Gjyqtari Agim Ferizaj: "KQZ vendosi subjektivisht"

[Brari]

Paska Burra Shqiperia. Nje i tille eshte Agim Ferizaj.

Por c'do heq i ngrati "nashti" nga Mafia roze.. te shohim.

Ja c'thone gazetat.


gazeta Shqiptare:

--------------

FLET ANETARI I KOLEGJIT ZGJEDHOR

"Ja pse e rrëzuam Edi Ramën"
Agim Ferizaj: KQZ vendosi subjektivisht


Artur Korriku

Të takoje dje Agim Ferizajn, gjy-katësin e Kolegjit Zgjedhor që rrëzoi zgjedhjet në Tiranë, ishte me të vërtetë një detyrë e vështirë. Në telefonin e familjes Ferizaj, të përgjigjen me mirësjellje se i zoti i shtëpisë, gjykatësi i Apelit të Durrësit, ndodhet në një takim të rëndësishëm. Ndërsa në aparatin celular, pas shumë insistimi, i njëjti zë të përgjigjet se "babi, ka harruar telefonin në shtëpi". Gjykatësi Agim Ferizaj, nuk e kishte menduar kurrë se do të gjendej përballë një reagimi kaq të ashpër të politikës. Për një moment, ai dhe dy gjyqtarët e tjerë të kolegjit zgjedhor që anulluan zgjedhjet në Tiranë, janë gjendur mes dy zjarreve. Kryeministri i ka akuzuar si të korruptuar, gazeta e PS-së, si të blerë nga trafikantët e drogës, ndërsa ish-kryeministri Meta, si njerëz të shitur te Nano. Pas një breshërie të tillë deklaratash, Ferizaj ka pranuar të rrëfejë dje të gjitha shkeljet që zbuloi në procesverbalet e Tiranës, vendimin subjektiv të KQZ-së si dhe arësyet që e detyruan të merrte atë vendim që sigurisht, që këtej e tutje do ta identifikojë si "gjyqtari që përsëriti zgjedhjet në Tiranë":

- Jeni akuzuar nga drejtuesit e PS se vendimin për anullimin e zgjedhjeve në 130 qendra votimi e keni marrë nën presion?
Nuk janë 130 por 129 votimi ku do të përsërirten zgjedhjet në Tiranë. Dua të theksoj se gjatë gjithë punës sonë nuk kemi marrë qoftë edhe një telefonatë nga të dy krahët e politikës për të ndikuar në punën tonë.

- Si keni proceduar për të mbëritur deri në këtë vendim?
Kemi punuar më shume se dy javë. Kemi shqyrtuar të gjithë dokumentacionin e të gjitha qendrave të votimit të kryeqytetit. Kemi punuar nga ora 08 e mëngjesit deri në orën 12 të natës. Ne jemi bazuar në Kodin Zgjedhor dhe në Kodin Civil. Pasi bëmë verifikimet hartuam edhe vendimin për përsëritjen e zgjedhjeve në 129 qendra votimi.

- Të cilës natyrë janë shkeljet që ju konstatuat në këto qendra votimi?
Shkeljet ishin të shumta dhe të ndryshme. Po përmend mungësën e procesverbaleve, mungesën e vulave në këto qendra. Por për këtë është përpiluar një dosje e veçantë. Kushdo institucion i specializuar do ta vlerësojë punën e kryer.

- Si i vlerësoni akuzat në adresë të anëtarëve të Kolegjit Zgjedhor?
Nuk më vjen mirë që sulmohet një institucion drejtësia. Kjo nuk është në të mirën e atyre që lëshojnë akuza të tilla.

- A mendoni se vendimi juaj krijon probleme për KQZ?
Nuk ka pse të ndodhë kështu. Nuk ka pse të përbaltet KQZ nëpërmjet vendimit të marrë nga Kolegji i Apelit. Ky kolegj është krijuar që të korigjojë gabimet e shkeljet. Pse nuk u reagua për Himarën? Shkeljet ngjasonin. Unë mendoj se KQZ e ndërtuar me përfaqësues të politikës mund të bjerë edhe në subjektivizëm. Pikërisht për të parandaluar këtë është parashikuar në Kodin Zgjedhor krijimi i Kolegjit Zgjedhor.


