BBC: Statistika të migracjonit global

[StterollA]

Gjatë më shumë se 15 vjetëve të fundit numri i njerëzve që kanë kaluar kufirin në kërkim të një jete më të mirë, është rritur në mënyrë të vazhdueshme.

Në fillim të shekullit të 21, një ndër 35 njerëz është migrant ndërkombëtar. Nëse të gjithë këta do të jetonin në të njëjtin vend, ky do të ishte vendi i pestë në botë për nga popullsia.

[StterollA]

Migracioni global prek çdo vend - këto vende janë ose vendet e origjinës, tranzit dhe/ose destinacion për migrantët.

E ndërsa shumica e vendeve të emigracionit janë në botën në zhvillim, jo të gjitha vendet e imigracionit janë vende të zhvilluara.

Vlerësohet se në vitin 2000, vendet e industrializuara perëndimore do të thithin 40% të migrantëve të botës.

[StterollA]

REFUGJATËT: PREJ NGA VIJNË


Shumica e tyre që kanë lënë vendet e tyre, apo janë duke planifikuar ta bëjnë këtë, janë të motivuar nga dëshira për të patur një jetë më të mirë. Por ka gjithashtu miliona njerëz që janë detyruar të migrojnë për shkak të persekutimit.

Në fund të vitit 2002, 10.4 milion njerëz në të gjithë botën kishin marrë statusin e refugjatit, sipas Komisionerit të Lartë të Kombeve të Bashkuara për Refugjatët.

Një milion të tjerë aplikuan për azil në të njëjtën vit, apo kanë pritur për një përgjigje.

(Këto shifra nuk përfshijnë 4.1 milion refugjatë palestinezë që janë nën kujdesin e Agjencisë së Kombeve të Bashkuara për Ndihmën.)

Në 2002, numri global i refugjatëve u ul me 1.5 milion, krahasuar me një vit më parë. Kjo, për shkak se një numër personash të shpërngulur u kthyen në shtëpitë e tyre, shumica në Afganistan. Megjithatë afganët, përbëjnë numrin më të madh të refugjatëve.

[StterollA]

REFUGJATËT: KU SHKOJNË


Më shumë se 140 shtete janë palë në marrëveshje ndërkombëtare, në bazë të të cilave ato kanë detyrime të mbrojnë ata që janë njohur si refugjatë.

E ndërsa debati global lidhur me refugjatët ka tendencën të përqëndrohet në vendet mikpritëse perëndimore, disa vende të Afrikës dhe Azisë shpesh herë strehojnë një numër të madh refugjatësh. Disa prej tyre, si Pakistani, nuk kanë nënshkruar marrëveshje ndërkombëtare.

Shumica e shteteve i kanë shtrënguar politikat e azilit, një lëvizje kjo, që sipas OKB-së ka ulur shifrat e pranimit të azilit.

Kliko në hartë për të parë situatën në 10 vendet më të mëdha mikpritëse të refugjatëve.

• Armenia: 250 000 refugjatë
  
  Vlerësohet se 360 000 refugjatë jetojnë në Armeni. Shumica e tyre janë armenë etnikë që janë larguar nga Azerbajxhani gjatë luftës së viteve 1988-1993, e cila u bë për shkak të pretendimeve mbi rajonin Nagorno-Karabakh.
  
  Shumica e refugjatëve kanë të drejtën për të patur nënshtetësi armene, dhe ata janë integruar në masë në shoqërinë armene. Në vitit 2004, numri i refugjatëve nga Azerbajxhani që morën nënshtetësi armene, shkoi në 65 000.
  
  
• Republika Demokratike e Kongos: 330 000 refugjatë
  
  Sipas statistikave për vitin vitin 2002, Republika Demokratike e Kongos, u bë vendi mikëpritës për rreth 400 000 refugjatë dhe azilkërkues. Megjithë luftën civile në vend, dhunën etnike, prezencën e trupave të huaja, dhe një krizë ekonomike, refugjatët - shumica nga Angola, Sudani, Burundi dhe Uganda - vazhduan të kapërcejnë kufirin në RD Kongo.
  
