Na ka dal nji ganxhe re

[Brari]

era karajfil po i vjen.....thot nji keng shkadrane..


Ja cthot Balkanwebi..
------
TIRANE (4 Qershor) - Lajmi eshte nga ata qe bejne xhiron e botes: Nje kryetar shteti qe hetohet per lidhje me Mafian dhe organizimin e kondrabandes se cigareve. Sipas akuzes se DDA te Barit, Presidenti Milo Gjukanovic, kishte themeluar, organizuar dhe drejtuar se bashku me Sacra Corona Unita si dhe Camorra, nje trafik prej mijera tonelatash cigare nga Mali i Zi per ne brigjet pulieze
. Duke pasur dijeni per gjendjen e shtetit federal te Malit te Zi, shume vezhgues e kane percaktuar si ne nje model te shtetit mafioz, ku kondrabanda e cigareve duket si nje e keqe e vogel, kundrejt trafiqeve me te fokusuar ne vemendje qe jane droga, armet, qeniet njerezore. Por kondrabanda e cigareve na kthen pas ne histori, na fton te refelektojme per marrdheniet e tregetise ilegale dhe tregut boteror dhe rizgjon kujtimet per 10-vjecarin qe sapo kaluam. Kam kaluar tre dite dhe dy nete ne portin e Durresit ne tetor 1992 per te koordinuar punen e ndihmave qe dergoheshin ne formen e ndihmes se pare ne malet e Veriut te Shqiperise. Ne ate vjeshte me stuhi, prurjet e medha te ujit kishin goditur rende nje pjese te zones se Pukes, duke i lene njerezit pa furnizim dhe mjete te tjera te nevojshme. Drejtori i portit te Durresit na vuri ne dispozicion magazinat per shkarkimin e mallrave, qe vinin nga Italia dhe cdo pako peshonte rreth 32 kilogram. Magazinat ishin te medha dhe nuk kishte gje ne to, pasi edhe gjendja e ekonomise shqiptare ne vitet e para konsiderohej ne "tranzicion". Por ne keto ambjente te boshatisura dalloheshin posterat e cigareve "Malboro". Ndersa ne dysheme mund te shikoje cakmake...qe i perkisnin kesaj marke cigareje e deri te tek nje tavoline druri qe mbante shenjen e kesaj marke nderkombetare. Natyrshem me erdhi te pyesja drejtorin e portit per kete "prezence te cuditshme". Dhe ai mu pergjigj: "Qe prej vitit 1985 kemi organizuar trafikun e cigareve Marloboro ne drejtim te Italise. Niseshim gjate nates dhe e dinim se ku dhe kur duhet te conim mallin. Nga ana tjeter e detit na prisnin italianet qe kishin marrdhenie shume te mira me policine lokale, prandaj gjate rruges nuk kemi patur probleme". Pyejtes time te cilter, sesi i shpetonte ky trafik kontrolleve te rrepta te regjimit te Enver Hoxhes? - drejtori iu pergjigj duke qeshur: "Ishte vete shteti qe organizonte keto trafiqe. Krijonte lidhjet me shoqerite e medha te cigareve per te nxjerre ndonje perfitim. Gjate negociatave duhet te ishin shume te kujdeshem me cmimin sepse perndryshe ..... Marloboro i kercenonte duke u thene se do te lidhej me shtetet e tjera fqinje. Vinin tek ne pasi kenaqeshim me pak. Edhe sot kush vjen per te bere biznes, vjen pikerisht per kete". Kjo histori me ka ardhur shpesh here nder mend, gjate fillimit te viteve 90, kur filloi historia tragjike e skafisteve qe transportonin drogen dhe klandestine ne kerkim te nje te ardhmeje me te mire. Shqiptaret ishin pershtatur me ndryshimet dhe me maredheniet shoqerore te kosoliduara prej kohesh. Nuk mund te improvizohet aty per aty nje trafik ilegal. Raportet e Sacra Corona me Shqiperine kishin ekzistuar edhe me pare, kishte dale nje eksperiment me sukses, edhe me korruptimin e agjenteve italiane. Por raporti mes shtetit dhe kontrabandes, nuk eshte nje karakteristike e vendeve ballkanike, por nuk eshte as ndonje anomali, kjo faze e ngritjes se tregetise ilegale. Historia e zhvillimit te kapitalizmit eshte karakterizuar nga relata te rendesishme mes shtetit, qofte ky edhe demokratik apo me tradita qytetare. Apo e thene ndryshe eshte nje histori me tre subjekte kryesore: shteti, kriminelet dhe ndermarrjet e medha kapitaliste. Te gjitha keto se bashku mund te japin nje perkufizim te fenomenit te njohur me emrin kontrabande. E cila ka arritur ne perfeksionin e vet gjate procesit te modernizimit, eshte perhapur tek popujt dhe kulturat e tjera, sidomos kur kemi nje nderthurje me interesat nderkombetare. Te mendosh per kontrabanden e aparateve nukleare, nje fenomen shume i rendesishem ne ditet tona apo per kontrabanden e diamanteve, nga Afrika perendimore ne drejtim te Europes, e sponsorizuar nga ndermarrja kryesore e ketij sektori, De Beers, e cila ka sjelle shume viktima dhe luftra per kontrollin e tregut. Te futesh kontrabande diamanit ne Europe do te thote te evitohen pagesat neper dogana. E cmund te thuhet me pas per trafikun e organeve? E me pas per cigaret, i shkreti Gjukanovic. Nese ai eshte "kapur me presh ne duar", vetem per kete ceshtje, nuk do te shkoje ne gjyq, por ne nje qender te rehabilitimit mendor. Ndersa rasti i kondrabandes se cigareve ne kohen e regjimit komunist te Enver Hoxhes, eshte gati i pakonceptueshem. Akoma me i pakonceptueshem per ne italianet eshte fakti se kjo kondrabande eshte bere per vite me radhe, dhe nderkohe nuk eshte mesuar asgje, qofte nga shtypi, qofte nga sherbimet sekrete. E gjithe kjo duket eshte kryer ne menyre perfekte dhe lidhjet e Cosa Nostra me struktura shteterore apo te policise ne ate kohe duhet te kene qene shume te forta. in/an (Il Manifesto/BalkanWeb)
----------------

