Privatizimi

[dodoni]

SHPALLET RAUNDI I TRETË I PRIVATIZIMIT



Zijadin Gashi, Prishtinë


Agjensioni Kosovar i Mirëbesimit, ka shpallur sot listën prej 12 ndërmarrjeve të cilat do të hyjnë në raundin e tretë të privatizimit. Ky vendim është bërë publik pas një takimi të zhvilluar sot, ndërmjet shefit të shtyllës së katërt të UNMIK-ut, Nikolas Lambsdorf dhe Ministrit të Tregtisë dhe Industrisë në qeverinë e Kosovës, Ali Jakupit. Shpallja e raundit të tretë të privatizimit, sipas zotit Lambsdorf dhe ministrit Jakupi, shënon rifillimin e procesit, i cili qëndron i bllokuar që nga 8 tetori i vitit të kaluar. Lambsdorf tha se 12 ndërmarrjet e shpallura do të privatizohen përmes “spin-off-it” të rregullt, kurse parashihet që për herë të parë të zbatohet dhe “spinoff-i” special për ndërmarrjen e njohur, Feronikeli. Përndryshe, kjo është hera e dytë që shpallet raundi i tretë i privatizimit, por në këtë rast, Lambsdorf tha se shpresonte se nuk do të ketë ndërprerje si më herët:
“Çdo proces rrezikohet që të ndërpritet, por në këtë rast nuk e shoh këtë rrezik dhe se unë kam kërkuar nga AKM-ja që të përgatitet për raundin e tretë”, tha Lambsdorf, duke shtuar se pret që gjatë verës të shpallet dhe raundi i katërt i shitjes së ndërmarrjeve, ku do të përfshihej një numër shumë më i madh i ndërmarrjeve. Në anën tjetër, Ali Jakupi, e vlerësoi vendimin e shpallur sot si shumë të rëndësishëm dhe shpresëdhënës për vazhdimin e privatizimit:
“Ne e konsiderojmë se ky është një çelës i ri i ristartimit dhe tashmë hapen dyert që mos të ketë ngecje të mëtutjeshme. Ndërkohë do të punohet në përpunimin e politikave që duhet të bëhen në mënyrë precise”, tha ministri Jakupi.
Agjensioni Kosovar i Mirëbesimit ka mandatin e vet që të përfundojë me privatizimin deri në qershorin e vitit 2006, ndërsa sipas vlerësimeve të ekspertëve, dinamika e deritashme, tregon se privatizimi mund të zgjasë shumë më gjatë. Sipas zotit Lambsdorf, ndonëse nuk mund të garantohet asgjë, do të provohet që puna të kryhet me afatin e parashikuar:
“Jo natyrisht se nuk mund të garantoj, ngase askush nuk mund ta përcaktojë të ardhmen, por ajo që mund të garantoj është që unë do të përkujdesem që AKM-ja të kryejë punën e vet sa më shpejt që të jetë e mundur”, tha Lambsdorf. Ndërsa ministri Jakupi, vlerësoi se me një punë më të përgjegjshme, mund të shpresohet në dinamizimin e procesit të privatizimit:
“Nëse vërtet i përcakton Bordi njerëzit përgjegjës, kompetentë dhe i jep vetes një përgjegjësi dhe hartohet një plan korrekt, unë mendoj se intensifikimi është i mundshëm dhe brenda dy vitesh, deri në qershorin e vitit 2006 mund të bëhet privatizimi”, vlerësoi Jakupi.
Pas shpalljes së listës prej 12 ndërmarrjeve që do të privatizohen, do të pasojë dhe një kohë shtesë prej dhjetë ditësh, për t’i informuar kompanitë përkatëse dhe komunat, para se të shpallet dhe data e shitjes, respektivisht privatizimit të tyre. Gjatë dy raundeve të para, janë privatizuar 16 ndërmarrje, ndërkohë që në listën e AKM-së për kompanitë që parashihen të privatizohen ka më tepër se 500 ndërmarrje.

[dodoni]

Miratohet paketa ligjore për privatizimin. 76% e aksioneve të Telekom dhe jo më pak se 51% e ARMO-s në shitje

Qeveria nxjerr në shitje aksionet e Albtelekom dhe ARMO


Shekulli

TIRANE- Këshilli i Ministrave miratoi dje paketën ligjore për vazhdimin dhe përfundimin e procesit të privatizimit të dy prej kompanive strategjike, Albtelekom dhe ARMO (ndërmarrja e prodhimit të naftës). Ministri i Ekonomisë Anastas Angjeli prezantoi vendimet e fundit të qeverisë sipas të cilave investitorit strategjik i ofrohet për shoqërinë Albtelekom nga 51-76 % e aksioneve, ndërsa për shoqërinë ARMO jo më pak se 51% te tyre. Duke paraqitur përmbajtjen e paketës të akteve nënligjore Angjeli tha se “Në tërësinë e tyre këto akte përcaktojnë kriteret e përzgjedhjes së investitorëve për shoqërinë ARMO; kriteret e vlerësimit të ofertave për të dy këto shoqëri si dhe madhësinë e paketës së aksioneve të kapitalit të shoqërisë anonime Albtelekom, që u ofrohet investitorëve strategjikë. Në bazë të ligjit nr. 8810 “Për përcaktimin e formës dhe strukturës së formulës së privatizimit të sh.a Albtelekom” si dhe ligjit nr. 9117, “Për përcaktimin e formës dhe strukturës së formulës së privatizimit të sh.a ARMO”; investitorit strategjik i ofrohet për shoqërinë Albtelekom nga 51-76 % e aksioneve, ndërsa për shoqërinë ARMO jo më pak se 51% të tyre.” Sipas tij në paketën e akteve nënligjore, që u miratua, për shoqërinë Albtelekom investitorit strategjik do t’i ofrohet maksimumi që lejon ligji, dhe që në këtë kuptim paketa prej 76 % që është miratuar për t’u ofruar është madhësia më atraktive për çdo investitor të mundshëm që paraqitet për blerje. “Ndërsa për shoqërinë ARMO,-vijoi ai,- paketa e aksioneve që i ofrohet investitorit është miratuar mbi 51%, duke lënë hapësira për përcaktimin e saj në kontakt të vazhdueshëm me spektrin e investitorëve që do të shfaqin interes gjatë fazës së shprehjes së interesit”. Ndërkaq pjesa e mbetur e paketës së aksioneve është e hapur për të gjithë publikun, përfshi edhe investitorin strategjik.
Celulari dhe kriteret
Sipas ministrit të Ekonomisë një element shumë atraktiv i paketës të aksioneve të shoqërisë Albtelekom, dhe i të gjithë këtij procesi është fakti që pjesë e saj do të jetë edhe licenca e shërbimit te telefonisë celulare, nëpërmjet shoqërisë së re “Eagle Mobile”. Duke kaluar tek kriteret e vlerësimit të ofertave për këto dy kompani Angjeli theksoi se “element i rëndësishëm i paketës, në lidhje me transparencën, është se në aktin nënligjor për kriteret për vlerësimin e ofertave, oferta financiare do të zërë 80 % të vlerësimit, ndërsa kredencialet teknike do të zënë 20 %, ku do të përfshihen plani i biznesit, cilësitë dhe reputacioni i investitorit strategjik”. Angjeli lajmëroi se së shpejti do të përcaktohen veprimet dhe hapat konkrete për prezantimin dhe marketingun e kompanive në tregun ndërkombëtar të kapitaleve dhe financiar; do të përgatitet shpallja e ofertës në shtypin e specializuar ndërkombëtar si dhe veprime të tjera që kanë të bëjnë me një transparencë të plotë me publikun ne lidhje me këtë proces të rëndësishëm.
Privatizimi i Albtelekom ka qenë i planifikuar, por për shkak të problemeve si politike, si financiare ai është shtyrë. Ish-kryeministri Meta dhe opozita kanë fajësuar maxhorancën si autore të dështimit të këtij privatizimi të rëndësishëm.



