Në rradh të parë dua të falemnderoj Ditën e cila më kërkoj ta postoj në forum një artikull që u botua në faqen e parë të Albasoul-it më 11 Janar, 2004, dhe që është shkruar dhe montuar pjesë më pjesë nga unë. Dëshira ime më e madhe është që të gjithë shqiptarët ta lexojnë dhe pajtohen me esencën kryesore të saj, dmth duke filluar së dëgjuari Erën që fryn në Shqipëri, duke indentifikuar tre shtyllat e një kombi, të cilat janë "Drejtësia, Shteti, & Qytetarët", ku së fundi duke ardhur e duke mbërthyer dy duart që kemi në shërbim, dhe t'i lëvizim për të mirën e së ardhmes. Nuk është e thjeshtë, por as e vështirë, mirëpo duhet BESË, duhet shumë besë dhe mirëkuptim.
Megjithëse e thash se dëshiroj që çdo shqiptarë të pajtohet me esencën e "Duarve të së Ardhmes" unë nuk u imponohem askujt, përkundrasi do jem i gëzuar t'i përgjegjem çdo pyetje që keni (nëse kam mundësi) ose të marrë sugjerime dhe mbështetje të mëtejshme tuajën. Artikulli vijon si më poshtë për çdo shtesë që doni të bëni:
- - - - -
Përparimi i kombit shqiptar buron nga mirëqënia shpirtërore e secilit prej ne.
Era që fryn mbi Shqipëri
Duke shfletuar gazetat shqiptare në internet, shumë shpesh ndeshem me tituj në faqet e para që për përmbatje kanë: Çfarë janë duke bërë sot politikanët shqiptarë? Si ndihen sot ata? Çfarë tha Nano kundra Berishës, apo çfarë tha Rugova për UÇK-ën?
Koha që po kalojnë sot trojet shqiptare është shumë delikate duke patur parasysh se Kosova është në një provë të madhe ku ajo duhet të kaloj me sukses testin e “standarteve” të saj për t’u pavarësuar. Shqipëria në anën tjetër është akoma me reformat e saj të vakëta për të hyrë në BE, ndërsa shqiptarët e Maqedonisë janë duke bërë edhe ata përparimin e tyre me hapet e natyrshme të një shteti të vogël dy-etnik.
Mirëpo një gjë që më çudit tej mase në këtë arenë synimesh kombëtare janë politikanët e Republikës së Shqipërisë. Ka më shumë se 10 vjetë që Shqipëria është një shtet “demokratik” por ku përveç zgjedhjeve të 22 Marsit 1992, zgjedhjet e tjera kanë ngelur të manipuluara dhe të përfolura më pas, dhe prej dy partive të mëdha shqiptare dëgjojmë vetëm akuza kundra secilës palë ku si përfundim për rezultate konkrete nuk na ngelet shumë për të thënë... Etikime dëgjojmë gati nga çdo politikanë që është në detyrë apo me ndonjëfarë pozite në Shqipëri, mirëpo “drejtësia” bashkë me gjërat më bazore jetike kanë lëvizur shumë pak nga gjëndja që ishin 12 vjetë më parë. Dhe si për ta bërë akoma edhe më ironike këtë gjëndje, nëpër faqet e para të gazetave dhe mediave lexohen më së shumti “humori” apo “fjala” e ndonjë politikani të Shqipërisë, sikur këta të jenë Zotët e vëndit tonë dhe populli mos të ketë asgjë në dorë. Ekzistenca e korrupsionit në Shqipëri tashmë dihet nga të gjithë, dhe për më tepër edhe emrat e të kurruptuarve janë përfolur, dhe janë lakuar në të gjitha trajtat që ka gjuha shqipe, por gjeri tani nuk kemi parë ndonjë “veprim” të drejtësisë që t’i godasi këta të korruptuar. Si përfundim, nëpër mediat shqiptare lajmet më të zakonshme ngelen prap politikanët e Shqipërisë, korrupsionet e tyre, ose ndonjë lajm kondrabande apo vrasjeje. Gjithnjë duke iu referuar kështu lajmeve që janë në plan të parë në mediat shqiptare.