Jo nga 1985 por gjat gjith regjimit te Enverit eshte bere kontrabande ne Shqiperi me Mafien.

[kosovar]

Frika e kolumbianizimit te Shqiperise


Mustafa NANO

Të përditshmet e djeshme italiane i kishin kushtuar shumë vëmendje operacionit të policisë italiane të titulluar "Kanun", si rezultat i të cilit janë arrestuar njëqind shqiptarë të përshirë në një rrjet kriminal, që kontrollon trafikun e drogës, klandestinëve e prostitutave. Konkluzioni në të cilin kanë arritur italianët është shumë dramatik, por përpara se ta thonë ata, është thënë edhe këtu nga brenda nga më shumë se një njeri: Shqipëria po shndërrohet në Kolumbi e Europës. Eshtë e vërtetë? Këtë nuk e dimë ende, por nga sa duket, nuk është çudi të jetë kështu. Me pak fjalë, kjo do të thotë se industria më e madhe prodhuese në vendin e shqipeve e ka emrin trafik, kjo do të thotë se paratë më të shumta qarkullojnë në rrugë ilegale, e nuk i nënshtrohen asnjë kontrolli shtetëror, kjo do të thotë se pjesa më e madhe e investimeve të kryera deri më sot janë financiarisht të dyshimta, kjo do të thotë që ligji, shteti e institucionet e tij janë aktorë të dorës së dytë apo të tretë në skenën shqiptare, kjo do të thotë më në fund që loja demokratike që konsumohet në sy të qytetarëve të këtij vendi, ose është një vetëgënjim i madh, ose përbën grimin që përdor mafia, ndërsa synon të kontrollojë gjithçka. Në këtë optikë të gjërave, çdo zhurmë politike që bëhet në Tiranë të ngjan në rastin më të mirë me një lojë budallenjsh, dhe çdo politikan i zëshëm të ngjan me një marionetë, që lëviz sipas komandave që vijnë nga diku e nga dikush. Nuk është e vështirë të përfytyrohet se sa idioteske është në këtë mes beteja për të zgjedhur presidentin, d.m.th. një qyqar që s'ka e s'do të ketë asgjë në dorë, ashtu si kryetarët e partive, ministrat, kryeministrat. Kuptohet, në rastin kur nuk kanë të bëjnë me rrjetin e krimit të organizuar. Aq më idioteske është pjesëmarrja në këtë lojë presidenciale. Pjesëmarrja gazetareske, gjithashtu.
Kur italianët ta hapin mirë thesin e të vërtetave që njohin, do të merret vesh më mirë se deri ku ka shkuar kolumbianizimi i këtij vendi. Sa kohë që ky thes nuk është hapur, është më e udhës t'i vëmë fre tundimit për përsiatje, komente e analiza, nëpërmjet të cilave duam të vizatojmë këtë realitet, brenda të cilit jetojmë, por të cilin nuk e njohim aq sa duhet. Ose e njohim, por bëjmë sikur nuk e njohim. Dhe kështu heshtim; heshtim përballë çdo poshtërsie e tutkunllëku të politikës sonë. Poshtërsia është kur politika është pjesë e mafies, ndërsa tutkunllëku është i disa politikanëve e gazetarëve, të cilët e marrin shumë seriozisht "dialektikën" demokratike të Tiranës, gjë që i bën të rreshtohen me zell e të angazhohen me entusiazëm në betejat e njëpasnjëshme politike.
