Diabeti, sëmundja e sheqerit

[jozefina12345]

Jam duker pergatitur nje projekt mesimor ndergjegjesimi rreth diabetit.Mund te me ndihmoni me disa statistika ne lidhje me diabetin ne Shqiperi,nese keni mundesi?

[jozefina12345]

Jam duke pergatitur nje projekt mesimor ne lidhje me diabetin.Mund te me ndihmoni me statistika ne lidhje me kte semundje ne territoret shqiptare?
Ju faleminderit!

[floreentin]

Nuk e di nese mund te te hyj ne pune ky informacion

Kurimi i diabetit
Kurimi i diabetit
Diabeti i sheqerit është një sëmundje endokrino-metabolike, që ka të bëjë me mënyrën se si organizmi ynë e përpunon sheqerin (karbohidratet apo glukozën) që ne marrim me ushqimet e ndryshme. Defekti qëndron në pamundësinë e insulinës, një hormon i prodhuar nga pankreasi, për të mbajtur nivelin e sheqerit në gjak në vlerat normale. Insulina ose prodhohet pak (pamjaftueshmëri e pankreasit) ose nuk vepron si duhet për të futur sheqerin brenda në qelizat e indeve të organizmit (pamjaftueshmëri e insulinës). Për rrjedhojë, sheqeri është me tepricë në gjak dhe jep shenja të ndryshme (simptoma) si etja, shtimi oreksit, shtimi në peshë, nevoja për urinim të shpeshtë, lodhja e shpejtë, ulja e vëmendjes dhe përqendrimit dhe në përgjithësi një dobësi e përgjithshme.
Këto simptoma nuk është e thënë të jenë të gjitha të pranishme tek një pacient me diabet. Ato mund të jenë të veçuara dhe në shkallë të ndryshme të intensitetit të tyre. Është pikërisht ky intensitet që bën në shumicën e rasteve që diagnoza të përcaktohet me vonesë ose ai të zbulohet rastësisht pas një kalimi të një krize të zemrës apo infarktit të saj. Po kështu, shkalla e shprehjes së shenjave të sëmundjes varet shumë nga mënyra e korrigjimit të sëmundjes, pra terapia me ilaçe, mënyra e të ushqyerit (dieta) dhe mënyra e jetesës.
Format e shfaqjes
Diabeti ndahet në dy tipa në varësi të moshës së pacientit ku shfaqet sëmundja. Në tipin I, ai shfaqet në moshat midis 0-40 vjeç dhe tipi II, kur shfaqet mbi moshën 40 vjeç. Tipi I është pothuaj gjithmonë i trashëgueshëm dhe mjekohet me injektim të insulinës nën lëkurë një ose disa herë në ditë, ndërkohë që tipi i dytë është fifty-fifty, pra një pjesë e të sëmurëve e kanë të trashëgueshme dhe një pjesë tjetër jo. Ky tip, i cili është më i shpeshtë dhe me incidente që rritet me rritjen e moshës, mjekohet me medikamente. Në rastet e vështira të kontrollit të sheqerit mjeku është i detyruar që edhe në ketë tip të fillojë mjekimin me insulinë. Me rritjen e moshës dhe në prani të mbipeshës e aktivitetit të ulët fizik, mundësia për t’u shfaqur sëmundja është e lartë. Në këtë kuadër si çdo sëmundje metabolike, sëmundje që kanë të bëjnë me mënyrën e përpunimit të lëndëve të ndryshme organike që ne marrim me anë të ushqimit, edhe diabeti i sheqeri është i lidhur ngushtë me dietën dhe mënyrën e jetesës, për shembull aktivitetin fizik. Ky i fundit ndihmon në një funksionim normal të organeve të ndryshme dhe organizmit në tërësi, në ruajtjen e peshës normale në lidhje me seksin dhe moshën dhe në parandalimin e obezitetit (mbipesha dhe dhjamosja), që është “miku” më i ngushtë i diabetit.
Mënyra e jetesës
Stili i jetës është i padiskutueshëm në rolin e tij për korrigjimin e shpejtë të vlerave të sheqerit në gjak dhe ndihmesën ndaj terapisë medikamentoze. Nuk duhet harruar këtu edhe dieta e pasur me perime. Nga frutat këshillohen mollët majhoshe me përdorim të kufizuar. Largim nga dieta i ëmbëlsirave, yndyrave me origjinë shtazore (dhjamërat, gjalpi, qumështi i paskremuar), kufizim të kripës dhe brumërave. Paraqite një skemë në formë piramide, me anë të cilës kuptohen ushqimet më parësore që duhet të përdorë i sëmuri me diabet dhe ato që duhet të përdorë më pak. Maja e piramidës tregon ato dieta që i sëmuri duhet t'i përdorë sa më pak ose t'i eliminoje, ndërsa baza e saj tregon ato që duhet të përdorë më shumë. Si përfundim, për një ndjekje korrekte të sëmundjes dhe për një cilësi të mirë të jetesës është tepër e rekomandueshme drejtimi tek mjeku specialist që quhet endokrinolog.
Ai është i detyruar të informojë çdo pacient rreth sëmundjes në përgjithësi, gjendjes së individit (pacientit) në veçanti, komplikacioneve të vetë sëmundjes, mjekimit dhe mënyrës se jetesës. Fillimi i medikamenteve (ilaçeve), dozimi i tyre dhe kontrolli duhen bërë patjetër nga endokrinologu. Do të ishte gabim fillimi i mjekimit nga një mjek jo specialist. Ndërsa nga mjekësia popullore, për të sëmurët me diabet këshillohet: qepa, hudhra, kanella. Të gjitha këto ulin sheqerin në gjak në përgjithësi, prandaj këshillohet përdorimi i tyre sa më shumë nga të sëmurët me diabet.
Mjekësia popullore në ndihmë të shkencëtarëve
Shkencëtarët do të studiojnë tani strukturën kimike të bimëve
Një grup shkencëtarësh në Britani kanë zbuluar se disa bimë të përdorura si barna popullore në disa vende të botës mund të ndihmojnë në kurimin e sëmundjeve si kanceri dhe diabeti.
Studiuesit nga Kolegji Kings i Londrës zhvilluan teste me një shumëllojshmëri bimësh mjekësore nga India, Gana, Tajlanda dhe Kina. Shkencëtarët morën mostra nga erëza orientale, që përdoren në mjekësinë popullore indiane për kurimin e sëmundjeve si diabeti dhe i testuan ato në qelizat e pacientëve të sëmurë. Disa pacientë me diabet nuk prodhuan sa duhet insulinë për të përballuar nivelin e lartë të glukozës në gjak. Pjesa tjetër e pacientëve vërtetuan se kura popullore ndihmon për të kontrolluar lëvizjen e sheqerit në gjak. Shkencëtarët përdorën edhe mostra të marra nga bimë mjekësore që përdoren në kulturat tajlandeze dhe kineze për kurimin e kancerit dhe i testuan ato tek pacientët me kancer në mushkëri. Ata zbuluan se bimët ndalonin zhvillimin e qelizave kanceroze. Ekspertët thanë se kjo është hera e parë që provohet shkencërisht efekti kurues i barnave popullore për shërimin e sëmundjeve të ndryshme. Tani ata po përpiqen të zbulojnë strukturën kimike të bimëve me shpresë që ta përdorin atë për kurimin e pacientëve në të ardhmen

burimi: www.mjekesiapopullore.com

[jozefina12345]

Te them te drejten me duheshin statistika ,por ky information me hyn gjithashtu ne pune.Shume faleminderit !

