Aliu nuk ishte vetem intelektual,por edhe patriot e atdhetar i madh.Ai ishte sekretar i pergjithshem i Qeverise se I Qemalit me 1912.njeri me shume merita.Ai pervecese nje poet lirik e mjaft i embel.ai ishte edhe poet i kenges Vlora,Vlora,ai ishte poet nbzi Hanko halles,ai ishte poet i vjershes hakerrim etj.Ishte njeri i gjithanshem.Postuar më parë nga ylli hasa
Verte lavdi nbzketij burri me vlera,vlera te cilat diktatura ja la ne hije.
If friends were flowers,I'd pick you!E]
Nestor, me sa di unë UNESCO-ja i ka vendosur të dyja, labe dhe toske. Për këtë gjë mund të bësh kërkime në internet. Në materialin që iu dërgua UNESCO-s përfshihej një video dyorëshe me këngë. Isopolifonia labe u paraqit me këngë nga zona e Himarës, Tepelenës dhe Gjirokastrës, ndërsa ajo toske me Kolonjën dhe Përmetin. Ja ç'thotë Ministria e Kulturës:
Nga sot “Iso-polifonia” jonë popullore, kjo dukuri e jashtëzakonshme e të konceptuarit dhe e komunikimit njerëzor është vendosur në vendin që meriton: në listën e kryeveprave të botës shpirtërore të njerëzimit. Kjo listë e kryeveprave në thelb përbëhet nga fenomene dhe shfaqje dukurish të kulturave shpirtërore të popujve të ndryshëm të botës të cilat qëndrojnë në themel të kulturës njerëzore, dhe që dallohen për frymën dhe llojin unik që ato përfaqësojnë.
Dosja, e përgatitur nga ne, mbështetur kritereve të shpallura nga UNESCO, ndër të tjera, përmbante:
.....
1. Harta të ndryshme të Shqipërisë.
2. 32 fotografi me ngjyra së bashku me negativët të grupeve iso-polifonike shqiptare.
3. Një dokument video 2-orësh i cili ilustron të kënduarin iso-polifonik me zonat si më poshtë:
a. Himara - Lab iso-polyphony
b. Kolonja - Tosk iso-polyphony
c. Tepelena - Lab iso-polyphony
d. Gjirokastra - Lab iso-polyphony
e. Përmeti - Tosk iso-polyphony
.....
Prof. Dr. Vasil S. TOLE
Drejtor i Trashëgimisë Kulturore në MTKRS
Eksperti i përgatitjes së Dosjes së kandidimit të Iso-Polifonisë
Unë të kuptoj, se e kam dhe nga përvoja ime. Një labi që dëgjon vazhdimisht vetëm këngë labe, këngët toske mund t'i duken pak ndryshe e të çuditshme në fillim, por po t'i dëgjosh me kujdes disa herë, të hyjnë qejf. Kanë edhe ato veçantitë e tyre. Unë përpiqem të zgjedh këngë të bukura, po mbase jo gjithnjë ia arrij qëllimit. Në telefonin tim kam këngë nga të gjitha krahinat, labe, toske, çame, dhe nga Veriu. Kur jam në punë dëgjoj nga të gjitha, se po të dëgjosh vazhdimisht vetëm një lloj muzike, të bëhet e mërzitshme.
Të përshëndes me një këngë nga grupi "Buron kënga labe", një nga grupet e reja që më pëlqen më shumë. Çfarë mendon për këtë grup?
Atë xhinde ç'e mundonte - Grupi "Buron kënga labe"
Marrës: Sofo Katiaj
Kthyes: Mujo Lala
Hedhës: Përparim Sulçe
_________
Atë xhinde moj ç'e mundonte
naze, naze, naze moj ku na mblodhe
Mos dielli moj e verbonte
naze, naze, naze moj ku na mblodhe
E shikoja dhe më shikonte
naze, naze, naze moj ku na mblodhe
Synë e zi o ma rrotullonte
naze, naze, naze moj ku na mblodhe
Më e bukura në shoqe
naze, naze, naze moj ku na mblodhe
S'të harroj moj, të kam në mëndje
naze, naze, naze moj ku na mblodhe
Plaç moj plaç o se më çëmënde
naze, naze, naze moj ku na mblodhe
.
