Je ti si kjo grua ?

[Arrnubi]

Bëhu muslimane më e mirë!

* Lexoje Kur'anin dhe përpiqu që ta kuptosh atë. Kujto se All-llahu i Lartësuar të flet ty përmes Kur'anit dhe se ai është Fjalë drejt nga Ai! Në Kur'an ekzistojnë të përshkruar shumë lloje të njerëzve, tento që të analizosh se ku gjendesh ti... !
* Fale namazin për çdo ditë! Kjo është lidhje në mes teje dhe All-llahut dhe është një kontratë të cilën duhet t’a përmbushësh pesë herë në ditë. Nëse nuk e din përkthimin (shpjegimin) e sures el-Fatiha atëherë mësoje atë!
*Dije se Allahu është më i Madhi! Asgjë nuk mund të të ndodhë pa Lejen e Tij! Ai kontrollon çdo gjë! Ai Di dhe Sheh çdo gjë që veprojmë dhe çka mendojmë! Na njeh më mirë se kushdo tjetër... !
* Kryej vepra të mira të vogla! Pejgamberi (salAll-llahu 'alejhi ue sel-lem) thotë se:"veprat më të mira janë ato të cilat kryhen në vazhdimësi, edhe nëse janë të vogla". Fshieje veprën tënde të keqe me një të mirë!
* Pëpiqu të mësosh sa më shumë për Islamin dhe lexo shumë! Mos e harro edhe devotshmërinë (takvallëkun, frikën ndaj Allahut)... !
* Vizito ligjëratat islame, e mëpastaj mësoi të tjerët me atë që ke mësuar (shokët, prindëritë, motrat dhe vëllezërit...)! Gjithashtu duhet të kesh parasysh se kur je në shoqëri islame (qoftë edhe kur flitet për tema joislame), kjo mund të të forcoj dhe të zhvillon identitetin tënd islam!
* Mendo në atë se All-llahu i Lartësuar gjithmonë na vëzhgon dhe le të jetë kjo një pengesë që ti bëhesh e padëgjueshme! Synoje vetëm kënaqësinë e Tij!
* Bëhu e palëkundur në lutjet tuaja dhe në varësinë ndaj All-llahut dhe asnjëherë mos u ndal nga kërkesat prej Tij! Drejtoju Atij sa herë që të duhet ndihmë apo diç tjetër, Ai e din më së miri se çka ndien ti – nuk ke nevojë që të shqiptosh...vetëm kërkoje ndihmën e Tij!
* Bëj istigfar d.m.th. kërko falje nga All-llahu, sepse Ai është El-Gafur, Ai i Cili falë, i Vetmi i cili mund të të shpëtojë dhe ndihmojë... !
* Kjo jetë është e shkurtë! Mendo për fundin tënd dhe për atë se ku do të përfundosh pas kësaj...?!
* Në raport me njerëzit gjithmonë sillu sipas moralit (ahlakut) islam; jo për të fituar falendërimin e tyre, po për të arritur shkallë më të lartë te All-llahu i Madhërishëm!
* Dhe në fund, mos lejo që shejtani të të udhëheqë ty dhe ndjenjat tua; por përpiqu që të meritosh kënaqësinë e Zotit tëndë si dhe Xhennetin e Tij, të cilin ua ka premtuar besimtarëve të sinqertë...! 11/08/2003

[Arrnubi]

Bashkëshortja – shoku yt më i mirë!

