Moisiu jep urdher te vriten qente e Biznesmenit Roche

[Brari]

Pra sic thot Kosovari e lem kte muhabet se na shkoj vera pa bo nji dit plazh prej Roshit.lol.

Ilir Zhilla merr detyren dhe 5 dit.

Te shohim cdo na thote.

[Agim Doçi]

BASHKËFORUMAS!
Mos u nxitoni!
1. Julien La Roche është oficer i lartë i Dousiem Byrosë - Shërbimit sekret francez!!! Për këtë faktet janë në arkivat e shërbimit kombëtar shqiptar!
2. Ka punuar me KLANIN e Hysni Kapos dhe me trafiqet e MARLBOROS që kishin menazher Qazimin.....
3. Themeloi me djalin e Hysni Kapos inxhinier Besnik Hysni Kapo dhe me një shqiptar që pasi u bë miliarder u fut në burg Marsel Skëndo kompaninë ADA -me konsulentë Gramoz Pashkon dhe Genc Rrulin!
4. ADA Company u sistemua nga Ramiz Alia dhe Muhamet Kapllani (asokohe Ministër i jashtëm) në Vilat Rezidenciale të Bllokut Durrës, duke marrë ekskluzivitetin e peshkimit të KORALIT TË KUQ (që kushton më 10 herë më shumë sesa droga). I gjithë bregdeti shqiptar është plaçkitur nga mafiozët e detit! Ka protestë në Ministrinë e Jashtëme nga zotri Abdi Baleta dhe disa deputetë të Kuvendit popullor në vitin 1991 që të hiqet ADA prej Shqipërie! Nuk u zbatua ky vendim!
5. ADA ka marrë ekskluzivitetin e fluturimeve ajrore të Republikës Shqiptare duke kryer edhe "shërbime" të tjera!
6. Në Vilën e këtij "fisniku francez" që DIKUSH na e bëri me origjinë shqiptare, përveç drekave, darkave, banketeve, suareve dhe festave të tjera ku fatkeqsisht merr pjesë edhe i Madhi Kadarè (ndoshat u pëlqen guzhina franceze) me moskokçarjen më të madhe nga ESKORTAT e Julien la Roche, nga qentë e tij dhe zagarët e tij, DEMONSTROHET SHPËRFILLJA MË E MADHE NDAJ QEVERITARËVE TË SHTETIT SHQIPTAR!
Për mua nuk ka rëndësi se kujt partije i përket, por kryeministri i Shqipërisë, apo Presidenti i Shqipërisë janë FIGURAT më të nderuara që DUHET TI NDEROJMË!
Nuk e kuptoj përse kaq tifozllëk për të përgojuar kreun e shtetit dhe për të shprehur me aq zjarr respektin për takëmin e Julienit apo kujtdoqoftë! Kujtoni se i ha barku Julien La Roche ndaj rri në Shqipëri! A të zezstë ju! Ai fiton, përfiton dhe mashtron duke përfituar se atje nuk ka shtet që ti tregojë vendin!
Gjeneral Alfred Moisiu - nuk u bë Burrë i Mirë se u zgjodh President aktualisht me KONSESUS! Ai ka qenë, është dhe do të mbetet një Shqiptar i Denjë, Bir i një Familje të nderuar Atdhetarësh, ai do ti shërbejë atdheut me përkushtim e ndërgjegje shumë herë më mirë sesa Hoxha, Alia, Berisha apo Mejdani!
Më vjen keq për qentë e francezit që janë blerë 15.ooo franga njëri, ndërsa DINJITETI i Kryetarit të Shtetit Shqiptar për "disa" vlen O franga! Sa keq! Sa turp!
Janë pikërisht "ata" që helmuan qenin e Ramizit, që i fryjnë nëpër gazeta komunistoide dhe fashistoide "skandaleve" të tilla!
Nukka asnjë vend në botë, ku në Rezidencat Presidenciale, Qeveritare apo Diplomatike të rrojnë tok QENTË dhe PERSONALITETET!!! Kjo ngjet vetëm në Albani!
Ngushëllime familjeve të qenërve francezë
Ngushëllime Shoqatës të Mbrojtjes së Qenve të Biznesmenëve!
Ngushëllime Dan Everts-it dhe shyqyr që i ka shpëtuar Bubè apo Bubu, qeni hamshor i La Roche që ka patur detyrë të PËRMIRSOJË RACËN E QENVE TË OSBE-së!
Agim Doçi

