Klonimi ne Kosove

[bela70]

Ke do ta kisha klonuar pas eves ne kosove


Kë do ta kisha klonuar pas Evës në Kosovë

Letër nga kryeqyteti i bërllokut

NASER MIFTARI

Rastis shpeshherë që të dëgjosh nëpër popull kur flasin për dikë që ka virtyte dhe moral të lartë të thonë: “S’e kish shoqin filani”. Kur po mendohesha për të shkruar një kolumne për Vitin Ri, fati e deshi që miku im i mirë, Adriatiku, kishte shkruar një kolumne për arritjet që janë bërë në botë dhe të paarriturat në Kosovë sivjet. Midis arritjeve të botës ai kishte përmendur edhe klonimin e foshnjës Eva. Me gjithë kundërthëniet që është duke ngritur në botë klonimi kur përshtata rrethanave tona ma ndezi mendjen dhe besomëni më mahniti. Papritur fillova të mendoja se si do të ishte që klononim edhe në Kosovë “dikë që s’e ka shoqin”. Në fillim u dëshpërova, sepse thashë që vërtet nuk ia vlen këtu askush t’i “gjendet shoqi”, madje as Adelina, sepse mjaft shqetësime është duke shkaktuar edhe një Adelinë që është. Por duke menduar e pashë se do të kishte të atillë që nuk ia dalin t’i bëjnë dy punë mira përnjëherësh dhe mendja më shkoi te shumëkush. Dorën në zemër ka edhe të atillë që nuk ia dalin të bëjnë as edhe një punë të mirë, por nejse atyre nuk po ua kushtoj këtë kolumne. Mendova për Ibrahim Rugovën dhe thashë se ai është burrë i mirë dhe në kokë më erdhi një ide që më thoshte se mirë do të ishte të dyzohej ky burrë Kosove. E di që shumë njerëzve nuk do t’u pëlqejë, por shumë do të më pëlqente që t’i kishim dy Ibrahim Rugova. Ky që kemi të vazhdonte vetëm të pinte uiski dhe të kërkonte pavarësi, derisa ai “shoqi i dyzuar” të punonte për pavarësi. Besa kur të realizohej kjo do të mund edhe ta riklononim dhe ta nisnim nëpër rajon te fqinjët tanë për t’ia mësuar sesi funksionon demokracia si p.sh. në Serbi ose në Mal të Zi, meqë të dyja janë pa kryetar. Njeriun e dytë që e mendova për klonim ishte Nexhat Daci. Kryeparlamentari do mund të rrinte në Parlament dhe t’i shante serbët e “shoqi i tij i dyzuar” do të mund rrinte të bëjë rrumpallë tërë kohën, të pijë kafe te “Grandi”, e t’u kërkonte falje tërë ditën serbëve për gafat që do t’i bënte ‘shoqi’ i tij i dyzuar në Parlament. Edhe serbët edhe shqiptarët e këtushëm me siguri do të ndiheshin shumë të lumtur. Edhe kryeministrin do ta kisha klonuar. Derisa njëri Bajram do të rrinte në Prishtinë tërë kohën, për t’ua bërë qejfin bashkëpartiakëve, ai tjetri do të shkonte në Beograd për të negociuar për pavarësinë. Kur jemi te Rexhepi, më sillej ndërmend edhe klonimi i vendlindjes së tij, por kjo tashmë është bërë nga ndërkombëtarët, i kemi dy Mitrovica. Do ta kisha klonuar edhe Aziz Tahirin, shumë herë. Derisa po shihja raportet që priteshin të botoheshin në këtë gazetë më rastisi ta shoh emrin e tij. Ky njeri ka 10 vjet që del me vetiniciativë dhe i mbulon gropat, shtron rrugët dhe bën punë të mira kudo që shkon në Kosovë a në Shqipëri. Ky është njeriu mbase i fundit në Kosovë që punon angari që Kosova të bëhet më e mirë. Kur po mendohesha më vinte nëpër mend se do të ishte mirë të klonoheshin edhe gjërat pa frymë. Por thonë se nga gjërat pa frymë nuk mund të klonosh ende, megjithatë brenda mundësive do të kisha klonuar edhe buxhetin e Kosovës. Do t’i kisha klonuar edhe ato tri orë rrymë që i kemi para territ. Nuk do ta kisha klonuar KEK-un, por me qejf do ta kisha klonuar “Valën 900” të PTK-së. Do t’i kisha klonuar edhe policët e trafikut sidomos për rastet kur ndalet rryma që të jenë gati të kontrollojnë trafikun nëpër udhëkryqet e Prishtinës. Besa do ta kisha klonuar për shembull edhe pensionin e plakut tim. Bile atë do ta kisha riklonuar disa herë radhazi. E pse jo, do ta kisha klonuar edhe gruan. Do të ishte fantastike sikur njëra të ishte më shpesh aty kur kam nevojë për të e tjetra të punonte. E mira është që tash edhe kanë dalë ngjyra të ndryshme flokësh dhe me pak ngjyrë të mirë mbase as nuk do të më dukeshin njësoj, njërën do ta kisha bërë bjonde e tjetrën brune. Në fund, do ta kisha klonuar edhe veten. Jo pse jam ndonjë burrë që si gjendet shoqi, porse nuk do të isha i detyruar të mendoja as për Rugovën e as për Dacin, do të kisha shkuar në shtëpi më herët dhe nuk do të isha marrë me këtë që po merrem tani. Por këto janë vetëm dëshira të Vitit të Ri.


------------------------------------------------------------------------------------Hhemee,ke do e klonoja un?! Pik se pari do e klonoja ne Shqiperi,Nanon dhe ti beja edhe 3 Nano,nje qe tjua qojm Grekut ta e mbajn atje,nje per serbet dhe nje mundesisht te jet shqiptar(se ky qe esht nuk ka pik gjaku shqiptari).

Pastaj Edi Ramen,njeri te vjedh sa te mundet dhe tjetri te mbrohet per te dyt para gjygjit,dhe nje te tret qe te renoj e ndertoj ne Shqiperi.


Pastaj Salen,njeri te dali te bertas si gomari neper mitingje nders tjetri te ri e te punoj aty ku duhet,per partin e tije.

pastaj,pastaj per momentin nuk po me kujtohen se dhe cilet,po do i gjej.

Po juy pyes juve,a thua ke do e kishit klonuar ne shqiperi.