Megjithëse flas nga pozita e një mërgimtari që ka shumë vite pa shkuar në Shqipëri, duke lexuar nga lajmet që ofrojnë mediat nuk është e vështirë të biesh në një konkluzjon ndaj gjëndjes së “drejtësisë” shqiptare. Personalisht besoj me shumë siguri se e vetmja gjë që i mungon Shqipërisë është “drejtësia”, dhe nëse sikur kjo të ishte dhe të zbatohej në Shqipëri, çdo e mirë tjetër si psh mirëqnia ekonomike, morale, kulturore, kombëtare, shtetërore, etj etj do të ishte një rrjedhoj e këtij faktori. Shqipërisë nuk i mungojnë intelektualët, nuk i mungojnë njerëzit me kulturë, nuk i mungojnë njerëzit e ndershëm, apo edhe politikanët që mund të punojnë me gjithë forcat e tyre për ta përparuar atë vënd, dhe për t’i dhënë Shqipërisë imazhin e një shteti të denjë evropjan ku të gjithë shqiptarët në Ballkan ta kishin për nder t’i thonin vetes shqiptar, por Shqipërisë i mungon vetëm drejtësia e cila i organizon këto forca dhe që e shtyn një komb të shkoj përpara të mirëqënë. Qëkur kam rënë në këtë përfundim, jam munduar të gjej arsye apo mynyra që nga ana ime të ndihmoj që “drejtëria” të fuqizohet më shumë, por ndihma është shumë e vështirë për t’u dhënë dhe që rrezikon të ngelet vetëm “diçka e thënë”. Por prap ngelet fakt që, që prej lindjes së Demokracisë në Republikën e Shqipërisë, institucioni më “i lënë pas dore” ose më i nënvlersuar nga shumica e politikanëve është Sistemi Drejtësor Shqiptar. Po, është përmëndur disa herë drejtësia nga Nano, Berisha dhe politikanë të tjerë, si psh për të etikuar të korruptuarit e secilës anë PD-PS, por pyetja është: “A kanë bërë konkretisht gjë më shumë sesa fjalët që thonë?” Mjafton të shikojmë rezultatet dhe gjëndjen e përgjithshme dhe besoj se nuk është nevoja për të folur më shumë...
Drejtësia, Shteti dhe Qytetarët
Kohët e fundit kam qënë shumë i interesuar të mësoj rreth anës shpirtërore të njeriut, dhe mund të them pa frikë se tek shpirti njerzor kam gjetur një thesarë të vërtetë përgjigjesh rreth jetës. Ky kërkim më bëri të kuptoj se është në dëshirën tonë mirëqënia jonë individuale, dhe se shumë sëmundje në fakt lindin vetëm nga “mendime” negative që mund të kemi në mëndje. Dikujt nuk mund t’i kishte vajtur në mëndje se të menduarit “pozitivisht” mund të jetë një ilaç për njeriun, dhe që “ndërgjegjia” ka një fuqi shumë të madhe e cila mund të ndryshoj si dita me natën jetën e një personi. Dhe nëse ndërgjegjia do të thelloheshe në një bashkësi njerëzish, rrjedhojat e mira të saj do të ishin amplifikuar shumë herë më shumë. Që një njeri të jetë i sukseshëm nuk ka nevoj që ky të jetë i pasur, por mjafton që të dëshiroj “vërtetë” çfarë kërkon. Dhe në fakt këtu mëçifet fuqia e vërtetë e botës njerzore e cila nuk është paraja, nuk është autoriteti mbi të tjerët, dhe as reputacioni i një njeriu tek të tjerët, por është vet “shpirti” i secilit prej nesh.
