës, Kiril Janev.
    Nje nga bashkepuntoret me te ngushte te Georgievskit eshte kryeministri aktual i Maqedonise Nikolla Gruevski/11 Aug 2007/V.H.
    edhe kur bie cohem...kurre nuk dorezohem

  9. #729
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704
    MARRËVESHJA KORNIZË (1) |

    Përmbajtja e marrëveshjes kornizë për zgjidhjen e situatës politike e të sigurisë në Maqedoni, që të hënën edhe zyrtarisht, në gjuhën angleze e nënshkruan kryetari i Republikës së Maqedonisë, Boris Trajkovski, lideri i VMRO-DPMNE-së dhe kryeministër Lubço Georgievski, liderët e LSDM-së Branko Cërvenkovski, të PPD-së Imer Imri dhe PDSH-së Arbën Xhaferi. Në dokument, nënshkrime si dëshmitarë zyrtar i vunë edhe lehtësuesit ndërkombëtar në dialog - Fransoa Leotar dhe Xhejms Perdju. Po e botojmë në tërësi edhe tre aneksët e marrëveshjes: aneksi A - amendamentet kushtetuese, ankeski B - ndryshimet në legjislacion, aneksi C - implementimi dhe masat e ndërtimit të besimit, për të cilët do të diskutohet dhe fjalën e fundit do ta thotë kuvendi i Maqedonisë.

    Pikat në tekstin e ardhshëm i japin kornizën e harmonizuar për sigurimin e ardhmërisë demokracisë në Maqedoni dhe mundësimin e zhvillimit të marrëdhënieve më të afërta dhe më të integruara ndërmjet Republikës së Maqedonisë dhe Bashkësisë Evroatlantike. Kjo marrëveshje kornizë do ta promovojë zhvillimin e qetë dhe harmonik të shoqërisë qytetare, duke respektuar njëkohësisht identitetin etnik dhe interesat e të gjithë qytetarëve të Maqedonisë.

    1. Parimet themelore

    1.1. Tërësisht dhe pa kusht hudhet poshtë përdorimi i dhunës për realizimin e qëllimeve politike. Vetëm zgjidhjet paqësore politike mund ta garantojnë stabilitetin dhe ardhmërinë demokratike të Maqedonisë.

    1.2. Sovraniteti dhe integriteti territorial i Maqedonisë dhe karakteri unitar i shtetit janë të pashkelshëm dhe duhet të rruhen. Nuk ekzistojnë zgjidhje territoriale për çështjet etnike.

    1.3. Karakteri shumetnik i shoqërisë maqedonase duhet të rruhet dhe të gjejë shprehjen e vet në jetën publike.

    1.4. Një shtet bashkëkohor demokratik, në rrjedhën natyrore të zhvillimit dhe krijimit të vet, duhet vazhdimisht të sigurojë Kushtetutën e tij që tërësisht t'i plotësojë nevojat e të gjithë qytetarëve të saj, në pajtim me standardet më të larta ndërkombëtare si dhe vet të zhvillohen vazhdimisht.

    1.5. Zhvillimi i pushtetit vendor është me rëndësi thelbësore për nxitjen e pjesëmarrjes së qytetarëve në jetën demokratike dhe për përparimin e respektimit të identitetit të bashkësive.

    2. Ndërprerja e armiqësive

    2.1 Palët e theksojnë rëndësinë e angazhimeve të 5 korrikut 2001. Do të ketë ndërprerje të tërësishme të armiqësive, çarmatimin e tërësishëm vullnetar të grupeve të armatosura etnike shqiptare, dhe shpërndarjen e tyre të tërësishme vullnetare. Ata e pranojnë faktin se për marrjen e Vendimit nga ana e NATO-s që të ndihmojë në këtë kontekst do të nevojitet vendosja e ndërprerjes së përgjithshme, pa kushte dhe të pakufizuar të zjarrit, pëlqimin për zgjidhjen politike të problemeve të këtij vendi, angazhimin e qartë të grupeve të armatosura që vullnetarisht të çarmatosen, dhe pranimin e të gjitha palëve kontraktuese për kushtet dhe kufizimet, në kuadër të të cilëve do të veprojnë forcat e NATO-s.

    3. Zhvillimi i pushtetit të decentralizuar

    3.1 Do të miratohet Ligji i reviduar i pushtetit lokal, me të cilin do të forcohen autorizimet e përfaqësuesve të zgjedhur vendor dhe dukshëm do të rriten kompetencat e tyre në pajtim me Kushtetutën (sikurse janë ndryshimet në pajtim me Aneksin A) dhe Kartën evropiane të pushtetit lokal, me ç'rast do të shprehet parimi i organizimit vertikal, i cili momentalisht është në fuqi në Bashkimin Evropian. Kompetencat e shtuara, para së gjithash kanë të bëjnë me sferat e shërbimeve publike, urbanistike dhe planifikimin rural, me mbrojtjen e ambientit të jetesës, zhvillimin ekonomik lokal, kulturën, financat lokale, arsimimin, mbrojtjen sociale dhe shëndetësore. Do të miratohet Ligji për financimin e pushtetit vendor me qëllim që të sigurohet sistemi përkatës i financimit, për t'iu mundësuar autoriteteve vendore t'i plotësojnë të gjitha kompetencat e tyre.

    3.2 Brenda një viti pas përfundimit të regjistrimit të ri, i cili nën mbikqyrjen ndërkombëtare do të zbatohet deri në mbarim të vitit 2001, do të revidohen kufijtë komunal. Revidimi i kufijve komunal do të zbatohet nga autoritetet lokale dhe nacionale, me pjesëmarrjen ndërkombëtare.

    3.3 Me qëllim që të sigurohet se policia është e vetëdijshme dhe përgjegjëse për nevojat dhe interesat e popullatës lokale, kryeshefat lokal të policisë do t'i zgjedhin këshilltarët e komunave nga lista e kandidatëve, të propozuar nga Ministria e Punëve të Brendshme dhe të njëjtit rregullisht do të komunikojnë me këshillat. Ministria e Punëve të Brendshme do ta mbajë autorizimin për shkarkimin e kryeshefave lokal të policisë në pajtim me ligjin.

    4. Mosdiskriminimi dhe përfaqësimi i drejtë

    4.1 Tërësisht do të respektohet parimi i mosdiskriminimit dhe trajtimit të barabartë të të gjithë personave para ligjit. Ky parim do të aplikohet sidomos në raport me punësimet në administratën publike dhe në ndërmarrje publike, si dhe te qasja deri te financimi publik për zhvillimin e aktiviteteve afariste.

    4.2 Në ligjet me të cilët rregullohen punësimet në administratën publike do të përmbahen masat me të cilat do të sigurohet përfaqësimi i drejtë i bashkësive në të gjitha organet qendrore dhe lokale publike dhe në të gjitha nivelet e punësimit në këto organe, duke respektuar njëkohësisht rregullat e kompetencës dhe integritetit, me të cilët udhëhiqet administrata publike. Autoritetet do të ndërmarrin aktivitet për ta korrigjuar mosekuilibrin ekzistues në përbërjen e administratës publike, sidomos përmes punësimit të pjesëtarëve të bashkësive me përfaqësim të pamjaftueshëm. Një vëmendje e posaçme do t'i kushtohet faktit që të sigurohet sa është e mundshme më shpejtë që shërbimet policore në përgjithësi ta shprehin përbërjen dhe shpërndarjen e popullatës së Maqedonisë, sikurse është theksuar në Aneksin C.

    4.3 Për Gjykatën Kushtetuese 1/3 e gjykatësve do të zgjidhet nga kuvendi me shumicën e numrit të përgjithshëm të deputetëve që do të përmbajë shumicën e numrit të përgjithshëm të deputetëve të cilët pohojnë se i takojnë bashkësive që nuk janë popullatë shumicë në Maqedoni. Kjo procedurë do të aplikohet edhe gjatë zgjedhjes së Avokatit Popullor dhe tre anëtarëve të këshillit gjyqësor.