[martini1984]

Jam duke pergatitur nje projekt mesimor ne lidhje me diabetin.Mund te me ndihmoni me statistika ne lidhje me kte semundje ne territoret shqiptare?
Ju faleminderit!

Nuk besoj se do gjesh statistika per ne trojet tona,pos sipas IDF(International Diabetes Federation) jane si shifra ne bote ne Milion.
Afrika-12.089.
Lindja e Mesme-26.646
Europa-55.388
Amerika Veriore-37.362
Amerika Qendrore dhe Jugore-17.958
Azia Jugore-58.662
Ne pacifikun perendimor-76.709

Pra 285 Milion te prekur nga kjo semundje nga mosha 20-79 vjec ose 6.6% e popullsise boterore sipas IDF.
Per ne 2030 po sipas kesaj organizate do rritet ne 438 Milion qe i bie 7.8% te popullsise boterore.
Ne Gjermani po sipas kesaj 1 ne 13 banore eshte me diabet ose 6 Milion banore.
Me 2030 parashikohen 8 Milion ose 10% e popullsise.
Statistika te vitit 2011.

[sirena_adria]

Diabeti, kujdesi ndaj matjes së glicemisë / Si duhet të ushqehet i sëmuri me diabet?

Bisedë me Dr. Prof. Florian Toti, Endokrinolog.


IN TV Albania - Nëntor 2018

[sirena_adria]

Mos i neglizhoni, këto janë shenjat e para të diabetit

Paradiabeti është faza e parë e diabetit. Mjekët e konsiderojnë atë si një shenjë paralajmëruese.

Paradiabeti ndodh kur niveli i glukozës në gjak ose niveli i sheqerit në gjak është më i lartë se normalja, por nuk është aq i lartë sa të konsiderohet diabet.

Një nga faktorët e shfaqjes së paradiabetit është trashëgimia gjenetike.

Nëse dikush në familjen tuaj të afërt vuan ose ka vuajtur prej kësaj sëmundje, ju keni më shumë gjasa të rezultoni me diabet.

Paradiabeti është një tregues se mund të zhvilloni diabetin e tipit 2 nëse nuk bëni disa ndryshime të jetesës.


Shenjat e Paradiabetit

Diabeti zhvillohet shumë gradualisht, kështu që kur jeni në fazën e paradiabetit, mund të mos keni fare simptoma mjekësore.

Megjithatë, mund të vëreni se:

• Ndjeni uri më tepër se zakonisht

• Jeni duke humbur peshë, pavarësisht se hani më shumë

• Jeni më të etur se zakonisht

• Ju duhet të shkoni më shpesh në banjë

• Ndjeheni më të lodhur se zakonisht

Të gjitha këto janë shenja tipike të lidhura me diabetin, prandaj nëse jeni në fazat e hershme të diabetit, mund t’i vini re ato.

Por lajmi i mirë është që paradiabeti është i kthyeshëm nëse merren masat e duhura.

Mbipesha, mungesa e aktivitetit fizik, kolesteroli i dëmshëm, tensioni i lartë janë çka duhet të përmirësoni.


Zgjidhje natyrale për Paradiabetin

Njerëzit që konsumojnë më shumë bishtajore përballen me një rrezik më minimal për shfaqjen e paradiabetit, ose nivelit në rritje të glukozës në gjak.

Bishtajoret përfshijnë fasulet, bizelet, thjerrëzat e shumë të tjera, të cilat rekomandohen si ushqime shumë të shëndetshme për organizmin.

Të dhënat e një studimi të publikuar median mjekësore tregojnë se njerëzit që konsumojnë tre ose më shumë racione fasulesh në javë përballen me një rrezik 25% më të ulët të shfaqjes së paradiabetit.

Njerëzit që konsumojnë vetëm një racion ose më pak në javë, janë shumë herë më të rrezikuar.

Ekspertët e AgroWeb.org besojnë se konsumi i bishtajoreve ndihmon në rënien në peshë, lufton obezitetin dhe ul tensionin e gjakut.

Një studim i publikuar në British Journal of Nutrition analizoi lidhjen e bishtajoreve me paradiabetin.

Shkencëtarët u shprehën se ulja e masës dhjamore në organizëm është mënyra më e mirë për të trajtuar paradiabetin dhe parandaluar transformimin e tij në diabet.

Hani më mirë, jo hani më pak

Kufizimet kalorike janë në epiqendrën e të gjitha strategjive për rënien në peshë.

Por shkenca thotë se shumica e njerëzve që bien në peshë duke hequr kalori, i marrin sërish kilogramët e humbur në muajt apo vitet në vijim.

Për herë të parë studiuesit analizuan suksesin e dy hapave të rëndësishëm në ushqyerje, ngrënia e fasuleve dhe kufizimi i kalorive.

Pjesëmarrësit në studim u ndanë dy grupe. Grupit të parë iu dha detyra e ngrënies së pesë pjatave me thjerëza, qiqrra, bizele dhe fasule në javë.

Grupit të dytë iu kërkua vetëm të kufizonte numrin e kalorive, pra sasinë e ushqimit.

Me fjalë të tjera, grupit të parë iu kërkua të konsumonin më shumë bishtajore, dhe grupit të dytë iu kërkua të hante më pak.

Shkencëtarët dolën në konkluzionin se ngrënia e pesë racioneve me fasule, thjerëza, qiqrra dhe bizele në javë pa bërë ndryshime madhore në stilin e ushqyerjes, pakësonte faktorët e rrezikut të shfaqjes së paradiabetit.

Konsumi i bishtajoreve ishte më efikas se marrja e 500 kalorive më pak në ditë.

Këto konkluzione janë shumë inkurajuese për njerëzit që vuajnë ose janë të rrezikuar nga diabeti i tipit 2.

Ato tregojnë se ndryshimet e thjeshta në regjimin ushqimor, siç është përfshirja e bishtajoreve sjellin ndikim pozitiv në nivelin e sheqerit në gjak.


/AgroWeb.org

https://sot.com.al/shendeti/mos-i-ne...abetit-i480580

[sirena_adria]

Tri mënyra të thjeshta për të shmangur diabetin

Mbajtja e sheqerit në gjak të qëndrueshëm është veçanërisht e rëndësishme tani, sepse zvogëlon rrezikun e diabetit të tipit 2 – një gjendje që është e lidhur me ndërlikimet e COVID-19.

