Arda Rei - fabrika më e re shqiptare

[dodoni]

Energoinvesti" filloi prodhimtarinë provuese Kosovë

Një nga fabrikat e para të privatizuara në Kosovë, “Arda Rei-Energoinvest”, në Prishtinë sot filloi prodhimtarinë provuese. Përurimin e këtij objekti, në të cilin do të prodhohen siguresat e tensionit të lartë dhe të ulët e bëri kryeministri i Kosovës Bajram Rexhep. Ai theksoi nevojën për vazhdimin sa më të shpejtë të procesit të privatizimit, i cili do të krijojë parakushte të domosdoshme për zhvillimin ekonomik dhe krijimin e vendeve të reja të punës.


Në solemnitetin e promovimit të kësaj fabrike morën pjesë kryeministri Bajram Rexhepi me ministrat në kabinetin e tij, Ali Jakupi e Et'hem Çeku, zëvendëkryeadministratori i Kosovës Çarls Brajshou dhe përfaqësues të partive politike e ata të zyrave të huaja në Prishtinë. Përurimi i kësaj fabrike është rezultat i punës së mundimshme për përmirësimin e kushteve të punës, hulumtimin e tregut, fitimin e përvojave të reja që sado pak do ta zbusë gjendjen sociale, tha me këtë rast drejtori i Kompanisë “Arda Rei”, Afrim Hetemi. Kryministri i Kosovës, Bajram Rexhepi shprehu kënaqësi që përuron një objekt në pronën e transformuar gjatë procesit të privatizimit që filloi mbarë, por që ngeci më se 8 muaj. Në këtë fabrikë u mbajtë edhe një seminar në temën “Energjetika në rajon”.


RTK


Procesi i privatizimit duhet të zhbllokohet sa më parë dhe të privatizohen gjithë ato fabrika që të zbusin papunësinë dhe të fillojnë një rritje sa më të madhe të ekonomisë shqiptare. Poashtu urojmë për sa më shumë investime në tokat shqiptare.