    5. Procedurat e posaçme kuvendore

    5.1 Në nivelin qendror, amendamentet kushtetuese dhe Ligji i Pushtetit Lokal, nuk do të mund të miratohen pa shumicën kualifikuese të 2/3 të votave, në kuadër të asaj që duhet të ketë shumicën e votave të deputetëve të cilët pohojnë se iu takojnë bashkësive të cilët nuk janë popullatë shumicë në Maqedoni.

    5.2 Për nxjerrjen e ligjeve që drejtpërsëdrejti kanë të bëjnë me kulturën, përdorimin e gjuhës, arsimit, dokumenteve personale dhe përdorimit të simboleve, si dhe të ligjeve për financim lokal, zgjedhjet vendore, për qytetin e Shkupit dhe për kufijtë komunal do të duhet të ekzistojë shumica e votave në kuadër të saj që duhet të ketë shumicën e votave të deputetëve të cilët pohojnë se iu takojnë bashkësive që nuk janë popullatë shumicë në Maqedoni.

    6.Arsimimi dhe përdorimi i gjuhëve

    6.1 Lidhur me shkollimin fillor dhe të mesëm, mësimi do të zhvillohet në gjuhën amtare të nxënësve, e njëkohësisht në mbarë Maqedoninë do të aplikohen standardet e unifikuara për programet akademike.

    6.2 Financimi nga shteti do të sigurohet për arsimimin sipëror në gjuhët të cilën e flasin të paktën 20 për qind e popullatës në Maqedoni, e në bazë të marrëveshjeve të posaçme.

    6.3 Gjatë regjistrimit në universitetet shtetërore të studentëve të rinjë të cilët iu takojnë bashkësive që nuk janë popullatë shumicë në Maqedoni do të aplikohet parimi i diskriminimit pozitiv, gjithnjë derisa regjistrimi nuk e shpreh si duhet përbërjen e popullatës në Maqedoni.

    6.4 Në tërë Republikën e Maqedonisë dhe në marrëdhëniet ndërkombëtare gjuhë zyrtare është gjuha maqedonase.

    6.5 Cilado gjuhë tjetër të cilën e flasin të paktën 20 për qind e popullatës, poashtu është gjuhë zyrtare, sikurse është arsyetuar këtu. Në organet e Republikës së Maqedonisë, cilado gjuhë zyrtare tjetër nga maqedonishtja mund të përdoret në pajtim me ligjin, sikurse është elaboruar më tej në aneksin B. Cilido person që jeton në njësinë e pushtetit vendor në të cilin të paktën 20 për qind e popullatës flasin gjuhë zyrtare ndryshe nga maqedonishtja mund të përdorë cilëndo gjuhë zyrtare për të komunikuar me zyren rajonale të pushtetit qendror, kompetent për këtë komunë; zyra e tillë do të përgjigjet në atë gjuhë në mënyrë plotësuese në maqedonishte. Cilido person mund ta përdor cilëndo gjuhë zyrtare për të komunikuar me zyren kryesore të pushtetit qendror, e cila do t'i përgjigjet në atë gjuhë, në mënyrë plotësuese në maqedonisht.

    6.6 Lidhur me pushtetin vendor në komunat ku bashkësia e caktuar përbën të paktën 20 për qind e popullatës së komunës, gjuha e asaj bashkësie do të përdoret si gjuhë zyrtare, në mënyrë plotësuese maqedonishtja. Në raport me gjuhët, të cilët flasin të paktën 20 për qind të popullës së komunës autoritetit lokale në mënyrë demokratike do të vendosin për përdorimin e saj në organet publike.

    6.7 Në procedurat penale dhe qytetare gjyqësore të cilitdo nivel, personi i akuzuar ose cilado palë do të ketë të drejtë të përkthimit në shpenzim të shtetit të të gjitha procedurave, si dhe të dokumenteve në pajtim me dokumentet përkatëse të Këshillit të Evropës.

    6.8 Cilat do dokumente personale të qytetarëve që flasin gjuhën zyrtare ndryshe nga maqedonishtja poashtu do të lëshohen në atë gjuhë, në mënyrë plotësuese në gjuhën maqedonase në pajtim me ligjin.

    7. Shprehja e identitetit

    7.1 Lidhur me simbolet, pranë simbolit të Republikës së Maqedonisë, autoritetet vendore do ta kenë lirinë që në anën e parë të objekteve publike vendore të vendosin simbolet me të cilët shënohet identiteti i bashkësisë e cila është në shumicë në komunë, me respektimin e rregullave dhe zbatimeve ndërkombëtare.

    8. Implementimi

    8.1 Amendamentet kushtetuese të propozuara në Aneksin A, menjëherë do të prezentohen para kuvendit. Palët do t'i ndërmarrin të gjitha masat për ta siguruar miratimin e këtyre amendamenteve në periudhën prej 45 ditë pas nënshkrimit të kësaj Marrëveshje Kornizë.

    8.2 Miratimi i ndryshimeve në legjislacion, të përcaktuara në Aneksin B, do të jenë në pajtim me dinamikën e theksuar atje.

    8.3 Palët i bëjnë thirrje komunitetit ndërkombëtar, që sa më shpejt ta thirrin konferencën e donatorëve në të cilën sidomos do të bisedohet për ndihmën makrofinanciare; përkrahjen e financimit të masave që do të ndërmerren për nevojat e implementimit të kësaj marrëveshje kornizë, duke përfshirë edhe masat e forcimit të pushtetit vendor; dhe revitalizimin dhe ndërtimin e rajoneve të goditura nga luftimet.

    9.Anekset

    Anekset vijuese janë pjesë përbërëse e kësaj Marrëveshje Kornizë.
    A.Amendamentet kushtetuese
    B.Ndryshimet në legjislacion
    C.Implementimi dhe masat e ndërtimit të besimit

    10. Dispozitat përfundimtare

    10.1 Kjo marrëveshje hyn në fuqi me nënshkrimin e saj.
    10.2 Verzioni në gjuhën angleze i kësaj marrëveshje është verzioni i vetëm autentik.
    10.3 Kjo marrëveshje u zhvillua nën patronatin e kryetarit Boris Trajkovski.

    Nënshkruar në Shkup - Maqedoni, më 13 gusht 2001 në gjuhën angleze.

    Pasojnë nënshkrimet e:
    Boris Trajkovski - kryetar i Republikës së Maqedonisë
    Lubço Georgievski - kryetar i qeverisë së RM dhe kryetar i VMRO-DPMNE
    Arbën Xhaferi - kryetar i PDSH-së
    Branko Cërvenkovski - kryetar i LSDM-së
    Imer Imeri - kryetar i PPD-së

    Dëshmitarë:
    Fransoa Leotar - përfaqësues i posaçëm i BE
    Xhejms Perdju - përfaqësues i posaçëm i SHBA

    MARRËVESHJA KORNIZË (2), ANEKSI "A"

    Cilido person që jeton në njësinë e pushtetit lokal në të cilën së paku 20% e popullatës e flasin gjuhën zyrtare të ndryshme me gjuhën maqedonase, mund të shfrytëzojë cilëndo gjuhë zyrtare për komunikim me zyrat rajonale të pushtetit qendror, kompetente për atë komunë.


    Preambula e tashme të zëvendësohet bazuar në konceptin e të drejatave individuale dhe të shoqërisë civile siç pason më poshtë:


    Qytetarët e Republikës së Maqedonisë, duke marrë përsipër përgjegjësinë për të tashmen dhe ardhmërinë e atdheut të tyre, të vetëdijshëm dhe mirënjohës ndaj paraardhësve të tyre për viktimat dhe me përkushtim ndaj angazhimit dhe luftës së tyre për krijimin e shtetit të pavarur dhe sovran të Maqedonisë, por edhe përgjegjës para brezave që vijnë për ruajtjen dhe zhvillimin e gjithë asaj që është e vlefshme për trashëgiminë dhe begatinë kulturore dhe për bashkëjetesën në Maqedoni, të barabartë në të drejtat por edhe obligimet e tyre ndaj të mirës së përbashkët - Republikës së Maqedonisë - në pajtim me traditat e Republikës së Krushevës dhe vendimet e KAÇKM-së, dhe në Referendumin e 8 shtatorit të vitit 1991, kanë vendosur që ta konstituojnë Republikën e Maqedonisë si shtet të pavarur, sovran, me qëllim që të aplikohet dhe të forcohet sundimi i së drejtës, që të garantohen të drejtat e njeriut dhe liritë qytetare dhe të sigurohet paqeja dhe bashkëjetesa, drejtësia sociale, mirëqenia ekonomike dhe përparimi i jetës individuale e kolektive, përmes përfaqësuesve të tyre në Kuvendin e Republikës së Maqedonisë, të zgjedhur lirisht e në zgjedhje demokratike, të cilët miratojnë. . .


