Greqia dhe Lojrat Olimpike te 2004.

[Enri]

Reportazh në pjesën e vjetër të qytetit të Athinës, në lagjen “Plaka”. Si po priten në kryeqytetin helen Lojërat e 2004-ës

Greqi, dyshime dhe pritje në përgatitet për Lojërat Olimpike

E shtunë në mbrëmje, në pjesën e vjetër të qytetit të Athinës, në lagjen “Plaka”. Nën muzikën live dhe me një pamje të mrekullueshme me morinë e shtëpive, vizitorët shijojnë gjellët e një restoranti. Me qetësinë më të madhe - ende! Ende, pasi në gusht 2004 edhe në sokakët e këtushëm do të festohet festa më e madhe sportive e botës. Olimpiada. Dhe Dimos gëzohet që tani: "Natyrisht, unë kam rezervuar tashmë bileta për garat e vozitjes. Ku zhvillohen? Atje do të shkoj." Edhe Petros kërkon të largohet të paktën për nja dy orë nga dyqani i tij i llotarisë, për të ndjekur nga afër një garë. Ai ka vetëm merak që ndërtimet të përfundojnë në kohë: "Të gjithë këtu kanë dyshime. Por nuk besoj se do të na bëjnë gazi i botës dhe i Evropës! Ma do mendja se do t'i mbarojmë edhe ato rrugë e ato pesë stadiume." Petros vret mendjen, nëse ndërtimet do t'i plotësojnë kërkesat për Lojërat Olimpike. "Po sikur të kemi ndërprerje të rrymës elektrike?”,- pyet me shqetësim një pronare dyqani në lagjen “Plaka”. Të tjera halle kanë njerëzit larg kryeqytetit. Kostas, nga qyteti verior Evros, beson se lojërat në Athinën qendrore e rëndojnë provincën: "Autostrada jonë do të ishte gati, nëse nuk do të kishin qenë lojërat. Edhe rrugë të tjera province, për vite me radhë, planifikohet e pastaj mungojnë të hollat. I shkurtojnë këtu dhe i shpenzojnë në Athinë." Megjithë kritikën nga provinca dhe gëzimin në Athinë, frika për turpërimin është e madhe te shumë grekë. Kjo pasi besimi tek aftësitë ndërtuese dhe organizuese të bashkëatdhetarëve është i kufizuar. Christos ka dyshime: "Duam të bëjmë figurë të mirë, sepse vitet e fundit nuk kemi lënë përshtypje të mirë tek evropianët. Uroj që imazhi ynë të përmirësohet nëpërmjet lojërave." Nga ana tjetër, shoku i tij, Dimos, mendon se grekët kanë komplekse të tepruara. Në fund të fundit, kudo ndodhin gabime, thotë, edhe në vende të tjera evropiane: "Kush jemi ne? Mos jemi gjë qentë e rrugës të Evropës dhe gjithë të tjerët janë qenë race? Të paktën kjo: 90.000 grekë kanë ofruar deri tani ndihmë vullnetarisht për Lojërat. Mbi 600.000 bileta janë shitur vetëm në Greqi. Entusiazmi për Olimpiadën 2004 po shtohet. Dhe, kur të vijë çasti, atëherë do të jetë një festë e paharruar. Këtu pajtohen athinas dhe grekë të veriut: "Do të ketë mangësi, por kjo plotësohet nga atmosfera greke. Të paktën athinasit do t'i presin me gëzim vizitorët". "Greqia dhe mbarë bota do të festojnë. Këto do të jenë Lojërat më të mira Olimpike, për këtë do të bëjmë gjithçka."
*Marrë nga Dojçe Welle

[Toro]

Greket kane nje fjale te urte , e cila ne kete rast vlen per veten e tyre: "Opou akous gia polla kerasia, krata mikro kalathi"..( Ku degjon se ka shume qershi..mba shporte te vogel".....
Te bejne ca lutje ke Krishti e ke Shen Meria mos bjeri shi ne gusht te 2004, se e shof una, gara e kanotazhit do behet ne Glyfada ke stadiumi i bejsbollit ( aty ku me 15 minuta shi behet nje rruga me detin), jo ke pista e kanotazhit ne Sqinia ( Marathone).....
Metroja mire mo? Jane shembur shtepi te tjera rruges per ne Mesogjion?
Nuk na thone sa do shkoje kanocja e Coca-Coles ne 2004? 4, 5 apo 6 Euro?
Hotele bene ata qe te fusin te pakten disa nga ata 90 "vullnetaret" nga Australia ....... Po gazetaret ku do ti vene te flene? Ke sheshi i Omonias poshte me drogaxhinjte apo siper me klandestinet?
Ndoni shqiptar eshte ofruar per vullnetar ne Lojerat Olimpike apo do i sjellin nga Shqiperia duke i premtuar "prasini karta" ne korrik te 2004......Eh te kene kohe nje muaj te mesojne "Edho" , "Eqi", "Efkaristo", "Poli Kalla Palikari".......

[kolombi]

Une Toro do shtoja dhe nje tjeter fjale te urte,
(Opu lalun pola kokorja argji na ksimerosi)
Ku Kendojne shume kaposha,vonon te vij mengjesi
Mendoj se shume veshtire do jene gati.