04/07/2004

[dodoni]

Mbarëshqiptare

Naim Gashi – Prishtinë - 05/07/2004

Kosovë: Shpallet lista për privatizimin e 13 ndërmarrjeve

Sipas rregullores, do të duhen 10 ditë kohë për t’i informuar përfaqësuesit e ndërmarrjeve shoqërore dhe komunat, para se të fillojë raundi i tretë i privatizimit dhe para se të hidhen në shitje këto ndërmarrje


Agjencia Kosovare e Mirëbesimit (AKM) njoftoi fundjavën e shkuar komunat dhe ndërmarrjet shoqërore se pas 10 ditësh do të shpallet tenderi për privatizimin e 13 ndërmarrjeve që përfshihen në raundin e tretë. Ky njoftim u bë i ditur të premten pas takimit që u zhvillua në mes kryetarit të Bordit të AKM-së, Nikolaus Lambsdorff, dhe nënkryetarit të këtij Bordit, Ali Jakupi. “AKM-ja ka shpallur në faqen zyrtare në internet listën e ndërmarrjeve shoqërore për raundin e tretë të privatizimit me qëllim që të njoftojë ndërmarrjet dhe komunat e interesuara. Sipas rregullores, do të duhen 10 ditë kohë për t’i informuar këto ndërmarrje dhe komunat, para se të fillojë raundi i tretë i privatizimit dhe para se të hidhen në shitje këto ndërmarrje”, tha Lambsdorff. Raundi i tretë i privatizimit është shpallur nga AKM-ja edhe më 30 dhjetor të vitit të kaluar, por ky proces nuk u realizua për shkak të kundërshtimeve midis përfaqësuesve të institucioneve të Kosovës dhe ndërkombëtarëve lidhur me procedurat e privatizimit. Sa i përket tenderit të katërt me radhë, kreu i AKM-së tha se ai mund të shpallet gjatë kësaj vere. “Gjatë stinës së verës shpresoj se do të kemi edhe tenderin e katërt”, theksoi ai. Në anën tjetër, ministri Ali Jakupi e vlerësoi këtë vendim si hap tejet të rëndësishëm, duke shtuar se shpreson që nuk do të ketë më ndërprerje të pakuptimta të privatizimit, siç nodhi për më shumë se nëntë muaj. “Shpresoj se nuk do të vonohemi që të shkojmë edhe në raundin e katërt dhe të tjerët në vazhdim, në mënyrë që të mund të kompensojmë kohën e humbur, edhe pse nuk është e lehtë”, tha Jakupi. AKM-ja, sipas rregullores, ka mandat për të përfunduar procesin e privatizimit deri në qershor të vitit 2005. Privatizimi u ndërpre më 6 tetor të vitit të kaluar, me një vendim të shefit të Shtyllës IV të UNMIK-ut, Lambsdorff. Në listën e ndërmarrjeve që do të privatizohen në tenderin e tretë janë “Banja e Kllokotit” nga Vitia, “Plantacioni i pemëve” nga Gjilani, më pas vijnë katër ndërmarrje nga Mitrovica: “Përparimi”, “Derma Commerce”, shtypshkronja “Progresi” dhe ndërmarrja “Universal”. Nga rajoni i Pejës është parashikuar të privatizohen tri ndërmarrje: “17 Nëntori”, “IAC Bujqësia” dhe “Teuta”.
Dy ndërmarrje shoqërore nga rajoni i Prishtinës “Fazita” dhe ndërmarrja për mbushjen e shisheve “Lipjan Bottling Plant (CocaCola)” kurse nga Prizreni do të privatizohet shtëpia botuese “Kosova”.
Për herë të parë AKM-ja do të përdorë edhe metodën e “spin off”-it special, me të cilën do të privatizohet “Ferronikeli”. Sipas kësaj metode, AKM-ja do të negociojë me investitorët lidhur me numrin e punëtorëve që do të mbesin në punë dhe do të shqyrtohet plani i biznesit të investitorit.
Të gjitha ndërmarrjet e tjera të raundit të dytë do të privatizohen me “spin off” të rëndomtë, që nënkupton se pronari i ri i ndërmarrjes nuk ka asnjë obligim për ndërmarrjen e vjetër. Sipas kësaj metode pronari i ri ka të drejta të pakufizuara edhe sa i përket numrit dhe strukturës së punëtorëve.

[dodoni]

Mbarëshqiptare

Naim Gashi – Prishtinë - 18/08/2004

Kosovë: Privatizimi, shiten 1 mijë hektarë tokë bujqësore

Kjo është hera e parë që gjatë privatizimit në Kosovë hidhen në shitje edhe ndërmarrjet që posedojnë toka bujqësore


Agjencia Kosovare e Mirëbesimit (AKM) ka vendosur që në kuadër të raundit të tretë, të privatizojë më shumë se një mijë hektarë tokë bujqësore, që u përkasin tri ish-kooperativave bujqësore në Pejë, Ferizaj dhe Shtimje. Kjo është hera e parë që në këtë proces privatizohet toka bujqësore. Në kuadër të procesit të privatizimit në këtë seri, do të privatizohet “Bujqësia” në Zahaq të Pejës me 591 hektarë të tokës së punueshme me kualitet mesatar. “Plantacioni” në komunën e Ferizajt me 176 hektarë dhe “Plantacioni” në komunën e Shtimjes me 287 hektarë. Këto të fundit janë plantacionet e vjetra të mollëve dhe dardhave me sistem të ujitjes dhe vendndodhje shumë të mirë afër qyteteve të Ferizajt dhe Shtimjes.
Ofertuesit e rinj, sipas AKM-së, duhet të regjistrohen deri më 8 shtator pranë zyrës së AKM-së. Sipas këtyre të fundit, agrobiznesmenët e interesuar mund të blejnë të drejtën për shfrytëzim 99-vjeçar të tokës së këtyre fermave të mëdha me kushte të vfavorshme.
Siç thuhet, ofertuesit duhet të bëjnë një pagesë të vetme për të drejtën e shfrytëzimit të tokës dhe pastaj toka do të transferohet te fituesi. Më pas të njëjtën tokë, blerësi ka të drejtë t’ia shes dikujt tjetër, t’ia japë me qira, të bartë të drejtën tek trashëgimtarët dhe ta përdorë atë si peng gjatë marrjes së huasë për investime afariste.