Përse është kjo situatë? Nuk mund të jetë një situatë e ndryshme. Politika jonë nuk mund, veçse të bashkëjetojë me krimin. Edhe sikur të mos jetë e përfshirë në rrjetin e krimit, ajo është edhe pjellë, edhe gjeneruese këtij krimi, ashtu siç është bashkudhëtare me të drejt një dreq e di se ku. Kemi një President të Republikës, i cili, ndonëse nuk ka bërë asgjë për të parandaluar kolumbianizimin e Shqipërisë (ndoshta "pafajësisht" nuk di asgjë nga ato që duhet të dijë), kërkon të rizgjidhet sërish President i Republikës. Kemi një ish-president, bodigardët e të cilit (kjo është më e pakta që mund t'i përmendet) ose janë të kërkuar nga policia, ose vriten nga policia; dhe ky po kërkon pushtetin e humbur. Kemi një kryetar të partisë në pushtet, i cili njëherë kërkon solidaritetin e opinionit publik në luftën kundër të korruptuarve, dhe njëherë tjetër kërkon solidaritetin e të korruptuarve për t'u zgjedhur kryetar shteti. Kemi një parti në pushtet, e cila as që e vë ujin në zjarr kur në krye të një dege lokale zgjidhet një njeri që ka qëlluar me armë mu në mes të Parlamentit. Siç shihet është një politikë, e cila, edhe kur s'ka të bëjë me mafien, nuk e kërcënon këtë të fundit. Përkundrazi, krijon terrenin, ku pema e mafies mund të harlisë për bukuri.
Shekulli

Pas rastit Mazreku

Shume lexues te gazetave qe kane pare dje nje lajm te shkurter dhe pa asnje koment, ate sipas te cilit ne konferencen e Partise Socialiste te Hasit eshte zgjedhur Kryetar, Gafurr Mazreku, natyrisht qe duhet ta kene konsideruar gabim. Per nje lexues te vemendshem, me shume se sa nje politikan, Gafurr Mazreku perfaqeson nje vrases, nje ish deputet qe pa mbushur ende tre muaj nga betimi i tij qelloi ne sallen e parlamentit kolegun e tij te Partise Demokratike, Azem Hajdari. Shume te tjere e mendojne ate ende ne burg, duke kryer denimin e tij prej 11 vjetesh, te dhene jo pa buje nga gjykata shqiptare disa vjet me pare. Por fatkeqesisht nuk qenka keshtu. Gafurr Mazreku ka dale nga burgu pa kryer ende gjysmen e denimit dhe pa as me te voglin pendim per gjestin kriminal, i ka rihyre perseri profesionit fitimprures, atij te politikanit. Ai eshte zgjedhur ne krye te partise Socialiste te Hasit, duke deshmuar, jo vetem mungesen absolute te pergjegjshmerise se kesaj organizate, por mbase edhe tendencen e nje pjese te partise roze. Tendence qe ne menyre te hapur sfidon cdo parim moral dhe glorifikon nje njeri qe pa asnje shkak ka shkrehur armen mbi nje koleg te tij.