Ndryshuar për herë të fundit nga -BATO- : 14-09-2011 më 16:49
Bato miku isopolifonin bota e ka njohur ne nje festival ne France,ku isopolifonine nuk e perfaqesonte asnje nga ato qe ke permendur ti apo ato qe ka futur politika e asaj kohe.Dihet se TVSH eshte nje media qe varet nga politika,spse ushqehet prej saj.Pra nuk ishin as grupet nga Himara,Tepelena,Gjirokastra,le me ato nga Skrapari apo Myzeqeja.Kenget qe kendon pjesa e Laberise se Vlores por edhe Himara jane kenge me shume dinamizem,me bukuri te pashoqe te kombinimit te zereave.Po te them kaq se nqse me ndonje nderhyrje te ndonje politikani liliputo-komunist te dergohej ne keto festivale nje grup nga Skrapari,apo fshatrat e Beratit do te ndodhte nje zhgenjim i plote.Kete nuk e them se jam vlonjat,por une jam njohes i te gjitha kengeve folklorike te vendit tim.Kjo edhe per eksperience moshe.Qe ta marresh vesh o miku Bato,jam ndjekes i festivalit te pare ne RTirana megjithese femije i vogelE kjo vazhdoi gjer me 1990,sepse keto kohet e fundit nuk behet shume art,por thjesht shiten shale,breke e sise nepermjet DVD-ve.Me nje fjale shiten antivlera,sepse ato ua kane zene vendin vlerave.Po te them se kenget folklorike qe nga veriu e gjer ne Konispol i njoh mire,bile edhe me tekste e me emra kengetaresh.Po ta filloje me Sali Manin nga malesia e madhe,ndjese paste,Frrok Haxhine nga Fushe arresi,Drande gegen nga Lezha.Nuk po permend yjet e muzikes popullore te qytetit me kulture e art te lashte,Shkodren.Hidhu pastaj tek virtuozet e gjithe Shqiperise se Mesme.Po beje nje kapercim mbi Fier gjer ne mallakaster se ketu ndryshon hesapi.Pra miku im cfare kujton ti se une degjoje vetem kenget labe!!!???Jo mor bato miku,njohurit e mia jane shume te gjera,jo vetem per muziken shqipetare,por edhe ate te huaj.Jam njohes i mire i kengeve te Sanremos ne vite,te hitparad-ve boterore.Kur une degjoja fshehurazi Bitles apo ABBA-t,Sinatren,Presley etj nuk ke qene i lere fare.Edhe sot une jam fan i muzikes pop dhe kam disqe te Madones e plot kengetareve yje te kesaj rryme.Te bera nje sinoptike te shkurter qe ta kesh parasysh se me ke ke te besh.KLB
If friends were flowers,I'd pick you!E]
Nestor, e di që ti dëgjon çdo lloj muzike, se kam lexuar dhe shkrime të tjera të tuat ku ke folur për muzikën. Nuk thashë që ti s'ke dëgjuar kurrë muzikë tjetër veç labçes, por kjo është dhe çështje shijesh, dhe shijet nuk diskutohen. Mua, ashtu si ty, më pëlqejnë më shumë labet, por ka dhe këngë të veçanta toske që më pëlqejnë.
Mund të kishte dy tema, por duhet të kuptojmë që moderatorët këtu nuk i kanë njohuritë tona për polifoninë, dhe as për muzikën popullore në tërësi. Po të kisha qenë unë moderator do të bëja një organizim tjetër, me ndarje ashtu siç janë në festivalin folklorik kombëtar, por të jemi të kënaqur dhe me kaq, sepse dikur kjo temë ishte si mos më keq. Kur erdha këtu temën e gjeta të mbushur me rrakadake elektronike (turbofolk) dhe këngë me saze. Kam diskutuar gjatë me stafin derisa më në fund tema u pastrua dhe hyri në shinat e muzikës së vërtetë polifonike.