    Neni 7


    (1) Në mbarë Republikën e Maqedonisë dhe në marrëdhëniet e saj ndërkombëtare gjuhë zyrtare është gjuhën maqedonase dhe shkrimi i saj cirilik.


    (2) Cilado gjuhë tjetër të cilën e flasin sëpaku 20% të popullatës, gjithashtu është gjuhë zyrtare, si dhe shkrimi i saj, ashtu siç është përcaktuar më poshtë.


    (3)Cilëtdo dokumente personale të qytetarëve që flasin gjuhën zyrtare të ndryshme me gjuhën maqedonase, gjithashtu do të lëshohen në atë gjuhë, në mënyrë plotësuese edhe në gjuhën maqedonase, në përputhje me ligjin.


    (4) Cilido person që jeton në njësinë e pushtetit lokal në të cilën së paku 20% e popullatës e flasin gjuhën zyrtare të ndryshme me gjuhën maqedonase, mund të shfrytëzojë cilëndo gjuhë zyrtare për komunikim me zyrat rajonale të pushtetit qendror, kompetente për atë komunë; Zyra e tillë do t'i përgjigjet në atë gjuhë dhe në mënyrë plotësuese në gjuhën maqedonase. Cilido person mund të shfrytëzojë cilëndo gjuhë zyrtare që të komunikojë me pushtetin qendror, i cili do të përgjigjet në atë gjuhë dhe në mënyrë plotësuese në gjuhën maqedonase.


    (5) Në organet e Republikës së Maqedonisë, cilado gjuhë zyrtare e ndryshme me gjuhën maqedonase, mund të përdoret në përputhje me ligjin.


    (6) Në njësitë e pushtetit lokal ku së paku 20% të popullatës flasin gjuhën e caktuar, ajo gjuhë dhe shkrimi i saj do të përdoren si gjuhë zyrtare dhe në mënyrë plotësuese do të përdoret edhe gjuha maqedonase dhe shkrimi i saj. Sa u përket gjuhëve në të cilat flasin më pak se 20% e popullatës në njësitë e pushtetit lokal, pushteti lokal do të vendosë për përdorimin e tyre në organet publike.


    Neni 8


    (1) Vlerat themelore të rregullimit kushtetues të Republikës së Maqedonisë janë:

    - Liritë dhe të drejtat themelore të njeriut dhe të qytetarëve të njohura sipas të drejtës ndërkombëtare dhe të përcaktuara me Kushtetutë;

    - Përfaqësimi proporcional i personave që u takojnë të gjitha bashkësive në organet publike, në të gjitha nivelet dhe në objekte të tjera të jetës publike;


    Neni 19


    (1) Garantohet liria e besimit.

    (2) Garantohet shprehja e besimit të lirë dhe publik, individual apo në bashkësi dhe shprehja tjetër e besimit fetar.

    (3) Kisha Ortodokse Maqedonase, Bashkësia Islame në Maqedoni, Kisha katolike dhe bashkësitë e tjera fetare dhe grupet religjioze janë të lira që të themelojnë shkolla fetare dhe institucione bëmirëse e sociale, sipas procedurës së paraparë me ligj.


    Neni 48


    (1) Pjesëtarët e bashkësive kanë të drejtë që lirisht dhe publikisht të shprehin, të kultivojnë dhe të zhvillojnë identitetin dhe veçantitë e bashkësive të tyre, dhe të përdorin simbolet e bashkësive të tyre.

    (2) Republika ua garanton të gjitha bashkësive mbrojtjen e identitetit të tyre etnik, kulturor, gjuhësor dhe fetar.

    (3) Pjesëtarët e bashkësive kanë të drejtë të themelojnë institucionet e tyre kulturore-artistike, shkencore e arsimore, si dhe shoqatat e veta shkencore e të tjera,në mënyrë që të shprehin, të kultivojnë dhe të zhvillojnë identitetin e tyre.

    (4) Pjesëtarët e bashkësive kanë të drejtë për mësim në gjuhën e tyre në shkollat fillore dhe të mesme, sipas mënyrës së përcaktuar me ligj. Në shkollat në të cilat mësimi zhvillohet në një gjuhë tjetër, mësohet edhe gjuha maqedonase.


    Neni 56


    (2) Republika garanton mbrojtjen, përparimin dhe begatimin e thesarit historik dhe artistik të Maqedonisë dhe të të gjitha bashkësive që jetojnë në Maqedoni, por edhe të të mirave që e përbëjnë atë, pavarësisht regjimit të tyre juridik.

    Me ligj rregullohen edhe mënyra dhe kushtet sipas të cilave të mira të caktuara e me interes për Republikën,mund të lihen për shfrytëzim.


    Neni 69


    (2)Me ligje me të cilat drejtëpërsëdrejti kanë të bëjnë me kulturën, përdorimin e gjuhëve, arsimin, dokumentet personale dhe shfrytëzimin e simboleve, Kuvendi sjell vendime shumicën e votave të deputetëve që janë të pranishëm, në kuadër të së cilës duhet të jenë të pranishme edhe votat e shumicës së deputetëve që deklarohen se i përkasin bashkësive që nuk janë shumicë e popullatës në Maqedoni. Në rast të kontestit, në kuadër të Kuvendit, kjo do të zgjidhet në Komitetin për marrëdhënie midis bashkësive.


    Neni 77


    (1) Kuvendi zgjedh Avokatin Popullor me shumicën e votave të numrit të përgjithshëm të deputetëve, në kuadër të së cilës duhet të jenë edhe shumica e votave të numrit të përgjithshëm të deputetëve që deklarohen se i takojnë bashkësive që nuk janë shumicë e popullatës në Maqedoni.


    (2) Avokati Popullor mbron të drejtat kushtetuese dhe ligjore të qytetarëve kur ato u shkilen nga organet e administratës shtetërore dhe nga organet e organizatat e tjera që kanë kompetenca publike. Avokati Popullor vëmendje të posaçme do t'i përkushtojë mbrojtjes së parimeve të mosdiskriminimit dhe të përfaqësimit proporcional të bashkësive në të gjitha nivelet e organeve publike dhe në fushat e tjera të jetës publike.


    Neni 78


    (1) Kuvendi do të themelojë Komitetin për Marrëdhënie midis Bashkësive.

    (2) Komitetin e përbëjnë nga 7 anëtarë nga rradhët e maqedonasve dhe të shqiptarëve dhe 5 anëtarë që janë nga një nga rradhët e turqve, vllehëve, romëve dhe të dy bashkësive të tjera. Secili nga këta pesë anëtarë të fundit do të jenë nga bashkësi të ndryshme; Nëse në Parlament janë të përfaqësur më pak se 5 bashkësi të tjera, Avokati Popullor, në konsultim me liderët e bashkësive relevante, do të propozojë vetë anëtarët e tjerë jashtë përbërjes së Parlamentit.

    (3) Kuvendi zgjedh anëtarët e Komitetit

    (4) Komiteti shqyrton çështjet e marrëdhënieve midis bashkësive në Republikë dhe sjell mendime e propozime për zgjidhjen e tyre.

    (5) Kuvendi është i obliguar që të shqyrtojë mendimet dhe propozimet e Komitetit dhe të marrë vendime lidhur me to.

    (6) Në rast të kontestit midis deputetëve të Kuvendit lidhur me zbatimin e procedurës për votim të përcaktuar me nenin 69 (2), Komiteti me shumicë votash do të vendos se a do të zbatohet procedura.


