Tokë e askujt (fushat e gjelbra te Frances).

[Sokoli]

Mir’se të gjeta Uilli Mek Brajd
Po ulem pak këtu pranë varrit tënd
Të pushoj ca nën këtë diell të ngrohtë
Kam ecur gjith’ ditën, së shpejti bëhet natë.
19 pranverat e tua të shoh në gur të varrit
Sa i ri paske qenë kur të mori Lufta e Parë
Shpresoj të kesh pasur një vdekjë të shpejtë e të pastër
Apo Uilli mos vallë ish’ e tmerrshmë dhe e ngadaltë?

Refreni
A ranë ngadalë daullet, po gajdet psherëtinë mbyturaz?
Pushkët a shtinë rreth teje ndërsa të ulnin në varr?
Po banda muzikore në kor e luajti Postulatin e Fundit?
Gajdet vallë a luajtën “Lulet e Pyllit”?


Po pas çfarë le, një grua a një vashë?
Në ç’zemër besnike vallë je skalitur?
Dhe pse ke vdekur më 1915
Në ç’zemër besnike je vallë ende 19?
Apo mos vallë je një i panjohur, pa emër
Ngujuar përgjithmonë ndën rrasë e pas murit të qelqtë
Në një foto të vjetër, të grisur, të rrjepur,
zbehur e zverdhur në një kornizë të kafenjtë?

Refreni
A ranë ngadalë daullet, po gajdet psherëtinë mbyturaz?
Pushkët a shtinë rreth teje ndërsa të ulnin në varr?
Po banda muzikore në kor e luajti Postulatin e Fundit?
Gajdet vallë a luajtën “Lulet e Pyllit”?


Dielli po zbret mbi këto fushat e gjelbra të Francës
Era fryn butë e lulkuqet vallzojnë
Transhetë kanë humbur thellë nën gjurmët e plugut
Pushkët më nuk shtien, gasi e telat me gjëmba janë zhdukur.
Por ende këto varreza janë tokë e askujt
Dëshmitarë të heshtur qëndrojnë kryqet e bardhë pafund
Për injorancën njerzore ndaj njerëzve të tjerë
Për një brez të mallkuar, të humbur që i tëri u therr.

Refreni
A ranë ngadalë daullet, po gajdet psherëtinë mbyturaz?
Pushkët a shtinë rreth teje ndërsa të ulnin në varr?
Po banda muzikore në kor e luajti Postulatin e Fundit?
Gajdet vallë a luajtën “Lulet e Pyllit”?

Tani s’kam ç’bëj tjetër veç të vras mendjen o Uilli Mek Brajd
Në gjithë ata që prehen këtu e dinë pse vdiqën vallë?
Kur të thanë “Cështjen” vërtet vallë u besove?
Shpresoje vërtet se kjo luftë luftrat do t’mbaronte?
Por vuajtjet, dëshpërimi, lavdia e turpi
Vrasjet, vdekjet të gjitha shkuan kot
Se Uilli Mek Brajd ato janë përsëritur
Ato janë përsëritur, ato janë përsëritur…

Refreni
A ranë ngadalë daullet, po gajdet psherëtinë mbyturaz?
Pushkët a shtinë rreth teje ndërsa të ulnin në varr?
Po banda muzikore në kor e luajti Postulatin e Fundit?
Gajdet vallë a luajtën “Lulet e Pyllit”?

[Sokoli]

E perktheva kete kenge se me ka prekur jashte mase.
I kushtohet nje te riu irlandez qe luftoi ne radhet e ushtrise Angleze dhe u vra ne France gjate Luftes se Pare Boterore.
Rekomandoj per degjim versionin e kenduar nga Tommy Makem.