Ju keni dëgjuar sa e rëndësishme është të ulni rrezikun e zhvillimit të diabetit të tipit 2 pasi që ju bënë më të prekshëm ndaj goditjes në tru, sëmundjeve të zemrës dhe problemeve të tjera.

Tani mjekët po paralajmërojnë që COVID-19 e bën atë më të rëndësishëm se kurrë, sepse njerëzit me diabet të tipit 2 dhe ata me kontroll të dobët të sheqerit në gjak kanë një rrezik 20 për qind më të madh për të zhvilluar komplikime të rënda nga virusi.

Lajmi i mirë? Studiuesit kanë zbuluar ndryshime të thjeshta që mbajnë nivelin e sheqerit në gjak dhe insulinës të kontrolluar në mënyrë që rrezikun tuaj.

Hapni dritaret

Diçka aq e lehtë sa hapja e dritareve dhe lejimi i ajrit të freskët në shtëpinë tuaj përmirëson ekuilibrin e sheqerit në gjak. Si? “Ekspozimi ndaj të ftohtit aktivizon indin yndyror ngjyrë kafe”, shpjegon Dr. Celi. Kjo “yndyrë e mirë” djeg sheqerin në gjak për t’ju ngrohur – dhe kjo djegie mban sheqerin në gjak të rregullt.

Zbehni dritat gjatë natës

Ulja e dritave tre orë para gjumit mund të ndihmojë sheqerin në gjak të jetë në nivele të qëndrueshme, raportojnë shkencëtarët në Universitetin Northwestern.

Në studimin e tyre të fundit, të rriturit duke ndjekur këtë këshillë të lehtë digjnin sheqerin në gjak 30 për qind në mënyrë më efektive sesa ata që ishin të ekspozuar ndaj dritave të ndritshme para gjumit – dhe efektet u kapën pas vetëm një nate!

Konsumoni ujë

Nëse keni konsumuar një gotë ujë sot, keni ulur rrezikun e diabetit! Kështu thonë studiuesit në revistën Diabetes Care. Në studimin e tyre, njerëzit që pinë të paktën 500 mililira çdo ditë kishin 28 për qind më pak të ngjarë të zhvillonin sheqer të lartë në gjak sesa ata që pinin më pak.


Gazeta Express

https://www.gazetaexpress.com/tri-me...ngur-diabetin/

[ATMAN]

Diabeti (ose e njohur ndryshe ne popull si semundja e sheqerit)

Simptomat apo shenjat komplesive te diabetit jane : deshire e vazhdueshme per te urinuar,ndjenje djegese ne aparatin urinar,etje e pashuar per te pire uje,dhe shije embelsie ne goje,dhimbje koke,marrje mendsh,lekure e thate,aspekt i vjeter ne moshe te re,ndjenje jo e rehatshme te trupit,etj,shpesh personat e semure me diabet vuajne kataratte (ose perdja e syrit ne shqip)

Shkaqet

Jo gjithmone ne urinen e diabetikeve eshte prezent sheqeri, ka diabetike me sheqerin prezent ne urine dhe gjithashtu ka edhe diabetike te tjere te cilet nuk kane sheqer ne urinen e tyre

Shkaku kryesor qe shkaktohet diabeti eshte dobesimi i manipura chakra (ose i plexusis solar ne latinisht) ne lengjet e pankreasit nje sekrecion ndihmon ne tretjen e ushqimit dhe nje tjeter ndan permbajtjen e sheqerit nga ushqimet jo vegjetariane dhe aminoacide , sheqeri keshtu eshte i magazinuar ne nje zone te vecante te melcise dhe shkrihet apo tretet ne baze te kerkesave te trupit per te gjeneruar ngohtesi dhe energjine e nevojshme per te bere te mundur funksionimin e mekanizmit trupor, mostretja kronike,kapslleku,sforcimi mendor pa aktivitek fizik,perdorimi alkolit,dhe humbja ose harxhimi i lengjeve seminale,te gjitha keto dobesojne vitalitetin e melcise, kur arrihet ne nje gjendje te tille dobesie perberesit e sheqerit ne ushqim duke mos pasur mundesine per te gjetur nje vend grumbullimi ne melci atehere thithen ne gjak ku gradualisht grumbullohen aty, ne gjak, si pasoje gjaku alterohet dhe keshtu humbet pjesen me te madhe te cilesive te tij imunitare ,ne kete situate reaksioni natyral i trupit eshte qe te kerkoje te pastroje gjakun duke ndare perberjen e tij te sheqerit dhe ta eleminoje nepermjet urines ,per te shkrire sheqerin trupi njeriut (diabetik) ka nevoje per shume uje,per kete arsye diabetiket vuajne nje etje te perhershme per uje , sheqeri i tepert ne trup nxirret jashte duke u eleminuar nepermjet urines dhe kjo gje zvogelon gradualisht energjine vitale te personave te semure me diabet

Sherimi i diabetit

Ne mengjes – utksepa mudra,karmasana,agnisara mudra,upavista uddayana mudra,janushirasana,dhe agneyii mudra ose agneyii pranayama - (te gjitha keto jane ushtrime yoga te njohura ndryshe me termin asanas ,duhet te konsultoheni me nje mesues yoga per te gjitha keto ushtrime)

Ne mbremje – yogamudra diirgha pranama, bhujaungasana,pashcimottanasana,bhastrikasana, dhe agnisara mudra - (te gjitha keto jane ushtrime yoga te njohura ndryshe me termin asanas ,duhet te konsultoheni me nje mesues yoga per te gjitha keto ushtrime)

Dieta

Duke qene se diabeti eshte kryesisht nje semundje e melcise dhe pankreasit eshte e domosdoshme qe te mbash te shendetshme keto dy organe ,per te arritur kete gje te semuret me diabet duhet ta zgjedhin ushqimin e tyre dhe pervec kesaj duhet edhe te mbajne te paster zorret e tyre te barkut, dhe ushqimi duhet te jete me vlera ushqimore dhe te jete i tretshem lehtesisht , per kete arsye per kete semundje jane te keshillueshme te gjitha llojet e frutave, ne menyre te vecante bananet e pjekura mire, ushqimet jo vegjetariane nuk duhet te konsumohen kurre ,edhe proteinat vegjetale jane jane acide per kete arsye duhet te konsumohen me moderacion dmth pak , eshte e keshillueshme te konsumosh pak oriz,dhe te rrisesh konsumin e ushqimeve alkaline,sic jane psh supa me perime dhe zarzavate,pra shkurt kush deshiron te arrije permisime te dukshme duhet te konsultohet me nje dietolog me qellim te marri guidat e duhura per ushqime alkaline