    Neni 84


    Kryetari i Republikës së Maqedonisë i propozon anëtarët e Këshillit për Marrëdhënie ndërnacionale;


    Neni 86


    (1) Kryetari i Republikës është edhe Kryetar i Këshillit të Sigurisë të Republikës së Maqedonisë.

    (2) Këshilli i Sigurisë i Republikës përbëhet nga kryetari i Republikës, Kryetari i Kuvendit, Kryetari i Qeverisë, ministrat që udhëheqin organet e administratës shtetërore nga fusha e sigurisë, mbrojtjes, e të punëve të jashtme dhe tre anëtarë të tjerë të cilët i emëron kryetari i Republikës. Me rastin e emërimit të tre anëtarëve, kryetari do të sigurojë që Këshilli i Sigurimit si tërësi të përmbajë në mënyrë të drejtë dhe të shprehë edhe përbërjen e popullatës së Maqedonisë.

    (3) Këshilli shqyrton çështjet që kanë të bëjnë me sigurinë dhe mbrojtjen e Republikës dhe u jep propozime Kuvendit dhe Qeverisë.


    Neni 104


    (1) Këshillin Gjyqësor republikan e përbëjnë 7 anëtarë.

    (2) Kuvendi zgjedh anëtarët e Këshillit. Tre anëtarë do të jenë të zgjedhur me shumicë votash nga numri i përgjithshëm i deputetëve, nga të cilët duhet të ketë shumicë votash edhe të numrit të përgjithshëm të deputetëve që deklarohen se i takojnë bashkësisë që nuk është popullatë shumicë në Maqedoni.


    Neni 109


    (1) Gjykatën Kushtetuese të Maqedonisë e përbëjnë 9 gjykatës.

    (2) Kuvendi 6 gjykatës të Gjykatës Kushtetuese i zgjedh me shumicën e votave të nurmit të përgjithshëm të deputetëve. Kuvendi zgjedh edhe tre gjykatës me shumicën e votave të numrit të përgjithshëm të deputetëve, ku duhet të jetë edhe shumica e votave të deputetëve që deklarohen se i takojnë bashkësisë e cila nuk është shumicë e popullatës në Maqedoni.


    Neni 114


    Pushteti lokla rregullohet me ligjin i cili sillet me shumicën e votave prej dy të tretave të numrit të përgjithshëm të deputetëve, ku duhet të jetë edhe shumica e votave të deputetëve që deklarohen se i takojnë bashkësisë e cila nuk është shumicë e popullatës në Maqedoni. Ligjet për financimin lokal, për zgjedhjet lokale, për kufijtë komunal dhe për qytetin e Shkupit, sillen me shumicë të votave të deputetëve të pranishëm, ku duhet të jetë edhe shumica e votave të deputetëve të pranishëm të cilët deklarohen se i takojnë bashkësisë e cila nuk është shumicë e popullatës në Maqedoni.


    Neni 115


    (1) Në njësitë e pushtetit lokal, qytetarët në mënyrë të drejtpërdrejtë dhe përmes përfaqësuesve marrin pjesë në vendosjen për çështjet me rëndësi lokale dhe veçmas për fushat e shërbimeve publike, të urbanizmit dhe të planifikimit rural, të zhvillimit ekonomik lokal, me financat lokale, veprimtaritë kulturore, kulturën, sportin, mbrojtjen sociale dhe të fëmijëve, arsimin, mbrojtjen shëndetësore dhe fushat e tjera të përcaktuara me ligj.


    Neni 131


    (1) Vendimin për t'u hyrë ndryshimeve në Kushtetutë e merr Kuvendi me shumicën prej dy të tretave të votave e prej numrit të përgjitshëm të deputetëve.

    (2) Projektin për ndryshimin e Kushtetutës e përcakton Kuvendi me shumicën e votave të numrit të përgjitshëm të deputetëve dhe atë e vë në dikskutim publik.

    (3) Vendimin për ndryshimin e Kushtetutës e sjell Kuvendi me dy të tretat e votave të numrit të përgjithshëm të deputetëve.

    (4) Për vendimin për ndryshim të Preambulës, të neneve për administratën lokale, të nenit 131, cilado dispozitë që ka të bëjë me të drejtat e pjesëtarëve të bashkësive etnike, duke përfshirë këtu nenet 7, 8, 9, 19, 48, 56, 69, 77, 86, 104 dhe 109 si dhe për vendimet për plotësime të cilësdo dispozitë të re që ka të bëjë me materien e atyre dispozitave dhe të atyre neneve, do të jetë e nevojshme që të votohet me shumicën prej dy të tretave të votave të numrit të përgjithshëm të deputetëve, ku duhet të jetë edhe shumica e votava të numrit të përgjitshëm të deputetëve që pohojnë që i takoojnë bashkësisë e cila nuk është shumicë e popullatës në Maqedoni.

    (5) Ndryshimin e Kushtetutës e shpall Kuvendi.

    MARRËVESHJA KORNIZË (3) ANEKSI "B"

    Ndryshime në legjislacion

    Palët do të ndërmarrin të gjitha masat e domosdoshme që të sigurojnë miratimin e ndryshimeve të lartëpërmendura edhe në legjislaturë edhe atë në brenda periudhave të caktura kohore.

    1. Ligji për pushtetin lokal
    Kuvendi në afat prej 45 ditësh nga nënshkrimi i marrëveshjes kornizë do ta miratojë ligjin e reviduar për pushtetin lokal. Ndryshimi i këtij ligji në asnjë aspekt nuk do të jetë më i pavolitshëm për njësitë e pushtetit lokal dhe autonominë e tyre, në krahasim me propozim-ligjin e propozuar nga qeveria e Republikës së Maqedonisë në mars të vitit 2001. Ligji do të përfshijë kompetencat lidhur me çështjet e përmendura në pjesën 3. 1. Të marrëveshjes kornizë, si dhe kompetencat plotësuese të pavarura të njësive të pushtetit lokal dhe do të jetë në përputhje në pjesën 6.6. Të marrëveshjes kornizë. Krahas kësaj, ligji do të parasheh edhe atë se cilado procedurë standarde apo procedurë shtetërore të aplikuara me cilindo ligj tjetër që ka të bëjë edhe me fushat në të cilat komunat kanë kompetencat e tyre të pavarura, do të përkufizohen në ato të cilat nuk do të mund të jenë efikase sa i përket aplikimit në nivel lokal; ligjet e tilla do ta përparojnë edhe më tutje ekzekutimin e pavarur të kompetencave të komunave.

    2. Ligji për financim lokal
    Kuvendi deri në fund të mandatit të kësaj përbërjeje parlamentare do të miratojë Ligjin për financim të pushtetit lokal që të sigurohet se njësitë e pushtetit lokal kanë resurse të mjaftueshme për kryerjen e detyrave të tyre, sipas ligjit të ndryshuar për pushtetin lokal. Ligji veçmas do të parasheh edhe këto:

    -do t'u mundësojë dhe do t'i ngarkojë me përgjegjësi njësitë e pushtetit lokal që të grumbullojnë shuma të konsiderueshëm të të ardhurave dhe të tatimeve;
    -do të mundësojë transferin e një pjese të tatimeve të grumbullura nga administrata qendrore në administratën lokale të cilat korrespondojnë me funskionet e pushtetit lokal duke patur parasysh grumbullimin e tatimeve në territorin e tyre;
    - dhe do të sigurojë autonominë dhe përgjegjësinë buxhetore të njësive të pushtetit lokal në fushat e kompetencave të tyre.

    3. Ligji për kufijtë e komunave
    Kuvendi deri në fund të vitit 2002 do të miratojë Ligjin për kufijt e komunave, duke patur parasysh rezultatet e regjistrimit dhe udhëzimet relevante të dhëna me Ligjin për pushtetin lokal.

