Tekste këngësh të veriut.

[ALBA]

Vlla e moter

Paskan qen dikur ne nje voter
si dy pellumba vlla e moter
tuj rit shtatin mrekulli
vec nje fat e paten t'zi

Percjell motra ne shkall tragetit
vllan e vetem drejt kurbetit
mjera motra per ty vlla
nuk e di a do t'shoh ma

Nuk e di ka ke me shkue
ku do ulesh me pushu
kush do vi me t'hek merzin
djerst e ballit kush ti fshin

Per dite zemra pyet a erdhe
se m'ke len si zogu n'cerdhe
nuk kam forc me duru ma
dit per dit kam met tuj kja

Pasha syte motra t'ka dasht
pasha gjit qe kena pi bashk
kthehu prap si dikur n'voter
plakna bashk ne vlla e moter

S'eshte e gjate or vlla kjo jete
kur t'na vi dita kena me dek
pasurin e lam n'ket ane
vec ti kena vorret prane

[ALBA]

Po ja u them dy fjal t'verteta
ne mergim me kaloj jeta
me shume halle me shume derte
kam kalu shume male e dete

Nuk lash vend une pa shetit
ne Evrope e ne Amerike
cfar ka globi mrekulli
i kam pa une me kta sy

Autostratat e pafund
mijra here kam kalu une
me avjon kam ec n' hava
dhe me tren fushat kam ca

Kam udhtuar me tragete
kam pa opera e balete
kam kercy rok ne diskoteka
si nje enderr me kaloj jeta

Tuj shetit n'kostume t'vrakt
kam pas benz e kadillak
kam pa kullen n'mes Parisit
piramidat e egjyptit

Aktropolin e Greqise
dhe Venecien e Italise
rrotull botes i kam ra
si Shqipnin ma t'bukur ska

Po t'baj be pasha kta sy
pasha thinjat qe kam n'kry
pasha rrullat qe kam n'ball
pasha zotin qe m'ka fal

Pasha plaget qe kam n'shtat
ne Shqipri po vdes rehat
s ka si bjeshket ne malsi
ne hije t'lisit uje tuj pi

S' ka si zjarri ndez ke votra
s' ka si fmijt qe perkun lokja
ne lugina qe kendoj Zana
gjuhen shqipe qe i mesoj nana

Ciftelija dhe gerneta
jane me t'mira se diskoteka
si ujiski eshte rakia
kur ne dasma cohet dollia

Uji bjeshkes rrjedh nga bora
fort ma i mire pepsi kola
gradacela ashte shume pak
para kulles me cardak

kam pa boten e qytetrim
askun s'pashe si vendin tim
rehat gjumin kurre se bana
ne Shqipri me con tek andrra

A me degjon zogu i shqiptarit
amanetin e mergimtarit
nga do t'vini e nga do t'shkoni
ooo kurre shqiprine mos e harroni

[Living in Vain]

More vllau i motrës o
Top sheqeri ambël o
Top sheqeri ambël o

Vishi tirqit me gajtana
T'ët boj motra dhandër o
T'ët boj motra dhandër o

Ore vllau motrës o
Top sheqeri ambël o
Top sheqeri ambël o

Ven kapuçin përmbi sy-e
Lumja unë motra për ty-e
T'ët bëj motra dhandër o
T'ët bëj motra dhandër o

[Ullmar Qvick]

E dashur Alba, prej disa botimesh të rralla që kam mbledhur gjatë viteve, po nxjerr katër këngë djepi nga Veriu i Shqipërisë:

1.Boks-Shkodër, viti 1965, kënduar: Nife Shkrelaj:

Nina-na, more bir
Flej e gjumi të ban mirë
Të prekun nana kadalë
Ti m'u bash n'katund i parë
Nina-nina, n'djep të drunit
T'perkun nana, zog pëllumbit
Ti m'u bafsh i parë katuni!

2. Shkodër viti 1965, kënduar: Lena Pjetri (dt. 1905)

O, o, nina-nana
Nana yte po t'përkun-e
Flej, moj njome se t've n'gjum-e!
O, o, nina-nana
Flej, moj njome, sa të du-e
hajde gjum-e, ma merr djalin!
O, o, nina-nana
hajde gjum-e, ardhsh i bardh-e
hajde gjum-e, ardhsh i bardh-e
E, o, nina-nana
hajde gjum-e ti tuj knu-e
e ma merr, ti, djalin mu-e!
O, o, nina-nana
hajde gjum-e, ardhsh i bardh-e
hajde gjum-e, ardhsh i bardh-e!
O, o, nina-nana
hajde gjum-e, ti, me lezet-e
o ma merr, ti, djalin shpejt-e!
O, o, nina-nana!