Gjerat qe duhen bere dhe qe nuk duhen bere

Diabeti eshte semundje intelektualesh (kryesisht) shpesh kush nuk ben aktivitet fizik vuan nga kjo semundje ,shkaqet per kete semundje jane : sforcimi I vazhdueshem mendor, qendrimi I gjate ne shtepi,dembelizmi fizik, kapslleku, mospërmbajtja,etj,pra sic e kemi thene me siper diabeti eshte i lidhur kryesisht me melcine dhe pankreasin,keshtu qe duhen konsumuar vetem ato ushqime te cilat nuk i sforcojne shume keto dy organe vitale, ne te njejten kohe, paralelisht duhet bere aktivitet fizik,dhe ushtrime fizike qe ndihmojne keto dy organe te rimarin veten,apo qe ndihmojne qe te behen te shendetshme,per ate qe eshte pak i disponueshem per aktivitek fizik eshte e pamundur te sherohet nga diabeti

Trupi njeriut ka nevoje edhe per ushqime aminoacide dhe jo vegjetariane: per ti bere balle kesaj kerkese duhet te konsumohen ushqime jo acide por alkaline qe permbajne keto elemente ushqyese brenda tyre, dhe ketu hyjne arrat e kokosit,kikirikat,kosi,bananet,etj,per kete semundje nje pije me baze kikirikash dhe uje pa sheqer ose me pak ose aspak mjalte eshte ideale

Mos harroni kurre qe insulina mund te rrisi perkohesisht vitalitetin e te semurit me diabet por nuk e sheron kurre ate , zakonisht diabetiket jane llupes dhe grykesa dhe shpesh hane shume ushqime te embla qe provokojne kete semundje , per kete arsye duhet te kontrollojne kete tentacion duke praktikuar agjerimin (jo agerimin islamik) me intervale duke u bazuar ne kalendarin lunar Shiko faqen me poshte:

https://hks.amps.org/fasting-chart/

ne nje faze te renduar te semundjes se diabetit nje agjerim i zgjatur prej dy ose tre ditesh duke pire vetem uje me leng limoni apo ndonje leng me nje frut tjeter do te zvogeloje ne menyre drastike permbajtjen e sheqerit ne gjak

Nganjehere te diabetiket sheqeri eshte jo prezent ne gjak pra mungon totalisht ne urine ,ne kete pike duhet rikujtuar se sheqeri eshte perkohesisht prezent ne urine nese fshikeza e urines,veshkat,apo ndonje organ tjeter i brendshem eshte subjekt i nje sulmi,nese ne rrethana te tilla nese i jepet insuline te semurit atehere demtohet shume, ne te tilla raste gjeja me e mire qe duhet bere eshte qe te sherohet ne menyren e duhur organi i semure keshtu qe urina e te semurit te lirohet automatikisht nga sheqeri



SHRI SHRI ANANDA MURTIJI

[ATMAN]

Diabeti/ Dieta vegjetariane që redukton rrezikun – Çfarë përfshin





Frutat, perimet, arrat, bishtajoret dhe kafeja, shtyllat e një diete me bazë bimore, kanë gjithashtu efekte antidiabetike, pasi konsumimi i tyre lidhet me një rrezik më të ulët të zhvillimit të diabetit të tipit 2.


Këto janë gjetjet e një studimi të ri të publikuar në Diabetologia nga Departamenti i të ushqyerit në Universitetin e Harvardit. Qëllimi ishte të hetohej më tej profili i metabolitëve të lidhur me dieta të ndryshme vegjetariane dhe të studiohej korrelacioni i tyre i mundshëm me rrezikun e zhvillimit të diabetit të tipit 2.

Diabeti i tipit 2 përhapet me shpejtësinë e një pandemie dhe shkaktohet kryesisht nga zgjedhje të pashëndetshme diete, obeziteti dhe faktorë të tjerë të stilit të jetesës si mungesa e stërvitjes. Por nga ana tjetër, mund të shkaktojë probleme të ndryshme shëndetësore si sëmundje kardiovaskulare. Dietat vegjetariane, nga ana tjetër, kur ato përbëhen nga ushqimet e duhura, duket se mund të kompensojnë rrezikun.

Procesi i studimit

Ekipi kreu një analizë të mostrave të plazmës së gjakut (të marra në fund të viteve 1980 dhe 1990) dhe marrjes dietike të 10,684 pjesëmarrësve nga tre studime në vazhdim (Studimi i Infermierëve Shëndetësor, Studimi i Infermierëve Shëndetësor II dhe Studimi i Monitorimit të Profesionit Shëndetësor). Pjesëmarrësit kishin një moshë mesatare 54 vjeç dhe një indeks mesatar të masës trupore (BMI) prej 25.6 kg/m2.

Në të njëjtën kohë, ata plotësuan pyetësorët për frekuencën e ushqimeve të konsumuara dhe u vlerësuan sipas përputhshmërisë së tyre me tre dieta me bazë bimore: një dietë e plotë vegjetariane, një dietë e shëndetshme vegjetariane dhe një dietë vegjetariane jo të shëndetshme. 18 ishin grupet ushqimore të konsumuara nga pjesëmarrësit:

ushqime të shëndetshme bimore (drithëra integrale, fruta, perime, arra, bishtajore, vajra bimore dhe çaj/kafe).

ushqime bimore jo të shëndetshme (drithëra të përpunuara, lëngje frutash, patate, pije me sheqer dhe ëmbëlsira/ëmbëlsirë)

ushqime shtazore (yndyrna shtazore, bulmet, vez, peshk/prodhime deti, mish dhe ushqime t ndryshme me baze shtazore).

Studiuesit ndanë ushqimet bimore të shëndetshme dhe jo të shëndetshme bazuar në lidhjen e tyre me diabetin e tipit 2, sëmundjet kardiovaskulare, disa lloje kanceri dhe kushte të tjera si mbipesha dhe hipertensioni.

Këto lëndë ushqyese, bazuar në të dhënat nga mostrat e gjakut, i lejuan studiuesit të identifikonin çdo korrelacion midis dietës dhe rrezikut të zhvillimit të diabetit të tipit 2.

Rezultatet

Studimi zbuloi se profili i atyre që u diagnostikuan me diabet të tipit 2 ishin:

kishte një konsum më të ulët të ushqimeve bimore të shëndetshme

Indeksi mesatar i masës trupore më i lartë

presionin e lartë të gjakut dhe kolesterolin përkatësisht

merrnin rregullatorë të presionit të gjakut

historia mjekësore e diabetit të tipit 2

sasi e vogël e ushtrimeve fizike

Për sa i përket të dhënave të metabolitëve, studiuesit arritën në përfundimin se dietat vegjetariane shoqëroheshin me profile unike të shumë metabolitëve dhe se këto modele ndryshonin ndjeshëm midis dietave të shëndetshme dhe jo të shëndetshme.

Së fundi, studiuesit arrijnë në përfundimin se gjetjet e tyre theksojnë rolin e dobishëm të një diete të shëndetshme me bazë bimore në parandalimin e diabetit të tipit 2, por nevojiten studime të mëtejshme për të konfirmuar lidhjen shkakësore.



Gazeta Shqiptare

[sirena_adria]

Ushqimet që shpejtojnë diabetin

Ushqimet e përpunuara mund të jenë të përballueshme dhe të volitshme për shumë njerëz. Nga ana tjetër, ato përmbajnë shumë yndyra, kripë dhe sheqer.


