Rreth 20 parti të cilat nuk kanë arritur të kalojnë pragun elektoral në zgjedhjet e fundit, janë të detyruara të kthejnë paratë e tyre për t'iu shpërndarë më pas partive të tjera. Në këtë mënyrë secila parti që nuk ka arritur të kalojë pragun 2.5 përqindshit është e detyruar të kthejë paratë. Me një votim pesë me dy KQZ ka vendosur që rreth 20 parti duhet të kthejnë paratë e marra për financimin e zgjedhjeve të 12 tetorit 2003. Sipas këtij vendimi, PDR, PLL, PBK, PDK, PKSH, PBLSH, konservatorët dhe 13 parti të tjera duhet t'i rikthejnë shtetit të gjitha së bashku 18 milionë lekë. Ndërkohë që Partia Demokratike është partia, e cila do të marrë më shumë rreth 11 milionë lekë të reja. Pas saj vjen Partia Socialiste, e cila përfiton rreth 5,2 milion lekë nga lekët e kthyera nga partitë të cilat nuk kanë kaluar pragun elektoral. Ndërkohë PLL është partia e cila do të kthejë më shumë para me rreth 2,1 milion lekë. Nga këto fonde do të përfitojnë gjashtë partitë fituese në zgjedhjet e fundit lokale të 12 tetorit të vitit të kaluar.
Nga ana tjetër nuk ka asnjë lloj mekanizmi, i cili detyron partitë, të cilat nuk kanë kaluar pragun që të kthejnë paratë, pasi dhe Kodi Elektoral ekzistues nuk e përcakton një gjë të tillë, gjë që rrezikon rishpërndarjen e parave. Në lidhje me këtë fakt ka ardhur dhe kundërshtimi i parë nga Partia Komuniste, e cila me anë të kryetarit të saj Hysni Milloshi ka deklaruar se megjithëse partia e tij nuk e ka kaluar pragun, nuk do të kthejë paratë e marra për zgjedhjet e fundit lokale të 12 tetorit. Një gjë të tillë ai e ka argumentuar me faktin se kjo nuk përbën një shkelje të kodit elektoral.
Tabela
Partitë që duhet të kthejnë paratë
PLL 2.074.653 lekë
PDR 692.308 lekë
PDK 1.541.377 lekë
PBK 1.189.945 lekë
PKSH 1.003.024 lekë
PPSH 813.781 lekë
PBL 1.627.209 lekë
PBKD 1.623.564 lekë
PBD 1.419.877 lekë
LKSH 735.427 lekë
PLPSH 715.501 lekë
PBKSH 697.357 lekë
P.Kons 715.906 lekë
PUK 717.067 lekë
PSKSH 723.088 lekë
PBDKSH 768.529 lekë
PPK 703.918 lekë
PESH 698.626 lekë
PLFSH 18.198 lekë
PSHA 10.422 lekë
PMP 3.726 lekë
Totali 18.493.503 lekë
Partitë që përfitojnë nga rishpërndarja e fondeve
PSSH 5.123.648 lekë
PD 11.033.662 lekë
PSD 0 lekë
PR 368.534 lekë
PAA 734.050 lekë
PDS 1.097.033 lekë
AD 0 lekë
PBDNJ 136.576 lekë
Totali 18.493.503 lekë
Krijoni Kontakt