Ne si njerëz jemi të përbërë nga tre pjesë: shpirti, mëndja, dhe trupi. Nga natyra këto tre pjesë tonat qëndrojnë në harmoni me njëra-tjetrën, dhe duke qënë kështu ne krijojmë ose sjellim në jetë ato çaste që kemi dëshirë të përjetojmë. Kjo treshe e shënjtë është përmëndur që nga fillimi i kohërave njerëzore, nga fetë e ndryshme apo nga njerëzit e mënçur të çdo qytetërimi anëmbanë globit. Psh në fenë e krishterë e gjejmë si “Ati, biri, dhe shpirti i shenjtë”, nga filozofët e gjejmë si “ID, ego dhe superego”, etj etj. Nga këto tre pjesë përbërëse të secilit prej neve lindin dhe kryen veprimet tona në jetë. Shpirti është drita dhe fuqia e të gjitha pjesëve, mëndja është organizuesja e të gjithave, ndërsa trupi është kryesi i të gjitha prej tyre. Të tre këto pjesë janë të pandara nga njëra-tjetra, dhe të gjitha bashkë formojnë njeriun. Por ka raste që mëndja do të kryesoj ndaj dy pjesëve të tjera, si psh kur njeriu beson se gjëja më e rëndësishme në jetë është “intelekti.” Trupi kryeson atëherë kur një njeri i jep më shumë rëndësi gjërave materiale, si psh paraja, seksi, apo tundimet e tjera materiale. Shpirti asnjëherë nuk shtyp mbi dy pjesët e tjera tonat, por vetëm mund të nënvlersohet, pra duke u harruar nga trupi apo mëndja prej zëvëndësimit me arrogancën, paranë, drogën, etj etj. Unë nuk po them se intelekti është i pavlerë, dhe as se paraja duhet hedhur dhe nënvlersuar, përkundrasi, po mundohem të them se vetëm në saj të harmonisë së tre gjymtërve përbërëse tonat (shpirti, mëndja, dhe trupi) ne mund të gjejmë vlerën e vëretë të gjërave të tjera. Kur shpirti nënvlerësohet nga dy gjymtyrët e tjera, atëherë fillojnë të shfaqen edhe sëmundjet në një njeri. Shërimi është gjithnjë i thjeshtë, por edhe i vështirë njëkohësisht: rikujtesa dhe thirrja e shpirtit duke rikujtuar harmoninë midis këtyre tre pjesëve përbërse, dmth shpirtit, mëndjes dhe trupit. Mësimet e feve të ndryshme apo të njerëzve të mënçur anembanë botës janë shtegje të ndryshme që të çojnë gjithnjë tek e njëjta maj mali: harmonia e dashurisë dhe e gëzimit.
Qëkur e kam kuptuar rëndësinë e drejtësisë ndaj mirëqënies së një shteti, kam qënë në mbështetje të aplikimit sa më rigoroz të saj. Rastisa të jem në kërkim të shpirtit tim, dhe duke lexuar materiale të ndryshme që të mësojnë rreth harmonisë njerzore, kuptova mesazhin kaq magjik të kësaj harmonie. Rastësisht zbulova edhe rrugën që mund ta çoj në këmbë dhe ta sjelli në jetë drejtësinë kaq të mungar në Shqipëri: ajo medoemos kalon më parë tek sicili prej nesh individualisht, dhe më pas në një shtet apo kombësi. Pra është e njëjta gjë si të marrësh shëmbullin e një çifti; nëse do që ta dashurosh partnerin/partneren tënde dhe ta shprehësh në çdo mynyrë, atëherë duhet që më parë të duash vetveten sepse vëtëm kështu mund të mësosh çfarë është dashuria dhe ta japësh atë. E njëjta gjë vlenë edhe për shumë gjëra të tjera në jetë, si psh në këtë rast: nëse duam mirëqënien e kombit tonë shqiptarë, atëherë më parë ne duhet të gjejmë mirëqënien tonë vetjake. Pra nëse unë dëshiroj vërtetë që të ketë drejtësi në Shqipëri, duke e ditur tani se ku qëndron harmonia dhe pasuria e vërtetë e një njeriu, nuk i drejtohem politikanëve, por i flas direkt të gjithë shqiptarëve për rëndësinë e harmonisë shpirtërore dhe për dëmin që bëjnë “iluzjonet” mendore ose materiale.