[Vinny_T]

Per Agim Doçin,
Me vjen keq po e ktheve kete teme nga nje xhest te kundra ligjshem te Moisiut ne nje autobiografi te francezit qe kishte qente!! Nuk kuptoj ç'rendesi ka e kaluara e francezit me xhestin e jashteligjshem te nje presidenti te ardheshem!! Nqs eshte ashtu si thua ti dhe ky francez na qenka jashte ligjit, organet kompetente le te marrin masat e duhura e ta denojne si e parashikon ligji shqiptar. Shteti Shqiptar ka nje ligj si çdo shtet tjeter dhe ai eshte mbi çdo gje.
Dhe sa per ngrenjen e barkut te Julient nuk eshte problemi im, un shof vetem se ndermarjet qe ai drejton punesojne mbi 2 mije vete dhe me to jetojne mbi 2 mije familje shqiptare. Julieni eshte biznesmen dhe ben biznesin qe deshiron brenda ligjit sigurisht, kurse Moisiu eshte i zgjedhur nga populli dhe paguhet nga populli dhe per kete duhet te jete i pergjegjeshem per xhestet qe ben.
P.s Mos deformojme temat se ne kete forum po te kritikosh dike do fillojne te kritikojne ata qe jane ne opozite me kete person!! Tema

[Vinny_T]

Per Agim Doçin,
Me vjen keq po e ktheve kete teme nga nje xhest te kundra ligjshem te Moisiut ne nje autobiografi te francezit qe kishte qente!! Nuk kuptoj ç'rendesi ka e kaluara e francezit me xhestin e jashteligjshem te nje presidenti te ardheshem!! Nqs eshte ashtu si thua ti dhe ky francez na qenka jashte ligjit, organet kompetente le te marrin masat e duhura e ta denojne si e parashikon ligji shqiptar. Shteti Shqiptar ka nje ligj si çdo shtet tjeter dhe ai eshte mbi çdo gje.
Dhe sa per ngrenjen e barkut te Julient nuk eshte problemi im, un shof vetem se ndermarjet qe ai drejton punesojne mbi 2 mije vete dhe me to jetojne mbi 2 mije familje shqiptare. Julieni eshte biznesmen dhe ben biznesin qe deshiron brenda ligjit sigurisht, kurse Moisiu eshte i zgjedhur nga populli dhe paguhet nga populli dhe per kete duhet te jete i pergjegjeshem per xhestet qe ben.
P.s Mos deformojme temat se ne kete forum po te kritikosh dike do fillojne te kritikojne ata qe jane ne opozite me kete person!! Tema ishte "dikush qe ben nje veprim te jashte ligjshem" e jo çfare eshte bere qe prej 15 vitesh ne Shqiperi!! Nqs shkojme me kete llogjike nuk mund te kritikojme dot me asgje !!
Pershendetje

[Breshka]

Meqenese tema eshte akoma shume aktive ndoshta ne duhet ta shikojme
"ndodhine" ne nje kend tjeter veshtrimi.
CILI ESHTE ROLI I QENIT NE SHQIPERI?
A eshte per shqiptaret nje kafshe e zakonshme, apo nje pet i dashur
dhe i pa ndare nga njeriu, qeni?!
Kjo mendoj se eshte shume e rendesishme, pasi tregon dhe afinitetin
dhe "dashurine" qe ne trashigojme per kafshen e gjore.
Fjala vjen se nese z.Moisiu do te kishte dhene urdher per "te eleminuar"
nje mi apo qelbes nuk besoj se gazeta e kuqe do ta quante prone
te pederastit francez, por kemi te bejme me QEN.
Atehere po sqaroj per pederastin francez se qeni per ne shqiptaret
nuk eshte pet dhe nuk ka ndryshim nga nje qelbes. Ata jetojne ne
gazane plerash dhe bashkite e ndryshme kane nje plan vjetor te
rregull per vrasjen e tyre sepse i cajne b**** qytetarve.Kushdo
qe vret nje, dorezon kater kembet dhe i japin pike tek klubi i
gjuetise. Bile froncezi dhe ata qe e perkrahin, duhet te dine
qe e vetmja race qeni qe ekziston ne shqiperi, eshte raca BASTARD.
Nese ai koleksionist qejsh nuk e njeh kete rrace, po i sqaroj se
kjo race krijohet kur qejt "perdhunojne" cte gjejne, bile dhe mace
dhe dele. Ka bile dhe qen gay, ooo kete ai duhet ta dij.
Ne kulture e popullit tone nuk di te kemi ndonje tradite per
kafshet ne pergjithesi dhe per qejte ne vecanti, dhe me sa di
une kultura e nje populli respektohet, aq me teper nga nje i huaj
qe po trash qafen " me bamirsine" e tij me punetoret shqiptar.
Kur gjate lojrave olimpike dimerore nje komentator i nje kanali
televiziv shume prestixhoz amerikan, beri gallate me nje atlet
Koreano Jugor pasi u eliminua, se do shkonte ne Seul e do hante
nje supe te ngrote qeni, gati gati u be skandal dipllomatik
sepse ministria e jashme koreane kerkoje te respektohet kultura
popullore koreane qe ne vend te gjelit te detit, hane qenin.
I kerkuan te falur.
Keshtu o miq lejeni kete muhabet se po vjen ere qeni. Dhe ne
kulturen tone shqiptare do te thote ere m***.

