Homoseksualiteti

[Bekim Ismaili]

zoteri pyetesi mund te lexoni pak me vemendje postoimin 48 dhe ndoshta mund te marish dhe ndonje opergjigje me teper nga aty.
nderime !

[Bekim Ismaili]

Seksualiteti

Puberteti te vajzat
Organet seksuale femërore
Puberteti te djemtë
Organet seksuale të mashkullit
Disa ide për seksin: Çka mendojnë djemtë dhe vajzat
Marrja e vendimeve për marrëdhënien seksuale dhe si të thuhet “Jo”
Interesimi seksual te tinejxherët
Masturbimi
Paraloja kundrejt marrëdhënies seksuale
Seksualiteti dhe plakja
Terapia seksuale
Homoseksualiteti: Të qenurit gej ose lezbike
Si të bisedoni me fëmiun për seksin
Si të bisedohet me prindërit për seksin
Brengat seksuale të meshkujve
Brengat seksuale të femrave
Puberteti te vajzat

Puberteti është kohë e ndryshimeve të shumta. Trupi i vajzave fillon të ndryshojë diku pas moshës 8 vjeçare. Shumë vajza brengosen se a janë duke u zhvilluar sa duhet ose nëse janë duke u zhvilluar para moshatareve të tyre. Mbani në mend, secili person e ka orarin e tij/saj të ngjarjeve. Te disa vajza puberteti fillon më herët, te disa më vonë.
Shumica e ndryshimeve gjatë pubertetit shkaktohen nga komponimet kimike të quajtura “hormone”, të cilat organizmi gjatë kësaj periudhe fillon t’i prodhojë. Hormonet më të rëndësishme femërore janë estrogjeni dhe progesteroni.

Gjinjtë fillojnë të rriten kur vajza është në moshën 9-13 vjeçare. Shumë vajza shqetësohen për madhësinë dhe formën e gjinjëve të tyre. Gjinjtë dalin në forma të ndryshme, kështuqë vajzat nuk do të duhej të shqetësoheshin nëse gjinjtë e tyre dallojnë prej shoqeve të tjera. Njëri gji mund të rritet më shpejt se tjetri; megjithatë, ato do të jenë përafërsisht të barabarta kur përfundojnë së rrituri. Më pas fillojnë të rriten qimet në regjionin pubik dhe nën sqetulla.

Cikli menstrual zakonisht fillon gjatë moshës 11-15 vjeçare; megjithatë, ato mund të paraqiten edhe më herët p.sh. gjatë moshës 9 vjeçare ose edhe shumë më vonë p.sh. 17 vjeçare.

Kështu do të përshkruhej ajo që e përbën një cikël menstrual: përafërsisht njëherë në muaj, trupi i femrës bëhet gati për shtatzënësi. Shtresa e brendshme e mitrës (endometriumi) fillon të trashet. Diku pas 2 javëve, njëra prej ovareve liron një vezë (ovum). Nëse spermatozoidet e mashkullit nuk bashkohen me vezën, pra nëse ajo nuk fekondohet, atëherë shtresa e trashur e mitrës nuk nevojitet. Diku brenda dy javëve tjera, trupi i femrës lirohet nga kjo shtresë përmes vaginës. Kjo quhet të pasurit e një cikli menstrual.

Shumë femra ndihen jo rehatshëm ose kanë gërçe gjatë menstruacioneve të tyre. Ushtrimi fizik, një mbulesë që lëshon nxehtësi ose një shishe me ujë të nxehtë ose një tabletë kundër dhembjes, të gjitha mund të ndihmojnë. Nëse këto ide nuk kanë kurrëfarë ndikimi, kërkoni ndihmë nga mjeku.

Menstruacionet zakonisht zgjasin 3-7 ditë. Ato mund të zgjasin më shumë ose më pak dhe gjakderdhja mund të jetë më e madhe ose më e vogël në ndonjërin muaj krahasuar me muajtë tjerë - posaçërisht kur filloni t’i keni menstruacionet. Shumë gjëra mund të ndikojnë në ciklin tuaj menstrual, si: stresi, sëmundja ose humbja e shpejtë e peshës. Pas një kohe, shumicës së femrave ciklet e tyre menstruale u rregullohen. Kur njëherë ciklet të jenë më të rregullta, ato paraqiten çdo 21-35 ditë ose çdo 3-5 javë.

Nëse një femër ka marrëdhënie seksuale dhe pastaj nuk i paraqitet cikli menstrual ajo ndodh të jetë shtatzënë. Nëse spermatozoidi nga sperma e mashkullit bashkohet me vezën e femrës atëherë fillon shtatzënësia. Veza e fekonduar ngjitet në shtresën e trashur të mitrës dhe fillon të rritet. Organizmi i saj nuk e liron mukozën e endometriumit, do të thotë femra gjatë kësaj kohe nuk ka cikël menstrual.

Hormonet femërore gjithashtu shkaktojnë prodhimin e mukusit nga vagina. Kjo nuk shkakton dhembje, kruarje as erë të keqe. Megjithatë, nëse keni tajitje, që shkakton dhembje, kruarje ose erë të rëndë, konsultohuni me mjekun; ndoshta keni ndonjë infeksion.

Puçrrat ose aknet janë problem i zakonshëm. Disa prej sugjerimeve janë: pastrimi me sapun të zakonshëm, mos të merret ushqimi me shumë yndyrëra, mos të përdorën lëngështuesit e lëkurës (kremat hidratante), ndërkaq të përdoren losionet me peroksid të benzolit që mund të blehen në barantore pa përshkrim të mjekut. Poashtu, mund të jetë i dobishëm edhe përshkrimi i ndonjë ilaçi nga ana e mjekut.

Era e trupit shkaktohet nga djersitja. Shumë njerëz e ndalojnë atë duke u pastruar shpesh me sapun të zakonshëm ose aromatik dhe duke përdorur deodorante.

Vajzat zakonisht rriten shpejt gjatë moshës 10-13 vjeçare. Pasi t’iu fillon cikli menstrual, shumica rriten edhe për 3 cm më shumë. Shumica e arrijnë gjatësinë e vajzave të rritura në moshën 16 vjeçare.

Puberteti mund të jetë një kohë e ndjenjave dhe fantazive të forta seksuale. Këto ndjenja mund të shkaktojnë hutim, ndonjë shqetësim ose të jenë shumë të këndshme. Ëndërrimi gjatë ditës për puthje ose seks, adhurimi i madh i ndokujt, ndjenjat romantike, që të gjitha janë normale. Respektoni trupin tuaj, respektoni veten për atë se çka jeni sot dhe kërkoni respekt nga të tjerët.

Nëse doni më shumë informata, mund të lexoni libra për pubertetin ose të bisedoni me dikë në të cilin keni besim.



Organet seksuale femërore

Pjesët seksuale të femrës shihen më vështirë sesa ato të mashkullit, kështu që shumë njerëz nuk dijnë shumë për to. Disa femrave iu është thënë se kjo zonë e trupit të tyre është e ndyrë dhe e shëmtuar dhe është turp që ajo të preket ose të bisedohet rreth saj. Këto pjesë nuk janë të ndyra ose të turpshme. Sikurse për çdo pjesë tjetër të trupit sa më shumë që dini se si funksionojnë ato, më lehtë është që ato të qëndrojnë të shëndosha.

Është e dobishme të shihet se si duket kjo pjesë e trupit tuaj. Do t’ju nevojitet një pasqyrë e vogël për ta bërë këtë. Së dyti, do t’ju duhen disa fakte.

I tërë regjioni në mes të këmbëve tuaja quhet "vulva". Do të shihni dy palë buzë, që quhen "labia". Gjatë pubertetit, në buzët e jashtme fillojnë të dalin qimet. Buzët e brendshme dallojnë në madhësi, formë dhe ngjyrë. Njëra buzë mund të jetë më e madhe se tjetra.

Brenda buzëve ndodhet klitorisi dhe dy të hapura. Duke filluar nga pjesa e përparme e trupit ku takohen labiat e brendshme gjendet klitorisi (kathici). Te femrat e rritura, madhësia e klitorisit është diku rreth madhësisë së gomës në majë të lapsit. Te disa femra ajo është e mbuluar me lëkurë, te disa jo.

Klitorisi është jashtëzakonisht i ndieshëm dhe është burim i kënaqësisë seksuale në masë të madhe. Disa femra kanë dëshirë që ajo t’iu preket në mënyrë direkte atëherë kur ato ndihen të gatshme. Megjithatë, të tjerave një gjë e tillë u duket e dhembshme dhe më shumë preferojnë që i tërë regjioni rreth klitorisit të fërkohet.

Hapja më e afërt me klitorisin është uretra përmes së cilës lirohet urina. Kjo hapje është e vogël dhe është vështirë për t’u vërejtur.

Poshtë saj është hapja për në vaginë. Ky është vendi prej ku del gjaku menstrual dhe tajitja vaginale dhe ku hyn penisi gjatë marrëdhënies seksuale. Spermatozoidet udhëtojnë nëpër vaginë përmes të ashtuquajturit cerviks (qafa e mitrës) ku edhe kalojnë në mitër. Nëse spermatozoidi takohet me vezën dhe ajo fekondohet, atëherë fillon shtatzënësia. Vezën e fekondon vetëm një spermatozoid. Kur lind një foshnje, ajo del nga mitra poshtë për në vaginë dhe jashtë përmes të njëjtës hapje.

Në të hyrë të vaginës zakonisht ndodhet një ind i hollë që quhet “himen”. Himeni mund të zgjatet ose të shkyhet përmes gjërave si përdorimi i tamponës ose gjatë marrëdhënies së parë seksuale. Për disa femra, kjo mund të jetë e papërshtatshme dhe të shkaktojë pak gjakderdhje; të tjerat madje as nuk e vërejnë atë.

Hapja edhe më poshtë se vagina është anusi. Kjo është zgavrra përmes së cilës del jashtëqitja nga zorrët.

Duke filluar nga puberteti, vajzat do të vërejnë një tajitje vaginale ose mukus në ndërresat e tyre. Një gjë e tillë është plotësisht normale. Kjo tajitje mund të jetë me ngjyrë të verdhë, të bardhë si të qumështit, mund të jetë si ujë ose më e trashë. Pamja dhe sasia e kësaj tajitjeje ndryshon në periudha të ndryshme gjatë ciklit menstrual. Këto ndryshime mund të ndihmojnë të tregojnë kur ajo ka gjasa më të mëdha të mbetet shtatzënë.

Nëse zbrazja (tajitja) ka erë të keqe, shkakton kruarje ose ka ngjyrë të çuditshme, mund të jetë shenjë e ndonjë infeksioni ose ndonjë sëmundje që përcjellet përmes marrëdhënies seksuale. Një gjë e tillë duhet të kontrollohet nga mjeku, meqë disa nga këto infeksione janë serioze dhe shumë lehtë mund të përcjellen te tjetri.

Për të mësuar më shumë për trupin e femrës, lexoni libra nga kjo temë. Bisedoni me dikë: me prindin, këshilltarin ose punëtorin shëndetësor.