Me anë të intuitës time arrita të nxjerrë lidhjen e ngushtë dhe kuptimin e këtyre faktorëve të një shkalle më të lartë: shpirti, mëndja dhe trupi i një njeriu është sikur drejtësia, shteti, dhe qytetarët e një kombi. Domethënë drejtësia është shpirti, shteti është mëndja, ndërsa qytetarët janë trupi i një kombi. Atëherë duke vështruar (mos)gjëndjen e “drejtësisë” shqiptare, mund të shikojmë edhe gjëndjen e përgjithshme “shpirtërore” të shqiptarëve. Dhe arsyet e kësaj gjëndje mund të kuptohen lehtë duke parë çfarë bëhet më së shumti nga vetë qytetarët dhe pushtetarët në Shqipëri: korrupsion, trafiqe, politikanë të etur për pushtet, një shkallë e lartë të papunësh, zgjedhje që nuk fitohen me ndershmëri, qytetarë që çojnë motrat e tyre për prostitucion, qytetarë që trafikojnë drogë, që pastrojnë para, ndërtime pa leje, taksa që synojnë rrjepje, qytetarë që ku e ku të largohen sa më shpejtë prej asaj toke, dhe të tjerë që s’duan të kthehen më...
Duart e së Ardhmes
Por çfarë mund të bëjmë që kjo emoragji e mirëqënies “shpirtërore” të ndalet? Çfarë mund të bëjmë që “drejtësia” të thirret dhe të sjelli harmoninë midis shtetit dhe qytetarëve, që të dy këto palë të jetojnë në kushtet më të mira dhe që kombi jonë të përparoj? Pyetja më e saktë është: A kërkon ti ta përjetosh harmoninë tënde në shpirt, mëndje dhe trup?... Unë mëposhtë po ndaj me ju 10 prej shumë gjërave që ia kujtoj vetes, dhe të cilat më bëjnë ta rindjej harmoninë time në shpirt:
1. Frika është ndjenja më dëmtuese dhe shkatarruesja nr.1 e çdo gjëje. Në të vërtetë frika nuk është ndjenjë, por është shtypja e çdo ndjenje që kemi. Thënia “gjërat që të friksojnë më shumë, të ndodhin” është mëse e vërtetë, sepse kur kemi frikë ne BËJMË frikë, pra ne i shtypim ndjenjat tona duke thithur atë çfarë na frikoson më shumë. Largimi i frikës është mos-ushqimi i mëtejshëm i kësaj “bërje” në ndjenjat tona. Duhet kuptuar që frika BËHET, dhe jo se ËSHTË diçka.
2. Urrejtja për të tjetër, njerëz, kafsh, sende, ose edhe vetvetja është helm për shpirtin dhe fuqitë tona. Kjo, bashkë me mendimet negative mbi të tjetër, por edhe mbi veten tënde është vetshkatarrimi i ndjenjave të tua, dhe derdhja e fuqisë tënde shpirtërore. Nëse i do të keqen (dmth të mirën) armikut tënd, DUAJE për çfarë është dhe bën duke “mos e urryer.”
3. Gjykimet që bëjmë në mëndjet tona, pra “e mirë” apo “e keqe” janë standarte të parapërcaktuara më parë nga të tjerë njerëz, ose nga ne vetë vetëdijshëm ose pavetëdijshëm. E mira ose e keqja nuk ekzistojnë, sepse jemi ne prap ata që vendosim çfarë është e mirë apo e keqe. “E mirë”, sipas kuptimit që ne i japim kësaj fjale, është gjithçka që ne na hynë në punë për të krijuar ose përjetuar çfarë na dëshiron shpirti. Pra, kur të kujtojmë këtë fjalë, dhe nëse ngelemi të dyzuar në ndonjë zgjedhje që duhet të bëjmë në jetë, duhet të kujtojmë kuptimin e vërtetë të “e mirë/e keqe”.