[DetiJone]

Greqia në listën e zezë:
SHBA përfshin në listën e organizatave terroriste tre grupe kriminale greke



Greqia do t'u kërkojë Shteteve të Bashkuara të korrigjojnë listën e organizatave terroriste ndërkombëtare, të publikuar prej tyre të enjten e kaluar, me qëllim që të merret parasysh shkatërrimi i grupit terrorist grek "17 Nëntori", njoftoi një zëdhënës i Ministrisë së Jashtme greke.
Shefi i diplomacisë greke, Georges Papandreu, urdhëroi ambasadorin e Greqisë në Uashington të kërkojë korrigjimin e kësaj liste, në mënyrë që ajo të përputhet me realitetin", tha zëdhënësi i tij, Panos Beglitis, gjatë një takimi me shtypin. Një ndërmarrje e ngjashme duhet të bëhet edhe pranë ambasadës së Shteteve të Bashkuara në Athinë, saktësoi ai.

Në listen e 25 organizatave terroriste ndërkombëtare, të bërë publike të enjten në një version të rishikuar, përmendet edhe grupi "17 Nëntori". "Greqia dëshiron që ky raport, që nuk pasqyron zhvillimet e fundit, të plotësohet, duke marrë parasysh vlerësimet e saj", shpjegoi Beglitis, duke përsëritur se, për Athinën, ky grup ishte shkatërruar. Media greke kishte reaguar ashpër ndaj faktit të përfshirjes së këtij grupi në listën amerikane. Kjo e fundit citon edhe një grup tjetër grek, "Celulat Revolucionare", që, sipas policisë greke, janë formuar nga organizata e dytë "historike" në vend, ELA (Lufta Popullore Revolucionare). Grupi "Celulat revolucionare" kishte marrë përsipër një atentat me bombë kundër një hoteli interkontinental në Athinë në vitin 1999, si pasojë e të cilit kishte gjetur vdekjen një punonjës.

Pak ditë më parë një varg shpërthimesh ndodhën në qendër të Athinës në zyrat e partisë qeveritare PASOK dhe të opozitës, Demokracia e Re. Bombat shpërthyen në zyrat e PASOK-ut, në lagjen e Athinës, Kato Patisia dhe në Antupoli. Nga shpërthimi u thyen të gjitha dritaret e ndërtesës, ndërsa zjarri shkaktoi dëme në brendinë e ndërtesës. Shpërthime pati edhe në zyrën e Partisë Demokracia e Re, në lagjen e Athinës, Moshato, që ka shkaktuar dëme të vogla materiale. Ndërsa në lagjen Kolonaki, shpërtheu edhe automjeti i deputetit të opozitës konservatore, Jorgos Vulgarakis. Policia deklaroi se sulmuesit kishin vendosur disa bomba në tri makina dhe në një motoçikletë të deputetit, i cili në atë moment nuk ka qenë në shtëpi. Si rezultat i shpërthimeve, janë shkatërruar edhe disa automjete të tjera. Asnjë organizatë nuk e ka marrë përgjegjësinë për sulmet. Kjo është goditja më e madhe që merr siguria e Greqisë në prag të Lojërave Olimpike 2004, në një kohë që nga SHBA ka
patur vërejtje pikërisht për nivelin e sigurisë. Të shqetësuar nga rrezikimi i Lojërave Olimpike, autoritetet zyrtare deklaruan javën e kaluar se "përtej çdo skenari fantastik dhe hiperbolizimi ka vetëm një realitet: Greqia po përgatitet me përpjekje të madhe për të organizuar Lojëra Olimpike krejtësisht të sigurta në 2004".


7 Tetor 2003
Gazeta PANORAMA

[DetiJone]

ATHINE (9 Tetor 2003)

Sipas raportit secret të policisë greke, të cilin e nxjerr në dritë gazeta proqeveritare "To Vima", krimi i organizuar gjatë dy viteve të fundit ka marrë përmasa shqetësuese dhe aferat përkatëse kanë shënuar gjatë periudhës në fjalë një rritje prej 100 përqind. Raporti ka shqyrtuar vetëm rastet që i përkasin zonës së gjerë të kryqytetit dhe rrethinave të tij, për të kumtuar përfundimin se në këtë zonë krimi i organizuar kontrollohet nga 6 grupe të mëdha, me më shumë se 100 pjesëtarë. Në trafikun e drogës është konstatuar rritja e bashkëpunimit ndërmjet trafikantëve grekë dhe karteleve kolumbiane të drogës, por edhe grupeve të organizuara në Holandë dhe Spanjë.

Po ashtu raporti konfirmon lidhjet e ngushta ndërmjet trafikantëve grekë dhe atyre shqiptarë, kryesisht në trafikun e kanabisit dhe të heroinës. Një tjetër biznes tepër fitimprurës është ai i kontrabandës së cigareve. Shumë nga rrjetet e prostitucionit preferojnë t'i investojnë fitimet e tyre në bursën e Athinës, vërehet në raport.

www.BBC.com