[dodoni]

AKM thotë se 15 shtatori është afati i fundit për privatizimin e 13 ndërmarrjeve

Prishtinë, 21 gusht - Agjencia Kosovare e Mirëbesimit vazhdon të ecë përpara me rundin e tretë të privatizimit dhe përgatitet për rundin e katërt, ka deklaruar për radion "Evropa e Lirë" zëdhënësja e agjencisë Katja Wallrafen, duke u përgjigjur kritikave të shpeshta se procesi i privatizimit nuk ka rrjedhur si duhet.
Më 15 shtator është afati i fundit për privatizimin e 13 ndërmarrjeve, përfshirë kompleksin e madh metalurgjik, shtypshkronjat dhe fabrikat e mbushjeve, ka thënë Wallrafen, duke shtuar se procesi i privatizimit është ndërlikuar shkaku i statusit të pazgjidhur të Kosovës.



Edhe pse statusi i pazgjidhur ka shkaktuar ndërlikime jo vetëm në privatizim por edhe në çdo sferë të jetës atje, privatizimi duhet të vazhdoj dhe mbaroj sa më shpejt.
Poashtu edhe statusi tani shumë shpejt do të zgjidhet që do të sjell ribashkimin e Kosovës me Shqipërinë.

[dodoni]

Hidrocentrali prane Tiranes, jepet me koncesion
E Shtune, 28 Gusht 2004
Hidrocentrali i Lanabregasit ne kryeqytet eshte parashikuar te jepet me koncesion. Qeveria ka miratuar fillimin e procedurave per dhenien me koncesion te hidrocentralit dhe per percaktimin e kritereve te vleresimit te ofertave. Per marrjen ne koncesion te ketij hidorcentrali kane paraqitur interes disa kompani vendase, per rehabilitimin, permiresimin e teknologjise dhe rritjen e prodhimit te tij. Projektet do te vleresohen mbi bazen e kritereve si: vlera e investimit, koha e kryerjes se investimit, shkalla e nderhyrjes per rehabilitimin e nyjeve kryesore te objektit, rritja e prodhimit te energjise elektrike dhe te ujit. Shqyrtimi i tyre do te behet nga nje komision i perbashket i krijuar nga tre ministrite e linjes: Ministria e ekonomise, e Industrise dhe Energjitikes dhe ajo e Rregullim Territorit dhe Turizmit.


© Copyright 2001-2004 Korrieri. Te gjitha te drejtat e rezervuara. Termat e perdorimit Powered By WebPhotoPro

[dodoni]

Marte, 31 Gusht 2004


DEUTSCHE TELEKOM KERKON ALBTELEKOMIN

Teuta Shamku

Deutsche Telekom, eshte nje nga investitoret me te rendesishem strategjik ne Evrpen Perendimore, i cili mund te jete pretendent per te blere kompanine shqiptare te telefonise fikse Albtelekom. Interesin per te marre pjese ne nje privatizim te ketyre permasave ne vendin tone, e ka shprehur dje Sekretari i Parlamentit te Shtetit te Federates Gjermane per Ekomonine dhe Punen Rezzo Schlauch, ne takimin zyrtar qe zhvilloi me Ministrin e Transporteve dhe Telekomunikacioneve Spartak Poci. Z.Schlauch i beri te ditur Ministri Poci se kompanite serioze gjermane jane te interesuara per te investuar ne Shqiperi ne fushen e telekominikacioneve, duke permendur si mundesi pjesemarrjen ne privatizimin e Albtelekomit.

Burime nga Ministria e transporteve dhe Telekomnikacioneve, bene te ditur se ne takimin qe Ministri Poci pati me Sekretarin e Parlamentit te Shtetit te Federates Gjermane per Ekonomine dhe Punen, Rezzo Schlauch, perfaqesusi i pales gjermane i theksoi

ministrit Poci angazhimin e tij per mbeshtetjen e biznesit gjerman per te rritur investimet ne vendin tone. Ministri Po`i nga ana e tij informoi z.Rezzo Schlauch se nga pala shqiptare eshte ftuar edhe kompania gjermane ne fushen e komunikacionit, Deutsche Telekom, per pjesemarrje ne privatizimin e kompanise se telefonise fikse, Albtelekom. Gjithashtu Ministri Poci, i kerkoi z. Schlauch, rritjen e sipermarresve gjermane ne infrastrukture dhe ne fushen e telekomunikacioneve. Ai vleresoi marreveshjen me kompanine "Hochtief" per koncencionin e Aeroportit te Rinasit, si dhe negociatat per marrjen me koncension te segmentit rrugor Rreshen-Kalimash te rruges Durres-Kukes-Morin, me kompanine gjermane "Strabag". Ne kete drejtim z. Schlauch shtoi se projekte te tilla te medha si zhvillimi dhe modernizimi i Rinasit apo edhe ndertimi i rrugeve, jane nje sinjal i mire per rritjen e investimeve gjermane ne Shqiperi.

Albtelekom ne fund te vitit me fitim

Kompania shteterore e telefonise fikse ndonese ka arritur te mbylle 6 mujorin me fitim, ajo ende rezulton me borxhe te medha. Ndonese sipas drejtuesve te kesaj kompanie numri i debitoreve eshte ne ulje, ende mbetet shqetesues debiti i pa grumbulluar nga debitoret. Debite e vjetra ende kapin vleren rreth 10 milione dollare dhe kjo sipas specialisteve eshte nje shume e madhe per cdo ndermarrje ekonomike. Debitoret jofamiljare, zene nje peshe te madhe me mbi 800 milione leke te reja te papaguara deri ne fund te vitit 2003. Ndersa me mbi 600 milione leke te reja i takojne periudhes perpara vitit 2000. Burime nga Ministria e Transporteve thone se ende nuk eshte siguruar asistence e specializuar nderkombetare per menaxhimin e kompanise. Ndersa nga te dhenat, rezulton se si 6-te mujor, kompania ka nje fitim prej 900 milione lekesh. Eshte parashikuar qe deri ne fund te ketij viti, fitimi i Albtelekomit do te jete mbi 2 miliard leke.