    4. Ligjet që kanë të bëjnë me policinë e vendosur nëpër komuna

    Para përfundimit të mandatit të përbërjes së Kuvendit të tanishëm, Kuvendi do të miratojë edhe këto dispozita;
    - se secili kryeshef lokal i policisë është zgjedhur nga Këshilli i komunës së caktuar nga lista që nuk përmban më pak se tre kandidatë të propozuar nga Ministria e Punëve të Brendshme ndër të cilët njëri kandidat duhet t'i përket bashkësisë që është shumicë në atë komunë. Në rast se këshilli i komunës nuk e zgjedh asnjërin nga kandidatët e propozuar brenda afatit prej 15 ditëve MPB-ja do të propozojë listën e dytë që nuk përmban më pak se tre kandidatë të rinjë, ndër të cilët madje njëri prej tyre duhet t'i përket bashkësisë që është shumicë në komunë. Nëse këshilli i komunës sërish nuk zgjedh cilindo nga kandidatët e propozuar në afat prej 15 ditëve atëherë MPB-ja, në konsultim me Qeverinë do ta zgjedh kryesdhefin lokal të policisë nga kandidatët e dy listave të propozuara nga MPB-ja dhe nga kandidatët plotësues të propozuar nga këshilli i komunës.
    - Që secili kryeshef lokal i policisë duhet ta informojë rregullisht edhe me kërkesë këshillin e komunës së caktuar.
    - se këshilli i komunës mund t'iu jap rekomandime kryshefit lokal të policisë në fushat që kanë të bëjnë në sigurinë publike dhe në sigurinë e trafikut
    - se këshilli i komunës mund të miratojë raport vjetor lidhur me sigurinë publike, i cili do t'i dorëzohet MPB-së dhe avokatit popullor (ombudsmanit)

    5. Ligjet për nëpunësit shtetëror dhe administratën publike
    Kuvendi para se të përfundojë mandatin e tanishëm parlamentar do të miratojë ndryshimet në ligjet për nëpunësit shetëror dhe administratën publike në mënyrë që të sigurohet përfaqësim i barabrtë i bashkësive në përputhje me pjesën 4. 2 të marrëveshjes kornizë.

    6. Ligji për njësitë zgjedhore
    Kuvendi deri në fund të vitit 2002 do ta miratojë ligjin për njësitë zgjedhore, duke patur parasysh rezultatet e regjistrimit dhe parimet e paraparë në ligjet për zgjedhjen e deputetëve në Kuvendin e Republikës së Maqedonisë.

    7. Rregullat për Kuvendin
    Kuvendi para përfundimit të mandatit të kësaj përbërje parlamentare do të ndryshojë Rregulloren që të mundësojë përdorimin e gjuhës shqipe në përputhje me pjesën 6.5 të Marrëveshjes kornizë, paragrafi 8 i mëposhtëm dhe amandamentet relevante në Kushtetutë të paraparë me Aneksin A.

    8. Ligjet që kanë të bëjnë me përdorimin e gjuhëve
    Kuvendi deri në përfundim të mandatit të kësaj përbërje parlamentare do të miratojë legjislaturën e re që rregullon përdorimin e gjuhëve në organet e Republikës së Maqedonisë. Kjo legjislaturë duhet të sigurojë këto:
    - që në mbldhjet plenare edhe në punët e organeve të Kuvendit, deputetët të mund të flasin në gjuhët e përmendura në nenin 7, alineja 1 dhe 2 të Kushtetutës (ashti siç shtë ndryshuar në pajtim me Aneksin A);
    - ligjet do të shpallen në gjuhët e përmendura të nenit 7, alineja 1 dhe 2 e Kushtetutës (ashtu siç është ndryshuar në pajtim me Aneksin A)
    -të gjithë nëpunësit publikë emrin e tyre mund ta shkruajnë me shkrimet e cilësdo gjuhë të përmendur në nenin 7, alineja 1 dhe 2 të Kushtetutës (ashti siç është ndryshuar në pajtim me Aneksin A) dhe cilindo dokument zyrtar.

    Kuvendi deri në fund të mandatit të përbërjes së tanishëm parlamentare duhet të ndryshojë legjislaturën për lëshimin e dokumentëve personale. Deri në fund të përbërjes së tanishme parlamentare, Kuvendi duhet të ndryshojë të gjitha ligjet relevante me qëllim që dispozitat për përdorimin e gjuhëve të jenë në përputhje të plotë me pjesën 6 të marrëveshjes kornizë.

    9. Ligji për Prokurorin Publik
    -Kuvendi deri në fund të vitit 2002 duhet ta ndryshojë ligjin për Prokurorin Publik si dhe ligje të tjera relevante në mënyrë që të sigurojë:
    - se Prokurori Publik do të ndërmerr veprime për mbrojtje të parimeve të mosdiskriminimit dhe të përfaqësimit të drejtë të bashkësive në organet publike në të gjitha nivelet dhe në fushat e tjera të jetës publike dhe se ka resurse e personel adekuat në shërbimin e tij që do t'i siguronin kryerjen e funksioneve të tij;
    - se Prokurori Publik do të foromojë zyre të decentralizuar;
    - se Kuvendi veçmas do ta votojë buxhetin për Prokurorin Publik;
    - se Prokurori Publik do të dal me raport vjetor para Kuvendit dhe aty ku mendohet se është e përshtatshme, ndërsa me kërkesë mund të jap raporte edhe para këshillave të komunave ku janë formuar zyre të decentralizuara; dhe
    - se autorizimet e Prokurorit Publik shtrihen në mënyrë që:
    - t'i mundësohen qasje dhe mundësi që të kontrollojë të gjitha dokumentet zyrtare dhe nga kjo nënkuptohet se Prokurori Publik dhe personeli i tij nuk do të zbulojnë informatat sekrete;
    - që t'i mundësohet Prokurorit Publik të suspendojë ekzekutimin në akte juridike të vendimeve të sjellura nga ana e gjykatave kompetente, nëse ai përcakton se aktet e tilla mund të krijojnë dëme të papërmirësueshme për të drejtat e personit të interesuar; dhe
    - Prokurorit Publik i jepet e drejta që para Gjykatës Kushtetuese të kontestojë pajtueshmërinë për ligjet kushtetuese.

    10. Ligjet e tjera
    Kuvendi do të ligjësojë të gjitha dispozitat ligjore që mund të jenë të domosdoshme për t'i dhënë efekt të plotë marrëveshjes kornizë dhe do të ndryshojë ose suprimojë të gjitha dispozitat që nuk janë në pajtim me marrëveshjen kornizë.

    Marrëveshja Kornizë (4) Aneksi "C"

    IMPLEMENTIMI DHE MASAT PËR NDËRTIM TË MIRËBESIMIT

    1. Mbështetja ndërkombëtare

    1. 1. Palët i bëjnë thirrje bashkësisë ndërkombëtare që të lehtësojë, që të mbikqyrë dhe të ndihmoj implementimin e dispozitave të marrëveshjes kornizë dhe të anekseve të saj dhe kërkojnë që përpjekjet e tilla të koordinohen nga BE-ja, në bashkëpunim me Këshillim për Stabilizim dhe Asocim.

    2. Regjistrimi dhe zgjedhjet

    3. 1. Palët konfirmojnë kërkesën për mbikqyrje ndërkombëtare nga Këshilli Evropian dhe Komisioni Evropian të regjistrimit që duhet të mbahet në tetor të vitit 2001.

    3. 2. Zgjedhjet parlamentare do të mbahen deri më 27 janar të vitit 2002. Organizmat ndërkombëtarë, duke përfshirë edhe OSBE-në do të ftohen që t'i mbikqyrin këto zgjedhje.

    3. Kthimi i refugjatëve, ripërtritja dhe rindërtimi

    4. 1. Të gjitha palët do të punojnë për kthim në shtëpitë e veta të të gjithë refugjatëve, të cilët janë qytetarë të Maqedonisë ose kanë qëndrim të ligjshëm në Maqedoni, si dhe të gjithë personave të zhvendosur në afat sa më të shkurtër kohor dhe i bëjnë thirrje bashkësisë ndërkombëtare, veçmas UNHCR-së që të ndihmojë në këto përpjekje.


    4. 2. Qeveria, me pjesëmarrje të palëve, 30 ditë pas nënshkrimit të marrëveshjes kornizë do ta përcaktojë planin askional për ripërtritjen dhe rindërtimin e rajoneve të goditura nga armiqësitë. Palët i bëjnë thirrje bashkësisë ndërkombëtare që të ndihmojë në formulimin dhe implementimin e këtij plani.