Pershendetje

[Vinny_T]

Je komplet jashte teme Breshka ke shkrojtur 30 rrjeshta e nuk ke permendur nje here eshte apo jo shkelje ligji ti vrasesh tjetrin kafshen ne shtepine e tij!! Po sikur ti vrasesh katunarit ne shpine vet lopen qe e mban me qumesht dhe me te jeton ça do thonit?! Cfare lidhje ka i zoti me kafshen e tij shtepiake eshte problemi i tij dhe jo i joni, lidhaj mund te jete sentimentale , ekonomike pune ete zotit te kafshes. Po e perseris dhe nje here tema ishte A ka te drejte njeri me te dhunuar pronen private ne Shqiperi pas pas autorizimin e gjykates (qofte dhe president i ardheshem ky njeri apo jo) vetem kaq. Po ça sexi i perket francezi e ça race i ka qente jap teme tjeter nqs deshiron po me duket se ska te beje fare me temen. Nqs ti je duke gjetur "argumenta" per te mbrojtur xhetin e paligjshem te Moisiut atehere eshte pune tjeter po me i kalu te gjitha problemeve terthorazi nuk me duket interesante.
Pershendetje

[Breshka]

Me vjen keq or mik se nga 30 rreshtat e mi ti nuk pase kuptuar asgje.

Pershendetje

[Agim Doçi]

Sinqerisht jam mik i madh i kafshëve! Të betohem më vjen keq për ato kafshë të mjera! Vrasja e qenve të rracës, apo të qenve "vagabondë" për mua është njësoj!
Pra njësoj si të vrasësh Avni Rustemin, si të vrasësh Esad Toptanin, apo jo!? ë?......
Është për ty o Vini Tëja NJËSOJ!?
Qeni bën ham, ham! Pushka bën pam, pam!
Vini Tëja të kam xhan!

A të kujtohet një poezi për fëmijë:

Pam, pam, pam!
Pushkën e kam!
Vras e dërmoj
Armikun e shkatrroj!


Agim Doçi

[Brari]

si qenka puna kti Roshes..

Me kujtohet vite perpara plasi bregu detit u mush me paketa te huaja cigaresh.
ashtu te lagme i ka pi mileti.

Thx per skjarimet Agim.

[Agim Doçi]

Flm, por ka edhe më!
Janë hedhur në sulm kundër gjeneral Alfred Moisiut sepse është nacionalist dhe Vendosës Regulli!
hajt, hajt se ua tregon mirë samarin komunistave ai!
Agim

[Dita]

4 faqe diskutim per nje qen!

Te nderuar ka tema te tjera per te diskutuar Shqiperia.

Nga faqja qe ka vendosur Kosovar ketu, po sjell me te emblen e fotografive. Me kete rast i jepni temes edhe nje fund.