Diabeti dhe ushqimet që nuk duhen konsumuar

Yndyra, kripa dhe sheqeri, të tria janë armiqtë e organizmit dhe sidomos të atyre që vuajnë nga diabeti. Po cilat janë ushqimet e përpunuara të rrezikshme për njerëzit që vuajnë nga diabeti?

Orizi i bardhë

Orizi i bardhë është i lirë dhe gatuhet shpejt. Por siç ndodh rëndom me ushqimet e tjera të përgatitura nga mielli i rafinuar (buka e bardhë dhe makaronat) edhe orizi i bardhë është i zhveshur nga çdo ushqyes i rëndësishëm. Për më tepër, ai rrit nivelin e sheqerit në gjak. Sipas të dhënave rekomandohet orizi kaf, elbi, bullguri, kuinoa apo buka me drithëra të plota. Mund të kërkojnë shumë kohë për t’u gatuar, por janë më të shëndetshëm dhe me vlera.

Patatet e skuqura

Patatet e skuqura minojnë përpjekjet tuaja për të ruajtur peshën optimale dhe mbajtur nën kontroll diabetin. Ato nuk kanë asnjë vlerë shëndetësore dhe vetëm rrisin nivelin e sheqerit në gjak. Konsumoni më shumë patate të pjekura. Zgjidhni pataten e ëmbël. Prijeni në feta dhe piqini në furrë. Mos blini patate të ngrira në supermarket sepse janë të mbushura me përbërës artificialë.

Frutat Konservë

Ngrënia e frutave dhe perimeve të freskëta u bën shumë mirë njerëzve që vuajnë nga diabeti i tipit 2. Frutat konservë bëjnë të kundërtën. Ato janë të mbushura me shurup të ëmbël të përpunuar. Nëse këto fruta ju pëlqejnë shumë, më mirë shpëlajini me shumë ujë përpara se t’i hani.

Patatinat

Patatinat dhe produkte të ngjashme mund të minojnë përpjekjet tuaja për të mirëmbajtur peshën. Ato shtojnë kaloritë, kripën dhe substancat kimike, por nuk ofrojnë as fibër as ndonjë ushqyes të rëndësishëm.

Pijet e gazuara

Pijet e gazuara, madje edhe ato që reklamohen si pa sheqer janë të rrezikshme për peshën dhe diabetin. Zëvendësoni këtë pije me ujë me gaz me pak lëng limoni ose limoni jeshil. Hidhni frutat në ujë bashkë me borzilok e limon dhe kështu keni krijuar një pije të shëndetshme që shuan etjen.

Ushqimet me sheqerna të shtuara

Sheqernat e shtuara janë përbërësit bazë të çdo ushqimi të konservuar siç janë biskotat, salcat e ndryshme, ëmbëlsirat, salcat e sallatave, drithërat e të tjerë. Mjekët thonë se gratë nuk duhet të konsumojnë më shumë se 6 lugë çaji me sheqerna në ditë ndërsa meshkujt nuk duhet të konsumojnë më shumë se 9 lugë çaji.

Mishrat e përpunuar

Mishrat e përpunuar mund të mos përmbajnë sheqer por ato kanë shumë yndyrë, kripë dhe substanca të tjera shtesë që rrisin rrezikun e diabetit të tipit 2. Hiqni dorë nga sallamet, proshutat, salçicet, donerët e të tjerë dhe zgjidhni mish të mirë në gjendje natyrale të papërpunuar.

Hamburgerët

Ushqimet e shpejta janë një faktor rreziku Sipas ekspertëve, njerëzit që hanë hamburgerë ose sufllaqe më shumë se dy herë në ditë kanë më shumë gjasa të preken nga diabet. Zgjidhni sanduiçët me mish pule dhe perime më mirë. Idealja është t’i përgatisni vetë ato në shtëpi.

Drithërat e ëmbël

Drithërat e mëngjesit me ngjyra e çokollatë gjenden në çdo shtëpi. Ato janë të mbushura me sheqer dhe nuk kanë fibër. Zgjidhni drithëra që përmbajnë 5 gramë ose më shumë fibër dhe më pak se 7 gramë sheqer për racion.


/ AgroWeb / Gazeta Express

https://www.gazetaexpress.com/ushqim...ojne-diabetin/

[sirena_adria]

Si të ulni nivelin e sheqerit në gjak në shtëpi, ushqimet e duhura


Kur dikush vuan nga diabeti, organizmi i tij ose nuk prodhon mjaftueshëm insulinë ose nuk mund ta përdorë atë siç duhet.

Ky problem shkakton akumulimin e tepërt të glukozës në gjak.

Kjo gjë pasohet me një sërë simptomash siç janë drobitja fizike apo sëmundjet e zemrës.

Sipas të dhënave të AgroWeb.org, një nga mënyrat për të mbajtur nën kontroll nivelin e sheqerit në gjak është ushqyerja e shëndetshme.

Ushqimet dhe pijet të cilat trupi i përthith ngadalë janë më të mirat sepse nuk shkaktojnë luhatje të forta të sheqerit në gjak.

Në këtë artikull do të mësoni më shumë për ushqimet që rekomandohen për uljen e nivelit të sheqerit në gjak.


Drithërat e plota ose buka e elbit
Ndonëse shumica e bukëve duhen shmangur, buka prej elbi dhe ajo prej drithi të plotë të bluar në gur kanë një nivel të ulët glicemie.

Ato janë të pasur me fibër e cila ngadalëson tretjen dhe stabilizon nivelin e sheqerit në gjak.

Boronica, rrush, mollë
Shumica e frutave kanë një nivel të ulët të glicemisë, sepse ato përmbajnë shumë ujë dhe fibër.

Por niveli i glicemisë mund të ndryshojë në varësi të pjekjes së frutave.

Lëngjet e frutave për shembull kanë një nivel të lartë glicemie, sepse shtrydhja largon fibrën dhe në lëng mbetet vetëm sheqeri.

Studimet kanë konfirmuar se njerëzit që konsumojnë më shumë boronica, rrush dhe mollë kanë më pak mundësi të preken nga diabeti i tipit 2.

Patatet e ëmbla
Patatet e zakonshme kanë një nivel të lartë glicemie.

Ndërsa patatet e ëmbla kanë një nivel të ulët dhe për tepër janë të pasur me ushqyes.

Kosi
Kosi është i vetmi produkt bulmeti që ul rrezikun e shfaqjes së diabetit.

Kosi i bërë në shtëpi ka një nivel të ulët glicemie dhe mbi të gjitha është i shëndetshëm.

Tërshëra
Sipas të dhënave të AgroWeb.org, tërshëra ka një nivel të ulët glicemie dhe ka pak gjasa të shkaktojë luhatje në nivelin e sheqerit në gjak.

Tërshëra përmban edhe B-glukanë.