Eshte ende i fresket ne kujtesen e shume shqiptareve 18 shtatori i vitit 1997, kur nje zenke banale ne parlament u interpretua si nje konflikt kanunor. Kur nje deputet i PS, nje prej atyre njerezve qe me shume se kushdo duhet te luftojne kunder kanuneve absurde, ne emer te tij qelloi nje deputet konkurent. Vete Nano, Kryetar i Ps dhe Kryeminister e konsideroi Mazrekun, "nje kriminel ordiner i fshehur mes nesh". Pese vjet me vone, ai eshte rikthyer serish.

Socialistet kane deklaruar dje se nuk do ta njohin kandidaturen e Mazrekut dhe mund te ndodhe realisht keshtu. Por nje vendim i tille, qe me shume mund te quhet makiazh, nuk e fsheh dicka qe ka me shume vlere ne nje rast si ky. Ate qe nga nje organizate e rendesishme e partise, nje vrases konsiderohet me i denje se cdo njeri tjeter atje. Qe nje njeri qe ka shkelur ligjin ne tempullin e ligjit, ne parlament, jo vetem qe nuk denohet nga ish koleget e tij, por madje nderohet me shume. Veshtire te gjesh nje rast te ngjashem ne bote dhe veshtire qe dicka e tille te kalonte vetem me nje justifikim te shefit te marredheniet me publikun te partise. Morali i politikes shqiptare eshte gjeja qe kane ngritur me me force te gjithe kritikuesit e saj. Dje, me shume se kurdo eshte treguar se kjo politike nuk ka moral dhe se per anetaret e nje partie qe drejton prej pese vjetesh vendin, nje vrases ka me shume vlere se kushdo tjeter atje.

Kush është ambasadori i ri amerikan në Tiranë


Z. Xhejms Xhefrej eshte diplomuar ne universitetin e Northeastern-it dhe ka mbrojtur doktoraturen ne universitetin e Bostonit. Diplomohet gjithashtu edhe ne universitetin e Sorbones. Ne vitet 1969-1976 sherben ne ushtrine amerikane perkatesisht ne Gjermani dhe pastaj ne Vietnam. Hyn ne departamentin amerikan te puneve te jashtme ne 1977. Ka sherbyer ne Uashington, Tunizi, Bullgari dhe Gjermani. Gjithashtu ka punuar edhe si keshilletar i ambasadorit amerikan ne Kuvajt. Ka punuar si shef i konsullates ne Adana dhe me pas si zevendes ambasador i SHBA ne Ankara (ndersa sherbente edhe ne postin e specialistit te ceshtjeve politike dhe ushtarake). Pervec anglishtes, zoteron gjuhet frenge, turke, gjermane dhe bullgare.

Kurrieri

[Albo]

Qeveria Italiane po ben ate qe qeverite paraardhese nuk e kane bere pasi simbioza krim i organizuar - pushtet ne Itali ka 50 vjet qe egziston. Eshte kjo arsyeja qe qeveria asnjehere nuk ka gjetur stabilitetin e duhur politike. Mirepo ne zgjedhjet e fundit ne Itali, ndodhi nje cudi e madhe(per italianet), te djathtet fituan shumicen ne te dyja dhomat e parlamentit, dhe tani kane mundesi qe jo vetem te qeverisin nje mandat te plote 4 vjecar, por te adresojne edhe problemin e krimit te organizuar.

Italia nuk po pastron vetem Italine nga kriminelet shqiptare, po perkundrazi, ne bashkepunim me disa vende te tjera europiane ne BE por thurrin politika qe ta c'rrenjosin krimin edhe ne brigjet e Adriatikut, Shqiperi, Mali i Zi apo Greqi.

Eshte kjo arsyeja qe Nanos i duhet presidentlleku (pasi presidentet kane imunitet e nuk i ze ligji), eshte kjo arsyeja qe Meta kerkon te dali ne krye te PS-se. Kur del ne shesh macia, minjte nuk gjejne vrime ku te futen ...