[Vinny_T]

Alfred Moisiu ka 50 vjet komunist dhe ne kohen e Enver Hoxhes jo gjeneral po dhe brigadier ste bente njeri po mos ishe komunist.
Po keshtu eshte kur u jepet ne dore Shqiperia komunistave per te na shpetuar nga komunizmi!! Nje njeri qe eshte rrit e brymosur me komunizem, qe ka ngrene komunizem mengjes dreke e darke , biles dhe naten sma do mendja se mund te behet demokrat. Po dhe si me lart me duket se keni pak miopi mbi gjendjen e vertete dhe problemet, dhe per ti kapur nuk merrenin me thelbin e problemit po mundoheni te gjeni gjera anesore me jystifiku dhe te pajystifikushmen!
Sa per francezin po jua perseris qe eshte biznesmen dhe e ka pas mire me te gjitha partite ne fuqi e si bije ne mendje per politiken. Kur qeveriatet shqiptare kane qen qesharake dhe su hapte deren asnje qeveritar ne evrope (perveç grekeve dhe italianeve dhe ata e benin nga halli i klandestineve qe u zinin deren) francezi ka organizuar ne shtetin e tij takime me presidentin francez si dhe me kryeministrin, ne te njeten kohe ambasadorit tone ne France i eshte dhene pergjigje negative.
Keshtu qe boll me nacionalizmat tuaja idjote dhe me paranoikaun tuaj me keq se Enver Hoxha se nga do qe shkojme na ndjek nga pas! Na duket sikur te gjithe nuk na duan( hajde merre vesh ça kane me ne !!) te gjithe duan te na vjedhin ( ne 5 vjet banka boterore ka dhene rreth 500 milione $ per shqiperine dhe KE me shume dhe kur dihet qe 25 % jepen nga Franca....)çfare te vjedhin ne nje vend ku dhe gure nuk ka me vjedh?! Per te vjedhur vjedhim veten te gjithe se te gjithe marrim pjese ne ate sistem te korruptuar, te gjithe preferojme tu japim policeve 500 lek ne dore ne vend qe te paguajme si duhet nje gjobe 2000 lekeshe!! Pastaj te gjithe qajme ketu se eshte shtet i koruptuar! Mjaft me hipokrizira dhe jini realist. Ai qe ben nje xhest te jashteligjshem te denohet e pike, e jo te justifikohet pambarim nje xhest qe eshte i pafalshem.
Thelbi eshte nje president kur shkel ligjin per diçka kaq te vogel e te thjeshte per tu zgjidhur nepermjet ligjit, imagjino seç mund te bej me gjera qe populli si kontrollon dot!

[Agim Doçi]

U themelua Shoqata "Karvani lehë, qent ecin përpara" me kryetar
shokun Tosi llapangjosi!
Agimi

[Anton]

Qentë e Zhyljenit

Vizitë tek vila e Zhyljen Roshit në Durrës. Kush është kavajsi që kujdeset për vilën e Zhyljenit dhe si e njohin banorët e rastësishëm të bllokut atë. A i kanë vrarë vërtet qentë rojet e Mosiut? Të gjitha detajet nga një vizitë në rezidencat e qeveritarëve

Altin Xhaferi

Qeni i bardhë leshator nuk gjendej. As sa për të na bindur për të kundërtën e asaj që është thënë këto ditë se është ende gjallë. I vetmi simbol i vilës së biznesmenit të vjetër francez në Shqipëri, Zhyljen Rosh, i kthyer në personazh nga gazetat shqiptare, ishte shëndoshë e mirë. Roja i vilës, një kavajas rrumbullak, të cilit Zhyljeni i ka besuar çelësat e vilës së tij, na siguroi se qeni është mirë dhe ka dalë diku aty rrotull. Kavajsi banon në katin e sipërm, ku janë nderur aq shumë të brendshme, sa thua në atë vilë bëjnë dush gjithë burrat e bllokut të vilave. Por për këtë, hëpërhë askush nuk mund të të japë një përgjigje të besueshme. Së bashku me kolegun tim fotoreporter, sillemi rreth vilës me shpresë se do të ndeshim qenin e famshëm të bardhë. Të endesh në kërkim të qenit nuk është një gjë e lehtë. As e bukur, natyrisht, në këtë kohë kur qentë janë shtuar kaq shumë. Rrugica e vetmuar e bllokut të vilave, megjithëse është mes korriku, të cingëris nervat me qetësinë e shtirur të saj. Duket një lloj qetësie e përjetshme që nuk dihet kur ka filluar, ashtu siç nuk dihet kur do të mbarojë. Një qetësi me misterin brenda. Dhe me pak ankth. Kështu ka qenë përjetësisht. Qetësinë mund ta prishin vetëm qentë. Disa gra të inatosura me dikë që u ka dhënë një urdhër të pakëndshëm, po sillen dy vila më tutje vilës së Zhyljenit dhe po mallkojnë. Duken të trimëruara. Shkak është bërë djali i presidentit Meidani, i cili paska ardhur befas në vilë dhe ato nuk e paskan bërë gati. Gratë shajnë nën zë ashtu siç shahen njerëzit në prag të ikjes. Gjithë mllefin e ditëve me përulje, sikur duan ta derdhin brenda një dite, madje brenda një çasti.