Për këngët labe jam i një mendimi me ty, kemi të njëjtën shije. Edhe mua më pëlqejnë më shumë ato të Labërisë së Sipërme. Për përzgjedhjen e këngëve polifonike që paraqiten në arenën ndërkombëtare, jam i sigurt se ata që i kanë në dorë këto gjëra ndonjëherë vendosin me tifozllëk, po çfarëdo që të bëjnë, e vetmja gjë që bëjnë është se i bëjnë dëm paraqitjes së Shqipërisë.
Unë nuk po zgjatem më dhe me kaq po e mbyll këtë diskutim. Kam ndërmend të sjell shumë këngë të tjera në këtë temë. Disa i kam përfunduar e të tjera jam duke i dëgjuar. Të ftoj edhe ty miku im që të vish herëpashere këtu, qoftë me këngë, qoftë me komente. I duhesh kësaj teme, sepse ti ke një përvojë më të madhe jetësore se unë.
Kalofsh mirë!
Rashë e pashë një ëndërr – Këngë labe
Rashë e pashë një ëndërr'ë
unë e zeza moj nënë
Qysh e pe dhe qysh t'u bë
çupë e bijë e nënës'ë
Më zu ferra këmbën'ë
unë e zeza moj nënë
Hesht moj bijë se s'është gjë
çupë e bijë e nënës'ë
Rashë e theva shtëmbën'ë
unë e zeza moj nënë
Ku e pate mëndjen'ë
çupë e bijë e nënës'ë
Kaq e pashë dhe s'mbaj mënd më
unë e zeza moj nënë
Ëndrrat dalin një me një
çupë e bijë e nënës'ë
Ndryshuar për herë të fundit nga -BATO- : 18-09-2011 më 07:00
Dola një ditë në verë - Këngë toske (Skrapar)
Dola një ditë në verë
dhe moj (përsëritet pas çdo strofe)
të shëtis e të marr erë
Nëpër vreshta, nëpër ara
gjeta një lule përpara
Burbuqe e hapur me vesë
trëndafil me të vërtetë
Zgjata dorën që ta pres'ë
ç'mu këput kjo zemër e shkretë
Ç'ke moj zemra ime, ç'ke
pse ule kokën dhe re
Pse rënkon e psherëtin'ë
hiq marazin që t'u lidh'ë
Nuk mundem ta heq o lumë
sepse më ka prekur shumë
Aq shumë më ka prekur mua
maraz tjetër unë nuk dua
Shqipëri moj hallemadhe – Këngë labe
Marrës: Nazif Çela
Shqipëri moj hallemadhe
do ta ndryshojmë çehren
Hidhi vallet përmbi halle
mos e bëj qejfin qeder
Vuri supet kësaj barre
siç e bëjnë kombet e tjerë
Falua gabimet që patën
se çdo brez ka një defter
Ballkanike, evropiane
shtroje hapin me lezet
Në sofrën tënde bujare
dheu hi të bëhet verë
Në jetën tradicionale
do vemi, ku edhe lemë
Ca në fusha, ca në male
ca do vjelnë e ca do shtjenë
Do bëjmë dhe festivale
dasmat do t'i bëjmë model
Do t'u themi - Moshatarë
si e shijoni kafenë
Moj e bukura sa s'ka - Këngë labe____________
Moj e bukura sa s'ka
moj Vasillo
të vdiq pashai dhe të la
moj Vasillo
Kuja, kala më kala
moj Vasillo
se të kish ëngjëll në krah
moj Vasillo
Se i thoshnë Ali Pasha
moj Vasillo
dhe ti qengjurinë ndër krahë
moj Vasillo
Në moshë si bijë e baba
moj Vasillo
gjeraqinë e heshtur - tha
moj Vasillo
Gjithë hazineja¹ që la
moj Vasillo
pa ty s'vlen asnjë para
moj Vasillo
Moj e bukura sa s'ka
moj Vasillo
të vdiq pashai dhe të la
moj Vasillo
1. pasuria
Ç'po qëndis moj Marigo – Këngë labe (Lapardha, Vlorë)
Ç'po qëndis moj Marigo
me majën e gishtit'o
Shoqe moj, motër moj
motra jonë Marigo
(përsëritet pas çdo strofe)