Deklarata për shtyp

Kolegji Zgjedhor: Politika po na bën presion në punën tonë
Anëtarët e Kolegjit Zgjedhor kanë reaguar dje me anë të një deklarate për shtyp, lidhur me deklaratat politike publike bërë në adresë të tyre nga eksponentë të politikës.
"Jemi zgjedhur në këtë detyrë në bazë të dispozitave të Kodit Zgjedhor, me short, me një procedurë publike, ndoshta edhe kundër dëshirës, por morëm përsipër të japim kontributin tonë për zgjedhjet e 12 tetorit", shprehen në deklaratën e tyre anëtarët e kësaj gjykate. Sipas tyre, deri tani nga ana e këtij kolegji zgjedhor janë gjykuar 115 çështje që kanë të bëjnë me konflikte para e pas zgjedhjeve. "Dhe ne jemi të bindur se kemi zbatuar vetëm ligjin", thuhet në deklaratën e tyre.
Megjithatë, ata nuk mohojnë faktin se politikanët, të të gjitha kategorive kanë ushtruar presion mbi punën e tyre, madje me të gjitha format dhe me të gjitha mjetet, sipas zyrtarëve të lartë të Kolegjit Zgjedhor.
"Deklarojmë se politika në përgjithësi, dhe politikanë apo individë të veçantë, në mënyrë direkte apo indirekte, me të gjitha mjetet, kanë ushtruar dhe vazhdojnë të ushtrojnë presion për të realizuar qëllimet e tyre", shprehen ata në deklaratën e tyre publike.
Madje, hyjnë edhe në raste konkrete. "Njeri na tregon "bankën e të akuzuarve", tjetri na trajton si "bandë të Fatos Nanos", ndërsa ky i fundit si "gjyqtarë të blerë nga mafia e drogës", thuhet në deklaratën e tyre bërë publike ditën e djeshme.
Ata i kanë bërë thirrje politikanëve që të mos ushtrojnë presion gjatë ushtrimit të detyrës së tyre. "Kjo është gjendja, prandaj ne u bëjmë thirrje të gjithë politikanëve, kushdo qofshin ata, të majtë, të djathtë apo të qendrës që në punët e kolegjit zgjedhor të mos ushtrojnë presion e të mos ngjallin frikë e pasiguri. Le të mësojmë nga demokracitë e përparuara se edhe kjo është kulturë në politikë", thuhet në deklaratën e tyre.
Sipas tyre, gjyqësori nuk është pronë e asnjë partie politike. Ai e thotë fjalën e tij vetëm në bazë të ligjit dhe vendimi i dhënë nga Kolegji Zgjedhor ka fuqinë e tij, "prandaj të gjithë duhet ti bindemi". "Në të kundërt, kur sulmohet padrejtësisht gjyqësori, sikundër shpesh veprohet, vetë politika ndjell anarkinë, e cila I ka sjellë shumë dëme këtij populli", përfundon deklarata e gjyqtarëve me vulën e Gjykatës së Apelit.


Denoncon nënkryetarja e PD, Topalli

"Nano në Strasburg kërcënoi gjyqtarët"
"Kërcënimi që Kryeministri Fatos Nano i ka bërë tre anëtarëve të Kolegjit Zgjedhor do të denoncohet në Strasburg". Kështu deklaroi dje Nënkryetarja e Kuvendit Jozefina Topalli në një konferencë për shtyp. Sipas saj denoncimi për këtë deklaratë të dhënë nga kryeminsitri i vendit do të bëhet edhe tek të gjithë përfaqsuesit e ndërkombëtarëve në Shqipëri. Qëllimi i këtyre denoncimeve është ushtrimi i një presioni nga ana e tyre mbi qeverinë për të garantuar kështu jetën e gjykatësve të kërkcënuar. Gjithashtu Topalli i kërkoi edhe Presindetit të Republikës si Kryetar i Këshillit të Lartë të Drejtësisë që të kërkojë shpjegime dhe të dënojë deklaratën e bërë nga Nano. Duke e quajtur një terrorizëm politik vendosjen në "rreth të kuq", të tre gjykatësve të Kolegjit Zgjedhor, Topalli nënvizoi se kjo është një "vrasje reale e pavarsisë së gjyqësorit në Shqipëri". Topalli e ka hedhur poshtë akuzat e ish-kryeministrit Meta për një kompromis midis Nanos dhe Berishës për marrjen e këtij vendimi nga Kolegji Zgjedhor. "Njeriu më i terrorizuar nga vendimi i djeshëm dhënë nga Kolegji Zgjedhor është Fatos Nano ndaj është dhe ai reagim i djeshëm me deklarata për kërcënimin me jetë ndaj gjykatësve", tha Topalli. Nënkryetarja e Parlamentit i bëri thirrje të gjithë gjykatësve që të zbatojnë ligjin edhe në rast se përballen me kërkcënime të tilla publike.

****


KJ
----------

POLLO VLERESON VENDIMIN E KOLEGJIT

Kryetari reformatoreve Gnc Pollo, vleresoi te drejte vendimin

e Kolegjit Zgjedhor per perseritjen e zgjedhjeve ne 130 qendra votimi ne Tirane. Pollo tha se vendimi eshte i bazuar ne parregullsite e konstatuara gjate procesit zgjedhor te 12 Tetorit, te denoncuara keto dhe nga PDR. Sipas tij, procesi eshte demtuar nga komisioneret e qendrave te votimit, te cilet kane shkelur procedurat zgjedhore". Duke vijuar me tej, Pollo theksoi se parregullsite e konstatuara ne zgjedhjet lokale jane pasoje dhe e perberjes se komisioneve zgjedhore, qe u dominuan vetem nga perfaqesues te PS-se dhe PD-se. "Komisioneret, e PS apo te PD, qe kane thyer kutite kane grisur e fallsifikuar procesverbalet dhe tabelat duke neperkembur vullnetin e zgjedhesve, duhet te pergjigjen penalisht. Kjo formule e perberjes se komisionereve, e dominuar vetem nga keto dy parti, duhet te rishikohet me cdo kusht sepse ne rast te kundert kjo situate do te perseritet pafundesisht" tha Pollo. Ai denoncoi si te papranueshme akuzat qe kryeminstri Nano beri per Kolegjin Zgjedhor, duke i konsideruar ata si te korruptuar.