Kjo substancë përmirëson ndjeshmërinë ndaj insulinës, ndihmon në mbajtjen nën kontroll të glicemisë dhe ul yndyrnat në gjak.

Megjithatë, diabetikët duhet të mos e teprojnë me tërshërën sepse ajo përmban edhe karbohidrate.

Shumica e arrorëve
Arrorët janë të pasur me fibër dhe kanë një nivel të ulët glicemie prej nën 55.

Ato janë gjithashtu të pasur me proteina me bazë bimore, acide yndyrore mono-të-pangopura, antioksidantë, vitamina e minerale si magnezi dhe kaliumi.

Arrorët duhen konsumuar pa e tepruar dhe në variantin e papërpunuar të tyre.

Hudhra
Hudhra ndihmon në uljen e nivelit të sheqerit në gjak dhe përmirëson ndjeshmërinë ndaj insulinës dhe sekretimin e saj.

Hudhra rekomandohet të hahet e freskët sepse ushqyesit e saj janë më të dobishëm.

Peshqit
Peshqit nuk kanë nivel glicemie dhe ato janë të shëndetshëm për diabetikët.

Merluci i rritur në ujëra të ftohta është veçanërisht i rekomanduar për diabetikët dhe për personat e rrezikuar prej tij.


/ AgroWeb / Koha Jonë

https://kohajone.com/si-te-ulni-nive...imet-e-duhura/



* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.
Agro web

[Dj-GabrieL]

Sa me shume aktivitet fizik do thoja,sigurisht qe dhe ushqimi luan nje role kryesor ne organizem,por aktiviteti fizik do u mbaj gjall e te shendetshem per tere jeten!

[Pellazgjia]

Nuk lejohen reklamat mbi faqe qe skane interes mbi forumin!

[sirena_adria]

Simptomat e pazakonta të diabetit – Çfarë duhet të dini që të parandaloni sëmundjen

Simptomat më klasike të diabetit janë lodhja, urinimi i shtuar, etja dhe uria e tepruar.

Por ka edhe disa simptoma të tjera që mund të jenë shenja paralajmëruese, që janë më pak të dukshme. Ndaj edhe AgroWeb.org ju njeh me to më poshtë.


Periodontiti

Periodontiti është një sëmundje e mishrave të dhëmbëve, që mund të shkaktojë lirimin ose rënien e tyre.

Kjo sëmundje është dy deri në tre herë më e zakonshme tek njerëzit me diabet sesa tek ata pa diabet.

Po ashtu, sëmundja mund të përparojë më shpejt dhe të jetë më e rëndë tek ata me diabet.

Marrëdhënia mes periodontitit dhe diabetit duket të jetë e dyanshme. Teksa diabeti mund të përkeqësojë periodontitin, periodontiti mund të jetë një faktor rreziku për rritjen e sheqerit në gjak (hiperglicemia), një faktor përcaktues i diabetit.

Inflamacioni kronik është një tjetër tipar i personave me diabet që vuajnë edhe nga kjo sëmundje serioze e mishrave të dhëmbëve.

Sepse inflamacioni mund të jetë një faktor kontribues në shkatërrimin e kockave që mbështesin dhëmbët. Megjithatë kjo është faza e fundit e sëmundjes së periodontitit.

Ndryshimet në lëkurë

Disa sëmundje të lëkurës mund të jenë shenja e parë që ju keni diabet.

Një shembull është acanthosis nigricans, që shfaqet si një njollë errët në lëkurë. Shpesh njolla është e trashë, dhe zakonisht zhvillohet në pjesën e pasme të qafës, sqetulla dhe ije.

Këto njolla mund të shfaqen edhe në duar, këmbë, bërryla dhe gjunjë, si pasojë e rritjes së niveleve të insulinës.

Gjithashtu ekzistojnë edhe lloje të tjera njollash, që kanë një teksturë të trashë, apo flluska që nuk shkaktojnë dhimbje, të cilat paralojmërojnë një rrezik të mundshëm për diabet.

Infeksionet e shpeshta

Infeksionet e shpeshta mund të ndodhin për shkak të një kombinimi të niveleve të larta të sheqerit në gjak. Kjo krijon një mjedis të përshtatshëm për rritjen e baktereve, duke dobësuar edhe përgjigjen imune.

Infeksionet më të zakonshme janë ato të traktit urinar, infeksionet bakteriale dhe kërpudhore.

Ndryshime në shikim

Sheqeri i tepërt mund të dëmtojë enët e vogla në sy dhe të shkaktojë ndryshime në lëngjet e syrit, duke ndikuar në qartësinë e shikimit.

Disa nga ndryshimet më të hershme të shikimit mund të përfshijnë shikim të turbullt ose probleme me shikimin e objekteve të largëta.

Nëse ky problem nuk adresohet, shikimi mund të përkeqësohet.

Ndryshimet në dëgjim

Diabeti dyfishon rrezikun e humbjes së dëgjimit për shkak të dëmtimit të nervit në veshë.

Sheqeri i lartë i gjakut, për periudha afatgjata, mund të dëmtojë enët e vogla të gjakut dhe nervat në veshin e brendshëm.

Sheqeri i ulët periudha afatgjata, mund të dëmtojë mënyrën se si sinjalet nervore dërgohen nga veshi i brendshëm në tru.

Urinim i shpeshtë

Rritja e urinimit zakonisht shoqërohet me rritje të etjes dhe urisë si dhe humbje peshe.

Kjo shenjë mund të dallohet edhe tek fëmijët e vegjël, të cilët gjithashtu mund të preken tek diabeti.

Urinimi i shpeshtë, sidomos ai i pavullnetshm gjatë natës, mund të jetë një shenjë treguese.

Përfundimi

Nëse jeni duke përjetuar ndonjë simptomë të diabetit, veçanërisht nëse jeni në rrezik më të lartë për këtë sëmundje, vizita tek një mjek mund t’ju ndihmojë të kuptoni se çfarë po i shkakton simptomat tuaja.

Zbulimi dhe trajtimi i hershëm është i rëndësishëm për përmirësimin e cilësisë së jetës tuaj, reduktimin e rrezikut të komplikacioneve dhe zgjatjen ose parandalimin e përparimit të diabetit.


/AgroWeb.org

https://agroweb.org/shendet/simptoma...oni-semundjen/

[sirena_adria]

Jeni diabetik? Ja frutat që duhet të shmangni

Ka spekulime sipas të cilave diabetikët nuk mund të hanë fruta për shkak të përmbajtjes së lartë të sheqerit. Këto spekulime nuk janë të vërteta për faktin se frutat nuk ofrojnë vetëm sheqer.

Frutat dhe diabeti

Frutat ofrojnë shumë vlera shëndetësore dhe jo vetëm për diabetikët. Ato janë shumë të pasura me vitamina, minerale, fibër dhe antioksidantë. Të dhënat thonë se frutat mund tu bëjnë mirë diabetikëve nëse këta të fundit kujdesen për racionet dhe nuk e teprojnë. Siç e thamë edhe më lart, frutat përmbajnë fibër. Fibra pengon rritjen e nivelit të sheqerit që ndodh rëndom pas ushqyerjes. Ajo rrit ndjesinë e ngopjes dhe pengon ushqyerjen e tepërt.