Shkabën e flamurit'o
flamurin e shqipes'o
Qëndise moj zemër'o
krenarinë e kombit'o
Një ditë malit dola - Këngë labe (Dukat, Vlorë)
Një ditë malit dola
kundruall qëndroja
Mbushur cicërima
lule dhe aroma
(përsëritet pas çdo strofe)
Vatanet e mia
malet, deti, bora
Si drita më erdhi
vasha që unë doja
Shtruar kuvendova
mbi gjethet e njoma
Ajo loz me mua
unë nazet i doja
Këngët shqipëtare, janë këngët e mija
Marrës Nazif Çela
Paro (Përparime Ziflaj)
Kthyes Mehmet Visha
Hedhës Hyso Xhaferri
Këngët shqipëtare, janë këngët e mija
perëndeshë e madhe, është polifonija
Shqipëria ime, mal-ë o gur i çmuar
të kam në gëzime, xhevahir në duar
Këto janë këngët, këto janë vallet
e nisin thëllëzat, e presin sorkadhet
Labëria ime, mal-ë o gur i çmuar
Të kam në gëzime, xhevahir në duar
Kur ia thonë bilbilat, tundet Shqipërija
çel edhe bajamja, çel edhe qershija
Labëria ime, mal-ë o gur i çmuar
të kam në gëzime, xhevahir në duar
Kur ia thotë dyjarja, ëmbël me të dyja
si violinë xambarja, buron melodija
Shqipërija ime, mal-ë o gur i çmuar
të kam në gëzime, xhevahir në duar
Përshëndes me këtë këngë të gjithë dashamirësit e këngës labe.
Gëzime paçi gjithmonë!
Ndryshuar për herë të fundit nga baaroar : 22-12-2011 më 17:19
Vashëz e Bregdetit
Marrës Genti Çela
Hedhës Isa Çela
Hodhe hapin vashëzë, të dëgjova,
Hape syrin në ëndërr, ëndërrova,
Vashëz e Bregdetit!
Valë përmbi valë, ç’të kërkojë,
Ëndërr nëpër ëndërr, ëndërrojë,
Vashëz e Bregdetit!
Më trokiti zëmra, nuk durova,
se ç’e mora ëndrrën dhe e zgjova,
Vashëz e Bregdetit!
Valë përmbi valë, ç’të kërkojë,
Ëndërr nëpër ëndërr, ëndërrojë,
Vashëz e Bregdetit!
Lule përmbi lule, petalet mblodha,
Përmbi valë deti se ç’t’i hodha,
Vashëz e Bregdetit!
Valë përmbi valë, ç’të kërkojë,
Ëndërr nëpër ëndërr, ëndërrojë,
Vashëz e Bregdetit!
Jane kater YJE,qe kendojne nje kenge.
O BATO.
Po munde na gjej pak kengen me titull DIL MOJ DIL,TE DALTE RRENJA,nuk me kujtohet grupi qe e kendon,po me duket se eshte JEHONA LABE??
Ndryshuar për herë të fundit nga Alti Elezi : 24-12-2011 më 17:30
Dil moj dil, të daltë rrënja - Grupi "Jehona labe"
Dil moj dil, të daltë rrënja
Hape penxherenë nga lëma
Të dëgjosh si vete kënga
Mos u trëmb, se nuk vij brënda
Dhe në ardhça, s'bënet gjëma
http://www.youtube.com/watch?v=2MODZ...ature=youtu.be
THNX,je i madh....nqs mundesh ta gjesh me video,ka qene me pare ne youtube po nuk eshte me.
Ndryshuar për herë të fundit nga Alti Elezi : 25-12-2011 më 15:45
Marika moj - Labe (Himarë)
Marrëse: Katina Bejleri
Marika moj, aman, aman
të kam shpirt e të kam xhan
Ç'e do, tani fuqia ra
fajin e ke ti mor' maskara
Të shtatë thikat ja ku i kam
me një ma more shpirt e xhan
Marika moj, ti je moj, je
shtatin ma ke si minare
E në je burrë me trimëri
ç'ke për ta bërë, bëje tani
Një përshëndetje të veçantë për të gjithë dashamirësit e këngës polifonike, të bregut, të lumit e të malit!