POLITIKA DIKTOI VENDIMIN E KOLEGJIT

Edlira Prenga

Kandidati per kryetar te PS-se, njekohesisht kryebashkiaku i Tiranes, Edi Rama denoi dje vendimin e fundit te Kolegjit Zgjedhor per rezultatin e zgjedhjeve ne Tirane. Teper i ashper gjate deklarates se tij, Rama pohoi se ky ishte nje vendim absurd dhe teresisht i diktuar nga politika. "Ashtu si jane plotesisht politike te gjitha ato veprime apo mosveprime brenda sistemit tone te drejtesise, qe lidhen me nevojen per t'u dhene pergjigje ceshtjeve per te cilat politika interesohet t'i hape apo t'i mbylle", pohoi Rama. Gjate deklarates se tij, ai permendi edhe faktin qe kandidati tjeter, Rexhep Meidani u prek nga fyerjet e Nanos ne konferencen e PS-se se Shkodres. "Jamshume i zhgenjyer nga fakti se as profesori i nderuar Rexhep Meidani, nuk i shpetoi dot kurthit te referimit jo etik ndaj se kaluares ne perpjekjen per t'i kthyer pergjigje nje referimi po aq joetik te kryetarit te partise" tha ai. Nga ana tjeter, kandidati per kryetarin e PS-se nuk harroi te permende edhe faktin se kryetari aktual Nano eshte duke zgjedhur rruge jo te drejta parakongresuale per menjanimin e kundershtareve brenda kongresit te 12 dhjetorit. "Une nuk mund te bie dakord me menyren sesi kryetari yne mendon e shprehet per konkurencen aktuale ne kete proces te tensionuar perpara kongresit. Dhe me instrumentat qe ka zgjedhur kryetari yne per ta perballuar kete problematike. Nese ju mendoni se une jam nje axhami qe pa pritur dhe pakujtuar me hyri vetja ne qejf dhe erdha te them se "hajde po behem une kryetar partie", jeni shume te gabuar", vuri ne dukje. Nga ana tjeter, Rama pohoi se gara e tij behet vetem me qellimin per te mos e lene Partine Socialiste qe te kaloje nje dite ne opozite. "Nuk duhet ta leme anijen e PS-se te mbytet, per shkak te vrimave qe kemi hyre ne gare per njeri-tjetrin per t'ia hapur. Te mos i leme socialistet e thjeshte dhe mbeshtetesit tane ne duart e nje opozite antidemokratike dhe antiqytetare", tha Rama.

Por permendi edhe faktin se nepermjet vendimit te kolegjit zgjedhor jemi perballe dy sfidave tashme. "Sfida e Tiranes nuk e konsideroj si personale, por si sfide e te gjithe socialisteve shqiptare.

Une jam ketu qe t'ju ftoj te gjitheve dhe Fatos Nanon e Rexhep Meidanin qe kjo thike pas shpine, te kthehet ne nje shans per t'i provuar vetes se jemi ne gjendje te dalim kunder kundershtarit politik te perbashket. Boll e kemi ushqyer doktorin e paturpshem me shfaqjen e dobesive tona ne publik", deklaroi Rama.

Por nuk harroi te permende edhe faktin se ai nuk eshte pjese e ndonje aleance fluide. "S'mund te me akuzoje askush mua si nje pjesetar te aleancave fluide. Ne vertet kemi te metat dhe perplasjet tona, por ne jemi me te forte se doktori. Fatos Nano nuk eshte kundershtari im politik. Dhe nuk jam i detyruar te jem servil i Fatos Nanos, apo servil i Ilir Metes", sqaroi Rama. Ai e perfundoi deklaraten e tij duke u shprehur se PS e ka mazhorancen per te qeverisur deri ne 2005. "Ju siguroj se nese ne e shikojme njeri-tjetrin jo si armiq, sepse ka te shumte nder udheheqesit tane qe kane arritur deri atje sa te preferojne doktorin ne vend te njeri-tjetrit mund te perfundojme me pas ne thiken e doktorit. Une preferoj t'ua them ne sy edhe Fatos Nanos, edhe Ilir Metes, edhe Rexhep Meidanit, edhe kujtdo tjeter qofte, sepse nuk kemi ardhur deri ne vitin 2003 qe te riveme prape ne pikepyetje kurajon per te folur hapur me njeri-tjetrin. Kesaj radhe te bejme gjithka qe te mundemi, qe gjithe ate balte qe kemi bere gati per te mbuluar njeri-tjetrin, t'ia leme doktorit qe te mbytet dhe ne te bejme nje pakt midis te gjithe nesh, qe qytetari shqiptar fare ka per te degjuar fjale te pista, t'i degjoje te 0900 dhe te doktori dhe jo ne tribuna ku behet debati per Partine Socialiste. Vetem ketu ne do t'i garantojme doktorit nje te ardhme si pensionist sepse te jeni te sigurte se do te jete mashkulli me i suksesshem te 0900-ta" perfundoi Rama.