  Kushtet humanitare për refugjatët, dhe për 2 milion njerëzit e shpërngulur brenda vendit janë përshkruar nga Kombet e Bashkuara.
  
  Që prej marrëveshjes së paqes të nënshkruar në vitin 2003 UNHCR ka punuar me qeveritë e tranzicionit për të rregjistruar numrin e madh të refugjatëve me qëllim riatdhesimin e tyre.
  
  
• Gjermania: 980 000 refugjatë
  
  Gjermania ka numrin më të madh të refugjatëve në Evropën Perëndimore. Në dhjetor të vitit 2002, më pak se një milion shtetas të huaj ishin strehuar në Gjermani për arsye humanitare. Shumica e tyre janë nga ish-Jugosllavia, Turqia, Iraku dhe Irani. Por numri i azilkërkuesve ka rënë me 50 përqind pas kufizimeve që u vendosën në vitin 1993.
  
  Të gjithë azilkërkuesit janë të vendosur në qendrat e pritjes për deri në tre muaj, dhe nuk lejohen të punojnë. Ata marrin në dorë vetëm 38 dollarë në muaj. Përfitimet e tjera janë materiale.
  
  
• Irani: 1 300 000 refugjatë
  
  Në Iran ka rreth 1.3 milion refugjatë, sipas një raporti të botuar në vitin 2003 nga UNHCR. Rreth një milion prej tyre janë afganë, ndërsa numrin tjetër më të madh e përbëjnë irakianët.
  
  Qeveria, sipas organizatës Human Rights Watch, është "kritikuar gjithnjë e më shumë sepse ka strehuar një numër kaq të madh refugjatësh në një kohë që nuk ka interes ndërkombëtar, mbështetje financiare apo ndarje të vështirësive ".
  
  Në vitin 2001, kufizimet e vendosura në ligjin për punësimin e refugjatëve, u bënë edhe më shtrënguese. Në të njëjtin vit, qeveria dhe UNHCR-ja vendosi të rregjistrojë miliona refugjatë, duke u njohur atyre statusin në Iran.
  
  
• Pakistani: 1,200,000 refugjatë
  
  Vlerësohet se rreth 1.2 milion refugjatë jetojnë në Paksitan - shumica e tyre janë afganë. Rreth 1.1 milion refugjatë jetojnë në 200 kampe refugjatësh dhe në zona të banuara rreth Pakistanit. Që prej muajit mars 2002, rreth 1.8 milion refugjatë afganë u kthyen në shtëpitë e tyre.
  
  Armiqësia ndaj refugjatëve njoftohet se është përhapur. Deri në 2001, Pakistani kishte refuzuar të lejonte rregjistrimin e refugjatëve të rinj, duke penguar kështu aftësinë e Kombeve të Bashkuara për të sjellë të ardhur të rinj. Por pas një marrëveshjeje të arritur mes Islamabadit dhe OKB-së, afganët që u cilësuan si nevojtarë, u lejuan të qëndrojnë përkohësisht në Pakistan.
  
  
• Serbia dhe Mali i Zi: 350,000 refugjatë
  
  Në fillim të vitit 2003, ish-Jugosllavia strehoi rreth 350 000 refugjatë, shumica e të cilëve serbë etnikë që iknin nga Kroacia dhe Bosnjë-Hercegovina mes viteve 1991-1995 gjatë luftërave ballkanike.
  
  Rreth 1 700 refugjatë nga Maqedonia, shumica shqiptarë, jetojnë në Kosovë. Ata u larguan nga vendi i tyre gjatë luftimeve në 2001 mes shqiptarëve etnikë dhe forcave maqedonase të sigurisë.
  
  Serbia dhe Mali i Zi strehojnë numrin më të madh të refugjatëve në Evropën Lindore. Jo të gjithë refugjatët kanë të drejtë të përfitojnë nga shërbimet sociale.
  
  
• Sudani: 330 000 refugjatë
  
  Mbi 287 000 refugjatë jetonin në Sudan deri në fund të vitit 2002. në këtë shifër përfshihen rreth 280 000 nga Eritreja, 5 000 nga Uganda dhe mbi 2 000 nga Etiopia.
  
  Kushtet humanitare në Sudan prej kohësh vlerësohen si më të këqijat në botë. Njëzet vjet luftë bënë që të shkatërrohen infrastruktura dhe shërbimet publike. Agjencitë e ndihmës prej kohësh e akuzojnë qeverinë sudaneze se po pengon përpjekjet për dhënien e ndihmës atyre që kanë nevojë.
  
  
• Tanzania: 690 000 refugjatë
  
  Tanzania ka strehuar rreth dy milion refugjatë gjatë 20 vjetëve të fundit, megjithëse së fundi ka treguar gadishmëri për të riatdhesuar shumicën e tyre.
  
  Shifrat e bëra publike nga UNHCR për vitin 2002 tregojnë se numri i refugjatëve nga Burundi, Republika Demokratike e Kongos dhe Ruanda ishte 690 000. Shumica e refugjatëve jetojnë në kampe dhe nuk lejohen që të punojnë.
  
  Ashtu si shumica e vendeve të tjera afrikane, Tanzania pranon konceptin e gjerë të refugjatit, që përfshin ata që largohen nga lufta apo trazirat civile, pavarësisht nëse janë në gjendje të provojnë nëse shqetësimet e tyre dhe frika ndaj persekutimit, janë të bazuara.
  
  
• Shtetet e Bashkuara: 485 000 refugjatë
  
  Megjithëse i kanë forcuar ligjet për azilin, pas sulmeve të 11 shtatorit, SHBA-ja është përgjegjëse për rishpërndarjen e refugjatëve në të gjithë botën.
  
  Azilkërkuesit duhet të aplikojnë me shkrim brenda një viti nga koha e vendosjes së tyre në SHBA. Azilkërkuesit nuk lejohen të punojnë në kohën që aplikimi i tyre është në proces e sipër. Kur e fitojnë të drejtën për azil, ata mund të fillojnë të kërkojnë një punë dhe mund të aplikojnë për statusin e banorit të përhershëm një vit më vonë.
  
  Në muajin mars 2003, SHBA njoftoi se do të mbante në izolim azilkërkuesit nga Iraku dhe 33 vende të tjera ku amerikanët besojnë se veprojnë Al-Kaeda dhe grupe të tjera militante. Azilkërkuesit nga vendet e përshkruara mbahen në izolim gjatë të gjithë kohës ndërsa aplikimi i tyre merret në shqyrtim.
  
  
  
  

[StterollA]

PUNA E MIGRANTIT


Imigrantët formojnë një pjesë të rëndësishme të forcës punëtore në shumicën e vendeve të industrializuara.

Sipas organizatës për Bashkëpunim dhe Zhvillim Ekonomik, (OECD) ka një interes në rritje për rekrutimin e punëtorëve të tjerë imigrantë në këto vende dhe kjo, për shkak të plakjes së popullsisë në vendet e industrializuara.

Shumica e vendeve të industrializuara janë duke u përpjekur të tërheqin punëtorë të huaj profesionistë.

[StterollA]

PARATË E DËRGUARA NË SHTËPI


Paratë që çohen prej migrantëve në vendet e tyre të origjinës, janë një burim në rritje financimi nga jashtë për vendet në zhvillim.

Të ardhurat nga jashtë, janë burimi i dytë i madh i të ardhurave, pas investimeve dhe financimeve të huaja për këto vende.

Në vitin 2001, të ardhurat nga jashtë në këtë formë për vendet në zhvillim ishin gjithsej 72.3 miliardë dollarë.