Te dhenat 6 mujore ne Albtelekom mbi te ardhurat, shpenzimet dhe fitimi bruto

*Te ardhurat: 6 276 mln leke ose 101% ndaj programit te vitit 2004

*Shpenzimet: 5 200 mln leke ose 88% ndaj programit te vitit 2004

*Fitimi brutto:1 076 mln leke ose disa here me i larte se fitimi i realizuar per te njejten periudhe te vitit te kaluar

*Rezultati financiar 1076 mln leke

Baza kryesore ne realizimin e te ardhurave:

a) Te ardhurat nga sherbimi telefonik ne masen 100%

b) Lidhjet e reja telefonike 95 %

c) Te ardhurat nga trafiku hyres nderkombetar 110%, etj.


Deutsche Telekom ka edhe T-Mobile-in në Amerikë.

[dodoni]

Sipas AKM-së, në raundin e tretë privatizohen edhe 19 ndërmarrje

Prishtinë, 1 shtator - Drejtuesit e Agjencisë Kosovare të Mirëbesimit u bënë thirrje të gjithë të interesuarve që të konkurrojnë në raundin e tretë të privatizimit, në t ë cilin përfshihen 19 ndërmarrje shoqërore. Në një takim me rreth 150 afaristë dhe biznesmenë në Prishtinë, drejtuesit e AKM-së thanë se data e parakualifikimit të ofertave është 8 shtatori, ndërsa shpallja e ofertave fituese do të bëhet me 15 shtator.
Sipas zv.drejtorit të AKM-së Ahmet Shala, besimi i investitorëve vendorë dhe ndërkombëtarë do të kthehet, ndërkohë që AKM-ja do të punojë me shpejt dhe për çdo muaj të përgatisë ndërmarrje të reja për privatizim.
Në raundin e tretë do të privatizohen 19 ndërmarrje shoqërore, tri nga të cilat përmes spin-offit special, që nënkupton se AKM-ja mund të caktojë shkallën e punësimit, angazhimet e investitorëve dhe vazhdimin e veprimtarisë së njëjtë. Ndërka në fazat e ardhshme AKM-ja do të ofrojë për shitje edhe gjigantët si Ferronikeli, birraria e Pejës, Sharr-çimentoren, minierat e Trepçës, hotelin Grand, ndërsa në listën e ndërmarrjeve që do të privatizohen deri në qershor të vitit të ardhshëm janë rreth 500 ndërmarrje tjera.

[dodoni]

Biznesi - 17/09/2004

Raundi i tretë i privatizimit, shiten 15 ndërmarrje

Emrat e blerësve të ndërmarrjeve ende nuk janë bërë publik, por ata janë klasifikuar vetëm nëpërmes shifrave.


Në raundin e tretë të privatizimit të ndërmarrjeve shoqërore janë shitur 15 ndërmarrje shoqërore për 16 milionë e 200 mijë euro. Për njërën nga ato nuk kishte fare ofertues, ndërsa dy të tjera vazhdojnë të privatizohem me metodën “spin-off” special. Ahmet Shala, zëvendësmenaxher i AKM-së, tha se deri në nënshkrimin e kontratave dhe analizën e ofertave fituesit e tenderave konsiderohen si të përkohshëm. Ndërkohë, shqiptaro-amerikanët e familjeve Gecaj dhe Bajraktari kanë shënuar ofertën më interesante të raundit të tretë të privatizimit, me ofertën e tyre prej 4.1 milionë euro, duke blerë Shtëpinë e Mallrave "17 Nëntori" në Pejë. Në raundin e dytë, ata kanë fituar tenderin për Kombinatin e drurit në Pejë. Një fitues tjetër i rëndësishëm në këtë raund të privatizimit është edhe firma “B-trade”, e cila me ofertën e saj prej 2.1 milionë eurosh ka fituar tenderin për privatizimin e fabrikës Botling në Lipjan, e njohur si fabrika e Coca Cola-s.
Ndërmarrja "Fazita"- Qendër në Prishtinë është shitur për 2.8 milionë euro, ndërsa Shtypshkronja në Prizren për 2.7 milionë. Nga ndërmarrjet e shpallura në tender për privatizim, sipas Shalës, vetëm “Përparimi F3”, nuk ka patur ofertues dhe për këtë varësisht nga vendimi i Bordit të AKM-së, ajo do të shkojë në ritenderim ose në likuidim. Numri i përgjithshëm i ofertuesve në pasditen e të mërkures ishte rreth 100, për secilën ndërmarrje u zgjodhën tri ofertat më interesante të cilat patën mundësi të ndryshojnë ofertat e tyre, në raundin e dytë gjatë pasdites, duke propozuar çmime më të volitshme, për të zgjedhur në fund finalistët. Të 18 fituesit janë tendera të thjeshtë, ndërkohë me metodën e “spin-off” special do të privatizohen fabrika e blloqeve “Përparimi” në Skënderaj dhe Banja e Kllokotit, raundi i dytë i ofertimit të të cilave do të shpallet pas dy javësh.

[dodoni]

E Premte, 17 Shtator 2004


PUBLIKOHET OFERTA PER SHITJEN E ALBTELEKOMIT

Ministria e Transporteve dhe Telekomunikacionit ka shpallur oferten per shitjen e Albtelekomit ne gazetat me te njohura te Europes. Burime nga ministri njoftuan dje se eshte bere publikimi i ofertes per tenderin e privatizimit te kompanise Albtelekom ne gazetat e njohura "Finacial Times", "Wall-Street" dhe "The Economist". Qeveria shqiptare vendosi publikimin ne disa nga gazetat prestigjoze te draftit e fteses per shprehjen einteresit per blerjen e aksioneve te kesaj kompanive. Nderkohe komiteti i Konsulences dhe Transparences po pergatit edhe dokumentacionet per zhvillimin e tenderit, per Albtelecom sh.a, ne bashkepunim edhe me konsulentin financiar nderkombetar. Vetem pak kohe me pare qeveria shqiptare miratoi kriteret per shitjen e Albtelekomit. Sipas keti vendimi shteti shqiptar ofron 51-76% e aksioneve te Albtelekom per investitorin strategjik dhe pjesa e tjeter e aksioneve i ofrohet publikut (edhe investitorit). Albtelekom ne shitje bashke me celularin e trete (Eagle Mobil) dhe oferta financiare do te zere 80 % te vleresimit, ndersa kredencialet teknike do te zene 20 %, ku do te perfshihen plani i biznesit, cilesite dhe reputacioni i investitorit strategjik.