****


Gazeta Shqiptare:
----------

ANALIZE

Kryebashkiaku komenton anullimin e zgjedhjeve në Tiranë: Vendim plotësisht politik dhe tërësisht i diktuar nga politika

"Meidani më zhgënjeu, Nano ishte i burgosur politik"


Edi Rama


Nuk besoj se ka njeri ndër ju që të mos jetë njohur me vendimin e djeshëm të Kolegjit Zgjedhor për zgjedhjet në Tiranë. Nuk besoj gjithashtu se do të ishte e pavend për ndonjërin prej jush, që unë t'i drejtohem konferencës suaj duke u nisur nga kjo e papritur, që na sollën në derën e familjes sonë politike tre vetë nga ai soj gjykatësish me të cilin qytetari shqiptar ndeshet rëndom, kur kërkon të drejtën e vet në dyert e sistemit tonë gjyqësor. Megjithatë nuk besoj se asgjësimi i rezultatit të dalë nga vota e lirë, dhe më shumë se një të tretës të banorëve të kryeqytetit të Shqipërisë mund t'u faturohet tre njerëzve të mbuluar me tunikën e zezë të njeriut të ligjit, të cilët, për të qenë krejt i sinqertë me ju, kur i pashë në ekran teksa jepnin vendimin e tyre absurd, më shkaktuan një neveri të përzier me keqardhje. Neveri për shkak të erës së kalbësirës morale që kutërbon sistemi i drejtësisë shqiptare kur nuk jep drejtësi dhe keqardhje, për shpërfytyrimin e njeriut që, në rolin e kryetarit të trupit gjykues, duhet të lexojë përpara kamerave një vendim të diktuar tek i cili, jam gati të vë dorën në zjarr, ai vetë nuk beson asnjë sekondë të vetme. Por, pavarësisht brengosjes apo intuitës sime, të cilat mund të më kishin shtyrë në përfundime shumë të hidhura po ndoshta edhe shumë të nxituara, unë nuk do të akuzoj sot si të korruptuar ata tre njerëz të nënshtruar. Sepse unë nuk kam prova për ta bërë një akuzë të tillë, ashtu sikundër unë nuk kam prova për të thënë se diktuesit e vendimit të tyre janë ata që janë shfaqur si pjesë e aleancave bllokuese në Kuvendin e Shqipërisë. Më anë tjetër unë nuk mund të parafytyroj se ky vendim kaq fyes për popullin kryeqytetas është diktuar nga ndonjë nevojë individuale brenda shumicës sonë, për të qetësuar përkohësisht turmën e opozitës duke i'a zëvendësuar bukën e marrë me vete në shesh me një të tretën e fitores sonë spektakolare në Tiranë.
Dhe aq më pak unë mund të parafytyroj se paralelisht me këtë ushqim, për opozitën e rrugës është ushqyer edhe nevoja e ndokujt brenda familjes sonë politike për ta shkurtuar hijen që kjo fitore lëshon mbi hartën e tkurrur të zotërimeve të Partisë Socialiste në nivel kombëtar. E megjithatë, nuk duhen prova të ndryshme nga ato që mund të numëronim edhe përpara daljes së këtij vendimi absurd të Kolegjit Zgjedhor, për të thënë me plot gojën se ky i djeshmi ishte një vendim plotësisht politik dhe tërësisht i diktuar nga politika. Mu ashtu siç janë plotësisht politike e tërësisht të diktuara nga politika, të gjitha ato veprime apo mosveprime brenda sistemit tonë të drejtësisë, që lidhen me nevojën për t'u dhënë përgjigje çështjeve për të cilat politika interesohet t'i hapë apo t'i mbyllë. Dhe në këtë aspekt fatkeqësia është e dyfishtë. Nga njëra anë sepse nën trysninë e pandalshme të politikës, e cila nxiton rregullisht të japë përpara kamerave vendimin, përpara sesa të depozitojë ankimin në organet e drejtësisë, gjë që e bën shumë rrallë, këto të fundit ndihen të asfiksuara dhe, nga ana tjetër, sepse teksa u kërkon të tjerëve shembuj moraliteti, profesionalizmi e përkushtimi në detyrë vetë politika nxit përmes shembullit të saj amoralitetin, paaftësinë dhe mungesën e plotë të ndjenjës së detyrës ndaj qytetarëve që përfaqëson.
Çfarë mund të pretendojmë më shumë nga tre gjykatës anonimë, të cilëve u bie shorti të shpalosin deformimin e tyre moral e profesional në trajtimin e një çështjeje kaq madhore sa ajo e respektimit të votës së qytetarëve, kur vendimi i tyre duhet të merret në një mjedis kaq të ndotur nga mungesa e respektit të politikës për qytetarët?! Çfarë mund të pretendojmë më shumë nga marrëdhëniet perverse të shumë njerëzve të ligjit me ligjin e me qytetarin, në një kohë kur kreu i qeverisë i thotë zëvendësit të tij kriminel, ky tjetri i kthehet e i thotë legen, ish-presidenti e, aktualisht, njëri ndër konkurentët për kryetar partie thotë për kryetarin e partisë se mund të kishte mbetur një i burgosur ordiner, nëse partia s'do e kishte bërë të burgosur politik, ndërkohë që shefi i opozitës i bën të tërë kundërshtarët e vet politikë organizatorë vrasjesh me pagesë sa herë që ndodh një vrasje në Shqipëri?!