Puberteti te djemtë

Puberteti është një kohë e ndryshimeve të shumta. Organizmi i një djali fillon të ndryshoj kur ai është në moshën 11-20 vjeçare. Shumë djemë brengosen se nuk janë duke u zhvilluar aq shpejt sa duhet. Mbani mend, secili person e ka orarin e ndryshimeve të veta. Te disa djemë puberteti fillon më herët, te disa të tjerë më vonë. Do të kaloni nëpër fazën e pubertetit me shpejtësinë tuaj personale.

Shumica e ndryshimeve të pubertetit shkaktohen nga hormoni mashkullor- testosteroni të cilin organizmi fillon ta prodhojë gjatë kësaj kohe. Testosteroni prodhohet në testise. Testiset ndodhen në një qese nën penis që quhet skrotum.

Me rritjen e testosteronit, ngjyra e skrotumit bëhet më e mbyllët. Penisi dhe testiset fillojnë të rriten. Qimet në regjionin pubik fillojnë të dalin. Qimet nën sqetulla dhe në fytyrë do të dalin më vonë. Zëri fillon të bëhet më i thellë dhe nganjëherë me kërcitje dhe ndërprerje. Brenda në fyt, mollëza e Adamit ose laringu bëhet më i madh. Disa djemë kanë fryerje (ënjtje) nën majët e sisave, mirëpo një gjë e tillë me kohë humbet vetvetiu.

Testiset fillojnë të prodhojnë spermatozoide. Kjo do të vazhdojë për tërë pjesën tjetër të jetës së mashkullit. Spermatozoidet lirohen së bashku me një lëng të bardhë të quajtur spermë. Nganjëherë sperma del jashtë vetvetiu gjatë fjetjes. Kjo quhet “ëndërra e lagësht” dhe është normale dhe e padëmshme.

Disa njerëz mendojnë se ata mund ta tregojnë madhësinë e penisit të një mashkulli duke u bazuar në karakteristikat tjera fizike, si në madhësinë e shputave ose racën e tij. Këto besime nuk janë të vërteta. Gjithashtu, nuk është e vërtetë që madhësia e penisit të një mashkulli ndikon në knaqjen seksuale të partneres/it të tij.

Ereksioni, ose “çuarja”, mund të ndodhin në momente të papritura. Kjo mund të jetë e turpshme por është normale. Për të qenë mashkulli i shëndoshë, nuk është e domosdoshme të ejakulojë ose “të derdhet” madje edhe me vite.

Puçrrat ose aknet janë problem i zakonshëm. Disa prej sygjerimeve janë: pastrimi me sapun të zakonshëm, mosmarrja e ushqimit me shumë yndyrëra, mos të përdoren lëngështuesit e lëkurës dhe të përdoren losionet me peroksid të benzolit që mund të blehen në barantore pa përshkrim të mjekut. Poashtu mund të ndihmojë vizita te mjeku.

Era e trupit shkaktohet nga djersitja. Shumë njerëz e ndalojnë atë duke u pastruar shpesh me sapun të zakonshëm ose aromatik dhe duke përdorur deodorante.

Shumica e djemve rriten shpejtë gjatë moshës 12-15 vjeçare. Me arritjen e moshës 18 vjeçare shumica nuk zgjaten më, mirëpo muskujt vazhdojnë të zhvillohen.

Puberteti mund të jetë një kohë e ndjenjave të forta dhe fantazive seksuale. Këto ndjenja mund të jenë hutuese dhe mund të shaktojnë si brengosje ashtu edhe kënaqësi; megjithatë, ato janë normale. Nëse jeni i brengosur, gjeni libra për pubertetin ose bisedoni me dikënd në të cilin keni besim.



Organet seksuale të mashkullit

Organi më i dukshëm seksual i mashkullit është penisi. Madhësia e penisit nuk ka të bëjë asgjë me atë se sa i gjatë ose muskuloz është një mashkull, me racën e tij ose me çfarëdo karakteristike tjetër fizike. Madhësia e penisit kur ai është i “ulur” ka pak të bëjë me madhësinë kur ai është ne erekcion ose “i çuar”.

Meshkujt që kanë penis të madh nuk janë më mashkullorë. Ata nuk prodhojnë më shumë spermë (spermatozoide) sesa meshkujt me penis të vogël. Dhe, madhësia e penisit të një mashkulli nuk ka të bëjë asgjë më atë sesa ai ose partnerja e tij kënaqen në seks.

Në majë të penisit ndodhet hapja prej nga del jashtë urina. Nëse mashkulli është i eksituar seksualisht nga kjo hapje do të del një lëng i kthjellët. Ky lëng përmban një numër të vogël të spematozoideve dhe është plotësisht normale dalja e tij. Hapja është gjithashtu vendi prej ku del sperma me spermatozoide kur një mashkull ejakulon ose “derdhet”.

Disa meshkuj e kanë penisin e tyre të cirkumcizuar (“synet”). Kjo mund të jetë për shkaqe shëndetësore ose fetare. Kjo do të thotë se një pjesë e lëkurës largohet nga lëkura që e mbulon kokën e penisit. Një gjë e tillë e ndryshon dukjen e penisit dhe mund ta lehtësojë mbajtjen e pastër të tij por nuk do të thotë se ka ndonjë efekt tjetër.

Penisi erektohet (“çohet”) kur mbushet me gjak duke e bërë atë të fortë dhe të fryrë. Nganjëherë ereksioni paraqitet rastësisht, shpesh kur ai nuk është i dëshiruar. Ai mund të ndodh kur një djalë ose mashkull i rritur ka përfytyrime seksuale, kur ai është i eksituar, i shqetësuar ose nganjëherë kur nuk është duke menduar asgjë në veçanti. Kjo mund t’ju bëjë të ndiheni ngushtë por një gjë e tillë është normale.

Prapa penisit janë testiset ose “bolet”. Ato janë të vendosura në një qeskë që quhet “skrotum”. Njëri testis mund të jetë më i madh dhe të jetë i varur më poshtë se tjetri. Spermatozoidet për të jetuar duhet të jenë në temparaturë më të ulët se temperatura e trupit—për këtë arsye testiset ndodhen jashtë trupit.

Shumica e grumbujve dhe gungave në skrotum janë qeska të parrezikshme të mbushura me lëng dhe quhen ciste. Disa humben vetvetiu, të tjerat duhet të largohen në mënyrë kirurgjike. Një gungë në skrotum mund të jetë edhe shenjë e një tumori. Është me rëndësi që secili grumbullim në skrotum të shikohet nga ana e mjekut. Mjeku do t’ju tregojë poashtu si t’i ekzaminoni rregullisht testiset tuaja. Koha më e mirë për ta bërë këtë është pas një banjoje ose dushi të nxehtë.

Nëse dëshironi të keni më shumë informata për organet seksuale mashkullore gjeni libra në lidhje me këtë temë. Bisedoni me prindërit tuaj, ose kërkoni këshillë prej ndonjë mjeku.



Disa ide për seksin: Çka mendojnë djemtë dhe vajzat

Pothuajse ekzistojnë po aq mënyra të të menduarit për seksin sa ka edhe njerëz. Disa prej këtyre ideve janë të vërteta dhe disa nuk janë.
Shumë njerëz mendojnë që të gjithë djemtë janë të interesuar vetëm të kenë marrëdhënie direkte seksuale. Mirëpo, djemtë dhe meshkujt e rritur dallojnë në interesimin e tyre për seksin dhe interesimi i tyre ndryshon me ndryshimet tjera në jetën e tyre. Meshkujt mund t’i shprehin ndjenjat e tyre të buta dhe ta çmojnë afërsinë dhe dashurinë.

Vajzat dhe gratë kanë gjithashtu ndjenja të forta. Ato shpesh dëshirojnë të kënaqen në seks si edhe të kenë po aq dëshirë për lidhje të fortë përkujdesëse dhe të dashurisë.

Sikurse meshkujt ashtu edhe femrat kanë nevojë t’i shprehin ndjenjat e veta. Raportet e mira, pozitive janë të rëndësishme si për djemtë ashtu edhe për vajzat. Nganjëherë njerëzit e stërzmadhojnë përkushtimin e partnerit të tyre, me qëllim që t’i impresionojnë shokët ose për të fituar një ndjenjë të sigurisë. Nganjëherë ndjenjat bëhen konfuze.

Marrëdhënia e parë seksuale mund të jetë eksituese, e frikshme, e këndshme madje edhe zhgënjyese si për djemtë ashtu edhe për vajzat. Shumë çifte të reja e dijnë se akoma nuk janë gati. Ndoshta nuk është momenti i “duhur” ose nuk është personi i “duhur”; ata nuk e njohin njëri tjetrin aq sa duhet; dëshirojnë t’i shmangen shtatzënësisë dhe sëmundjeve seksualisht të transmetueshme (venerike). Ose, ndoshta ndihen aq të hutuar dhe iu duhet më shumë kohë për t’i vënë në terezi ndjenjat e tyre. Puthjet, përqafimet, prekjet, masturbimi reciprok ose fërkimi i gjenitaleve për ta arritur orgazmin, mund të jenë alternativa të sigurta dhe të kënaqshme të aktit seksual. Këto lloje të aktiviteteve seksuale quhen paraloja seksuale. Diskutoni rreth seksit, një hap në një kohë, për t’u siguruar se që të dy jeni të gatshëm për cilindo hap që do ta ndërmerrni.

Ne i fitojmë idetë dhe botëkuptimet për seksin nga televizori, filmat, muzika, artikujt, gazetat, barcoletat, miqtë dhe nga familja. Ju duhet t’i sqaroni mendimet, vlerat tuaja personale, atë çka në të vërtetë dëshironi. Nganjëherë, një partner mundohet t’i shkaktojë presion tjetrit për t’u bërë seksualisht aktiv. Duke i ditur vlerat tuaja dhe atë se çka ju në të vërtetë doni, do t’ju ndihmojë në këtë situatë.

JO nënkupton JO. Respektoni partnerin dhe vetveten. Sulmi seksual madje edhe në kuadër të martesës ose lidhjes së vërtetë paramartesore është akt kriminal.

Vetëm PO-ja nënkupton PO.

As vajzat e as djemtë nuk dijnë krejt çka ka të bëjë me seksin. Mos ngurroni t’i shprehni ndjenjat dhe të filloni ta njihni partnerin.

Interesimet dhe vlerat e ngjashme midis partnerëve ndihmojnë që një lidhje të bëhet edhe më e fortë, të jep kënaqësi më të madhe dhe të jetë me kohëzgjatje më të madhe. Madje edhe çiftet e lumtura martesore nuk kanë interesim për seks në të njëjtën kohë e as që kanë orgazëm në të njëjtin moment.

Nëse një person mban me vete një kondom, nuk do të thotë se ai ose ajo është “person i lehtë” ose se është duke pritur “veprim”. Kjo do të thotë që personi është duke menduar, është duke u përgatitur dhe se do të ketë mbrojtje nëse ata vendosin ta përfshijnë marrëdhënien e plotë seksuale në lidhjen e tyre.

