Bebe në epruvetë edhe tek ne, fekondim artificial për 14 gra
Nga provëza në barkun e nënës. Nuk bëhet fjalë për leksionet e Mjekësisë moderne, as për ligjin e sapomiratuar që shuajti polemikat e para tre viteve. Bebet e para shqiptare që janë krijuar në epruveta priten të lindin pas disa muajsh. Në një intervistë eskluzive për Gazetën, mjeku i njohur Orion Gliozheni rrëfen eksperiencën e veçantë me nënat e para shqiptare që i janë nënshtruar fekondimit artificial, emocionet e kësaj përvoje krejt të re, por që ka gëzuar më se një dyzinë çiftesh, mohuar për t'u bërë prindër natyralisht, trokitjet e bashkëshortëve të lodhur nga medikamentet e sorrollatjet e kushtueshme përtej kufirit dhe përgjigja optimiste e doktorit shqiptar. Si filloi gjithçka më pas në klinikën private, inisiativa tashmë e mbështetur me ligj, sukseset e para, reagimet, ndjekja e mëpasme e shtatzënive dhe 2 dështime, gjithsesi të parashikueshme edhe në shtatzëni normale. "Harta" e grave që do bëhen nëna në sajë të laboratorit përfshin thuajse gjithë Shqipërinë.Doktor Gliozheni tentoni për herë të dytë për të realizuar fekondimin artificial. E sukseshme kjo tentativë? Po unë mund ta konsideroj të tillë. Inisiativa është tërësisht private.Janë 14 gra shqiptare, tashmë shtatzëna nëpërmjet fekondimit in vitro. Janë në muajt e parë të shtatzënisë, meqë dhe ligji s'ka shumë që është miratuar. Pa humbur modestinë treguesit janë mjaft optimistë. Sepse rezultatet më të mira të kësaj teknike në Evropë luhaten te 30 përqindëshi, domethënë aplikimi është i sukseshëm në 30 për qind të çifteve që tentojnë. Ndërsa ne kemi arritur deri në 40 për qind. Shumë nga pacientet kishin tentuar dhe më parë në klinika të huaja, por pa rezultat. Por përpjekjet u kurorëzuan këtu. Konkretisht, gratë që i janë nënshtruar kësaj teknike, çfarë moshe kanë? Deri në 40 vjeç. Pas kësaj moshe të dhënat janë pesimiste dhe rezultatet të ulëta. Të gjitha shtazanitë kanë ecur normalisht pas momentit të konfirmimit? Kemi tentuar në 36 gra, 16 janë realizuar. Ndërsa 2 prej tyre kanë dështuar, por kjo nuk ka ardhur prej metodës. Nëse konfirmohet shtazania, qoftë kjo edhe In Vitro, shanset për të lindur apo për të bërë abort janë të njëjta me ato të një barre normale. Çfarë problemesh kanë ato çifte që i nënshtrohen fekondimit artificial? Rastet mund të jenë të natyrave të ndryshme. Mund të bëhet nënë në sajë të kësaj teknike një grua që, për shembull ka bërë barrë dy herë jashtë mitre dhe i janë hequr tubat ose një grua që ka kaluar infeksion të rëndë gjinekologjik dhe për pasojë i ka tubat të dëmtuara ose nga ana tjetër rastet kur burri ka probleme, pasi është nën parametrat normalë të fertilitetit, kane shanse për ta arritur një shtatzëni. Në përgjithësi, nëse steriliteti në një popullatë llogaritet 10 deri në 12 për qind, afërsisht gjysma e tyre ka nevojë për një fekondim artificial. Rastet janë trajtuar në klinikën tuaj private. Sa u kushton kjo çifteve shqiptare ose jo-shqiptare, meqë jashtë ka polemika këtu mund të drejtohen dhe të huajt apo jo? Kjo është një metodë e kushtueshme dhe shpenzimet janë në funksion të teknikës që përdoret, por unë mund të them që këtu realizohet kundrejt një shifre më të ulët se në shumicën e klinikave perëndimore. Ndërsa përsa i përket çifteve, mund të trajtojmë edhe të huajt, pse jo. ro/ro (GazetaShqiptare/BalkanWeb)
Përgjigju Duke Cituar
Postuar më parë nga q.b
Krijoni Kontakt