E meqë ra fjala, jam shumë i zhgënjyer nga fakti se as profesori i nderuar Rexhep Meidani, nuk i shpëtoi dot kurthit të referimit joetik ndaj së kaluarës në përpjekjen për t'i kthyer përgjigje një referimi po aq joetik të kryetarit të partisë. Unë nuk mund të bie dakord me mënyrën sesi kryetari ynë mendon e shprehet për konkurencën aktuale në këtë proçes të tensionuar përpara kongresit, unë nuk mund të bie dakord me faktin se kryetari ynë interesohet vetëm e vetëm të zotërojë sallat e konferencave paçka se fjalët e tij, më shumë ngacmojnë tek të pranishmit thirrjen e të parëve sesa prekin problematikën reale të Partisë Socialiste e të vendit, unë nuk mund të bie dakord me vetë instrumentat që duket se ka zgjedhur kryetari ynë për ta përballuar këtë problematikë. Por ama, nga ana tjetër, unë nuk mund të bie kurrësesi dakord me një përgjigje "flakë për flakë" si ajo e Rexhep Meidanit në lidhje me burgosjen e Fatos Nanos, e cila jo vetëm ka qenë një burgosje mirëfilli politike, por mbetet sot e gjithë ditën një nga ato pika referimi të historisë sonë të përbashkët, ku të gjithë ne duhet të gjejmë arsye e fuqi për t'u ribashkuar e ringritur në nivelin e përfaqësimit të vitit 1997, sepse unë besoj me gjithë zemër që PS-ja mund dhe duhet të ringrihet në atë nivel përfaqësimi.

Kjo është arsyeja se përse jam edhe këtu sot dhe dua t'ju shpreh edhe juve atë që kam shprehur ngado. Nëse ju mendoni se unë jam një axhami që pa pritur dhe pakujtuar më hyri vetja në qejf dhe erdha të them se "hajde po bëhem unë kryetar partie", jeni shumë të gabuar. Unë nuk jam një axhami, por unë jam një nga ju që mendoj se ne nuk mund dhe nuk duhet ta lëmë anijen e PS-së të mbytet, për shkak të vrimave që kemi hyrë në garë për njëri-tjetrin për t'ia hapur, ashtu sikundër unë mendoj dhe besoj njësoj si ju të gjithë, pavarësisht se me cilin jeni rreshtuar sot, se nëqoftëse e tashmja na ndan për arsye që ne akoma nuk po gjejmë kurajon, durimin dhe mosdurimin që t'i analizojmë me gjakftohtësi, e kaluara dhe e ardhmja nuk mundet veçse të na bashkojë. Në emër të gjithçkaje të mirë që kemi realizuar sëbashku, qoftë kur ishim në opozitë, qoftë qysh sa jemi në pushtet dhe në emër të domosdoshmërisë për të mos i lënë socialistët e thjeshtë, mbështetësit dhe simpatizantët tanë në duart e një opozite antidemokratike dhe antiqytetare.

A mundet të mos na mjaftojë shembulli i i shëmtuar dhe njëkohësisht dramatik që na dhanë dje tre gjykatës të Kolegjit Zgjedhor, se punët në këtë vend nuk janë mirë? A mundet të mos na mjaftojë ajo çka tre gjykatës, të cilët në ditë të zakonshme jashtë vëmendjes së kamerave dhe vëmendjes tonë japin vendime të tilla për qytetarë të thjeshtë të Shqipërisë, për të mos kuptuar se jo vetëm Partia Socialiste, por e tërë Shqipëria është në një udhëkryq? A mundet të mos na mjaftojë ky shembull për të kuptuar se në këtë udhëkryq ka vetëm dy rrugë; nuk ka tre, por dy. Ose të bashkohemi rreth një projekti politik, i cili duhet të marrë për bazë të gjitha ato çka kemi bërë të mira për këtë vend, dhe i kemi bërë të gjithë bashkë; ose të ndodhë ajo, çka askush nga ju dhe unë po ashtu si më i apasionuari nga ju nuk duam që të ndodhë, që të dorëzohemi përpara një opozite skandaloze që drejtohet nga zjarrëvënësi i Shqipërisë, duke e bërë partinë tonë dhe vendin tonë peng të mosmarrëveshjeve absurde midis nesh. Zoti do të na ndihmojë, por ne duhet të ndihmojmë njëri-tjetrin.