Për më tepër, frutat janë një burim i shkëlqyer vitaminash dhe mineralesh siç është kaliumi, i cili ndihmon në uljen e tensionit të gjakut.

Karbohidratet për diabetikët

Një aspekt negativ i frutave është se ato konsiderohen si karbohidrat dhe përmbajnë sheqerna natyralë të quajtura fruktozë. Karbohidratet, edhe nëse përthithen nga buka, kosi, patatja apo fruti, shpërbëhen dhe transformohen në glukozë. Kjo është arsyeja përse diabetikët duhet të jenë të vëmendshëm ndaj sasisë së karbohidrateve që konsumojnë, përfshirë këtu edhe frutat.

Frutat me nivel të ulët glicemie janë të përshtatshme për diabetikët

Niveli i glicemisë në një ushqim të caktuar tregon shpejtësinë e organizmit për të përthithur glukozën nga ky ushqim. Ky matës nuk ka të bëjë me përmbajtjen specifike të sheqerit në një ushqim por sasinë e glukozës që do të futet në organizëm gjatë ngrënies së një racioni. Glukoza përthithet më shumë dhe më shpejtë nga ushqimet me një nivel të lartë glicemie.

- Frutat me nivel të ulët glicemie janë: mollët, dardhat, boronicat, luleshtrydhet, kivi, qitro, nektarinat dhe portokalli.
- Frutat me nivel mesatar glicemie janë qershitë, mango dhe rrushi.
- Frutat me nivel të lartë glicemie janë shalqini dhe ananasi.

Kombinoni frutat me proteinë

Ekspertët thonë se kombinimi i frutave me një proteinë ngadalëson rritjen e nivelit të sheqerit në gjak.

Për shembull, ju mund të hani një filxhan mjedër me një filxhan të vogël çaji me kos. Një dardhë të vogël mund ta kombinoni ose me djathë ose me gjizë.

Shmangni Frutat e Thata dhe Lëngjet e Frutave

Frutat e thata përmbajnë shumë karbohidrate dhe janë të dëmshme. Për shembull, dy lugë gjelle me rrush të thatë ofrojnë 23 gramë karbohidrate dhe 18 gramë sheqer.

Diabetikët duhet të shmangin gjithashtu edhe lëngjet e frutave të cilat rrisin sheqerin në gjak menjëherë për shkak të mungesës së fibrës.


Gazeta Telegraf

https://telegraf.al/shendetesi/jeni-...t-te-shmangni/

[sirena_adria]

Ëmbëlsuesit Alternativë – A mund të Reduktojnë Peshën dhe Rrezikun e Diabetit?

Zëvendësimi i pijeve të ëmbla me sheqer me pije të ëmbla me pak ose aspak sheqer shoqërohet me ulje të peshës dhe rreziqeve diabet.

Në përgjithësi, dietologët rekomandojnë uljen ose eleminimin e sheqerit nga regjimi ushqimor për reduktuar peshën dhe faktorët e rrezikut të diabetit.

Megjithatë studiuesit shpesh debatojnë për përfitimet e ëmbëlsuesve alternative kur përdoren në vend të sheqerit.

AgroWeb.org ju njeh më poshtë nëse këto zëvendësues janë apo jo të dëmshme.

A mund të zëvendësoni sheqerin me ëmbëlsues artificialë për të korrur përfitime në shëndet?

Sheqeri në pijet e tilla si lëngjet e frutave me gaz, pijet energjike, çaji, kafeja, lëngjet dhe pijet sportive mund të rrisin faktorët e rrezikut, si obeziteti, shtim i yndyrës në trup dhe të lipideve në gjak.

Sipas studiuesve mënyra ideale për të zëvendësuar pijet me sheqer është të pini ujë sa më shpesh të jetë e mundur.

Por në ndihmë mund t’ju vijnë edhe ëmbëlsuesit alternativë si sakarina dhe sukraloza.

Në përgjithësi, përdorimi i ëmbëlsuesve në vend të sheqerit ndikoni në uljen e peshës trupore, të yndyrës dhe lipideve në gjak.

Pijet e ëmbëlsuara me pak ose më mirë akoma pa sheqer, janë një alternativë e shkëlqyer për ata që janë mbipeshë ose obezë.

Megjithatë ende nevojiten më shumë prova për të kuptuar efektet e tyre në periudhë afatgjatë.

Sipas të dhënave të AgroWeb.org konsumi i sheqerit është çdo vit i lartë dhe pothuajse gjysma e këtij konsumi në masë vjen nga pijet.

Shifrat janë edhe më të larta për fëmijët, diçka që është shqetësuese për shëndetin e tyre.

Ekspertët e fushës rekomandojnë jo më shumë se 9 lugë çaji afërsisht rreth 36 gram ose 150 kalori konsum të sheqerit në ditë për burrat.

Ndërsa për gratë jo më shumë se 6 lugë çaji, rreth 25 gram ose 100 kalori sheqer në ditë.

Gjithashtu studimet e mëparshme kanë treguar se edhe pijet e gazuara dietike mund të jenë po aq të dëmshme për zemrën sa pijet e zakonshme.

Megjithatë ëmbëlsuesit alternativë mund t’i ndihmojnë njerëzit të reduktojnë ngadalë pijet me sheqer dhe të shkojnë më lehtë drejtë konsumit të ujit, që është edhe mënyra më e mirë për të ruajtur shëndet të plotë.


Agroweb

https://agroweb.org/ne-forme/trupi-s...un-e-diabetit/

[sirena_adria]

Kontrolloni sheqerin në gjak duke ngrënë në këtë formë

Me përhapjen e sëmundjes së diabetit gjithnjë e më shumë vitet e fundit kujdesi i shtuar është gjithnjë një ide e mirë.

Rritja e nivelit të sheqerit në gjak dhe diabeti vjen në shumë raste si pasojë e abuzimit me ushqimin dhe stilin e jetesës.

Një studim i ri hedh dritë pikërisht mbi ushqimin si çelësin e balancimit të sheqerit në gjak. Studimi të cili i referohet AgroWeb.org tregon se vaktet e ushqimeve duhet të jenë shumë strikte.

Kjo lidhet me distancën kohore që ato konsumohen. Më poshtë janë disa nga rekomanidmet më të fundit të mjekëve dhe ekspertëve lidhur me këtë sheqtësim.

Studimi

Në studimin e Universitetit të Adelaides në Australi morën pjesë persona nga mosha 30 deri në 70 vjeç.

Këta persona mbi peshë konsumuan vakte në një hapërsirë kohore prej 9 orësh çdo ditë. Tek të gjithë u vu re se niveli i sheqerit në gjak u ul bashkë më peshën trupore. Kjo metodë njihet ndryshe edhe si “fasting”.

