Arratiset drejtori i burgjeve

[ALBA]

Arjan Bylykbashi është shpallur në kërkim qysh nga 7 maji me akuzën “shpërdorim detyre”

Autori i Lajmit: TIRANË
TIRANË- Arratiset drejtori juridik i Drejtorisë së Përgjithshme të Burgjeve Arjan Bylykbashi i cili është shpallur në kërkim qysh nga data 7 maj. Lajmi është konfirmuar ditën e djeshme nga burime të policisë së kryeqytetit, dhe nga Drejtoria e Përgjithshme e Burgjeve. Burime të policisë pohuan se gjatë ditës së djeshme është ushtruar dhe një kontroll i imtësishëm në banesën e juristit Bylykbashi. Policia ka synuar të arrestojë Bylykbashin por nuk e ka gjetur në banesë. Po ashtu edhe telefoni celular i tij qëndron i fikur qysh nga e premtja e javës së kaluar, ditë, kur ai u shpall në kërkim me akuzën e shpërdorimit të detyrës. Bylykbashi është një nga juristët më të njohur dhe më me eksperiencë që ka punuar në sistemin e burgjeve pas viteve ’90. Ndërkohë policia e kryeqytetit ka shpallur kërkimin e tij në të gjithë vendin, pasi pretendon se prokuroria ka lëshuar një urdhërarresti për ekzekutim. Bylykbashi akuzohet se është i implikuar në skandalin lirimit të të dënuarëve nga burgu përpara se ata të përfundonin dënimin e dhënë nga gjykata.
I kërkuari
Ditën e premte policia e kryeqytetit është urdhëruar nga prokuroria që të kryejë arrestimin e shtetasit Arjan Bylykbashi, me detyrë, Drejtori i zyrës juridike në Drejtorinë e Përgjithshme të Burgjeve. Menjëherë policia ka shkuar në banesën e tij por nuk ka arritur ta gjejë. Qysh nga ky moment juristi me përvojë Bylykbashi është shpallur në kërkim në të gjithë vendin. Policia ka tentuar disa herë ta arrestojë por nuk ka mundur, edhe pse ka verifikuar banesat e disa miqve dhe të afërmve të tij. Burime të policisë së Tiranës pohuan se gjatë ditës së djeshme është ushtruar dhe një kontroll në banesën e Bylykbashit, por ai nuk është gjetur serish. Burime të policisë pohuan se Bylykbashi është vëllai i Kryetarit të degës së Partisë Demokratike për qytetin e Elbasanit.
Akuza
Zyrtarë të policisë pohuan se Bylykbashi akuzohet për shpërdorim detyre dhe si i implikuar në lirimin nga burgu i Rrogëzhinës të të dënuarit Festim Xhani. Për lirimin e këtij të dënuari është arrestuar edhe drejtori i burgut të Rrogozhinës Arqile Veliu, i cili tashmë ndodhet në qeli me masën e sigurisë së burgimit pa afat. Ndërkohë të njëjtat burime pohuan se kërkimi për Bylykbashin mund të ketë ardhur pas deklaratës së Ministrit të Drejtësisë Xhafa në media, kur pohoi se janë të paktën edhe 30 raste të tjera kur të dënuarit janë liruar nga burgu në rrethana të dyshimta. Gjithsesi mbetet që gjithçka të vërtetohet nga hetimi i mëtejshëm i prokurorisë, e cila do të zbardh përgjegjësinë e Bylykbashit, nëse ky i fundit gjendet fajtor. Bylykbashi bëhet kështu zyrtari i pestë i rëndësishëm i sistemit të burgjeve shqiptare që merret i pandehur për akuzën e shpërdorimit të detyrës.




Data e Publikimit: 13/05/2004

Ballkan

[tiranasi90]

dmth ky Bylykbashi paska qene Drejtor Burgjesh ne kohen e socialistave. dhe tani soristi Basha na can b* duke thone qe ka emeru teknike te PD. ptuuuuu ....!!!!! kellira ....!!!!



.

[Ciarli]

Bota eshte nje Burg i madh vlerash dhe normash dhe Njeriu eshte Zoti i saj!