***
Nëpërmjet vendimit të djeshëm Kolegji Zgjedhor, ju siguroj se na ka vënë papritmas në një provë zjarri tamam si me dorë të Zotit, sepse jemi përballë dy sfidave tashmë. Sepse unë sfidën e Tiranës nuk e konsideroj si sfidë personale, por si sfidë e të gjithë socialistëve të të gjithë Shqipërisë, një sfidë të të gjithë mbështetësve dhe simpatizantëve tanë, një sfidë të të gjithë veteranëve të Shqipërisë, që nuk meritojnë të rikthehen prapë në duart e doktorit dhe nga ana tjetër kjo sfidë është e dubluar në të njëjtën kohë me sfidën që ne të zgjidhim problemet tona të brendshme, me sfidën që ne të ulemi dhe të dëgjojmë njëri-tjetrin, me sfidën që ne të kuptojmë nga njëri-tjetri, qysh nga kryetari i partisë e deri te socialisti më i ri. Unë jam këtu që t'ju ftoj të gjithëve ju, ta ftoj edhe Fatos Nanon edhe Rexhep Meidanin edhe të gjithë të tjerët, që kjo thikë pas shpine që morën dje votuesit e kryeqytetit, PS-ja dhe socialistët e gjithë Shqipërisë, ta kthejmë në një shans për t'i provuar vetes në radhë të parë dhe të gjithë mbështetësve tanë se ne jemi në gjendje jo vetëm që të bashkojmë të gjitha forcat për të mposhtur një kundërshtar politik të përbashkët, por edhe se ne nuk jemi armiq të vetvetes deri në atë pikë sa t'i bëjmë kundërshtarit dhuratë mandatin e marrë me meritë të plotë, jo vetëm në Tiranë por edhe në gjithë Shqipërinë në vitin 2001. Këtë dhuratë ne nuk duhet t'ia bëjmë këtij kundërshtari. Boll e kemi ushqyer doktorin e paturpshëm me shfaqjen e dobësive tona në publik, boll i kemi falur doktorit të paskrupullt pjesë të vetvetes si pa gjë të keq, boll e kemi shitur njëri-tjetrin te doktori, boll e kemi lejuar doktorin e pafé të na ndyjë me baltën që ne vetë ia kemi dhënë nëpër duar dhe këtu, nuk besoj se ka njeri në këtë sallë që të më akuzojë mua si pjesëtar të aleancave fluide. Ne vërtet kemi të metat dhe përplasjet tona, por kjo përpjekje që unë po bëj, që ne po bëjmë, për t'i kuruar këto plagë nuk tregojnë se ne jemi më të dobët sesa doktori; tregon se ne jemi më të fortë se doktori dhe që as Tirana dhe as Shqipëria nuk mund t'i lihen në dorë mëkatarit të mëkatarëve që është ai.

Unë i ftoj sot të gjithë miqtë e shokët e udhëheqjes së PS-së pa dallim, ashtu sikundër ju ftoj të gjithëve ju, që ne t'i japim një mësim shembullor doktorit dhe partisë së tij, duke rifituar me një diferencë edhe më të thellë atë pjesë të Tiranës që dje u përdhunua nga Kolegji Zgjedhor. Por nga ana tjetër, duke mos harruar se ne mund ta rifitojmë atë pjesë të Tiranës me diferencë edhe më të thellë, nëse nuk mjaftohemi dhe nuk kënaqemi duke mos lejuar njëri-tjetrin që të flasë në këto salla. Sepse në këto salla ka edhe kamera dhe në këto salla janë drejtuar sytë e shumë qytetarëve të cilët nuk duhet dhe nuk mund të mendojnë se në këtë parti sundon emocionaliteti, sundon mungesa e respektit për tjetrin, sundon një dëshirë primitive për t'ia ndërprerë fjalën tjetrit ose ngritur me ovacione për dikë tjetër që nuk është kundërshtari politik. Fatos Nano nuk është kundërshtari im politik. Ndërsa unë jam sot në këtë garë për të sjellë kontributet e mia, sepse unë mendoj si shumë socialistë të tjerë që unë nuk jam i detyruar të jem servil i Fatos Nanos, apo servil i Ilir Metës, apo i kujtdo tjetër. Unë jam i detyruar që të kontribuoj në PS me ato ide, me ato mendime, me ato energji që kam dhe më duket se prej shumë vitesh ia kam zbardhur faqen Partisë Socialiste dhe nuk lejoj askënd të më tregojë mua stazhin e partisë, nuk lejoj askënd të më tregojë mua vuajtjet që ka pasur si socialist nën regjimin e atij maskarai, i cili po kërkon të rikthehet në pushtet nëpërmjet nesh, jo nëpërmjet vetes së tij, jo nëpërmjet forcave të tij, por nëpërmjet atij ushqimi që ne i japim përditë duke poshtëruar njëri-tjetrin përpara publikut, duke i treguar njëri-tjetrit njëmijë e një të zeza, nga të cilat njëmijë janë të paqëna dhe një mund të jetë e qënë dhe duke pështyrë njëri-tjetrin sa herë na duhet ta mposhtim brenda familjes tonë dhe pastaj duke i lëpirë pështymat në fytyrën e njëri-tjetrit kur na duhet të mposhtim atë. Këtë teatër shqiptarët nuk e pranojnë më. Dhe pikërisht për këtë arsye, ne duhet ta rigjejmë njëri-tjetrin, nuk duhet të kemi asnjë lloj ndjenje faji nëse i themi njëri-tjetrit "ato që na bashkojnë janë shumë më të mëdha se sa ato që na ndajnë".

