Tekste këngësh popullore kushtuar gurbetit/mërgimit

[Nuh Musa]

mirdita!!!,

dhe pershendetje te gjitheve

Mos ta leme kete teme te hupet ne thellesite e forumit!!!

Ja disa copëza te kengeve popullore nga trojet shqiptare te ish- jugosllavise.


ah more treno, o tren i fundit
o qe kalove ata binarë
o sa shqiptar o, i solle t'vdekur
e sa shqiptar o, i solle t'gjallë

ah more treno, o tren i fundit
o që tu k'putshin ata binarë
o nëpër rrugë, o të prishtinës
o a e le o, ndonjë shqiptarë

ah more treno, o tren i fundit
o në kët rrugë o, për jet e vdekje
o a ka mbetur, dikush n'kosovë
o a të gjith o, i ke me vete

ah ne at stacion o, te lare me lote
o kur u nise, o prej prishtine
ah more treno, o tren i vjeter
o a mos ishte, dhe nana ime?

kur po i afrohesh o ti kufinit
o a po t'thono ata binare
o ta kalosh o, t'zyun kufij
se 'dhe përtej o, ka ende shqiptarë

o a po t'thono, binart e ndryshkur
o ta kalosh o, t'zyun kufi
se nga prishtina e deri n'shkupë
o perëndia i thot shqipni

ndëgjoni këtu http://muzika.albasoul.com/artist.php?id=96

flm

[Nuh Musa]

Ne vijim nje kenge nga kengetari kosovare Shaqir Cervadiku

Atje Larg


Atje, atje larg
diku në arbri
mendimet më çojn kur isha fëmi
atje, atje larg
tek njerëzit që i dua
atje ku lulet
çelin veç për mua

Kosovën mos ma kujtoni
se nuk mundem të duroj
po kam frigë se m'pushon zemra
para se atje të shkoj

Atje, atje larg
kam lan bab e nanë
atje, atje larg
nji vash e kam lan
kam me i lan të gjithë
dhe mos m'pyetni pse
dua të jetoj
në t'bukrin mëmdhe

Kosovën mos ma kujtoni
se nuk mundem të duroj
po kam frigë se m'pushon zemra
para se atje të shkoj


ketu mund ta ndegjoni http://muzika.albasoul.com/artist.php?id=91

flm

[edspace]

Shyhrete Behluli : Kurbetqari

Sa herë vjen kjo dritë e hanës,
Më kujtohen fjalët e nanës
Për kurbet unë kur jam nis
Më përcolli n'qoshe të shpisë

- Pse o bir në dritë të qita?
Me shumë mund per kë të rrita
Pse u gëzova une në jetë?
Nanën sot po e lë vet

Kurbetqar ju ka jini
Shumë të pasur ndoshta jini
Gjithçka blehet në kët dynja,
por veç nanë nuk ka,

Kurbetqar ju ka jini
Shumë të pasur ndoshta jini
Gjithçka blehet në kët dynja,
por veç nanë,
por veç nanë askund nuk ka

Këto ishin fjalët e nanës,
Kur mi tha në dritë të hanës
Ikin dit e ikin net
Larg u treta në kurbet

S'u largova nga dëshira,
por nga dhuna e nga skamja
Na mallkoi i madhi Zot,
me u tretur nëpër bot

Kurbetqar ju ka jini
Shumë të pasur ndoshta jini
Gjithçka blehet në kët dynja,
por veç nanë nuk ka,

Kurbetqar ju ka jini
Shumë të pasur ndoshta jini
Gjithçka blehet në kët dynja,
por veç nanë,
por veç nanë askund nuk ka

Sa herë kthehem në shtepi
Lot më mbushen këta dy sy
Nuk më pret më si dikur
Ka mbyll syt, se shoh më kurrë

Ah moj nanë, e shkreta nanë
Vec me ty borxhlli jam kanë
Po kalon kjo timja jetë
Prapë me ty borxhlli kam mbet

Kurbetqar ju ka jini
Shumë të pasur ndoshta jini
Gjithçka blehet në kët dynja,
por veç nanë nuk ka,