Me martesë nuk fitohet vetëm bashkëshortja, por një botë krejtësisht e re. Që atëherë e deri në fund të jetës sate, gruaja jote do të jetë partneri, shoqëruesi dhe shoku yt më i mirë. Do të ndajë me ty momentet, ditët dhe vjetët tuaja. Do të ndajë me ty kënaqësitë dhe momentet e pikëlluara që ti i ke pasur, përpjetat dhe tatpjetat tuaja, do të ndajë me ty ëndërrat dhe frikën tënde. Kur je i sëmurë- ajo do të përkujdeset për ty. Kur të duhet ndihmë, do të bëjë çka të mundet për ty. Kur të keshë ndonjë fshehtësi, ajo do t’a ruaj atë. Kur do të keshë nevojë për këshillë, ajo do të t’a jap këshillën më të mirë.
Ajo çdo herë do të jetë me ty. Kur të zgjohesh në mëngjes, gjëja e parë që do të shohësh janë sytë e saj. Gjatë ditës, nëse fizikisht nuk mundesh të jeshë afër saj, ajo do të mendoj në ty dhe me gjithë zemër, shpirt dhe mendje do t’a lus All-llahun për ty. Kur të biesh në gjumë, gjënë e fundit që do të shohësh është ajo, bile edhe kur je në gjumë ajo do të jetë në ëndërrat tuaja. Thënë shkurtë, ajo do të jetë bota jote ndërsa ti e saj.
Përshkrimi më i mirë i afërsisë ndërmjet burrit dhe gruas të cilin unë e kam lexuar është ajeti kur'anor: "Ato janë prehje për ju, ashtu siç jeni ju prehje për to."(El-Bekare:187)
Me të vërtetë, burri dhe gruaja janë si teshat ndaj njëri tjetrit, sepse njëri tjetrit i ofrojnë mbrojtje, ngushëllim, strehim, përkrahje dhe të gjitha ato stoli të cilat veshja ia ofron njerëzve. Paramendoni udhëtimin në Alaskë pa rroba! Bëshkëshortet tona janë mbrotja jonë në rrugëtimin tonë të jetës.
Raporti në mes burrit dhe gruas është më i përsosuri nga të gjtha raportet ndërnjerëzore: përmban dashurinë dhe joshjen, intimitetin dhe afërsinë, mëshirën dhe dhembshurinë, paqen dhe qetësinë të cilat i kaplojnë zemrat e bashkëshortëve. Shpjegimi i vetëm i arsyeshëm për këto ndjenja më të mira është se kjo ëshë Vepër e All-llahut, subhanehu ue te'ala: " All-llahu krijoi për ju bashkëshorte nga vetë lloji juaj..."(Nahl:72)
Vetëm All-llahu, subhanehu ue te'ala, me Fuqinë, Mirësinë dhe Urtësinë e Tij mund të krijojë dhe të mbjellë në zemra këso ndjenja të bukura dhe të bekuara. Në të vërtetë All-llahu i Lartësuar i përkujton ata të cilët i kërkojnë shenjat e Tij në gjithësi, se këto shenja në zemrat e bashkëshortëve janë shenja të cilat duhet t’i udhëheqin njerëzit drejt besimit. I Lartësuari në Kur'an thotë:"Dhe nga Treguesit e Tij është se Ai krijoi për ju gra nga vetë ju, që ju të mund të gjeni prehje tek to dhe Ai vendosi mes jush dhembshuri dhe dashuri. Vërtetë që në të ka tregues të qartë për popullin që vërtetë e vret mendjen."( Er-Rum:21).
Mirëpo, All-llahu i Lartësuar e dinë se zemra e njeriut nuk është statike, se ndjenjat ndërrojnë, se dashuria mund të zbehet dhe gradualisht të humbet! Lidhja bashkëshortore dobësohet nëse nuk i kushtohet shumë kujdes! Lumturia në martesë nuk mund të merret si gjë e garantuar, sepse lumturia e qëndrueshme kërkon dhënie dhe heqje dorësh të dyanshme.
Përkujtoni se Pejgamberi ynë (salAll-llahu 'alejhi ue sel-lem) gjeti kohë që me gruan e tij Aishen r.a.të shkojë në shkretirë dhe të vrapojnë. Përkujtoni se Pejgamberi ynë (salAll-llahu 'alejhi ue sel-lem) e priti gruan e tij, derisa ajo i shikonte Abesinët e rinj që po luanin vallet e tyre popullore.
Shfaqja e ndjenjave është e domosdoshme nëse dëshirojmë që t’a ruajmë lidhjen tonë bashkëshortore nga shembja dhe prishja. Përkujtoni se do të shpërbleheni nga All-llahu i Lartmadhëruar për çdo ndenjë të shfaqur ndaj gruas suaj, sikurse thotë Pejgamberi (salAll-llahu 'alejhi ue sel-lem):"Njeriu do të shpërblehet për çdo gjë që bënë duke kërkuar kënaqësinë e Allahut, bile edhe për kafshatën e ushqimit të cilëne vendos në gojën e gruas së tij."
Asnjëherë mos i nënvlerësoni gjërat e imta dhe të vogla, siç është vendosja e ushqimit në gojën e gruas, hapjen e derës së automobilit gruas sate etj. Pejgamberi (salAll-llahu 'alejhi ue sel-lem) e shtriu gjurin e tij që ti ndihmojë gruas së tij për të hypur në devë. Përpiquni të gjeni kohë që të faleni së bashku. Forcimi i lidhjes suaj me All-llahun është garancë më e fortë, se lidhja e juaj bashkëshortore do të jetë e fortë dhe rezistente.
Përpiquni vazhdimisht që me fjalët dhe veprat tuaja të jeni të mirë ndaj gruas suaj. Flisni me të, qeshuni me të, kërkoni këshillë dhe mendim nga ajo, me të kaloni kohë të bukur dhe gjithmonë keni parasysh fjalët e Pejgamberit (salAll-llahu 'alejhi ue sel-lem): “Më të mirët nga ju janë ata që janë më të mirët ndaj grave të tyre"!

[Arrnubi]

Kush eshte si kjo grua do ta marr per nuse

[ILMGAP]

Po në këtë temë pse nuk ka përgjigje ... ?!!!