Këto dy këngë djepi janë mjaft të thjeshta, tani do të ju jap edhe dy, gjithashtu nga Shkodra me rrethinë, të cilat janë më të zbukuruara:

3. Nënshat-Shkodër v. 1972, kënduar: Marie Hila

Nina-nana, more bir
fli, se gjumi të ban mirë
të ban mirë, të rahaton
shtatin, bir, ty, ta pushon, o, o
Nina-nana, gushpëllum
kush të don ma shumë se unë?
Nin-nin, sheqer në letër
m'u bafsh, bir, ti, plak i vjetër
Q'po i knon, o djali, gjumit
si vida çi knon pëllumit
'po i knon, o djali, djepit
si bilbili në gem t'plepit.

4. Breglum-Shkodër v. 1972, kënduar: Shkurte Rushetja (dt. 1937)

Nina-ninë, djepin me sanë
u rritsh me babë, u rritsh me nanë!
Nina-ninë, djepin me dushk
t'martoft' nana me niqin krushq!
Nina-ninë, djepin drunit
u bash ma i miri i një katuni!
Nina-ninë, mollë e ftue
tash ta xen baba ni grue
Nina-nina, more djalë
ti m'u rritsh si bima n'arë
sikur bima u rritsh përpjetë
si sokol e si fojletë
si fojleta si qet pipa
u bash me djem e u bash me çika
u bash me reja e u bash me nipa!
Po vjen gjumi tuj pëvetë:
- A e kam djalin çutë a fjetë?
-Çutë asht, por don me fjetë.
Gjumi-gjumi, rehatshumi
vjen e t'merr porsi pllumi
- Mos ma maj, veç dy sahat
kur t'mërzitem, çoma prapë.
Nji ky djepi, si rrit djemtë
ju prerojshin të dy kaptejtë!
Nji ky djepi, si rrit çika
ju thafshin kaptej e brica!

Spiegime fjalësh: Sanë - bar i thatë, fojletë - caraca, kaliboba
pipa - filiza, kaptejtë - ballët e djepit, brica - anët e djepit

[Ullmar Qvick]

Nga thellësitë e arkivit tim shqiptar nxora një
revistë “Koha e Jonë” nga viti 1971 me këtë vjershë:

Dr. Nush Bushati:
Jus primae noctis

Mbi luginë të kronit t’shterrun,
Vasha tretë, n' mendime bjerrun.
Drita qét e hanës ka rá:
Ftyra zbét, veç syt tuj kjá.
Si nji zog i xanun n’lak:
Kryt perkulun, syy e duer n’gjak.
Larg e larg ner djelm ma trimi,
Ma sokoli ish kênê Besimi.
Bashkarisht fminin kaluene.
Porsè beu te kulla e naltë,
Kish ngulë syyt te vasha e ngratë.
Si zagárt ne gjah u lshuene,
Çunat beut vashen i a pruene.
Per t’ruejt nderin, kah s’kish t’ikë,
Vasha beut i futi 'j thikë.
Me perdhuni vasha shkoj,
Begut zêmren i a shporoj.
E zagárt ne ket u lshuene:
Syyt si hyjt vashës i a shporuene.
I mbloj nata syyt si drita;
Çunët Besimin vrán ke prita.
Pershperisin léht n’ajri
Lisat n’gjeth ket t’mjerë dashtëni.

[jonuz]

mfalni kush e kendon kete kenge?

[jonuz]

kush e kendon kete kenge?

[arbereshi_niko]

Nga thellësitë e arkivit tim shqiptar nxora një
revistë “Koha e Jonë” nga viti 1971 me këtë vjershë:

Dr. Nush Bushati:
Jus primae noctis

Mbi luginë të kronit t’shterrun,
Vasha tretë, n' mendime bjerrun.
Drita qét e hanës ka rá:
Ftyra zbét, veç syt tuj kjá.
Si nji zog i xanun n’lak:
Kryt perkulun, syy e duer n’gjak.
Larg e larg ner djelm ma trimi,
Ma sokoli ish kênê Besimi.
Bashkarisht fminin kaluene.
Porsè beu te kulla e naltë,
Kish ngulë syyt te vasha e ngratë.
Si zagárt ne gjah u lshuene,
Çunat beut vashen i a pruene.
Per t’ruejt nderin, kah s’kish t’ikë,
Vasha beut i futi 'j thikë.
Me perdhuni vasha shkoj,
Begut zêmren i a shporoj.
E zagárt ne ket u lshuene:
Syyt si hyjt vashës i a shporuene.
I mbloj nata syyt si drita;
Çunët Besimin vrán ke prita.
Pershperisin léht n’ajri
Lisat n’gjeth ket t’mjerë dashtëni.

Komplimente!
Shume e bukur.
Pershendetje