4. Besimet e verbëra janë ato besime që bëjmë, dhe të cilat na dobsojnë shpirtërisht dhe emocionalisht. Psh kur dikush mendon(beson) ndaj vetvetes se është i pavlerë duke u piknisur nga disa rrethana të çastit ose të kohës së fundit, dhe duke nxjerrur konkluzjone se është i pavlerë ose i paaftë të kryej disa veprime ose të jetë “dikush” në jetë. Çdo besim që kemi në zemër, e kemi zgjedhur ne vetëdijshëm ose pavetëdijshëm me anë të zgjedhjes së lirë vetjake. Pra, e nisur kështu, ne jemi prap në gjëndje që të shkarkojmë çdo besime që neve na dëmtojnë. Mbërthé disa çaste në qetësi, dhe i lehtë në frymarrje (ri)shiko të gjitha besimet që “bën” në këtë çast. Të gjitha ato që të çojnë në gjëndje ku shpirti dhe ndjenjat e tua dobësohen, shkarkoi duke mos i mbështur më. Të gjitha besimet që të forcojnë mbaji për vete sepse janë vegla shumë të vyera që na janë falur.
5. Kur mendon çfarë dëshiron dhe përfundon shpesh herë në “mendimin e dëshirës” duke pritur ose uruar që dëshira të të plotësohet, e vetmja gjë që ti po krijon duke menduar është “mendimin e dëshirës” dhe asgjë më shumë. Duke menduar “çfarë dëshirojmë,” ne e largojmë atë dëshirë prej realizimit. Përkundrasi “zgjidh” çfarë dëshiron dhe mos mendo më për të, vetëm kështu do ta përvetësosh dëshirën që ke. Çfarë po them duket shumë e thjeshtë, ose e parëndësishme, por përshkrimi akoma më i thjeshtë i kësaj të vërtete është duke e krahasuar me magnetin: “mendimet rreth dëshirës” e largojnë dëshirën; “të zgjedhësh” çfarë dëshiron ta afron atë.
5. Mendo për veten më parë se të mendosh për të tjerët. Në dëgjim të parë ngjason si diçka shumë egoiste për të thënë, por ç’është e vërteta është më altruiste sesa të mendosh për të tjerët më parë se veten. Nëse ne mendojmë për veten, ne i bëjmë mirë vetes, dhe duke i bërë mirë vetes ne mund t’i bëjmë mirë të tjerëve. E kundërta, nëse për të tjetër mendojmë më parë, nuk do të kemi se çfarë të bëjmë më mirë për ta kur vetes nuk “ja kemi bërë.” Kjo gjë vlen për të gjitha llojet e relacioneve në jetë, si psh për dashurinë: nëse mendojmë se çfarë partneri mendon gjithë kohën, dhe vetëm kjo na shqetëson në relatë, atëherë ne do të ngelemi mbrapa së menduarit për veten dhe rrjedhimisht relacioni do të dëmtohet. Pra kështu ne i dëmtojmë gjërat dhe nuk i bëjmë mirë aspak. Vetëm duke menduar më parë për veten ne mund të bëjmë mirë për të tjerët.
4. Kujtimi është çelsi i çdo përgjigjieje. Të gjitha rrugët që të çojnë për në harmoninë dhe mirëqënien shpirtërore kalojnë në lëndinën e kujtesës. Të qënurit “i ndritur” ose “i ndriçuar” do të thotë vetëm që të kujtosh se kush je tani në këtë çast. Nuk ka asgjë në botë që duhet të mësosh për të ditur se kush je, mjafton vetëm të kujtosh se kush je. Në fakt edhe ky shkrim i shkurtër që po lexon ka për qëllim të vetëm që të kujtosh se kush je, dhe jo të të mësoj se kush je. Sa më shumë të kujtosh nga vetvetja dhe nga brendia e zemrës tënde, aq më shumë do të kesh mësuar rreth jetës në botën e jashtme dhe të brëndshme. Do të lindi pyetja: “Po atëherë pse humbim?” Përgjigjia është e thjeshtë: “Sepse pa humbur ti nuk do të kërkosh vetveten që si përfundim të dish se kush je.”