Kurbetqar ju ka jini
Shumë të pasur ndoshta jini
Gjithçka blehet në kët dynja,
por veç nanë,
por veç nanë askund nuk ka

Albumi "Ti fanar i pashuar"
http://muzika.albasoul.com/artist.php?id=96&

[shigjeta]

Plagët e kurbetit

Ç’u nis burri në kurbet
kaloi tok’ e kaloi det
mbeti me djalin në djep
zemërvaja pret e pret.
Pret një mot, njizet vjet
qe e re, u zbardh krejt
Pyet djali për babanë
si t’i thot’, e shkreta nanë
shamizeza , si t’ë thotë?!
S’din ku e ka varrin në botë!
Lajmin me gajtan të zi
po e mban si plag’ në gji
me lot’ i iku nusëria
ju nxi jeta dhe shamia
thahen lisa, plasin gurë
se s’u kthye burri kurrë

Mat

[sweet_babe]

Kur kujtoj ditët e Korrikut

Kur kujtoj ditët e Korrikut,
lotët më pikojnë,
më djeg malli oh më djeg zjarri,
prindërit kur kujtoj.

Më qan zemra më qajnë sytë,
më digjet shtati o në vetmi,
ku i lashë unë nënë e babë,
ku i kam shokët e mi.

Kurbetin e kam mallkuar,
fjalën refugjat,
e trishtuar qenka jeta,
nga shtëpia larg.

Më qan zemra më qajnë sytë,
më digjet shtati o në vetmi,
ku i lashë unë nënë e babë,
ku i kam shokët e mi.

I vetmuar larg atdheut,
me mall numëroj,
edhe gurët e sokakut,
qaj edhe këndoj.

Më qan zemra më qajnë sytë,
më digjet shtati o në vetmi,
ku i lashë unë nënë e babë,
ku i kam shokët e mi.

[ATMAN]

Atje larg ke dera e shtepise (Merita Halili)


Tashti mbeç me t'mire moj nane,
t'ma besh mu hallall.
I ka mbushur vitet nena,
ndoshta s'me gjen gjalle.

Tashti mbeç me t'mire moj nane,
t'ma besh mu hallall.
I ka mbushur vitet nena,
ndoshta s'me gjen gjalle.

Amaaaan amaaaan
Atje larg tek dera e shtepise,
kam lene nanen tuj merzite
atje larg moj shpia bardhe
kam lene nanen tash tuj qaaa

Amaaaan amaaaan
Atje larg tek dera e shtepise,
kam lene nanen tuj merzite
atje larg moj shpia bardhe
kam lene nanen tash tuj qaaa

[Leila]

NISJA PER NE KURBET

VUAJTJET DHE BRENGAT E KURBETLIJVE DHE E FAMILJEVE TE TYRE

KTHIMI NGA KURBETI

[Leila]

DO IKI MOJ NENE

Do iki moj nene,
do vete kurbet,
do t'i mbledh u' shoket
do le amanet,
kushedi kur kthehem,
mbetem per ibret.
Kaftova, kaftova,
femilen leshova.

Gumenice, Cameri, 1955

ZEMRA PO ME DIGJET

Vish e xhvish kemishen,
byrynxhyk te holle,
zemra po me digjet,
kur kujtoj Stambolle.
Thuaji, moj nene,
djalit te mos shkoje,
s'di ne jam me barre,
apo jam beronje!
S'i dhashe dy molle,
s'i thash' udh' e mbare,
tri dite e tri nete
me lote kam qare.

Vranisht, Korce, 1980

CELI MANUSHAQJA

Celi manushaqja, s'bera me shendet,
te mora te vogel, dymbedhjete vjec,
s'te mora per pune, po per muhabet,
sa e vogla ishe, po kishe lezet,
po pa mbushur viti, do te le, medet.
Nxora pashaporten, te shkoj ne kurbet,
tere c'i mentova, per ty m'ardhi keq,
s'ishe napolon, te te fut ne xhep.
Lotet mos m'i derth, se do kthehem shpejt!