Nëse dëshironi më shumë informata, gjeni libra, lexoni porosi të tjera ose bisedoni me një të rritur që e respektoni dhe në të cilin keni besim.



Marrja e vendimeve për marrëdhënien seksuale dhe si të thuhet “Jo”

Rritja përfshin të mësuarit për marrjen e vendimeve dhe të jetuarit me këto vendime. Kur filloni të kujdeseni për dikë dhe kur ai ose ajo fillon t’ju pëlqejë, atëherë është koha që ta bëni një vështrim të mirë të vetes, të vlerave dhe qëllimeve tuaja. Tani, sa larg dëshironi të shkoni me atë person? Më vonë?
Është e rëndësishme të bisedoni rreth ndjenjave tuaja. Duke u bërë seksualisht aktiv do të thotë ta vështroni lidhjen dhe ta verifikoni dëshirën për të pasur marrëdhënie seksuale.

Pra, si të thuhet “jo” pa e lënduar personin tjetër, pa e bërë atë që t’ju mos pëlqejë dhe të mos thotë gjëra të këqija për ju? Si të thuhet “jo” ashtu që personi tjetër ta kuptojë se ju e keni njëmend? Ja disa gjëra për të menduar rreth tyre:

Ndërtoni një mirëkuptim me partnerin. Shyqyrtoni gjërat para se ato të shkojnë më larg se sa që dëshironi.

Rikujtojani vetes se partneri juaj nuk ka nevojë të ketë patjetër marrëdhënie seksuale. Nëse ju mund të pritni edhe partneri juaj mund të presë.

Nuk keni nevojë të sqaroni, por, mund të jepni ndonjë arsye nëse dëshironi, si: “Kam vendosur të pres” ose “Nuk jam gati për këto gjëra”

Mbani në mend se sa të rëndësishme janë kontrolla e lindjes dhe prindëria.

Është lehtë ta fitoni ndonjë sëmundje venerike. Këto mund të jenë të dhembshme dhe të mundimshme e disa nga ato mund ta shkaktojnë edhe sterilitetin (mosmundësia e krijimit të fëmijëve).

Respektoni veten. Dijeni se personi i duhur do të presë.

Shqyrtoni synimet tuaja për arsimimin, karierën dhe fushat tjera jetësore.

Besoni në vete. Kujtoni vlerat tuaja, dhe bëni atë që është e drejtë për ju.
Në disa lidhje, djemtë ose vajzat mundohen ta bindin personin tjetër për të pasur marrëdhënie seksuale. Disa nga fjalitë që ata përdorin janë:

“Nëse me të vërtetë më dashuron, atëherë dëshmoje.”
“Çdokush po e bën këtë.”
“Unë do të kujdesem për ty.”
“Unë do ta ndërprej para se ti të mund të mbetesh shtatzënë.”
“Nëse nuk don të kesh seks me mua, do të lë”.
“Do ta gjej dikë tjetër që dëshiron ta bëj këtë.”
Mbani në mend, askush nuk ka të drejtë që t’ju detyroj të keni marrëdhënie seksuale. Është vendim i juaji.

Nganjëherë njerëzit mendojnë se duke pasur marrëdhënie seksuale do t’i zgjidhin problemet. Disa arsye jo të shëndosha për të pasur marrëdhënie seksuale janë:

Dëshironi ta mbani lidhjen e cila po shkatërrohet.
Të gjithë shokët tuaj po e bëjnë atë (ose thonë se e bëjnë).
Dëshironi ta vërtetoni se jeni shumë femërore ose shumë mashkullor.
Dëshironi të mbeteni shtatzënë që ta detyroni atë të martohet me ju.
Keni pas marrëdhënie seksuale në të kaluarën; nuk shihni më arsye tjetër për të pritur.
Keni qenë i/e eksituar në masë të madhe dhe ja që ndodhi.
Nëse jeni të gatshëm të keni marrëdhënie seksuale, atëhere duhet të jeni të gatshëm ta mbani përgjegjësinë për kontrollën e lindjes dhe të shmangies nga përhapja e sëmundjeve venerike. Mbështetja vetëm në fat nuk është e mjaftueshme. Gjurmoni dhe zbuloni sa më shumë që mundeni ashtu që të mund të merrni vendimin më të mirë. Puthjet, përqafimet, ledhatimet, masturbimi i ndërsjellë, që të gjitha mund të jenë më të shëndosha dhe më të sigurta se sa vetë marrëdhënia e plotë seksuale - dhe po aq seksi.

Sa më i sigurt të jeni në veten tuaj, aq më pak ngjan të lajkatoheni ose të frikësoheni për të bërë diçka që nuk jeni gati. Mendoni me kujdes. Shmangiuni alkoolit, drogës si dhe njerëzve e situatave që ju largojnë nga të menduarit për vetveten. Diskutoni për gjërat me dikë që keni besim. Keni shumë zgjedhje, vendosni për atë që ju duket më e mirë për ju. Ju e meritoni atë!



Interesimi seksual te tinejxherët

Tinejxherët (të rinjtë e moshës 13-19 vjeçare) kanë shumë pyetje në lidhje me seksualitetin. Një nga pyetjet më të shpeshta është: “A jam normal?” Shumë tinejxherë shqetësohen për ndryshimet në trupin e tyre, për fantazitë, të qenurit i pëlqyer seksualisht nga të tjerët dhe për ndjenjat seksuale.

Tinejxherët gjithashtu janë kureshtarë për heteroseksualitetin, homoseksualitetin, biseksualitetin, masturbimin, kënaqësinë seksuale dhe ndihen plotësisht mirë që janë kureshtarë. Gjithashtu, mund të kenë pyetje për kontrollën e lindjes, shtatzënësinë, abortin, sëmundjet që barten përmes rrugëve seksuale (sëmundjet venerike) dhe për atë se si të marrin vendime. Është normale që të interesohen për të gjitha këto.

Ndryshimet normale seksuale në trupin e një femre ndodhin gjatë moshës 8-18 vjeçare. Ndryshimet në sasinë substancave specifike kimike në trupin e saj, të quajtura “hormone”, shkaktojnë rritjen dhe zhvillimin e gjinjëve, mitrës, vezoreve dhe të vaginës. Këto ndryshime mund të kenë ndikim në ndjenjat e saja për trupin e vet. Hormonet gjithashtu janë të lidhura me ciklin menstrual. Menstruacioni është një prej shenjave që tregon se vajza fizikisht po shndërrohet në grua.

Te një djalë, ndryshimet trupore seksuale ndodhin gjatë moshës 11-20 vjeçare. Në kuadër të këtyre ndryshimeve te djemtë përfshihen: rritja e madhësisë së testiseve dhe e qeses ku janë ato të vendosura. Hormonet fillojnë t’i formojnë spermatozoidet në testise. Shumë djemë kanë “ëndërra të lagështa”, pra lirimi i një lëngu të bardhë nga penisi i tyre gjatë fjetjes. Ky lëng quhet spermë dhe përmban spermatozoide. “Ëndërrat e lagështa” janë shenja se djaloshi po shndërrohet fizikisht në burrë. Lëngu i tejdukshëm mund të rrjedh nga penisi i ngritur para ejakulimit; ky lëng gjithashtu përmban spermatozoide dhe quhet paraejakulat.

Masturbimi ose fërkimi i trupit tuaj për kënaqësi seksuale, janë plotësisht normale. Bëhet nga të rinjtë dhe të vjetrit, meshkujt dhe femrat. Mund të bëhet edhe me partner, kur çifti akoma nuk është gati për marrëdhënie të plotë seksuale ose për t’iu shmangur shtatzënësisë apo përhapjes së sëmundjeve venerike.

Shtatzënësia shkaktohet kur veza e femrës fekondohet nga spermatozoidi i mashkullit. Zakonisht, shenja e parë e shtatzënësisë është mosparaqitja e një cikli menstrual. Gjatë asaj kohe, femra me siguri është diku në javën e gjashtë të shtatzënësisë.

Përveç shtatzënësisë, mosparaqitja e një cikli menstrual mund të shkaktohet edhe nga shumë faktorë të tjerë: sëmundja, stresi, ndryshimet në të ushqyer, etj. Mirëpo, nëse femra ka pasur marrëdhënie seksuale, ajo duhet menjeherë ta bëj testin e shtatzënësisë. Nëse çifti ka pasur marrëdhënie seksuale të pambrojtur ose nëse kondomi është shqyer dhe ata nuk dëshirojnë ta fillojnë shtatzënësinë, femra mund të shkoj te gjinekologu dhe të kërkojë përshkrimin e tabletave kontraceptive pas aktit dhe të këshillohet me të për ndërprerjen e shtatzënësisë. Një gjë e tillë duhet të bëhet brenda 5-7 ditëve pas marrëdhënies së pambrojtur.

Femra shtatzënë ka tri zgjedhje: ta lind fëmiun dhe ta mbaj atë, ta jep fëmiun për adoptim ose ta abortojë atë.

Te disa të rinjë dhe të reja, ndryshimet hormonale mund të shkaktojnë “luhatje të disponimit”. Ndjenjat dhe fantazitë seksuale gjithashtu mund të rriten për shkak të ndryshimeve hormonale. Disa prej tyre kanë dëshira shumë të forta dhe kalojnë shumë kohë duke fantazuar gjatë ditës. Janë të zakonshme shqetësimet për atë se çka të tjerët mendojnë për ta, pastaj hutimet e ndryshme, kundërshtimet, zemërimet dhe brengat për të ardhmen.
Gjithashtu është normale të jeni kurreshtar për heteroseksualitetin – lidhjet seksuale me dikë nga gjinia e kundërt, për homoseksualitetin – lidhja seksuale me dikë nga gjinia e njëjtë dhe biseksualitetin – lidhja seksuale me njerëzit e të dy gjinive. Nganjëherë mund t’iu duket e ndihmës biseda dhe shprehja e ndjenjave tuaja me dikë në të cilin keni besim, si me prindërit tuaj, me ndonjë këshilltar, psikolog, arsimtar, mjek, mjek familjar ose me ndonjë mik.



Masturbimi

Masturbimi është veprim normal që njerëzit e bëjnë vet ose me ndonjë partner. Masturbimi nënkupton fërkimin ose prekjen e trupit tuaj në atë mënyrë që zgjon ndjenja seksuale dhe që mund të çoj deri te orgazma. Quhet në shumë mënyra, si “m’i mshu”, “me ndërkatë”, “me tund” etj.
Në të kaluarën shumë njerëz kanë menduar se masturbimi mund ta dëmtojë seriozisht shëndetin e personit që e praktikon atë. Sot, e dijmë se masturbimi nuk shkakton kurrëfarë dëmi fizik. Shumë njerëz e shohin atë si pjesë normale të seksualitetit - mënyrë për përmbushjen e nevojave seksuale. Si meshkujt ashtu edhe femrat masturbojnë. Fëmijët, të rinjtë, të rriturit, të vjetrit, beqarët, njerëzit e martuar, që të gjithë mund të masturbojnë.