Një dolli, sot në mbrëmje do ta ngrej për shëndetin tuaj, për njerëzit që i doni dhe ju duan.
Një vit më të mirë e të mbarë, ta gëzoni, kudo që ndodheni!
Gëzuar Dalan! Qoftë ky një vit i mirë e i mbarë për ty dhe familjen tënde! Uroj gjithashtu të gjithë dashamirësit e tjerë të këngës polifonike: të keni shëndet, lumturi, dhe ju plotësofshin këtë vit dëshirat e paplotësuara!
Po vij sot me një këngë tjetër të grupit "Buron kënga labe", një grup i përzier këngëtarësh nga bregu, lumi e mali.
Vajzë me nishan në faqe - Grupi "Buron kënga labe"
Marrës: Viktor Nanaj
Kthyes: Mujo Lala
Hedhës: Sofo Katiaj
_________________
Ku shkon vajzë kaq e nxituar
synë e vetullën e shkruar
moj flutur e fluturuar
të mbetën shtëmbat në duar
Vajzë me nishan në faqe
eja të shkëmbejmë dy llafe
(përsëritet pas çdo strofe)
Të ka stolisur bandilli
unazë me gur xhevahiri
veshur me gjerdan floriri
ty të ndrin gusha dhe gjiri
Moj faqekuqja si shegë
që më rri varur në degë
kam një hall e kam një brengë
për ty malli ç'po më djeg'ë
Syri i zi, rrushi pa farë
mbase vjen këtë behar'ë
trupi yt rritur si ngjalë
nesër mbrëma do të marr'ë
Vetullën margaritar'ë
vallë nga hëna e ke marrë
e vogël, shpirtin ke vrarë
balluket kurorë mbi ballë
Legjenda e Qyqes është e njohur në krahinën labe dhe për të ka disa këngë. Disa studiues dhe kërkues të kësaj fushe thonë se legjenda rrjedh nga një ngjarje e vërtetë dhe vendlindja e saj mund të jetë në këtë krahinë. Sipas tyre, dy vëllezër të quajtur Kuk dhe Qurk, duke qethur dhentë, vriten, ndërsa motra e tyre (në mënyrë figurative) nga hidhërimi kthehet në qyqe.
Emrat Kuk, Qurk, Gjon, Gjin, Dhoqina, janë emra mesjetarë dhe legjenda mund t'i përkasë kësaj periudhe, por besimi se qyqja është një vajzë e kthyer në qyqe nga hidhërimi, është i vjetër dhe këto vijnë që nga kohët e lashta të besimeve pagane. Nga kjo legjendë e ka burimin shprehja-mallkim që përdoret edhe sot: "U bëfsh qyqe!"
Qyqja - Labe (Tragjas,Vlorë)
Bien zilet nëpër male
ulërin cula dyjare
blegërin delja manare
se një stan u shua fare
(o Gjon, o Gjon)
Qyqe, qyqe, moj Dhoqije
Gjon e Gjin na u bënë hije
(përsëritet pas çdo strofe)
Duke qethur dashin llajë
te shtrunga, brënda në tëndë
Gjonit i shkau gërshëra
të vëllanë e preu rëndë
Kur e pa mbytur në gjak'ë
shtrirë si një sorkadh mali
vetes ia mbajti në bark'ë
pranë e pranë u doli xhani
Kur erdhi motra nga gurra
pa dy zogj që fluturuan
të dy veshur si dhëndurë
tutje lugjeve kaptuan
Nëpër maja, nëpër brigje
lajthiti si kallogre
nga hidhërimi u bë qyqe
s'dihet ku ngriti fole
Kur çel lulja në pranverë
tre zogj dalin dhe këndojnë
dy vëllezër dhe një motër
njëri-tjetrin po kërkojnë
Regullat e Postimit
Përgjigju Duke Cituar
Krijoni Kontakt