-Ku dinim gjo ne or çun, se do vije ti. Ne bëjmë ç’na thonë. Na gjeni ne ju dhe bërtisni. Shkoni pra, ua thoni shefave. Ne 100 mijë lekë marrim. S’na dalin as për bukë. . .

Por djali duket se e ka tjetër kund inatin. Atij cdo pakujdesi në këto ditë të fundit i duket se bëhet enkas për ta poshtëruar.

Gratë më shumë se të shqetësuara, ngjanin të trimëruara. Djali i ish- presidentit i paska fyer, duke u thënë se “ju tani kujdeseni vetëm pë presidentin Moisiu, por ta dini mirë se kjo vilë për pesë vjet do jetë e jona”. A thua se po nuk qe vilë e Meidanëve, do të jetë e grave që shërbejnë aty. Sikur s’ka qënë e tyre më parë. Gratë e nxehura, janë zhurmueset e vetme të rrugicës së qetë që bashkon vilën e presidentit me vilën e Zhyljen Roshit. Vila përballë ka një kotec të vogël pulash, ku një biznesmen i rrit ato “për qejf”, se mishi i pulës që importon nga jashtë një mik i tij, është i skaduar. Në këto kohëra, shëndeti është bërë gjë e çmuar. Ushtarët e gardës që rrinë para vilës së Meidanit, janë të heshtur. Thua se po bëjnë roje nderi para një varri dhe jo shërbimin e zakonshëm. Janë të rinj dhe ende s’ia kanë marrë dorën hileve të shërbimit. I pyesim për qenin e Zhyljenit. Nuk flasin. As qerpiku nuk u lëviz. A thua se s’kanë pasur të bëjnë me qenë tërë këto kohë. Kolegu im më bie me bërryl, duke më kujtuar se po e teprojmë me ushtarin. Sa bëjmë të largohemi, ai flet. ‘Kaloi këtej”, tha duke na treguar një ndërtesë që po ngrihet në mes të vilave.

-Andej? - iu ktheva, duke i treguar skelën me punëtorë në fund të rrugicës.

-Andej, - pohoi ushtari.

Të shkujdesur, por dhe gjithë kureshtje për qenin e Zhyljenit, ua ndërpresim për pak minuta punën punëtorëve të vilës në ndërtim, që tregohen të gatshëm të na sqarojnë për gjithçka.

-Qenin e Zhyljenit kërkojmë, - i them.

-Qenin e Zhyljenit? Po Zhyljeni ka shumë qenë, - foli njëri. Vetëm një rri jashtë, ai i bardhi. Të tjerët i mban me vete dhe i sjell të shtunave kur vjen me miq natën. Qentë e Zhyljenit këtu duket se i njohin të gjithë, si të jenë personalitete dhe jo qenë. Një gazetar në Tiranë ka thënë se kanë dhe pasaportë franceze.

-Ku është i bardhi? – pyes punëtorin.

Ustai që rri sipër skelës na njeh dhe i bën shenjë punëtorit të mos flasë.

-Gazetarë jeni ju? - tha.

-Po, - iu përgjigja.

-Ikni, se ju për sherr jeni. E futët në telashe Zhyljenin me ata qentë. Askush nuk ia ka vrarë qentë. Ju doni të talleni me Zhyljenin dhe shpikni qenë të vrarë. Kush guxon të shtjerë me armë këtu? Dhe kjo, me ç’duket, është një e vërtetë e hershme prej më shumë se dy dekadash. Këtu askush nuk i ka vrarë ndonjëherë qentë. Edhe kur është dashur të bëhet një gjë e tillë, ata janë marrë prej këtu dhe janë pushkatuar diku larg, kushedi në ç’rrëzë mali.