Disa njerëz nuk masturbojnë. Disave, kjo nuk iu jep fare kënaqësi, ndërsa të tjerët ndihen jorehatshëm në prekjen e trupit të tyre. Disa religjione nuk e pranojnë mastrubimin si gjë normale. Ka njerëz që nuk masturbojnë fare gjatë tërë jetës së tyre: të gjitha këto zgjedhje janë krejtësisht normale.
Masturbimi mund të sjellë kënaqësi, mund të jetë relaksues dhe është një “ventil” për lirimin e tendosjes seksuale. Shpesh shfrytëzohet për ta kuptuar funksionimin e trupit. Nëse një femër nuk e përjeton orgazmën me lehtësi, masturbimi mund t’i ndihmoj asaj që të mësojë se si të arrihet ajo.
Për shumë çifte, ledhatimi i organeve gjenitale të partnerit/es për të arritur deri te orgazma është mënyrë shumë e këndshme për të qenë intim pa pasur marrëdhënie seksuale. Ndodh që këto çifte mundohen t’i shmangen shtatzënësisë ose ta praktikojnë seksin më të sigurtë. Ose, ndoshta kanë vendosur që akoma të mos bëjnë marrëdhënie të plotë seksuale.

Masturbimi nuk është i pranueshëm nëse bëhet para personit që nuk dëshiron ta shohë atë ose që nuk e ka lejuar një gjë të tillë.
Janë disa gjëra që duhet mbajtur mend. Prekja e organeve gjenitale me duar të papastra mund t’i shpërndajë mikrobet. Është e rrezikshme futja e objekteve të mprehta ose të ndyera në vaginë ose në anus. Muskujt përreth anusit nuk janë elastik dhe anusi mund të shqyhet ose të gjakderdhë.

Mjeku familjar ose këshilltari mund t’iu flas për masturbimin. Ata janë për të ndihmuar.



Paraloja kundrejt marrëdhënies seksuale

Paraloja është fjala që përdoret për t’i përshkruar të gjitha ato gjëra seksuale që ju dhe partneri/ja juaj mund t’i bëni së bashku, pra çdo gjë përveç marrëdhënies seksuale.

Disa nga këto gjëra janë prekja dhe shtrëngimi i duarve; puthjet; përqafimet; përkdheljet; masturbimi i njërit partner ose masturbimi i dyanshëm; dhe seksi oral. Të gjitha këto veprime mund të sjellin shumë kënaqësi – dhe janë seksi! Mbani në mend – përmes seksit oral mund të fitohet ndonjë sëmundje venerike. Gjithashtu, ejakulimi ose “derdhja” në afërsi të vaginës mund ta shkaktojë shtatzënësinë.

Puthjet e zjarrta dhe ledhatimet e forta mund t’ju çojnë shumë shpejt deri te marrëdhënia seksuale. Është me rëndësi që ju dhe partneri i juaj të bisedoni për kufijtë e juaj para se t’ia filloni. Përkujdesuni që secili prej jush ta kuptojë sa larg dëshironi të shkoni fizikisht. Në këtë mënyrë, nuk do të keni marrëdhënie seksuale të paplanifikuar. Respektoni veten dhe respektoni partnerin tuaj: “Jo nënkupton. Jo”

Marrëdhënia seksuale mes partnerëve pa pëlqim të plotë dhe të dyanshëm mund të ketë efekt negativ në lidhjen e tyre. Gjërat mund të fillojnë mirë me biseda të gjata dhe me të qeshura të shumta, por marrëdhënia e hershme seksuale mund t’i jep fund çdo gjëje tjetër.

Qoftë nëse keni marrëdhënie seksuale ose vetëm paralojë ose nuk keni kurrëfarë veprimi seksual, është një vendim që ju e bëni për veten tuaj. Pra, mos e lejoni askënd që t’ju detyrojë dhe t’ju bind për të bërë diçka që ju nuk e dëshironi ose nuk ndiheni të gatshëm ta bëni. Trupi i juaj është i juaji dhe ju jeni të vetmit që vendosni se çka dëshironi ose nuk dëshironi të bëni me të. Mos u frikësoni të thoni “Jo”.



Seksualiteti dhe plakja

Pjekuria sjell me veti caqe dhe vlera të ndryshme në të gjitha aspektet e jetës duke e përfshirë edhe seksualitetin. Megjithëse seksualiteti është me ne përgjatë gjithë jetës, sjelljet seksuale dhe qëndrimet ndryshojnë me ndryshimin tonë gjatë kalimit të viteve.

Mediat i përshkruajnë të rinjtë si magjepsës dhe “seksi”, kështu që ne e lidhim seksualitetin me rininë. Është gjë e vështirë, madje edhe e turpshme nëse të rinjtë mendojnë se prindërit e tyre ose të moshuarit janë ende seksualisht aktiv. Në fakt, shumica e njerëzve më të vjetër vazhdojnë t’i praktikojnë lidhjet e tyre seksuale derisa të janë gjallë. Mirëpo, ekzistojnë ndryshime që gradualisht paraqiten në seksualitetin tonë me të plakur.

Sa më i vjetër që është njeriu aq më shumë mund t’i nevojitet kohë për të pasur ereksion dhe po ashtu mund t’i duhet më shumë kohë për arritjen e orgazmës, ose për t’u “derdhur”. Gjithashtu i duhet kohë më e gjatë për një ereksion të mëpastajshëm. Disa orgazma janë të brendshme, do të thotë ato mund të paraqiten pa ejakulimin e spermës.

Brengosja për ndryshimet në reagimin seksual bën që reagimi të jetë më i ngadalshëm. Pothuajse secili mashkull nganjëherë ndodh të mos ketë fare ereksion. Një gjë e tillë është normale dhe zakonisht e përkohshme. Meshkujt mund të provojnë lloje të tjera të aktiviteteve seksuale nëse nuk mund të mbështeten në një ereksion.

Vagina e femrës mund të bëhet më e zgjatur pas lindjes së fëmijëve. Kur femra hyn në menopauzë (ndërprerja e plotë e cikleve menstruale) vagina bëhet më pak elastike dhe më e thatë. Lubrifikantët me bazë ujore, që mund të blehen në barnatore, mund të ndihmojnë në parandalimin e dhembjes ose papërshtatshmërive gjatë marrëdhënies seksuale.

Zakonisht, si meshkujt ashtu edhe femrat mund ta arrijnë kulminacionin e kënaqësisë seksuale dhe orgazmën deri në fund të jetës së tyre, qoftë nëse zgjedhin ose nuk zgjedhin përfshirjen e marrëdhënies së plotë seksuale gjatë seksit të tyre.

Stresi, brengat financiare dhe ato të punës, tragjeditë, të gjitha brengat tjera jetësore mund të ndikojnë negativisht në interesimin për seks. Ndikim të tillë po ashtu ka zemërimi, pikëllimi, marrja e ilaçeve të caktuara ose nëse jeni ofenduar nga sjellja e partnerit/es.

Disa çifteve më të moshuara vetëm mosbrengosja për shtatzënësinë iu bën seksin më të kënaqshëm. Pasi fëmijët ta kenë lëshuar shtëpinë, ka më shumë intimitet. Seksi më i shtendosur mund të nënkuptojë shfrytëzimin e teknikave më imagjinative dhe shprehjen më kreative të intimitetit. Njerëzit kënaqen në prekje dhe përqafime pa e marrë parasysh moshën e tyre. Dashuria dhe afërsia janë shumë të rëndësishme për shëndetin e secilit.

Njerëzve që kanë probleme me shëndetin mund t’iu duken disa pozita më të lehta dhe më të pëlqyeshme për seks. Masturbimi i ndërsjellë ose seksi oral mund të jetë shumë i këndshëm. Nëse personi është i vetmuar, masturbimi mund të sjellë lehtësim seksual dhe kënaqësi.

Librat mund t’ju ofrojnë përgjigje në disa pyetje. Ose, mund të bisedoni me këshilltarin a me personin që punon me njerëz më të moshuar.



Terapia seksuale

Terapia seksuale përdoret për t’iu ndihmuar njerëzve dhe për ta ngritur kënaqjen më të mirë të tyre në seks. Bazohet në idetë se seksi është normal dhe i mirë, në atë se lidhjet mund të jenë të kuptimta dhe se intimiteti seksual është një qëllim normal. Disa nga arsyet pse njerëzit shkojnë te një terapeut seksual (seksolog) janë:

Problemet me ngjalljen seksuale, siç është pamundësia e ereksionit ose e orgazmës.
Marrëdhëniet seksuale të dhembshme.
Problemet me kënaqësinë seksuale.
Vështirësitë rreth bisedave për seksin.
Kuptimi dhe gjurmimi i orientimit seksual.
Në disa raste, njerëzit kanë probleme për shkak të sëmundjeve ose paaftësive fizike.

Gjatë terapisë, njerëzit mësojnë ta pranojnë se është në rregull të jenë seksual, të kenë ndjenja, fantazi dhe nevoja seksuale dhe të fitojnë kënaqësi seksuale nga trupi vetanak. Terapeuti i mirë seksual jep informata të sakta dhe praktike për seksin. Disa njerëzve iu ndihmohet duke e marrë përgjegjësinë për kënaqësinë e tyre seksuale përmes të mësuarit se si të komunikohen dhe si të diskutohen pëlqimet dhe mospëlqimet në seks.

Individët dhe çiftet mund të bëhen më të vetëdijshëm për vetveten dhe për njëri-tjetrin si dhe të fitojnë mirëkuptim më të thellë për lidhjen e tyre. Ata nxiten dhe këshillohen që të gjejnë kohë për intimitetin seksual. Nganjëherë terapeutët u japin ushtrime klientëve për t’i ushtruar në shtëpi. Këto ushtrime mund t’iu ndihmojnë atyre që të mësohen të kënaqen dhe të reagojnë ndaj stimulimeve seksuale pa u brengosur për ecurinë.

Terapeut seksual (që për fat të keq nuk e kemi ndonjë në Kosovë) zakonisht mund të jetë seksologu, pastaj, psikologu, mjeku ose këshilltari që kanë pasur trajnim të veçantë për ndihmë njerëzve me probleme seksuale.



Homoseksualiteti: Të qenurit gej ose lezbike

Në kulturën tonë është vështirë të jetohet kur dallohemi nga të tjerët. Kemi presion nga rrethi për të qenë sikurse të tjerët. Edhe pse duket se të gjithëve iu pëlqejnë pjesëtarët e gjinisë së kundërt, kjo nuk është e vërtetë. Disa njerëz janë homoseksualë: atyre iu pëlqejnë njerëzit e gjinisë së njëjtë. Në tërë botën, në të gjitha profesionet ka homoseksualë dhe lezbike e që çojnë jetë të suksesshme.

Kur pjesa më e madhe e mendimeve dhe e aktiviteteve seksuale të një personi janë të drejtuara nga njerëzit e gjinisë së njëjtë, ky person mund të jetë homoseksual. Femrave që seksualisht iu pëlqejnë femrat tjera quhen lezbike. Disa njerëz e përdorin fjalën “gay” për t’i quajtur si meshkujt ashtu edhe femrat homoseksuale, por në të shumtën e rasteve përdoret vetëm për meshkuj. Njerëzve që seksualisht iu pëlqejnë pjesëtarët e gjinisë së kundërt janë heteroseksualë. Disa njerëzve për seks iu pëlqejnë si meshkujt ashtu edhe femrat, këta njerëz janë biseksualë.