Korce, 1964

[sweet_babe]

Klithme e nenes vjen nga dheu
O bir-o ku je?
sec qenkeshe plakur shume
pertej deteve
pika-pika rrodhi malli
pikoi ne dhe
prap t'u kthye djaleria
erdhe ne atdhe,
kurre me s'do marresh
udhet e kurbeteve....

[Zana e malit]

Nene ime plaka

Nene ime, nene plaka,
ketij kurbeti i dalte flaka,
ne vendlindje si eshte moti,
jetoj larg, jetoj larg, jetoj larg kot se koti
ne vendlindje si eshte moti,
jetoj larg, jetoj larg, jetoj larg kot se koti

Si ne enderr shoh shtepine,
e shoh nenen dhe shoqerine,
A ka cel moj nene qershia,
a ka Pranvere tash te shtepia,
A ka cel moj nene behari,
ta ktheu shpinen djal ma i pari

Atje rruga eshte plot balte,
por me e embel se c'do mjalte,
atje e lashe une femijerine,
ne kurbet, ne kurbet, ne kurbet gjeta vec merzine
atje e lashe une femijerine,
ne kurbet, ne kurbet, ne kurbet gjeta vec merzine

Si ne enderr shoh shtepine,
e shoh nenen dhe shoqerine,
A ka cel moj nene qershia,
a ka Pranvere tash te shtepia,
A ka cel moj nene behari,
ta ktheu shpinen djal ma i pari


Kenduar nag Elizabeta Qarri- Kosove

ZeM

[MisCongeniality]

Larg Ne Dhe Te Huaj nga Sabri Fejzullahu. Ja disa vargje qe me kujtohen....

Larg ne dhe te huaj, dhe te huaj
Kosoven enderrova, endrrova
Nen e babe m'u duk se i perqafova, se i perqafova

Ehhh, c'mu lig zemra, c'mu lig zemra
Kur nga gjumi u zgjova, u zgjova
Ndjeva te tjere emra, te tjere emra
Sa u permallova

[MisCongeniality]

Shko, Vetem Shko nga Adelina Ismaili.

Shko, jeto pa dashurine
Lotet e vajzerise
Te tjeret le t'mi fshijne
Shko udheve pa mu
Si krejt shoket e tu, rrugve te gjermanise
Mos thuaj se ketu s'ka jete
Ketu i fort ti mbet??

Ty s'te vjen keq per mua
Do t'jem vec nje me shum
Qe me net pa gjume
Lusin t'ktheheni

Shko, vetem shko
Mos me kujto me lot ne sy
Kurre mos e harro
Te kam dashte vetem ty.

Shko, vetem shko
Per mua rri net pa gjume
Kurre mos e harro
Se nji vajz te deshti shume.

[Leila]

C'paska zemra ime hallet e dynjase
- Ogren, Permet, 1966

C'paska zemra ime hallet e dynjase,
mjera une e mjera, si t'i anavas,
si duron e s'ben, bamb qe te pelcase,
mjera une e mjera, si t'i anavas,
se bandillit tim s'ka se kush t'i flase,
mjera une e mjera, si t'i anavas.
Ai do te shkoje ne kurbet te zi,
mjera une e mjera, si t'i anavas,
mos me le me pleq mua ne shtepi,
mjera une e mjera, si t'i anavas.

Me iku bandilli me iku moj natene
- Hocisht, Korce, 1964

Me iku bandilli, me iku, moj, natene,
s'e ariva dot, t'i shkruanja karten;
t'i shkruanja karten, t'i vinja, moj, doren,
hajde, ku me la, moj, mua te gjoren.

Nje molle e kuqe na mbushi oborre
- Sinice, Korce, 1961

Nje molle e kuqe na mbushi oborre,
thuaji tet biri nene, se kerkon te shkonje.
Po ay do shkonje, ty ku do te lere,
tyne moj syzeze, moj vetullgjilpere.
Me jiku beqari udhes per Bilisht,
e kur e percolla, m'u keput ky shpirt.
Jiku Bejcja, jiku, udhes e Stambollit,
me ke do ta mbleth mollen e oborrit.
Jiku Bejcia lark, s'dihet kur do vinje,
sec me lojti mendjen, me prishi terezine,
me ke do te mblidhem, s'kam edhe femije,
c'me shkretovi keq, me prishi fiqire.