[dodoni]

Mbarëshqiptare

Eltion Hoxha - 21/09/2004

AKM: Konfiskim të ndërmarrjeve, kompanive që nuk përmbushin investimet e premtuara

Të gjitha kompanive që do të privatizojnë ndërmarrjet shoqërore në Kosovë me metodën “spin off”, në rast të mos përmbushjes së planeve të biznesit të paraqitura në momentin e tenderimit, do t’u konfiskohet prona e re


Blerësit e ndërmarrjeve shoqërore në Kosovë nëpërmjet “spin off”-it special (blerje e ndërmarrjes me disa kushtëzime) për t'u shpallur fitues duhet të paraqesin planin e biznesit, shumën e mjeteve që planifikohen të investohen dhe numrin e punëtorëve që do të angazhohen në punë. Nëse fituesi i ofertës për ndërmarrjet e shitura shoqërore dështon në përmbushjen e investimeve të premtuara në bazë të planit të biznesit, PSSP-ja ka të drejtën e rishitjes së asaj ndërmarrjeje, thanë zyrtarë të Agjencisë Kosovare të Mirëbesimit (AKM). Në raundin e tretë, nga 18 ndërmarrje, vetëm tri prej tyre do të shiten me “spin-off” special (”Ferronikeli”, “Përparimi”, Banja e Kllokotit), ndërsa për 15 ndërmarrje të tjera janë shpallur fituesit e përkohshëm.
Për raundin e tretë të privatizimit u shpallën 18 pronarët e përkohshëm të ndërmarrjeve shoqërore. Në këtë raund, për “spin off” të rregullt janë dorëzuar 97 oferta. Ndërsa vlera totale e ofertave finale që janë fituese të përkohshme ka qenë mbi 16 milionë euro. Ahmet Shala, zëvendësdrejtor i AKM-së, tha se është i kënaqur me numrin e madh të të interesuarve, si nga vendi, ashtu edhe nga Europa dhe, sipas tij, kjo tregon se investitorët kanë besim në procesin e privatizimit, në AKM-në dhe në investimet në Kosovë.
“Raundi i tretë ka qenë një kthesë e veçantë për të gjithë. Ai ka kthyer besimin për ndërmarrjet të cilat janë në proces të privatizimit dhe do të kthejë edhe besimin e investimeve që do të reflektohen edhe në pasqyrën e zhvillimit ekonomik të Kosovës”, tha Shala. Shala tha se shumë shpejt do të fillojë edhe raundi i katërt i procesit të privatizimit dhe për çdo muaj do të jenë së paku 10 ndërmarrje të ofruara për privatizim.
Kirk Adams, zëvendësdrejtor i Departamentit të Privatizimit, tha sa “spin off”-i special mundëson që investimet e bëra në ndërmarrje të shpenzohen në Kosovë. “Niveli i investimeve garanton vënien e aseteve në përdorim si dhe mundësi të reja për të punësuarit”, tha ai. Adams, sa i përket “Ferronikelit”, tha se për momentin janë duke pritur që të përfundojë parakualifikimi, para datës 24 shtator, por, sipas tij, të interesuarit për këtë ndërmarrje duhet të jenë kompani profesionale lidhur me mineralet. Sipas tij, kompanitë që parakualifikohen për “Ferronikelin” do të bëjnë ofertën më 17 nëntor dhe kjo u jep atyre mjaft kohë që të rishikojnë pasuritë e kompanisë. Tetë dhjetori është afati i fundit i dorëzimit dhe hapjes së ofertave. Çmimet e ofertave ishin nga më të ndryshmet duke shënuar shpeshherë dallime të mëdha mes tyre. Oferta më e lartë, me një çmim prej mbi 4 milionë eurosh, i është bërë Shtëpisë së Mallrave “17 Nëntori” në Pejë, e pasuar nga oferta prej rreth 3.5 milionë eurosh për Banjën e Kllokotit, ndërkohë oferta më e ulët me çmim prej 45 250 eurosh i është bërë një dyqani në Gjakovë.


“Beselica” ka fituar tenderin për “Fazitën”
Ndonëse AKM-ja ende nuk ka shpallur emrat e fituesve të tenderit të tretë të privatizimit, drejtuesit e kompanisë “Beselica” nga Podujeva pohuan se ata janë fitues të tenderit për blerjen e fabrikës së tapetave “Fazita” në Prishtinë. Xhevdet Beselica, njëri prej pronarve të “Beselica”, tha se oferta e tyre prej 2.8 milionë eurosh ishte më e larta dhe se ata janë shpallur fitues. Kjo është ndërmarrja e dytë shoqërore që blehet nga “Beselica”. Në raundin e dytë të privatizimit, ata gjatë raundit të dytë blenë ndërmarrjen për prodhimin e blloqeve “17 Nëntori” në Podujevë.

[dodoni]

Besim Djaloshi - 20/09/2004

Vlera fillestare e ARMO-së, 65 milionë dollarë

ARMO është e përbërë nga dy rafineri me kapacitet prodhues 1.5 milionë ton gazoil në vit si dhe nga një rrjet i madh pikash karburanti, trojesh e depozitash për import-eksportin e hidrokarbureve.


ARMO është një kompani, e cila është krijuar në prill të vitit 1999, nga ndarja e ish- ndërmarrjes së Albpetrolit. Kapitali themeltar i kësaj kompanie llogaritet të jetë rreth 5.3 miliardë lekë, shumë të cilës do t’i shtohen minimalisht edhe 1.5 miliardë lekë të tjera, kjo pas përfundimit të regjistrimit dhe vlerësimit të aseteve të kësaj shoqërie, të cilat janë të shpërndara pothuajse në të gjithë territorin e vendit. Është një kompani me kapital tërësisht shtetëror. Ajo ka si pronarë Ministrinë e Ekonomisë dhe punon në varësi të Ministrisë së Industrisë dhe Energjetikës. Sipas drejtorit të përgjithshëm të kompanisë ARMO, Përparim Hajnaj, duke u bazuar në vendimin e Këshillit të Ministrave si dhe në kapitalet që zotëron aktualisht kjo kompani, vlera minimale e çmimit me të cilin do të hapet tenderi ndërkombëtar për blerjen e saj është afërsisht 7 miliardë lekë. Konvertuar në dollarë kjo shifër kap vlerën e afro 65 milionë dollarëve amerikanë.
Produktet dhe asetet e kësaj kompanie
Kompania në fjalë për volumin e produkteve dhe nënprodukteve që prodhon zë rreth 25 për qind të tregut të gazoilit në vend. Gjithashtu ARMO është furnizuesi i vetëm i tregut vendës me bitum dhe i TEC-it të Fierit me lëndë djegëse, solar. Produktet kryesore të saj janë: nafta virxhine, qymyri koks dhe solari. ARMO ka në pronësi të sajë dy rafineri në Ballsh dhe Fier, të cilat janë të vetmet rafineri përpunuese të naftës në Shqipëri. Gjithashtu ajo zotëron një rrjet të madh për shitjen e karburanteve në të gjithë territorin e vendit, një stacion në Vlorë për import-eksport hidrokarburesh si dhe një laborator bashkëkohor.
Kapaciteti përpunues
Kapaciteti përpunuers i kompanisë ARMO, e cila ndodhet në prag të privatizimit, është 1.5 milionë tonë gazoil në vit, ose 35 mijë barrela në ditë. Ky kapacitet prodhimi arrihet nëpërmjet 2 rafinerive, rafinerisë së Ballshit, e cila ka një kapacitet prodhues prej 1 milion tonë në vit, si dhe rafinerisë së Fierit me kapacitet përpunimi 0.5 milion tonë gazoil në vit.
Numri i të punësuarve në kompaninë ARMO
ARMO aktualisht ka të punësuar në kompaninë e saj rreth 1925 punëtorë. Ndërkohë që në programin e zhvillimit ka të programuar jo më shumë se 1770 punëtorë. Sipas drejtorit të kësaj kompanie, stafi i punonjësve është i kualifikuar dhe paguhet në mënyrë të kënaqshme, krahasuar me tregun e punës në vend.
Rafineria e Ballshit
Rafineria e Ballshit është vënë në punë në vitin 1978 me asistencën e specialistëve kinezë dhe përbehet nga këto impiante: Koksifikim i vonuar 70 mijë tonë në vit, prodhim hidrogjeni 50 mijë tonë në vit, reformingu katalitik 150 mijë tonë në vit, etj.
Farineria e Fierit
Kjo rafineri është vënë në punë për herë të parë në vitin 1986 nga specialistët vendës. Produktet kryesorë të kësaj rafinerie janë: benzina 7 për qind, gazoili 20 për qind, mbetjet e mazutut dhe bitumit 70 për qind, lëndë djegëse 2 për qind.