Njerëzit mund të ndiejnë tërheqje të fortë ndaj personave të gjinisë së njëjtë. Disa mund të mendojnë dhe të fantazojnë për personat e gjinisë së njëjtë e që nuk do të thotë se patjetër janë homoseksualë. Në veçanti, të rinjtë, kanë nevojë t’i hulumtojnë ndjenjat e tyre.

Vetëm pse ju tërheq një person nuk do të thotë që duhet të keni patjetër seks me të. Mund ta adhuroni atë ose të keni një lidhje që ofron dashuri, kujdes dhe që ndani shumëçka me të përveç seksit. Nuk keni nevojë të futeni në seks përderisa nuk jeni të gatshëm.

Stereotipet (paragjykimet e fiksuara, shabllonizimet) për homoseksualët në televizion ose në filma, bezdisin shumë njerëz. Shumica e homoseksualëve meshkuj dhe e lezbikeve nuk duken ose nuk sillen ndryshe nga të tjerët.

Nuk e dijmë pse njerëzit janë heteroseksualë, homoseksualë ose biseksualë. Ka shumë teori por asnjë përgjigje e qartë. Shumë njerëz kanë fantazi seksuale për të dyja gjinitë dhe ndonjëhere ndihen të hutuar për atë se a janë homoseksual ose heteroseksual. Me kalimin e kohës e nganjëherë me ndihmën e të tjerëve, shumë persona mund t’i sqarojnë ndjenjat dhe orientimin e tyre seksual.

Nëse mendoni se jeni homoseksual ose lezbike, mund të jetë e vështirë t’iu tregoni të tjerëve për seksualitetin tuaj. Mund të keni frikë se do t’i humbasni shokët, anëtarët e familjes ose vendin e punës. Megithatë, mund të jetë një lehtësim i madh nëse i tregoni madje edhe vetëm një personi. Por mos nxitoni me këtë. I tregoni dikujt që me të vërtetë i besoni. Dhe, mbani në mend se njerëzve nganjëherë iu nevojitet më shumë kohë për t’iu përshtatur dhe përballur risive.

“Coming out” (dalja haptazi) ose t’iu tregoni të tjerëve se jeni homoseksual është proces që zgjat tërë jetën; asnjëherë nuk merr fund. Sa më shumë që të keni vetëbesim aq më lehtë do të jetë t’iu tregoni të tjerëve. Në shoqërinë tuaj mund të ketë grupe përkrahëse të cilave mund t’iu bashkangjiteni.

Nëse jeni prind ose shok i dikujt që ju ka treguar se është homoseksual, mund të ndiheni i zhgënjyer, i shqetësuar ose i brengosur. Mundohuni të përballeni me lajmin në atë mënyrë që t’i jepni personit të kuptoj se ju akoma e doni dhe kujdeseni për të. Si prind, ndodh që të keni plane për jetën e fëmiut tuaj dhe ja që kjo nuk është pjesë e planeve tuaja. Por, të jeni homoseksual ose lezbike nuk është gjë e keqe. Homoseksualët nuk janë të sëmurë dhe ata nuk kanë nevojë të ndryshohen ose të shërohen. Është me rëndësi që tani ta përkrahni fëmiun ose shokun/qen tuaj. Ai person ka pasur aq shumë besim dhe ju ka respektuar aq shumë sa që ka mundur t’ju rrëfehet në mirëbesim. Ai/ajo ka nevojë për ju. Dashuria dhe mirëkuptimi juaj do t’i ndihmoj atij/asaj ta pranoj veten ashtu siç është.



Si të bisedoni me fëmiun për seksin

Shumë prindërve iu vjen vështirë të bisedojnë me fëmijët e tyre për seksin. Sido që të jetë fëmijët insistojnë të dijnë dhe nëse nuk marrin përgjigje të sakta nga prindërit e tyre, me siguri se do të marrin përgjigje jo të sakta nga shokët, televizori, filmat dhe revistat. Ata janë kurreshtar të dijnë për seksin, mu ashtu siç janë edhe për çdo gjë tjetër. Studimet tregojnë se të rinjtë që bisedojnë për seksin me prindërit e tyre janë të prirur që më gjatë të presin për marrëdhënie seksuale. Ngjan që ata më shumë aplikojnë metoda të kontrollës së lindjes dhe të parandalimit të sëmundjeve venerike kur tani më kanë marrëdhënie seksuale.

Ja disa këshilla të përgjithshme që prindërve të tjerë iu kanë ndihmuar gjatë bisedës me fëmijët e tyre.

Rrini në dispozicion. Vështroni shenjat përmes të cilave fëmija tregon se dëshiron të bisedojë. Mbani në mend, komoditeti dhe biseda e lirë rreth temës është e rëndësishme. Ata kanë nevojë ta fitojnë një ndjenjë besimi te ju.

Përgjigjuni pyetjeve sinqerisht dhe pa shfaqur turp madje edhe kur koha dhe vendi nuk ju duken të përshtatshme. Përgjigja e shkurtër mund të jetë gjëja më e mirë për momentin. Ktheuni më vonë në këtë temë.

Shmangiuni fjalëve fëmijërore. Përdorimi i emrave të saktë për pjesët e trupit dhe funksionet e tyre tregon se ato janë normale dhe se është në rregull të bisedohet për to.

Është në rregull të thuhet “nuk di”. Askush nuk i di të gjitha dhe atëherë kur nuk mund t’i përgjigjeni pyetjes mund të jetë rast ky për të mësuar rreth saj së bashku me fëmiun. Thuaji fëmiut tuaj se do ta gjeni informatën dhe se do ta vazhdoni diskutimin më vonë ose se do të hulumtoni së bashku për atë çështje. Pastaj, përkujdesuni që ta bëni këtë së shpejti. Mos i bëni bisht pyetjes ose mos pritni që partneri a profesionisti të mirret me këtë edhe pse ata mund ta plotësojnë përgjigjen tuaj.

Disa njerëz mendojnë dhe thonë se edukata seksuale inkurajon aktivitetet seksuale; sidoqoftë, studimet tregojnë se sa më herët që të fillohet me edukimin aq më mirë është. Nëse janë aq të rritur sa të mund të bëjnë pyetje, atëherë edhe janë aq të rritur sa edhe të mund të marrin përgjigje të mira.

Praktiko bisedën rreth seksit me bashkëshortin/en tuaj, me ndonjë anëtar tjetër të familjes ose mik. Kjo do t’ju ndihmojë që të ndiheni më rehatshëm gjatë bisedës me fëmiun.

Nëse fëmija nuk bën pyetje, zbuloni mënyra të ndryshme se si të hapet tema. Për shembull, mund ta njihni ndonjë femër shtatzënë, mund ta shikoni pjelljen e një kafshe ose ta shihni larjen e një foshnje. Përdoreni programin televiziv ose filmin për ta filluar një diskutim.

Bisedoni rreth seksit më shumë se një herë. Fëmijët kanë nevojë t’i dëgjojnë gjërat më shumë se një herë përgjatë viteve për t’i kuptuar me të vërtetë ato pasi që niveli i të kuptuarit ndryshon me kalimin e moshës së tyre. Sigurohuni se jeni duke biseduar për ndjenjat e jo vetëm për veprimet.

Përgjigjuni pyetjes që ju është parashtruar. Respektoni dëshirën e fëmiut për informatën. Por, mos e mbingarkoni fëmiun me shumë informata përnjëherë. Mundohuni të jepni informata të mjaftueshme në mënyrë që t’i përgjigjeni pyetjes në mënyrë të qartë dhe inkurajoni diskutimin më tej.

Intimiteti është i rëndësishëm, si për ju ashtu edhe për fëmiun tuaj. Nëse fëmiu juaj nuk dëshiron të bisedoj, i thoni, “në rregull, do të bisedojmë më vonë për këtë”, dhe ashtu veproni. Këtë pastaj mos e harroni. Kurrë mos e kontrolloni dhomën e fëmiut, sirtaret ose çantën për “dëshmi”. Kurr mos i përgjoni bisedat telefonike ose ato private.

Dëgjoni fëmiun tuaj. Ata duhet të dijnë se pyetjet dhe brengat e tyre janë të rëndësishme. Bota në të cilën ata janë duke u rritur dallon nga ajo në të cilën ju jeni rritur. Qeshja në pyetjen ose injorimi i pyetjes së fëmiut, mund ta ndalojë atë të pyet përsëri. Ata do të marrin informata, të sakta apo të pasakta nga burime të tjera.

Diskutoni vlerat tuaja. Nëse barcoletat, sjellja ose qëndrimet tuaja nuk tregojnë respekt për seksualitetin, atëherë nuk keni çka të pritni që fëmiu juaj të jetë seksualisht i shëndoshë. Ata i mësojnë qëndrimet për dashurinë, kujdesin dhe përgjegjësinë nga ju, pavarësisht se a bisedoni apo nuk bisedoni për këto gjëra. Tregoni fëmiut se cilat janë vlerat tuaja për seksin dhe jetën. Zbuloni se çka vlerësojnë ata në jetën e tyre. Bisedoni për brengat tuaja që i keni për shëndetin dhe ardhmërinë e tyre.



Si të bisedohet me prindërit për seksin

Kur keni qenë më i ri me siguri se i keni pyetur prindërit për trupin tuaj, për atë se prej nga vijnë foshnjet ose si futen ato në “barkun e nënës”. Disa të rritur iu përgjigjen këtyre pyetjeve me lehtësi duke i ndihmuar në këtë mënyrë fëmiut të ndihet më rehatshëm për të bërë më shumë pyetje. Të tjerët kanë turp dhe mund të qeshin ose ta injorojnë pyetjen, ose mund të japin informata të gabuara.

Pavarësisht se si janë trajtuar pyetjet e juaja kur keni qenë më i ri, akoma mund të bisedoni me prindërit tuaj për seksin. Një gjë është e sigurtë: edhe prindërit e juaj kanë qenë të rinj. Ata janë ndierë të frikësuar dhe të pasigurtë dhe kanë kaluar nëpër përvoja të ngjashme me ato në të cilat ju po kaloni.

Ju tanimë keni ide të mira për vlerat dhe kulturën e prindërve tuaj. Vlerat e juaja formohen fillimisht nga vlerat e tyre por gjithashtu edhe nga shokët, të rriturit e tjerë, filmat, librat, religjioni e të tjera. Disa nga vlerat e juaja mund të dallojnë nga vlerat e të tjerëve. Disa nga pyetjet e juaja për seksin kanë përgjigje faktike. Të tjerat janë çështje e asaj se çka gjykohet si e drejtë ose jo e drejtë, e mirë ose e keqe.

Nëse është e mundur, zgjedhni kohën për të biseduar me prindin tuaj atëherë kur nuk do të jeni i ndërprerë, në veturë, në kuzhinë ose natën vonë. Mirëpo, respektoni intimitetin e prindërve, ashtu siç dëshironi që ata ta respektojnë intimitetin tuaj.