    3. 3. Palët i bëjnë thirrje Komisionit Evropian dhe Bankës Botërore, që pasi Kuvendi t'i miratojë amandamentet kushtetuese, të përmendura në Aneksin A, dhe ligjin e ndryshuar për pushtetin lokal, të konvokojnë sa më shpejtë një konferencë donatorësh ndërkombëtare për mbështetje të financimit të masave të duhet të ndërmerren për implementim të marrëveshjes kornizë dhe të anekseve të saj, duke përfshirë këtu edhe masat për forcimin e pushtetit lokal dhe reformat në shërbimet policore, për të mbështetur ndihmën makrofinanciare për Republikën e Maqedonisë dhe për të mbështetur masat për ripërtritje dhe rindërtim të përcaktuara me planin askional nga pika 3. 2.

    4 Zhvillimi i pushtetit të decentralizuar

    4. 1. Palët i bëjnë thirrje bashkësisë ndërkombëtare që të ndihmojë në procesin e forcimit të pushtetit lokal. Bashkësia ndërkombëtare veçmas duhet të ndihmojë në përgatitjen e ndryshimeve të domosdoshme ligjore që kanë të bëjnë me mekanizmat e financimit, me qëllim të forcimit të bazës financiare të komunave dhe të krijimit të aftësive për menaxhment financiar si dhe për ndryshimet në ligjin për kufijtë e komunave.

    5 Mosdiskriminimi dhe përfaqësimi proporcional

    5. 1. Duke marrë parasysh veç të tjerash edhe rekomandimet e komisionit tanimë të formuar qeveritar, palët do të ndërmarrin aktivitete konkrete për shtimin e përfaqësimit të pjesëtarëve të bashkësive që nuk janë shumicë në Maqedoni në administratën shtetërore, në ushtri dhe në ndërmarrjet publiek si dhe në përmirësimin e pjesëmarrjes së tyre në financimin publik për zhvillimin e aktiviteteve afariste.

    5. 2. Palët obligohen të sigurojnë se deri në vitin 2004 shërbimet policore përgjithësisht do të shprehin përbërjen e përkatësisë së popullatës në Maqedoni. Si hap fillestar për arritjen e kësaj, palët obligohen të sigurojnë se 500 policë të rinjë nga bashkësitë që nuk janë shumicë në Maqedoni do të angazhohen dhe aftësohen deri në korrik të vitit 2002 dhe se këta policë do të caktohen të punojnë në rajonet ku punojnë bashkësitë e tyre. Palët gjithashtu obligohen se edhe 500 policë të tjerë të tillë do të angazhohen dhe aftësohen deri në korrik të vitit 2003 dhe se ata policë do të caktohen të punojnë sipas pëparësisë së nevojshme në rajonet e tërë Maqedonisë ku jetojnë bashkësitë e tilla. Palët i bëjnë thirrje bashkësisë ndërkombëtare që të mbështesë dhe ndohmojë implementimin e këtyre obligimeve, veçmas përmes verifikimit dhe selektimit të kandidatëve por edhe aftësimit të tyre. Palët i bëjnë thirrje OSBE-së, BE-së dhe SHBA-ve që t'i dërgojnë sa më shpejtë që të jetë e mundshme një ekip ekspertësh me qëllim që të vlerësojnë sa më mirë realizimin e këtyre qëllimeve.

    5. 3. Palët gjithashtu i bëjnë thirrje OSBE-së, BE-së dhe SHBA-ve që të shtojnë aftësimin dhe programet për ndihmë të policisë, duke përfshirë edhe:
    - aftësimin profesional, aftësimin për të drejtat e njëriut dhe aftësimeve të tjera;
    - ndihmën teknike për reformat në polici, duke përfshirë edhe ndihmën për verifikim, seleksionim dhe përparim të proceseve;
    - zhvillimin e kodeksit të sjelljes së policisë;
    - bashkëpunimin në pikëpamje të planifikimit të tranzicionit për angazhim dhe caktim të policëve nga bashkësitë që nuk janë shumicë në Maqedoni., dhe
    - caktimin sa ma të shpejtë të vëzhguesve dhe të këshilltarëve policorë ndërkombëtarë për fushat më të ndieshme përmes aranzhmaneve adekuate, bashkë me pushtetin relevant.

    5. 4. Palët i bëjnë thirrje bashkësisë ndërkombëtare që të ndihmojnë në aftësimin e komandantëve, gjykatësve dhe të prokurorëve, pjesëtarë të bashkësive që nuk paraqesin popullatën shumicë në Maqedoni, me qëllim që të shtohet pjesëmarrja e tyre në sistemin gjyqësor.

    6 Kultura, arsimi dhe përdorimi i gjuhëve

    6. 1. Palët i bëjnë thirrje bashkësisë ndërkombëtare, duke përfshirë edhe OSBE-në që të shtojë ndihmat për projektet nga fusha e mediave, me qëllim të përforcimit të mëtejshëm të mediave elektronike, radio e TV dhe të mediave të shkruara, duke përfshirë edhe mediat në gjuhën shqipe dhe mediat shumëkombëshe. Palët gjithashtu i bëjnë thirrje bashkësisë ndërkombëtare që të shtojnë programet për aftësim profesinal për mediat e pjesëtarëve të bashkësive që nuk janë popullatë shumicë në Maqedoni. Palët gjithashtu i bëjnë thirrje OSBE-së që të vazhdojë përpjekjet në projektet e destinuara për përmirësim të marrëdhënieve ndëretnike.

    6. 2. Palët i bëjnë thirrje bashkësisë ndërkombëtare që të sigurojë ndihma për implementimin e Marrëveshjes Kornizë në fushën e arsimit sipëror
    edhe kur bie cohem...kurre nuk dorezohem

  10. #730
    i/e regjistruar
    Anëtarësuar
    07-05-2007
    Postime
    290
    Sapo lexova marreveshjen per nje Jugosllavi te vockel. Ne parim gjithe gjerat jane mire, ne praktike, nje lesh.

    Nje qytet me 20.00000000001% shqiptare nese brenda vitit kalon ne 19.99999999% pasi nje familje shqiptare emigron jashte shtetit, gjithe qyteti s'flet dot me shqip.

    Duhet qe njerezit te kene nje sistem online qe te shohin ne kohe reale perqindjen e popullsise se qytetit.

    Pese me hic, palo marreveshje, Maqedonia duhet ndare ne dy republika ku pjesa perendimore te veteqeveriset. Keto jane karamele sllave.

  11. #731
    i/e regjistruar
    Anëtarësuar
    03-07-2006
    Postime
    29
    Jo.Maqedonia nuk është RSFJ e vogël.Atëhere ekzistonte nji farë barazie,
    kurse në këtë Maqedoni nuk ekziston kurrfarë barazie.Sllavomaqedonët nuk mund të pajtohen me nji fakt të tillë,meqë kultivojnë në vetvete ndiesinë
    sërbomadhe :se sllavët,patjetër,lyp të sundojnë mbi të tjerët! Por Maqedonia realisht,banohet prej tre grupacione kombsishë,afërsisht të barabartë në numër : sllavomaqedonë,shqiptarë dhe nji grupacion kombsishë të vogla.

  12. #732
    i/e regjistruar
    Anëtarësuar
    03-07-2006
    Postime
    29
    Jo.Maqedonia nuk wshtw RFSJ-ja e vogwl.Atwhere ekzistonte nji farw barazie,kurse nw kwtw Maqedoni nuk ekziston kurrfarw barazie. Sllavomaqedont nuk mund tw pajtohen me nji gjw tw tillw,meqw kultivojnw nw vetvete ndiesinw swrbomadhe : se sllavi,patjetwr,lyp tw sundon mbi tw tjerwt ! Por Maqedonia,realisht banohet prej tre grupacionesh kombsishw,afwrsisht,tw barabartw nw numwr : sllavomaqedonw,shqiptarw
    dhe nji grupacion kombsishw mw tw vogla.Dy palwt e fundit,gjithwnji,vazh-
    dojnw tw jenw qytetarw tw dorws sw dytw.Kurrfarw demokracie !...