Atnand Kola, Besim Djaloshi - 20/09/2004

Biznesi vëndës përjashtohet nga privatizimi i ARMO-së

Kompanitë shqiptare, nga kushtet e vëna (certifikim i ISO 9000) nga Ministria e Ekonomisë, nuk mund të marrin pjesë në privatizimin e 51 për qind të aksioneve të kompanisë së naftës ARMO dhe nga shitja e 76 për qind të aksioneve të Albtelekomit . Grosistët e naftës:”Përjashtim i qëllimshëm dhe tendencioz


Asnjë nga kompanitë private shqiptare nuk mund të marrin pjesë në procesin e privatizimi të kompanisë shtetërore të naftës ARMO. Në vendimin më të fundit që ka marrë Ministria e Ekonomisë, në lidhje me kriteret se cilat kompani kanë të drejtë të marrin pjesë në tenderin e shoqërisë së naftës ARMO, është përjashtuar biznesi vëndës, duke bërë kështu të mundur favorizimin kompanive të huaja. Burime pranë Ministrisë së Ekonomisë bëjnë të ditur se “sipas kushteve të vëna nga kjo ministri për privatizimin e vetëm 51 për qind të shoqërisë së naftës ARMO, biznesi shqiptar nuk ka të drejtë të marrë pjesë në këtë proces tenderimi”. Kushti kryesor është fakti se kompanitë që janë të interesuara për blerjen e ARMO-së duhet të kenë standardet e certifikimit ISO 9000, ku aktualisht këtë standard nuk e përmbush asnjë kompani vëndëse. Sipas këtyre burimeve një tjetër kusht për pjesëmarrje në këtë privatizim të këtij sektori të rëndësishëm është që “kompanitë e interesuara duhet të kenë një vlerë neto të konsoliduar jo më të vogël se 133 milionë dollarë si dhe të jenë të specializuara në fushën e përpunimit dhe tregtimit të naftës për një periudhë jë më pak se trevjeçare”.
Sipas Lad Fishekut, pronar i kompanisë “Fisheku” dhe aksioner në “Petrolimpex”, të cilat merren me tregtimin e naftës së importuar, vendosja e kritereve të tilla të cilat automatikisht përjashtojnë kompanitë vendëse nga pjesëmarrja në privatizimin e kompanisë shtetërore ARMO, bëhet në mënyrë të qëllimshme, tendencioze dhe për interesa të caktuara. “Shuma bazë e konsoliduar perj 133 milionë dollarësh që duhet të kenë kompanitë për të marrë pjesë në privatizim nuk përbën problem, kjo pasi vlera e kompanisë sime llogaritet të jetë afro 150 milionë dollarë, por është standarti ISO 9000 që përbën pengesën kryesore”, shprehet ai.
Pak ditë më parë Ministria e Ekonomisë, me kushtet e vënë për kompanitë private që janë të interesuara në tenderin e 76 për qind të aksioneve të kompanisë shtetërore të telefonisë fikse Albtelekom, ka nxjerrë jashtë loje të gjitha kompanitë vëndëse dhe ka favorizuar vetëm kompanitë e huaja.

Paketa ligjore për privatizim
Miratimi nga qeveria e paketës ligjore për vazhdimin dhe përfundimin e procesit të privatizimit të dy prej kompanive më të mëdha të vendit lejon që investitorët strategjikë të privatizojnë 51 për qind të aksioneve të kompanisë së naftës ARMO. Burime zyrtare pranë Ministrisë së Ekonomisë bëjnë të ditur se "në paketën e akteve nënligjore, për shoqërinë Albtelekom investitorit strategjik do t’i ofrohet maksimumi që lejon ligji dhe që në këtë kuptim do të jetë e hapur paketa prej 76 për qind”. Ndërsa për shoqërinë shtetërore të naftës ARMO, paketa e aksioneve që i ofrohet investitorit është miratuar në rreth 51 për qind, duke lënë hapësira për përcaktimin e saj në kontakt të vazhdueshëm me spektrin e investitorëve që do të shfaqin interes gjatë fazës së “shprehjes së interesit”. Ndërkohë, pjesa e mbetur e paketës së aksioneve është e hapur për të gjithë publikun, përfshi edhe investitorin strategjik.

Kriteret për kompanitë e interesuara për blerjen e ARMO-s
- Të jetë person juridik që zotëron garanci financiare dhe të jetë i njohur në veprimtarinë ekonomike në një sektor të caktuar, në përputhje me standardet e certifikimit ISO 9000, ose me standardet e njësuara me to.
- Të ketë një kapital tërësisht të paguar në mbi 51 milionë dollarë, apo barazvlerën e kësaj shume në valutë, në të cilën është shprehur kapitali. Gjithashtu duhet që vlera neto e konsoliduar duhet të jetë, të paktën, 133 milionë dollarë.
- Të jenë shoqëri të specializuara në fushën e përpunimit dhe tregtimit të naftës, gazit dhe nënprodukteve të tyre, e cila t’i ketë siguruar këto kompani për një periudhë jo më pak se tre vjet. Në rast të konsorciumeve apo bashkimit të investitorëve, anëtari kryesor duhe të të përmbushë kërkesat e lartpërmendura.
- Nuk do të pranohen në procedurën e tenderit palët që nuk janë në likujdim, që nuk kanë aftësi paguese, ose kanë mbingarkesë në borxhe.
- Në rastin e bashkimit të shoqërive për t’u paraqitur si palë e vetme për blerjen e aksioneve, investitori strategjik duhet të ketë kontrollin e bashkimit.
- Duhet që kërkesa të vërtetohet me certifikata zyrtare, të lëshiuara nga autoritet përkatëse, ose me dokumente të tjera të shkruara zyrtare.