Nëse nuk pajtoheni me ata për “rregullat” ose me mënyrën se si ata dëshirojnë që ju të silleni, parashtroni vetes disa pyetje. A ju keni treguar atyre se ju jeni i përgjegjshëm? A merakosen ata për sigurinë tuaj, shtatzënësinë tuaj ose për sëmundjet venerike? Nëse e jepni fjalën për diçka qëndroni prapa saj. A mund ta bëni një marrëveshje e cila do t’iu ndihmonte të dyve?

Shikimi, së bashku, i televizorit ose i videos shpesh herë është moment i mirë për të biseduar për seksin. Mund ta shprehni mendimin tuaj për atë se çka shikuat pak më herët në televizor. Ose, kur prindërit tuaj i përmendin problemet ose sjelljet e miqve ose të të afërmëve gjithashtu mund të jenë raste të mira për të biseduar.

Mund ta filloni bisedën me pyetje të përgjithsuar, p.sh. “Sa vjeç ke qenë kur ke pasur dashnor/e për herë të parë?”, ose, “a ke biseduar me prindërit e tu ndonjëhere për takimet e tua?”. Fillimi i bisedës me: “ndiej se…”, ose “a mund të më tregosh më shumë për…” mund t’ju ndihmoj shumë. Duke thënë “gabim e ke...” biseda mund të bëhet më e vështirë.

Biseda e juaj me siguri do të shkoj më mirë nëse rrini i qetë. Nëse jeni i zemëruar ose i emocionuar më mirë është të thuhet, “do të bisedojmë më vonë” dhe dilni nga dhoma. Kjo mund të paraqet pjekuri dhe t’ju jep një rast për të menduar rreth asaj se çka në të vërtetë dëshironi të thuani. Mund t’ju ndihmoj ushtrimi paraprak i asaj që dëshironi ta thuani.

Ndoshta është e vështirë të besohet por shumica e çifteve kanë marrëdhënie seksuale kohën më të madhe të jetës së tyre. Pasi që yjet e filmit dhe të televizionit janë të rinjë dhe magjepsës e joshës, të rinjtë shpesh mendojnë se prindërit e tyre nuk kanë romantikë ose ndjenja seksuale. Ata me siguri që kanë dhe gjithashtu e kanë një përvojë jetësore.



Brengat seksuale të meshkujve

Shumica e meshkujve nganjëherë kanë brenga seksuale. Ata e pyesin veten pse nuk munden gjithmonë “ta çojnë”, a mos janë impotent, pse “derdhen” kaq shpejt ose pse “derdhen” vetëm gjatë masturbimit e jo edhe me partneren/in e tyre.

Ekziston një spektër i gjerë i sjelljeve dhe i dëshirave seksuale. Disa njerëz parapëlqejnë pozicione të ndryshme, teknika të ndryshme, derisa të tjerët jo. Çkado që një mashkull pëlqen, për të është normale. Ai nuk duhet të bëj atë çka mendon se meshkujt e tjerë e bëjnë. Është gabim të detyrohet personi tjetër në çfarëdo aktiviteti të padëshiruar seksual. Detyrimi dhe abuzimi (keqpërdorimi) janë akte kriminale.

Ndonjëherë gjatë jetës së tyre shumica e meshkujve e kuptojnë se nuk kanë mundësi ta mbajnë ereksionin aq gjatë sa të fitojnë kënaqësi. Kjo mund të jetë pasojë e ndonjë sëmundjeje, lodhja, stresi, ofendimi nga partneri/ja, alkooli, drogat ose ilaçet. Gjithashtu, brengosja për ereksionin e bën atë edhe më të pamundshëm e nëse është i mundshëm e bën atë më afatshkurtër. Nëse është problem mjekësor mjekët mund të ndihmojnë. Nëse është problem psikologjik atëherë terapeuti seksual mund të jetë i ndihmës.
Brenga më e shpeshtë seksuale te të rinjtë është ejakulimi (“derdhja”) i parakohshëm ose shumë i shpejtë. Kjo është sjellje e fituar, zakonisht për shkak të nxitimit në të kaluarën gjatë aktivitetit seksual ose masturbimit.

Nëse mashkulli fillon t’i identifikojë ndjenjat që vijnë mu para ejakulimit, ai mund të mësohet t’i ngadalësojë ose t’i kontrollojë ato. Duke e shtrënguar fort penisin, duke i filluar ose ndërprerë lëvizjet, ai mundet, me të ushtruar, ta tejkalojë këtë vështirësi. Ose, së pari njëherë mund të ejakulojë qoftë përmes masturbimit nga partneri/ja ose vetëmasturbimit, pastaj ejakulimi i dytë disa minuta më vonë do të jetë më i ngadalshëm dhe më i kënaqshëm.

Nganjëherë mashkulli ka vështirësi në arritjen e orgazmës me partnerin/en, edhe pse ai nuk ka probleme me ereksionin dhe nuk ka kurrëfarë probleme gjatë masturbimit. Zakonisht ekziston arsyeja psikike për këtë. Ai mund të ndihet fajtor për aktivitetin seksual ose të ketë frikë se do ta lë femrën shtatzënë ose se do të merr ndonjë infeksion përmes seksit. Bisedat me partnerin/en tend/e, për atë se çka dëshironi dhe se çka ju bën të ndiheni mire, mund t’ju ndihmojë shumë në këtë drejtim. Nëse keni nevojë për ndihmë, kjo formë e vështirësisë zakonisht mund të trajtohet me shumë sukses nga terapeuti i kualifikuar seksual.



Brengat seksuale të femrave

Shumë femra kanë shqetësime për seksualitetin e tyre. Ato brengosen nëse janë normale, pastaj kanë shqetësime për problemet në arritjen e orgazmës, pastaj iu intereson nëse kënaqen në seks aq sa kënaqen edhe femrat e tjera ose pse marrëdhënia seksuale ndonjeherë është e dhembshme.

Ekziston një spektër i gjerë i sjelljeve dhe i dëshirave. Disa femra pëlqejnë pozicione të ndryshme, teknika të ndryshme, derisa të tjerat jo. Çfarëdo që një femër pëlqen, për të është normale. Ajo nuk ka nevojë ta bëj atë çka mendon se femrat tjera e bëjnë. Është gabim të detyrohet personi tjetër në çfarëdo aktiviteti të padëshiruar seksual. Detyrimi dhe abuzimi janë akte kriminale.

Brengat më të shpeshta janë mosarritja e orgazmës ose moskënaqësia në seks. Këtu mund të ndihmohet nëse femra e kupton trupin e saj dhe nëse mund të komunikojë me partnerin/en e saj. Ajo mund të mësojë se çka është ajo që e bën dhe nuk e bën të ndihet mirë. Klitorisi, menjëherë mbi vaginë është burimi i kënaqësisë më të madhe seksuale. Gjatë marrëdhënies seksuale, zakonisht, klitorisi nuk preket në mënyrën se si femra në fakt ka nevojë. Femra ose partneri i saj mund ta stimulojnë klitorisin gjatë “paralojës” ose marrëdhënies seksuale ose pasi që mashkulli të ketë ejakuluar, për t’i ndihmuar asaj që ta arrijë orgazmën. Ajo mund të zbulojë se çka i sjell asaj më shumë kënaqësi, qoftë me partnerin/en ose vetëm përmes masturbimit. Se çka pëlqen një femër mund të ndryshojë me kalimin e kohës.

Kur një femër stimulohet, vagina e saj bëhet e lagësht. Ky lëngështues (lubrifikant) natyral e bën marrëdhënien seksuale më të lehtë. Disa persona përdorin lubrifikant me bazë të ujit për ta shtuar edhe më shumë lagështinë. Ky mund të blehet në barnatore, (kurrë mos përdorni lubrifikant me bazë të naftës)

Femra mund t’ia komunikojë (transmetojë, shfaqë) ndjenjat dhe dëshirat e veta partnerit/es së saj përmes fjalëve ose gjuhës së trupit. Partnerët me siguri e kuptojnë mesazhin nëse mund të komunikojnë, atëherë do të kenë më shumë pëlqim dhe kënaqësi.

Frika nga shtatzënësia, marrja e një sëmundje venerike ose frika se “mos po na zë dikush” mund ta pengojnë personin nga kënaqja e plotë seksuale. Lodhja, stresi, sëmundja dhe alkooli gjithashtu mund të ndikojnë negativisht në ndjenjat seksuale. Përvojat negative seksuale, siç është: abuzimi seksual, dhunimi ose vetëm mësimi se seksi është i ndyer ose i gabuar, që të gjitha kanë efekte afatgjate dhe të dëmshme. Por, ndonjëhere ekziston problemi fizik të cilin mund ta mjekojë mjeku i kualifikuar. Problemet psikike gati gjithnjë mund të ndihmohen nga terapeuti i kualifikuar seksual.

[Leila]

Bekim Ismaili (SINGLE-HANDEDLY!!!) na e mbylli temen

[Bekim Ismaili]

Bekim Ismaili (SINGLE-HANDEDLY!!!) na e mbylli temen

jo jo,per mua lirisht mund te jepni mendimin tuaj dhe te komentoni kete fenomen.
pershendetje !

[bebushe]

C'eshte homoseksualiteti ne vetvete? nje deshire seksuale , cdo kush ka deshira seksuale se disa i kan ndryshe nga e pergjithshmja nuk ka asgje te keqe mos duhet ti vrasim per kete ? ka njerez qe bejne gjera me te keqia e askush nuk behet vone , c'keni me homoseksualet atehere

[Clauss]

Bekim Ismaili (SINGLE-HANDEDLY!!!) na e mbylli temen

jo jo,per mua lirisht mund te jepni mendimin tuaj dhe te komentoni kete fenomen. pershendetje !

hahahah kjo pergjigje kaq e shkurter qe me te vertete nje surprise. hahaha
eric, pyetje : my mum was albanian and my father was half lesbian. does that make me a quarter lesbian? lol surprise me. . harrova : peace.

[made_in_China]

Ti lexosh gjithe keto kerkime e perkthime voluminoze merr master ne fushen e prapanicologjise, pa lere ti shkruash e hulumtosh vete, doktorate ben fare.

Bekim, une jam kurioz te degjoj nga goja e nje homoseksuali se c'mendim ka per marrdheniet heteroseksuale dhe si e shikon ai veten ne raport me heteroseksualet.

[Hyllien]

Te jesh homoseksual apo jo, per disa (ndoshta pakica) eshte normale, e per disa te tjere (shumica) eshte amorale.....Sipas disa rregullave etike te lidhura me religjion eshte mekat nje gje e tille, kurse etika "moderne" e ka mireprit kete, tradicionet kane pikepamje te ndryshme (me teper e mohojne nje gje te tille), e kultura globale i ka dhene drite te gjelbert.....
Kurse te shqipetarer kjo dukuri po rritet cdo dite e me teper. Tani kjo gje a ka te beje me trashegimi kulturora nga paraardhesit, apo ka te beje me devijim normash morale tek ne ne kohen me te fundit, a ka te beje me kulture moderne, apo ka te beje siq njihet ne psikologji me crregullim psikik i jetes motivacionale te njeriut (shqipetar).....

