1 milionë e gjysëm emigrantë nga Shqipëria në Greqi?
Qarkorja e ministrisë mbi emigrantët, Zeneli: Vendim i rëndësishëm
ATHINE (3 Qershor) - Qeveria greke ka miratuar një qarkore lidhur me rinovimin e dokumentave dhe lejeve të qëndrimit të emigrantëve shqiptarë. Sipas News24, ky vendim i qeverisë greke do tu japë mundësi shumë emigrantëve dhe familjeve të tyre të cilët kanë vite që punojnë dhe jetojnë në Greqi, të pajisen me leje qëndrimi. Në një intervistë dhënë News24 ambasadori shqiptar në Greqi, Zeneli e ka vlerësuar këtë vendim si tepër të rëndësishëm. Sipas tij, Ministria e Brendshme që drejton këtë proces do tu jap mundësi të gjithë emigrantëve që të pajisen me leje qëndrimi, duke krijuar qendra shtesë për shërbimin ndaj emigrantëve shqiptarë. Këtu përfitojnë të gjithë ata emigrantë që në bazë dekreteve të vitit 1998, nuk kanë mundur të kenë leje, dhe brenda 30 qershorit duhet të paraqesin dokumnetat dhe të pajisen me lejet e nevojshme. "Duket qartë se qeveria greke po karakterizohet nga një vullnet i qarte dhe angazhim politik me Shqipërinë. Nuk duhet përzier qëndrimi ilegal i disa emigrantëve të cilët nuk bëjnë gjë tjetër vetëm se vërtiten pa mundur të sigurojnë asnjë dokument të nevojshëm, me ata emigrantë të cilët punojnë dhe respektojnë ligjet e shtetit grek"-tha ambasadori Zeneli. Në Greqi aktualisht jetojnë dhe punojnë mbi 1 milionë e gjysëm emigrantë nga Shqipëria. bm/bm(BalkanWeb)
Nga na dalin këto shifra? Po sa milionë jemi ne shqiptarët?
Duke patur parasysh se janë edhe disa qindra mijë në Itali, Gjermani vendet nordike etj. i bie që në Shqipëri kanë mbetur rreth 200 veta!!!!????
Krijoni Kontakt