Lad Fisheku, pronar i kompanisë “Fisheku”

“Përjashtimi i kompanive shqiptare, tendencioz dhe për interesa të caktuara”


Lad Fisheku, pronar i kompanisë “Fisheku” dhe aksioner në “Petrolimpex”, një ndër importuesit më të mëdhenj të hidrokarbureve në Shqipëri, duke marrë shkas nga vendimet e fundit të qeverisë u shpreh se këto vendime janë të padrejta. Sipas tij, vendosja e kritereve të tilla të cilat automatikisht përjashtojnë kompanitë vendëse nga pjesëmarrja në privatizimin e kompanisë shtetërore ARMO, bëhet në mënyrë të qëllimshme, tendencioze dhe për interesa të caktuara. Fisheku shprehet se ”nuk ka përse të vendosen kushte të tilla ku të përjashtohet biznesi vendës nga pjesëmarrja në privatizimin e kompanisë së vetme përpunuese të naftësë në vend. Për më tepër, ndërmarrja e një hapi të tillë, vijoi ai më tej, dëmton rëndë biznesin vendës, ku numri i kompanivë te interesuara për të marrë pjesë në blerjen e ARMO-së është tepër i lartë. Vetë Lad Fisheku bëri të ditur për gazetën “Biznesi” se është shumë i interesuar për të marrë pjesë në privatizimin e kësaj kompanie. Ai u shpreh se shuma bazë e konsoliduar perj 133 milionë dollarësh që duhet të kenë kompanitë për të marrë pjesë në privatizim nuk përbën problem, kjo pasi vlera e kompanisë së tij llogaritet të jetë afro 150 milionë dollarë, por është standardi ISO 9000 që përbën pengesën kryesore, kjo sepse asnjë kompani shqiptare nuk ka një standard të tillë. Madje, për më tepër, një pjesë e mirë e biznesmenëve dhe importuesve as nuk e njohin e jo më ta posedojnë atë.


Nuk është e vërtetë që asnjë kompani shqiptare nuk ka një standard të tillë por unë mendoj se qeveria shqiptare në raste si këto duhet të ketë parasysh këto tre gjëra:

- A është ARMO apo kompania që po privatizohet, strategjike për kombin? në rast se po atëherë mund t'i kërkohet kompanive shqiptare që të marrin ISO 9000 brenda tre viteve të ardhshme (sepse kaq vite duhen për tu certifikuar me të) dhe të lejohen ta privatizojnë këtë kompani me këtë kusht

- A ka kontraktor ARMO që e kërkojnë medoemos këtë lloj çertifikimi? dhe sa të rëndësishëm për fitueshmërinë dhe suksesin e ARMO-s janë këta kontraktorë? Nëse po, atëherë medoemos duhet kërkuar kompani me ISO 9000. Nëse jo atëherë prapë sikur në rastin e parë, mund të privatizohet edhe nga kompanitë shqiptare por me kusht që të certifikohen me ISO 9000 brenda tre viteve të ardhshme

- Sa ka mundësi që kompanitë shqiptare ta investojnë diku tjetër (brenda në Shqipëri) atë shumë parash kurse ARMO të privatizohet nga kompani të huaja që përndryshe nuk do të investonin në vendin tonë, pra është ARMO që po i bën të investojnë ekskluzivisht në vendin tonë. Kështu sigurojmë më shumë investime si nga kompanitë shqiptare ashtu edhe nga ato të huaja

Mendoj se këto tre gjëra përveç tjerash duhet të kihen parasysh nga qeveria shqiptare sa herë që privatizojnë kompanitë shtetërore.

[dodoni]

Mbarëshqiptare

Eltion Hoxha - 23/09/2004

Biznesmenët kosovarë privatizojnë dy ndërmarrje me “spin-off” special

“Banja e Kllokotit” në Viti është shitur për 4 milionë e 600 mijë euro, ndërsa “Përparimi” në Skënderaj për 1,2 milionë euro


Kompania kosovare “Gazi Trade” nga Gjilani është fituese e tenderit për “Banjën e Kllokotit”, ndërsa kompania “Vllezërit Geci” ka blerë ndërmarrjen “Përparimi” në Skënderaj. Këto janë rezultatet e publikuara të mërkurën nga Agjencia Kosovare e Mirëbesimit (AKM). Për herë të parë gjatë privatizimit të këtyre ndërmarrjeve është përdorur metoda e “spin-off”-it special.
“Banja e Kllokotit”, përveç banjës kurative, posedon edhe fabrikën për prodhimin e ujit mineral. Ndërkohë që “Përparimi” është fabrikë e cila merret me prodhimin e blloqeve. Prentendetë për privatizimin e këtyre ndërmarrjeve fillimisht kanë qenë 16 oferta, ndërkohë dje në fazën e dytë të ofertimit ishin gjashtë oferta, nga tri për secilën. Ofertat janë hapur në prani të anëtarëve të bordit të AKM-së dhe përfaqësuesve të kompanive konkurruese. Ofertuesi nga Gjilani, për fabrikën e prodhimit të ujit mineral “Banja e Kllokotit”, e cila gjendet në Viti, e bleu ndërmarrjen për 4 milionë e 600 mijë euro, ndërsa është zotuar se do të investojë mbi 4 milionë euro dhe do të punësojë 252 punëtorë. Ndërsa fituesi i ndërmarrjes për prodhimin e blloqeve “Përparimi” në Skënderaj ka ofruar një çmim mbi 1,2 milionë euro dhe ka premtuar investime në vlerë prej 2 milionë eurosh. Ai ka premtuar se do të punësojë në këtë ndërmarrje 150 punëtorë.
Jasper Dick, drejtori menaxhues i AKM-së, beson se fituesit do të përmbushin investimet dhe punësimin e premtuar. “AKM-ja ka në funksion medodat me të cilat do të vlerësojë në se po realizohen investimet dhe punësimi i premtuar”, tha Dick. Gazmend Alidema, përfaqësues i ndërmarrjes “Gazi Trade” në Gjilan, e cila merret me përpunimin e mishit dhe shitjen me shumicë të produkteve ushqimore, tha se çmimi që kanë ofruar për “Banjën e Kllokotit” është real dhe jo i lartë, për shkak se kjo ndërmarrje ka emër dhe treg të majftueshëm. Sipas tij, ata do të fillojnë me disa riparime në objekte, pastaj me krijimin e linjave të reja të prodhimit të shisheve të plastikës dhe lëngjeve të gazuara. Arben Geci, përfaqësues i ndërmarrjes “Vllezërit Geci” në Skënderaj, fitues i ndërmarrjes “Përparimi”, beson se kjo firmë ka kapacitet të mjaftueshëm për prodhimin e blloqeve të kualitetit të lartë. “Kemi ofruar çmimin më të lartë dhe besoj se në të ardhmen do të dimë të menaxhojmë këtë firmë, punëtorët do të kenë mjaftë punë dhe më nuk do të kemi importim të blloqeve nga jashtë”, tha Geci. Ky është raundi i tretë i privatizimit në të cilin janë shpallur edhe 18 pronarët e përkohshëm të ndërmarrjeve shoqërore me “spin-off” të rregullt për të cilat janë dorëzuar 97 oferta. Ndërsa vlera totale e ofertave finale që janë fituese të përkohshme ka qenë mbi 16 milionë euro.
Ndërsa sa i përket “spin-off-it” special “Banja e Kllokotit” në Viti dhe ndërmarrja “Përparimi” në Skënderaj janë dy ndërmarrjet e para që po privatizohen në këtë raund.