  13. #733
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704
    Tezainteresante po edhe kjo e ish kryeministrit Maqedonas Georgievski i cili ka pasaporte bullgare dhe po futet ne politike atje.
    edhe kur bie cohem...kurre nuk dorezohem

  14. #734
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704
    Nuk ka as nevojë, as arsye për shtrenjtimin e bukës

    Qeveria nuk ka nevojë, as arsye për shtrenjtimin e bukës, kumtoi sot në konferencën për shtyp zëdhënësi qeveritar Ivica Bocevski.



    "Çmimi formohet lirisht në treg dhe sipas analizave që i kemi Nuk ka as nevojë, as arsye për shtrenjtimin e bukës për momentin. Është vërejtur shkelje e caktuar në tregjet legjitime, por Qeveria në periudhën e ardhshme do të tentojë t'i rregullojë", tha Boceski.

    Sipas tij, Ministria e Ekonomisë dhe e Bujqësisë tashmë kanë mbajtur takim në të cilin kanë rënë dakord prodhuesit e grurit t'i vënë në treg të hapur tërë drithërat me të cilat disponojnë që të mundet blerësit ta blejnë.

    Masat tjera për tejkalimin e situatës, shtoi Boceski, do të shqyrtohen në seancën qeveritare të radhës.
    edhe kur bie cohem...kurre nuk dorezohem

  15. #735
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704
    Maqedoni: ARS vendos gurthemel të sallës sportive në fshatin Zherovjan
    --------------------------------------------------------------------------------

    Zhervovjan, 12 gusht (MIA) - Agjencia për të rinj dhe sport sot do të vendosë gurthemel të sallës sportive "Liria" në oborrin e SHF "Liria" në fshatin Zherovjan, komuna e Bogovinjës.

    Edhe kjo sallë është pjesë e projektit të Agjencisë për ndërtimin e "35 sallave sportive" në Maqedoni. Planifikohet salla do jetë gati edhe të lëshohet në përdorim në fillim të vitit 2008. hr/nn/10:50
    edhe kur bie cohem...kurre nuk dorezohem

  16. #736
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704
    UÇK mbrojti Maqedoninë

    Radushë, 12 gusht - Ushtria Çlirimtare Kombëtare ka mbrojtur Maqedoninë, ajo ka luftuar kundër okupatorëve të saj. Kështu ka deklaruar kreu i Shoqatës së Veteranëve të Luftës (SHVL), Fazli Veliu në përvjetorin e gjashtë të Betejës së Radushës, ku numër i madh i zyrtarëve dhe simpatizantë të Bashkimit Demokratik për Integrim kanë përkujtuar përfundimin e luftës në këtë rajon. Përveç Ali Ahmetit, i cili në disa deklarata të tij ka thënë se lufta u bë pasi ish-kryeministri Lubço Georgievski ka dashur ta ndajë Maqedoninë, tani Fazli Veliu ka thënë se shqiptarët luftuan për mbijetesën e Maqedonisë si shtet më vete. Veliu, partia e së cilit tanimë është në opozitë, ka akuzuar Qeverinë se nga ardhja në pushtet e strukturës së re qeverisë, Marrëveshja e Ohrit ka stagnuar.
    "Deri para një viti Marrëveshja e Ohrit ka ecur mirë, ndërkohë që tani ajo ka stagnuar", ka thënë Veliu.
    edhe kur bie cohem...kurre nuk dorezohem

  17. #737
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704

    punesime

    Edhe 700 punësime në armatë

    Tetovë, 12 gusht - Zëvendësministri i Mbrojtjes i Maqedonisë, Iljaz Halimi, të shtunën ka qëndruar për vizitë në fshatrat Çellopek, Miletinë dhe Gurgurnicë, me qëllim që për së afërmi të njihet me problemet e banorëve të kësaj ane si dhe të njoftojë ata me konkurset e fundit që janë hapur dhe që do të hapen në të ardhmen për pranimin e kuadrove të rinj në armatën e Maqedonisë. "Qëllimi i kësaj vizite është që të takohem me qytetarët e tre fshatrave, të Çellopekit, Miletinës dhe Gurgurnicës. Të jem më afër me ato, të dëgjoj problemet me të cilët ata ballafaqohen dhe t'u japim mbështetje në zgjidhjen e atyre problemeve", tha Halimi. Ai deklaroi se qëllimi i dytë i vizitës është që si zëvendësministër i Mbrojtjes, t'i njoftoj këta banorë me reformat që bëhen në këtë dikaster dhe armatë.
    edhe kur bie cohem...kurre nuk dorezohem

  18. #738
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704

    marreceshja

    Gjashtëvjetori i Marrëveshjes Kornizë

    Përparim në zbatimin e Marrëveshjes së Ohrit

    Bekim MURATI
    Shkup, 12 gusht - Maqedonia ka arritur përparim të madh nga viti 2001, nga miratimi, por edhe në zbatimin rrjedhës të Marrëveshjes së Ohrit. Kështu ka vlerësuar në deklaratën e saj me rastin e gjashtë vjetorit të nënshkrimit të Marrëveshjes Kornizë, ambasadorja e SHBA-ve në Maqedoni, Xhilijan Millovanoviq.
    "Në Republikën e Maqedonisë ka stabilitet politik. Patët zgjedhje të lira dhe të drejta në vitin 2006, popullata nga të gjitha përkatësitë etnike në mënyrë të lirë merr pjesë në jetën demokratike të vendit dhe kërkon t'i gëzojë të drejtat legjitime dhe maksimalisht t'i shfrytëzojë mundësitë e afrueshme për secilin qytetar", ka thënë Millovanoviq.

    Millovanoviq: Ekziston vullnet i institucioneve dhe partive politike

    Të dy shtyllat e Marrëveshjes së Ohrit, decentralizimi dhe për përfaqësimi adekuat, siç vlerëson ajo, kontribuojnë për progresin demokratik në Maqedoni.
    "Zbatim konstant i decentralizimit, që e bën Qeverinë më efikase dhe e afron më shumë në drejtim të qytetarëve, si dhe përfaqësimi i drejtë, në mënyrë që do të jetë jopartiak, plotësisht do ta ndërtojë demokracinë në Maqedoni dhe do t'u shërbejë të gjithë qytetarëve", konsideron ambasadorja amerikane, duke nënvizuar se edhe pse janë shënuar vështirësi në realizimin e dialogut politik, megjithatë ka vullnet të mirë mes institucioneve dhe partive politike për zbatim të tërësishëm të reformave.
    "Edhe pse ekziston stabilitet politik, edhe më tej ka vështirësi në realizimin e dialogut të qëndrueshëm politik mes partive politike dhe mes institucioneve qeveritare. Përpjekje për vullnet të mirë njëjtë nevojitet tek autoritetet dhe opozita që të përmirësohet dialogu qëllimi përfundimtar i të cilit është funksionimi më i mirë të institucioneve demokratike si Parlamenti. Ky, është edhe zbatimi i vëmendshëm i Marrëveshjes së Ohrit, në frymën dhe në fjalën, do të ishte mënyra më e mirë të respektohet marrëveshja", ka theksuar ambasadorja e SHBA-ve në Maqedoni, Xhilijan Millovanoviq. Ndërkohë, nënkryetari i Parlamentit, njëherësh nënkryetar edhe i PDSH-së, Besim Dogani në deklaratën e tij me rastin e gjashtë vjetorit të Marrëveshjes së Ohrit ka theksuar se BDI po tenton që me çdo kusht ta privatizojë marrëveshjen në fjalë, ndërsa ka akuzuar se derisa e njëjta ishte në pushtet, Marrëveshjen e Kornizë e kishte shpallur të mbyllur, që më pas, kur kaloi në opozitë, marrëveshja të ringjallet përsëri.