Dhe ju siguroj që ne e kemi mazhorancën për të qeverisur deri në 2005. Ju siguroj se nëse ne e shikojmë njëri-tjetrin jo si armiq, sepse ka të shumtë ndër udhëheqësit tanë që kanë arritur deri atje sa të preferojnë doktorin në vend të njëri-tjetrit dhe kjo është ajo sëmundje të cilën ne duhet ta shërojmë, nëse nuk duam që të gjithë pa dallim të përfundojmë më pas në thikën e doktorit.
Unë nuk preferoj t'u ngul thika miqve dhe shokëve të mi, pavarësisht se sot i shoh me dëshpërim të rreshtuar kundër njëri-tjetrit, duke u fshehur mbrapa kulisave dhe duke hedhur gurin dhe fshehur dorën. Unë preferoj t'ua them në sy edhe Fatos Nanos, edhe Ilir Metës, edhe Rexhep Meidanit, edhe kujtdo tjetër qoftë, sepse nuk kemi ardhur deri në vitin 2003 që të rivëmë prapë në pikëpyetje kurajon për të folur hapur me njëri-tjetrin, dhe e folura hapur nuk nënkupton poshtërimin e hapur të njëri-tjetrit, nuk nënkupton përbaltjen e hapur të njëri-tjetrit, nuk nënkupton nëpërkëmbjen e hapur të njëri-tjetrit, por nënkupton dashurinë për njëri-tjetrin, e cila shprehet sot siç shprehet brenda një familjeje, sepse ti që më flet mua nga salla nëse i drejtohesh një ditë vëllait tënd me ton të ashpër nuk do të thotë që po e shet vëllain tënd te komshiu që mund ta kesh qejfli.

E fundit fare që do të doja të nënvizoja është: Kjo që ndodhi dje në Tiranë është një provë zjarri për PS-në dhe për ne të gjithë. Ju e dini shumë mirë që në çfarëdo pozicioni që ndodhem unë personalisht unë nuk e kam problem doktorin. Ajo që kam problem unë është diçka tjetër. Është se kësaj radhe të bëjmë gjithçka që të mundemi, që gjithë atë baltë që kemi bërë gati për të mbuluar njëri-tjetrin, t'ia lëmë doktorit që të mbytet dhe ne të bëjmë një pakt midis të gjithë nesh, që qytetari shqiptar çfarë ka për të dëgjuar fjalë të pista, t'i dëgjojë te 0900 dhe te doktori dhe jo në tribuna ku bëhet debati për Partinë Socialiste. Vetëm këtu ne do t'i garantojmë doktorit një të ardhme si pensionist sepse të jeni të sigurtë se do të jetë mashkulli më i suksesshëm te 0900-ta".

*************




AKUZAT E ASHPRA TE ILIR METES

"Ramën e rrëzoi Nano e Berisha"
"Tre gjyqtarët e Kolegjit Zgjedhor janë miq të tyre"


Ilir Meta vendimin e Kolegjit Zgjedhor e konsideroi si edicionin e ri të dashurisë mes Nanos dhe Berishës, pasi sipas tij gjyqtarët kanë qenë miq të Nanos dhe Berishës. Beteja për Tiranën nuk është betejë kongresi por betejë mes PS dhe PD pasi diferenca në rrethe mes dy partive nuk është aq e madhe. Meta e akuzoi Nanon si azilantin e vetëm shqiptar në Maqedoni në ngjarjet e 14 shtatorit duke i kthyer përgjigje akuzave të kryeministrit ndaj tij.