Kisha dy pellumba
- Qatros, Korce 1980

Kisha dy pellumba, qe te dy m'u ndane,
m'u ndane, moj nene, m'u ndane.
Njeri zu Janinen, tjetri Arapistane(*),
m'u ndane, moj nene, m'u ndane,
sec me iken, nene, iken e me lane,
m'u ndane, moj nene, m'u ndane.
S'ka me keq, moj nene, kur ndake evlane,
m'u ndane, moj nene, m'u ndane.
Ne pyll do te vete, ujku te me haje,
m'u ndane, moj nene, m'u ndane,
ne lume do vete, lumi te me marre,
m'u ndane, moj nene, m'u ndane.

E percolla trimne, s'i thashe udh'e mbare
- Hocisht, Korce, 1962

E percolla trimne, s'i thash' udh' e mbare,
dolla ne penxhere, sec pashe nje djale,
sa i bukur ishte, timit i kish ngjare,
ne jaken e palltos kishte nje gjilpere,
te me vije Becja, c'i kam per te bere
gushen edhe faqen, s'ja kam per te lene.

Aman Androniqi
- Vuno, Vlore, 1958

Aman Androniqi,
kur shkon udhes ti!
Cporru mor ti cporru!
Mos, buza kuti!
- Ku te vate burri?
- Vate ne Itali.
- Ne dac, u marto,
ne dac rri e ve,
ne qish, ne dac shko,
benu kallogre.
- Une as martonem,
as e ve nuk rri,
po do preste burrin,
te vij' ne shtepi.
- Une e tija jeshe,
une e tija jam,
c'llafe thone bota,
m'u befshin kurban!

Sorke te keqen e syrit
- Karjan, Gjirokaster, 1928

Sorke te keqen e syrit,
kur del te vij' e mullirit,
si heneza prane yllit,
moj si t'i behet bandillit,
se neser ndahet nga nena,
moj unaza rremba rremba,
papor me qelqe t'ergjenda!
O more papor' i shkrete,
vete poshte e vjen perpjete,
vjen ne Sarande e merr djemte.
O ju paporet e detit,
beni selam vilajetit,
nga keta djelmte e kurbetit,
se s'i vijne dot te shkretit.

Nent' muaj me barre dyzet dit' lehone
- Bual, Permet 1956

Nent' muaj me barre,
dyzet dit' lehone,
foli, nene, djalit,
se kerkon te shkonje!

Vajti hyqymet,
nxori pashaporte,
foli, nene, djalit,
se kerkon te shkonje!

Vajti ne Sarande,
me zuri vapore,
foli, nene, djalit,
se kerkon te shkonje!

C'i hipi te shkretit,
dolli ne Stamboll,
foli, nene, djalit,
se kerkon te shkonje!

Ti ore Stamboll i shkrete,
mbai pleqte e lesho djemte,
te shkojne te rate jete.

Zune mergimtaret plackat po ngarkojne
- Qyteze, Korce 1933

Zune mergimtaret, plackat po ngarkojne,
dil i thuaj tet biri, nene, te mos shkoje!
Nente muaj me barre, dyzet dit' lehone,
nene, u nis vete dhe vete ngarkoi,
as mua, as ty, nene s'na degjoi.
Gjer te porta jashte, dolla e percolla,
nga inati i botes pike lot s'leshova;
dolla e percolla dhe i dhash' nje molle,
i dhashe unazen e vuri ne dore,
ia thashe dy fjale, nene, mos m'harroje.