Po jap nje shkrim qe kam bere diku tjeter per nje teme te ngjashme, kryesisht per te drejtat qe keta kerkojn(duke patur parasysh se kete te premte kemi dhe SILENCE DAY nga homoseksualet/trangender/bisex ne shenje proteste)

Martesa nder homoseksualeve eshte nje gje qe do sjelli fenomene shkaterruese ne te ardhmen. Keta njerez kane nevoje per ndihme pasi vidhat e trurit i jane liruar, ose i kane liruar me vetedashje. Jane njerez qe e bejn ate gje vetem per snobizem. As nuk me bindin fare teorite e sharlataneve psikolog se lind homoseksual dhe nuk behesh homoseksual.

Para rreth 1 muaji kam qene ne nje seminar qe eshte zhvilluar ketu ne NY, dhe pjesmarres ka qene nje person me emrin Andrew Berg. Ky eshte i martuar me nje tjeter homoseksual ne kaliforni para disa vitesh, pasi ne NY nuk lejohet. Vjet ata paten femijen e pare te tyre me ane te nje mamaje qe u ofrua me LEKE me LEKE qe te mbante femijen e tyre. I gjith operacioni kushtoi rreth 30000 dollare, mund te shkoj deri ne 50000 (dhe deri ne 80000 jane rastet kur behet seleksioni i donatorit, por ne kete rast donator qe vete "babai"[baba i thonçin]). Ky person tani ka filmuar gjithshka, takimin me "mamane" kaliforniane qe u ofra te mbaj femijen ne bark(qe e ka bere kete pune disa here), takimi me agjensine qe kryen keto sherbime dhe se fundi jeta e dy "baballareve" me femijte e tyre(linden binjak, dhe fatmiresisht nuk pati ndryshim ne kontrate) dhe se si ato kooperojn me problemet e "çiftit te ri" te lumtur homoseksual. Pra tregonte "normalitetin" e te qenurit homoseksual.

Ky person qe une takova ka dale dhe ne faqe te pare ne NEWSWEEK disa muaj me pare, bashke me bashkshortin e tij per te kerkuar "marriage-equality". Gjithashtu u takova dhe me nje person tjeter qe pata shume veshtiresi te dalloja cfar gjinie kishte, dhe zorr se e kam te qarte dhe sot e kesaj dite. Ky/Kjo eshte ne bordin drejtues te www.marriageequality.org , nje tjeter organizate qe kerkon te drejtat per homoseksualet dhe lesbiket /bisex/transgender(kush ka me shume le te fusi) sepse martesa nuk vjen nga Zoti dhe nuk eshte fare prone e Kishes apo institucioneve fetare, por eshte "LIRIA E NJERIUT PER TE ZGJEDHUR".

Liria , Ç'eshte kjo fjale?? Liria qe individi te shkaterroj shoqerine?. Ky eshte argumenti me i dobet, argumenti se un kam lirine te bej cme do qefi mua brenda kufijeve, mirepo keto kufij i vendos vete une dhe jo shteti dhe as morali ne shoqeri. ABSURDE te mendosh se si po perdoret fjala LIRI nga keta njerez te pacipe qe nuk meritojn te ndodhen ne shoqerine moderne po te shporren ne ndonje ishull e te rrine dhe te SHUMOHEN aty(DMTH TE ZHDUKEN NGA FAQJA E DHEUT). Mirepo nuk kane si te zhduken, pasi klani Homoseksual/Lesbik/Bisex/Transgender do ndihmojne njeri tjetrin duke ja kaluar pengesave rrethanore qe mund te kene. Pra shkurt do sakrifikojne dashurine e madhe per partnerin e tyre per te patur nje femije qe te sigurojn shtimin e rraces.

Dashuria C'eshte kjo fjale? Eshte dashuria pra qe i shtyn keta njerez te jene bashke me njeri tjetrin, dashuria e madhe pa kufij qe keta nuk ndahen dot, madje dhe sakrifikojn me dike tjeter qe te kene femije(ne mungese te "mjeteve" "rrethanore").
Cfar dashurie mund te kete ky zoteri Andrew Berg(dhe shume te tjere, po po permend kete pasi e kam takuar vete) ku me tha tekstualisht se jam donator per disa cifte lesbikesh ?. DMTH KY PERSON ESHTE BABALLAR I DISA FEMIJEVE, dhe i thoshte sikur e kishte per HOBI te bej gjera te tilla. Un di qe personat ne kohen e lire lexojn libra, luajn sporte, shofin nje film, TAKOJN TE DASHURIN E TYRE(per femrat), DHE TE DASHUREN (per meshkujt) etj etj... dhe jo te shkojn dhe te japin spermen e tyre per nje "NOBLE CAUSE" ajo e shpetimit te Homoseksualeve dhe Lesbikeve.
-----> Atehere ........
LIND PYETJA NATYRSHEM, PERVEC ARGUMENTIT TE DASHURISE dhe atit te LIRISE QE I SHPARTALLON KOMPLET ARGUMENTAT PA BAZE QE KETA NJEREZ PARASHTROJN

PO PSE DUHEN KETA NJEREZ TE NDIHMOJNE "NJERI TJETRIN" MEQENSE LINDIN TE TILLE ?

PERGJIGJA : Per te garantuar vazhdimesine e ketij fenomeni desktrutiv, per te futur ne mendjet e njoma "tolerancen" e madhe. Per te GJENERUAR dhe kerkuar te tjera gjera ne te ardhmen... embryonic stem cell, shitja e bebeve, manipulimet gjenetike tek njeriu, poste poltike, ndryshime ne kushtetute, dhe me se fundi ZHDUKJA E MORALIT NE SHOQERI dhe si rrjedhoje DEGRADIMI KULTUROR
<-----

Nuk pa zgjatem me pasi kam shume mesime keto kohera... por debati mbaroi qe un isha i vetmi bashke me nje Rus qe u FISHKELLYEM me te madhe nga keta "TOLERANT" (SNOBISTA dhe SHKATERRUES TE CDO LLOJ MORALI NE SHOQERI sipas meje).

Mirepo pergjigja e vetme qe me ngrohi (qe ishte dhe pergjigja me LLOGJIKE) cuditerisht qe ajo e Andew Berg dhe te dashurit te tij, ARESYET EKONOMIKE(taksat jane me pak per nje cift e etj etj, sjam duke u futur tek ekonomia, por dilte qe megjithmend kishte shume benefite). Pra jane keto te drejtat kryesore, dhe jo Liria apo Dashruia, por leket duhen qe ky fenomen te siguroj vazhdimesine, ne mos çifti duhet te rri pa femije, dhe si rrjedhoje te zhduket.

Duke dalur nga ai seminar ndjeva nje ngrohtesi te brendshme qe martesa nuk do dhunohet nga keta njerez, qe DASHURIA do te jete gjithmone ajo qe kam menduar, dhe qe Homoseksualizmi dhe derivatet e tij jane fenomene te rastit qe do zhduken, ose do mbeten gjithmone ne fund te shoqerise, por asnjehere te vendosin per te, asnjehere ta dhunojn ate.

[Bekim Ismaili]

Bekim, une jam kurioz te degjoj nga goja e nje homoseksuali se c'mendim ka per marrdheniet heteroseksuale dhe si e shikon ai veten ne raport me heteroseksualet.

te them ate qe kam degjuar personalisht une nga shoqeria ime me orientim te ketill
: edhe pse jam i ketill...nje koh isha i hamendur per orientimin tim seksual,pak si ... por nuk kam se cka me ba,...perseri e kam patjeter te nbdiehem i lumtur me ate qe jam dhe kush jam...

sa aper vete do te thoja:"nese dashurija eshste mekat,ateher duaje mekatin qe te ndiehesh i lumtur"

une personalisht as nje hetero nuk kam degjuar te thote se jam i lumtur qe jam hetero. kjo me habit mua. nuk e di se nga vjen kjo,a thua vertet nuk jane te lumtur heteroseksualet apo nuk kane te dhena per homoseksualet!!! edhe nje gje mos haroni: "konserva qe celet nje her,nuk do te mbyllet perseri ne ate menyre qe ka qene fabrikisht" pra kot e kemi"ne" dhe "ju" per gjithcka. ajo qe ekziston dhe ekziston.pa tjeter e kemi te pajtohemi dhe te pajtoheni me realitetin.ndryshime nuk mund te behen edhe pse ndoshta dikusqh dhe ponese ka deshir qe mos te jet ai qe eshte nuk mund te ndryshoje.nuk ekziston mundesi me shkence qe mund te ndryshoje.

[made_in_China]

Qe te justifikohsh nje menyre jetese te tere me disa sllogane a metafora sinqerisht nuk e pranon askush, askund.
Te kuptohemi: pergjigje te sakte persa i perket pyetjes qe bera me siper nuk mora dhe gjithe nenkuptimet lene nje mori boshlleqesh qe secili i mbush sipas kutit a deshires se vet.
Te kerkosh te degjosh nga goja e nje heteroseksuali qe ndihet i lumtur per ate cka eshte, eshte gafe e madhe ne menyre te menduari. Nese kjo behet dhe me paramendim eshte kryekeput mashtrim e batakcillek.

Perse te mos e shohim shfaqjen e homoseksualizmit si paaftesi per te respektuar natyren njerzore? Perfytyro Bekim nje planet, Token fjala bie, i populluar nga nje shoqeri krejtesisht homoseksuale. Ku do te shkonte kjo shoqeri?

Ndersa te quash dashuri disa lojra te panatyrshme seksuale (te cilat i pershkruan diku me siper) s'ka ku te rrije, eshte genjeshter e keqe fort. Dashuria eshte dicka krejt tjeter e nuk do ngaterruar me disa orekse, sado te cuditshme qofshin. Te fillosh te vesh altoparlantet tani i mbeshtetur nga nje media sahanlepirese qe mbeshtet leivzjet homoseksuale me filma e telefilma qe ne mesazhet qe transmetojne vjedhin prej vlerave njerzore e ua ngjisin atyre homoseksuale eshte mashtrim i dyfishte. Po genjeni dhe veten e kam fjalen.

Me flet per konserva te hapura e ku di une se c'tjeter.
Ka pasur nje kure qemoti per homoseksualet, 100% e garantuar. I merrnin, i fusnin ne gropa te medha me fekale e u linin vec koken jashte. I linin atje me dite, me jave, derisa t'u vinte ndot dhe nga prapanica e tyre kur jashteqisnin e jo me ato te te tjereve.

Pa lere te mos flasim per disa "studime" te ndyta e te cunguara te kryera nga pseudopsikologe te vendeve perendimore qe arrijne ne perfundimin se femijet e adpotuar nga cifte homoseksuale nuk kane fare pasoja kur rriten e nuk ndryshojne fare shpirterisht e psikologjikisht nga bashkmoshataret.

Ju beni mire qe "dilni prej dollapit" e rrihni gjoksin qe jeni gay, demonstrim sinqeriteti e pranim i te vertetes, shume dakort, por shikojini te gjitha te vertetat ne sy ama jo vec ato qe ju interesojne.