-S’ka problem. Ne nuk kemi shkruar kështu, - i them, - por duam ta gjemë atë qenin e bardhë që thoni ju.

-Vallahi, me pyt Gëzimin, se ai do e di. Unë vetë nuk ngatërrohem në këto punë. Por dëgjova atë Marsel Skëndon që i tha Gëzimit një dite se duan të na armiqësojnë me presidentin, ndaj na e nxjerrin këtë punën e qenve.

-Kë Gëzim? - e pyes.

-Po shefin tonë, - tha ustai, - nuk e njeh. - Hajt se e njihni ju, se keni shkruar në gazeta.

-Kush Gëzim është? - e pyes sërish me seriozitet.

-Hajt mo, ju Gëzim Kashta i thoni, po ai ka mbiemër tjetër.

-E Gëzim Kashtës është kjo që ndërtohet? - i them.

-Po, - ma ktheu punëtori.

E fotografuam dhe ikëm. Qeni, kurrkund. Gëzim Kashta jo që jo, të na tregonte së paku, ku fshihej qeni i Zhyljenit në vapë. Gëzimi po ndërtonte një godinë gjigande në vendin ku më parë ka qenë stabilimenti. Kohë e ndryshuar tërësisht. Këtu ku pinte kafen Enver Hoxha tani pi Gëzimi dhe Zhyljeni. Kulmi i lavdisë së tij ka qenë fushata e Nanos kundër korrupsionit, ku ai u bë simbol i biznesmenit të favorizuar nga Skrapari. Por nuk mbetej mbrapa as Zhyljeni. Lajmet e TV Klan, televizionit që kontrollon Zhyljeni, hapeshin me kronika bombastike pro Ilir Metës dhe me fletërrufe kundër Fatos Nanos.

Në tavolinën para godinës që ndërton Gëzim Kashta, ulemi të pijmë nga një çaj. Dikush na merr leje të ulet në tavolinë. Një burrë barkmadh, që duket se do të plasë nga shëndeti dhe që pa e zgjatur fillon të flasë me ne sikur njihemi prej një viti.

Më drejtohet direkt në emër dhe unë nuk di si t’i flas.

-E njeh atë kryetarin e bashkisë së Kavajës? – ia nis. Është djalë i mirë. E ke mik ti.

-Jo, - i them.

-A s’e ke mik? Po juaji është, mor dreq, si s’e ke mik? Me demokratiken është ai.

-Unë nuk jam me demokratiken, - i thashë.

-Hajt mo se me ta je ti, me ta.

-Çfarë bëhet këtu? - i them.

-Mirë mo, mirë. Qetësi është tani. Vjet në këtë kohë vlonte këtu. Ja, të gjithë tek vila e Zhyljenit mblidheshin. Iliri, Monika, Zhyljeni, ata të Klanit. Të gjithë hynin e dilnin. Këtu ishte shtabi. Ah, ç’bëhej atëherë, ç’bëhej! Dhe Gëzimi paguante atëherë. Ishte koha që po e merrte këtë stabilimentin. Tani s’ka njeri fare, është shkretë. Duket se lufta ka mbaruar tashmë dhe palët në konflikt po mbyllin plagët. Nuk dihet kush fitoi e kush humbi.

-Po kryetarin e Bashkisë së Kavajës, ç’e do? - i thashë.

-Jo, kot thashë, mos e ke mik. Më duhet një leje në një vend aty afër. I gjej mik tjetër unë, s’ka rëndësi. Po kanë frikë këta të bëjnë punë, mor burrë. Por nuk kanë dhe krahët e ngrohta, s’kanë faj. Aaa, këta socialistët janë të rrezikshëm. As e çajnë kokën fare. Po të duan të të ndihmojnë, të gjitha t’i japin. Po deshën këta të bëjnë me pare, or mik!...

Burri që dukej se mund t’i kërcente barku nga çasti në çast, po bezdisej nga mungesa jonë e vëmendjes ndaj fjalëve të tij për ndonjë pazar dhe kureshtja jonë për qenin e Zhyljenit.

-Kush është kavajsi që rri tek vila e Zhyljenit? - i them.

-Vallahi, nuk e di. Ka gjetur një kavajs që kujdeset për vilën dhe aq. Hajt se i del mirë, rri aty në vilë rehat. I paguan diçka Zhyljeni.