Metoda “spin-off” special
“Spin-off”-i special është njëra nga tri metodat që do të përdoren gjatë privatizimit të ndërmarrjeve shoqërore në Kosovë, krahas “spin-off”-it të rregullt dhe metodës së likuidimit vullnetar. Me “spin-off” special, në dallim nga dy metodat tjera, blerësit e ndërmarrjeve obligohen që të mbajnë në punë një numër të caktuar të punëtorëve dhe të paraqesin një plan biznesi në të cilin parashihen edhe zotimet për investimet që do të bëhen në ndërmarrjet e privatizuara.

[dodoni]

Besim Djaloshi - 24/09/2004

Importuesit peticion kryeministrit për ARMO

Grosistët më të mëdhenj të naftës, pas takimit ndërmjet tyre janë shprehur të gatshëm për të marrë pjesë në tenderin ndërkombëtar për privatizimin e 51 për qind të aksioneve të ARMO-së


Importuesit më të mëdhenj të hidrokarbureve pritet t’i dërgojnë sot një letër kryeministrit të vendit, Fatos Nano, për të riparë mundësinë e pjesëmarrjes së biznesit vendës në privatizimin e ARMO-s. Kjo për shkak se atyre u është mohuar e drejta për të marrë pjesë në tenderin e hapur ndërkombëtar për blerjen e 51 për qind të aksioneve të kompanisë së vetme përpunuese të naftës në vend, ARMO. Një fakt të tillë e bëri të ditur vetë kryetari i Shoqatës së Shoqërive Importuese të Hidrokarbureve, Viktor Nushi. Sipas tij, vendimi u mor pas një takimi që grosistët më të mëdhenj të naftës në vend patën ndërmjet tyre për të diskutuar rreth kësaj çështjeje. Pas bisedimeve ata arritën në përfundimin se përjashtimi i tyre nga tenderi ndërkombëtar është i padrejtë dhe për qëllime të caktuara. Për këtë ata do t’i dërkojnë një letër sot kryeministrit Fatos Nano ku të kërkojnë prej tij rishikimin e kushteve të vendosura nga Ministria e Ekonomisë. Vlen për tu theksuar fakti se kushtet që duhet të plotësojnë kompanitë për të marrë pjesë në tenderin ndërkombëtar janë të tilla që skualifikojnë në mënyrë automatike biznesmenët dhe importuesit shqiptarë. Prej tyre mund të përmendim se si kusht bazë është certifikata iso 9000, certifikatë e cila u jepet operatorëve pas një përvoje të gjatë në këtë fushë dhe përmbushjes së disa standardeve. Gjithashtu kompanitë e interesuara duhet të kenë edhe një kapital tërësisht të paguar prej 51 milionë dollarësh si dhe një bazë të kosoliduar prej jo më pak se 133 milionë dollarësh. Duhet të kenë një përvojë operimi trevjeçare në fushën e hidrokarbureve, nuk duhet të jenë të mbingarkuar me borxhe si dhe të paraqesin një kërkesë e cila të vërtetohet me certifikata zyrtare, të lëshuara nga autoritet përkatëse, ose me dokumente të tjera të shkruara zyrtare.


Lad Fisheku
Lad Fisheku, pronar i kompanisë “Fisheku” dhe aksioner në “Petrolimpex”, në lidhje me vendimet e fundit të qeverisë i vlerëson ato të padrejta. Sipas tij, vendosja e kritereve të tilla që përjashtojnë kompanitë vendëse nga pjesëmarrja në privatizim, bëhet në mënyrë të qëllimshme dhe për interesa të caktuara. Fisheku shprehet se ”nuk ka përse të vendosen kushte të tilla ku të përjashtohet biznesi vendës nga pjesëmarrja në privatizimin e kompanisë së vetme përpunuese të naftës në vend. Për më tepër, ndërmarrja e një hapi të tillë, vijoi ai më tej, dëmton rëndë biznesin vendës, ku numri i kompanivë te interesuara për të marrë pjesë në blerjen e ARMO-së është tepër i lartë. Gjithashtu ai shprehu gatishmërinë e tij për të marrë pjesë në tender për blerjen e 51 për qind të aksioneve të kësaj kompanie.


Cila është ARMO?
ARMO është një kompani, e cila është krijuar në prill të vitit 1999, nga ndarja e ish- ndërmarrjes së Albpetrolit. Kapitali themeltar i kësaj kompanie llogaritet të jetë rreth 5.3 miliardë lekë, shumë të cilës do t’i shtohen minimalisht edhe 1.5 miliardë lekë të tjera, kjo pas përfundimit të regjistrimit dhe vlerësimit të aseteve të kësaj shoqërie, të cilat janë të shpërndara pothuajse në të gjithë territorin e vendit. Është një kompani me kapital tërësisht shtetëror. Ajo ka si pronar Ministrinë e Ekonomisë dhe punon në varësi të Ministrisë së Industrisë dhe Energjetikës. Në bazë të kapitaleve që zotëron aktualisht kjo kompani, vlera minimale e çmimit me të cilin do të hapet tenderi ndërkombëtar për blerjen e saj është afërsisht 7 miliardë lekë. Konvertuar në dollarë kjo shifër kap vlerën e afro 65 milionë dollarëve amerikanë. Në vetvete ajo është e përbërë nga 2 rafineri, Ballshi dhe Fieri, me kapacitet përpunimi përkatësisht 1 milion dhe 0.5 milion tonë gazoil në vit. Në këto dy rafineri bëhet përpunimi i thellë i naftës dhe nënprodukteve të saj, siç janë benzina, vajguri etj.

[bebushe]

kot per kurjozitet sa esht nje aksion i Albtelekom ne Shqiperi dhe a ka njerez qe i blejne ato , a funksionon bursa Shqiptare apo akoma ?

[StormAngel]

Pyetje e mire bebushe.
A ka berza shqiptare web faqen e vete apo ... ?