Ka plot per te thene, po aq sa dhe nuk ka fare, por vec imagjino per nje moment Bekim sikur gjithe njerzit ne kete planet te shnderroheshin ne homoseksuale neser, c'do te ndodhte?

[Hyllien]

te them ate qe kam degjuar personalisht une nga shoqeria ime me orientim te ketill
: edhe pse jam i ketill...nje koh isha i hamendur per orientimin tim seksual,pak si ... por nuk kam se cka me ba,...perseri e kam patjeter te nbdiehem i lumtur me ate qe jam dhe kush jam...

sa aper vete do te thoja:"nese dashurija eshste mekat,ateher duaje mekatin qe te ndiehesh i lumtur"

une personalisht as nje hetero nuk kam degjuar te thote se jam i lumtur qe jam hetero. kjo me habit mua. nuk e di se nga vjen kjo,a thua vertet nuk jane te lumtur heteroseksualet apo nuk kane te dhena per homoseksualet!!! edhe nje gje mos haroni: "konserva qe celet nje her,nuk do te mbyllet perseri ne ate menyre qe ka qene fabrikisht" pra kot e kemi"ne" dhe "ju" per gjithcka. ajo qe ekziston dhe ekziston.pa tjeter e kemi te pajtohemi dhe te pajtoheni me realitetin.ndryshime nuk mund te behen edhe pse ndoshta dikusqh dhe ponese ka deshir qe mos te jet ai qe eshte nuk mund te ndryshoje.nuk ekziston mundesi me shkence qe mund te ndryshoje.

Eshte dicka natyrale te jesh hetero, ska pune lumturie hic. Lumturi ka dhe ai qe vret, ka dhe ai qe hakmerret kshu qe. Homoseksualizmi eshte nje trend i fundit qe behet tani me ndjek moden hollivudjane. Nje semundje kanceroze e shoqerise, dhe bartesit e kesaj semundje jane teper te rrezikshem. Un ta kam dhene mendimin tim.
Na kerkojn te adoptojn e te lindin dhe kalamoj pale pale ... shkoni ore meshojini punes aty se na degjeneruat emrin e kombit. Keto jane monstruozitete qe beni ju... ti mund te na dalesh dhe te na thuash qe dashuroj qe lope un psh... ose ndonje iriq por a eshte normale kjo? ... hajde djale mos u mundo te infektosh te tjeret(sidomos moshen e mitur) me keto toleranca apo PROMOVIM TENDENCASH HOMOSEKSUALE SIKUR JANE GJERA NATYRALE. NUK JANE

Po femijet ci doni i her? Ti ke bere nje zgjedhje, dhe ajo zgjedhja jote nuk te jep te drejten te kesh femij. Te shofim se sa do zgjasi ky fenomen hollivudjan... po ce do qe fjala liri e tolerance eshte bere si pacavure ne keto kohe.

[made_in_China]

Cyclotomis, nuk eshte nevoja te luftosh ne menyre sentimentale.
Por qe te vish ne nje vend ku nje dore adoleshentesh perpiqen a kujtojne se bejne filozofi e tu besh edukate homoseksuale s'eshte mire aspak. Bekimi ta mbroje homoseksualizmin me logjike po mundi por deri tani mua po me duket si promovim.

[Hyllien]

Po pra e njejta gje po me duket dhe mua... megjithate un cfar kisha per te thene nga ana llogjike e thashe tek postimi im i pare fare ne kete teme... me vjen cudi ngulmimi me argumenta konservash e tabakash qe keta njerez bejn.

[Bekim Ismaili]

lexoni postimet e me pareshme po keni kohe dhe mendohuni pak e pastaj pergjigjuni pasi qe nuk eshte aq leht te thuash nje fjal duke e bere kete (me falni ne shoprehje) si lopa qe e leshon baglen.

sa per ate qe thuani ju si promovim nuk eshte ajo pasiqe nuk kam se cka te mshefem une nga kush,pasi qe me ka pare Zoti,dhe nuk mund ta genjej veten, ajo cka ekziston dhe ekziston pra ska se cfar...

dhe dicka: une nuk thash se po te ishte e gjith bota se po te ishte ashtu vete Zoti do ta kiushte fale gjith boten homo por jo,fali meshkuj dhe femra,e si ju qe keni ndienja pra dhe ata kane ndienja por disa ndaj gjinise kunder e disa ndaj te njejtes gjini dhe cka mund te ndryshohet nga ligjet e Zotit ??? asgje!

[made_in_China]

Sa e bukur kjo ombrella "ashtu i ka bere gjerat Zoti".
Nuk ta permenda fene deri tani pasi po perpiqesha te jem sa me i drejte intelektualisht, por meqenese po i referohesh vete, me thuaj Bekim: ne c'shkirme, libra a rite fetare permendet qofte dhe nje here te vetme homoseksualizmi?

Ndersa qe eshte promovim, ESHTE. Ti sterhollohesh ne procedura reklamuese, e jo vetem kaq, por dhe kapesh pas ushqimeve per gomere e bageti te tipit: "Weslie Clark mbeshtet levizjet gay". E cfare pastaj? Clarkut ia thote rradakia vec per ushtri se ate kariere ka bere, te na e shesesh per lider opinioni... Kujt ia thoni keto mer se late nam.

Me kupto: nuk po shkoj kunder egzistences tende njerzore ne ate forme, as te drejtave te tua si nje individ pjestar i nje shoqerie te caktuar. Por nuk mund te pajtohem me kete promovim batakcinjsh.

Ti shet per dashuri e ndjenja disa orekse seksuale te cilat nuk je as ne gjendje ti radhisesh si pjese te natyres njerzore e une nuk pajtohem dot me kete. Pa lere ajo fjalia e ndyte deftore e maskuar si pyetje "te jete e trasheguar nga paraardhesit?". Kaq shume batakcilleqe per te perligjur disa orekse te panatyrshme qe u jane shnderruar ne menyre jetese e nuk jane gje tjeter vecse pasoje e disa imazheve te shtrembera qe kushedi si u jane futur ne tru? Turp!

Homoseksualizmi mohon qellimin primar te jetes, vazhdimesine, e ju kerkoni vazhdimesi ne emer te vazhdimesise. C'paradoks!

Nese homoseksualet kane fituar nje sere te drejtash, kjo ka ndodhur per shkak te vlerave njerzore e jo te orekseve e jetes se tyre seksuale, ato thjesht jane toleruar por jo promovuar.

[Bekim Ismaili]

... Bekimi ta mbroje homoseksualizmin me logjike po mundi por deri tani mua po me duket si promovim.

e din cka zotri made_in_China; une nuk promovoj homoseksualitetin por ajo ka ekzistuar dhe ekziston dhe do te ekzistoj. e kupton ti cka ehste promovim ??? une nuk e kam zbuluar homoseksualitetin apo dicka te ngjashme por kete e kam gjetur mes kesaj qenie njerezore. dhe po te kisha dashte te promovoja dicka une do te promovoja diku tjeter e jo ketu dhe mos mendo se jam adoleshnet se jam pak me i ritur se ti.

kisha dasht nje gje te tregosh ketu: cka te pengon ty personalisht ponese dikush ehste homoseksual,lezbike,biseksual/e ? c'te pengon ty seksi i tyre dhe kenaqesia e tyre dhe cka te pengon ty te drejtat e personave me orientim seksual te posacem? apo te marim dhe cka ju pengon dhe te tjereve qe disa kundershtojne kete fenomen ???

[made_in_China]

Pothuaj te gjithe shkrimet e tua ketu permbajne edukate homoseksuale. Eshte promovim qe c'ke me te.
Edhe nese do te komentosh, komento ato cka kemi shkruar, ashtu si i kemi shkruar -- por jo c'te te teket, se kushedi per cfare te teket.

[Hyllien]

O ismail bekimi, po nqs ndjen kenaqesi, le te shkojn me sorkadhet njerezit, ose me ndonje mushke. Ska asgje te keqe apo jo ?

[Tironsja_PHILLY]

Qyqa, un kujtova se kjo ishte teme per te shprehur mendimet per homot (shqiptar), S'e dia qe ishte artikull informativ i pafund per ndjenjat, hormonet, trurin e njeriut....
un skisha nerva ti lexoja gjithato faqe, nejse
Un nuk njof as nuk kam njofur asnji homo shqiptar, as goc as cun
per mendimin tim homoseksualiteti: semundje psiqike, e shkaktuar ne lindje ose pergjat periudhes se jetes, nga abuzimi, neglizhenca, deshira per me shum...
Mbase e kam gabim, por un per vete jam ne rregull, kshuqe nuk mund ta di pse ose cfar eshte homoseksualiteti

[Bekim Ismaili]

Pothuaj te gjithe shkrimet e tua ketu permbajne edukate homoseksuale. Eshte promovim qe c'ke me te.
Edhe nese do te komentosh, komento ato cka kemi shkruar, ashtu si i kemi shkruar -- por jo c'te te teket, se kushedi per cfare te teket.

mir.ponese do te kisha promovuar une homoseksualitetin ateher perse dhe para nesh ka ekzistuar homosekslualiteti tek shqiptaret dhe tek kombet tjera dhe fete tjera ???

2) nese do te kisha promovuar une homoseksualitetin atehere perse ateher ne kete forum e bej kete ???

3) ti thua se mos te shkruaj ete qe me teket mua.me trego ti per vete,ti e shkruan ate qe te teket ty apo ate qe nuk te teket,dhe nese e eshkruan ate qe nuk te teket ateher me trego holl dhe gjeresisht si e ben kete ti qe te mesohemi dhe ne te shkruajme ate qe nuk na teket.sepse deri tash nuk mund ta kuptoj se si njeriu mund te shkruaj ate qe nuk i teket.

4) dhe ponese une shkruaj keto dhe ato qe kam shkruaj thua ti se une keto vet un (me falni ne shprehje) i kam pjell keto fjal apo nga i kam nxjer??? po te tregoj qart se gjith keto materiale jan nga shkencatre dhe mendimtar e jo nga asish sikur ti qe e ke vu ate krye e nuk kupton dhe nuk sheh asgje nga maja e hundes. vertet ky forum nuk eshte per ofendime po njeriu nga ofendimet mer nje far lloj kahje per kuptim pak me ndryshe qe vet me hulmutoj me mendjen e vet per te kuptuar ate per te cilin diskutohet. pasi qe ti nuk i mer parasysh keto vertetime ateher si mund te paresh parasysh ate qe ti nuk je tjeter vecse nje nje njeri i semure nga homofobija. per kete ti mund te lexosh duke klikuar ketu http://www.forumishqiptar.com/showthread.php?t=22483 ose duke shkuar sipas procedures forumi shqiptarshtypi dhe politikaproblematika shqiptareHomomofobia tek shqiptaret-frika ose urrejtja ndaj Homoseksualitetit. dhe do ta gjesh veten,jo vetem ti por dhe disa qe mendojne keshtu.sepse ketu nuk kemi fjalen per edukim ose per sherim por per tu munduar te kuptojme ate qe ekziston ne bote dhe ku fjala eshte per tek shqiptaret.