LAJMI

Ish zv.kryeministri Ilir Meta, e ka konsideruar vendimin e Kolegjit Zgjedhor si "edicionin e ri të dashurinë Nano-Berisha". Sipas tij deklarata e bërë dy ditë më parë nga Nano është krejt e papërgjegjshme dhe synon faturimin e këtij vendimi kundërshtarëve të tij oponentë brenda PS-së. Duke sqaruar përberjen e gjyqtarëve të Kolegjit Zgjedhor, Meta theksoi se tre nga gjyqtarët që kanë votuar në favor të vendimit Nano-Berisha, dy janë miq të Nanos dhe një i Berishës. "Të gjithë e dinë se dy janë gjyqtarë miq të Nanos dhe janë nga Gjykata e Apelit Durrës. Dhe të gjithë durrsakët e dinë se nga Porti deri në Shkallnuer në Durrës është një zonë që e kontrollon zoti Nano", akuzoi Meta.
Meta tha se Nano e kishte paralajmëruar një votim të tillë dy ditë më parë në konferencën e Shkodrës, kur i kishte kujtuar Ramës vetëm 9 përqind të votave, duke i treguar Ramës se postet jepen dhe hiqen vetë nga Fatos Nano". Më tej Meta u shpreh se ka kontaktuar me Edi Ramën dhe se nuk i ka sugjeruar të tërhiqet nga sfidat që ai vetë i konsideron të rëndësishme. Rama sipas Metës ka marrë mbështetjen e tij sepse në këtë rast nuk bëhet fjalë për kongresin e partisë por për bashkinë më të madhe në vend, pasi këtu qëndron dhe diferenca midis PD dhe PS-së. Ish kryeministri Meta e konsideroi Nanon "të papërgjegjshëm dhe të pashërueshëm me një kurs aventuresk dhe personal për të personalizuar gjithshka". Ai u shpreh se "mejdanin Nano e ka treguar më 14 shtator kur ishte dhe azilanti im vetëm shqiptar në Maqedoni". Sipas tij, ndryshe nga Nano, "Meidani ka treguar se kush ishte më 14 shtator dhe ka provuar se nuk mund të bëhet instrument i askujt". Meta i është përgjigjur dhe akuzës së bërë dy ditë më parë nga Nano për probleme të Metës me drejtësinë. "Unë personalisht nuk kam asnjë problem me drejtësinë, as për korrupsion dhe as për ndonjë krim ordiner" tha Nano. Meta e ka konsideruar personalizimin e debatit politik të Nanos, si shkak për të shmangur dështimet e tij në të gjitha fushat". Ai ka rradhitur disa tregues negativë të ekonomisë, "si 200 milion USD të ardhura më pak në thesarin e shtetit, ku ka akuzuar Nanon dhe administratën e tij për këtë vjedhje". Ish kryeministri i ka konsideruar deklaratat e Nanos për arritje të qeverisë si dëshmi të dështimit të saj. Ai sheh deputetët në PS si deputetë të kësja partie dhe jo si të Nanos apo të Metës, pasi sipas tij "nuk ka qenë problem numri i tyre por ideja e ndryshimit". Ai gjithashtu ka denoncuar konferencat e rretheve të cilat janë drejtuar rreth idesë së njëshit dhe të një gare zgjedhore të barabartë.


Ish-Presidenti bashkë me Metën në Elbasan

Meidani: Legalizim fraksioneve e alternativave ndryshe në PS
Kandidati për kryetar të Partisë Socialiste, Rexhep Meidani i shoqëruar nga ish-zv/kryeministri Ilir Meta, ish-kreu i SHISH-it Fatos Klosi dhe ish/prefekti i qarkut Elbasan, pati dje një takim me Forumin Eurosocialist të qytetit të Elbasanit. Meidani dhe Meta theksuan para të pranishmëve se situata në Partinë Socialiste nuk është aspak e shëndetshme. PS-ja dhe qeveria sipas tyre po kalojnë një krizë për të cilën po synohet ta kalojnë pa pasoja për të majtën. "Partia Socialiste ka nevojë për të pranuar alternativa, mendimin ndryshe dhe legalizimin e këtij mendimi, edhe idetë e pakicës e emancipojnë shoqërinë", u shpreh kandidati Meidani para të rinjve socialistë. Sipas tij, në një parti demokratike duhet të institucionalizohen mendimet ndryshe. "Partia nuk është e Kryetarit, ajo është dhe duhet të jetë e anëtarit të saj", tha Meidani. Duke u shprehur se PS-ja nuk është në vendin ku e përcakton programi i saj, Mejdani nënvizoi se kjo parti ka nevojë për përpunimin e mendimit politik. Ndërkohë që përkrahësi i tij ish-kryeminsitri Meta u shpreh se "Partia Socialsite nuk është një parti staliniste siç e ka cilësuar kryetari Fatos Nano". Sipas tij PS-ja ka nevojë për një riorganizim për tu bërë kështu një parti moderne e tipit perëndimor. "PS-ja nuk ka për tu ndarë ajo vetëm do të forcohet", tha Meta. Ai shprehu vendosmërinë për të mos lejuar që demokracia dhe Partia Socialiste të bëjnë hapa mbrapa. Sipas tij lejimi i një gjëje të tillë do të shkaktonte një dëm të madh jo vetëm për partinë por edhe për vendin. "Ne po luftojmë në mënyrë konstruktive për të hedhur hapat e duhur për modernizimin e Partisë Socialiste", u shpreh Meta. Sipas tij, shqetësimet e tij dhe të një grupi socialistësh janë problemi i autoritarizmit, mungesa e transaprencës dhe arbitrariteti i politikave tatimore. Ish-kryeministri Meta u shpreh se një problem mjaft i mprehtë është edhe funksionimi i qeverisë sipas interesave të anëtarëve të kabinetit të saj. Po kështu sipas tij një tjetër shqetësim i këtyre socialistëve është dështimi i Partisë Socialiste në zgjedhjet e 12 tetorit. "Ne po luftojmë që të mos vijë në pushtet Berisha, që Partia Socialiste të mos shëndrrohet si Partia Demokratike e tij", tha Meta në fjalën e tij. Meidani dhe Meta vlerësuan gjithashtu aktivitetin e eurosocialistëve dhe të FRESH-it duke e cilësuar këtë strukturë si "vlera e së majtës që e çoi Partinë Socialiste në Internacionale".




_____________-