Ajo ndihmon trupin që me anë të një ore bilogjike gjatë kohës kur ju nuk konsumoni ushqim të djegë kaloritë e mbledhura më parë.

Hani në orar

Mënyra më e mirë për të mbajtur nën kontroll diabetin është edhe koha se kur i konsumoni këto vakte.

Studime të tjera të shumta kanë treguar se personat që zgjedhin t’a konsumojnë ushqimin e tyre çdo ditë në të njëjtin orar gëzojnë shëndet më të mirë.

Ju mund të zgjidhni të konsumoni ushqimin tuaj të përditëshëm nga ora 9:00 deri në oren 18:00 çdo ditë.

Kërkuesit nga Universiteti i Adelaides në Australi e sugjerojnë këtë metodë si një formë shumë të mirë tretje të ushqimeve. Sigurohuni t’i konsumoni vaktet tuaja gjatë pjesës së parë të ditës. Duke respektuar vaktet në mënyrë të shëndetshme njëra pas tjetrës.


Infokus

https://gazetainfokus.com/kontrollon...ne-kete-forme/

[ATMAN]

Diabeti, ose sëmundja e sheqerit, është një sëmundje metabolike e karakterizuar nga niveli i lartë i sheqerit në gjak. Në kushte normale, pankreasi prodhon insulinë, një hormon që ndihmon trupin të përdorë glukozën si burim energjie. Në rastet e diabetit, trupi nuk prodhon mjaft insulinë ose nuk e përdor në mënyrë efektive, duke shkaktuar një rritje të niveleve të glukozës në gjak.

Ka dy lloje të diabetit: diabeti tip 1 dhe diabeti tip 2. Diabeti tip 1 zakonisht fillon në fëmijëri ose adoleshencë dhe është i shkaktuar nga një mungesë e plotë e insulinës në trup. Diabeti tip 2 është më i zakonshëm dhe zakonisht ndodh në moshë të rritur. Në këtë rast, trupi nuk prodhon mjaft insulinë ose nuk e përdor atë në mënyrë efektive. Faktorët që mund të ndikojnë në zhvillimin e diabetit tip 2 janë përfshirë në trashëgimi, stilin e jetesës dhe faktorët mjedisorë.

Në momentin aktual, nuk ka një kurë për diabetin, por ka disa strategji që mund të ndihmojnë në menaxhimin e tij. Njerëzit me diabet duhet të ndjekin një regjim ushqimor të shëndetshëm dhe të bëjnë ushtrime fizike të rregullta për të mbajtur nivelet e sheqerit të gjakut nën kontroll. Për më tepër, në rastet e diabetit tip 1, insulina mund të injektohet për të ndihmuar në kontrollin e glukozës në gjak, ndërsa në rastet e diabetit tip 2, mund të nevojitet përdorimi i medikamenteve për të ndihmuar në kontrollin e niveleve të sheqerit në gjak.

Është e rëndësishme të vazhdoni të ndiqni një regjim të rregullt dhe të konsultoheni me mjekun tuaj për të menaxhuar diabetin në një mënyrë efektive dhe të reduktoni rrezikun e komplikacioneve të mundshme.

[sirena_adria]

Pesë ushqimet që duhet shmangur nëse vuani nga diabeti

Personat që nuk vuajnë nga diabeti mund të konsumojnë herë pas here patate të skuqura apo ëmbëlsira. Edhe pse janë të pashëndetshme dhe mund t’ju shtojnë në peshë, konsumimi i tyre nuk është fundi i botës. Ndërsa, për personat që vuajnë nga diabeti, ngrënia e këtyre ushqimeve mund të ketë pasoja të rënda për jetën, shkruan “shëndeti”.

Është e vështirë të thuhet çfarë është mirë dhe çfarë jo duke qenë se çdo pacient me diabet është disi ndryshe nga tjetri, megjithatë, ata duhet të kenë kujdes se çfarë konsumojnë. Si nivelet e larta ashtu edhe të ulëta të sheqerit në gjak – hiperglicemia dhe hipoglicemia – mund të shkaktojnë simptoma të tilla si të vjella, dhimbje në stomak, rrahje të shpejta zemre, dridhje dhe marramendje.

Në raste më ekstreme, nivelet e larta ose të ulëta të sheqerit në gjak mund të kenë pasoja të rënda, deri në vdekje. Nëse vuani nga diabeti dhe po përjetoni këto simptoma, duhet të vizitoheni patjetër tek mjeku specialist.

Cilat ushqime shkaktojnë më shumë probleme tek pacientët që vuajnë nga diabet?

Pijet e gazuara

Edhe pse ka pak të dhëna që i lidhin pijet e gazuara dietike me shtimin në peshë dhe probleme të tjera shëndetësore, konsumimi i rregullt i këtyre pijeve është i rrezikshëm për ata persona që vuajnë nga diabeti. Një kanaçe e vetme me coca-cola përmban 39 gramë sheqer. Shoqata Amerikane e Zemrës rekomandon që të rriturit të marrin jo më shumë se 36 gramë sheqer në ditë.

Lëngjet e frutave që shiten nëpër dyqane

Lëngjet e frutave janë të shëndetshme deri në momentin që ata nuk kanë sheqer të shtuar. Për personat që vuajnë nga diabeti – apo për të gjithë ne- nuk ka ndonjë diferencë të madhe mes konsumimit të sheqerit në formën e pijeve të gazuara ose lëngjet e frutave që shiten në dyqane. Të dyja janë të pashëndetshme. Ndërsa lëngjet që i përgatisni nga frutat e freskëta janë të mira për shëndetin, edhe pse nuk duhet ta teproni me to nëse vuani nga diabeti.

Petulla të ëmbla

Shumë persona me diabet e mendojnë sheqerin si ushqimi nr. 1 që rrit sheqerin në gjak, por në fakt janë karbohidratet që e shkaktojnë një gjë të tillë. Petullat e përgatitura me drithëra të përpunuara janë ndër burimet më të mëdha të karbohidrateve që shkaktojnë rritje të sheqerit në gjak.

Patatet e skuqura

Perimet me niseshte, si patatet dhe misri, janë ndër burimet kryesore të karbohidrateve, prandaj duhet të kufizohen ose shmangen nga personat që vuajnë nga diabeti. Nëse edhe i skuqni patatet, rreziku dyfishohet.

Ëmbëlsirat që shiten nëpër dyqane

Tortat, biskotat, karamelet, të gjitha këto lloje ëmbëlsirash kanë në përmbajtje të lartë sheqer dhe drithëra të rafinuara. Edhe më keq: Nëse i blini ato më dyqane, shumë prej tyre përmbajnë yndyra të pangopura, duke rritur kështu rrezikun në shëndet. Njerëzit me diabet janë më të rrezikuar nga sëmundjet e zemrës, dhe yndyrat e ngopura rrisin nivelet e kolesterolit në total.


Gazeta Metro

https://gazetametro.net/pese-ushqime...i-nga-diabeti/