    Dogani: BDI po i manipulon shqiptarët

    "BDI po manipulon me qytetarët shqiptarë, pasi ajo kur ishte në pushtet thoshte se gjithçka nga kjo marrëveshje është implementuar, ndërsa tani thotë se e njëjta ka ngecur", ka akuzuar Dogani, duke shtuar se përmbushja e Marrëveshjes së Ohrit kërkon një qasje shumë serioze nga të gjitha subjektet politike. Ndërsa, e vetmja që ka bërë organizim më të madh rreth përkujtimit të kësaj marrëveshje është opozita shqiptare - Bashkimi Demokratik për Integrim, e cila këtë vit gjashtëvjetorin do ta përkujtojë në qytetin e Gostivarit. Deputeti i kësaj partie, Xhevat Ademi thotë se edhe pas gjashtë vjetëve të nënshkrimit të Marrëveshjes së Ohrit, kjo marrëveshje nuk është implementuar tërësisht.
    "Partitë politike maqedonase dëshirojnë që çdoherë kur duhet të implementohet një segment nga Marrëveshja e Ohrit, mundohen të ngadalësojnë dhe të minimizojnë të njëjtën. E vetmja shans për anëtarësimin e Maqedonisë në strukturat euroatlantike është implementimi i plotë dhe i drejtë i kësaj marrëveshje", ka theksuar Ademi. Sipas tij, garnitura aktuale politike sillet ndaj marrëveshjes së Ohrit si një lojë fëmijësh, pasi siç është shprehur Ademi, implementimi bëhet vetëm kur vijnë sugjerimet nga Bashkimi Evropian. Ndryshe, sot përfundojnë gjashtë vjet nga nënshkrimi i Marrëveshjes kornizë me të cilën iu dha fund konfliktit disamujor në Maqedoni midis Ushtrisë Çlirimtare Kombëtare dhe forcave të sigurimit dhe ushtrisë maqedonase.
    Dokumenti, i cili është i njohur edhe si Marrëveshja e Ohrit, në vitin 2001 në Shkup e nënshkruan Presidenti i atëhershëm i shtetit, Boris Trajkovski, ish-kryeministri dhe lider i VMRO-DPMNE-së, Lubço Georgievski dhe liderët e LSDM-së, Branko Cërvenkovski, i PDSH-së, Arben Xhaferi dhe i PPD-së, Imer Imeri, Në cilësi të garancisë, dokumentin e nënshkruan edhe përfaqësuesit e posaçëm të Bashkimit Evropian dhe të SHBA-së, Fransoa Leotar dhe Xhejms Perdju.

    Përfaqësimi i shqiptarëve relativisht i mirë
    Profesorët e Fakultetit Juridik Vllado Popovski dhe Lubomir Fërçkovski, të cilët morën pjesë në përgatitjen e Marrëveshjes së Ohrit, gjashtë vjet pas sjelljes së tij, vlerësojnë se në një pjesë më të madhe obligimet, të cilat dalin nga ai janë implementuar.
    Sipas Popovskit, në mënyrë normative Marrëveshja qind për qind do të implementohet me harmonizimin e palëve lidhur me nevojën e miratimit të Ligjit të përgjithshëm për përdorimin e gjuhëve, por në plan real, konsideron se marrëveshja është zbatuar mbi 70 për qind. Profesori Fërçkovski thekson se me sukses deri në fund janë realizuar ndryshimet kushtetuese, është miratuar Ligji për organizimin territorial i rëndësishëm për procesin e decentralizimit, ndërsa mirë funksionon edhe shumica e Badenterit, shtylla e tretë e Marrëveshjes. Ai konsideron se rekrutimi i pjesëtarëve të bashkësive etnike në administratën shtetërore si proces shkon relativisht mirë. Pas suksesit të palës së parë të madhe që duhej të thithë brenda pjesë të madhe nga elementet asociale të cilat ishin pjesë e konfliktit, siç thotë Fërçkovski, ai proces duhet të vazhdojë në dy drejtime, arritja e nivelit përkatës të përfaqësimit të drejtë, dhe vënie theks në profesionalitetin dhe kompetitetin.

    Vetëm LSDM i përgjigjet ftesës së BDI-së
    Pjesëmarrjen e tyre në manifestimin e përvjetorit të gjashtë të Marrëveshjes së Ohrit, të organizuar nga Bashkimi Demokratik për Integrim e kanë konfirmuar vetëm përfaqësuesit e opozitës maqedonase - LSDM. Këtë parti do ta përfaqësojë sekretari i përgjithshëm, Goran Minçev, ndërkohë që VMRO-DPMNE do të shqyrtojë ftesën, ndërsa do të prononcohet sot për pjesëmarrjen ose jo në manifestimin e Gostivarit. Përfaqësues të PDSH-së kanë mohuar se marrin pjesë në këtë manifestim, pasi siç tha nënkryetari i kësaj partie, Besim Dogani, partia e Ahmetit mendon dhe po punon që ky manifestim të bëhet pronë e BDI-së.(gazeta Koha)
    edhe kur bie cohem...kurre nuk dorezohem

  19. #739
    i/e regjistruar Maska e babadimri
    Anëtarësuar
    07-07-2003
    Vendndodhja
    usa
    Postime
    704

    nga sporti....

    Arrestohet nënkryetari i FFM-së - kërcënoi gazetarin e Albania-Sport

    Nenkryetari i Federates se futbollit te Maqedonise Rexhep Bexheti se bashku me te birin e tije Driton Bexhetin jane arestuar mbreme ne oret e vona te nates dhe jane mbajtur deri ne oret e hershme te mengjesit te dites se sotme pasi mbreme se bashku kane kercenuar gazetarin e Albania-Sport njekohesisht i gazetes Koha ne Maqedoni Vullnet Dautin. Sic informojne burimet tona ndaj tyre sot eshte ngritur kallezim penal.

    Si ka rrjedhur ngjarja: Vullnet Dauti ka qene i derguari special i Albania-Sport dhe gazetes Koha Maqedoni ne ndeshjen e vlefshme per kampionatin e Maqedonise Shkendija - Vardar. Gjithcka ka ndodhur pas mbarimit te takimit ku Shkendija humb ndeshjen 0-1 dhe Vullnet Dauti njekohesisht edhe si anetar i kryesise se Shkendijes kerkon sqarim prej organit perkates te cilen e prezetonte Rexhep Bexheti se pse takimi mbyllet 5 minuta me heret dhe pse gjyqtari nuk akordoi penallti per Shkendijen, pse i behet dem Shkendijes. Gjithkjo ka bere qe vone ne mbremje Rexhep Bexheti se bashku me te birin te kercenojne fizikisht gazetarin tone.

    Stafi i Albania-Sport denon ashper kete veprim te nenkryetarit te FFM-se dhe fton opinionin publik qe te jete ne perkrahje te fjales dhe shprehjes se lire.
    edhe kur bie cohem...kurre nuk dorezohem

  20. #740
    ish- Ballisti_Tetove Maska e Cimo
    Anëtarësuar
    11-12-2004
    Postime
    2,443
    Lujn, lujn llafet


    se prej me 1 Shtator


    oferta e re ADSL de jese

    2.000 den per 100 gb limit ...lujn llafet

Faqja 37 prej 54 FillimFillim ... 27353637383947 ... FunditFundit

Tema të Ngjashme

  1. Esse dhe artikuj të muslimanëve
    Nga ORIONI në forumin Komuniteti musliman
    Përgjigje: 35
    Postimi i Fundit: 09-12-2010, 09:31
  2. Përgjigje: 26
    Postimi i Fundit: 06-08-2010, 09:08
  3. Bardhyl Mahmuti Ndihmon Opoziten Shqiptare Ne Maqedoni
    Nga ARIANI_TB në forumin Tema e shtypit të ditës
    Përgjigje: 4
    Postimi i Fundit: 04-12-2006, 06:06
  4. Intervistë: Hoxha i Prizrenit (Samidin Xhezairi)
    Nga Davius në forumin Çështja kombëtare
    Përgjigje: 0
    Postimi i Fundit: 03-07-2006, 19:20
  5. ISH - ANETARET E UCK-se I BEJNE VESHTRIM KONFLIKTIT NE MAQEDONI
    Nga tear-drops në forumin Çështja kombëtare
    Përgjigje: 1
    Postimi i Fundit: 24-07-2002, 00:01

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •