Rrezik ushqimet e modifikuara!!

[Shpirt Njeriu]

Ndihmat me produketet e modifikuar gjenetikisht duket se do të jenë problemi kryesor për mbarëvajtjen e marreveshjeve të Tregtisë së Lirë ndërmjet Shqipërisë dhe vendeve të Bashkimit Europian. Sipas të dhënave zyrtare, në Shqipëri pritet të vijnë nga Shtetet e Bashkuara të Amerikës rreth 16 mijë tonë misër dhe sojë e modifikuar gjenetikisht. Ndërkohë, vendet e Bashkimit Europian, pas një miratimi të një paketë ligjesh nga Parlamenti Europian, kanë ndaluar kategorikisht futjen e OMGJ-ve në këto vende si dhe të produkteve që përmbajnë modifikime gjenetike. "Në rast se në Shqipëri do të përdoren organizmat e modifikuara gjenetikisht, atëherë produktet bujqësore që do të prodhohen në Shqipëri do të jenë të papranueshme nga vende e BE-së, ç'ka do të sjellë probleme sërioze për mbarëvajtjen e marrëveshjeve të nënshkruara", ka theksuar Lavdosh Fetuni, kryetar i bordit të Shoqatës së Bujqësisë Organike.

Historia
Pak kohë më parë IFDC-ja zhvilloi një tender për importin e misrit dhe sojës të modifikuar gjenetikisht, ndërkohë që fituese e këtij tenderi është kompania "Korparata amerikane për kredi". Kjo e fundit ka sjellë në Shqipëri rreth 2 mijë tonë misër dhe sojë, ndërkohë që pjesa tjetër pritet të vijë në një të ardhme shumë të afërt. Ndihma e amerikanëve është kundërshtuar nga Shoqatat e Ambientalistëve, të cilët kanë deklaruar që organizma të tillë janë një dëm i madh për shëndetin e shqiptarëve, ekonominë e vendit si dhe një dëm i madh i biodiversitetit. 24 shoqata ambientaliste kanë nënshkruar një peticion drejtuar institucioneve shtetërore dhe parlamentit në të cilën kërkojnë ndalimin e futjes në vend të OMGJ-ve. "Sipas të dhënave tona, ndihma e cila pritet të vijë së shpejti nga Shtetet e Bashkuara të Amerikës do të përdoret në blegtori. Por ajo mund të përdoret edhe në bujqësi për mbjedhjen e misrit dhe të sojës. Ndërkohë, kërkesë për blerjen e këtyre organizmave ka pasur dhe nga ndërmarrjet e industrisë ushqimore", ka theksuar Monika Spahivogli, anëtare e bordit të Shoqatës së Bujqësisë Organike. Sipas të dhënave, nga kjo shqoatë deri tani kanë përaqitur kërkesë për blerjen e misrit dhe të sojës të importuar nga Amerika rreth 36 tregatë dhe subjekte private. Kryetari i këtij bordi Lavdosh Feruni, ka sqaruar se përdorimi i organizmave të modifkuara gjenetikisht, në shëndetin e njerëzve mund të sjellë probleme serioze në aparatin tretës si dhe alergji. Sipas tij, përdorimi i këtyre organizmave nga fermerët shqiptarë do të sjellë një efekt negativ ekonomik, pasi do të krijojë një vartësi ekonomike të fermërëve ndaj kompanive të mëdha që merren me tregtimin e OMGJ-ve. Ndërsa kryetari i shoqatës "Masmedia dhe Mjedisi", Xhemal Mato, ka sqaruar për Gazetën se në projektligjin për biodiversitetin, i cili është miratuar nga Ministria e Mjedisit, ekziston një nen i veçantë i cili është pro përdorimit të OMGJ-ve.


Xhemal Mato: Ligj kundër ushqimeve jo-bio

Projektligji për biodiversitetin pritet të miratohet brenda kësaj jave në Parlament. Sipas Xhemal Matos, kryetar i shoqatës "Masmedia dhe Mjedisi", një nen i veçantë i këtij projektiligji i përket organizmave të modifikuara gjenetikisht, ku aprovohet përdorimi i tyre. "Ne kemi kërkuar që ky nen të ndryshohet, por kërkesa jonë nuk është pranuar", ka theksuar Mato. Sipas tij, gjatë shqyrtimit të projektligjit komisioni parlamentar i Bujqësisë dhe Ambientit kërkoi që të paktën për 5-vjet të ndalohet hyrja e OMGJ-ve në Shqipëri. Por, projektligji që do të paraqitet këto ditë në Parlament nuk pasqyron ndryshimet e kërkuara.


Dëmet e ushqimeve te modifikuara

- Përdorimi i organizmave të modifikuara dëmton:
- Aparatin tretës
- Krijon alergji
- Dëmton biodiversitetin
- Shkakton dëm ekonomik te fermerët
- Dëmton marrëveshjet e Tregtisë së Lirë me vendet e Bashkimit Europian.
- Në Shqipëri do të vijnë nga SHBA 16 mijë ton misër dhe sojë e modifikuar gjenetikisht.