-Po cilin qen i kanë vrarë Zhyljenit?

-Jo mor burrë, kot. Kush i ka varë qentë atij?! Asnjë nuk gjun këtu. Lene mo ç’thonë gazetat, se i shtojnë ata nga Tirana. Nuk e dun këtë Mosiun mor burrë, nuk di çfarë kanë me te. Se ene ky hakun u bën. As u flet me gojë fare. Erdhi ai Marseli pardje këtu, pasi kishin shkruar gazetat për qenin. Ishte dhi n’brek në fakt. A e di ç’tha a jo? Ky Moisiu mor burrë, nuk paska prit Blendi Fevziun në zyrë. Po pse bëhet kjo? Ndaj qenkan mërzitë këta. Ai Marseli tha që Blendin e presin të gjithë, si nuk e priti ky Mosiu? O kavajs ai, nuk e rrun fare për këta.

-Domethenë, ky nuk i paska vrarë qentë?

-Jo mor burrë, ça qensh thu ti? E bën si Fatos Nano, që erdhi para ca ditësh e tha: Ai duhet të vrasë Zhyljenin, jo qentë e tij. Po jo mor burrë, ça qensh ka vrarë ai. Asnjë qen. Ai shkon e rri aty tek vila e vet me gocën. Nuk flet me njeri. Kanë tangërllëk shumë këta. Ja çuni i Meidanit. Ka ardh që në mëngjes e shan ato gratë e shkreta pse s’i kanë rregullu vilën. Po pse eee, punë është kjo? Goca e Mosiut as që del tek rruga. Dhe thonë ato gratë që i shërbejnë tek vila që shumicën e punëve të grave i bën ajo. Bile dhe gatuan e pastron.

Profesioni i këtij burri është e vështirë të merret vesh. Ky i njeh thuajse gjithë personalitetet që hyjnë këtu, madje dhe ne që hyjmë rrallë. Njihte dhe Arbër Xhaferin. Dhe atë po kështu si ne, e kishte takuar në tavolinë. Dhe natyrisht, ia kishte treguar të gjitha. Ndoshta dhe qentë.

-Më bëj një nder, - i thashë. - Dua ta fotografoj këtë vilën e Zhyljenit dhe një qen të tij. Si t’ia bëjmë?

-Hajt o burrë se e rregullojmë, - tha. - Kemi një qen të sertë që e mban Zhyljeni pas vilës dhe ta nxjerr unë tek shkallët. E mbajnë lidhur atë, mos ki frikë. Qentë që të hanë dhe këtu mbahen lidhur dhe zgjidhen vetëm me raste. Ata që vetëm lehin, por nuk të hanë kurrë, lëshohen në rrugën e bukur me pisha. Rreziku është mos të kafshojnë tinëz. Se qentë e zgjidhur të hanë pas shpine, s’kanë besë.

Burri i shëndoshë u largua si një somnambul pas vilës. U shfaq dhe njëherë para saj pa qenë, kaloi nga koteci i pulave para vilës së Zhyljenit dhe pastaj na thirri t’i shkojmë afër.

-Ejani, e gjeta. Më në fund njëri prej qenve të tij është gjetur. Vetëm njëri, natyrisht.

Para shkallëve të vilës së Zhyljenit u shfaq në qen i egër i zi që turfullonte në zinxhirrë. Burri shëndetmadh e mbante me zor dhe qeshte.

-Hajt se kanë me të qit në gazetë. Pusho tani.

Ne shkrepim aparatin dhe ikim.

-Kur vjen Zhyljeni, - e pyesim mikun tonë të rastësishëm, - tek Gëzim Kashta?

-Të shtunave vallahi, vjen. Po tani s’para vjen. Kur ka ndonjë hall qeveria, mblidhen këtu. Tani nuk vjen. Se dhe qeveria duket sikur s’ka më halle. Se ku ka ai Marseli ca vila të tjera andej nga Mali i Robit. Oooo, kanë bërë pare këta. Po ky Zhyljeni është ujk i vjetër. Ka qenë mik me djemtë e Enver Hoxhës ai. Kanë ndarë pare bashkë. Nuk është kot këtu ai. Ohuuuu, sa ka parë ai! Po me këtë punën e qenve ia kanë fut atij, se vallahi, ky Moisiu nuk pjerdh fare për këta. Ka me i përzënë fare më duket. Kastile ia kanë ba Zhyljenit këtë. Po hajt ta marrësh vesh kush ia ka ba.

-Fatos Klosi, - i them unë.

-Klosi... jo mor burrë. Ku ia mba Klosit nga Zhyljeni! Zhyjleni o agjent francez. Ndonjë tjetër ia ka ba. Kushedi. Hajt mo. Kështu shkoi kjo punë. Po ju, ç’e doni fotografinë e qenit ju?

-Ja pra, të tregojmë që nuk e kanë vra.

Burri i tejshëndoshur na shikon me dyshim.

-Keni me ia fut më duket, - tha. - Hajt mo, kështu është kjo punë, me radhë. S’na ka mbetur veç me ia fut njoni-tjetrit. Nga Kavajsit ka me i ardh Zhyljenit më duket...

Në vilë dhe në rrugën para saj ka rënë qetësia. Ajo qetësia e përhershme, me pak ankth dhe mister brenda vetes. Tek-tuk dëgjohet një e lehur qeni që nuk besoj se është i Zhyljenit. Por edhe në qoftë i tij, ai është dëshmia e vetme se gazetat ia kanë futur kot një jave të tërë, siç bëjnë zakonisht, por dhe për të na thënë se qentë këtu ende janë të gjallë dhe s’i ka pushkatuar askush. Qentë ende janë gjallë, ndonëse mund të kenë lehur më shumë se ç’duhet, aq sa për të prishur qetësinë mortore të asaj që ka mbetur nga rezidencat e dikurshme të frikshme qeveritare.





Une hapa kete teme per te sjelle pak drite tek e verteta me ane te ketij shkrimi qe gjeta sot.

Anton

[Breshka]

Gazeta Kuqe eshte po aq e qelbur sa Zeri, por me rrena nuk i dilet. Me vjen keq qe u "zhgenjyen" ca miq te forumit, qe per arsye qe nuk i kuptoj mire, i mbajne ison cdo gjeje qe flet kunder Moisiut.
Sot Gazetes Kuqe do ti bie pika, i hiku perfaqesuesi i klanit Kapo.
Po merren me bresherite e topave , shume po shqetesohen nga
Moisiu, te shohim ku do dale dhe pse e kan kaq problem.
Pershendetje per artikullin e gjetur Anton.

Pershendetje

[Agim Doçi]

Breshka e dashur
Të përqafoj fort e fort!
Qent e Zhyljeni u shpallën nga të Kuqtë FAMILJE DËSHMORËSH SOCIALISTË! Qanë në varrim me ham-ham dhe me hum-hum!
Agimi

[Vinny_T]

Me duket se u mbyyl si teme kjo nga administratoret, e paskan hapur perseri?!! Problemi eshte se nuk ka ndonje fakt te ri qe te rihapet, perveç se nje reportazhi te nje gazete qe nuk ja di emrin. Meqenese eshte artikull nga nje gazete shqiptare dhe deshmitaret qe japin argumenta e fakte qe thone te gunderten e artikullit ne gazeten tjeter, jane anonime ashtu si dhe barkderri qe qeka shok me qenet lol sme duket me kredibel se sa artikulli i meparshem .
Pershendetje

[Anton]

Ke shume te drejte.

Nga Tema e kam marre, por me fal ku e di ti se dha urdher Presidenti per te vrare qente.



Dhe ti nga gazetat e more vesh.

[Brari]

Anton..thx.. artikulli ishte fantastik..rrofsh.

C'eshte ki mo Marseli i Skendajve???

Nga na duall ki miliarder?

E mo redi kjo eshte kapitalizma??

Marseli me 100 pallate e grate e elbasanit hidhen ne rrota te trenit nga fukaralleku..?

Jo shok kapitalista Mekso-kelmendo-Cacista-Metista.. duhet qe Marseli te kete 50 pallate por dhe asnji gruaje ne Shqiperi mos ti dhembi koka nga fundi pesmdhetditcit..

Kjo eshte..zotesia e nji qeverisjeje..

[Anton]

Ky marseli ka shume kohe ne RSH, pronar i ADA shoqerise ajrore deh ne mos gaboj dhe e revistes e televizionit klan dhe pjestar i klanit Kapo.

Ja do mundohem te gjej dicka me shume per te.