3. Pajtimi është më i fortë se kundërshtimi. Ai që pajtohet me vetveten, pajtohet edhe me të tjerët. Pajtimi është një nga ndjenjat më të natyrshme, dhe nënkupton plotëbesimin në vetvete, që më pas besimin tek të tjerët. Sikur njerëzit të pajtoheshin me njëri-tjetrin nuk do të kishte më luftra nëpër botë, nuk do të kishte më sëmundje, nuk do të kishte më debate ndërfetare, dhe më konkretisht, në Shqipëri nuk do të kishte më korrupsion dhe zgjedhje të kontestueshme për qytetarët. I humbur në këtë sjellje është “i papajtuari” ose “kundërshtuesi” i pajtimit me të tjerët. I fituar është gjithnjë ai që i mban krahët e hapur dhe qëndron në krah të pajtimit. Shëmbuj të rrjedhojave të mos-pajtimit janë vetë politikanët shqiptarë, të përçarë në shumë parti të ndryshme, dhe në klane të ndryshme. Por kush ka fituar prej tyre më shumë sesa ka humbur shpirtërisht dhe politikisht?... Pajtimi nuk do të thotë “t’i dorëzohesh” tjetrit, por që ti dhe tjetri të jeni bashkë fitimtar dmth të mirëqënë. Kujtoni thënien e të madhit Skënderbé: “Bashkimi bën Fuqinë.” Rrjedhojën e mos-bashkimit e shohim sot me gjëndjen e Shqipërisë, të politikanëve dhe të qytetarëve të saj.
2. Fetë e Zotit janë shtegje të ndryshme që të çojnë tek e njëjta maj mali. Nëse vllai jonë mysliman gjen Zotin me anë të Allahut, duhet të gëzohemi me gjithë zemër. Nëse vllai jonë i krishterë e gjen Zotin në shpirtin e Jezusit, duhet të gëzohemi. Nëse shqiptari e gjen Zotin në shqipen si bij e Zeusit, atëherë duhet të gëzohemi. Nëse vllezërit e tjerë nëpër botë e gjejnë Zotin me anë të Buddhas, Hinduizmit, Judaismit, me anë të ritualeve indiano-amerikane, me anë të mitollogjive të ndryshme nëpër botë, prap duhet të gëzohemi. Secili nga ne ka dhe gjen shtegun e tij “vetjak” për të shkuar në të njëjtën maj mali. Më mirë sesa e di unë shtegun tim që më çon në majën e malit, nuk e di njeri tjetër, por dikush tjetër mundet vetëm të sugjeroj. Shtegjet e secilit prej nesh nuk duhen imponuar tek të tjerët, sepse do jet një goditje në zemrën e atij që po merr ngjitjen. Foli njeriut me fjalët që i ushqejnë zemrën me dashuri, dhe ai do ta ket parë shtegun, atë shteg të cilin e ecën dot vetëm i vetëm. Në Shqipëri ka gati pesë lëvizje të ndryshme që të çojnë në besimin në Zot: myslimatën, orthodoksët, katolikët, bektashinjtë me kryeqëndër botërore në Tiranë, dhe besimtarët në Zot, që janë edhe ata që besojnë në Zotët pellazgë, këta Zot që shqiptarët e moçëm ja dhuruan gjithë Evropës. Ne duhet të jemi krenarë për kaq shumë shtegje që kemi të cilat çojnë për në majën e shënjtë. Të falemnderojmë njeri-tjetrin për shtegjet që kemi zgjedhur dhe ngjitjen tonë do ta kemi akoma më të lehtë.
