Partia Demokratike kerkon nepermjet kandidatit te saj per Bashkine e Tiranes dhe njekohesisht Sekretar per Marredheniet me Publikun ne PD, Spartak Ngjela, doreheqjen e Presidentit te Republikes, Alfred Moisiu. Shkak per kete kerkese ekstreme te drejtuesve me te larte demokrate, eshte bere shpallja e rezultatit te pjesshem te zgjedhjeve per Bashkine e Tiranes, ku Ngjela dhe koalicioni opozitar qe e mbeshteste, ka humbur thellesisht perballe kandidatit socialist Edi Rama. Pa bere as me te voglen analize per kete humbje me permasa te medha ne kryeqytet, kreret me te larte te PD, jane perpjekur dje te krijojne alibine e tyre politike per kete humbje, duke akuzuar kreun e shtetit se eshte ai shkaktari i humbjes se PD ne Tirane. Akuzat e zyrtareve me te larte te PD ne adrese te Moisut jane shume te renda, pasi ata e akuzojne se "per interesa personale shkaterroi procesin zgjedhor". "Eshte pergjegjesi e drejteperdrejte e Presidentit te Republikes, i cili ne nje krah tregohej krejtesisht i paafte, kurse ne krahun tjeter, ne demokratet, dyshojme se per interesa personale, shkaterroi procesin zgjedhor, duke emeruar te pestin kandidat socialist (ne KQZ) ne kundershtim te hapur me ligjin", ka deklaruar Ngjela. Pavaresisht se kjo deklarate eshte teresisht e pathemelte, sepse anetarja e shtate e KQZ u zgjodh nga KLD, ne te cilin Moisiu beri perpjekje te medha qe te zgjidhet nje anetar i propozuar nga PD, per kreret e selise blu duket se eshte nje vegje politike per t'u kapur, ne perpjekjet e tyre per te zbehur humbjen e thelle ne kryeqytet. Permasa e kesaj humbjeje, duket ka bere qe kreret e PD te mos e mendojne me gjate, por te arrijne deri aty sa t'i kerkojne "haracin" Presidentit te Republikes, qe te jape doreheqje nga posti qe mban, meqe eshte propozuar nga opozita. Kjo skeme e propozuar nga Ngjela, ne fakt duket se nuk ka asnje lidhje me humbjen e tij ne Tirane, po te veresh me kujdes formulimin e bere nga avokati se, "Presidenti duhet te jape doreheqje, qe te hapi rrugen per zgjedhje te reja". Vetem pak dite me pare kryetari i PD Sali Berisha, kerkoi zhvillimin e zgjedhjeve te parakohshme ne pranveren e vitit te ardhshem dhe keto deklarata te Ngjeles, duket se jane ne kete llogjike politike. "Ka vetem dy rruge: ose Presidenti te rregulloje demin e shkaktuar prej tij, ose te ndihmoje opoziten, qe e ka propozuar per President, duke dhene doreheqje, qe te hapi rrugen per zgjedhje te reja, ne nje kohe qe shoqeria ndodhet ne prag te nje shkaterrimi antidemokratik", ka qene deklarata "kryqezuese" e Ngjeles per Moisiun. Sipas tij, procesi zgjedhor ne Tirane, pasi degradoi ne administrimin e votes u shkelmua ne KQZ, ndersa 5 anetaret e KQZ te ansamblit keqberes socialist, nenvizon Ngjela, "jane shkeles te vazhdueshem te ligjit dhe duhen penalizuar rende, ne rast se do te duam ecurine demokratike te Shqiperise". Ngjela deklaron se pergjegjesia per kete krize, e cila eshte bilaterale: eshte ne Kuvend, ne funksion te Qeverise.
Krijoni Kontakt