C'u nis burri per ne kurbet
- Jug 1937

C'u nis burri per ne kurbet,
o ime vjehrre si nuk te vjen keq?
C'i mblodhi rrobat, i vu ne hejbet,
o ime vjehrre si nuk te vjen keq?
Tre muaj me burre, tre muaj beronje,
foli ime vjehrre, se kerkon te shkoje.
I hipi kaikes dhe shkoi neper det,
o ime vjehrre si nuk te vjen keq?
S'beri pak a shume, po plot shtate vjet,
o ime vjehrre si nuk te vjen keq?
Shkruaji karte, te ve une doren,
me mori me qafe o mua te gjorene,
shkruaji karte, te ve une gishtin,
me mori me qafe e me keputi shpirtin.

Sa me more dhe do shkosh
- Gjirokaster 1960

Sa me more dhe do shkosh,
o imzot!
Me pampor ku do qendrosh,
o imzot!
Te zezen do me kujtosh,
o imzot!
Do ikesh ne kseniti,
o imzot!
Imzot a te vij me ti?
O imzot!
Mos, moj, se prape do vi,
o imzot!
Sa te mbeledh ca flori,
o imzot!
T'i thom:- Cporru varferi! -
O imzot!
Po atje nuk ka flori,
o imzot!
Po ka vuajtje dhe uri,
o imzot!
Si ne France e Ameriqi,
o imzot!

Te me ngresh moj nene
- Petran, Permet 1978

Te me ngresh, moj nene,
me yll te sabahut,
se me presin shoket
tek varri i cobanit.
Nuk ikim nga qejfi,
por ikim nga halli,
o kurbet i shkrete,
o te marrte djalli!

[Sorkadhe_Kelcyre]

Permet


C'me martoi neneja
larg ne Amerike

jasaman aman jasaman oi

sec ma dogji zemren
c'ma keputi shpirt'n
------

digjem pervelohem
tretem si qiri
------

sec i fshiva lotet
me qosh te shamis
------

malli c'me ka marre
per pragun e shpis
------

ta cova nje leter , nje fotografi
shifi neno lotet, lotet porsi shi
jasaman aman, jasaman oi.


p.s. shigjeta, faleminderit per ato tekste te mrekullueshme qe na ke sjelle.

[kumbulla]

Ate dite se harroi kurre
kur mbeta grua pa burre
ai iku ne kurbet
une mbeta vetem nje jete.


ate dite e me su pame
me mall e me lot u ndame
as me foli as e pyeta
ne krahet e tija mbeta
2 femijet qe me ke lene
nje si yll e nje si hene.

mbas nje kohe sh. te gjate
mora vesh se je i gjalle
mora vesh do vije prape
por tani vetullabardhe.

[al_boy7]

po korrigjoj vargjet qe ka sjell kumbulla...


Ate dite se harroi kurre
kur mbeta grua pa burre
ai iku ne kurbet
une mbeta vetem nje jete.

Ate dite e me su pame
me mall e me lot u ndame
as me foli as e pyeta
ne krahet e tija mbeta.

Iku si trungu mbi vale
nuk e di se ku ka dale
nuk e di se ku ka mbetur
eshte i gjalle apo ka vdekur.

Dy femijet qe me ke lene
nje si yll e nje si hene.
jane gezim e shprese per mua
ilac per plaget e tua.

Mbas nje kohe kaq te gjate
mora vesh se je i gjalle
mora vesh do vije prape
por tani lesherabardhe.

[selina_21]

Vene me kembe e vine pa koke

Kam nje kenge per te kenduar
Kam nje dert per te vajtuar
Nje semundje e pasheruar
E qysh nga shekujt e kaluaroooo

Qaj moj zemer e plagosur
Vajto ti moj nena plake
Mergimi djemte ti ka sosur
Ikin e s'te vijne prape

Qan nena me ligje plote
Na iken djemte neper ote
O ç'eshte keshtu o i madhi Zot
Ven me kembe e vijne pa koke

Kenge nga jugu kenduar nga Aurela Gaçe

I luv this song.

[Dorontina]

ehhhh kur jom kon ni vakt i ri
kam majt pushk e kam majt alltiiiiii

[Ali Baba Tepele]

VAJTIMI I NËNËS

Mbi një shkëmb të zbardhëllyer
kishte dalë plak’ e shkretë.
Me duart të kryqëzuara,
tret shikimin thell në detë..!