1. Dashuria ËSHTË. Kjo ndjenjë dhe çdo ndjenjë që ne ndjejmë janë të gjitha ndjenjat e dashurisë. Çfarë po u them unë nuk do ta kuptoni dot nëse nuk arrini në gjëndje që të mos BËNI frikë, dmth kur asgjë mos t’iu friksoj më që të gjëndeni ku jeni në këtë çast, dhe kur mos të keni asnjë ndjenjë ose mendim negativ në mëndje. Dashuria është e kundërta e frikës, dhe e bukura e bukurisë është se dashuria ËSHTË gjithnjë e pranishme gjerisa ne të jemi gjallë. Ndjenja e dashurisë është ndjenja më e lartë, më fisnike, më e ndritshme, më jetësore, më duhur, më e dashur, dhe të gjitha bashkë, më pranë Zotit dhe të qënit Zot. ËSHTË drita e çdo shpirti që ndrin edhe në majën më të lartë të çdo mali, aty ku kjo dritë nuk fiket dot as nga të ftohtit më të madh. Dashuria është “uji” i lumit që ne jemi vetë, domethënë i lumit “shpirt.”
Me pak fjalë fola shumë, aqsa është e vështirë për t’u përtypur me lexim të parë. Më sipër i numurova 10 pikat si vijon: 12345;54321 dhe këtë e bëra mëse qëllimisht për t’i simbolizuar me gishtërinjt e dy duarve tonat. Gishti i parë i dorës së majtë, dmth Frika, është e kundërta e gishtit të parë në dorën e djathtë, dmth Dashurinë. E dyta e kundërt me të dytën, etj etj. Këto janë vetëm disa pika që m’u kujtuan dhe që m’u ndje t’i përmënd si të rëndësishme për t’u lexuar. Nëse i mbërtheni dy duart, dhe i mbyllni gishtërinjtë sikur për të mos lën rënën të bjerë prej duarve tuajat, ju do të keni kapur të gjitha gjërat që nuk janë thënë ose kujtuar në këtë shkrim. Sidoqoft të ndiheni, është “në duart tuaj” të besoni se çfarë kam thënë, sesa mund të vihen në punë gjatë jetës ditore, dhe sesi mund t’i vinë në ndihmë Shqipërisë dhe kombit tonë. Nëse zemra juaj u ushqye me këto fjalë, pranoini si tuajat, dhe thuajani çdo shqiptari tjetër që t’i (ri)kujtoj. Unë kam gjetur si një mesazh falemnderimi për leximin e këtij shkrimi, dhe njëkohësisht mbylljen e tij disa fjalë me të cilat komentoj dhe rikujtoj hymnin tonë kombëtarë:
Rreth flamurit të përbashkuar
me një dëshirë dhe një qëllim
të gjithë Atij duke iu betuar
të lidhim besën për shpëtim.
(Ta lidhim besën e Pajtimit, të fjalës së Skënderbeut “Bashkimi bën Fuqinë”).
Prej lufte veç ay largohet
që është lindur tradhëtor
kush është burrë nuk friksohet
po vdes, po vdes si një dëshmor.
(Kush nuk ushqen Frikën nuk e bën, sepse ajo është shtypja e ndjenjava tonat, ose është armiku jonë kryesor).
Në dorë armët do t'i mbajmë
të mbrojmë Atdheun në çdo vend
të drejtat tona ne s'i ndajmë
këtu armiqtë s'kanë vend.
(Tash jemi të pajtuar në shpirt, tani vetëm ai që është kundra është i humbur).
Se Zoti vet e tha me gojë
që kombe shuhen përmbi dhè
po Shqipëria do të rrojë
për të, për të luftojmë ne.
(Në të vërtetë pse shkrova këto fjalë dhe iu drejtova të gjithë shqiptarëve i sigurt është sepse u frymzova prej Zotit).
Qoftë paqja me të gjithë ju, sinqerisht,
Drini Nosi.
Los Angeles, 7 Janar 2004.
Krijoni Kontakt