Ah moj zemër si duronë..!
Si duronë moj e shkretë..?
Më mirë plaçë për gjithmonë,
se sa heq ato që heq.

Ç’qe kështu kjo jeta jonë?
Kush e priste këtë ditë?
U hap përsëri kurbeti,
na mori bijat dhe bijtë.

Mbeti toka si e djegur!
I ka rën flak e pa parë!
Mbenë njerzit qyqyndrakë!
Është bërë.. pëllëmb e varr!

Kush e pruri këtë gjëmë?
Qoft mallkuar për së gjalli.
E kthyen vëndin në lëmë,
të shij dreqi edhe djalli!

Dhjetë pata, e s’u mërzita!
Bijë e bija si u rrita!
Nga të dhjet, asnjë s’kam pranë!
Bijë.. qysh më lat mënjanë ?

Nga ta zë e drithëruar!
Nuk do rrojë sa kam rruar.
Të mos shihja çfar kam parë.
Ca të vdekur, ca të gjallë!

Djal e nuse ç’mi ke bërë?
Det i thellë edhe i gjërë.
Ç'omi, mos m'i mbaj në gji!
Det i madh...det i zi.

Thanë se shkan, e ran në detë!
Thanë se i përpive vetë!
Thanë, e çfar nukë thanë!
Po lot' e nënave ku vanë?

Nga ti hedh sytë më parë?
Keq në detë.., e keq në malë!
Dhe në malet e Greqisë
mbenë bijt e Shqipërisë.

U përmbyçi more male.
More male të rënduar.
Sa kanë mbetur? Sa kanë ikur?
Vallë, i kini numuruar?

Dhe ata që kan arritur
për atë bukë të shkretuar!
Si t'i gjejnë nënat e shkreta?
Kur dhe emrat kanë ndërruar!

Pse u bëtë të liqt e vetes?
U bëtë të mirët e botës.
Djem, o bij.., mendohi mirë.
Vërjani gishtin kokës.

Si ta lëm vëndin të shkretë?
Të humbasim mall e gjënë?
Të mohojmë gjuhën tonë?
Të mohojmë se kemi qënë?

Nuk ngjirohet dhe kurbeti...
Tërë jetën i përkulur...
Nuk ke pikë autoriteti...
Qeseja sa kokër hurdhër...

Mir or bij e kishim zënë...
Rronim qetë në vëndin tënë...
Ishim shok, ishim miq...
Po nuk ishim kaq të liq !

E në kishte gjë që s’shkonte !
S’kish pse bota ta mësonte !
S’kish pse bota ta diktonte !
Gjoja ...sikur na ndihmonte !

Se në botë ka pak miqë.
Ka të mirë, e ka të liqë!
Ka disa që duartrokasin
kur ne njëri-tjetrin vrasim.

Ka dhe ca që na nderojnë.
Kërkojnë të na ndihmojnë.
Po.., sa do të mbaj i huaj?
Po s’punuat në vëndin tuaj?

Pra dhe mikun mbaje mik.
Dhe mos e bëj për të lik!
Por të ligut... tregoj vëndë,
mos i beso vëndin tëndë!

K’të që them, e them nga derti !
Syt e nënës mbenë nga deti !
Zëmër e nënës mir e di,
se do kthehi në shtëpi.

Bij, të keqen nëna juaj !
S’sheh hair në vënd të huaj.
Por punoni, e fitoni.
Vëndin tuaj të ndërtoni.

Kush beson se dielli ynë,
nuk do ndrij një ditë?
Kush mundohet ta pengojë,
diellin që të ndrijë?

Danel Cana tetor 2001

[Dorontina]

Shqiptare te ndershem!



Ilir Shaqiri

"Udhet e mia"

Nga do qe te shkoj
eci dite e nate
m'pyesin zogj't e malit
nuk me lene rehat
M'pyesin ata m'pyesin
sikur nuk e dinë
ku shkojn kosovaret
pse n'kosove nuk rine?
Flm

ehhhhhh